أثناء صلاة الفجر ... بما فيهم ٣ ضباط ... نقيب و٢ ملازمين ... من أصدر أمر ذهاب هؤلاء الضحايا لليمن مقابل حفنة ريالات فهو آثم ويستحق القتل رميا بالرصاص ...
Post: #2 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 08:13 AM Parent: #1
الود السيسى بي تصريح إعلامي وبدون إرسال جندي واحد لليمن إستطاع الحصول على ١٥ مليار دولار من دول الخليج وفي خلال يومين فقط ... كانت هذه الدولارات هي الرافعة للاقتصاد المصري الذي ازدهر إلى يومنا هذا وبدون خسارة جندي واحد ..
القيادة السياسية والعسكرية أثبتت مدى رخصها وهوانها وعدم كفاءة قيادية وعسكرية في التعامل مع حرب اليمن ... لنرى ذلك...
Post: #3 Title: Re: الحوثي ينحر (19) من جنود الجيش السوداني بضر� Author: Yasir Elsharif Date: 12-18-2021, 08:19 AM Parent: #2
سلام يا صلاح
المسئول عن مشاركة القوات السودانية في حرب اليمن هو البشير ومعاونوه، والآن المسئول هم البرهان وحميدتي ومعاونوهم.
Post: #4 Title: Re: الحوثي ينحر (19) من جنود الجيش السوداني بضر� Author: محمد البشرى الخضر Date: 12-18-2021, 08:20 AM Parent: #2
إنّا لله و إنّأ إليه راجعون ربنا يرحمهم و يغفر لهم و يتقبلهم شهداء, العزاء لاسرهم وللسودان
Post: #5 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 08:29 AM Parent: #2
ليعلن القائد العام للجيش غداً إنسحاب كل القوات السودانية من الحدود اليمنية السعودية في خلال شهر إذا لم يفي التحالف الخليجي بتوفير ٢٠ مليار من الرز (الملكية للسيسي شخصيا) خلال اسبوعين ... لأنو البلد تعيش في ضنك وأبناءها يدافعون ويموتون في سبيل من يملك إزالة هذا الضنك اليوم قبل الغد ولا يريد ان يفعل ذلك ... فلماذا ندافع عنهم ... ولماذا الهوان دا... هل صار الدم السوداني رخيصا لهذه الدرجة ...
Post: #6 Title: Re: الحوثي ينحر (19) من جنود الجيش السوداني بضر� Author: Osman Musa Date: 12-18-2021, 08:47 AM Parent: #5
يا ود العم. سلامات . مساكين . يمسكوهم اسبوع غسيل مخ تمام ومحاضرات وعود بالامجاد الجديدة بعد العودة . ثم اسبوعين جكة لللياقة البدنية لطلوع شعاب اليمن. والسفر . والناس يقع في الرأس. ... ما انو يا اخ صلاح كان لو سخروا ليهم أشغال كان ممكن ينتجوا في بلدهم ويموتوا في العنقريب. لهم جميعا الرحمة .
Post: #7 Title: Re: الحوثي ينحر (19) من جنود الجيش السوداني بضر� Author: نعمات عماد Date: 12-18-2021, 08:52 AM Parent: #5
سلام صفقة بيع الجنود السودانيين أساساً أُبرمت من أجل المنفعة الشخصية للبشير المجرم المطلوب للمحكمة الجنائية و ورثها عنه المجرمان برهان و حميدتي المتورطان في جرائم إبادة و مقتل متظاهرين سلميين في القيادة و كل مدن السودان. يعني الشعب براء من حرب اليمن و دماء اليمنيين. الجيش السوداني يحارب لكي يقبض حميدتي و برهان ريالات ملطخة بالدم. المخلوع و برهان و حميدتي يستحقون الإعدام.
Post: #8 Title: Re: الحوثي ينحر (19) من جنود الجيش السوداني بضر� Author: muntasir Date: 12-18-2021, 09:07 AM Parent: #7
السيسي قال ليهم مسافة السكة لكن لأنه يحترم مواطنيه وكذلك الباكستانيين لم يرسلوا جندي واحد ولكن الرخيصين بتاعننا بيرسلوا في المرتزقة لليمن بواسطة موردي الأنفار البشير وحميدتي والبرهان يرسلون المرتزقة لقمع شعب اليمن
Post: #9 Title: Re: الحوثي ينحر (19) من جنود الجيش السوداني بضر� Author: Asim Ali Date: 12-18-2021, 09:14 AM Parent: #8
امصر يعتبر جيشها قوة استراتيجيه اقليميا لكن يبدو ان التاريخ يعيد نفسو فكما كان السودان فى عهد التركيه مصدر الرجال والذهب الان يتكرر الامر على يد سماسره من ابناء جلدتنا (ربما كان لهم تسميه فى عهد النركيه نعلمها جميعا) الموضوعداير مقاومه ايجابيه تحسم هذه المهزله
Post: #10 Title: Re: الحوثي ينحر (19) من جنود الجيش السوداني بضر� Author: الصادق عبدالله الحسن Date: 12-18-2021, 09:37 AM Parent: #9
Quote: إذا لم يفي التحالف الخليجي بتوفير ٢٠ مليار من الرز (الملكية للسيسي شخصيا) خلال اسبوعين ....
حاج الطيب أخبارك ياخ ؟ عندما قرأت المقتبس عنك في الأعلى تذكرتُ فوراً تلك الطُرفة الي تروى عن السيد جُحا والذي قيل أنه التقى بامرأة (غراء فرعاء مصقول عوارضها تمشي الهوينا كما يمشي الوجي الوحلُ) فغازلها وطلب منها أن ترافقه وتقاسمه السرير مقابل 20 مليار من الُرز الخليجي المتلتل، ابتسمت السيدة الممتلئة جمالاً وشحماً ولحماً بالموافقة على العرض الذي أسال لعابها
فاستدار جحا مرة أخرى وسألها: وهل تقبلين إن أنزلنا المبلغ إلى بضعة ملايين من الدراهم الإماراتية؟ استشاطت السيدة التي ترتدي بزة السيادة السودانية غضباً وزعلاً وهي تسأله: لماذا تتراجع في كلامك، ألا تعرف من أكون أنا؟ أجابها جحا: يا سيدتي السيادية: نحن بعرضنا الأول فحصنا عِفتك، وتأكدنا مِن شرفك، وعرفنا مَن تكونين، وما اختلافنا الآن إلا على كمية الرُز وعدد الدراهم!
