Post: #1
Title: صه .. فانت بيطريٌ لا طِبّاً بلغت و لا زراعة ..
Author: يحي قباني
Date: 05-14-2022, 03:59 AM
Parent: #0
02:59 AM May, 14 2022 سودانيز اون لاين
يحي قباني-فى الدنيا العجيبة
مكتبتى
رابط مختصر
صه .. فانت بيطريٌ
لا طِبّاً بلغت و لا زراعة ..
عمنا سالم .. حريف وست .. لو حسبنا احرف خمسة لعيبة وست في السودان .. بالراحة يجي الاول ..
كان في المعاش لكن شلتو حقة الوست اولاده و اصهاره واصحابهم .. و كلهم مهنيين و مثقفين ..
و لانهم حرفا .. و في حضرة احرف لاعب وست في السودان .. الزمالة بالجر ..
مشكلة الجر .. و رغم انه عم سالم مقطعها .. لكن الجميع بخاف من زمالته لانه نسبة الغلط البسمح بيها صفر في المية .. خاصة اولاده لانه بكورك فيهم عادي ..
زوج بتو طبيب بيطري علم في شغله .. و حريف جدا .. و هو شوية بخف عليه لو غلط و ما بكورك فيو شديد زي اولاده ..
الامسية ديك وقع زميله .. و اللعب سجال .. قام قص ليو قصه ضيع عليهم السيك ..
عمك سالم خت الورق و بدا يحاضر في نسيبو .. و نسيبو ساكت عشان ما يرفع الحراره .. لكن عمك سالم زعلان شديد من السيك الراحت و ماسك رقبتو ما داير يشتم نسيبو .. و عمك سالم لسه بشرح فجأه نسيبو قال ليو .. يا عم سالم ما خلاس نشوف غيرها !!
عمك سالم فاض بيو و قرر يكورك في نسيبو الطبيب البطري المشهور لكن ما داير يغلط فيو (المفروض) و قامت مرقت منه الجمله المشهورة ..
" صه .. فانت بيطريٌ
لا طِبّاً بلغت و لا زراعة .."
|
Post: #2
Title: Re: صه .. فانت بيطريٌ لا طِبّاً بلغت و لا زراعة
Author: بدر الدين الأمير
Date: 05-14-2022, 05:39 AM
ههههه
انك من نمير
لاكعب بلغت ولاكلابا
يقال ان الشاعر الحطيئة في
هذا البيت من قصيدته
الشهيرة في هجا الزربقان
بن بدر قد كسرة شوكت
قبيلة بكاملها
عمك ياقبانى طلع حريف وست وحريف هجا
|
Post: #3
Title: Re: صه .. فانت بيطريٌ لا طِبّاً بلغت و لا زراعة
Author: shaheen shaheen
Date: 05-14-2022, 06:49 AM
Parent: #2
التحية والتقدير للوالد العزيز د. محمد سليمان شاهين.
من الرعيل الاول للاطباء البطريين السودانيين .. خدم بكل نزاهة وشرف فى جميع اصقاع السودان , عملاً وتدريساً.
ورفض عرض جامعة ميسورى فى الولايات المتحدة الامريكية بالبقاء فيها بعد انتهاء دراساته العليا عن امراض الدواجن , وفضل الرجوع لوطنه , فكان جزاء سنمار باحالته بالفصل للصالح العام مرتين , فى 1983 , ثم عودته بعد انتفاضة مارس/ ابريل 1985 , ثم احالته مرة اخرى للصالح العام فى 1989
اشعر بالفخر والعزة اننى ابن طبيب بيطرى يسارى , كان يُدرك اهمية هذا القطاع بالنسبة لبلد مثل السودان , ابن وادى حلفا الريفى والمقبول لدراسة الطب البشرى فى جامعة الاسكندرية , اختار بمحض ارادته دراسة الطب البيطرى بعد ان شاهد وفاة بقرة اثناء عملية ولادة متعثرة وانهيار صاحبها كأنه فقد ابن عزيز.
الوالد اختار طريق الايمان بالفكر اليسارى العلمانى , وكتب ثلاث كتب (1) خواطر طبيب بيطرى (2) ابو عكاز (3) عثمان اُرم (4) ومخطوطة لم تنشر عن النوبين فى الكتب المقدسة , واخرى رواية عن تهجير اهالى وادى حلفا.
