Post: #1
Title: فهمونا - الحاجات دي ح يحصل فيها شنو؟؟
Author: الشيخ سيد أحمد
Date: 11-21-2021, 03:48 PM
02:48 PM November, 21 2021 سودانيز اون لاين
الشيخ سيد أحمد-
مكتبتى
رابط مختصر
1-لجنة ازالة التمكين:
الاصول والقروش المصادرة- وين موجوده؟؟ وماهو مصيرها؟؟
اعضاء اللجنة "حلقوا ليهم" - ولا ح يواصلوا اعمالهم؟؟
2- الوزراء :
هل ح يعود نفس الوزراء ؟؟ ولا ح يكون في وجوه جديدة؟؟
منتسبي المؤتمر الوطني "قيادات الصف الثالث" ح يكونوا في ياتو وزارات؟؟
3- قحت:
ح نتعامل مع ياتو واحده فيهم 1 ولا 2 ؟؟
هل نتوقع قحت 3؟؟
راي شخصي: لا خير في 1 ولا 2.
4- الجيش:
هل سيتم ضم قوات "القتل السريع" الى الجيش؟؟
هل سيتم ضم حركات دارفور الى الجيش؟؟
5- المجلس السيادي:
يعني شنو مهمته إشرافية فقط؟؟ شنو يعني إشرافية دي؟؟
يعني قبل إنقلابك يا البرهان لم تكن مهمته إشرافية؟؟ شنو كانت المهمة؟؟
الاعضاء الجدد الذين تم ضمهم للمجلس- هل لديهم قبول من الشارع؟؟ شنو آلية القياس لمعرفة ذلك؟
6- لجان المقاومة:
شخصيآ كتبت كثيرآ عن هذه الفئة المظلومة والتي ظلت تقدم الروح تلو الروح في سعيها المتواصل للتغيير.
ماهو وضعها في هذه المسرحية السمجة؟؟
هل يتم النظر إليهم حتى الآن كمجموعة متفلتة وتعمل على اثارة الشغب ؟؟
أم أننا نتوقع دور أكبر لهم في المرحلة القادمة؟؟
7- حركات دارفور:
موقفها كان سلبيآ في الأحداث الأخيرة- فهل نفهم ان مايهمها هو إقليم دارفور فقط؟؟
لماذا لم تعمل قواتها العسكرية على الوقوف في صف الثوار وتحميهم من البطش الذي مورس ضدهم؟؟
كنا نتوقع منهم "على الأقل" أن يقفوا بين الباطشين وبين أؤلئك الشباب ويشكلوا حاجزآ يمنع القتلة من التصويب
نحوهم!!
|
Post: #2
Title: Re: فهمونا - الحاجات دي ح يحصل فيها شنو؟؟
Author: Asim Ali
Date: 11-21-2021, 05:41 PM
Parent: #1
سلام عليكم
اموال التمكين فى يد كوز حركات
وامواال الشركات النظاميه فى يد كوز الجيش
.
ق ح ت تم تفكيكها لفرض واقع هبوط ناعم وتصدير كيزان الصف التالت والرابعفى المشد باقتعه (لايهم التسميه ميثاق توافق او حركه مسلحه او اداره اهليه...الخ)
.
لجان المقاومه المقصوده فى الاتفاق السياسى هى واجهات مدجنه ومفروضه على المشهد ولو لاحظت ترديد لجان المقاوه المستقله من برهان بعد الانقلاب .يذكرك بعباره(الاتجاه الاسلامى والمستقلين الاحرار) .
اما لجان المقاومه الحقيقيه فغالا مايجرى الان من تصفيه لقيادتات الشارعواعتقالات وعنف لاضعاف تاثيرها وكقائد للشارع
وماتنسى قرين لجان المقاومه لجان التغيير والخدمات تم الغائها بقرار برهانى انقلابى
.
الجيش
من الملاحظات زمان كان قواتالشعب المسلحه (قش م)
الان اصبحت فق
القوات المسلحه (ق م)
وانظر فى معنى الحذف
.
المجلس السيادى اصبح ثقل كامل لصالح الانقلابيين بشقيه اذا اجتمع المجلسين لقرار هام (قبل اعلان المجلس التشريعى).
يعنى فيتو على اى شىء يخدم ويحقق مطلوبات الانتقاليه يعنى سلطه تنفيذيه مقيده ووزراء مجرد موظفين لدى اللجنه الامنيه وذيلها المدنى فى المجلس .
.
