يلا شاركوا معاي نفتش شركة زانبور الأمريكية للطاقة البديلة الجابوها الانقلابين لحل مشكلة الطاقة
د.عبدالباقي عبدالقادر يلتقي بوفد شركة زانبور الأمريكية للطاقة البديلة
الخرطوم 24-4-2022 (سونا)- اطلع عضو مجلس السيادة الانتقالي د.عبد الباقي عبد القادر الزبير على تفاصيل خطة شركة زانبور الأمريكية للطاقة البديلة، والخاصة بتشييد محطة السودان (١) للطاقة الشمسية، بمنطقة شمال أم درمان، بسعة مائة ميقاواط.
وأكد خلال لقائه بالقصر الجمهورى اليوم، بوفد الشركة، دعمه لمشروعات الطاقة البديلة، لما تقدمه من خدمة للمواطنين، وتغطية العجز في إمدادات الطاقة الكهربائية بالبلاد.
وأوضح المدير الإقليمي للشركة، الدكتور محمد علي محمد علي، في تصريح صحفي، أن مشروع السودان (١) للطاقة البديلة، سيشيد بتكلفة تبلغ أكثر من (٢٢١) مليون دولار بتمويل من شركة زانبور الأمريكية للطاقة البديلة وشركاء من بنوك وبيوتات مالية بالولايات المتحدة الأمريكية.
وأبان ان مشروع محطة السودان (١) والذى سينتج مائة ميقاواط، سيوفر فرص عمالة لـ(٢٧١٠) عامل.
وأضاف المدير الإقليمي لشركة زانبور الأمريكية دكتور محمد علي ، أن المشروع يعد من أميز المشاريع، والاكبر والأحدث في أفريقيا، وأن المحطة تأتي كخطوة أولي لتنفيذ (٣٠٠٠) ميقاواط في المستقبل.
وقال المدير الإقليمي للشركة، “اننا لمسنا خلال جلوسنا مع المسؤولين في الدولة دعمهم لمشروعات الطاقة البديلة، بإعتبارها طاقة متجددة وصديقة للبيئة.
Post: #2 Title: Re: يلا شاركوا معاي نفتش شركة زانبور الأمريكي Author: بكرى ابوبكر Date: 04-25-2022, 10:18 PM Parent: #1
Post: #3 Title: Re: يلا شاركوا معاي نفتش شركة زانبور الأمريكي Author: حيدر حسن ميرغني Date: 04-25-2022, 10:29 PM Parent: #2
Post: #27 Title: Re: يلا شاركوا معاي نفتش شركة زانبور الأمريكي Author: Asim Ali Date: 04-27-2022, 00:38 AM Parent: #6
UNIVERCITY OF KASSALA معقوله يكون مؤهل اذا كان بيغلط غلطه زى دى وماينتبه ليها ويعدلها لو فرضنا انها خطا مطبعى؟؟
Post: #7 Title: Re: يلا شاركوا معاي نفتش شركة زانبور الأمريكي Author: Moutassim Elharith Date: 04-25-2022, 10:39 PM Parent: #2
موقع الشركة zanbur.co/contact/https://zanbur.co/contacthttps://zanbur.co/contact
معلومات أوّلية عن الشركة opencorporates.com/companies/us_tx/0804279018
تاريخ تأسيس الشركة: 20 أكتوبر 2021
اسم مدير الشركة: يوسف علي اسم ممثل الشركة: محمد علي
التساؤلات البدهية: 1. هل توجد صلة رحم بين الشخصين؟ 2. كيف يمكن لشركة حديثة التأسيس (أُسست قبل ستة شهور) أن يكون لديها القدرة المالية والتقنية على تلبية احتياجات ضخمة للطاقة كما جاء في نص الخبر؟
Post: #9 Title: Re: يلا شاركوا معاي نفتش شركة زانبور الأمريكي Author: Moutassim Elharith Date: 04-25-2022, 10:41 PM Parent: #7
ههه معليش يا باشمهندس بكري ما شفت كتابتك، ولكن توصلنا إلى نفس النتيجة.