فى عمره التسيعنى , لك التحية ايها الجميل , ولكل الزراعيين السودانيين , من حلموا بنهوض اقتصادى يستند على الزراعة والثروة الحيوانية , صحيح ان حلمهم قد فشل , لكن متى كانت الاحلام تتحقق فى هذه المبولة.
عندما يأتى من يفهم فى دفة القيادة , بعد مئأت السنين , ستكون كليات الزراعة والطب البيطرى هى كليات القمة , وستكون هى الطريق لنهوض اقتصادى حقيقى.
|
Post: #4
Title: Re: صه .. فانت بيطريٌ لا طِبّاً بلغت و لا زراعة
Author: يحي قباني
Date: 05-15-2022, 00:40 AM
Parent: #3
Quote:
ههههه
انك من نمير
لاكعب بلغت ولاكلابا
يقال ان الشاعر الحطيئة في
هذا البيت من قصيدته
الشهيرة في هجا الزربقان
بن بدر قد كسرة شوكت
قبيلة بكاملها
عمك ياقبانى طلع حريف وست وحريف هجا |
الله يرحمه يا بدر
كان رجل مدرسة .. و حكيم في كل شي .. اللهم الا الوست .. ما عنده كبير .🙂
|
Post: #5
Title: Re: صه .. فانت بيطريٌ لا طِبّاً بلغت و لا زراعة
Author: يحي قباني
Date: 05-15-2022, 00:58 AM
Parent: #4
Quote:
التحية والتقدير للوالد العزيز د. محمد سليمان شاهين.
من الرعيل الاول للاطباء البطريين السودانيين .. خدم بكل نزاهة وشرف فى جميع اصقاع السودان , عملاً وتدريساً.
ورفض عرض جامعة ميسورى فى الولايات المتحدة الامريكية بالبقاء فيها بعد انتهاء دراساته العليا عن امراض الدواجن , وفضل الرجوع لوطنه , فكان جزاء سنمار باحالته بالفصل للصالح العام مرتين , فى 1983 , ثم عودته بعد انتفاضة مارس/ ابريل 1985 , ثم احالته مرة اخرى للصالح العام فى 1989
اشعر بالفخر والعزة اننى ابن طبيب بيطرى يسارى , كان يُدرك اهمية هذا القطاع بالنسبة لبلد مثل السودان , ابن وادى حلفا الريفى والمقبول لدراسة الطب البشرى فى جامعة الاسكندرية , اختار بمحض ارادته دراسة الطب البيطرى بعد ان شاهد وفاة بقرة اثناء عملية ولادة متعثرة وانهيار صاحبها كأنه فقد ابن عزيز.
الوالد اختار طريق الايمان بالفكر اليسارى العلمانى , وكتب ثلاث كتب (1) خواطر طبيب بيطرى (2) ابو عكاز (3) عثمان اُرم (4) ومخطوطة لم تنشر عن النوبين فى الكتب المقدسة , واخرى رواية عن تهجير اهالى وادى حلفا.
فى عمره التسيعنى , لك التحية ايها الجميل , ولكل الزراعيين السودانيين , من حلموا بنهوض اقتصادى يستند على الزراعة والثروة الحيوانية , صحيح ان حلمهم قد فشل , لكن متى كانت الاحلام تتحقق فى هذه المبولة.
عندما يأتى من يفهم فى دفة القيادة , بعد مئأت السنين , ستكون كليات الزراعة والطب البيطرى هى كليات القمة , وستكون هى الطريق لنهوض اقتصادى حقيقى |
اديبنا الجميل شاهين ..
لك التحية و عبرك لوالدكم العزيز .. له كل الاحترام و جل التقدير ..
اسال الله ان يمد في عمره و يمتعه بموفور الصحة و يمتعكم بوجوده الجميل بينكم ..
كما تعلم .. هي كانت مزحة مشوبة بشوية حرقة من العم سالم لضياع الاسنافيك ..
و لكنه كان محبا لصهره و يكن له كل احترام ..
تحياتي مره اخرى 🙂
|
|