/تيلة يا تيلة الله لي من ديل بال(9) الطويلة الله لي من ديل/

11:52 AM April, 27 2022

سودانيز اون لاين
دفع الله ود الأصيل-
مكتبتى
رابط مختصر

(9 طويلة)
+ تستلهم روح نشاطها من تسميةٍ تعود إلى لعبة (الوست)
والتي يمارسها أربعة أشخاصٍ ينقسمون إلى فريقين خصمين
لدودين في كل منهما لاعبان، و مَن يحظى بالرقم(9) يشكِّل خطورة
على خصمه أو يُلقنه (إثنة/سيك) لاتُنسى كأقسى مرارات الهزيمة بأن
يخرج من مضمار اللعب صاغراً، بل ربما يفرض الغالب على المغلوب
أتاوى أويُملي عليه أشغالاً منزليةً ،شاقةٌ كعمل "حلة قطر قام" كاربة
وثَمةَ غسل عدة او كنس الحوشوما إلى هنالك بي"حكم قرقوش
لكن بدون قروش" والحديس جاي برضوعلى(4) طويلة.

(4) طويلة .. "عوداً على بدءٍ"
+ ونظراً لهشاسة الأوضاع الأمنية في البلاد، وتردّي الأحوال المعيشية
بعدالتدهور الاقتصادي والتضخّم، مع ازدياد معدلات البطالة، تفشّت ظاهرة
السرقة والخطف، فظهرت عصابات تستخدم الدراجات النارية في عمليات السّلب
والنّهب ولا سيّما الهواتف النقّالة، وسُمّيت بعصابات "تسعة طويلة"، ومردّ ذلك إلى
أنّ أفرادهذه العصابات المتفلتة يدورون حول الضحية ثم يفرّون بالغنيمة على نحو
يشبه الرقم (9) باللغتين العربية واللاتينية.وهو ذات الالتفاف الذي تُمارسُه
(4) من وحوش السياسة الكاسرة "أربعة طويلة" التي تحوم حول حمى
بلاط السُّلطان في بلدي أم سودان.

شكرا ابو الدفاع على هذه الاضاءة المفيدة
حقيقة كنت اجهل سر التسمية ربما لأني لا أجيد لعب الكوتشينة

سلام يا اصيل وحبيبنا حيدروف

∆ تعظيم سلام مربع للحبان ود مهدي
و حيدر حسن مرغني ، ثم حيدوف دا
حيدر الزين، بالله ما تلخبت اللختيساسات يا
مهدينا و تصدق لينا فيك ظن شيخ الترابلة
ود سيد أحمد . و طبعن ثقافة مصطلحات
لعبة الكشاتين ليها ناسا الحرفا البجرو ليك
الخمسين و يجدعو البايظ بي صويبع الكراع
السغير، و فيها برضو ناس عشرة طيبة
و كونكان ستة و حكم الشايب.

يا هلا بحبيبنا صديق

+ ممتنون لبهاء حضوركم حيدر و صديق مهدي
ولا يسعنالا أن نشد على أيديكما نقوم معاً ولو بجهد
المقل نحو فتح عين الليما يشتري يتفرج يجي على محنة
"شعب الله المحتار" هذا أمام إفرازات ومآلات أوضاعه
الراهنة شديدة الترهُّل ، و غايتو ربك يجيبو قوي!!

بسط الأمن والأمان الشامل يُفترض أنه أولوية خطٍّّ أحمرَ
لامساومةَ عليه و لا ممحاكةَ فيه ، حق مكتسب للمواطن علي
الدولة عبر أجهزتها الأمنية وهو واجبٌ مقدسٌ في تقديرنا أنه لا
يحتمل التقاعس والتقصير الحاصل الآنفكان افرازه الطبيعي وابنه
الشرعي هذا ال "تسعه طويلة" وأخواتها كُثُرٌ من ظاهورار سلبية
وغيرها من الإشكالات الناتجة عن الة ال"سيلان" الامنيه.و على
الأجهزة السياديية من قضاء و جيش وشرطة ااضطلاع
بأدوارها من منطلقاتٍ مهنيةٍ لا سياسية.

