Quote: يا أخي، حرب البسوس البيناتنا دي حرب عبثية، وأنت راجل أديب كبير ومعروف ما في داعي ترهق نفسك مع زول أديب نكرة عبثي زيي
فشنو؟ عليك الله، أعفي لي
المشكلة يا بكور انو اسلوبك في الغالب ينحو الى الهزل .
ولا يستطيع القارئ ان يبعد عن ذهنه فكرة أنك ربما تسخر مرة أخرى.
عموما سأصدّقك .
وها أنا اضع قلمي جانباً، وميماتي ، ههههههه
كن بخير .
Post: #4 Title: Re: اعتذار للشاعر والأديب الخواض Author: أبوبكر عباس Date: 12-17-2021, 03:40 AM Parent: #3
شاكر يا خواض وشكراً م عثمان بكري على المرور
Post: #5 Title: Re: اعتذار للشاعر والأديب الخواض Author: Ahmed Yassin Date: 12-17-2021, 06:19 AM Parent: #4
Quote: وها أنا اضع قلمي جانباً، وميماتي
نعم؟!!!! شنو قلما واضع وجانبا..!!؟ نحن يادوب استعدينا واتجهزنا للمقابلة والمواجهة النارية دي ودا حدث ما بتكرر في المنبر يعني هي مواجهة من العيار الثقيل تختلف عن المواجهات الاخرى (المبتذلة) التي لم ترتقى الى مستوى الحدث.... دي اسمها A Poet vs A Writer او A Comoser Vs A Musician زي لقاء عثمان مصطفى وموسى محمد ابراهيم في ماضي الذكريات عشان كدة الاعتذار و قبوله مرفوضين رفضا باتا قال اعفي لي قال
الزول دا مستهبل يا الخواض.. الايام دي عاوز ينشر حاجاته الكتابية تحت بند الإبداع الادبي دون ان يتعرض للنقد والتصويب الاكاديمي الرصين .. يعني بيحاول يشترى الاستحسان باسكات النقاد.. والدليل على كدة مطالبته بعدم التقاطع ..وضمنيا البيتعهد ليك في عرض مسالمة بعدم التعرض السالب فهو بيضمن المقابل منك لحظة الموافقة..
وجماعتنا عموماً بيعتبروا اي نقد حتى ولو مستند على مشروعية اكاديمية او تذوقية للناقد او المتلقي سالب. وبيتعاملوا معاه كتقاطع سالب شخصي.. فبضم صوتي لصوت فناننا احمد ياسين انه ما ترفع من بكور..وحرى بك ان ترفض الاعتذار والطلب . فهو طلب في ماكر لكي يضمن حيادك .. وسيغدر بالالتزام متى ما وجد فرصة ابو هاجة..
وربنا يهدئ النفوس ويصلح الحال مقصدنا الا الشفافية والله من وراء القصد..
