Post: #1
Title: ***** حمدوك هو الحل *****
Author: ABUHUSSEIN
Date: 03-09-2022, 02:26 PM
01:26 PM March, 09 2022 سودانيز اون لاين
ABUHUSSEIN-السعودية الرياض
مكتبتى
رابط مختصر
كل مشاكل السودان بتتمحور في المشاكل الاقتصادية
|
Post: #2
Title: Re: ***** حمدوك هو الحل *****
Author: ABUHUSSEIN
Date: 03-09-2022, 02:31 PM
Parent: #1
متى ما تم ايجاد حلول لمشاكل الاقتصاد و تحركت عجلة التنمية و الإنتاج
و معها تنمية الريف
اكيد سيعم السلام المنشود كل ربوع السودان
|
Post: #3
Title: Re: ***** حمدوك هو الحل *****
Author: ABUHUSSEIN
Date: 03-09-2022, 02:37 PM
Parent: #2
أي استقرار إقتصادي سيكون له تأثير إيجابي على حل مشكلة النازحين و المشردين ...
و كذلك إيجاد وظائف لشرائح كثيرة من المجتمع و بالتالي سيكون له تأثير إيجابي على كل المجتمع
|
Post: #4
Title: Re: ***** حمدوك هو الحل *****
Author: هدى ميرغنى
Date: 03-09-2022, 02:37 PM
Parent: #1
سلام وكثير التحايا أخى المحترم أبو حسين
اليوم أختلفنا تماما
السودان عامر، والله تختار واحد من الأباء والأمهات الطلعوا قبل كم يوم دعما لتحرير السودان
يعدلوا إقتصاد السودان وكثير من مشاكله.
حمدوك بعد عمايله مشى الأمارات وعايش كالملوك هناك
والشعب السودانى يموت على أيدى القتلة ومرتزقتهم.
يجئ تانى - أوعدك أكون شايلة لافتة الرفض وواقفة فى الشارع من الصباح للمساء.
|
Post: #5
Title: Re: ***** حمدوك هو الحل *****
Author: ABUHUSSEIN
Date: 03-09-2022, 02:47 PM
Parent: #4
Quote: سلام وكثير التحايا أخى المحترم أبو حسين
اليوم أختلفنا تماما
السودان عامر، والله تختار واحد من الأباء والأمهات الطلعوا قبل كم يوم دعما لتحرير السودان
يعدلوا إقتصاد السودان وكثير من مشاكله.
حمدوك بعد عمايله مشى الأمارات وعايش كالملوك هناك
والشعب السودانى يموت على أيدى القتلة ومرتزقتهم.
يجئ تانى - أوعدك أكون شايلة لافتة الرفض وواقفة فى الشارع من الصباح للمساء. |
بتنا المحترمة هدوية
طالما الود و الاحترام موجود الاختلاف ما مشكلة
حمدوك انجز في فترة قصيرة ملفات كبيرة جدا استعصت على الكثيرين
حاربوه العساكر و اعوانهم و حتى بعض الأحزاب
الأمارات المشو ليها كثيرين و يبقى ليييييه مشو الامارات ... ؟؟؟؟
لو رجع حمدوك و طلعتي بي لافتتك القلتيها دي اكتبي فيها
(( كيتا في ابو حسين )) 🤣🤣🤣
تحياتي يا غالية
|
Post: #6
Title: Re: ***** حمدوك هو الحل *****
Author: Mahjob Abdalla
Date: 03-09-2022, 02:51 PM
Parent: #4
Quote:
1. ايجاد حلول لمشاكل الاقتصاد و تحركت عجلة التنمية و الإنتاج و معها تنمية الريف
2. اكيد سيعم السلام المنشود كل ربوع السودان
OR
1. اكيد سيعم السلام المنشود كل ربوع السودان
2. ايجاد حلول لمشاكل الاقتصاد و تحركت عجلة التنمية و الإنتاج و معها تنمية الريف
|
سلام ابوالحسين
ايهما يأتى اولا؟
|
Post: #7
Title: Re: ***** حمدوك هو الحل *****
Author: كمال عباس
Date: 03-09-2022, 03:11 PM
Parent: #6
إسئلة محتاجة لأجوبة
عودة حمدوك كيف وبواسطة من ؟
شراكة ؟ مع من؟ وثيقة جديدة أم قديمة؟
عودة لأوضاع ماقبل 25 أكتوبر؟
ماهي حاضنته؟
ملاحظة
حينما تخلي حمدوك عن من أتي به للسلطة ـ وعن القوي المدنية وتحالف مع العسكر
هل كسب تأييد الشارع ؟ هل كسب المجتمع الدولي ؟
كيف كان وزنه وثقله وتأثير حينما تخلي عن المكون المدني؟
