هل تصدق توقعات زميلنا أبوبكر عباس غدا السبت

12:03 PM March, 25 2022

سودانيز اون لاين
بلدى يا حبوب-kahrtoum
مكتبتى
رابط مختصر

Quote: أحلام بسمات، بكرة السبت ستة وعشرين تلاتة في مجلس عسكري جديد وقد يأتي المنقذ حمدوك أو رئيس وزراء مدني آخر بصلاحيات كاملة، الدولارات من يوم الأحد رب رب رب ما تشتغلي بكلام حافظ دا فليس له علاقة بالسياسة

مداخلة. في بوست عنوانه
هل فعلا الجيش استلم السلطه واطاح بالبرهان
على قول المثل خبر الليلة بقروش باكر ببلاش،
تحياتي

يا بلدي،
خبر الليلة بقروش وباكر بالدولار

حصل في المنبر دا قلت ليكم ح يحصل كدا وما حصل؟

قالها ابوبكر أكيد حصل و انتهى
غدا لناظره قريب


انا حصل كضبت عليكم
من القائل و ما المناسبة
وعلاقة انا حصل كضبت عليكم
و
حصل في المنبر دا قلت ليكم ح يحصل كدا وما حصل؟

سلام للجميع~
يبدو أن:
ان المشروع التسووي الذي يناقش في اطار السفر المستمر لابوظبي السري و المعلن، هو كما يلي:
تسليم السلطة لحكومة كفاءات مدنية متوافق عليها، و مجلس سيادة مدني من ثلاثة اشخاص،
و مجلس تشريعي يضم الحركات المسلحة و التيار التسووي في (قحت) و بقية القوى السياسية في معسكر الانقلاب و الاسلاميين عدا المؤتمر الوطني،
و مجلس امن قومي يكون الانقلابيين من العسكريين و قيادة الجنجويد نواته و المسيطرين عليه.
إخراج هذا السيناريو، يعوقه فقط :
*رفض بعض قوى التيار التسووي وجود عصابة الانقلاب في مجلس الامن القومي، و
المطالبة باستبدالهم بعسكريين آخرين، مع الموافقة على اعطاءهم حصانة و عدم مساءلتهم عن الجرائم التي ارتكبوها.
و ذلك حتى يتسنى لهذه القوى التسووية، تمرير التسوية تحت زعم أنها تقود لتصفية الانقلاب،
و هذا الزعم يعيقه وجود الانقلابيين في السلطة بأي شكل من الاشكال.
*هذه التسوية ان تمت، سوف تواكبها دعاية ضخمة جداً حول النجاح غير المسبوق لقوى التسوية في هزيمة الانقلاب، و تجريم و تشكيك القوى الثورية التي سوف تستبعد من المشاركة و خصوصا لجان المقاومة،
ما عدا البعض الذي سيتمكن التيار التسووي من استقطابه ليسرق عبره اسم اللجان كما سرق من قبل اسم تجمع المهنيين.
هذه التسوية ستواجهها مقاومة لا تتراجع مثلما واجهت الانقلاب و ستعتمد في قهرها علي نفس القوي المنهكة لخمسة اشهر الان
#الشارع حى
#العسكر للثكنات
#تسقط كتائب الجنجويد
#الجنجويد ينحل

سلام عليكم
كان المخلوع و حكومته عند بيع دولاراتهم المكنوزة يرفعون سعر الدولار،
ثم يطلقون إشاعات من قبيل (وديعة مليارية و قروض و استثمارات ضخمة)
فينزل سعر الدولار ليشتروه هم مرة أخرى و يحققون أرباح كبيرة... نفس الشئ.

يا علاء، طبعاً صاحبنا داك ود عمي،
لكن أصلاً ما كنا بنتخيل يجينا زول من الغرب ويطلع أكضب من أولاد جعل!

سبحان الله
فوق كل ذي علمٍ عليم!!

