الرد على جبريل عبارته (دوشة الشمالية) أول مرة حراك وطلب حكم ذاتي

06:09 PM January, 12 2022

سودانيز اون لاين
علي عبدالوهاب عثمان-جدة
مكتبتى
رابط مختصر

تصريح جبريل (دوشة الشمالية ) كان مؤثر جداً على الشباب
المزارعين في يأس من انهيار الموسم الشتوي ( الفول والقمح )
اغلاق شريان الشمال ..
وأخيرا المجلس السيادي استجاب للمطالب وتم تجميد الزيادة في الكهرباء
بالنسبة للزراعة والصناعة
المفاجأة كانت حجم الحراك ولأول مرة ( ما شاء الله شباب ) جيلنا كان مستسلم
بالكامل

الردعلى جبريل كانت بهذه القصيدة
في قروبات دنقلا الاصالة والتاريخ

Quote: دوشة ناس الشماليه...... للشاعر البدرى علي البدرى البدرى الليلي ضمه حزين عشان تصريح غراب البين دوشه تدوشك آ جبرين من الليلي ماساكتين وينو نصيبنا فى التعدين؟ وفى سد مروى والتوربين؟ نحن اهل الشمال صامدين حضاره تراث اصاله وطين حضارة مروى ليها سنين ونبته وكرمه لى القارين والبركل معاهو بدين وياتاريخنا ليك حافظين وكريمه ونورى متكاتفين وكورتي المعركه ام سيفين والحامدابه اسود فى عرين ضحو عشان وطنا الزين والدبه ودنقلا الرايعين ولي حلفا التمام رافعين وناس الدامر الطيبين وبربر فى العلم بارعين وشندى مكوكا ياكلو يمين وعطبره خت تحتا خطين وجدودنا بنو الهرم من طين مابنعجز نموت شامخين ومن موية النهر شاربين ولي الخير الوفير زارعين ولي قوت البلد داخرين وما اتكاتلنا بي سكين ولا يوم شلنا حق مسكين ولا تاجرنا بإسم الدين مهيرتنا بتكيل العين وصغارنا ذى الكبار فاهمين لي الضيف والغريب ضابحين ولي عابر السبيل عازمين ومن خيراتنا نملأ الهين ماب نعرف نقول آسفين تمر بركاوى جاو ومدين وبي القونديلى متغذين ولي عمسيب نظل داعمين وبى بحرو ونهرو متفائلين ولى الدايرنا طبعنا زيييين ولي المابينا فى ستين ✍️البدرى علي البدرى

الشباب بدأوا في رفع مستوى المطالب
يبدو انهم تأثروا بحركة أهلنا في الشرق

Quote: مطالب الشمال تتصاعد * الحكم الذاتي للولايه * نصيب الولاية من التعدين * نصيب الولاية من سد مروي * تشيد ترعتي السد * تشغيل مطار مروي ودنقلا * ارجاع جميع الأراضي الزراعية الكبيره الموزعه علي المستثمرين بدون عائد علي الولاية والأراضي المنزوعه من قبل شركه زادنا * نصيب الولايه من المعابر الحدودية التجاريه * استرداد الاثار المنهوبة من الولايه وعمل متاحف لها في مواقعها في الولايه لعكس حضارة الشمال العريقه والاهتمام وتطوير المرافق الأثرية بصورة عامة

أول مرة اسمع مثل هذه الشعارات في الشمالية
يبدو لي أن أفكار ابنائنا وبناتنا مختلفة عن جيلنا تماماً

حبيبنا برطم كمان انتهز الفرصة ويمثل دور سوبرمان
عقد مؤتمر صحفي بمناسبة تأجيل زيادات الكهرباء
بس بالمناسبة الزيادة كانت دمار للمشاريع التي تستخدم الكهرباء
ربنا ستر عليهم ( الفول المصري والقمح )

