Post: #1
Title: طراطيش......
Author: عمر عثمان عبد الوهاب
Date: 11-28-2021, 07:05 AM
Parent: #0
06:05 AM November, 28 2021 سودانيز اون لاين
عمر عثمان عبد الوهاب-السعودية
مكتبتى
رابط مختصر
علي الجميع التمسك بحمدوك فهو المخرج الوحيد من هذه الاذمه التي يعيشها السودان.
يتراءي للعامه ضعيفا قليل الخبره سياسيا لكنه وقريبا جدا وبالضربه القاضيه
يطيح بالمكون العسكري ويعيد البلد والثوره الي مسارها الصحيح.
فصبرا صبرا
|
Post: #2
Title: Re: طراطيش......
Author: عمر عثمان عبد الوهاب
Date: 11-28-2021, 07:13 AM
Parent: #1
الشعارات التي يرفعها وينادي بها بعضا من الثوار المدسوسين
ضد حمدوك هو لتشتيت الشمل ولتقسيم الثوار وادخال الشك في دفاعهم
عنه .
(حمدوك الني)
ده كله مخطط ليهو وباتقان.
فحذاري حذاري
|
Post: #3
Title: Re: طراطيش......
Author: عمر عثمان عبد الوهاب
Date: 11-28-2021, 07:30 AM
Parent: #2
حميرتي لبس لينا البدله والكرفته وجلط الشعر ودفع الملايين
لتلميع نفسه وقواته التي حشرها قسرا كقوات نظاميه وبدا
الظهور في القنوات خالفا كرعيهو وكلامه شويه شويه بدا يتصلح
والتقليل من الهمجيه في الحديث.
لا بارك الله فيك يابشه
|
Post: #4
Title: Re: طراطيش......
Author: عمر عثمان عبد الوهاب
Date: 12-01-2021, 08:58 AM
اتعجب في الشعب الدارفوري كيف تقبل بان تمثلها هذه الحركات؟
وان لم تقبل لماذا السكوت عنها؟
ولا ماعندهم ناس مثقفين غير ناس هناي ديل؟؟
|
Post: #5
Title: Re: طراطيش......
Author: عمر عثمان عبد الوهاب
Date: 12-01-2021, 09:01 AM
Parent: #4
ولا منتشه ناس بورتسودان طالعين مليونات وترك قافل الشوارع والمينا
ويقلع فلنكات القطارات لتعطيلها ونص البلد يكوركو ترك مرق ...
افتحو المقفول وتعالو اتظاهرو طيب.
|
Post: #6
Title: Re: طراطيش......
Author: عمر عثمان عبد الوهاب
Date: 12-08-2021, 10:22 AM
Parent: #5
اعجبني:
اسمي عارف السر واسمي ده سبب لي مشاكل ماليها حد وخاصة في القاهره.
دخلت شركة نت ادفع الفاتوره ف بتاخد رقم وتنتظر دورك والموظفين في الكاونتر كلهم بنات
وجميلات وصغيرات فا اول ماظهر رقمي في اللوحه مشيت للشباك والموظف بيسالك عن اسمك.
ورقم تلفونك, قلت ليها عارف السر, عاينت لي كدي وقالت لي شنو؟قلت ليها عارف السر قالت لي
سر ايه قلت عارف السر قامت انفعلت وبدات تكورك انت بتعرف عني ايه انا مابعرفكش
هنا انا عرفت انه هي ماعرفت ده اسمي.وجاء المدير والموظفين اتلمو حلفت ليهم والله انا عارف السر.
اخدني المدير ودخلني مكتبه عشان الفضيحه ماتكبر امام العملاء وكل واحد يقول اكيد البنت دي عامله
عمله والسوداني ده عارفها.المدير قالي عندك بطاقه قلت ليهو عندي جواز قرا الاسم قعد يضحك لحدما
بكي طلع للناس قاليهم الراجل فعلا عارف السر البنت قعدت تبكي تاني قام اداها الجواز لقت مكتوب
اسمي عارف السر قعدت تضحك جدعت جوازي ومشت بيتهم فورا خجلا من زملائها والعملاء وانا
اصبحت معروف عندهم وقالو لي تاني ماتقول اسمك مد جوازك بس ونحنا بنقرا.......
|
Post: #7
Title: Re: طراطيش......
Author: عمر عثمان عبد الوهاب
Date: 12-09-2021, 07:19 AM
Parent: #6
مهما جمعت من الدنيا وحققت الامنيات لن تجد اجمل من امنية يوسف علي السلام::
"توفني مسلما وألحقني بالصالحين"
|
|