Quote: *بي📝 الحنين،،،،،* *د. علي الشيخ ،،،،،،،* *النشالين ،،،،،،* بخططوا صاح ،،،،، ومنهم تعلم الآخرون،،، ترجع بيتك تلقى روحك اتنشلت،،، كيف🤔،،،، ومتين⏰،،،، دي خليها ما شغلتك،،، زمان النشل في السوق،،، في الزحمه،،، في المواصلات،،،، دي حتات متفق عليها،،،، وشويه شويه بقى في المقابر،،،، و المساجد،،، سرقه و قوة عين،،، مع السخانه المنطلقه فينا الايام دي *سخانة جو،،،، و سخانة جيب،،،، * و الجهجه الحاصله ،،،،، القصه بقت قلع عديل،،،، و فيها دق كمان،،، هسه عيني👁️ عينك👁️،،،، لا خوف،،، من المنشول و لا خوف من الحكومه،،،، الحكومه الفيها مكفيها،،، فارشه ليها بيت بكاء،،، ولي هسه الجنازه ما اتلقت،،، نشالين زمان محترمين جدا،،،، بس بنشلك،،، اكعب حاجه ممكن يعملها يشرط ليك جيبك ،،،، بي موس،،،، حرفنه و خفة يد 🤞 رهيبه،،،،، تقول بديك بنج💉،،، تتخيل معاي،،،، وتبقى وسم وعلامة،،،، للجلابيهة ولا البنطلون و تبقى ذكرى،،، ان شاء الله يوم نشلكم ما يجي،،،، من الأدب و الاحترام بعد تتنشل،،، النشال بشيل القروش و بجدع ليك الجزلان ،،،،، مش ملاحظين و مركزين معاي انه البتنشلوا زمان بس رجال،،،، حصل سمعتوا انه في مرأة اتنشلت،،، انا بقصد *زمااااااااان،،،، * قبل ما يتنفذ فينا المشروع الحضاري،،،، لأنه بعده اتنشلت بلد و اتسرقت امه كامله،،،، هسه النظريه اتطورت،،، و فنياتها اتجددت بقى فيها خبت و قلع،،،، و كتل عديل،،،، هسه انت مارق من البيت،،، تشتغل زي المدرب اللاعب النهائي و الكأس برة🏆 ،،،، ترجع تقفل باب الشارع،،، و توصي ناس البيت و تتلفت زي الزايغ من بوليس الحركة،،،، ديل كمان بنشولك بي غانون عديل كده،،،، وتركب عربيتك تقفل القزاز و تأمن الأبواب و تفتح الطبلون تتأكد من المسدس🔫 و تعاين تحت كرعينك تشوف العكاز ولا السيخة ،،، حتين تنقر السويتش،،،، والله حرب البسوس مابدخلوها كده،،،، و حالتوا الكلام ده العين بتشوف و الناس ماشيين ،،، وجاييين،،،، كان ضلمت،،، ارجي الراجيك،،، كرعينك و الجري ده ما حقي،،،، لا بنفع كلب🦮 يهوهو و لا بنفع سلك شايك،،، و لا بنفع طواف بالليل،،، كان قبضوك بغنوا ليك،،، بالليل ده ماشي وين،،، و السطر البعده،،، *الجوال و الجزلان،،،* واتفكفك ،،،،، ده النشل و القلع المتفق عليه،،،، الناس هسه بتتنشل وهي قاعدة في بيوتها،،،، مرخمة و جنبها كباية قهوة،،،، تفتح جوالك،،،،📲 *يجيك خبر مفبرك و مفتشب،،،* تقعد تباريهو و ترسل فيهو ،،،، كده اتنشلت يا حريف،،، بي جوالك و بي قروشك،،،، نشلت القروش و سرقة الموبايل بتتحله،،، كعب ينشلوا زمنك،،، و يسرقوا تفكيرك،،،، وانت راقد في سريرك،،،، مرخم ،،،، النشال و لا الحرامي كان قبضوه بدقوهو و بتعرف ،،،، المشكله في الزول النشلك و سرقك،،،، و بعلمك تنشل وتسرق غيرك،،،، وانت مابتعرفوا،،، بقينا زي الدراويش في الحلقه،،، لافين بينا،،،، عكس النوبة،،،، من ما تصبح،،،، *عاجلا،،،،،* *رابط فيس بوك،،،،* *تسجيل صوتي،،،،* *فيديو حايم* و هاك يا بهارات،،،، وانت يا الحبيب تفتح و ترسل،،،، حار،،،، حار،،،، لو ركزنا و مسكنا اي خبر،،، حايم و مكرر،،، بنلقي وراهوا،،،، موضوع،،،، مقصود،،،، منه تشتيت و جهجه،،،، و ده عند ناس الكوره اسمه اللاعب الحريف البتحرك بدون كوره⚽ ،،، يشغل التيم الخصم،،،، وغيره يجيب القوووووون،،، *لحدي هسه دخلت فينا جنس اقوان كلها سارق،،،* *الحكم قابض،،،، و الكهرباء قاطعه،،،* *و الخوف يا عَالي تسرح طوالي،،، ،،،،،* *د. علي الشيخ* *الحنين* *امدرمان* *١٣ أبريل ٢٠٢٢*