Quote: يا بلدي، خبر الليلة بقروش وباكر بالدولار حصل في المنبر دا قلت ليكم ح يحصل كدا وما حصل؟

لأأأ ما حصلش ..
ويا بلدي يا حبوب:
إذا قالتْ حـَــذامِ فصــدِّقوها ،،، فإنّ القولَ ما قالتْ حذامِ

ـــــــــــــــــــــــــــــ

Quote: يبدو أن: المشروع التسووي الذي يناقش في اطار السفر المستمر لابوظبي السري و المعلن، هو كما يلي: تسليم السلطة لحكومة كفاءات مدنية متوافق عليها، و مجلس سيادة مدني من ثلاثة اشخاص، و مجلس تشريعي يضم الحركات المسلحة و التيار التسووي في (قحت) و بقية القوى السياسية في معسكر الانقلاب و الاسلاميين عدا المؤتمر الوطني، و مجلس امن قومي يكون الانقلابيين من العسكريين و قيادة الجنجويد نواته و المسيطرين عليه.

وهذا برضــِك/برضَــك لا غُبار كتير! عليه..
وفي الغالب، كتير من الأمة السودانية الثائرة وغير الثائرة ستوافق عليه،
وربما تحرسه حَرسة "لعبتنا آل.زمان ديك" آل.رِّمَّة وَ حَــرّاسا

مرّة جيتكم هنا والمنتدى فاير
قلت ليكم ما تسمعوا لي كلام ناس دينق
ترامب هو الرئيس القادم للولايات المتحدة
تم ترم
فاز

مصداقيتي الكل يشهد بها

بعدين ما قلت ليكم بعد شهر أو اسبوع

بكرة دي

يا أخوانا،
لو لا إنو نعمات دي أخوانها صحباني،
كنت زعلت من مداخلتها
لكن عشان عين ما بفوت

أقصد عشان عين بفوّت

يا ابوبكر و الله من كتر ما دخلنا فيلم بشة و سعر الدولار
أصبح التذكير بالخدعة الكيزانية فرض .
أعود غداً لأعتذر لو صدق خبرك.

المشكله مش العسكر
المشكله الحركات المسلحه وفكى جبرين دا الحيركب الموجه ويبقى اردغان كيزان السودان
يعنى يركب ضهر البلد بدعم صفوف بنى كوز الخلفيه و غواصات بنى كوز فى الاحزاب-احزاب كيانات التسويه) تانى 30 سنه شويه كان المخطط نجح
دايما التركيز الاعلامى على نقطه فى المعركه مع الكيزان يعنى انو فى منطقه مظلمه فيها الشغل الخطر
والايام بيننا

يا مستنير مشكلة مداخلة نعمات عمات إنو رب رب رب ما وردت في أي مقتبس في البوست دا.

يا دكتورة اليوم وفي تمام الساعة 1:52 pm بتوقيت منبر بكري جاءني خاطر أن أكتب للسؤال عنك.
ولكن نظرت في المستقبل فوجدت أن كتابة البوست وإرساله ستستغرق أكثر من ثلاث دقايق.

Quote: حصل في المنبر دا قلت ليكم ح يحصل كدا وما حصل؟

بالحيل حصل!

Quote: بالحيل حصل!

يا ودو الحردان والوعد بمغادرة المنبر ما محسوب ، هل حصل ؟

محسوبات يا اب سطير و نص
خلاص جيت تتفلقص :)

مصداقيتي على المحك
باقي ست ساعات بالضبط

يا ابشرا

نهاية الظالمين مرتبطة بالعدد 9 ومشتقاته

مضاعفاته او ارتباطه بعدد اخر

امثال 19 ، 29 ، 38 الخ

19 ديسمبر كانت قاضية لانها ارتبطت ب2019 ومجموعهم 38

مضاعفات 19

الفكرة ليست دينية بقدر ماهي ماورائية او ميتافيزك

لاحظ ثورات اكتوبر وابريل لم تكن ضد ظلمة كما هو الحال بالنسبة

لاوباش الكيزان -قمة الظلم والعهر ...

ومن ناحية اخري العلاقات (الفيتشية) قد لاتصدق بتاتا

والشارع اصدق انباء من الكتب ...والضغط بجيب الزيت

كما هو واضح الان رغم المراوغات وكسب الزمن التي

لن تفيد وانما تعمق الازمة وتزيد حسابهم صعوبة كلما سقط

قتيل وكلما استفحلت الازمة الاجتماعية والاقتصادية والسياسية

والثورة ليست سوي تداخل الازمات في كل مركب واحد

سلام مولانا حافظ
دعواتكم الصالحات بأن يحفظ الله المسافرين
و أن يرحم موتانا و يُذهب عنا الحزن.
مشكور على السؤال.

Quote: يا ابشر

إن شا الله راجل مرا