Post: #7 Title: Re: اعتذار للشاعر والأديب الخواض Author: Ahmed Yassin Date: 12-17-2021, 07:10 AM Parent: #6
انا اثني واتفق تماما. وبتجرد مع كل حرف ذكره مولانا حيدر
Quote: مقصدنا الا الشفافية والله من وراء القصد
Post: #8 Title: Re: اعتذار للشاعر والأديب الخواض Author: عبدالله عثمان Date: 12-17-2021, 07:24 AM Parent: #7
Quote: يا أخي، حرب البسوس البيناتنا دي حرب عبثية،
😷😷😷
دي حرب "عباسية"
انتو أحباش الجعلتية قالت حكامتكم بعجبني ال في صلاتو حاقب عصاتو ومما يذاع عن جدك ود ضبعة كان مشاكل ليهو زول كلن لقاهو في مسجدو داير يصلي بمرقو برة زي مرقة الشريف الهندي للأفندية من شفاعة جدو النبي😷
بعدين يا مستنير أنت ما عارف علاقتنا بالأستاذ أسامة الخواض دا ولا شنو
أحسن تعمل حسابك ولا بحرّش ليك سيد الختوة داك البفطر في جوير ود ضبعة ويلفا القهوة حاااارة في كبوشية
Post: #12 Title: Re: اعتذار للشاعر والأديب الخواض Author: صديق مهدى على Date: 12-17-2021, 07:39 AM Parent: #6
ابوبكر عباس اها تناولت الكأس وغلب عليك النعاس فطأطأت الرأس فوضعته على كتف ذلك النسناس الذى يحسب انه شاعرا لا يطال ولا يقاس فمعذرة لزمن اتى بهؤلاء الناس لعبت برؤوسهم الخمر خواد وابوبكر عباس دعهم يسخروا تركتهم لرب الناس
صديق دا جاي مع منو فيكم.. ارجو الا اتحمل مسئولية رده خلف تعليقي وهذا بمثابة إخلاء طرف من الركاكة السنسنية التي كتبها
Post: #14 Title: Re: اعتذار للشاعر والأديب الخواض Author: صديق مهدى على Date: 12-17-2021, 07:54 AM Parent: #13
ود الزين لكل مقام مقال بس ما تكون مكشوف حال ترد قبل السؤال وزى ما عارف الحرب سجال كان سيف ولا كلمة المهم نزال خليك واقف فى النهار الحار لا عمة لا طاقية لا نعال
Post: #16 Title: Re: اعتذار للشاعر والأديب الخواض Author: صديق مهدى على Date: 12-17-2021, 09:14 AM
يا اصحاب ام فتفت والمرارة النار بتبدأ من شرارة لذا يا ود الزين عليك قياس الحرارة لان الكتابة مها شاطرة بل معرفة فعلينا نصفق ليها بحرارة
Post: #17 Title: Re: اعتذار للشاعر والأديب الخواض Author: Ahmed Yassin Date: 12-17-2021, 09:33 AM
اعتذار المستنير للخواض ذكرني اعتذار اهل قرية من قرى سنار لمن زارهم معتمدهم .... دي كتبها استاذنا عبدالله الشيخ هنا: هب برفقة معاونيه مِن العربة لتفقُد الأحوال، واطمأن على حيطان المدرسة، التي شلّختها الأمطار وتناثرت بين فصولها أشجار اللعوت. شكا إليه الأهالي هروب التمرجي من الحِلة، والبعوض والمِلاريا.. إلخ.. فوعدهم خيراً، وكان مع كل وعدٍ يقطعه، يقول لهم»بلدكم دا خيرو كتير». هذه العبارة الإنقاذية الجاذبة، أدخلت الأهالي في حيص بيص..كيف يُقدِّموا لرفيعي المقام، إفطاراً قوامه الكجيق، والكوَل مدعوماً بالبصل والشطة وأُم رقيقة، أطال اللهُ عمرها؟ كيف يجوز هذا مع دستوريين تفقّدوا الأحوال، وأكدوا أن الصعيد خيرو كتير،، لا بد إذاً من القيام بالواجب.. المستنيرون من أهل الحِلة وجميعهم ــ تقريباً ــ ينتمون وجدانياً للتنظيم، خَلَصوا نجيّا ، وضربوا بين فرجات القطاطي باحثين عن هدية تليق بالمعتمد ومعاونيه، فما وجدوا في الحِلة غير شوالات الفحم، و العجّور الغُلاد، وجنَى الجداد.. استقر رأيهم على عزل أحسن شوالات الفحم، مع قطع نُسخٍ أصلية من البِتَّيخ ، بعدد الضيوف، وطلبوا من حريم الحِلّة جمع جنَى الجداد من الدانقة.. رفع مستنيرو التنظيم ، الفحم و البِتَّيخ ، وجردلاً مليئاً بالبيض في العربية الدستورية.. بحياء أهل في الريف، خاطبوه : معليش يا شيخنا دي هدية بسيطة، لأنو زيارتكم كانت «مُفاجِعة»، وما قدرنا نضْبح ليكم... تلقّى المعتمد الإعتذار قادِلاً بشأو التمكين، ومُتنسِّماً هبّاب الصعيد.. تفحّصها وأطرق مليّاً في قسمتها العادلة، لكنه حدّق مليّاً في الجردل، وقال مُرتكزاً : «الجردل دا حقي، طيِّب... رفاقتي ديل حقّهم وينو»؟ أجاب المستنيرون بعد لعثمة: حقهم قاعد.. وضربوا مرة أُخرى في شِقوق الحِلة، ولم يجدوا غير مزيد من الفحم ..عادوا فوجدوا المعتمد ورفاقه يُجاهدون أهل الحِلة مستذكرين لهم تضحيات الصحابة، ومُعرِّضين بإلحاديّات بَني عَلْمان.. مرة أخرى، و من داخل أظافرهم قالوا: يا شيخنا، فتشنا جنَى الجداد ما لقينا.. دحين إنتوا أُخْوان، اتاشيلوا الفحم و البِتَّيخ ، واتقاسموا جردل البيض!