ثمة رائحة كريهة في الموضوع، ولا نتهم حتى نتحقق من الأمر.
سؤال انصرافى اظنها شركة زنبور .. ابوالدنان اسم عربي او سوداني ابوالدنان
Post: #12 Title: Re: د.عبدالباقي عبدالقادر يلتقي بوفد شركة زان Author: Ali Alkanzi Date: 04-25-2022, 11:42 PM Parent: #11
غايتو يا بكوري عملتها \ شيخ قوقل بكشف المستور لكن الجماعة امكن تصدق معاهم يلقوا ممول وشركات خبرة تدخل معاهم
Post: #13 Title: Re: د.عبدالباقي عبدالقادر يلتقي بوفد شركة زان Author: بكرى ابوبكر Date: 04-26-2022, 00:19 AM Parent: #12
ملطوش من الوتساب
Quote: الانقلابي د.عبدالباقي عبدالقادر الليله جاب ليه جوكية قالوا ليه انحنا شركة زانبور الأمريكية للطاقة البديلة 😁 وحنشييد ليك محطة السودان (١) للطاقة الشمسية، بمنطقة شمال أم درمان، بسعة مائة ميقاواط ب (٢٢١) مليون دولار وسيوفر فرص عمالة لـ(٢٧١٠) عامل😉 كيف ماعارف ؟!!😏 وناس شركة زانبور كلهم تلاته اخوان ومعاهم ود خالتهم 😏 وشركتهم سجلوها 20/10/2021 سجلها اخوهم الكبير اسمو يوسف على 😅 والبنيات ديل اظنو بنات اهلهم بكتبوا في شنو مابعرف 😏
Post: #14 Title: Re: د.عبدالباقي عبدالقادر يلتقي بوفد شركة زان Author: بكرى ابوبكر Date: 04-26-2022, 00:21 AM Parent: #13
Quote: الطبيب الجابوه في سونا أمبارح خريج جامعة كسلا 2008 م قال أنو المدير الأقليمي لشركة اسمها زنبور من خلال الأسم أنشأها أخوه في الولايات المتحدة بلا خبرة أو راس مال أو ملاءة مالية وعدد قليل من الأخوة والأهل ، قال حا ينشي محطة في غرب أمدرمان طاقة شمسية بي 100 ميقا واط في أرتباك كتير في المعلومات الأدلى بيها الزول ده في سونا 1- قال حا ينشيء محطة 100 ميقا واط في مساحة 2600 كليو متر مربع .. يعني مساحة دولة عديل وتلات أضعاف مساحة البحرين .. ما عارف عايز يعمل بيها المساحة دي .. أذا عرفت أنو أكبر محطة في العالم بنبان المصرية تقع على مساحة 37 كيلو متر مربع .. وتنتج 1400 ميقا واط يعني 14 ضعف أنتاجو ده .. ومع ملاحظة أنو كلما تقدم الوقت بتزيد أنتاجية الألواح وتقل المساحة 2- قال حا يشغل 2700 عامل والله ما عارف حا يشغلهم شنو .. 3- وقال المشروع بكلف 221 مليون دولار ودي تكلفة مبالغة من التكلفة الجارية .. أذا عرفت مثلاً الأسعار الحالية لشركة تاتا الهندية في الهند بنظام البوت POT حوالي 2.79 سنت للواط أو 27900 دولار للميقا واط وشركة زي تاتا دي اشتغلت مشاريع أكتر من 3000ميقا واط بنظام البوت .وعندها بروفايل محترم في كفاءة وأدارة المشاريع .. هسه شركة زنطور دي تاريخها شنو ... ياهو لما تكون أنت جنجويد أتحكمت في البلد مع عسكري بوم بتجيب ليك واحد زنطور تمومة جرتق في السيادي والعمل العام عمرو ما بعرف حاجة عن العمل الأداري والمؤسسية يستقبل شركة زي دي فيها عدد قليل من الناس وكل خبرتها نفذت مشروع بي 3كيلو واط لمحل جيم
من الوات
