Post: #1
Title: اتوا ابوبكر عباس لونه السياسى شنو؟
Author: صديق مهدى على
Date: 11-27-2021, 04:28 PM
03:28 PM November, 27 2021 سودانيز اون لاين
صديق مهدى على-
مكتبتى
رابط مختصر
عشان شايفو بردم فى حزب الامة وقيادات حزب الامة واولاد وبنات المرحوم الامام الصادق المهدى ردم خالى من الموضوعية
|
Post: #2
Title: Re: اتوا ابوبكر عباس لونه السياسى شنو؟
Author: صديق مهدى على
Date: 11-27-2021, 04:31 PM
Parent: #1
نحن بنمر بمرحلة توافق فعلينا ان ننقد بشفافية خالية من الاساءة والا ستظل هكذا دون الوصول الى بر الامان
|
Post: #3
Title: Re: اتوا ابوبكر عباس لونه السياسى شنو؟
Author: اخلاص عبدالرحمن المشرف
Date: 11-27-2021, 05:54 PM
Parent: #2
ردمهم بس هو صاحبي فما بقدر ازعلوا
غايتو كل ال بقدر عليه احلفوا
بسيدي الحسن ما يردم الصديق
مريومة دي متعودة علي الردم.
ابوبكر ده من الصالحين .
|
Post: #5
Title: Re: اتوا ابوبكر عباس لونه السياسى شنو؟
Author: صديق مهدى على
Date: 11-27-2021, 06:10 PM
Parent: #3
شكرا بت المشرف
بقدومك نتشرف
لكن بينى وبينك
ود عباس خرف
وحاتك عن خطك
ما بنحرف
انت امرأة عظيمة
لكن ود عباس
فى ردمه لناس حزب الامة
ابدا ما انصف
بل اتحامل عليهم
بكتابة كل حرف
|
Post: #4
Title: Re: اتوا ابوبكر عباس لونه السياسى شنو؟
Author: اْسامة اْباّرو
Date: 11-27-2021, 06:05 PM
Parent: #2
| Quote: فعلينا ان ننقد بشفافية |
صدقت يا شيخنا صديق
النقد المميز ما بضر ، ترا كعبة فرفرة الكرعين ...
يا شيخ صديق أبو بكر البطرى ده ود سجادة ، لاكنو مطموس ساى..
|
Post: #6
Title: Re: اتوا ابوبكر عباس لونه السياسى شنو؟
Author: أبوبكر عباس
Date: 11-27-2021, 07:27 PM
Parent: #4
العملو حزب الأمة وحمدوك من خيانة لمن يشاركهم الحكومة حاجة توجع
ولا تشبه حزب الأمة وتاريخه في مواجهة الدكتاتوريات
|
Post: #7
Title: Re: اتوا ابوبكر عباس لونه السياسى شنو؟
Author: صديق مهدى على
Date: 11-27-2021, 07:38 PM
Parent: #6
ود عباس كما قال ود ابارو
انت ود سجادة
حاشاك البلادة
لكن مع ناس حزب الامة
شايلها حسد معاه
شوية عنادة
حيرتنى عديل
قولت ود عباس
دا معاه عصابة
مشيلنوالقزازة
قزازة المالتوف
من غير سدادة
ربنا يهديك يا ود عباس
كما قال ود ابارو
اهلك ناس سجادة
وعبادة
لكن الخليك تفك طريقهم
شنو ؟
زراعتك ما فضل ليها
الا الحصادة
ربنا يهدى الجميع
ياود ابارو
ونحسن الاجابة
|
Post: #8
Title: Re: اتوا ابوبكر عباس لونه السياسى شنو؟
Author: معاوية المدير
Date: 11-28-2021, 03:45 PM
Parent: #7
لا لون له ولا رائحة ولا طعم إلآ في الحكي فإن شئت بالفراولة
وجدته وإن شئت بالفانيلآ وجدته، فالرجل في الحكي بأي فليفر
إشتهيته تجده .