لن يتوقف يا حاج الطيب نهب الثروات والسلب والنحر وسوف يبقى إنسان وطننا ودماء وأرواح شبابنا برسم البيع والشراء ما بقي هناك على رأس سلطتنا السيادية جنرالاً رخيصاً يُباع ويشترى
والتحية لك وضيوفك .... .. .
Post: #11 Title: Re: الحوثي ينحر (19) من جنود الجيش السوداني بضر� Author: اخلاص عبدالرحمن المشرف Date: 12-18-2021, 09:41 AM Parent: #10
Post: #12 Title: Re: الحوثي ينحر (19) من جنود الجيش السوداني بضر� Author: Yasir Elsharif Date: 12-18-2021, 09:47 AM Parent: #10
Quote: إذا لم يفي التحالف الخليجي بتوفير ٢٠ مليار من الرز (الملكية للسيسي شخصيا) خلال اسبوعين ....
طبظتها يا صلاح !!
معقول نحن نساوي 20 مليار خلال أسبوعين؟
يا زول بس الجماعة الحرامية ديل يزحوا ، السودان يأكل العالم كلو.
Post: #13 Title: Re: الحوثي ينحر (19) من جنود الجيش السوداني بضر� Author: Yasir Elsharif Date: 12-18-2021, 09:52 AM Parent: #12
نسأل الله لهم الرحمة والغفران، ولآلهم الصبر وحسن العزاء
Post: #14 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 10:15 AM Parent: #13
Quote: معقول نحن نساوي 20 مليار خلال أسبوعين؟
يا ياسر ... كدا اكيد فهمتني غلط وتراكا مشيت بي نهج البشير ومن خلفه في الحكم والجيش ... فضل تقول نحنا مشينا اليمن عشان ندافع عن مكه والمدينة مجانا وليموت كل جنود الجيش السوداني فداءا لله ورسوله وهذا ما سمعته خلال اليومين الأخيرين في عزاء ابن خالي النقيب الذي استدعي من الفشقة وفي خلال أسبوع (استشهد) في اليمن مع هذه الثلة من اعز وارجل أبناء السودان ... المحك هنا يا ياسر ... بجاحة السيسي هي المطلوبة مع هؤلاء الأعراب ...
Post: #15 Title: Re: الحوثي ينحر (19) من جنود الجيش السوداني بضر� Author: قسم الفضيل مضوي محمد Date: 12-18-2021, 10:22 AM Parent: #13
. يستاهلوا .. انت كمان ما ممكن تمشي تجمع الريالات من فوق اشلاء وجثث الاطفال والنساء اليمنيين .. اي زول مشى اليمن مشى بمحض ارادته واللي بيزرع الشوك يحصد الحصرم.. .
.. . عندنا ولد جيرانا اختفى لمدة سنة وما فقدته الا بعد ما جاء سألت منو يا اخونا الزول دا كان وين؟ قالوا مشى اليمن وجاء ليه ب ١٢ مليار جنيه !! طوالي راح خاشي في عربية كيا وبقى اخر شياكة وعطور وما عارف انه بنى عزه دا من فوق جماجم ناس أبرياء.. وغيره كتير ويجوك يتبسموا كمان كأنهم كانوا في رحلة في جزر هاواي .. الله ينتقم من أي سوداني شارك في حرب اليمن عاجلا غير اجلا ..
Post: #16 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 10:42 AM Parent: #15
١٢ مليار حلوة يا قسوم ... عيبا لي ... من بكرة بجهز ليك واسطا كاربا ... وتمشي اليمن وممكن الواسطة توصي يخلوك ورا عشان ما يكتلوك ... فكرة جاهزة للتنفيذ ... ما عندك فكرة نوهائي عن سلك الجندية ومعنى الأوامر وتنفيذها بالنسبة للعسكري ... محض إرادته دي إلا تمشي عمره ول حج ... قسمتك يا قسوم في العسكرية ضعيفة جدا ...
Post: #17 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 11:03 AM Parent: #16
كل القوة السودانية موجودة اليوم على الحدود السعودية اليمنية وعلى حسب ما سمعت فإن هذه القوة هي المانع وحائط الصد أمام الحوثيين لتحرير جيزان وخميس مشيط وابها ... (مدن أصلها يمني وتتبع ال سعود) ... وإذا تمكن الحوثيين من الوصول لهذه المدن فسوف يفتح الطريق أمامهم إلى مكة ... هذه هي أهمية وجود القوة السودانية .. وعلى حسب ما سمعت لا يوجد جندى سودانى واحد داخل الحدود اليمنية المعروفة سابقا ...
Post: #18 Title: Re: الحوثي ينحر (19) من جنود الجيش السوداني بضر� Author: اخلاص عبدالرحمن المشرف Date: 12-18-2021, 11:20 AM Parent: #17
البركة فيكم يا صلاح الزبير. ونسأل الله له المغفرة والرحمة والعتق من النار.
