Post: #1
Title: بكري أبوبكري افضل وزير للإعلام من الكفاءات
Author: بلدى يا حبوب
Date: 12-24-2021, 02:10 PM
01:10 PM December, 24 2021 سودانيز اون لاين
بلدى يا حبوب-kahrtoum
مكتبتى
رابط مختصر
عارف في جماعة. حيقولوا ده كثير ثلج لكن الحمد الله اليومين التلج مافي زول دايره مع البرد وكمان بكرى عنده شنو غير ما يديك مكتبة وده كمان بتجي لي اي زول بعد طول عمر
بكرى صاحب تجربة اعلامية ثرة في الصحافة الإلكترونية وسوادنيس اون لاين بتاريخها الطويل في وسائل التواصل الاجتماعية خير شاهد
هل من مثنى
تحياتي
|
Post: #2
Title: بكري أبوبكر لا يصلح وزيرا للاعلام
Author: بكرى ابوبكر
Date: 12-24-2021, 07:32 PM
Parent: #1
سلام و احترام اخي الحبيب بلدي يا حبوب
اولا اشكرك علي ترشيحي و تفضيلي لمنصب وزير الاعلام و الذي اري اننا لبناء دولة حديثة لسنا في حوجة اليه ،ففي كل الدول المتطورة لا يوجد وزيرا للاعلام الا في دول العالم الثالث.لكن يوجد ناطق او متحدث باسم الوزارة الفلانية او الهيئة العلانية ...
ثانيا قالوا "بارك الله في امرئ عرف قدر نفسه" لا انفع لهذا الموقع ..،اخوك لا درس اعلام ولا صحافة و لا خريج مدرسة الكادر الخطابي ،فالناطق الرسمي لاي مصلحة او وزارة يجب ان يكون مؤهل عبر دورات تدريبة و كورسات لتولي هذا المنصب ...الشغلانة ما هبتلي ساكت ......
ثالثا ودا المهم
اي منصب في حكومة ثورية اقصد بعد اي ثورة يجب ان يكون من الثوار و القيادات الميدانية و الشبابية للثوار و ليست من ثوار الشتات..... يا اخي نحن عندما ننزل البلد بناخذ شهر علشان نعرف الفرق بين الجنية والدينار و الجنية القديم و الجديد.....وقيس علي ذلك....
تعرف يا حبيب قبل فترة اتصل علي شخص من تلفون غريب ...وبعد السلام و التحية ...قال لي انا متصل عليك من مكتب حمدوك....قلت ليه خير
قال لي حمدوك دايرك تشتغل معاهو في الاعلام.....
قلت ليه: خلي حمدوك يتصل علي....
قال لي:هو داير يعرف رايك المبدئى قبل ان يتصل بيك ......اخيرا قال لي كويس و بكلمه
ومن ديك لم يتصل......
اخيرا
تعرف لو الموظف حمدوك قال للقاتل حميتي بدور بكري للاعلام احتمال يكفتوا اذا ما شاتوا.....هههههه
اسع عليك الله ترضي لي اقعد مع هؤلاء القتلة في طربيزة واحدة ، ما كفاية سيف و اردول و عسكوري
|
Post: #3
Title: Re: بكري أبوبكر لا يصلح وزيرا للاعلام
Author: shaheen shaheen
Date: 12-24-2021, 09:04 PM
Parent: #2
صناع الرأى العام اهم الف مرة من الوزراء.
عشرات ، وربما مئات الوزراء مروا منذ اهتمامى بالشأن العام وانا مجرد قاصر فى بدايات تعليمى الثانوى ، على الطلاق لا اتذكر منهم الا عدد محدود للغاية.
انت فى موقعك مستقل ، وراسخ ، رئيس جمهورية نفسك ، لا يطردك احد فى تعديل وزارى.
التوزير مرض سودانى مرعب ، وفكرة خدمة الناس فقط عن طريق المنصب مجرد وهم كبير ، وهى فكرة مركزية بغيضة.
الخدمة من الادنى ، من المحليات والتعاونيات ، والاندية الرياضية والاجتماعية فى الاحياء.
|
Post: #5
Title: Re: بكري أبوبكر وزيرا للاعلام
Author: Gafar Bashir
Date: 12-27-2021, 08:01 AM
Parent: #4
كامل الدعم للاخ بكري ابوبكر
| Quote: لكن الحمد الله اليومين التلج مافي زول دايره مع البرد |
هههههه يعني ده دفاعك عن التهمة
يا زول كسير تلج خلينا نجي من الاخر
|
|