دفع الله ود الأصيل
أولن تسمحولينا نحيي أخانا البوردابي المخضرم/
حسن فرح شايفو حايم عامل ثورة كونية بجاي، وكمان
ونعيد عليكم، رغم إننا موقفينالمعايدات بالأسلوب التقديدي
شفاهتن وكتابتن ، ومشغلين نظام "عينييات" جديد، يعني بالضحاكات،
فمسلن فئة ال50 معناها (اللي مامعاهوش مايلزموش، 100 (كل سنة وأنت
طيب ، من طرف المناخير كدا، 200 (عساكم من عواده) 500 (القابلة
إن شاء الله زي ما أنت عايز) ولحد 1000( أقابلك بكرة في الموعد ) .
يعني ممكن نعتبرو برضو أسلوب ظريف مبتكر للنشل. فأنتو رايكم شنو؟!
+ تاني حاجة تسمحو لينا ننشل البوسف أبو دم شربات دا لصفحتنا
على SudaneseOnline، وحقكم محفوظ، ولينا حق السلبطة.
أخوكم النشال/ دفع الله ود الأصيل

{1}
ظاهرة تولللب،
مهنة لها ممارسوها و ربما هي
رياضة القفز فوق الحيشان و أياناً بالزانة
و لكل صنفٍ منها محترفوها؛ و لكن ملاحظ
أنها منتشرة على نطاقٍ أوسعَ بزماننا الأخيرهذا
و في بلدنا الجريح هذا ، بأنماطٍ مستحدثةٍ و بين أوساط
لم تكن معهودة، و بوتيرة غير مسبوقة.
(2 )
هناگ الكثير من البؤساء ممن يمارسونها، و ربما
لجأوا إليها مگرهين أخاك لا أبطال َ؛ كمهنة لمن لا مهنة
له ربما كان مدفوعاً بتعاسة ظروفه ؛ أو حتى من الهمباتة
الوجهاء كنوع من الهواية و إظهار الفراسة و المرجلة ؛ أوحتى
من الثوريين الشرفاء الظرفاء أمثال اللص الظريف أرسين لوبين؛
گأشهر من دخل الگار فقط ، للأخذ من أموال الأغنياء المتخمين
من أجل ردها على الفقراء و المساكينة. وبالتالي تعتبر لديهم
مساهمة مقدرة و قدح معلى فيما يصطلح عليه ب«إعادة
توزيع الثروات» و ما منشك في أن ذلك
من صميم دواعي قيام ثورات الجياع.
{3}
[} كل من تقدم ذگرهم ، و إن أثير حولهم غبار بطبيعة الحال،
إلا أنه ليس كثيفاً. إذ لا يعدون گونهم مجرد (حملان) و يتلبون
في الحيشان. اللهم إذا ما وضعناهم في مقاربة ضيزى وغير متگافئة
قصاد «هؤلاء» الثقلاء ال ج ر ذ ا ن و القطط السمان ممن نراهم
يتتالبون في الأونة الأخيرة عادسن أدراجهم على ظهر منطاد جويٍّ
يوشك على الارتطام بمثلث برمودة قبل أن يحترق بكل من فيه.