اليمن معروفة محرقة الغزاة ( هم اصل العرب ويقولوا لك وحدة عربية ف تأمل علي قول المتأمل ملاسي )
Post: #19 Title: Re: الحوثي ينحر (19) من جنود الجيش السوداني بضر� Author: منتصر عبد الباسط Date: 12-18-2021, 11:29 AM Parent: #17
Quote: من أجل المنفعة الشخصية للبشير المجرم
بل قولي علي عثمان وعوض الجاز ونافع علي نافع وصلاح قوش وبقية الكيزان ثم عمر البشير أما ضباط الجيش الآخرين من رتبة فريق أول لغاية أصغر جندي هم بين مجرد عميل أو ضحية مغلوب على أمره ألى متي سنظل نتستر علي ساسة الأحزاب الأرجاس الغبثاء ! قاتلهم الله وسلم الله أهل السودان من شرورهم هم مدنيين وليسوا عسكرا ناس عواليق يلبسون عراريق وأصحاب خلق معيب يلبسون جلاليب وذوي خصال دنية يلبسون بدل ولبسات مدنية لم يخلق الله أشر منهم ولا أضر ولا أخبث ومثلهم الأن من يغررون بالشباب ليموتوا قتلا ثم يتاجروا بدمهم من أجل المناصب كما كان قميص عثمان رضي الله عنه والجيش السوداني جزء من الشعب السوداني ضحية لساسة مدنيين تحزبيين خبثاء تجار دم وممكن يبيعوا كل شعب السودان وما يملكون وكل أرض للسودان لأجل المنصب والجاه والأن يرفضون الرجوع والخضوع للشعب عبر الإنتخابات اللهم أخزلهم وأخزهم لو كانوا كذلك
Post: #20 Title: Re: الحوثي ينحر (19) من جنود الجيش السوداني بضر� Author: منتصر عبد الباسط Date: 12-18-2021, 11:36 AM Parent: #19
الحل في الرجوع للشعب عبر الانتخابات عشان نمرق من هذه المخازي وهذا العار الذي زجنا فيه كيزان السجم
Post: #21 Title: Re: الحوثي ينحر (19) من جنود الجيش السوداني بضر� Author: اخلاص عبدالرحمن المشرف Date: 12-18-2021, 11:36 AM Parent: #19
بالغت يا استاذ منتصر عاوزين يلبسوا زي العساكر بوت وقايش حتي يصلحوا للحكم !!!!!
Post: #22 Title: Re: الحوثي ينحر (19) من جنود الجيش السوداني بضر� Author: اخلاص عبدالرحمن المشرف Date: 12-18-2021, 11:38 AM Parent: #21
بالمرة وصف لينا لبس علي الكرار وعمر وعثمان ، ياخ الجيش ده ذاتو ما بقي مهنة في الاسلام الا متأخر
Post: #23 Title: Re: الحوثي ينحر (19) من جنود الجيش السوداني بضر� Author: اخلاص عبدالرحمن المشرف Date: 12-18-2021, 11:38 AM Parent: #21
بالمرة وصف لينا لبس علي الكرار وعمر وعثمان ، ياخ الجيش ده ذاتو ما بقي مهنة في الاسلام الا متأخر
Post: #24 Title: Re: الحوثي ينحر (19) من جنود الجيش السوداني بضر� Author: اخلاص عبدالرحمن المشرف Date: 12-18-2021, 11:39 AM Parent: #21
مكرر
Post: #25 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 12:03 PM Parent: #24
مرحب ياسر وود البشرى ود. نعمات وود موسى والغايب الحاضر قريب ايفانكا الصادق ود عبدالله وحباب بت المشرف ومنتصر ... اي زول عندو رأي يكبو ساكت فلسنا في غلاط عند حدوث هذه المصايب ...
Post: #26 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 12:24 PM Parent: #25
حباب عمو مونتا وعاصم على ... التدخل في اليمن تم بأمر القائد الأعلى والعام للجيش (المشير) الذي يأتمر بأمر المجلس القيادي لحزب المؤتمر ... عموما الجيوش في كل العالم تأتمر بأمر القيادة السياسة للدول ديمقراطية كانت أم ديكتاتورية ...
Post: #27 Title: Re: الحوثي ينحر (19) من جنود الجيش السوداني بضر� Author: عبد الله جبريل Date: 12-18-2021, 12:38 PM Parent: #25
للاسف الذهاب لليمن اصبح حلم كل جندي سوداني لذلك اصبحت الفرص تباع علنا ويعتبر من المحظوظين من يقع عليه الاختيار فالهدف الوحيد الواضح هو الحصول علي الحوافز المليارية ويعتبرون ارتزاقهم في اليمن نوع من الاغتراب والكسب المشروع.
Post: #28 Title: Re: الحوثي ينحر (19) من جنود الجيش السوداني بضر� Author: دفع الله ود الأصيل Date: 12-18-2021, 02:21 PM Parent: #27
Post: #29 Title: Re: الحوثي ينحر (19) من جنود الجيش السوداني بضر� Author: نصر الدين عشر Date: 12-18-2021, 03:11 PM Parent: #28
سلام صلاح زبير وضيوفه الكرام
ربنا يتقبل موتانا ويرحمهم ماتوا مرتزقة في سبيل قضية هلامية
اكثر ما يثير غضبي حينما يتحدثون عن حماية الحرمين الحرب اساسا ما قامت عشان الحرمين الحرب قامت عشان اعادة الشرعية لهادي هسي في زول بتذكر هادي وقصتو شنو؟
وبعدين الناس في ارض البل (السودان) اصبحوا "لا يتناهون عن منكر فعلوه" وكت تقول ليهم الحاجة دي حرام او ما قانونية بشوفوك زول نرجسي ساي والله الدخلتها فينا الانقاذ دي تاني ما بتمرق اصيب القوم في اخلاقهم
Post: #31 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 07:30 PM Parent: #30
ود البشرى ود. إخلاص ونصرالدين وياسر ... وبقية الإخوة ... بارك الله فيكم وربنا يحفظ كل أعزاءكم ...
كان رفقاء السلاح من القوات البحرية التي ينتمي لها ابننا النقيب عبدالناصر حضورا بالعشرات في البسابير ... جاءو معزين لنا في مصابنا من الخرطوم وبورتسودان ... كان المشهد مزلزل لنا جميعا ونحن نسمع نحيبهم ونرى دموع الرجال تذرف على عبدالناصر ... وعبدالناصر في شخصه قصة أخرى لابد أن تحكى ...
Post: #32 Title: Re: الحوثي ينحر (19) من جنود الجيش السوداني بضر� Author: Ahmed Yassin Date: 12-18-2021, 08:18 PM Parent: #31
ابوصلاح الله يرحم عبدالناصر والتعازي موصولة لك. هل تم مواراته ثرى السودان ؟ بالبسابير تحديدا؟
Post: #33 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 08:35 PM Parent: #32
Quote: هل تم مواراته ثرى السودان ؟
هلا أحمد ... الحمد لله وشكرا للتعزية ... سوف يدفن بالمدينة المنورة ... والتنسيق جاري لسفر والده ووالدته وعمه (تحت كفالة الجيش) وهناك العديدين سوف يذهبو بفيزة عمرة لحضور الدفن الذي سوف يتم خلال نهاية هذا الإسبوع ....
