Post: #2
Title: Re: اين اختفي صلاح مناع
Author: Abureesh
Date: 12-06-2021, 07:08 AM
Parent: #1
صلاح مناع دا موش هو اللى هدد بروفيسور محمد الأمين التوم إنو لو عين القراى حيمشوا الإتنين، ثم نفذ تهديده بأن فرض رأيه على حمدوك وتم له ما أراد؟ لو دا صاح يكون نومه عبادة خليه صامت.
|
Post: #3
Title: Re: اين اختفي صلاح مناع
Author: النورس الحزين
Date: 12-06-2021, 07:43 AM
Parent: #2
ملئ الاسافير بالتسجيلات و الأوهام الان خارج السودان لم يعد و الثوار ممسكون بجمر النضال
|
Post: #4
Title: Re: اين اختفي صلاح مناع
Author: muntasir
Date: 12-06-2021, 07:51 AM
Parent: #3
ورجغ شوية من الامارات وشوية من مصر وقال هو برة بتابع البيزنيس بتاعه
|
Post: #5
Title: Re: اين اختفي صلاح مناع
Author: النورس الحزين
Date: 12-06-2021, 08:50 AM
Parent: #4
قال يصفه البعض ببلدوزر الفترة الانتقالية
|
Post: #6
Title: Re: اين اختفي صلاح مناع
Author: علي عبدالوهاب عثمان
Date: 12-06-2021, 08:58 AM
Parent: #5
النورس تحياتي يا جميل
سوف يرجع بعد أن يحقق الثوار الانتصار على العسكر وحكومته
ويمثل دور الثائر الذي كان يناضل في الخارج
ويتم تنظم موكب احتفالي له في المطار
لم يحن الوقت للتحرك سوف يتحرك بعد أن يضمن انتصار الثوار
تحياتي الحبيب النورس .. صدقني يا النورس اليوم بوستاتك أدخلتني في عالم
لم يكن لي فيه دور ..
كويس يا الحبيب أحيانا المداخلات الثقيلة تعمل نوع من التنفيس
تحياتي مرة أخرى
|
Post: #7
Title: Re: اين اختفي صلاح مناع
Author: Abureesh
Date: 12-06-2021, 09:03 AM
Parent: #6
النورس وضيوفه الكرام..
دعونى أقدم لكم حديث الأستاذ محمود محمد طه عام 1969 وكأنه يخاطب ثوار اليوم
Quote: الحاجة اللي تتعمل هسع أنه شعب اكتوبر يجهز خرطته ويغير ويعرف كيف يبني..
أنا بفتكر الحاجة اللي تتعمل هسع أنه شعب اكتوبر يجهز خرطته ويغير ويعرف كيف يبني.. وأنا متأكد أنه المسألة دي ما تجي الا بثورة من القاعدة.. الشعب ما يصلحه الا قيادة تنبع منه.. الناس البعيشوا معيشتك هم البيعرفوا مشاكلك.. في استحالة مادية إنه الإنسان الما بيعيش معيشتك يفهم مشكلتك.. يعني مثلا واحد بيعيش في الخرطوم تحت المراوح ومكيفات الهواء ويشرب من التلاجة ويستحم زي ما عايز (ويتقلب) زي ما عايز، لايمكن أن يتصور أنه في الغرب في ناس بيموتوا بالعطش.. ما بيتصورها.. إنت ما تتهمه لإنه ما تاصورها إنه دا عجز فيهو متعمد.. في استحالة مادية أن تعرف إنت المشاكل الما بتعيشها.. يقول ليك مثلا من حكمة الصيام أنه الإنسان يضوق الجوع.. موش بتدرسوا كدة في المدارس الأولية؟!! الإنسان بصوم عشان يضوق الجوع عشان يعطف على الفقير، ودا طرف من الحق.. إذا إنت بتعيش شبعان لغاية ما تبقى شيخ.. كيف بتعرف الجائع؟!! الناس البعيشوا في القصور كيف يعرفوا البؤس بتاع الناس البعيشوا في قرى الكرتون مثلا.. نحن عندنا المثل السوداني يقول (الراكب ما بجيب الأدروج ) .. ما ممكن.. لذلك ما يمكن يكون في صلاح للوضع دا الا إذا كانت الثورة من القاعدة نبعت منها القيادات.. القيادات المتولية الأمر في الوقت الحاضر موش قيادات الشعب ولا بتعيش في سودان الشعب .. عندها سودانا من صنعها براها..
محاضرة "الحقوق الأساسية في الدستور الدائم"
مدينة الأبيض - 1969
الأستاذ محمود محمد طه |
|
Post: #8
Title: Re: اين اختفي صلاح مناع
Author: محمد حمزة الحسين
Date: 12-06-2021, 05:11 PM
Parent: #7
قال عندو ظروف أسريه ...
وما تعصروا عليه الغائب عذره معه ...
تم التعديل لنزول مادة خطأ
|
Post: #9
Title: Re: اين اختفي صلاح مناع
Author: النورس الحزين
Date: 12-09-2021, 07:42 AM
Parent: #8
محمول الراجل
|
Post: #10
Title: Re: اين اختفي صلاح مناع
Author: الزبير صالح الزبير
Date: 12-09-2021, 07:58 AM
Parent: #9
صلاح مناع أحد الاسباب الرئيسية في الورجغه الكانت حاصلة قبل المفاصلة الاخيرة بين برهان وحمدوك بل ان لة الكعب المعلي في فشل مسار الحكومة بافتعالة معارك كرتونية ضارة لا تفيد
|
Post: #11
Title: Re: اين اختفي صلاح مناع
Author: النورس الحزين
Date: 12-09-2021, 08:15 AM
Parent: #10
مراهقة سياسية
|
|