(4)
[}كدأب آل فرعنن من ذي قبل، فهاهم عادوا
طُلقاءَ أحراراً يمشون على الارض مطمئنين ،إذ
جاءوا يتداعون مثلماتتداعى الأكلة إلى قصعتها من
أجل القفز مجدداً بالزانة للارتماء بأحضان مناصب
السلطة في عهد الدولة العميكة، و لنيل مراتب الجنة
و نعيما ؛ ثم هاهم هؤلاء من بعد ما گاديسقط في
أيديهم يتقافزون منها بالزانة ذاتهافي مغبة
سكة متاهة مجهولة و جحيما.

{5}
من ابرز الفوارق ما بين شريحة (الحملان) و (القطط السمان)
خاصة في ، في هذا المنعطف الخطير، ما يمكن إجماله في مايلي:

1} أن «أولئك» سراي ليل و متمرسون فقط على مهارات
«النط» من موتر إلى داخل الحيشان و لا حيلة لهم ليقالو
ذبابة ؛ بينما يقفز «هؤلاء»و فلواهم بالزانة من على ظهر
دبابة، و هم للنفاد بجلودهم من بطانة السلطان.

2} لا يتعدى ما يخطفه أولئك خلسة شنطة يد بالكتير حمولة
«بقجة» بها ما خف وزنه و غلى ثمنه قدر المستطاع من بيت
يمكن أهلو مرطببن و نايمين؛ بينما ظل «هؤلاء» و فلواهم على
مدار 30 عاما حسوما ينشفون دماء شعب بلد حدادي مدادي .

3} بينما ل«أولئك» دور عظيم گما ذگرنا ، في تذويب الفوارق
الطبقية ، إزالة آثار الغبن الاجتماعي و التوازن النفسي ما بين
غني و فقير ، عبر « إعادة تدوير ثروات» البلاد نجد ل«هؤلاء»
يد الدولة العميگة و نصيب الأسد في تفشي فساد الذمم و نهب
و تهريب المال العام و الناتج القومي: و تجويع العباد.

4) إنو التليب لجوة فيه خطورة بالغة على حياة المُتَلِّب نفسه؛
أقلها تعريض مؤخرته , لا مؤاخذة، لويلات (الوحوحة) من جحيم
شلاويط (الشطوط القبانيت) في حال وقوعه فريسةً في قبضة المتَلَّب
عليهم؛ ينما يأتي التليب لي برة بمثابة طوق نجاةٍ و ملاذ طوارئ آمن
لصاحبه للنفاد بجلده من أية ملاحقات محتملة ؛ اللهم ماعدا في
حال سقوطه مغشياً عليه و بعد فوات الآوان، في أيدي ناس أخوان
فاطنة و نشامى و متحمسين من طراز« شباب بري الدرايسة»!

(((6)))
[} طبعن سبق و ذكرنا في خبرية عاجلةُ جدن جدن
بحيث لا تحتمل التأخير و لو لسانية واحدةٍ ، إنو وردنا
للتو و في حينها ما يلي نصه: أن206 من همباتة لمافيا
نيقرز و 9 طويلة على كُطَّاع طُرُق نشالين و سُرالي اليل
بتاعين (تلب) يعلنون توبةً نصوحاً و ندماً شديدن و إقلاعاً
تاماً لا رجعةَ فيه البتَّةَ ، و ينضمون فوراً إلى ركب
كوكبة (مخرجات الحومار الوتني) مع الانقلابيين.
[} ياخي دا كان خبر بشارة و أوسكار عديييل كدا. يعني
بالبلدي الفسيـــخ گدي جماعتك ديل اتصعدو ليك بالزانة من
9 إلى 4 طويلة، يعني من فرق الفئات السنية براعم و أشبال ،
و يلا على الهوى مباشرتن إلى ديربي ممتاز المحترفين؛
فلا روابط و لادوري محلي و لا هم يحزنون..
فا إنتو شايفين گيف بالله المِحَن!!؟
(((7)))
. تعرف دي تذكرنا طوالي بالمثل العامِي :( إذا سرقت
فلتسرق جملاً و إذا عشقتَ فلتعشق قمراً). يعني بلاش شغل
المرمطة، مسلن أنبوبة غازو لا كراع شرموط من حبل غسيل
[} ياخي .بالجد دا مثلٌ رائع جدن و في الصميم تماماً وربما جاء
كوصفةٍ سحريةٍ ليمنح اللصوص الصغار مسوِّغاً عُرفياً وغانونياً و
مدعماً بدروس عَصُرٍ احترافيةٍ سوف لن ينسوها في أصول المهنة؛
ممن يغامرون بتعريض حياتهم بلا طائلٍ يذكر للخطر لا سمح الله ،
أو يجازفون بمؤخراتهم لشلاويط (الشطوط القبانيت) ، ولا مؤاخذة.
خاصة مع تكنولوجيا االعصر و التي أنقذت كثيراً من الناس كما
توشِك الآن تهدد نقابة الحرامية بالعطالة، أو تغيير(الكار) . هذا،
مع تمنياتنا الغالية للكل بسلامة مؤخراتهم ومقدماتهم.