Post: #34 Title: Re: الحوثي ينحر (19) من جنود الجيش السوداني بضر� Author: muntasir Date: 12-18-2021, 08:47 PM Parent: #33
البركة فيكم يا صلاح ، لقد قتلهم من أخرجهم فالفئة الباغية هنا من أصدروا الأوامر لبيع أبناء السودان مرتزقة في حرب لا ناقة لهم فيها ولا جمل بينما أرضهم محتلة من المصريين وهم يبيعون لها أرض السودان وخيراته
Post: #41 Title: Re: الحوثي ينحر (19) من جنود الجيش السوداني بضر� Author: الصادق عبدالله الحسن Date: 12-19-2021, 11:19 PM Parent: #33
Quote: سوف يدفن بالمدينة المنورة ... والتنسيق جاري لسفر والده ووالدته وعمه (تحت كفالة الجيش) وهناك العديدين سوف يذهبو بفيزة عمرة لحضور الدفن
أحسن الله عزاءكم ياصلاح، وعزاء أسر كل السودانيين الذين:
Quote: لا تتعامل السعودية بمسؤولية أخلاقية وإنسانية حيالهم وهم الذين يقاتلون نيابة عن جنودها في الأرض اليمنية، وينفذون أجنداتها، وهو ما يرتب عليها، وقبل أي شيء آخر، رعاية الجرحى من هؤلاء، وكفالة أسر القتلى، لكنها للأسف تتعاطى معهم كأنهم جنود سخرة، وأداة بشرية لتأكيد ولاء السلطة السودانية لها. وبالتالي تركت أعباء مشاركة السودانيين في اليمن على اقتصاد دولتهم الفقيرة، والمضحك أن الالتفاتة السعودية الوحيدة حيال هؤلاء قرار الملك سلمان بن عبدالعزيز منح أسر ضحايا الجنود السودانيين في اليمن مكرمة الحج . **
Quote: يدرك يمنيون كثيرون أن الجنود السودانيين وقود للحرب في بلادهم، .....، وإنما ضحايا فقراء مثلهم، لا حول لهم ولا قوة، ضحايا مجّانيون لسلطتهم القاهرة لشراء الرضا السعودي، ولو على حساب جنود، متعبين، يُقتلون بلا هدف، ويدفنون بدون شواهد تدل حتى على أسمائهم، ويخلفون فقط أوجاعا في قلوب ذويهم. **
** الفقرات في الأعلى مقتطفة من مقال مُحزن للكاتبة اليمنية بشرى المقطري نُشر قبل أكثر من أربع سنوات والذي انصح بقراءته كاملاً لأنه حوى الكثير من التفاصيل المؤلمة عن كيفية التعامل العنصري مع السودانيين والنظر تجاههم كمحض مرتزقة مقارنة بنظرائهم من الجنود السعوديين والإماراتيين. .... .. .
Post: #36 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-18-2021, 09:22 PM Parent: #32
للتكرار
Post: #56 Title: Re: الحوثي ينحر (19) من جنود الجيش السوداني بضر� Author: elhilayla Date: 12-22-2021, 09:49 AM Parent: #5
السلام عليكم ورحمة الله وبركاته ربنا يتقبلهم شهداء عنده -حسب نيتهم-تذكرت يا صلاح قول المتنبي مَنْ يَهُنْ يَسْهُلِ الهَوَانُ عَلَيهِ ___ الحليلة
Post: #37 Title: Re: الحوثي ينحر (19) من جنود الجيش السوداني بضر� Author: adil amin Date: 12-19-2021, 05:05 AM Parent: #1
الصلعة المقابلة الحر يا صلاح الزبير
نحن من 2014 نرفس في البورد ده علي شنو وشماعة البشير ما بتنفع والبرهان ما بتنفع ليه قحت الطين دي ما مرقت مليونيات داخل وخارج السودان بسبب هذه الحرب المشينة ؟؟؟ وشكرا حمدوك والنفاق البائس لم يكن الوضع المخزي للسودان في حرب اليمن ابدا جزء من وعييكم ولا وعي الشباب المبارنكم لحدي الليلة 2021 والخروج من حرب اليمن كان داير مليونيات تفضح الدول البتسكعو فيها ناس خالد سلك وعمر الدقير ايضا وكمان محكمة دستورية ومجلس تشريعي من اول ثلاثة شهور عشان تعرف الدول الوسخة دي انه السودان ده دولة وحضارة ورسالة وكان مفروض يتذكرو المحجوب لمن تتبجح مريم الصادق المهدي وتقول السودان ما بدخل في شئون الدول وعنده جنود في عاصفة الحزم من 2015 وعايزة تطرد الحبش من ابيي وهم في القوات الدولية قضية اليمن قضية انسانية وكانت في ناس بتتمسخر هنا في بوستات كبيرة فتحناها هنا نسال المولى يقلبهم قردة خاسئين
يا حرررررام سمع دابو يا ناس وقال شنو صلاة الفجر البوست ده منطقة علميات قحت لا تمثلني الثورة في السودان ما جات لا بالشنقيطي ولا بي الوادي والسودان ما فقير عشان يتسول دول الخليج الغبية ولكنه يحكم ويدار بحثالة اجتماعية من المركز علي حساب شعوب السودان في الاقاليم الستة https://top4top.io/
Post: #38 Title: Re: الحوثي ينحر (19) من جنود الجيش السوداني بضر� Author: منتصر عبد الباسط Date: 12-19-2021, 06:07 AM Parent: #37
السودان ليس مصر لا يوجد في السودان حكم عسكري لا في ماضينا ولا حاضرنا العسكر كانوا مجرد أداة في يد مدنيين أرجاس أنجاس القلوب والأيادي من شيوعيين وكيزان وناصريين الحل في الإنتخابات تجيب ناس مدنيين بزي مدني المشكلة في اللابسين وليس الملبوس والمشكلة في رفض الإنتخابات الأداة الشرعية الوحيدة لحكم المدنيين!
