أدركت لجان المقاومة التي تسيطر على المشهد منذ انطلق الثورة المجيدة والي `الآن، تعقيدات المشهد السياسي، وأن التصعيد الثوري لن يكفي. فلابد من التنظيم والقيادة الذي يُمكن أن يُحصّنها من"اللاشيء"، و بعد تجربتها مع االاحزاب السياسية التي قدمت أداءً متواضعاً خلال الشراكة مع العسكريين ها نحن نعمل من اجل قيادة لشباب المقاومة للمرحلة القادمة من هنا الوضع ضبابي والمتربصيين بالثورة كثر عليكم دور وطني وانساني نريد عصارة تجاربكم اطرحوا لنا الاجدي والاوفق لكي نخرج بالوطن من هذه الازمة السياسية معا من اجل وطن يسع الجميع وتحقيق شعارات الثورة ونقتص لشهداءنا الابرار
Post: #2 Title: Re: ادعمو لجان المقاومة بطرح سياسي يخدم المرح Author: علاء سيداحمد Date: 01-04-2022, 09:39 PM Parent: #1
Quote: نريد عصارة تجاربكم اطرحوا لنا الاجدي والاوفق لكي نخرج بالوطن من هذه الازمة السياسية
أمرين مهمين قبل اسقاط النظام :
1- لابد من تشكيل حكومة مرحلة انتقالية ( حكومة كفاءات من الثوار - داخل الوطن وخارج الوطن ) ولابد ان يكون ذلك قبل سقوط النظام . 2- كتابة وثيقة اعلان سياسي يتم التوقيع عليها من جميع الاجسام الثورية بأسرع ما يمكن .
Post: #4 Title: Re: ادعمو لجان المقاومة بطرح سياسي يخدم المرح Author: Asim Ali Date: 01-04-2022, 10:11 PM Parent: #2
Quote: 2- كتابة وثيقة اعلان سياسي يتم التوقيع عليها من جميع الاجسام الثورية بأسرع ما يمكن .
الميثاق السياسى مهم وضرورى ان يستوعب وتجاوز اخطاء ميثاق ق ح ت والتاكيد على دوروحق القوى الحيه وكتلة الثورة الصلبه ان يكونو مكون اساسى وحوهرى لايمكن تجاوزه فى اى وضع انتقال ديمقراطى قادم واعتقد انو لجان المقاومه كيان وماعون اوسع من الكيانات السياسيهالمحدوده لسببين -لجان المقاومه كاجسام تنسيقيه تتفق على قضايا عامه وتتباين فى تفاصيل تستوعب واقع وطبيعه كل جسم (لجنة مقاومة) عن الاخر.تباين يعتبر ظاهرة صيهمطلوبه فى الممارسه الديمقراطيه تتيح للاجسام التنسيقيه حوار وبناء طرح وبرنامج سياسى فى عمليه ديمقراطيه حقيقيه تعبر عن جميع المكونات بتبايناتها البسيطه حول قضيه جوهرية والتعبير عن ماذكرنامثال الاداء المتناسق والتناغم (الى حد ما) فى معركه مواجهه الانقلاب والمضى قدما لاسقاطه بخطى حثيثه (ولاننكر هنا دور الكيانات الاخرى لكن لجان المقاومه هى الهيكل العظمى للحراكوانسجته الحيه) - فكرة ومبادىء لجان المقاومه قائمه على اطار وطنى اوسع من ضيق فكر وبرامج الاحزاب بالتالى من الضرورى وضع برنامج وطنى وطرح لها يستوعب شريحه كبيرة من الجماهير بما فيها قطاعات من جماهير الاحزاب والكيانات التى قد تجد نفسها فى طرح وبرامج لجان المقاومه بدلا عن كياناتها السياسيه الجزبيه
Post: #3 Title: Re: ادعمو لجان المقاومة بطرح سياسي يخدم المرح Author: Asim Ali Date: 01-04-2022, 09:42 PM Parent: #1
حالة من الوعى والبعد عن محاولات فوقيه لاستغلال تضحيات اللجان على الارض رد وتوضيح من لجان احياء بحرى
Quote: لجان أحياء بحري 🛑توضيح تواردت للجان أحياء بحري تساؤلات و استفسارات منذ الأمس بخصوص بيان و متحدثين لما يُسمى بـ" لجان المقاومة السودانية" نوضح أنّ تنسيقيات لجان المقاومة هي جسم أفقي يمثل الأحياء و تكون قراراته عبر القواعد، و أن لجان أحياء بحري تشمل ممثلين لكُل احياءها مجتمعة. إنّ لجان أحياء بحري لم تحدد ناطقين رسميين لها حتى الآن و ما يعبر عنها من بيانات و آخر المستجدات يُنشر خلال منصات بحري المعروفة على الفيس بوك و تويتر . إن لجان المقاومة هي أجسام قاعدية في الأحياء و يجمعها تنسيق و تعاون مع تنسيقيات المقاومة في ولاية الخرطوم و يتم إعلان ذلك عبر بيانات عبر و منصات اللجان المعروفة. عليه.. ننوه إلى أنّ اللجان لم تقم بتعيين ناطق رسمي لها و لا علاقة لها بأي أفراد يدعون أنهم الناطقين باسمها. لجان أحياء بحري 4يناير2022 #أمدرمان_لن_تنكسر #مواكب_4_يناير #امبده_لن_تسيرو_وحدكم