Post: #18 Title: Re: اعتذار للشاعر والأديب الخواض Author: Ahmed Yassin Date: 12-17-2021, 09:36 AM Parent: #17
بنِصْفِ ابتسامة، استرشد المعتمد بمُعلّقة قيقم، مؤكداً أن الكرم أصلوا وفصلو عند أهل القرى! عند ذلك انبثق الطرب من تِلقاء كيتة مستنيري الشيخ، فإذا بالمعتمد ومرافقيه، ينخرطون هازجين في حالة من النّقَزي: لا تحزن بي ما جرى يا ضال الطريق.. ميِّل على أهل القُرَى.. بعد النّقَزي الإنقاذي، وتلاويح العصا المعروفة.. غادر المُعتمد وركبه، يرافقهم مستنيرو التنظيم إلى طرف الحِلة، التزاماً بالبروتكول.. على مبعدة وقف مُعتمدهُم، وطلب بعض الماء من الكنار.. ومن باب الحرص على رعاة دولة الإسلام، استنكر مستنيروالتنظيم أن يشرب المعتمد أو يتوضأ من هناك. لكن المعتمد أومأ، أن إتَّبِعوني، بجردل البيض إلى دّكة الكنار، محذراً لهم ، بإيماءة غليظة، أن يُنَفَّذوا أمره دون نقاش.. فوق الدّكة، أشار المعتمد لهم أن يملأوا جردل البيض بالماء.. ظنّ الأهالي من على البُعد أن مُعتمدهُم قرّر الوقوف على أحوال الري.. سمع من البعيد هُتافهم وتهليلهم، لكنه كان عنهم في شغلٍ شاغل ببدلته التي هبهبها الريح.. أدخل المُعتمد عصا الإنقاذ برفق في الجردل، فطفَحَ منه بيضاً ليس بالقليل..عندها هتف لمعاونيه: «جيبو مواعينكم، الطافِح دا كلو حقَكم»..! غير أن مستنيري التنظيم عندما عادوا إلى ذويهم قالوا إن مُعتمدهُم المُجاهد، امتحن من المساق العلمي، وإنه مِنْ زمان زول «تفْتيحة»، مش زي الأفندية الموالين لعاديات الدُول الاستكبارية ،الذين لا يعرفون الفرق بين الدجاجة والبيضة!
Post: #19 Title: Re: اعتذار للشاعر والأديب الخواض Author: Ahmed Yassin Date: 12-17-2021, 09:42 AM Parent: #18
المهم نحن عارفين ان الخواض زول(تفتيحة) مع انه امتحن ادبي لكن عنده ميزان يوزن الذهب وعصا ادبية حيملأ ميزانه بالماء ومن ثم سيغرس العصا
Post: #20 Title: Re: اعتذار للشاعر والأديب الخواض Author: محمد البشرى الخضر Date: 12-17-2021, 10:14 AM Parent: #19
Quote: مع انه امتحن ادبي
خربت المية تلاتة واربعين متر الكتبتهن ديل يا أحمد!