حركات دارفور الموجوده فى المشهد كيزان بامتياز
امس قلت الكيزان داخلين فى المشهد باكتر من صرفتين بخداع الشعب والراى العام بوجوه اعدتها مسبقا طوال سنين حكم الكيزان باقنعه مختلفه
وناس ماقبلت كلامى
الليله حمدوك الصنم الاكبرلناس(شكرا حمدوك) ماقصرواكد كلامى انو عايشين مؤامره كيزانيه
|
Post: #3
Title: Re: فهمونا - الحاجات دي ح يحصل فيها شنو؟؟
Author: الشيخ سيد أحمد
Date: 11-21-2021, 06:00 PM
Parent: #2
عليكم السلام حبينا عاصم
قيادات الصف الثالث ستجد مرتعآ خصبآ في هذه الفوضى يا عاصم.
لا زال الكيزان هم الأكثر تنظيمآ وتأثيرآ في المشهد السياسي.
أضف لذلك ظهور جبريل وإعتلاؤه رئاسة المالية مما يعني
إستمرار الضخ لكل البرامج المساندة لعودة الكيزان مرة أخرى.
| Quote: لجان التغيير والخدمات تم الغائها بقرار برهانى انقلابى |
ديل منو يا عاصم؟؟
عليك الله ادينا فكرة يا حبيبنا.
وجاييك لباقي مداخلتك الشحمانه.
|
Post: #4
Title: Re: فهمونا - الحاجات دي ح يحصل فيها شنو؟؟
Author: Asim Ali
Date: 11-21-2021, 06:48 PM
Parent: #3
Quote:
ديل منو يا عاصم؟؟
عليك الله ادينا فكرة يا حبيبنا.
وجاييك لباقي مداخلتك الشحمانه.
|
لجان التغيير والخدمات ديل بديل الثوره الخدمى مكان للجان الشعبيه بتاعت النظام البائد فى الاحياء
كانو بيخففوا على الناس مصاعب الحياه اليوميه رغم قله خبرتهم
هسى الناس رايحه فى موضوع الخبز ورجعت صفوف الغاز طول اليوم قدام الوكلاء بعد ماكن لجان التغيير بتنظم عملات التوزيع وتخفف ضغط الازمات دى
|
Post: #5
Title: Re: فهمونا - الحاجات دي ح يحصل فيها شنو؟؟
Author: دفع الله ود الأصيل
Date: 11-21-2021, 08:28 PM
Parent: #4
. سلام مربع لشيخي شيخ الترابلة،
و بعد انقطاعدام لنيف و نصف عام أحييكم من
قلب المعمعة وجدت نفسي في خضَمِّها مكرهاً أخاك
لا بطل..و لا أذيعك سراً إذا قلت إنني حضرت "مولداً "على الطريقة "البرهانية" صاخباً بامتياز
|
Post: #6
Title: Re: فهمونا - الحاجات دي ح يحصل فيها شنو؟؟
Author: علي عبدالوهاب عثمان
Date: 11-21-2021, 08:52 PM
Parent: #5
حبيبنا الشيخ تحياتي يا جميل
شكرا للبوست الذي أحضر لنا صاحب الحروف الذهبية
والادب الراقي الذي افتقدناه لفترة طويلة
اقصد ودالاصيل ومن غيره
مشتاقين يا الحبيب الاديب الراقي ودالاصيل
في انتظار خواطرك عما يجري في الوطن
شكرا حبيبنا الشيخ
في منتديات قرى دنقلا .. في جماعة طالبين الانفصال
وخاصة المؤيدين لبرطم من قرية مقاصر بلد ناس صلاح وفاطمة احمد ابراهيم
أول سفارة لدولتنا في الشمال ستكون في اسرائيل ..
مودتي يا جميل .. يمكن خارج البوست معليش
|
Post: #7
Title: Re: فهمونا - الحاجات دي ح يحصل فيها شنو؟؟
Author: الشيخ سيد أحمد
Date: 11-22-2021, 09:45 AM
Parent: #6
Quote: لجان التغيير والخدمات ديل بديل الثوره الخدمى مكان للجان الشعبيه بتاعت النظام البائد فى الاحياء
كانو بيخففوا على الناس مصاعب الحياه اليوميه رغم قله خبرتهم
هسى الناس رايحه فى موضوع الخبز ورجعت صفوف الغاز طول اليوم قدام الوكلاء
بعد ماكن لجان التغيير بتنظم عملات التوزيع وتخفف ضغط الازمات دى |
شكرآ عاصم.
فعلآ قالوا انو الصفوف رجعت أسوأ من زمان.
والغريبة يا عاصم 9 طويلة إحتفت لمن العسكر عملو الإنقلاب.
جاييك لي نقاطك في ردك الأول.
|
Post: #8
Title: Re: فهمونا - الحاجات دي ح يحصل فيها شنو؟؟
Author: الشيخ سيد أحمد
Date: 11-22-2021, 09:47 AM
Parent: #7
Quote: سلام مربع لشيخي شيخ الترابلة،و بعد انقطاع
دام لنيف و نصف عام أحييكم من قلب المعمعة
وجدت نفسي في خضَمِّها مكرهاً أخاك لا بطل..