Post: #5 Title: Re: ادعمو لجان المقاومة بطرح سياسي يخدم المرح Author: هدى ميرغنى Date: 01-05-2022, 00:58 AM Parent: #3
أتفق مع تعليق المتحدث بالڤيديو الشارع عنده المقدره يأتى بكل المطلوب: برنامج ؛ حكومة يختارها من بينهم وحتى ممكن من الأباء والأمهات (البيحرسوا الثوار ومرات يقيفوا دروع عديل لحمايتهم، شفتهم بعيونى) يكون من ذوى الخبرة ومتمرسين فى الإدارة وخلافه ، مش طوالى يفكروا فى حكومة طاقمها من برا السودان ، ديل لو عايزين ممكن يجوا خبراء فى مجالاتهم ومن غير مرتبات.. .. لأنه ما ممكن الشعب السودانى يطلع الشارع رافع اياديه للسلام والعدالة يضربوه بمبان مسموم ورصاص. والغيره يجوا يضيعوا أحلامه . كفاية تانى، لازم يترجموا الهتاف "الثورة ثورة شعب والسلطة سلطة شعب "لواقع حقيقى.
Post: #6 Title: Re: ادعمو لجان المقاومة بطرح سياسي يخدم المرح Author: اخلاص عبدالرحمن المشرف Date: 01-05-2022, 01:12 AM Parent: #5
السلام عليكم ( طوالى يفكروا فى حكومة طاقمها من برا السودان ، ديل لو عايزين ممكن يجوا خبراء فى مجالاتهم ومن غير مرتبات..) اشوف في تحامل علي ناس الخارج. هل ناس الداخل كانو اكثر كفاءة او وطنية؟
..
Post: #7 Title: Re: ادعمو لجان المقاومة بطرح سياسي يخدم المرح Author: هدى ميرغنى Date: 01-05-2022, 01:45 AM Parent: #6
الما من شعبنا ما منك :
Post: #8 Title: Re: ادعمو لجان المقاومة بطرح سياسي يخدم المرح Author: adil amin Date: 01-05-2022, 04:48 AM Parent: #7
بالله زول مارق الشارع من 2018 ما عارف يعمل شنو ومباري قحت1 وقحت2 حاصل فارغ ما شافو علم ورؤية ودستور علي محمود حسنين ؟؟ مبارين الناصريين والشيوعيين والبعثيين وكيزان الترابي في الشعبي وحركات مرتزقة حفتر والسراج لي شنو ؟؟ من قل البرنامج الوطنية ولي من تدني الوعي والترهات ما سمعو ولا قرو ولا بعرفو الناس ديل ؟؟ قحت1وقحت2 مشروعين انتهازيين ما نافعين وهم النخبة السودانية وادمان الفشل
توجد اربعة مشاريع وطنية فدرالية محترمة بعد الاستقلال اسس دستور السودان الحزب الجمهوري 1968 اتفاقية اديس 1973 وقوانين 1974 الحركة الشعبية دستور 2005 والمحكمة الدستورية الجبهة العريضة علي حسنين دستور انتقالي 2016 بعدين لجان مقاومة دي شنو ده استعمار فرنسي ولي شنو ياخ الانجليز مرقو بي الانتخابات 1956 و95% من الشعب امي هسة 95% متعلمين ويلهثو في الفضائيات هسة الشباب يبارو تسعة طويلة دي ومن الساحة الخضراء في الخرطوم وساحات المولد في كل مدن السودان بي علم الاستقلال فقط المركز 1- المجلس السيادي ستة مقاعد رئيس مدني +5 حكام اقاليم 2- المجلس التشريعي 301 مقعد تمثيل نسبي للاقاليم الخمسة بعدد السكان وقوة المقعد 60000 ناخب 3- المحكمة الدستورية 9 قضاة نظيفين و مهمة جدا تظهر الان 4- المراجع العام ايضا لمكافحة الفساد ومع الدكلاريشن 5- وزارة التخطيط والتعاون الدولي لاعادة بناء الدولة السودانية وحماية الموارد نجي لي اربعة طويلة في الاقاليم 6- حاكم اقليم منتخب 7- مجلس تشريعي اقليمي منتخب بنفس الاسس قوة المقعد 8- مجالس محلية د ه في كل الاقاليم والمركز و ده مكان الشباب والكنداكات 9- الادارة الاهلية