Quote: عقد عضو مجلس السيادة الانتقالي الاستاذ أبوالقاسم محمد محمد احمد برطم إجتماعا بالقصر الجمهوري اليوم، مع اللجنة المكلفة بمراجعة زيادة تعرفة الكهرباء، والتي تضم وزارات المالية ، الطاقة والزراعة والغابات، بحضور والي الولاية الشمالية المكلف عوض احمد محمد قدورة. وقرر الإجتماع تجميد قرار وزارة المالية الخاص بزيادة تعرفة الكهرباء في القطاع الزراعي والصناعي والسكني إلى حين عرضها على مجلس السيادة. وأوضح والي الشمالية المكلف ، في تصريح صحفي، أن زيادة تعرفة الكهرباء كانت لها تداعيات وتأثيرات كبيرة على الأوضاع السياسية والإقتصادية والأمنية، فضلا عن إنعكاساتها السالبة على القطاعين الزراعي والصناعي

حسب وعدي للشباب في قروب دنقلا الاصالة والتاريخ بنقل
المحتويات الى سودانيز

ده كمان شعر ودالسليم

Quote: جبريل قال ناس الشماليه عاملين شويه دوشه تعال شوفن حشودنا للشاعر عبدالله عبدالجليل ودالسليم /////////// قسم بالله يا جبريل غير طلباتنا مافي بديل اذا داير براكا دليل تعال شوفن حشود النيل 💪💪💪 دناقله محس بديريه حلب واعراب وشايقيه مطالبنا الضروريه دي حاجات ما كماليه ☝️☝️☝️ تعال شوفن حشودنا براك وكتر للحراسه وراك اذا خش الغرور جواك يمين بالله نتحداك 👌👌👌 انسان الشمال بتار حلفنا نكمّل المشوار حزاراك ما تذيد النار عشان سودانا ما ينهار ✌️✌️✌️ اسمع مني ليكا وصيه لو جيت بالزخيره الحيه سايق ليكا كم دوريه عندنا ناس بتوزن ميه ✋✋✋

قبل توليه الوزارة بفترة
زار الشمالية ، دنقلا
وجد استقبال معتبر وخاصة من الاسلاميين

يمكن تكون زلة لسان ولكن الثوار كانوا بالمرصاد

Quote: الشمال يدوش جبريل 🔥 ذوالنورين نصرالدين ▪️ وقع تصريح د. جبريل على أهل الشمال بأنهم (عاملين دوشه) وذلك بعد الزيادات المجحفه في الكهرباء وتأثيرات وانعكاس ذلك على الناحيه الامنية والاقتصادية والاجتماعية وخاصة على الزراعه على اهل الشمال سلبا فإستصغار الأمر من د. جبريل بمصطلح (دوشه) نزلت عليهم بردا وسلاما حيث انهم إستعصموا برأيهم وقويت شوكتهم ووحدتهم وانعكس ذلك إرادة وإصرار وعزيمة وصلابة في مواقفهم الثابته فكان لإستفزازات الماليه وحديث جبريل الإثر المعنوي والمردود الجماهيري للاستمساك بمطالبهم فرفضوا حتي حلول الوالي ومهلة ال ٧٢ ساعه لوضع الحلول وأغلقوا الطريق القومي وتوسعت القاعدة المطلبيه وانضم للاعتصام كافة المحليات واخيرا وبالضغط الجماهيري والإصرار المجتمعي قررت اللجنه المكلفه من المجلس السيادي بتجميد القرار في الفتره الحاليه إلى حين عرض القرار (الفطير) علي مجلس السيادة وسنكتب غدا بإذن الله عن فحوى القرار وآثاره الكارثية على الزراعة في الشمال

Quote: تشغيل مطار مروي ودنقلا[/QUOT

علي يا عمك بالله كلم الشباب فى القروب يمسكو قوى فى المقتبس اعلاه
لان ايرادات المطارات من المداخيل المهمة لاي ولاية فى العالم
وولايتنا ايراداتها شحيحة ولابد من التمسك بالمطارين .