لماذا فشل في تكوين حكومة؟
ـ الثورة أشتعلت وحمدوك بالخارج وإستمرت في فترة حكمه وأثناء شراكته
للإنقلابيين وبعدها ـ
|
Post: #8
Title: Re: ***** حمدوك هو الحل *****
Author: ABUHUSSEIN
Date: 03-09-2022, 03:50 PM
Parent: #6
Quote: 1. ايجاد حلول لمشاكل الاقتصاد و تحركت عجلة التنمية و الإنتاج و معها تنمية الريف
2. اكيد سيعم السلام المنشود كل ربوع السودان
OR
1. اكيد سيعم السلام المنشود كل ربوع السودان
2. ايجاد حلول لمشاكل الاقتصاد و تحركت عجلة التنمية و الإنتاج و معها تنمية الريف |
و عليكم السلام حبيبنا محجوب
سلام الاتفاقيات جربناه في السودان لمن بقى مسيخ
و اهو قدامنا زعماء حرب ضربو الراحات و سكنو الخرطوم و لا زالت معسكرات النازحين تعاني و تتألم
تنمية الريف و تهيأة البيئة الصالحة للإستقرار هي السلام الحقيقي
و الحاجات دي محتاجة لي إستقرار اقتصادي يتحرك فيه الجميع من اجل التنمية و دعم اقتصاد البلد
اجابتي الاقتصاد اولا حتى يكون السلام دائم
تحياتي
|
Post: #9
Title: Re: ***** حمدوك هو الحل *****
Author: Mahjob Abdalla
Date: 03-09-2022, 04:01 PM
Parent: #8
| Quote: سلام الاتفاقيات جربناه في السودان لمن بقى مسيخ |
اذا ما في داعى الناس تسلك الطريق ده
المثل الانجليزى مش بقول ما معناه, بتعمل نفس الشئ و تتوقع نتائج مختلفة.
الحل انو ما في زول يعمل فيها سيدها و يخطف الكرسى الاول و يقول بوزع للاخرين. فالجلوس تكون في مائدة مستديرة ما فيها كرسى اول و يتم تأسيس دولة.
|
Post: #10
Title: Re: ***** حمدوك هو الحل *****
Author: علاء سيداحمد
Date: 03-09-2022, 04:24 PM
Parent: #9
سلام يا ابوحسين
لا مشكلة فى عودة حمدوك ولكن ؟؟؟
بأسس ومواثيق جديدة .
- ميثاق الشعب والمعلن عنه من قبل لجان مقاومة ولاية الخرطوم .
- وأهم ما فى الميثاق :
مع التأكيد التام والجازم انه لا تنمية ولا اقتصاد بدون أمن وسلام
التركيز التام فى ميثاق الشعب على :
- الغاء الوثيقة الدستورية
- فيما يخص سلام جوبا : اللجوء الى الفقرة خامساً (2)
- سادساً : اصلاح المنظومة الامنية والعسكرية .
بعد الاتفاق على هذا لو جاء حمدوك او غيره يمكن ان يقود البلاد الى بر الامان .
|
Post: #12
Title: Re: ***** حمدوك هو الحل *****
Author: محمد البشرى الخضر
Date: 03-09-2022, 04:55 PM
Parent: #11
يا خوي دا زي الزول راسه بنزف و عايز تربط ليه كراعو, المشكلة قبل ما تكون اقتصادية مشكلة جيش متسلط ما قادر يفهم انه مؤسسة حكومية زي غيره يعمل تحت امرة الحكومة وليس هو الحكومة نفسها, و التفكير دا للاسف ادى لربط الحكم و السلطة بحمل السلاح و القوة
لو حليت المشكلة دي و بعد الجيش عن السياسة الحل ادا ما معضلة ولا مرتبط بشخص حمدوك اوغيره, انت بي سجمك ورمادك دا ممكن تكون حل! تخيّل
|
Post: #13
Title: Re: ***** حمدوك هو الحل *****
Author: هدى ميرغنى
Date: 03-09-2022, 05:01 PM
Parent: #11
سلام للجميع~
أخى المحترم ، أبو حسين بكتب فيها كيتا فى ميناوى😀
لكن والله مسألة حمدوك يرجع دى زعلتني شديد
كان منك ، كان من الأخ علاء
يا أخوتى المحترمين قدر متابعتكم ومعرفتكم للحاصل فى السودان
تانى تقولوا إسم حمدوك، والله الشعب السودانى أعلى قيمة ووعى من أمثال حمدوك (مع الإحترام له كإنسان)
ورغما عن سنين الكيزان الخربت البلد وجابت القاتل حميدتى وكل ما يتبعه
الشباب السودانى معجزة فى الوعى.