Post: #15 Title: Re: د.عبدالباقي عبدالقادر يلتقي بوفد شركة زان Author: زهير ابو الزهراء Date: 04-26-2022, 00:48 AM Parent: #14
اسم تجاري سوف يتم استغلاله من جماعة ومليشيا معروفة لدخول سوق الطاقة باسم تجاري اميركي العريب في الامر طاقة شمسية وفي اميركا عملاق الطاقة ge وهنالك مشروع مقدم منهم ايام حمدوك
Post: #16 Title: Re: د.عبدالباقي عبدالقادر يلتقي بوفد شركة زان Author: هدى ميرغنى Date: 04-26-2022, 03:03 AM Parent: #15
سلام للجميع ~ * ملاحظة عن المجموعة دى : كتابة ،CO بموقعها بإعتبارها )Corporation )شركة غير محدودة يعنى معروفة وغيره وتانى كاتبين إنها LLC (limited liability ). بإعتبارها شركة محدودة ،غير عامة وغير معروفة عالميا من ناحية الضرائب!؟ إذا إفترضنا تكوين الشركات ساهل ، المشكلة تلقى ممول ،ومستثمر دا الصعب جدا واضح إنه الجماعة ديل مالين يدهم - كونوا شركتهم سريع ، سريع وجوا السودان بإعتبارها LLC. ** الشركات بعد تتكون ، أها اصحابها يقوموا ، يتجاروا ويتعبوا سنين، يفتشوا مستثمرين وتعاقدات ويا ويل الجهات البتديهم معلومات داخلية او يكون فى تفضيل فى العطاء ، لو إفترضنا إنهم شركة عندها كل الإمكانيات ، كل المسائل حولها مشبوهة *من ناحية توقيت التكوين ، والتعاقد فى السودان فى - دا الزمان (دا الزمان الحقوق محفوظة للدكتورة نعمات). *إجتماعهم بدكتور عبد الباقى !؟ —مثال شخصية ، وظيفة عالية أظن فى عهد أوباما فى واحدة من الولايات التابعة زى هاواى ، أدت تعاقد لشركة بتعرف مالكيها جوا قبضوها يومها الرجعت وهكذا.. غريبة مواطن قاعد فى أمريكا يمشى يحاول يكسب عطاء ويتعاقد من الإنقلابين!
Quote: #انين_الاوطان تتذكروا الشركه الامريكية الاتعاقدو معاها عشان يصينو محطاب الكهربااء السنه الفاتت وهي مابتستاهل انها تعمل كونتراكت زي ده مع دوله وكيف شركه صغيره زيها يجيبوها والجابها منو والخ والخ. في ناس كان ماعاجبهم الاعتراضات عشان حصلت في زمن الحكومه المدنيه. اها المره دي في شركه تانية جات من امريكا ويامحاسن الصدف من تكساس برضو،. الخبر عن شركة زنبور (مؤسسها سوداني) العاوزه تستثمر بتشييد محطة طاقه شمسيه بتكلفة اكتر من ٢٢١ مليون دولار، الكترااابه وده غير تكاليف التشغيل اليوميه والصيانه وغيره. فعشان تعمل مشروع زي ده لازم تكون شركة كبيره وعندها خبره في المجال ده وتجارب تقدر تشفع ليها ، خليك من انها جات من غير عطاء. كمقارنه المساحه المقدره ب ٢٦٠٠ كم مربع دي بتساوي اكتر من نص مليون فدان تقريباً 642474 acres. اكبر مشروع للطاقه الشمسيه في امريكا مساحته 7,100 فدان وتكلفته ١ مليار دولار. ماممكن مشروع حجمه مائة ضعف وتكلفته تكون اقل من خمس المبلغ!!؟ حتي لو عملن ا حسابات لفارق تكلفة المواد واجور العمال وغيره. ومشروع السودان ح ينتج مائة ميقا واط كيف والاقل منه ح ينتج ٦٠٠ ميقا واط؟؟ — هل الشركه دي حقيقيه؟ نعم في شركة بالاسم ده شغالة في مجال السولار في مدينة سان انطونيو لكن في القطاع السكني عبر تركيب خلايا شمسيه في البيوت، ايوه قريتها صاح، في البيوت. وبدت يادوب يعني حتى ماعندها سوق كبيرة. #حقيقة_الشركه الشركه اتسجلت بالاسم ده في ٢٠١٧ وماف اي نشاط ليها (تسجيل الاسم ماحاجه صعبه كلها خمسين دولاروممكن ماتحدد نشاطك ح يكون في شنو) حتي عام ٢٠٢٠ لما حاولت تعمل حاجة اسمها Seed money وهي عباره عن حملة للشركات المبتدئه لجمع اموال تمكنها من بداية المشاريع العاوزه تعملها. لكن في ٢٠٢٠ كل القدرت تلمه كان ١٥٠ الف دولار. الدعم ده بكون اغلبه من افراد اهلك واصحابك بالذات لما تكون شركه صغيره زي دي. في شهر ١٠ الفات عملت حمله تانية وجمعت ٣ مليون دولار، ناس امريكا عارفين انه في دعومات جات بسبب الكورونا للشركات وفي ناس اخدو قروش كتيره لو مسجلين اسم شركه. وبالمبلغ ده اتجهت الشركه نحو الاستثمار في قطاع الكهرباء السكني (اصبح موضه في امريكا في السنتين الاخيرات) والرفيوز الاتكتبت عنها في قوقل عبارة عن خمسه افراد مشكرنها، يعني لو بالغو المشتركين فيها مابصلو مية. لو بالغو!. سيد الشركه دي سوداني اسمه يوسف علي ماف معلومات عنه كتيره، عتده حسابين في تويتر واحد اتعمل سنة ٢٠١٨ فيهو صور لمشروع شكله كان عامله في ٢٠١٨ عن محل هدوم او اكسسوارات اسمه Allure outlet https://twitter.com/yousefal99؟s=21andt=0-gEmxMQdW1erYce83gCwQhttps://twitter.com/yousefal99؟s=21andt=0-gEmxMQdW1erYce83gCwQ موقع الشركه ماموجود ولو فتشت عنه في الارشيف بتاع الانترنت ماح تلقي شي عنه للاسف. وحساب تاني اتعمل في ٢٠٢٠ https://twitter.com/ali49yousef؟s=21https://twitter.com/ali49yousef؟s=21... — ماعندنا مشكله مع طموح زول وانه يشتغل شنو وبدا كيف مادام في حقك الخاص ماحاجة بتمس شعب كامل ووطن مستلب تتعاون فيهو مع حكومة الانقلابيين عشان تحقق احلامك بالثراء السريع. شركة ماعتدها اي مؤهلات ولا حتى مقدره مالية كيف توقع اتفاقيه قدر دي؟ الجابهم منو والقاسم معاهم منو؟ والبنوك او الشركات القالو ح تديهم ٢٢١ مليون ديل منو؟ وليه قطاع الكهرباء بالذات وللمره التانية يجيبو شركات امريكية تعبانه ومن نفس الولايه؟ منو القاسم المشترك؟ ولو عاوزه تدو شركه بتعمل الواح شمسيه للبيوت في شركات في السودان عدد مشتركيها اكتر من الشركه دي احسن ليكم https://www.crunchbase.com/orga.../zanbur/company_financials
... .. .
Post: #18 Title: Re: د.عبدالباقي عبدالقادر يلتقي بوفد شركة زان Author: كمال عباس Date: 04-26-2022, 01:58 PM Parent: #17
- : William Shakespeare
!! “Something is rotten in the state of Denmark”
أوعي تطلع زي فنيلة ميسي !
Post: #19 Title: Re: د.عبدالباقي عبدالقادر يلتقي بوفد شركة زان Author: Deng Date: 04-26-2022, 02:14 PM Parent: #18
سلامات يا بكري وضيوفه الكرام.