شيخي صديق، عساك بخير ؟...
|
Post: #9
Title: Re: اتوا ابوبكر عباس لونه السياسى شنو؟
Author: صديق مهدى على
Date: 11-28-2021, 04:39 PM
Parent: #8
حباب ود المدير
مع كامل الاحترام والتقدير
كلام كمال عباس
عن قيادات حزب الامة
وخاصة ابناء وبنات الامام
يحتاج لوقفة وتفسير
هل هدفه البلد
ام تصفية حسابات
باسم حزبه الكبير
والله ياود المدير
مع انك بتقول
الزول دا زول حكى
مالو ما حكى عن الحزب الاتحادى
ولا الميرغنى الكبير ولا الصغير
طوالى شايت ضفارى
دون تحضير
غايتو اسأل الله
له الهداية وان يسير
فى طريق نبى الامة النذير
|
Post: #10
Title: Re: اتوا ابوبكر عباس لونه السياسى شنو؟
Author: ABUHUSSEIN
Date: 11-28-2021, 09:31 PM
Parent: #9
| Quote: اتوا ابوبكر عباس لونه السياسى شنو؟ |
Quote: كلام كمال عباس
عن قيادات حزب الامة
وخاصة ابناء وبنات الامام |
البوست عن ابوبكر عباس و ل كمال عباس ... ؟؟؟
غايتو البدخل بوستاتك تدخلو في اضافرينو ....
|
Post: #11
Title: Re: اتوا ابوبكر عباس لونه السياسى شنو؟
Author: حيدر حسن ميرغني
Date: 11-28-2021, 10:00 PM
Parent: #10
سلام صديق
شوفت ليك زول جدوده العباس والنبي (ص) بسألوه عن تنظيمه
|
Post: #12
Title: Re: اتوا ابوبكر عباس لونه السياسى شنو؟
Author: أبوبكر عباس
Date: 11-28-2021, 10:18 PM
Parent: #11
بعد الانقلاب دا مباشرة، كنت مستغرب كيف العساكر ديل نطوا في الفراغ
وكتبت مداخلة هنا قلت فيها الانقلاب إلا يكون مشارك فيهو حزب الأمة وحمدوك،
علاقتي بناس حزب الأمة ممتازة وللحزب مكانة جيدة في نفسي،
تناقشت مع أكتر من واحد من حزب الأمة أيام تظاهراتنا بأمريكا،
وظل سؤالي الأول حائراً
الانقلاب مدعوم من دول المحور
يعني ما كيزاني
معقول العساكر ديل بليدين قدر دا؟!'
لمان حمدوك وقع الاتفاق
وظهر برمة ناصر كلاعب أساسي في الاتفاق؛
أصابني غضب شديد من حزب الأمة ولا يزال
حاجة زي ما صديقك يطعنك في ضهرك
حاجة كدا تجعلك تنسحب بعيد وتتحسر على ضياع تلك الثقة العمياء
للحق أنا غاضب من حزب الأمة أكثر من حمدوك
ويزداد غضبي كلما سمعت من تبريرات العضوية ومريم بأن ذلك رأي شخصي
|
Post: #13
Title: Re: اتوا ابوبكر عباس لونه السياسى شنو؟
Author: أبوبكر عباس
Date: 11-28-2021, 10:32 PM
Parent: #12
يا صديق،
للتاريخ وللحق
أنت محتاج تقول هنا رأي واضح عن ما فعله برمة ناصر،
رأي يكون بعيد عن التبريرات
رأي يرضيك ويرضي ضميرك
رأي تتحرر فيهو من سطوة الإنتماء للحزب
رأي يعبر عنك بشكل حقيقي بعيد عن صديق السياسي البراغماتي
|
Post: #14
Title: Re: اتوا ابوبكر عباس لونه السياسى شنو؟
Author: Nasser Amin
Date: 11-28-2021, 11:14 PM
Parent: #13
قبل شوية جابو صديق الصادق في الجزيرة ينقد و ينتقد
في الاتفاق و قبله مريم المهزومة بتتكلم في
الجزيرة و تنتقد الاتفاق و تشيل و تردم
و قالوا ما عندنا علاقة بالاتفاق و برمة و الواثق
البرير شغالينو في النهاية برمة قال مريم
المهزومة زاتها عاااااارفه...
اساسا لو كان في مؤسسية في حزب الامة كان ممكن يحصل زي دا
ناس خالفوا اوامر الحزب و لسه قاعدين في القيادة.
دا حزب تافه و الفيهو تافهين و ابرئ فقط الفقيد الصادق
المهدي ما ممكن يصل لى مرحلة زي دي.
برمة، البرير،مريم،الصديق انتم شركاء في قتل ال٤٢ شهيد
و الجرحى و المعتقلين من الشرفاء
لعنة الله عليكم.
بتكضبوا على منو؟
سجم
|
|