حمدوك كإنسان مخير فى حياته يعيشها زى ما عايز ويفاوض ويطايب فى حاجاته، بس بعيد عن الشعب السودانى.
#ضد حمدوك وأمثاله من مجموعات الهبوط الناعم، التى تخدم مصالح الدول الأخرى .
#عاش كفاح الشعب حتى النصر وتحرير السودان
•••مهم جدا:
مع الإحترام والإعتذار طبعا،أخى أبو حسين حأطلع فى هذا الخيط بمظاهرات لن تتوقف
|
Post: #14
Title: Re: ***** حمدوك هو الحل *****
Author: Salah Zubeir
Date: 03-09-2022, 07:40 PM
Parent: #13
اااي ما عندها علاقة هرشه ساي مني أبيت أختها
عند دكتوره نعمات ... كمان تلم فيني المناضلين ...
بعدين أمجد دا ولد قحت وقبليها شيوعي معتق ...
ربك يستر ما يلم فيني هادم البوستات ... اصلا
خاميها من الما يسماش حبيبنا الواتساب ...
بعدين يا سيد استقرار اقتصادي وسلام بتاع الساعة
كم؟ ... كدي أول شي خلي الغربان دي تبطل صراع
على السلطة أو الغنيمة ... الصراع السياسي الحالي
لا يهدف لي حكومة مدنية أو يؤدي لي عهد ديمقراطي ...
صراع من أجل السلطة فقط ... بالتالي البلد سوف تظل
في عدم استقرار سياسي ... والاستقرار السياسي هو
مفتاح الاستقرار الاقتصادي والامني وبالتأكيد سوف
يؤدي إلى سلام شامل ...
|
Post: #15
Title: Re: ***** حمدوك هو الحل *****
Author: كمال عباس
Date: 03-09-2022, 07:58 PM
Parent: #14
ـ Quote: . الصراع السياسي الحالي
لا يهدف لي حكومة مدنية أو يؤدي لي عهد ديمقراطي ...
صراع من أجل السلطة فقط ... بالتالي البلد سوف تظل
في عدم استقرار سياسي . |
,,,
عقب الإنقلاب في أكتوبر الماضي
الحثالة العسكرية المهيمنة علي الجيش والسلطة -
مليشيات مسلحة ـ حركات ودعم سريع ولجنة أمنية
أعلنوها; أن المشكلة تكمن في كنكشة ما أسموه أربعة طويلة
وفي التشاكس في السيادي وأن الشعب والثوار في صف حميدتي وبرهان
- وعندها
قالو أنهم سيكونو مجلس تشريعي
-ومجلس سيادي يمثل السودان
-ووعدونا بحكومة كفاءات
ثم عادو وقالو أن حمدوك يسحل معضلتهم
- أها أربعة طويلة مضت وترك فك إعتصامو
إذا وين الإستقرار وين الكفاءات وين الحكومة ؟ وين فك العزلة الدولية
وين حسم الإنفراط الأمني وفوضي السلاح والنهب المسلح؟
ـ
,,,
|
Post: #16
Title: Re: ***** حمدوك هو الحل *****
Author: Hafiz Bashir
Date: 03-09-2022, 09:12 PM
Parent: #15
الحل لا يمكن ان يكون عند فرد واحد مهما كان
الحل يحتاج إرادة جماعية.
|
Post: #17
Title: Re: ***** حمدوك هو الحل *****
Author: Salah Zubeir
Date: 03-09-2022, 11:16 PM
Parent: #16
Quote: إذا وين الإستقرار وين الكفاءات وين الحكومة ؟ وين فك العزلة الدولية
وين حسم الإنفراط الأمني وفوضي السلاح والنهب المسلح؟ |
هلا كمال ...