الكيزان بعد إستيلائهم على السلطة في فترة التسعينيات قاموا بتسجيل عدد كبير من الشركات في الولايات المتحدة الامريكية وكندا. والاستفادة من ذلك هو لسهولة حصولهم على العطائات والقروض التي تمول المشاريع، ولسهولة تهريب العملة الصعبة الى الخارج، ولكن بعد أن تم فرض العقوبات الاقتصادية على نظام الاخوان المسلمين الفاشي صرفوا النظر عن تلك الشركات ولجأوا الى الشركات الصينية الفاسدة والى أنشاء لوبي يدعم النظام في واشنطن.
والان بعد الثورة الشعبية، وبعد مجهود الحكومة الإنتقالية بقيادة حمدوك تم رفع تلك العقوبات عن السودان وعادت حليمة الى قديمها.
الكيزان و أذنابهم ناس مجرمين ويجب التعامل معهم بكل حسم.
Post: #21 Title: Re: د.عبدالباقي عبدالقادر يلتقي بوفد شركة زان Author: Ali Alkanzi Date: 04-26-2022, 07:21 PM Parent: #20
اخ كمال عباس صح صيامك وقولك:
Quote: أوعي تطلع زي فنيلة ميسي !
والله ختفتها من كي بوردي لكن اقول ليك نفس الملامح والشبه والمشية ذاتا وقدلتو
Post: #22 Title: Re: د.عبدالباقي عبدالقادر يلتقي بوفد شركة زان Author: Ali Alkanzi Date: 04-26-2022, 07:28 PM Parent: #21
نحن نشتري الترام مرة وثانية
Quote: لبشير اشترى الترام .. بقلم: علي الكنزي سودانيلنشر في سودانيل يوم 30 - 07 - 2016 بقلم علي يس الكنزي
بسم الله الرحمن الرحيم` من رسائل النور والظلام عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. صدق من قال فينا نحن أهل السودان : " طيبون ساذجون ننخدع لأدنى المشاعر" . هذا ما يمثله استقبال رئيس جمهورية السودان السيد عمر أحمد البشير، لامرأة نكرة لا نعرف عنها كثير شيء إلا شهادة منسوبة لسفارة السودان بلندن تقول: " بأن السيدة اليسا بلاسكو المفوضة الخاصة لنجم برشلون، وخبيرة في مجال الاستثمار الدولي". ماذا يعني " المفوضة الخاصة لنجم برشلونة؟" هل تحمل شهادة بذلك؟ إذن أعرضوها علينا؟ ثم من هو ميسي هذا حتى يبعث بممثلة له لرئيس جمهورية السودان لتهديه قميصاً هو في الواقع يحمل توقيع ميسي وتم إهداءه لليونسيف لتطبع منه اعداداً مقدرة تدر اموالاً لبرامج اليونسيف التطوعية لصالح الطفل في العالم. حسب فهمي وتحليلي المتواضع أن السيدة اليسا بلاسكو مروجه لإصدارة دورية من شركة ليدينق ايدج تعنى بالترويج وأشدد على كملة الترويج للاستثمار في الدول، فتقوم بتحرير وطباعة دورية خاصة باسم بلد ما أو مدينة ما ترويجاً لفرص الاستثمار في ذلك البلد أو تلك المدينة، ولكن لا يهمها بعد ذلك إن كان هناك مردود لدوريتها أم لا، فالمهم عندها أن تصدر الإصدارة، وبعدها الأمر متروك لظروف كل دولة. تقوم البلد او المدينة التي حررت الدورية باسمها بسداد تكلفة التحرير والطباعة. وبهذا تكون السيدة ليسا قد ضربت ثلاث عصافير بحجر واحد.