بي الجنسية الخضراء فقط وتحديد الحواكير والاراضي في كل السودان وتركيز السلم الاجتماعي \باسقاط المستوى الولائي نهائي ودي رؤية مقتبسة من كل المشاريع الوطنية والدساتير اعلاه نسعة طويلة بتاعة جقود لا محتاجين رفس الان ولا مؤتمر دستوري كوكا في المستقبل نحترم انجازات التانين بس بعد الاستقلال ونتحرر من اصر عبدالناصر وصدام حسين والمشاريع الغبية والوافدة ونترك العهر والتدليس الاكاديمي ونكتة تكنو قراط ونحترم 10 مليون مزارع و5 مليون راعي في الاقاليم الستة
https://top4top.io/
Post: #10 Title: Re: ادعمو لجان المقاومة بطرح سياسي يخدم المرح Author: اخلاص عبدالرحمن المشرف Date: 01-05-2022, 05:10 AM Parent: #8
اهلاً دكتور عادل امين في مقترح المجلس السيادي يجب ان يكون ممثلي الاقاليم يسكنون هم وابنائهم وزوجاتهم بالاقليم . وخلال تواجدهم في المركز تكون الرئاسة دورية لمدة محددة ، وهو مجلس تشريفي.
Post: #9 Title: Re: ادعمو لجان المقاومة بطرح سياسي يخدم المرح Author: Asim Ali Date: 01-05-2022, 05:09 AM Parent: #6
Quote: اشوف في تحامل علي ناس الخارج. هل ناس الداخل كانو اكثر كفاءة او وطنية؟
المشكله انو فى ناس من برا مفتكرين انهم سبر مواطن وسوبر مناضل وليهو وصايه على فكر ورؤى المواطن بتاع الداخل كانو الهجرة فيها مصل وعى يخلى زول جوا غير مؤهل انو يفكر او يعبر او يتخذ قرارو دون وصايه ودا حتى فى النقاش زول برا كتير مايكون عندو معرفه بطبيعه حاجات كتيرة فى الحاضر وبرضو يرض وصايه ويطلق اتهامات لناس الداخل والادهى اصحاب الاجنده الحزبيه منهم اما الناس تكون ايقاع اهتمامها وردود افعالها حسب الجو العام بتاع (المطلوب) بحسابات حزب او كتله او يكون المواطن بتا الداخل يغرد خارج سرب الوطن وهمومو !!1 وعندى اسئله واستفهامات لناس برا المهاجرين وواثق لو سالت حيتهربو منها ومافى زول حيرد والحيرد حيرد هتافيه يكملها قطامة وتشكيك فى الوطنيه لذلك الصمت افضل . فى النهايه الواقع كان اصدق انباء من التنظير نحنا مادايرين-حسب تقديرى- ناس يجوا لمناصب كانها مكافاة وتكريم ليهم على نضالهم فى فتره طلابيه او نقابيه ما واصلو فيها حتى سقوط النظام واصبح (بعضهم) كارثه على البلد زيادة على كارثه الاحزاب وصراعاتها. فى النهايه الميدان مفتوح واسقاط النظام الان من الشارع وعلى الارض
Post: #11 Title: Re: ادعمو لجان المقاومة بطرح سياسي يخدم المرح Author: Asim Ali Date: 01-05-2022, 05:14 AM Parent: #9
من الحاجات البتزعل فى سودان بكره حلقه مكرره عن نقاش حول ميثاق سياسى والجماعه برا ويتكلمو نحنا قلنا ونحنا ختينا دا تانى كارثه زى كيان هلامى فوقى-من ناس برا- اسمو لجان المقاومه ما قدم شىء حقيقى للجان المقاومة والان ظهر اعلاميا تانى بيحول يسرق تضحيات و جهد الشباب على الارض.رغمانو فى وقت مبكر كنتمفتكر انهم جادين وممكن يعملو شىء للجان المقاومة ناس دايره حاجه على حساب الزول بيموت ويضحى جوا ومن حقو يصنع طرحو وبرنامجو السياسى من غير وصايه من الناس (الايدها فى المويه ) . مع تحياتى واحترامى للجميع
Post: #12 Title: Re: ادعمو لجان المقاومة بطرح سياسي يخدم المرح Author: هدى ميرغنى Date: 01-05-2022, 05:41 AM Parent: #11
تحياتى أستاذ عاصم~ كلامك فعلا صاح؛ لقيت البيان المرفق دا:
لجان المقاومة السودانية بالداخل تنفي ما جاء علي لسان الاستاذة لجلاء سيد احمد
ادناه بيان لجان المقاومة السودانية بالداخل
لجان المقاومة السودانية #بيان :
في البدء الرحمة والمغفرة لكل الشهداء والشفاء العاجل للمصابين و الجرحى...