(8)
® من أرشيف ناس تلب£
® فهاكم نفرع بي دي مأخوذة واحدة من يوميات
حرامي خِزن ، محترف تليب حيط ليلاً ، يقول :
© في ذات ليلةٍ ليلاءَ ومش فايتة من ليالي أستدارة القمر المحاق,
قررت أن أتلب في أحد البيوت المرصودة و فعلن نيشت على الهدف
و قمت تللبت بالحيطة و صادف إني نزلت في المُستُراحأعزكم الله و قبل
ما أتحرك لجوة المنزل سمعتُ قرعَ نعلين لقادٍ نحوي و من باب الدفاع عن
النفس شلتا لي فُكاَّمة طوبة غليدةمن الحيطة و فضلت متحرفاً لقتال.
¶ فأول ما الزول فتح الباب مد راسو جاي داخل و قبال ما يصنقر (يستريح)
خمشتو ليك في و شو و نطيت و يلا قمت صوف عائدن أدراجي من حيث أتيت
تاني يوم قلبي اكلني علي الزول الخمشتو و خفت يكون مات عشان كده قررت
إني بعد يومين ارجع اشمشم الشمار و اشوف الحاصل ظاطو شنو نطمن. وفعلن.
رجعت و لما قربت من البيت شفت لي سُ{ادق منصوباً كأنه للعزاء في فقد عزيزٍ
لديهم لامن اعصابي باظت و ركبيني ساحن ؛ قلت خلاس ، دا زولي اتلحس.
¶ لكن لما قربت داير أشيل الفاتحة لقيت الجو ما جو عزاء. المهم دخلت
الصيوان أتلبد متل سراق الجنا جداد و فجيت المعازيم قعدت في اقرب كرسي
و جمبى عمك جولكبن رغاي كدا، عندو إسهال نضمي قمت طقيت معاه حنك
لامن دردقتو في الكلام و سألتو:المناسبة دي شنو؟ قال لي: يا ولدي دي كرامة
لأنو سيد البيت دا قبل يومين كافتو شيطانبس ربك رب الخيرلطف ، ولحقوه
بالرقية الشرعية و بقى كويس. فكدي يا ولدي, طالما الدرب جابك اتفضل
ضوق معانا الكرامة ؛ عمك طيبان شديد، بيعزم ليه في عفريتٌ من الجن.
…………………….

«حملة مداهمات على تسعة طويلة»
∆ والله القوة القامت بالعمل دا و گلبشت الجقور
ديل ذكرتننا نكتة حكاها دكتور فى جامعة الخرطوم
لطلاب كلية الزراعة ،نجر أخدر طبعن من حصب خياله،
قال كان فى دافوري كورة شراب بين الحشرات والعناكب.
و الشوط الأولاني انتهى 7 / صفر لصالح العنكبوتيات .
∆ في الشوط التانى مدرب الحشرات عمل تغييرا جذريا في تشكيلة تيمه،
حيث رجع أبو الدنان حارس مرمى و وقف أبو درداقين اتنين باكات وخت
النحلة سطوبر ؛و قام دخل خالتو أم 44 كراع و شراها مشتحة في كمخانة
بين ديب سنتر فريود و هاف ماش و جناحين يمينو شمال ؛ يلا جاطت ليك اللعب
و لا كمال عبد الوهاب ، والقاسية يناولوها باص طاير تستلم بي سدرا و ترفع
ليك گورنةو يلا فسراع فسراع تنطلق گالسهم من الرمية تلحقا و تمد ليها
ضفر گراعا الورانية و بالباگورد توشك تحشرا بين التمانيات
قووون تمزق شباك خيوت بيت العنكبوت.
:∆ الشاهد:إنو الدبربي تصفى و تجلى على نتيجة
15/7 لصالح الحشرات، وهن ينططن شايلات الهدافة
أم 44 فوق المناكب والاكتاف و الأعناق ؛ و يلا ينط ضًبَّان
ضگر ملقوف ومن يومو متلقي حجج عمل لأم 44 سافوتة بسؤال
عبيط و غير موفق قاللها: إنتي يا خالتو ، شوطالمباراة الأولاني
كنتي تورقي خدرة؟ علا جاوبتبروح رياضية : كنت بلبس
فى كداراتيو بعمل تسخينة.. فا شايفين گيف؟!!
😀😀😀😀😀😀😀😀
∆ أها غواتنا النظامية المشلخة دي على جان/جويد
«دم» سريع. زمنن دا كولو كاننلابدات يسخنن وين؟
ولاخلينا نگتفي من الغنيمة بالإياب و أنو« تأتي متأخرا
خيرن لنا و لگ من ألا تأتي بتاتن»