الأول: رسالة للشركة التي تمثلها بأنها قادرة للوصول حتى لرؤوساء الدول خاصة في عالمنا الثالث. الثاني : حصولها على عقد بطباعة عدد خاص عن فرص التنمية في السودان. والثالث: ستحصل الدورية لقعود ترويج لبعض الشركات العاملة في السودان، مثل زين، ودال وشركات آخرى تريد أن تمطي ترام الرئيس. ليعلم رئيسنا السيد عمر أحمد البشير بأنه قد بِيعَ له (الترام)، ليس لجهل يعتريه، بل لتسطح عقول من حوله من مستشارين فاق عددهم نجوم السماء، وعلى رأس هؤلاء تأتي سفارتنا في لندن التي زكت دخولها ووصولها للسودان. لا أريد أن أرمي أحداً بتهمة الفساد. ولكن وصول السيدة ليسا للرئيس واهداءه قميص اليونسيف، تفوح منه رائحة صفقة فيها لبعض رجال الرئيس سهم وناقة. سؤال قبل ختم مقالي: "هل ستحظي السيدة ليسا بلقا رئيس أو ملك أحد البلدان التي بجوارنا إذا سعت للقائه؟" ما هنتَ يا سوداننا يوماً علينا، ولكن ماذا نفعل مع اصحاب الغرض؟!!!.
Quote: كلام اولاد الخرطوم. تنبيه مهم ..احذرو هذا الشخص ... كيف يتم خداع مجلس السيادى برأسه البرهان و حميدتي اين الاجهزة الرقابية و الاجهزة الأمنية من هذا الشخص .. نقول ذلك حرصاً علي المواطنين و الوطن و حفاظاً علي ما تبقى من الخدمة المدنية لذلك يجب توضيح الحقائق الاتية للشعب السوداني ان المدعو محمد علي الذي قام ببيع ( الترام) لحميدتى و برهان و مجلس السيادة اولاً ادعى هذا الرجل بانه المدير الاقليمى لشركة زنبور 🐝 و الحقيقة انه لديه مكتب فى برج العثماني فى الخرطوم و انه لديه اربعة موظفات لنا تجربة سابقة معه بنادي الاهلي حيث و عد ادارة النادي بتركيب كشافات داخل النادي حيث ماطل فى ذلك و رفض الرد علي تلفونات النادي اكثر ٣٠ مرة زد علي هذا الامر بسؤال الباشمهندس شمس الدين الذي رفض التعامل مع هذا المدعى فى دار نادي الاهلي الخرطوم و كان المتابع من الادارة عصام زكريا المتواجد فى راس الخيمة بالامارات. شقيق لاعب الاهلي سعد زكريا و ايضاً تعامل معه الدكتور نوارى عمر نوارى. استاذ جامعى في جامعه فلوريدا لدية تجربة مريرة مع هذا الشخص انه سوف ينشى المحطة فى مساحة قدرها 2600 كيلومتر مربع وهي مساحة ٣ اضعاف دولة البحرين 🇧🇭 وانه سوف يقوم بتدريب عمال وفتح معاهد تعليمية للطاقة الشمسية دى امكانيات دول اوربية و كان المتحدث محمد المرتضى المشلي مدير عام مكتب العمل السودانى فى الثمانينيات و قام بذكر كاجر للموظفين و العمال و بالدولار و هى ارقام مجافية للحقيقة . اذا كان ذلك صحيح اين السيرة الذاتية ( البروفايل) الخاصة بالشركة و اين الجهات الامريكية الممولة له و علي اى اساس يتم التمويل ومن المفترض حضور جهات اعتبارية امريكية فى هذا الامر الحيوى الملحق التجارى فى سفارة امريكا بالخرطوم .اين الملحق التجاري للسفارة السودانيه فى واشنطن الرحمة و المغفرة الي عاقل عطاء المنان الملحق التجارى للسودان بامريكا فى الثمانينات
Post: #24 Title: Re: رسالة مهدي جرسي Author: Asim Ali Date: 04-26-2022, 09:25 PM Parent: #23
بعدعاصفة الراى حول شركه زنبور
Quote: مجلس السيادة: لم يتم توقيع عقودات مع شركة زنبور الأمريكية أبريل 26, 202261
الخرطوم: الإنتباهة
أوضح المكتب التنفيذي لعضو مجلس السيادة الانتقالي د. عبد الباقي عبد القادر ان لقاء عضو المجلس مع شركة زنبور الامريكية، كان لقاءاً اولياً عرضت خلاله الشركة خدماتها في مجال الطاقة البديلة، وابدت رغبتها في تقديم خدماتها للدولة.