الحبيب علاء
ووو أنقا مسكاقمي
نقلت مداخلتك بالحرف للشباب في القروب
تحياتي الحبيب علاء

*فلولا....لإحترقت كسلا!!*

😭😭😭😭😭😭😭
*أبوفاطمة أحمد اونور*

*إتصل علي اليوم صديقي وأستاذي قصاص الأثر الكسلاوي المعروف - أبشر محمد أحمد عمدة السواقي الشمالية بكسلا وقد هالني ما أفادني به عن تأثير الزيادات الأسية للكهرباء علي الزراعة البستانية قائلا: بأن تكلفة السقيا اليومية كانت تكلف 750جنيه وأما حاليا قفزت الي 10 ألف جنيه يوميا وأردف ساخرا : لو زرع المزارعون البنقو ما بيغطي معاهم!! وواصل حديثه بحزن : (الواحد بقي يعاين للخضار والفواكه زي الجني اليموت قدامك بالعطش وأنت عاجز عن إسعافو بجرعة موية!!)*
*انتهي كلام الأخ أبشر*

*فما معني أن تتيبس الزراعة البستانية بكسلا!!؟؟*

*1 - يعني تصحر مطلق انسانيا واقتصاديا وبيئيا.....ووووو لبساتين خضراء وعريقة علي إمتداد ضفاف نهر القاش بطول 60 كيلومتر من اللفة جنوبا إلي جمام شمالا!!*

*2 - أعماق الآبار بكسلا تبلغ ال55 متر ما يزيد من الطامة والنكسة نتيجة الإستهلاك الهائل للتيار الكهربائي من هكذا أعماق سحيقة*

*3 - لشهدت أسواق الفاكهة والخضار في الشرق خاصة والسودان عامة زيادات غير مسبوقة في ظل أوضاع إقتصادية بائسة وبالغة التعقيد!!*

*4 - لإنكسر مثلث الجمال الكسلاوي (القاش، التاكا، السواقي) بفقده لأهم وأنضر أضلاعه علي الإطلاق ولإنتكست معه أعذب الأغاني وأجمل الألحان وأرق الأشعار التي شكلت وجدان الأنسان السوداني!!*

*فلولا تدارك الأمر بتجميد زيادات الكهرباء لأحترقت كسلا وأغلق الشرق بالتزامن مع مزارعي الشمال الذين عبروا ضمنا عن أوجاع جميع أهل السودان... فشكرا لهم ونرجو أن توعي الحكومة الدرس والمواعظ والعبر قبل أن تقفز في هاوية الظلام بهكذا قرارات خطيرة وبليغة الأثر!!*

والترهات مستمرة
من ينهب ويتسبب في تخلف الاقليم الشمالي هم الدول الناهبة للسودان واراضي الشمال مصر السعودية الامارات قطر تركيا البحرين
الاردن زمن البازنجر 1989-2022 وجبريل من بازنجر قطر تركيا ويضر دارفور نفسها وما في دولة لحدي الان في السودان
وما في حاجة اسما الولاية الشمالية اي حاجة جابتا الانقاذ العفنة ما تلزمنا في الشمال
العودة الي الحكم الاقليمي اللامركزي ومسح الانقاذ كلها بالاستيكة هو الحل لكل اقاليم السودان المنهوبة
من 1978 طلع الترابي دين السودان كلو بي المصالحة الوطنية وفرض مشروع الاخوان المسلمين المجرم في السودان
وهسة لو في شباب واعي برنامج علي محمود حسنين مالو ؟؟
علم
رؤية
دستور انتقالي
انت قايل رفسك لي ناس الغرب او المحسوبين علي الغرب عنده علاقة بالحضارة السودانية مثلا
وترك شنو درويل الامارات الخايسة هسة عليك الله ما شايف نشاط الامارات القبيح والمفضوح في السودان
ما بتخجلو من نفسكم 24 شهر من الابتزال ما عايزين توعو في البورد وفي السودان
يا اخوي علي لو عندك قروبات واعية حل مشكلة السودان في حل مشكلة المركز قالها محمود محمد طه وجون قرنق اذكى اثنين في السودان
حدد انت قاعد وين
مع البازنجر ولي مع السودانيين
الاقليم الشمالي عايز
حاكم اقليم منتخب
مجلس تشريعي اقليمي منتخب
مجالس محلية منتخبة شباب وكنداكات
ادارة اهلية حقيقية قبائل بي الجنسية الخضراء
ويرفع المركز والحكومة المركزية المشوهة يدهم من الاقليم
لحدي ما يسوو
محكمة دستورية
مجلس سيادي محترم يمثل الاقاليم
مراجع عام ودكلارشن
ومجلس تشريعي مركزي
ووزارة تخطيط وتعاون دولي