Post: #21 Title: Re: اعتذار للشاعر والأديب الخواض Author: أحمد محمد عمر Date: 12-17-2021, 10:43 AM Parent: #20
قصدك النقلها عل الحلال الوزنة بتاعة مستنيري ومستنيرو دي أصلها ما تبع أحمد يس :)
Post: #22 Title: Re: اعتذار للشاعر والأديب الخواض Author: Ahmed Yassin Date: 12-17-2021, 11:57 AM Parent: #21
احمد محمد عمر من نواحي المنطقة الجنوبية دا كلام الاستاذ الكبير عبدالله الشيخ في التكية
Post: #24 Title: Re: اعتذار للشاعر والأديب الخواض Author: أحمد محمد عمر Date: 12-17-2021, 01:08 PM Parent: #23
Quote: مع انه امتحن ادبي
طبعاً العبارة دي ذكرتني أزمتي مع الكمبيوتر زمان أول ما اتخرجت :) كنت داير احكي القصة لكن قلت أبوبكر دة في بوستات الناس شايل حالي في القصص المشابهة كمان أجيهو في البوست بتاعه
المهم كل ما يلاقيني واحد من اساتذتي في مناسبة يشبكني ليك تعرف يا دكتور! أنا بجيني مغص في الهناي .. وولدي كراعه ما عارف شنو ابتسم بي خجل واقول ليه ربنا يشفيكم يا استاذ لكن في الحقيقة أنا ما طبيب بعديها يبدأ الحوار المكرور بتاع كيف يعني ما دكتور؟!! ومعاهو حجة ومشاكل من نوع أيوة سمعت بيك قالوا في نهاية الثانوي بقيت بتاع سياسة وعندك آراء غريبة .. أكيد أهملت القراية لا لا يا استاذ أنا والله العظيم جبت 89 كضااااب في زول بجيب نسبة كويسة وبدخل كمبيوتر !!!
مضطهدين خلاص نحن والأدباء
________ أكان المستنير مشى لي الحكاية الفوق دي بدون شيلة حال بجي أحكي ليكم كيف ناس الحلة اتقبلوني كبتاع كمبيوتر في النهاية :)
قال حيدر ، ولي فيهو "عقيدة" كواحد من حكماء المنبر وأذكيائه وظرفائه ،
الذين لا اعرفهم شخصيا، لكنني اعرفهم روحيا بشكل عميق وإنساني وممتع:
Quote: لزول دا مستهبل يا الخواض.. الايام دي عاوز ينشر حاجاته الكتابية تحت بند الإبداع الادبي دون ان يتعرض للنقد والتصويب الاكاديمي الرصين .. يعني بيحاول يشترى الاستحسان باسكات النقاد..
Quote: قال حيدر ، ولي فيهو "عقيدة" كواحد من حكماء المنبر وأذكيائه وظرفائه ،
دي بالغت فيها يا خواض .....
اهلا ابوحسين ليست هذه المرة الأولى التي أقول فيها بهذا الكلام، والذي هو "امتنان" . المعرفة الروحية لا تشرح، ولا اعرف حيدر وغيره كي اداهنهم أو ...أو ...
لكن ممكن اقول ليك اثبات: في كثير او كل نقاشاتنا كنت أميل دائما الى رأيه أو استظرف كلامه.
معذرة للمتابعين. التزمت بالرد الشخصي على المتداخلين، وهي تجربة جيدة، لكنها صعبة التنفيذ في دفعة واحدة.
سأعود لمواصلة الردود عبر تسلسلها ، حينما أجد "فرقة"...
ويا أحمد ما تنسى تعليقي حول "نقاشاتنا اللاهوتية"...