أسئلتك دي سوف تظل عالقة اذا سقط البرهان وشلته او لم
يسقط ... لو سقط البرهان فالبديل سوف يواجه نفس الظروف
ولن يسلم من الشارع المنقسم ولن يستطيع الإجابة على أيا
من أسئلتك عاليه ... وسوف يتواصل عدم الاستقرار السياسي
إلى ما لا نهاية ... أما إذا لم يسقط البرهان فبالتالي ليست هناك
اجابات ... وليس هناك استقرار سياسي أيضا ...
لقد توقف تماما عقل عيال حوا السودانية في إيجاد حلول
للتعريجة النحنا فيها دي وليست في الأفق أية حلول ...
|
Post: #18
Title: Re: ***** حمدوك هو الحل *****
Author: Abureesh
Date: 03-10-2022, 00:10 AM
Parent: #17
إدا حمدوك هو الحل فما هى المشكلة؟
|
Post: #19
Title: Re: ***** حمدوك هو الحل *****
Author: Hamid Elsawi
Date: 03-10-2022, 06:56 AM
Parent: #18
سلام أبو حسين
عنوان البوست ربط حل مشاكل السودان
ب شخص مواطن زول (حمدوك)
لكن مشاكل البلد لا يمكن يحلها شخص
بتحلها إرادة أمه كامله إذا توافقت ...
الآن الشعب السوداني قاعد يكتب برنامج ثورته
اقتصادياً و سياسيا و إجتماعياً و نقابيا ووو الخ
و تجاوز مرحلة تسقط بس .... وعي متراكم
الحكومة مهزومه و ماقادرة تقدم شئ غير الرصاص
و الموت و الدمار. و ما عندها رئيس وزراء و لا وزراء
و تستجدي المدنيين لدعمها أو البصم لها ..... عشان تكسب
شرعية ... فشلها في أن تجد ذلك إمتحان أول رسبت فيه
الكلام كتير لو طولت.
تحياتي
|
Post: #20
Title: Re: ***** حمدوك هو الحل *****
Author: علاء سيداحمد
Date: 03-10-2022, 07:10 AM
Parent: #19
Quote: لكن والله مسألة حمدوك يرجع دى زعلتني شديد
كان منك ، كان من الأخ علاء |
سلمات يا هدى
انا لم اعطى حمدوك شيك على بياض ليرجع
انما تم ربط الموضوع ب عدة مطالب واسس ومواثيق جديدة :
- العمل بميثاق الشعب والمعلن عنه من قبل لجان مقاومة ولاية الخرطوم
وأهم ما فى الميثاق :
- اصلاح المنظومة الامنية .
- توحيد الجيش ( دمج كل المليشيات بما فيها مليشيا الجنجويد فى الجيش وتسريح غير اللائقين )
- الغاء الوثيقة الدستورية .
وكنت قد كتبت فى نهاية المشاركة السابقة ما يلي :
| Quote: بعد الاتفاق على هذا لو جاء حمدوك او غيره يمكن ان يقود البلاد الى بر الامان . |
وبمعنى أوضح شرحاً لما سبق :
- المهم كيف نحكم وليس من يحكم !!!
|
Post: #21
Title: Re: ***** حمدوك هو الحل *****
Author: Abureesh
Date: 03-10-2022, 09:36 AM
Parent: #20
طبعا كفاءة مالية مثل ما عند حمدوك فإن الخليدجيين يبحثون عنها وسط السودانيين، وسوف يعضون عليه بالنواجز .. لكن قولا واحد لن يكون رئيس وزرائهم.. يمكن مستشار عند وزير المالية.
ما كل الحكومات عمياء مثل حكوماتنا.. الزول يختوه فى محله بس. من إنجازات الرجل انه (صلح) السيرة الذاتية بتاعتو والان فرص توظيفه فى صندزق النقد العربى صارت كبيرة.
|
Post: #22
Title: Re: ***** حمدوك هو الحل *****
Author: ABUHUSSEIN
Date: 03-10-2022, 03:40 PM
Parent: #21
يا شباب يا حلوين و الله مزنوق
بجيكم بي رواقة
تسلموا جميعا
|
Post: #23
Title: Re: ***** حمدوك هو الحل *****
Author: ABUHUSSEIN
Date: 03-13-2022, 08:25 AM
Parent: #22
هذا المقال للطيب عبدالماجد :-
Quote: عشان ما يكون كلام من اجل الكلام ونقد من اجل النقد وكذب ونفاق ومزايدة !!!!!؟
الطيب عبدالماجد يكتب بلغة الارقام ..