نحن شرمطة المركز مع مصر ودول الخليج المفوضحة ما بتنفع معانا\
وزمان قلنا الشمالية دي فيها موارد كافية لي 100 مليون نفس
والطاقة الشمسية ممكن تشغل طلمبات الماء يمشو الصين بس يجيبو طلمبات الطاقة الشمسية قبل سنتين قلنا الكلام ده وبرضو
عندنا ناس تلهث لحدي هسة في دول الخليج التافهة ومصر
https://top4top.io/
وهسة علم مايو 1969 وقرود الفيتوري الصنعتهم المخابرات المصرية ما بنفع معانا في الاقليم الشمالي
اما الشباب ديل يشيلو علم علير محمود حسنين الحر او علم الاستقلال
لحدي تنهي ال18 شهر دي وتجي انتخابات باشراف المحكمة الدستورية والامم المتحدة

ونحن نباري فلان قال وعلان قال وجبريل والتوم هجو
والاقليم الشمالي منهوب من شركات الجيش والجنجويد البازنجر ليه ؟؟

الحبيب الجميل عادل تحياتي
أولاً اشكرك كثير جداً على انصافك لإبن ارقو البار على محمود حسنين المحامي رحمه الله
لقد نقلت بعض مداخلاتك عن علي محمود الى منتدياتنا
صدقت الحبيب عادل الشمالية مستهدفة من قبل دول الخليج ومصر
لأن الاستثمار فيه مضمون الفائدة والارباح
أكثر من 20 مليون فدان صالح للزراعة المياه الجوفية .. ومياه النيل
والشتاء البرد القارس والامن
مشكلتنا يا عادل الحبيب انخفاض معدل السكان

تحياتي الحبيب عادل .. شكرا كثير على حضورك الجميل ومداخلتك
تتميز بالاشارة الى الدول التي لها اطماع في الشمالية
ومصر تنظر إليها بأنها خط الرجعة للكثافة السكانية

تحياتي

Quote: الحكم الذاتي للولايه

Quote: أول مرة اسمع مثل هذه الشعارات في الشمالية يبدو لي أن أفكار ابنائنا وبناتنا مختلفة عن جيلنا تماماً

استاذنا الجميل علوبي
قضايا اهل الشمال بدأت مطلبية بحتة وقد اعجبني بشدة خطاب ذاك المزارع الشاب ، فقد كان ميثاقا للاحتجاج الراقي ودليل حضارة متأصلة ، ومن اجمل فقرات الخطاب الاشارة الى السماح لسيارات الركاب بأنواعها بالمرور والسماح بالداخل للشمال وكذا بالخارج من دون سلع ، كان حصارا اقتصاديا بحتا ، بل واستبعد اي توجهات سياسية وخلا الخطاب تماما من العنف والخروج على النظام ...
يا له من مسلك رائع ولكن هل سيظل الخطاب هكذا متوازنا وهل سيستمر دون حشر الأجندة السياسية واستغلال الحدث ؟؟؟
ربما لن يستمر والدليل عبارة الحكم الذاتي للاقليم وهذه بدايات التشظي والانقسام ......
جمال السودان في وحدته وتعدد الوانه والسنته ....
والدمار كل الدمار في التشتت والتمزق والذي يبدأ بمثل هذه المطالبات