واكد المكتب التنفيذي، عدم التعاقد او التوافق خلال اللقاء على أية مشاريع، علما بأن عضو مجلس السيادة كان قد أوصى بإحالة الملف الى جهات الإختصاص لإجراء الترتيبات المتعارف عليها في مثل هذه الحالات، حيث يتم طرح عطاء مفتوح يسمح بالتنافس الشريف للشركات العاملة في هذا المجال، في حال تم التصديق بقيام المشروع من قبل وزارة المالية.
ماهو ماكان كويز بتاع مختبرات يجى يقتحم مجال رائد زى الطاقات البديله والمتجدده ما لميجد فراغ فى البلد ووالسوق فى يد الجربنديه دراسه هندسه الطاقه تجمع بين التوليد والتويع والصيانه والشبكات وحتى الجوان الاداريه من ادارة موارد بشريه وتسويق ....الخ للاسف فى السودان الان شباب بيقولو انهم تخصصو فى الطاقاه البديل فى الماجستر لكن عاطلين عن اى فهم او تصور وفيما يبدو انهم ناس البحث العلمى والدرجات اللىبيتم نيلها ببحوث (كوبى بيست)
Post: #25 Title: Re: د.عبدالباقي عبدالقادر يلتقي بوفد شركة زان Author: محمد نور عودو Date: 04-26-2022, 10:25 PM Parent: #18
أوعي تطلع زي فنيلة ميسي.
والله يا كمال عباس عايز اكتب نفس التعليق لقيتك سبقتتي زي ما قال علي الكنزي
Post: #26 Title: Re: د.عبدالباقي عبدالقادر يلتقي بوفد شركة زان Author: حيدر حسن ميرغني Date: 04-26-2022, 10:57 PM
خيرا فعلت يا بكري بإثارة هذا الموضوع أكيد اصحاب الشأن سيكون لهم رأي آخر يا ريت واحد يعمل شير للبوست في الفيس بوك كمان لتعميم فائدته وكشف الحرامية ديل للرأي العام المغَيب
Post: #28 Title: Re: د.عبدالباقي عبدالقادر يلتقي بوفد شركة زان Author: Sayed Bekab Date: 04-27-2022, 08:18 AM Parent: #26
و قال نحن نشجع التحول الحصل في السودان؟ زنبور و زنطور في نفس الوقت .
Post: #29 Title: Re: د.عبدالباقي عبدالقادر يلتقي بوفد شركة زان Author: عمار قسم الله Date: 04-27-2022, 10:25 AM Parent: #28
تحية خالصة للجميع باشمهندس بكري --- اعتقد البوست ضربة معلم وقد تواردت المعلومات من كل حدب وصوب ... وأعتقد أن الأمر يجب أن يذهب الي أبعد من ذلك للاٍجابة علي سؤال هام !!! هل هؤلاء الشباب تقدموا بالمشروع - لمجرد لقاء تلفزيوني أو مردود اٍعلامي لشركتهم !!! أم أن هناك مشروع أكبر من ذلك - (( مثلا - تمويل كيزاني تحت غطاء شركة (الدبور) هذه ))!!! فلقد دأب الكيزان منذ بداياتهم علي وضع واجهات ((جوكية)) لزوم التغطية -- لنشاطاتهم المشبوهة *** لذا يجب التمحيص أكثر -- والوصول لحقيقة الأمر وليس فقط لمجموعة (الدبور) - بل لكل (( الدبابير)) التي قد تبدأ في الظهور -- بعد أن اتيحت لهم الساحة مرة أخري
Post: #30 Title: Re: د.عبدالباقي عبدالقادر يلتقي بوفد شركة زان Author: Deng Date: 04-27-2022, 12:48 PM Parent: #29
هذا البوست يكشف لنا مدى العبثية والسذاجة لدى هذه الحكومة الإنقلابية الفاشلة
مثل هذا الاحتيال من المؤكد بأنه لن يحدث في ظل حكومة منتخبة ديمقراطيا، ولا حتى لحكومة إنتقالية تمثل الشعب ومسنودة به.