ساتحدث فقط بلغة الأرقام التي لا تتلون ولا تكذب ومصادري مؤسسات دوليه معترف بيها بتعرف صادراتك ووارداتك ونسب الفساد وكل حاجه
وبالارقام أكتر من وزاره المالية نفسها وماعندهم مصلحه فيك
ولا يفرقو بين السودان وجزر القمر
بطلعو حقائق وارقام حقيقيةً
عشان يعرفو معدلات النمو في العالم وعندهم أجندة مرات
بعرفوك مديون كم ومشكلتك شنو
عشان مراتٍ بتدخلو فيك وما كلهم بريئين
لكن برضو تبقى دي الحقائق المافيها لف ولا دوران
لأول مره إحتياطي بقرابة اتنين مليار دولار في بنك السودان هذه
لم تحدث منذ عقود
لأول مره زيادة في معدل الصادرات بأرقام جديده
تعدل في الميزان التجاري المختل
تتخيل السودان المسكين دا
قام بالتصدير
قيمة الصادرات كانت 2.53 مليار دولار في النصف الأول من هذا العام، بزيادة 68 بالمئة عن الفترة نفسها من العام الماضي مقارنة بفاتورة واردات بقيمة 4.16 مليار دولار …
الصادرات فول وسمسم وقطن وذهب
لاول مره بوادر لموسم زراعي من المفترض ان يكون ناجح
لأول مره معونات من مؤسسات دوليه بأكثر من ملياري دولار كانت في طريقها للسودان …!!
رفع السودان من قائمة الدول الراعية للإرهاب ومنكر من لا يعرف مالذي يعنيه ذلك اقتصادياً هذا يسمى اختراق
تخفيف الديون والاتجاه لشطب المليارات منها وهذه
اقرب للمعجزة الاقتصادية
. تخفيض الدعم وتوحيد سعر الصرف
وفتحت بنوك العالم أبوابها للسودان بعد قطيعة مصرفية امتدت لعقود
ناس ( سيمنس ) Siemens يبحثوا في حلول الطاقة للسودان بشكلٍ جدي
وشركة ضخمة اسمها ( أكوا باور ) بتاعة طاقة اتكلمت بس انو هناك فرص في السودان يسعون لها ويبحثونها
سهمهم طلع يحلق في البورصة
كلام بس ( قولة خير ) عن السودان بجيب قروش …شوف العظمة دي نجي تاني نبقي في كبري الفتيحاب قفلو والمنشية فاتح ….
البقول فيهو دا حقائق ماعندها
اي علاقة برأيي الحاد في اداء هذه الحكومة
التي فشلت في تلبية أشواق الناس
وخت في بالك ….متاريس من اي
نوع وضعت أمام (حمدوك ) عشان يفشل
ولن يخرج علي أحد ليقول لي ان ما ذكرته من حقائق اقتصادية أعلاه لم يحدث ….
ولن يجرؤ احد ان يقول لي الكلام القلتو انا فوق دا شعر ولا خيال
دي أرقام وحقائق وثوابت ياها دي قدامي وحدثت
شيئ واحد من الممكن ان يدفع به البعض هنا انو دي
كلها قروش حرام عشان داخلين فيها الخواجات الكفرة
السذاجة دي ممكن …ومتوقعه لكن ارقام كدا وحقايق ما بتقدر
عشان كدا لما كنا بنتكلم عن ( حمدوك ) ما عشان بدلتو
ولا قدلتو ….عشان كان في شغل اقتصادي ماشي كويس
يقوده الرجل شخصيا
كونو خذلتو الحاضنة. …تكسرو القفص كلو
قالو كان ( بارد ) ..نحن دايرين نشربو …!!
