Post: #2 Title: Re: لا تقرأ هذا البوست ، ولا تشاهد المقطع !!! Author: محمد البشرى الخضر Date: 12-30-2021, 03:44 PM Parent: #1
يا ولي زولك دا ونّااااس ساي دا قصة واتساب منشورة من زمان كل كم سنة يعاد تدويرها
Post: #3 Title: Re: لا تقرأ هذا البوست ، ولا تشاهد المقطع !!! Author: Osman Musa Date: 12-31-2021, 03:41 AM Parent: #2
استاذ الوليد سلام هو يا الوليد جد المطار صادم ابو التخلف زاتو. لكن كمان الفلقصة على العاملين المساكين ما حبابها. .. بالجمبة يا وليد . التي شيرت حق الشاب دا تي شيرت مزور وهو ما جايب خبر .
Post: #4 Title: Re: لا تقرأ هذا البوست ، ولا تشاهد المقطع !!! Author: بسمات الشيخ Date: 12-31-2021, 05:50 AM Parent: #3
لكن بصراحة هي تستاهل الكف الصاموتي لانها بتشتم في السودان ..في الوطن وما بتشتم المسؤولين المقصرين في عملهم .... والزول الضربها كف ده اظنه رجل وطني يحب السودان ..يحب وطنه وما بيرضى اي اساءة للوطن الحبيب.
Post: #11 Title: Re: لا تقرأ هذا البوست ، ولا تشاهد المقطع !!! Author: walid taha Date: 01-01-2022, 08:37 AM Parent: #3
Quote: بالجمبة يا وليد . التي شيرت حق الشاب دا تي شيرت مزور وهو ما جايب خبر .
ألذ حاجة لمن حكى زيارتو للسفارة وأوصى الناس بإتباع طريقتو، وإنودى الطريقة المثلى فى التعامل ! بعدين وجه رسالة للمغتربين مع إنو الزولة دى ممكن جداتكون جاية من مصر !
Post: #10 Title: Re: لا تقرأ هذا البوست ، ولا تشاهد المقطع !!! Author: walid taha Date: 01-01-2022, 07:54 AM Parent: #2
Quote: زولك دا ونّااااس ساي
لكن شفت (الإحتفاء) بالكف ده قدر شنو ؟!!!
Post: #5 Title: Re: لا تقرأ هذا البوست ، ولا تشاهد المقطع !!! Author: walid taha Date: 12-31-2021, 11:41 AM Parent: #1
أولا المغزى من القصة غير واضح ويحتمل تفاسير كتيرة يعنى اى زول يتذمر من الوضع فى السودان مفروض يضرب بالكف ولاشنو؟!! حسب المقطع الزولة دى ما شتمت زول ! بعدين يبدوأن (الكف المشار إليه ) ما كان له أن يكون (صاموتيا) لو كان المتذمر زول قاعد فى السودان وما (جاي من برة) وذلك حسب أسلوب الحكى بتاع الأخ ده ! وهل كل زول متذمر مفروض يكون فى زول راجيهوبكف ؟! الزول ده الله مافتح عليهو بإدانة - ولوصغيرة - على تصرف بطل القصة الذي يعتبر أعتداء أيا كانت المبرارات .
دقيقة بس برجع تاني
Post: #6 Title: Re: لا تقرأ هذا البوست ، ولا تشاهد المقطع !!! Author: muntasir Date: 12-31-2021, 12:02 PM Parent: #5
Quote: لكن بصراحة هي تستاهل الكف الصاموتي لانها بتشتم في السودان ..في الوطن وما بتشتم المسؤولين المقصرين في عملهم .... والزول الضربها كف ده اظنه رجل وطني يحب السودان ..يحب وطنه وما بيرضى اي اساءة للوطن الحبيب.[/QUOT سلام يعني انتي كامرأة ما عندك مانع كان غلطتي اي راجل يديك كف
Post: #7 Title: Re: لا تقرأ هذا البوست ، ولا تشاهد المقطع !!! Author: بسمات الشيخ Date: 12-31-2021, 02:52 PM Parent: #6
نعم يا منتصر اذا انا غلطت وشتمت السودان استاهل عشرين كف.... الوطن.خط احمر..... شتم المسؤولين وشتم اللصوص كيفما تشاء ...ولكن تشتم السودان فهذا غير مقبول
Post: #8 Title: Re: لا تقرأ هذا البوست ، ولا تشاهد المقطع !!! Author: muntasir Date: 12-31-2021, 05:11 PM Parent: #7
يا بسمات مش لو شتمتي السودان لو شتمتي توت عنخ آمون ذاته مافي زول عنده الحق يمد يده عليك انتي قايله الكسروا لثة البنت واسنانها والدقوا البنت في المظاهرات الفاتت والكتلوا ست النفور وغيرها من الثوار هم في وجهة نظرهم بيعملوا كده من اجل الوطن ضد اعداء الوطن
Post: #9 Title: Re: لا تقرأ هذا البوست ، ولا تشاهد المقطع !!! Author: بسمات الشيخ Date: 12-31-2021, 09:18 PM Parent: #8
بالجد اقنعتني يا منتصر في دي حجتك قوية ....وفكرت احتمال يكون الضرب البنت دي في المطار يكون من الجنجويد وافتكر انها من المعارضة لحكم الدكتاتور البرهان....
Post: #12 Title: Re: لا تقرأ هذا البوست ، ولا تشاهد المقطع !!! Author: Gafar Bashir Date: 01-01-2022, 09:34 AM Parent: #9
Quote: يا بسمات مش لو شتمتي السودان لو شتمتي توت عنخ آمون ذاته مافي زول عنده الحق يمد يده عليك انتي قايله الكسروا لثة البنت واسنانها والدقوا البنت في المظاهرات الفاتت والكتلوا ست النفور وغيرها من الثوار هم في وجهة نظرهم بيعملوا كده من اجل الوطن ضد اعداء الوطن
بالضبط
الفكرة كلها أن لو في شخص اخطا قولا او فعلا ،،، في جهات قانونية ،،، اما موضوع تنفيذ الحكم والقانون بواسطة الافراد وفقا لمزاجهم ونتماءهم وطريقة تفكيرهم دي اسمها قانون الغاب
Post: #13 Title: Re: لا تقرأ هذا البوست ، ولا تشاهد المقطع !!! Author: walid taha Date: 01-02-2022, 08:41 AM Parent: #1
كما أن (المعُتدى عليه) متهم بأهانته لسلطات المطار فى عدم الإستعانة بهم !!