Quote: الحكم الذاتي للولايه

والتي كما تفضلت لم تكن اصلا جزءا من ثقافتنا ولا في احلامنا ......
ابعدوا الساسة والسياسيين عن قضايانا المطلبية البحتة ، ولو لم نفعل سنفقد نحن توحدنا نحو الهدف وستفرقنا السياسة قبل الغاز المسيل للدموع وقبل العسكر والسلاح ، وستوجد ارضية ومبرر للتعامل الخشن الذي لا نريد ان ننجر اليه ....
رفع اسعار الكهرباء اضر بكل السودان وليس اهل الشمال وحدهم ولكن الموسم الزراعي لا يتحمل تأخير يوم واحد على الري ولا يتحمل انتظار نتائج المفاوضات واللجان وتجاذباتها الطويلة ، ولا يمكن للمزارع ان يتحمل كل هذا العبئ ليحصد محصولا خاسرا لا يسدد فاتورة الكهرباء ناهيك عن بقية المنصرفات ..
الحكومة زادت اسعار الكهرباء وازدادت معها القطوعات ، لذا فقد المواطن الثقة في اي وعد حكومي ......
واصلوا اهل الشمال في رفع صوتكم ومطالبكم العادلة وابعدوا الساسة واهل الأجندة الذين سيستخدمونكم كحجارة للتسلق فوق جماجمكم ثم تجاهل كل ما تطلبون حين يستوزروا ، وكم رأينا ذلك باعيننا ممن برر وسق لرفع الدعم الذي كان يهتف ضده وجعل منه وقودا للتهييج .......
تحياتي

الحبيب محمد الزبير تحياتي
المسألة عندنا كانت حياة أو عدم
معقول يا محمد وزير في بداية الشتاء والموسم الذي ينتظره الناس بفارغ الصبر
وانتاج القمح والفول المصري .. يأتي الوزير ويرفع سعر الكهرباء
هكذا بدون اي دراسة أو معرفة بأمورالزراعة
على الأقل بعد الحصاد ممكن
============
أما بخصوص الحكم الذاتي ربما فقط لرفع سقف المطالب لأن هذه الفكرة
ولو انها حالياً بدأت تنتشر في القروبات لم تكن متداولة عندنا
نعم اسلوبهم في اغلاق الطريق كان حضاري جداً تمرير البصات وعربات الركاب
وايقاف شاحنات الصادر والوارد ( كلها تابعة لزادنا ) والمصريين
فقط الخوف يا محمد ترسب المخابرات المصرية
لأن أرض الشمال جاذب جداً والزراعة بدون اي تكاليف
تعرف يا محمد أنا بزرع الشتوي ( فقط 1200) ريال سعودي يمكن تمويل
أكثر من 5 فدان .. والبرد الشديد يساعد في نجاح القمح والفول المصري


المشكلة الوزراء عندنا في المركز عديمي الخبرة بطبيعة الاشياء في السودان

تحياتي يا جميل ..
شكرا على الحرص وسوف انقل مداخلتك الى قروبات دنقلا

الاستاذة آمنة تحياتي وشكرا على الحضور والمداخلة الرائعة
هكذا مداخلاتك وموافقك مع أهل الهوامش والكادحين
زيادة الكهرباء بدون دراسة كانت كارثة
وتدمير لحياة الالاف المزارعين

هذه العبارة التي وردت في مداخلتك هي عمق شخص يعرف الزراعة ومارسها

Quote: (الواحد بقي يعاين للخضار والفواكه زي الجني اليموت قدامك بالعطش وأنت عاجز عن إسعافو بجرعة موية!!)*

تعبير بليغ وأحساس زول تربال

تحياتي وشكرا لحضورك

التحية لأهلنا في الشمال الذين
أوقفوا هذه المهزلة بوقفتهم الشجاعة
وقدموا خدمة لكل أهل السودان
فجميع السودانيين تضرروا من هذه
القرارات الغير مدروسة.
والتحية للشاعرين ود البدري وود السليم
فأهل الشمال معروفين بملكتهم الشعرية الكبيرة
فجبريل أحسن يعمل حسابو.