جماهير الشعب السوداني :
تفاجأنا قبل ساعات بإنتشار بيان على منصات التواصل الإجتماعي مفاده بأن لجان المقاومة السودانية قد قامت بتسمية ثلاثة متحدثين بإسمها في داخل وخارج البلاد وهم :
١- طه عواض ناطقاً رسمياً باسم لجان المقاومة السودانية في الداخل
٢- الدكتورة زينة المقيمة بالولايات المتحدة الأمريكية ناطقاً رسمياً باسم لجان المقاومة السودانية بالخارج
٣- نجلاء سيد احمد الشيخ، الأمين العام للجان المقاومة السودانية.
عليه نؤكد الآتي :
١- لجان المقاومة السودانية ليست في هيكلها البنيوي أشخاص كناطقين رسميين لها ولا الأمين العام ، بل جسم أفقي مستقل بلا تراتبية رأسية في هيكلنا التنظيمي، وهؤلاء المتسلقين ليسوا سوى متسولين يلعبون ويسرقون بإيم لجان المقاومة السودانية.
٢- إن كان هناك تسمية لقنوات إعلامية أو إعادة هيكلة للجسم من ( أمين عام، متحدث رسمي.... الخ ) فمن باب اولى أن يتم من داخل البلاد وليس خارجها كما فعلت المدعوة/ نجلاء سيد احمد حينما نصبت نفسها اميناً عاماً للجان المقاومة السودانية ، ونحن ندين و نرفض هكذا تصرفات في كل ولايات السودان المختلفة.
٣- نحن في لجان المقاومة السودانية ننفي هذا البيان وندين كاتبه ونؤكد مرة أخرى إنه بيان خالٍ من الصحة والمصداقية. ٤/ ننوه الجميع بأن المدعو نجلاء سيد احمد ما هي الا شخصية إنتهازية متسلقة. أنشاءت لها أكثر من ١٦ صفحة بإسم لجان المقاومة السودانية وهي من تستحوذ عليها وتكتب ما تشاء كما إنها دائما ما تشحد وتجمع مبالغ بإسم الثورة والثوار وكل هذا دون أي تفويض من الثوار بلجان المقاومة السودانية بالداخل .
الموقعون على البيان ١/لجان المقاومة السودانية القضارف ٢/لجان المقاومة السودانية بورتسودان ٣/لجان المقاومة السودانية الدمازين ٤/لجان المقاومة السودانية كادقلي ٥/ لجان المقاومة السودانية الابيض ٦/ لجان المقاومة السودانية الجنينة ٧/ لجان المقاومة السودانية شندي ٨/ لجان المقاومة السودانية كوستي ٩/ لجان المقاومة السودانية عطبرة ١٠/ لجان المقاومة السودانية ربك ١١/ لجان المقاومةالسودانية الضعين ١٢/ لجان المقاومة السودانية مدني ١٣/ لجان المقاومة السودانية الخرطوم ١٤/لجان المقاومة السودانية امدرمان الكبري ١٥/ لجان المقاومة السودانية زالنجي ١٦/ لجان المقاومة السودانية سنار ١٧/ لجان المقاومة السودانية نيالا ١٨/ لجان المقاومة السودانية الدلنج ١٩/ لجان المقاومة السودانية النهود ٢٠ / لجان المقاومة السودانية الفولة ٢١/ لجان المقاومة السودانية كبكابية ٢٢/ لجان المقاومة السودانية كتم ٢٣/ لجان مقاومة السودانية المجلد ٢٤/ ٢٥/ ٢٦/ ٢٧/ ٢٨/
Post: #13 Title: Re: ادعمو لجان المقاومة بطرح سياسي يخدم المرح Author: هدى ميرغنى Date: 01-05-2022, 05:45 AM Parent: #12
لا يمكن تكون "لجنة مقاومة" خارج السودان. المقاومة ياها الحاااارة الجوا السودان. طبعا مع التقدير لأى وقفات ، مظاهرات ، خارجيا والأهم فضح القتلة وعمايلهم.
Post: #14 Title: Re: ادعمو لجان المقاومة بطرح سياسي يخدم المرح Author: اخلاص عبدالرحمن المشرف Date: 01-05-2022, 06:20 AM Parent: #13
.طرح معقول ، بس عليكم الله الغوا لينا جهاز شئون المغتربين .
