اغنية محمد النصري دي كلمات رهيبة .

06:09 PM March, 31 2022

سودانيز اون لاين
Osman Musa-
مكتبتى
رابط مختصر

سامعكـ من زمان شاكي الشتات والفُرقة
مالك لما جيت طولت قاطع المرقة
بهديك السلام رغم الدروب متفرقة
تتلفت وراك حتى السلام بالسرقة

قول لي شن دهاك ترضي العوازل وتشقى
مين القال بلاكـ غير الضياع ح ألقى
ياروضي البصيح عصفور قبل الشرقـة
تبكيك القلوب قبل العيون بي حرقة

كان للماضي عايش فيهو غصباً عني
مجنون عابرة لازم بيها يومي يغني
نمره علي الخبيث ماخيبت يوم ظني
اما مع العفيف مسكينة طيرة جنّـي

لفيت المدن ماشفت غيره سماحة
مدعوجة عيون ضاوي الجبين وضاحة
حبيتك قبيل بي كل وضوح وصراحة
لكن السنين قلبت غناي منـاحة

إن بقى للشعر يكفيك مقامكـ عندي
إن بقى للقلم مابدري كنت أفندي
لو دايراني أقوم قومت نِمر من شندي
ما ناقصني غير مِيتة شرف كالجندي

واحدين في هواك ياعابـرة هم لاموني
ينضمو بي وراي قدامي ما بوروني
محتوي في الصبر والله يكون في عوني
ديل قاصدين شقاي دايرين يبكو عيوني

انـا في زكراها ما وقعت عيون في صوره
وما صدحت علي صدر الصباح عصفوره
لو جارت علي او طولت معزوره
لو جاد الزمان لابد امشي وأزوره

كلما أقـول أطيب أرقد أروق إنجمى
أسمع لي قول زي السهـر والحُمـى
البقى في لسانكم صِح وقع ما سمى
خـلوني ال أعيش مالك .....

ارجو التكرم بوضع الأغنية مع جزيل الشكر .

https://youtu.be/95A6BwNzbFkhttps://youtu.be/95A6BwNzbFk

تسلم يا حبيب

الزول اللماح د. ياسر
سلامات وعيدك مبارك
شاعرك هنا كتلتو الحنية ف قام دفق الكلام دفعة واحدة .
مالك لما جيت طولته... قاطع المرقة؟
...
الف شكر ياخ وانت تشاركنا الأعياد والأحزان تجتاح بلدنا.