مشيت اليوم اشترى كهرباء
لقيت لسه سعر جبريل الكارثي ده
مستمر يعني لاجمدو القرار ولاحاجة

Quote: التحية لأهلنا في الشمال الذين أوقفوا هذه المهزلة بوقفتهم الشجاعة وقدموا خدمة لكل أهل السودان فجميع السودانيين تضرروا من هذه القرارات الغير مدروسة. والتحية للشاعرين ود البدري وود السليم فأهل الشمال معروفين بملكتهم الشعرية الكبيرة فجبريل أحسن يعمل حسابو.

حبيبنا أمير تحياتي يا جميل
القرار صدر أمس مساء وكان في صدر نشرة الاخبار
تكون مشكلة لو ما طبقوا القرار

الغريبة يا الحبيب أمير اذكر ان جبريل زار دنقلا
ووجد أن استقبال .. فقط ما كان يذكر عبارة ( دوشة الشمالية )

تحياتي الحبيب امير

يا شيخ علي يا قريبي... سكرفي .. وعساك بخير وصحة جيدة ,,

تابعت هذا الجبريل التشادي الحاقد ...وهو يتكلم باستعلاء عن الشمالين ..
ويقول عاملين دوشة ... نعم ... نعمل دوشتين مش واحدة .. عشان تعرف حاجة ...
ونقدر نشيلك من مكانك وندويك اهلك في تشاد يا رمة ....
والكهرباء دي عملتها لينا انتااا ؟؟؟؟
مش اهل الشمال هم السوو سد مروي ؟؟؟ .. ومنها بتجيكم الكهرباء في دارفور ...
اسواء حكومة مرت على السودان .. هي هذه الحكومة الانتقالية ..
اذ اصبح معظم اهل دارفور هم المتحكمين في الاقتصاد السوداني
فتجدوهم يسيطرون على اهم مفاصل الدولة مثل الضرائب – الجمارك –
بنك السودان – المالية – الطاقة – الكهرباء – الاستثمار ..
يعني الاقتصاد في يد الغرابة وليس في يد الجيش كما يدعون ..
وهذا ينذر بالخطر في المستقبل .. اذ يفكرون في قيام دولة التعايشة الثانية في ابشع صورها ...
وانا من هنا .. اناشد اهلنا في الشمالية لتكثيف الضغط على هذه الحكومة المهترية للحصول
على مزيد من الخدمات الاساسية لصالح الولاية المهمشة اصلا ومنها :-
- تحصيل نسبة مئوية من عائد الكهرباء من سد مروي
- تحصيل نسبة مئوية من عائد التعدين في الولاية
- عمل نقاط عبور على الطريق الدولي لتحصيل رسوم من الشاحنات القادمة والمفادرة
- تحصيل رسوم من الانتاج الزراعي المغادر الولاية ...
في الختام ,, نتمنى كل الخير لاهلنا في الشمالية وكل السودان .. ويبعد عنا الحاقدين من الجهلاء ...

تحياتي با مك ....

عاالم بطاالـــــــــــــــــــة ,,

Quote: تحصيل نسبة مئوية من عائد الكهرباء من سد مروي - تحصيل نسبة مئوية من عائد التعدين في الولاية - عمل نقاط عبور على الطريق الدولي لتحصيل رسوم من الشاحنات القادمة والمفادرة - تحصيل رسوم من الانتاج الزراعي المغادر الولاية ..

حبيبنا مجيدو مسكاقمي
كلام جميل يا ريت ..
وهذه مطالب الشباب الثوري
نحن خلاص جيلنا اصلا كان سبب ضياع الشمالية
حتى من نال المنصب والرئاسة والوزارة لم يلتفت الى اهله في الشمال
شايف الجيل الجديد ده خطير أولادنا وبناتنا ما شاء الله

حبيببنا مجيدو كميات مهولة من الذهب
تتخيل سحبوا مخزون القمح من الشمالية لاسعاف النقص في الخرطوم

المهم اصبح هناك وعي وحراك في الشمالية بداية موفقة

تحياتي الحبيب مجيدو