Post: #39 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-19-2021, 09:26 AM Parent: #37
Quote: الصلعة المقابلة الحر
تصلي لاورا (غربا) يا عادل ...
Quote: والسودان ما فقير عشان يتسول دول الخليج الغبية
يا غبي الأمريكان كانو فقراء لما دفعوا دول الخليج مئات المليارات من الدولارات كنفقات وتعويضات حرب عاصفة الصحراء الأولى وحرب الخليج الثانية... دي حقوق مستحقة ملزم دفعها وتم دفعها على داير مليم بفضل القيادة السياسية لأمريكا بوش الأب وبوش الإبن ... ودفعها حكام الخليج صاغرين ... يبقى كل ما يقال عن حكامنا صحيح ... حكامنا ليسو بجهلة ولكنهم يقدمون مصالحهم على مصالح هذا البلد وشعبه ... (٢٥ مليون دولار كاش دفعها بن سلمان للبشير كهدية والبشير دساها تحت عنقريبو) ... لو عندنا حكومة ثورة حقيقية خلال الفترة الماضية كان باستطاعتها حل مشاكل البلد الإقتصادية والانسحاب من اليمن في مدة محددة سلفا بعد الدفع ... ماهو البلد مورطه في اليمن قبل الثورة ...
Post: #40 Title: Re: الحوثي ينحر (19) من جنود الجيش السوداني بضر� Author: adil amin Date: 12-19-2021, 11:02 AM Parent: #39
Quote: يا غبي الأمريكان كانو فقراء لما دفعوا دول الخليج
التسول مرض حقك وحق ناس المركز التكدسو فيه 10 مليون سوداني حاصل فارغ والخليج يا حذاء الحذاء يبتزك انت في السودان لانك تشعر بالدونية حيال العرب ودي مشكلة نفسية ما عندها علاقة بالسياسة اهرب600 ذهب للخليج ومصر واقعدة اشحد منهم الفتات ممكن تفسر لي الشرمطة دي كيف لكن امريكا عاملاهم حذاء وتجلي ذلك في زمن ترامب خليك من بوش والسؤال قائم ليه الخروج من اليمن ما كان من اهداف القحاتة والثورة دي ؟؟ لا ما قادر تجاوب امشي ذاكر في بوست الحصة نظافة حتعرف انه لاا في ثورة ولا بطيخ دي الانقاذ3 والمدنيين علي الجرنالات تحت جذم المصريين ودول الخليج والدول الناهبة للسودان والشيوعي والبعثي والناصري والكوز والسلفي حاجة واحدة ومجرمة ومعفنة كمان
Post: #42 Title: Re: الحوثي ينحر (19) من جنود الجيش السوداني بضر� Author: على احمد النعيم Date: 12-20-2021, 06:05 AM Parent: #40
كان رفقاء السلاح من القوات البحرية التي ينتمي لها ابننا النقيب عبدالناصر حضورا بالعشرات في البسابير ... جاءو معزين لنا في مصابنا من الخرطوم وبورتسودان ... كان المشهد مزلزل لنا جميعا ونحن نسمع نحيبهم ونرى دموع الرجال تذرف على عبدالناصر ... وعبدالناصر في شخصه قصة أخرى لابد أن تحكى ...
========================= نسأل الله ان يرحم النقيب عبد الناصر محمد جبريل رحمة واسعة وان يحشره يوم القيامة مع الصديقين والشهداء وحسن اؤلئك رفيقا. نسأل الله ان يربط على قلوب اهله ويلزمهم الصبر الجميل. تعازينا عبرك موصولة لكل الاهل والاحباب بالبسابير ولكل آل جبريل. ولا حول ولاقوة الا بالله العلى العظيم
Post: #43 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-20-2021, 08:06 AM Parent: #42
رحم الله ابن خالي النقيب مهندس بحري عبدالناصر محمد أحمد جبريل الذي استشهد على الحدود السعودية اليمنية ... كتب قريبي زميل المنبر الرفيق ياسر العوض :-
Quote: عبدالناصر .. (سليل فراديس نعلم منبعها ونجهل مصبها) مدخل.... عشاقا إلى المجهول قادوا الريح واحتضنوا منارات المراسي وإستمدوا راحة الأيدي الندية بالجراح ....... الشاعر والثوري محمد سعيد بازرعة ...... مدخل ثاني .. كنا غلابة وليل وربابة متلمين فوق قوز ونغني .. قلنا الصحراء تخدر غابة حلم قريب وماهو تمنى.. إنلقطتا سحابة سحابة وبدأ ينلقط طير الجني.. تنسف فجأة الشوق دبابة وفينا غنانا يصن فد صني.. (محمد الحسن سالم حميد) ............. ......... ..... خالتنا آمنة بت الخير ود مهدي ود محمد ود فضل الله ود سوارابي ..... بنت ذلك الرجل الصالح القادم من قلب وقالب ديار الشايقية وتحديدا من القرير القلعة .... جدنا لأمنا الخير ود مهدي .... مجيد المهابة ومديد القوام كما وصف شاعر الشعب محجوب شريف وطننا السودان .. خالتنا آمنة بنت الخير .. يتمدد نسبها الشريف العفيف الوريف عبر الضفاف والصحاري وعبر شرايين حملت عبر تدفقها الرحيم الكثير من الجينات الحميمة والوسيمة وأيضا الفخيمة... وهناك ناصية من نسبها تنحدر من آل سكينجو الأعزاء والمنحدرين بدورهم من آل زياد (ذلكم النهر الذي تلتقي على ضفتيه كل تلك التفاصيل الوريفة اللطيفة) ثم كان إنصهارها في بوتقة آل جبريل أو من يعرفهم سائر أهل بالبلد بالجبارين ... جبريل ننطقها جبرين.. وهم قوم نسيج لوحدهم ومكملين لكل مجتمعات البلد سواء بصلة الرحم المباشرة أو بصلات التصاهر والتواصل .. هم أيضا قدم أسلافهم الأوائل من ديار الشايقية وقطفوا من كل بستان زهرة ومن كل شجرة ثمرة... كان قمرنا المقرح ضد قوانين الأفول.. ووردنا الفواح العصي على الزبول نتاجا طيبا و حصادا رائعا لهذا الزرع المتناسق المتماسك الذي تراه بعين عادية مترامي الأطراف ولكن عندما تراه بعين عميقة تجده السهل الممتنع وفق تعريف وتصنيف لغة الشعر ....... إقترن عبد الناصر ببنت عمه بن خال أبيه محمد جادالله سيدأحمد كنفو .. و آل كنفو أو الكنفوياب أيضا شركاء سيرة ممتدة و مسيرة لم تنقطع في تشكيل وتكوين لوحة مجتمعنا البسابيري التي تحتمل على سعتها كل الألوان والأبعاد.... عبدالناصر ... المتفوق.. المتدين بالفطرة.. البار بوالديه وأهله.. الوفي لزملائه وأصدقائه.. المحب لأهله وعشيرته.. عبد الناصر .... (سليل فراديس نعرف عنها البعض ونجهل عنها الكثير) هذه مقدمة لحديث عنه تتبعها أحاديث أخرى .... ياسر العوض