وقد تم تجديد تعاقد السودان مع ( سوء الطالع والحظ )
كل هذه الإنجازات الاقتصادية ما وصلت للناس وحسو بيها
إمكن صعب تصل في وقت سريع نظرا للهوة السحيقة للاقتصاد السوداني ودا انا ماشايفو عذر كافي على الاقل الحكومة باذرعها الأخري كان مفترض تمنح المواطنين اشارات جادة
وتنويرهم على اقل تقدير عشان يعرفوا الحاصل شنو وهذا لم يحدث لأنو الحكومة مشغولة بحاجات تانيه ورافعة القزاز
وسبب آخر لعدم وصولها للمواطنين وإحساسهم بها ان هناك من يعرقل وصولها …
مع الفشل الحكومي …..
والاتنبن الاخيرات ديل
((خطاب حمدوك فيه مخرج لمشكلات السودان )) بعد استقالة ( تاريخية )
لا نمجد شخصاً انتهى دوره ومضى وليس بكاءاً على اللبن المسكوب لكننا ننصف رجلاً سينصفه التاريخ.. ولو بعد حين …!!🌹 |
|
Post: #24
Title: Re: ***** حمدوك هو الحل *****
Author: adil amin
Date: 03-13-2022, 08:43 AM
Parent: #1
يحل سروالك
مشكلة السودان نفسية بس
https://top4top.io/
|
Post: #25
Title: Re: ***** حمدوك هو الحل *****
Author: جلالدونا
Date: 03-13-2022, 03:36 PM
Parent: #24
مشكلة السودان ما بحلها زول واحد ...........1
حمدوك تحالف مع العسكرو تخلّى عن من اتوا به.......2
_____
الاقلام الحمراء و نجاحات حمدوك
النجاح يعني تماما انهزام ايدولوجيا
يغور حمدوك و يغور النجاح و تحيا الراية الحمراء
لكن تصل مرحلة التغبيش و التضليل دى تبقا عيبة كبيرة
حمدوك لم يتحالف مع العسكر انما جاء للمنصب عبر تحالف بين المدني و العسكري
اختلف العسكري و المدني
قاد الرجل مبادرات لحل الاختلاف
وقع الانقلاب
دخلت البلد فى ازمة كبيرة و انتفض الشارع
قادت الاممية و الافريقية مع المكونات المدنية محاورات للخروج من الازمة و كان الاتفاق
الاتفاق الذي يعود بالامور الى ما قبل يوم الانقلاب
يوميها كانت جموع الشعب فى الشارع
كانوا جاهزين تماما
ما ان تم التوقيع بثواني ارتفعت رايات التخوين و العمالة وسط المتظاهرين
و لا زالت
هل كان القلم الاحمر متصالحا اصلا مع فترة ما قبل الانقلاب
لا و بل كان مطالبا باسقاط حمدوك
و يجينا حبيبنا الصاوي يقول مشكل البلد ما بحلها زول واحد
طيب كيف حزب طويل و عريض و لابس عمة حمرا قاعد و قايم عشان يسقط زول واحد
فعلا مشاكل البلد ممكن يحلها زول واحد
و بدأ فى الحل و بانت بشريات النجاح
الناس اتفقت انو فترة الانتقال لازم تكون فترة مستقلة بحكومة كفاءات
تمام التمام
طيّب ليه القلم الاحمر داير الحلول و القرارت تمر عبر مائدة حمراء بمداد احمر
يبقا وين استقلالية الفترة الانتقالية
معقولة دى
يصل الحال بالقلم الاحمر ان يحييه الكوز على مواقفه الوطنية عبر صفحة الحزب المحلول الاسفيرية
ده كلو ما مهم
ايام و عدّت
اها وين برنامجكم لادارة البلد بعد السقوط
وين بدائلكم لما بعد السقوط
لا شيئ غير انتظار لحراك الشارع
النتيجة الان الحاكمنا الان اللجنة الامنية و جبريل
و الاتنين تبع الكوز
و ليه حق المؤتمر الوطني يشيدبالحزب الاحمر
الاشادة التي ستظل وصمة عار فى الجبين الاحمر
الذي كنا نظن فيه خيرا
وخيرا كثيرا كمان
_____
كمال و الصاوي
اسمحوا لى اقول ليكم لازمة اخونا دينق الشهيرة
اختشواااااااا
|
Post: #26
Title: Re: ***** حمدوك هو الحل *****
Author: كمال عباس
Date: 03-13-2022, 03:57 PM
Parent: #25
....