Post: #31 Title: Re: د.عبدالباقي عبدالقادر يلتقي بوفد شركة زان Author: Ali Alkanzi Date: 04-27-2022, 04:19 PM Parent: #30
ردا على قولك يا دينق
Quote: هذا البوست يكشف لنا مدى العبثية والسذاجة لدى هذه الحكومة الإنقلابية الفاشلة
مثل هذا الاحتيال من المؤكد بأنه لن يحدث في ظل حكومة منتخبة ديمقراطيا، ولا حتى لحكومة إنتقالية تمثل الشعب ومسنودة به.
هذا يعكس سذاجة وبساطة وسطحية الانسان السوداني
قول ليهو اي حاجة واعمل ليها ترويج طوالي بصدقها والامثلة كتيرة على المستوى السياسي والرسمي والشعبي امشي السوق الشعبي مثلا تلقى واحد خاتي حاجاتو في الصقيعة وشمس النهار ومكرفونو يلعلع عندو تركيبة دوائية تعالج جميع الامراض والعقم والارتخاء الفحولي والناس بالصف وقديما قيل كما تكونوا يولى عليكم
Post: #32 Title: Re: د.عبدالباقي عبدالقادر يلتقي بوفد شركة زان Author: بكرى ابوبكر Date: 04-28-2022, 00:40 AM Parent: #31
Post: #33 Title: Re: د.عبدالباقي عبدالقادر يلتقي بوفد شركة زان Author: Abureesh Date: 04-29-2022, 08:43 AM Parent: #32
مشيت وصلة About US فى موقع الشركة.. وعادة About us شكلها هكذا: 1- من نحن؟ شركة زنبور هى شركة أمريكية مسجبة فى ولاية تكساس بالرقم كذا كذا وعنوانها هو 123 الشارع العام، المدينة السكنية.. ولاية الولايات.. الرمز البريدة12345 المؤسسون أو مجلس الإدارة: فلانوزفلان زفلانة؟
الإدرا: 1. فلان الفلانى: المدير العام 2. فلان العلانى: المدير المالى . . الخ الموقع الجغرافى: [الموقع فى خريطة قوقل] الإيميل ورقم التلفون.. (المعلومتين ديل موجودات فى السجل الحكومى ولالكن ليس فى الموقع)
لم أجد أى من هذه المعلومات الهامة.. وأعتقد هذه غفلة منهم وليس لأنها غير موجودة.. ما عندهم خبرة IT ولا خبرة فى التوثيق، وما أدوا الشغل لناس مختصين ربما لتوفير التكاليف. أعرف فى تكساس شركات صغيرة تعمل فى مجال الواح الطاقىة الشمسية للمنازل وربطها بالشبكة العامة.. وهى تحتاج الى ترخيص ومسيطرة عليها مافيا.. ربما فلتوا من المافيا بالمجهود والمثابرة والترخيص الرسمى، ولكن هذا كله فى حيز البيوت فقط، اما المشاريع الكبيرة موضوعها مختلف تماما... وتحتاج مهندسين فى جميع الميادين، من هندسة مدنية وكهربائية وهندسة تربة..الخ، ثم بناء بينية تحتية كاملة.. وعييييك. الشباب ديل لازم تكون عندهم شفافية كافية بها يقنعوا الناس بمقدراتهم الحقيقية، بدل يقولوا أى كلام ويطلبوا من الناس يثقوا فيهم. لازم ينزلوا ملفاتهم كلها.. وأفة السودان هى تعالى الإدارات وكل من وجد شوية سلطة عليهم.
