Post: #4 Title: Re: الفين جنيه .. الفين جنيه من امو ما بجيبنو .. Author: مصطفى نور Date: 05-22-2022, 05:48 PM Parent: #3
والله ياقباني عايز تراجعنا للزمن الجميل والله العظيم كنا نتباري فى كره القدم موت احمر والفائز بجيبوا ليهم علبه اناناس بارده بقرش ونص اتخيل الرقم ده من دكان عم احمد اليماني فى الشهداء كان دكانه جنب اهلك ناس عم الريح القباني وعبداللطيف القباني وصديق القباني فى الشهداء كان بيتنا الفيهو الان مول امدر ومحلات عاصم وعاصم حي الشهداء وكنا مرات نلعب على صندوق حلاوه سعد او ريا سعر الصندق قرشين والله زمن والكلام ده قريب يعني سنه 1965 زمن الجنيه السوداني بي اربعه دولار والجنيه السوداني بي 13 ريال والامارات ماعندهم درهم ولا عندها استقلال لكن كلوا ضاع عارف انا مشيت ابوظبي بالخطوط الجويه السودانيه سودان ايروز سنه 1981 بي 17 جنيه ماشي وجاي ومشيت امريكا عام 1983 ماشي وجاي بي الخطوط الفرنسيه بزنسس كلاس بي 214 جنيه وماجيت راجع رسلت التذكره لي ابوي عليه رحمه الله رجع تذكره الرجوع للخطوط الفرنسيه اعطوه 101 جنيه راجعه والله كلام زي الحلم تعرف انا سنه 1975 لقيت لي وانا راجع من المدرسه كيس قماش كان مكتوب عليه السودان كان يستعمل زي الجزلان لقيت لي 75 جنيه كان اكبر عمله الوقت داك 10 جنيه المهم احتفظ با المبلغ شهور وبلغ ناس نقطه البوليس الكانت فى سوق امدرمان فى المحطه الاوسطي وقال ليهم اي زول يجي يفتح بلاغ فقدان قروش انا دكاني فى نفس الشارع واعطاهم الاسم وكان الضابط بعرف ابوي المهم شهرين مافي زول ظهر ابوي قال هاك قروشك شالتهم الوالده واعطتني جنيه يازول الجنيه ده انا كنت عايش ملك برسل اخواني الكبار الدكان وواولاد الحله واتكرم عليهم بقرش والدنيا كلها عايزه تترسل لي ههههه زمن والله