Post: #44 Title: Re: الحوثي ينحر (19) من جنود الجيش السوداني بضر� Author: adil amin Date: 12-20-2021, 10:13 AM Parent: #43
Quote: كل القوة السودانية موجودة اليوم على الحدود السعودية اليمنية وعلى حسب ما سمعت فإن هذه القوة هي المانع وحائط الصد أمام الحوثيين لتحرير جيزان وخميس مشيط وابها ... (مدن أصلها يمني وتتبع ال سعود) ... وإذا تمكن الحوثيين من الوصول لهذه المدن فسوف يفتح الطريق أمامهم إلى مكة ... هذه هي أهمية وجود القوة السودانية .. وعلى حسب ما سمعت لا يوجد جندى سودانى واحد داخل الحدود اليمنية المعروفة سابقا ...
القصة بقت شخصية وبوست تعزية عشان تضيع الحقيقة وده النفاق الضيع السودان الازل السعودية والامارت قصفت اليمن بي نص مليون غارة جوية وقتلت 250000 يمني بالجوع والمرض ودي شهادة قدمتاه في البورد ده يا ساقط من 2015 والحق اولي ان يتبع في جنود سودانيين في اليمن وعملو حاجات وسخة زي بتاعة دارفور واليو تيوب ملان وعاملوهم انصار الله بالحسنى ود في جنوب الحديدة اتمسك https://www.0zz0.com المرة الجاية صور بس السعودية ملعونة و الديها ما عايزة الحوثيين يجوها تتطلع من الحرب بس هسة دي صعبة وتخلي اليمنيين يداسو براهم
عندها مشكلة مع ايران اايران شرق الخليج العربي
Post: #45 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-20-2021, 01:02 PM Parent: #44
Quote: يا ساقط
حريقه تحرقك وتحرق السعودية واليمن معاك ... يا زول احترم رقبتك ... لو اتلحتك بكرهك المنبر دا ...
Post: #46 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-20-2021, 08:26 PM Parent: #45
تحياتي عبدالله جبريل ومرحب بيك عضو فاعل في المنبر ,,,, الدفعة ود الأصيل حبابك و(بلحه) طلع مقرم أكتر من ناس بلادي حقول ونحنا الولدنا ما جاب غيرنا ... طلعنا هنابيك مليانه هوا فاسد ....
Post: #47 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-20-2021, 08:35 PM Parent: #46
Quote: وكت تقول ليهم الحاجة دي حرام او ما قانونية بشوفوك زول نرجسي ساي والله الدخلتها فينا الانقاذ دي تاني ما بتمرق اصيب القوم في اخلاقهم
والله يا عشر حاجة تحير فعلا ... هسع شوف الكبسيبة العاملنها في من يحكم دي ... كلهم جارين ورا الغنيمة ( السلطة) لدرجة أنا أو الطوفان ,,,,
Post: #48 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-20-2021, 08:40 PM Parent: #47
العم مونتا وناصر أمين والصادق عبدالله .... شكرا على التعزية ولا أراكم الله فقد عزيز لديكم ...
Post: #49 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-20-2021, 08:50 PM Parent: #48
علي أحمد النعيم مشكور وبارك الله فيك للتعزية ...
المرحوم عبدالناصر إبن أخ زملاء المنبر الإعلاميان جلال ومحي الدين أحمد جبرين ...
Post: #50 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-20-2021, 08:53 PM Parent: #49
إن شاء الله البركة فيكم يا صلاح وأحسن الله عزاءكم رحم الله الفقيد وغفر له وأسكنه الجنة مع النبيين والصديقين والشهداء والصالحين. والتعازي موصولة لأسرته.
Quote: والخليج يا حذاء الحذاء يبتزك انت في السودان لانك تشعر بالدونية حيال العرب ودي مشكلة نفسية ما عندها علاقة بالسياسة اهرب600 ذهب للخليج ومصر واقعدة اشحد منهم الفتات ممكن تفسر لي الشرمطة دي كيف
كلام عادل امين رغم قساوته لكن ما ترمو في الواطة.
Post: #53 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-21-2021, 09:00 AM Parent: #52
بارك الله فيكم حافظ ومحجوب ... يا محجوب كلام المهووس دا نرمي في الواطه وندوس عليهو بالجزمه القديمه ... لييييه؟ نقول ليك :- ١ :- من يقلع دهب البلد دي ويمشي يبيعو في دبي والقاهرة ليست حكومة السودان وإنما أفراد يعلمهم ويعرفهم كل الشعب السوداني ... قبل أقل من ١٠ سنة لم يمتلكون حق فطور الصباح واليوم يتبرعون لبنك السودان بي مليار و٢٠٠ مليون دولار ... بين ٢٥ أكتوبر إلى الخميس الفات عمل ٢١ رحلة طيران من مطار الخرطوم محملة بالدهب بل استغل رحلات شريكه توت قلواك في نقل الدهب والدولارات خارج البلد ... وهذا معلوم للقاصي والداني في الأجهزة الأمنية ومطار الخرطوم ... هل هذا الرجل هو الوريث الشرعي لي موارد هذا البلد ولماذ الإعتراف من الجميع بذلك وهو ينهب منذ سنوات خلت؟ ٢ :- حكومة السودان هي البتشحد وهي المطالبة بالميزانيات وتحسين اقتصاد البلد وبالتأكيد حكومة السودان ليست هي (نفس الزول) ... بعدين الذي يهرب الدهب قاعد يستلم تمنو على داير مليم ... يبقى حكاية دونية ومشكلة نفسية وشرمطة مع العرب دي أمراض من يفكر بالمعكوس ويكتب نفس الكلام منذ سنوات خلت ...