Quote: ……………………. المشاكسة من من صاحبي الملقوف/Abdelazim انا الليلة اكتشفت فيك موهبة جديدة وهي انك نطاط حيوط ……………….. و لا كمان تكون كــوزآ مزدوج ي دفع الله وانا ما جايب خبر؟!

(9)
+ي بيه والله بريء و( أنا ما سرقتا بس جيت أعاين). إنما دا هما البينطو و أنا عمال أرابقبهم
من بعيد بس. يعنيمومكن تعتبرني لا مؤاخذة كدا ، مراقب استراتيجي؛ و ي دار ما دخلك شر.
# يعني يا عظمة عامل لي راسك المقودس متل سرج العجلة دا، ياخ إنتا ظنيتك
ح تلبس لي توهمة بالعافية و خلاس يعني و لا إيه.ياخ كان لي عاد كدي أحسن لينا
تولب عدييل. بالكتير ديل بيخمو بالبوقجةو بس. بعدبن فيهم لصوص ظريفين زي أرثين
لوببن. ؛ مان ببهمبت من الغني ليطعم الفقبر . واحدين كمان عندهم ضمير. ياخ ما سمعت
بواحد بوم تلب بشباك المتبخ ؛ و بعدما دنكل الأمور و ظبط البوقجة ؛ و سيد البيت خواف
مرعة لابد يرجف و بعاين لوبي رقرلق قد الملاية قالو : أها أقوم أشيلك؟! ي عيني على
الحنية ، شفقانعليه من انزلاق الغضاريف. ياخي ما قت ليك نحنا ناس بنعيش حياتنا
الغالية بالنيةساليمة و كلو زول حتى الكوز ديارين سعادتو تشهد الأيام علينا
بس يعملومعروف يونا غبشة كرعين سهير و يختونا كدي ولا كدي.
¶ الشاهد ، الحرامي و و هو متخارج ، لقالو حتة رغيفة مجدوعة
قام غمسا ليك في بودرة بيضا كدا ضاقا لقا طعما ملح . فطوالي راح
راميها و فك البوقجة فضاها و مرق بخفي حنين قال إليه؟! الود صميرو
عذبو و قال: أصلو ما مومكن يسرقلو ناس بقى ببنو و بينم عيش و ملح.
¶ أها شايف كيف ، برضو تتهمني بالكوزنة، موش حرام عليك بالله؟!

أخينا دا تربالي معدي يومو من البيَّاح ولاعند المطاح
في نهار صنانة فاقعة نافوخو ما بين طلوع نخل و مسكالن مية للقمح.

+ أها و متراوح لقى البيت محروس و ستو ست النفر تكوس
أعمنها السمحة أم عجن حوامة ولا أبو الدنان مروحية هيليكوبتر
راحَّة شا لة النهارا حيح و رحيح ، كلو و را الشمارات الحارات.

+ الشاهد أخينا دا جاي مهوي رابط بطنو على ضهرو بي حجر
و فتران مشتهي البعلة بعدما تخت ليهو لهمة كسرة في بطنو تبقالو
مدلكجية تعصرلو ضهروا إن شاء بي كدايس كدَّارة ، حتين يناولا
صلبو و ينوم نومة الطفل الغرير.و يخليها تنقنق : أجييي عاد يا بنات
أمي شوفي الراجل العشيتو و عصَّرتو ومسحتو و دلكتو، و آخرتا
هدا راقد منجدع لي مقابل الهيتة و مديني حُفافةعنقرتو!!!

