Post: #2
Title: Re: (إستقالة) البُن
Author: عبدالمنعم الطيب حسن
Date: 01-03-2022, 08:48 AM
Parent: #1
في النار قلوكا
في الفندق دقوكا
خدرتا الشربوكا
...
بئس للشاربين
|
Post: #3
Title: Re: (إستقالة) البُن
Author: عبدالمنعم الطيب حسن
Date: 01-03-2022, 08:49 AM
Parent: #2
سفر عجيب،
البودي ما بجيب...
|
Post: #4
Title: Re: (إستقالة) البُن
Author: عبدالمنعم الطيب حسن
Date: 01-03-2022, 08:51 AM
Parent: #3
هنالك اماكن شواغر
في مزبلة التاريخ..
بجوار حمدتي والبرهان
...
|
Post: #5
Title: Re: (إستقالة) البُن
Author: عبدالمنعم الطيب حسن
Date: 01-03-2022, 09:23 AM
Parent: #4
هسا عندنا مواكب بتفوتنا.
وانقلاب على وشك سقوطه،
وشباب بتموت فداءا لوطنها..
عندنا مشاكل جمة
ووطن يحتضر،
|
Post: #6
Title: Re: (إستقالة) البُن
Author: عبدالمنعم الطيب حسن
Date: 01-03-2022, 09:33 AM
Parent: #5
بعدين حمدوك دا عندنا معاه كلام،
لا الحول ما بنخلي
...
بعد نجندل الفيل
واصحاب الفيل..
|
Post: #7
Title: Re: (إستقالة) البُن
Author: عبدالمنعم الطيب حسن
Date: 01-03-2022, 11:02 AM
Parent: #6
| Quote: اول صباح بعد شتات المؤسس الشمس طلعت من الشرق كالمعتاد..مشيت الدكان لقيت سيد الدكان بتسوك(كالمعتاد برضوا ) قلت ليهوا صباح الخير رد علي ب(تلويحة معتادة كذلك )ختيت ليهوا القروش وشلت البسكويت حقي(كالمعتاد تماما )رجعت البيت لقيت ناس البيت ولعوا البخور ولمعوا العدة ونضفوا البيت وبقى يرقش يسوي كدي..مسكت كباية الشاي بيدي اليمين ودخلت الفيس بتلفوني باليد الشمال وجغمت جغمة كبييييرة من الشاي واستمتعت تماما بالاتنين الشوق والريد اقصد الشاي والفيس لقيت الحياة عادية في الفيس لجان المقاومة تعلن عن مليونية بكرة نحو قصر الرمم في(شجاعة معتادة )رغم الألم والجراح واستشهاد الصحاب والرفاق وكل بياناتهم تقول ما معناه(مؤسس بتاع فنيلتك ) ..طبعا هنالك جماعات من المواهيم المولولين ضاربين الثكلي والحي ووب في أرجاء الفيس واي يا حمدوك احي يا حمدوك معليش استحملوهم يومين تلاتة كدة البنج بفك وحيكتشفوا إنهم كانوا مبارين(صنم عجوة ) صنعوهوا بأيديهم وكان رجلا لا بجدع لا بجيب الحجار وحيغنوا براهم(بركة الطار بركة الطار )..والحمدلله الذي كشف الغمة وازاح الرمة عشان الناس كلها تفضى لاولأد الهرمة وحتما حننتصر عليهم...صباحكم نور وسرور..#مليونية_4يناير |
الكاتب الفنان عبدالوهاب وردي
...
بالمناسبة من لم يتابع صفحة الاستاذ عبدالوهاب
في الفيس فقد فاتته كتابة مدهشة،
وساخرة، ومحفزة...
|
Post: #8
Title: Re: (إستقالة) البُن
Author: معاوية المدير
Date: 01-03-2022, 02:01 PM
الحمد لله الذي أذهب عنا الأذى وعافانا ...
|
|