Post: #33 Title: Re: اعتذار للشاعر والأديب الخواض Author: أحمد محمد عمر Date: 12-17-2021, 05:18 PM Parent: #32
يا خواض ابوبكر دة ربراب ساي لكن من جوة قلبه زي قلب الرضيع يلاقيك في موضوع يردمك بعد ثانيتين يلاقي في موضوع تاني يضحك معاك النوع دة ما بزعلوا منه ولا بياخدوا منه موقف، شلّتَك شلتو ونسك ونسه
حاجة سايكو_لاهوتية قد تكون.. اول من زول يشكرني شكر ما بستحقه زي حق الخواض دا بقوم اشاكل زول.. فعشان المصلحة العامة احتاج ترشيح منازل. شرطا يكون أدبي.. جني وجن شكل الدكاترة😂
بكور متحديك ومتجلي في إصدارة جك الفول يا لخواض شخصيا بعد قريتها مباشرة لقيت نفسي بقول.. يااود اللذينا
آل الرسول بالمناسبة كان ملوكهم بيحرموا الملوخية .. بل ويصل بيهم الامر لجلد وسحل وقتل البياكلوها او يزرعوها .. بيحاكموها زيها وزي لحم الخنزير.. والخنزير يقال محرم للنجاسة.. فانت بدل تمسحها في الملوخية اللذيذة الحرمها بعض من اسلافك على العامة وتصورها لينا زي حاجة وسخ وهي وضعها الزاهي في مخيلتنا دايما بتكون بين طرقات الكسرة البيضاء يحفها البصل والجرجير.. قول لو زول بال في كراعي شخخخ ما بسألوا ..
دا بيخلي التسامح والتواضع والوداعة بتاعتك في أجلَ تجلياتها .. دون التعرض لملوخيتنا بأذى:)
المهم ادينا رأيك بوضح بطل تسويف احدهم. الناس دي كلها منتظراك كزول عباسي حار تكشح الورق.. لانو انا شايف الخواض اتجاوب مع استسلامك وهو يدخن غليون اسماعيل باشا ؛)
Quote: خربت المية تلاتة واربعين متر الكتبتهن ديل يا أحمد!
اهلا بود البشرى
انا امتحنت علمي "الغريبة"، ومن يومداك بدأت معاناتي الرهيبة.
وتلك قصة أخرى.
عموما سألتزم بنصيحة احمد حول الصورة الاخرى لابوبكر الطيب اللطيف ، حسب زعمه هههههههه
اليمنيين عندهم عبارة مشهورة تؤكد مدى كفرانهم بكل الانظمة السائدة ، فهم يعلقون على الاخبار والقرارات السياسية وغيرها بالعبارة التالية: لا تصدقلو ...كلهم سرق، أي حرامية..
بكور قبل سنوات في " اعتذاره الاول"،
مثل الاحداث المهمة كعام الرمادة،
وعد بأن يتصل بي تلفونيا ، ومن ديك وعيييييك....
لا تصدقلوا
هههههه
احمد الفنان زايغ من سؤالي "اللاهوتي" هههه
اظن أن بكري يشير بقش الملوخية الى حادثة عن ادريس جماع. والله أعلم.
Post: #39 Title: Re: اعتذار للشاعر والأديب الخواض Author: أبوبكر عباس Date: 12-18-2021, 00:59 AM Parent: #38
سامحك الله يا حيدر، بالفعل كما ظن الأستاذ الخواض، تشبيه الملوخية حاولت فيه ربط إبداعي ورقّتي بجماع،
Quote: أحيانا تبدو لي في "نقاشاتنا اللاهوتية" متروحنا ، لتلطيف العبارة"، أكثر من اللازم كفنان. كيف خلقت هذا المزيج الفريد الغريب؟؟
صراحة دائما يا شاعرنا النقاش معاك لا ينتهي لان في ردودك توجد محفزات لملايين الاسئلة الصعبة والشىء المهم اني استصحب في حضورك الانيق .والله يا اسامة حضورك انيق لدرجة تخلي الواحد يتخيلك واقف خلف الميكرفون تلقي بعض قصائدك وصوتك يتردد في الارجاء. اها انا بستصحب ابياتك وفي الباك قرا ند كلام مارتن هيدجر الذي قال: (الشعر تأسيس للوجود بواسطة الكلام)