خليك من الشيوعي وتجمع المهنين ولجان المقاومةـومن كانو يعارضون حكومةقحت وحمدوك والشراكة
خلينا ننقاش بمنطق شركاء حمدوك من وثقوا به وعينوه
- حمدوك خان الشركاءيقبل خرق الوثيقةوأرتضي بإبعاد قحت والعبث بالوثيقة
وبتركيبة مجلس السيادةوتحالف مع الإنقلابيين ضدأرادةالثوارفي الشوارع
....
بعدين وين الأدلجة أنا وجهت هذه الإسئلة المشروعة
Quote: ....
إسئلة محتاجة لأجوبة
عودة حمدوك كيف وبواسطة من ؟
شراكة ؟ مع من؟ وثيقة جديدة أم قديمة؟
عودة لأوضاع ماقبل 25 أكتوبر؟
ماهي حاضنته؟
ملاحظة
حينما تخلي حمدوك عن من أتي به للسلطة ـ وعن القوي المدنية وتحالف مع العسكر
هل كسب تأييد الشارع ؟ هل كسب المجتمع الدولي ؟
كيف كان وزنه وثقله وتأثير حينما تخلي عن المكون المدني؟
لماذا فشل في تكوين حكومة؟
ـ الثورة أشتعلت وحمدوك بالخارج وإستمرت في فترة حكمه وأثناء شراكته
للإنقلابيين وبعدها ـ |
|
Post: #27
Title: Re: ***** حمدوك هو الحل *****
Author: Arif Nashed
Date: 03-13-2022, 04:08 PM
Parent: #26
Quote: اسرة رئيس الوزراء السابق:حمدوك لم يفكر في الرجوع للسلطة مطلقاً
13 مارس، 2022
نفت أسرة د. عبد الله حمدوك صحة الشائعات المتداولة عن احتمال عودة د. حمدوك لتولي منصب في السلطة إن كان رئاسة مجلس الوزراء أو في المجلس السيادي.
ووصلت رسالة من د. منى زوجة د. حمدوك معنونة للأهل والأصدقاء والصديقات لعدد من أصدقاء الأسرة تحقق مونتي كاروو من صحتها ، تنفي فيها صحة هذه الشائعة التي تقول بان هناك مفاوضات تجري مع حمدوك بغرض إعادة توليه منصب رئيس الوزراء أو السيادي. وأكدت د. منى خلال الرسالة أن هذه الأقوال محض شائعات سمع بها حمدوك مثله مثل الآخرين وأضافت: لا ندري مصدرها ولماذا في هذا الوقت بالذات!.
وشددت دكتورة منى أن حتى مقابلته مع البرهان لم يتطرق الحديث فيها البتة حتى ذكر هذه الشائعة ناهيك عن عودة او اتفاقية وما خلافه.
وأشارت د. منى: تعلمون أن حمدوك كان طوال سنوات الغربة والمنافي مهموما بالسودان وسيظل مهموما بالسودان ما بقي في هذه البسيطة. وعليه فسيقابل كل من له يد في حل الازمة الحالية أما مسألة رجوعه للسلطة فهو أمر لم يفكر فيه مطلقاً ولم يتم التطرق اليه معه من أي جهة كانت. واكدت الرسالة أنه حتى مسالة الخروج من السودان كان الغرض منها ان لا يكون سببا في خلق انطباع انه متوفر لتولي أي دور تنفيذي في أي مرحلة من المراحل وقد ذكر هذا صراحة في خطاب الاستقالة بانه يتنحى ليفسح المجال لمن هم أكفأ وأقدر وهم كثيرون. وهو يعني كل حرف في هذه العبارة.
مونتي كاروو
|
|
Post: #28
Title: Re: ***** حمدوك هو الحل *****
Author: Arif Nashed
Date: 03-13-2022, 04:16 PM
Parent: #27
في الشهر الخامس والقوي السياسية لم تصل لتوافق
امر عودة حمدوك مرهون برضا او قبول الشارع.
هسع لو قالوا للقوي السياسية جيبوا رئيس وزراء
يقعدوا سنين ما يتفقوا علي احد.
ان كان حمدوك سيء فهو افضل السيئين فليكمل ما بدأه
ما يجينا زول يبدأ من الصفر وما يكون عارف كوعو من بوعو.
