تحري رؤية المليونيات،،، ،،

11:03 AM January, 12 2022

سودانيز اون لاين
علوبه-KSA - Sudan
مكتبتى
رابط مختصر

*بي📝 الحنين،،،،*
*د. علي الشيخ،، ،،،،،*

*تحري رؤية المليونيات،،، ،،،*
اقتراح،،،،
مع النشرة الجويه،،،، ياريت تشوفوا لينا الكباري الفاتحه،،،
ابوامنه حامد ،،،،،
الفيلسوف الصوفي،،،،
نثر شعرا،،،،
*الرهيف قلبو بيعيش في شكو اكثر من يقينو*
دي الجهجه الحاصله هسه ،،،،
نرجع تاني لي جدول الحصص،،،
الحصه كان اتلغت،،، يا جاء استاذ تاني ملاها،،،، و لا اتشتتنا في حوش المدرسه،،،
الناس نست حاجات كتيره،،،
سعر الدولار،،،،
و،،،
صف البنزين،،،،
بقت تسأل،،، اها يا جماعه *بكره في مليونيه،،،*
زي بكره يقولوا ليك في تسميع،،،،
الليل كله ما بتنوم،،،
و كان ماحفظت،،، واحد من اتنين،،،،
يا جليت المدرسه و عملت رايح،،،،
و لا اشجعت و مشيت *مترس،،،* نظام مردف ليك كم حاجه عشان السوط مايحرقك،،،،،،
و ما حصل اتلغت حصة التسميع دي الا في جدول المليونيات *يناير ٢٠٢٢،،،،*
دي عبقريه و فهم جديد،،، و تكتيك حقو *برهان* تيه يلعب بيهو في منافسات أفريقيا يمكن يجيب لينا الكأس،،،،
معقوله تتلغي،،، المليونيه دي كده،،، سااااااااكت ،،،،
يا اخ في ناس اتجهزت،،،
و اتلبست ،،،، و اتنظمت ،،،،
و اتوزعت ،،،،
و في كباري اتقفلت ،،،،
لا،،، لا،،،، كده ما صاح،،،
مقالب ما معانا،،،،
مرات بتكون عايز ليك من زول قروش،،، حقتك،،،
و يتفق معاك،،، و يحدد ليك يوم،،،، تقوم انت يا حريف تظبط امورك و تنظم صفوفك،،،،
فجأة كده،،،، يقول ليك ما جاي،،،، في آخر لحظه،،،
كده بكون لخبط حساباتك،،،،
و دورك تدوير نفايات،،،،
و ممكن يقول ليك بكره نتقابل،،،
*وداللمين بس،،،، اشوفك بكره في الموكب،،،،*
و الحلوه انه بكره خميس و بعده جمعه،،،، و بعقبهم السبت،،،، دي اجازه من امها،،،
هو العصيان المدني ده،،،، الا يعملوه المدنيين،،،،
ما مشاركين معانا،،،،
نحن هنا هينين،،، الكلام على ناس القنوات الفضائية،،،
يعملوا شنو،،،
موضوع المليونيات دي كانت عامله ليهم شغل،،،
طيب،،،،
بالعقل،،، في ناس و لا نقول كل الناس معاشا و رزقها في مروقها من بيتها،،،،
و في ناس كايسه العلاج،،،،
و ماننسي أولادنا و بناتنا عليهم حصص دراسيه،،،، و محاضرات جامعيه،،،
ما نقول ديل ذنبهم شنو،،،،
لانو لو ما اتصلح الحال،،، الأمور مابتمشي لي قدام،،،
*البلد هسه وحلانه ،،،،، وحله جد،،،*
في مطالب،،،،
في حقوق،،،،
في شهداء،،،
مشاكل البيت،،، بقعدوا الناس الكبار العاقلين،،، يسمعوا الحاصل،،، و بدوا رائيهم ،،،،
ما نجي كلنا نقعد في الواطه،،، الوطن بسع الجميع،،،
نسمع كلام العاقلين،،،
عشان ندفر البلد دي لي قدام،،،

*و يلا يدكم معانا،،،، ،،،،*

*د. علي الشيخ*
*الحنين*
*امدرمان*
*١٢ يناير ٢٠٢٢*

حقيقه دا حاصل من اول امسنتغالط هل الجدول فيهو 12 ولا 13 ؟
واظنها كانت مقصودة رباك الانقلابيين وارهاقهم
اضافة
الحاله اصبحت اشبه الان بالعصيان المدنى الجزئى المتدرج نحو كامل