Post: #54 Title: Re: الحوثي ينحر (19) من جنود الجيش السوداني بضر� Author: HAIDER ALZAIN Date: 12-22-2021, 08:35 AM Parent: #53
نسأل الله ان يغفر له ويرحمه ويتقبله في الشهداء .. البركة فيكم ود الزبير والعزاء لذويه واهله وان يلهمه الصبر والسلوان .. ولا حول ولا قوة الا بالله .
في تسجيل منتشر لي حميدتي بيوبخ فيهو بعض الهاربين زي ما قال عليهم الرجعو تاني للتدريب في معسكر قري .. في التسجيل دا قال لمجندي الدعم الفاريّن انه تدريبهم بيكلفهم مبلغ وقدره وبالدولار عشان يكونوا مؤهلين.. لو بعرف انزله من الفيسبوك كان نزلته فيه كلام زعل كتير ومهم جداً عن طبيعة مقاول الانفار دا ..
Post: #55 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-22-2021, 09:34 AM Parent: #54
Quote: في التسجيل دا قال لمجندي الدعم الفاريّن انه تدريبهم بيكلفهم مبلغ وقدره وبالدولار عشان يكونوا مؤهلين.. لو بعرف انزله من الفيسبوك كان نزلته فيه كلام زعل كتير ومهم جداً عن طبيعة مقاول الانفار دا ..
عظم الله الأجر حبيبنا ود الزين ... تعرف التسجيل سمعتو قبل فترة ... المشكلة يا حيدر هو في توزيع الغنيمة بين قائد المليشيا وبين قيادة المؤسسة العسكرية (الجيش السوداني) ال ١٩ ديل كلهم من الجيش السوداني ضباط وجنود ... طبعا ظاهريا تتحجج القيادة بتوزيع الفائدة بين جنود الجيش وجنود الدعم السريع ... زمن البشير كان بلم الريالات ويديهم من رب رب رب ... هسع شكلو بلمها حميدتي ويديهم من رب رب رب ...
Post: #57 Title: Re: الحوثي ينحر (19) من جنود الجيش السوداني بضر� Author: منتصر عبد الباسط Date: 12-22-2021, 07:15 PM Parent: #55
الأخ صلاح الزبير أحسن الله عزاؤكم فيهم وجعل مثواهم الجنة شغلني الكلام في الوجه العام في الموضوع عن الوجه الخاص معذرة
Post: #58 Title: Re: الحوثي ينحر (19) من جنود الجيش السوداني بضر� Author: منتصر عبد الباسط Date: 12-22-2021, 07:41 PM Parent: #57
هذه الجريمة وهذه الفتنة التي يقوم بها النجديون في اليمن قد أشار لها النبي صلى الله عليه وسلم بصورة من الصور في هذا الحديث الذي يقارن بين وقساوة النجديين وغلظة وجفاء قلوبهم وإيمان اليمنيين ولين قلوبهم عن أبي مسعود رضي الله عنه عن قال قال صلى الله عليه وسلم: الإِيمانُ ها هُنا وأَشارَ بيَدِهِ إلى اليَمَنِ، والجَفاءُ وغِلَظُ القُلُوبِ في الفَدّادِينَ عِنْدَ أُصُولِ أذْنابِ الإبِلِ، مِن حَيْثُ يَطْلُعُ قَرْنا الشَّيْطانِ رَبِيعَةَ، ومُضَرَ) رواه البخاري والمقصود شرق المدينة المنورة حيث نجد قبائل ربيعة ومضر حرفتهم رعي الإبل بنو عمومة قريش
Post: #59 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-22-2021, 10:23 PM Parent: #58
بارك الله فيك شيخ منتصر ... البوست فعلا اتفتح غضبا من الوضع المزري لأبنائنا الذين يذهبون لهذه الحرب وغضبا من المسؤولين عن إرسالهم إلى هناك .... وإعلان إستشهاد إبن خالي جاء عرضا في هذا البوست فنحن راضون بقضاء الله وقدره ,,, ولا أملك إلا أن أشكر كل من عزى كتابة هنا أو شعر بفقدنا لي خيار من خيار ... إبننا عبدالناصر ,,,
Post: #60 Title: Re: الحوثي ينحر (19) من جنود الجيش السوداني بضر� Author: adil amin Date: 12-23-2021, 04:44 AM Parent: #59
ليه ما طلعتو مليونية ضد حرب اليمن 3 سنة لحدي مات قريبك ده؟؟ البشير مشا وهسة ما شفت قووونة واحدة او حكامة واحدة لقحت في البورد ده ادانت اقبح ما عملت الانقاذ القبيحة 1- فصل جنوب السودان 2011 2- ارسال الجنود لليمن وعايز تتكلم في موارد السودان يا صلاح تعال مارق في بوست رسالة ابراهيم منصور نوريك القرود دي بتبدد ثروات السودان كيف ونوريك ثروات السودان في الاقليم الخمسة بي الارقام وكيف ترجع الدولة والمؤسسات في السودان ويجي السودانيين المحترمين الجد زي المحجوب الوقف الحرب في اليمن زعلتك ساقط ....و عمتك عن الحقيقة ... وقعدت تهدد وتولول ... اكرب قاشك بس وطلع مليونية ضد الحرب في اليمن بحترمك ووهمة انا بكتب كلام فارغ دي الكتلت قريبك ده اتواضع عشان تشوف وما تبقي من القردة الخاسئين
كل الدول مرقت زمان من حرب اليمن الا انتو بس وشغالين مسخرة في البورد 3 سنة وكل يوم يحتل غريق تلو الغريق والدنيا من زمن بعيد زي ساقية فينا مدوورة يا يسار البوووت الفرق بين بوت نميري والبرهان شنو ؟؟
Post: #61 Title: Re: الحوثي ينحر (19) من جنود الجيش السوداني بضر� Author: adil amin Date: 12-23-2021, 05:09 AM Parent: #1
قلنا ليكم زمان احسن تسمعو قبل تشوفو دي رسالة السيد عبدالملك الحوثي للشعب السوداني
وتعالجو اقبح ما فعلت الانقاذ القبيحة في حق الشعب السوداني والشعوب وقدامك الملونيات والساحة الخضراء امرقو ضد الحرب في اليمن 2015-2021 وضد انفصال الجنوب الخلاكم متسولين في الخليج من 2011
Post: #62 Title: Re: الحوثي ينحر (19) من جنود الجيش السوداني بضر� Author: منتصر عبد الباسط Date: 12-23-2021, 03:05 PM Parent: #61
Quote: ليه ما طلعتو مليونية ضد حرب اليمن 3 سنة لحدي مات قريبك ده؟؟ البشير مشا
المشكلة في أن النشطين في السودان ومسيطرين على الشباب و على الشارع السوداني ومن زماااان وعلى المديا هم فقط٢٪ (يسار +كيزان) أوسخ ملتين في الأرض. لا يعرفوا أخلاق ولا مبادي ولا مروءة.