+ الشاهد تاني ، زولنا إذ لم يجد شيئاً مما تقدم ذكره ، قام براو
يفتش جاي وجاي و عاين في المشلعيب المعلق ، فلم يجد كسرةً
خُبْزٍ ليسُدَّ بها رمقه. ؛ ففكر في حيلةٍ ذكيةٍ و طبعن ما يتحير علا
مغير ، فمشى يتاوق بي حيطة الجيران ، شاف عندهم جدادة رامية
و حاضنة فوق بيضاتها، فنط و شال منها محاية واحدة بس ، ونزل
سلقا و أكلا وانسدح رقد يغطُّ في نومٍ و يشخرفي سُباتٍع ميقٍ.

+ و لامن رجعت البعلة ، قام شكى ليها وحكى ليها الموغف
و الرجال طبعن مواغف : إنو انجبريشيللو بيشضة من جدادة
الجيران ،و هي عاد تعجبك ، لقت الشمار زيتا في بيتا!!

+ يلا يا ربن تصبح الواطة ، سامعة جارتا التانية/عوضية
ربقيمناغماها بفوق الحيطة ، تشحد منها كورية دقيق ، فطاولي
شغلت خاصبة الطباعة و النشر و التأليف بدون (كوبي رايت)،
و يلا نجر أخدر لإعادة تدوير درامة بغلها مع جدادة الجيران!!
ناس حنان سكلييب .
+ هيييي يا دي والله ماك طالبناني بحليفة ، علا عدمانين سلقة
الدريش و ما شفتي راجلي أمبارح من الجوع لامن نط بي حيطة
جياانا ناس حنان سكليب ناس و همبت لو محتين جنا جداد من تحت
و سلقفن أكلن حتين هجس رقد، ولولاهن كان ينوم بايت القوا المسكين
. و بكدا زولتنازوللنا بقت ضاربة عصورتين ود أبرق و عشوشة بحجر.
فرد واحد، منها نحت شمار راجلا. وبالمرة زوغبير من شحدة جارتا.

+ وديك عاد كمان بالمغسة ما صدقت ، نست موضوع الدقيق و لفحت
الخبرية صاراها في تيوبا و كوركت لجارتم نمبر (03) ، هيييي يا دي أقول
ليك شنو عاد و أ خلي شنو!! وا خجيلي عاد ما شفتي جارتنا فلانة الفلتكانة
وفسالتا مابية تسلفني كروة دقيقة أفطر أبو أولادي , و كمان ما شفتي راجلا
الهمباتي سراق الجنا جداد ، البارح ناطي بي حطت ناس فلانة ديك و لافح
لو منهم طبق بيض عدييل خمايه تميراتفوق راس فكي مفترس من تحجت
جدادتم لقاها راكدة . شوفتي عليك الله رجاجيل الزمن دا!!!
+ ويلا من ديييك و عييييك ، طارت الأخبار و سارت الركبان و حدس
ما حدس و لا حرج ، لامن طبق البيض تحول لي جدادة كاملة ومحمرة
و الجدادة تحولت بي قدرة قادر لي راسنجيفة كامل الديم , و الجيفة بقت بعداك
عتود و العتود لي تيس عمبلوق، والبعمبلوق تطور وراثياً لحجم بقر حلووب
لحد ما أخينا جاتة قوة "مدججة" باسحلة نارية و أخرى "بيضاء" من غوات
جان/ جويد الدم الصريع وراحو مكلبشنو لا إيدو لا كراعو و سايقنو بالخلا ،
في شنو يا جماعة و أن شن سويت ، قالولو أحنان معانا أمر قبض و لامن
نوصل هناااك براك بتعرف منو ا لغسل العدة والطفى النور منو!!
+ عمومن دا عضم الدرامة كما هي بدو أي حذف ، كشط أو تغييير
فقط للعبرة و لأصحاب الفضول العجيب لو دايرين يزيدوها
بهار فو شمار يلا يتمو الباقي خيالات، و نحنا براءة.