الحكم الفيصل في الاخير هو الشارع وهؤلاء الشباب.
|
Post: #29
Title: Re: ***** حمدوك هو الحل *****
Author: ABUHUSSEIN
Date: 03-13-2022, 07:28 PM
Parent: #28
القال ليك منو انا لابس سروال .... ؟؟؟
|
Post: #30
Title: Re: ***** حمدوك هو الحل *****
Author: علي عبدالوهاب عثمان
Date: 03-13-2022, 07:43 PM
Parent: #29
Quote: ن كان حمدوك سيء فهو افضل السيئين فليكمل ما بدأه
ما يجينا زول يبدأ من الصفر وما يكون عارف كوعو من بوعو.
الحكم الفيصل في الاخير هو الشارع وهؤلاء الشباب. |
التحية عارف امبس
متفق معاك 100%
ع
الحبيب أبوحسين تحياتي
حمدوك رجل امريكا والاتحاد الاوربي
هذا هو الاهم اي واحد ما عندو مكانة عند الامريكان مهما كان يكون (زيرو)
اتفقنا أو اختلفنا معاه عايزين واحد معاه مفتاح واشنطن بعد كده فقط المصلحة الاقتصادية
معقول مع ناس برهان وحميدتي أول مرة ما عرفنا نزرع القمح
حمدوك هو الحل ما دام ماما امريكا راضيه عنه
تحياتي الحبيب أبوحسين
|
Post: #31
Title: Re: ***** حمدوك هو الحل *****
Author: Nasser Amin
Date: 03-13-2022, 11:11 PM
Parent: #30
أبو حسين سلامات
قناعتي كمواطن سوداني ، حمدوك رجل
المرحلة بدون منازع...
في دول كبرى و أقليمية و قوى داخلية حاولت حرق
كرت الرجل امام الشعب السوداني.
ولم ينجحوا...
الناس تعرف أن عدو الشعب السوداني و "الجيش السوداني"
هم الدعم السريع"آل دقلو" و بعض "الحركات المصلحة" المتعاونين
مع دقلو ضد الشعب و الجيش السوداني بدعم دول مارقة اقليمية
و دولية (روسيا).
|
Post: #32
Title: Re: ***** حمدوك هو الحل *****
Author: ABUHUSSEIN
Date: 03-17-2022, 09:58 AM
Parent: #31
Quote: إسئلة محتاجة لأجوبة
عودة حمدوك كيف وبواسطة من ؟
شراكة ؟ مع من؟ وثيقة جديدة أم قديمة؟
عودة لأوضاع ماقبل 25 أكتوبر؟
ماهي حاضنته؟
ملاحظة
حينما تخلي حمدوك عن من أتي به للسلطة ـ وعن القوي المدنية وتحالف مع العسكر
هل كسب تأييد الشارع ؟ هل كسب المجتمع الدولي ؟
كيف كان وزنه وثقله وتأثير حينما تخلي عن المكون المدني؟
لماذا فشل في تكوين حكومة؟
ـ الثورة أشتعلت وحمدوك بالخارج وإستمرت في فترة حكمه وأثناء شراكته
للإنقلابيين وبعدها ـ |
أخونا كمال حمدوك إشتغل مع حاضنة و الحاضنة نفسها إتشلعت و تفرقت إلى أحزاب معروف عنها الخلاف و الإختلاف و التحارب مع بعضها البعض
عمل في بيئة غير طبيعية يتربص به العساكر و الأحزاب و حتى أفراد كل يحاول أن يفوز بأي مكسب له ....
الرجل أنجز و شهد له العالم أجمع بإنجازاته و ساعدوه لزيادة المكاسب و لكن للأسف كثيرين كانو يحاربونه ليسقطوه
|
Post: #33
Title: Re: ***** حمدوك هو الحل *****
Author: عمر أبوعاقلة
Date: 03-17-2022, 12:22 PM
Parent: #32
ياجماعة سؤال برئ والله:
نحن رئيسنا منو حالياً ؟؟
ودا رداً على طرح انه حمدوك هو الحل:
ومن وجهة نظري مشكلة السودان ليس من يدير (وزارة أو رئاسة)
وأهو الجنرالات كل واحد شايل بقجته وحايمين بالبلود
البرهان من جهة وحميدتي من جهة
مشكلة السودان في الاستقرار الأمني والسياسي
وبعدين نجي نشوف قصة حمدوك دي
مع الاعتذار للأخ أبوحسين والسادة المتداخلين
مودتي
|
|