Post: #63 Title: Re: الحوثي ينحر (19) من جنود الجيش السوداني بضر� Author: الصادق عبدالله الحسن Date: 12-23-2021, 04:12 PM Parent: #62
Quote: النشطين في السودان ومسيطرين على الشباب و على الشارع السوداني ومن زماااان وعلى المديا هم فقط ٢٪ (يسار + كيزان) أوسخ ملتين في الأرض. لا يعرفوا أخلاق ولا مبادي ولا مروءة
يبدو يا منتصر أنكما أنت والسيد حسين خوجلي وحدكما لا شريك لكما من تحتكران الشعبية الأعلى في العالم والتي تتفوق على شعبية السيد نيلسون مانديلا
وأنكما تستحوذان على نصيب الأسد من إعجاب وولاء أهل السودان وشعبه الغلبان ومع ذلك تتواضعان وتكتفيان بنسبة الـ 98% فقط لا غير وتتبرعان بكرم حاتمي بما تبقى من الـ 2% للأقلية الغلبانة لتقتسمها مع بقية شذاذ الآفاق. لأنكما تنفردان أيضاً وحدكما باحتكار الشعبية والكرم والمبادئ والمروءة والأخلاق..
وإن كان الأمر كما تدعيان فما الذي منعكما من ترجمة تلك الشعبية على أرض الواقع وإخراج حشود تلك الملايين إلى قلب الشارع؟
ولماذا تطلقان عقيرتكما وتُكثران آناء الليل وأطراف النهار من رفع الآذان في دولة مالطا؟ ولماذا تقابلكم جموع الشباب "المالطي" العنيد بآذان صماء برغم رفعكم وتكراركم النداء؟
.... .. .
Post: #64 Title: Re: الحوثي ينحر (19) من جنود الجيش السوداني بضر� Author: adil amin Date: 12-24-2021, 05:45 AM Parent: #63
حياك الله يا منتصر المشكلة لمن كنا بنعري عاصفة الحزم هنا من 2015 والارشيف قاعد كان بجي الكعوك ده يتمسخر مع شلة الانس هسة البوست ده ما بتاع تعزية عنوانه ده واضح ببدا بي الصور وبعدين الفيدويهات لحدي يطلعو مليونية ادانة الحرب في اليمن ويبقو رجال والقصة ما حميدتي بس يا حيدر الزين https://www.0zz0.com ده بن عوف يشيع جنود الوطن لي مثواهم الاخير صحراء ميدي ولا عايزين نكلمكم بي الماتو في صحراء ميدي عددهم كم وحققو شنو ذاتو طبعا الساقط بن عوف جدعه دستور 2005 وجرا مصر مع صلاح قوش عشان تستمر مهذلة الثورة بي الشنقيطي والربوب بتاع قحت1 وقحت2 ويعيش السودان المنهوب حالة لادولة تستفيد منها الدول الوسخة دي مصر السعودية الامارات
Post: #65 Title: Re: الحوثي ينحر (19) من جنود الجيش السوداني بضر� Author: adil amin Date: 12-24-2021, 05:54 AM Parent: #64
عبدالله محجوب سلام الحقيقة هي القاسية مش كلامي ما في حاجة من عندي في البورد هي اعمالهم واحصيها لهم الحرب دي ليها 7 سنة وقبرت 30000 جندي سوداني في صحراء ميدي ونواحي اليمن قتلت الالاف اليمنيين بالغارات الجوية والجوع والحصار والامراض ونحن قعدنا عشان الكلام الطيب والسمعة الطيبة للسودان والسودانيين في اليمن وشغالين تحت قصف والحصار احتراما للمحجوب والحردلو والشعب اليمني الطيب ايضا *** الحقيقة المرة دي يواجهوها في البورد ده بس علي الاقل البوست ده ما بتاع عزاء من الاساس يفتح بوست بتاع عزاء تاني
Post: #66 Title: Re: الحوثي ينحر (19) من جنود الجيش السوداني بضر� Author: Salah Zubeir Date: 12-24-2021, 10:03 AM Parent: #65
Quote: البوست ده ما بتاع عزاء من الاساس يفتح بوست بتاع عزاء تاني
هوي يا تربل إكس* ... أسمع وافهم ونفذ ... تشيل خبوبك دا في ظرف ٤ ساعات من الأن ... خبوبك يعني كل مداخلاتك ... وإلا حا تشيف في حينه ... مش إنتا البتحدد البوست يمشي في أي إتجاه ... البتعمل فيهو دا خبل لا يصدر إلا من نوعك دا ... يلا شيل عفنك دا سريع واتكلم على قدر إمكانيات ...