و لا أذيعك سراً إذا قلت إنني حضرت "مولداً "
على الطريقة "الرهانية" صاخباً بامتياز |
ابوالدفاع يا صديقي
ليك وحشة ياخي
بركة بالشوفة.
اي بالله - ادينا لقطة من قلب الحدث.
|
Post: #9
Title: Re: فهمونا - الحاجات دي ح يحصل فيها شنو؟؟
Author: الشيخ سيد أحمد
Date: 11-22-2021, 09:53 AM
Parent: #8
Quote: حبيبنا الشيخ تحياتي يا جميل
شكرا للبوست الذي أحضر لنا صاحب الحروف الذهبية
والادب الراقي الذي افتقدناه لفترة طويلة
اقصد ودالاصيل ومن غيره
مشتاقين يا الحبيب الاديب الراقي ودالاصيل
في انتظار خواطرك عما يجري في الوطن
شكرا حبيبنا الشيخ
في منتديات قرى دنقلا .. في جماعة طالبين الانفصال
وخاصة المؤيدين لبرطم من قرية مقاصر بلد ناس صلاح وفاطمة احمد ابراهيم
أول سفارة لدولتنا في الشمال ستكون في اسرائيل ..
مودتي يا جميل .. يمكن خارج البوست معليش |
حياك الله أستاذنا الجليل "علي"
فعلآ "دفع الله الأصيل" مكانه شاغر في البورد- سعيدين بعودته .
انت عارف يا استاذ "علي" انا شخصيآ ماعندي اي مشكلة في انو تكون في علاقة دبلوماسية
مع إسرائيل- بس نكون نحن الأخدنا القرار - يعني ما يجي زول يقول لينا اعملو تطبيع مع اسرائيل
ونقوم نمشي "مسيرين" وبدون خيار خاص بنا.
موضوع السيادة ده مهم جدآ يا استاذ- لأنو لمن تملك قرارك بتضع ليك حدود عشان مافي زول يتدخل في
شأنك الداخلي.
|
Post: #10
Title: Re: فهمونا - الحاجات دي ح يحصل فيها شنو؟؟
Author: Asim Ali
Date: 11-22-2021, 03:35 PM
Parent: #7
Quote:
والغريبة يا عاصم 9 طويلة إحتفت لمن العسكر عملو الإنقلاب.
|
يةم الجمعه فى برنامج الشرطهفى اسبوع فى اذاعه ساهرون
ذكرو ان الاسبوع لم تسجل الشرطهاى بلاغ جنائى
وان الشرطه تمكنت من تامين الحراك الجماهيرى
.
انخفاض معدل الجريمه فى فتره احتجات شىء لصالح حراك الشارع
لكن النكته هى تامينهم لحراك الشارع حلال المليونيات
هل الاستهداف الدامى اصبح يسمى تامين !!!؟؟
|
Post: #11
Title: Re: فهمونا - الحاجات دي ح يحصل فيها شنو؟؟
Author: دفع الله ود الأصيل
Date: 11-22-2021, 07:32 PM
Parent: #10
حي الله عمنا علي عبد الوهاب؟!!
يشهد الله إنك رمانة توازن البورد بلا
منازع وصوت عقلنا الباطن .. يلا دحين
قلت لي ناس أرقو و جزيرة مقاصر ناويين
يدخلو الغابة؟! غايتو إلا غابة نخيل.. و كان
لينا نحن زاتنا أهل العوض ديل بعدا إلا ندخل
لينا حواشة قطن طويل التيلة؛ و يا ريت
دا كلو يجيب مريسة تام زينو..
|
Post: #12
Title: Re: فهمونا - الحاجات دي ح يحصل فيها شنو؟؟
Author: دفع الله ود الأصيل
Date: 11-22-2021, 07:53 PM
Parent: #11
و أنت يا شيخ هاك لقطة من قلب الحدس.
أبشرك بشبه اختفاء صفوف الجاز و رغيف العيش..
حيث كان تلقانا فبل أكتوبر 25 الواحد مشبوح بيناتن
كمن يدافع الأخبثين..و في النهاية يرجع بخفَي حُنَين
منقوبين. عمومن هدي جيتي من فرن التجاري قلت
ليهم أدوني النضوق رغيفكم قالولي الضواقة بمبلغ
و غدره 50 جنيهاً فغت لا غير ، بس متوفر ؛
أها شنو ليك، دا ما توفيغ من الله¿!!
|
Post: #13
Title: Re: فهمونا - الحاجات دي ح يحصل فيها شنو؟؟
Author: الشيخ سيد أحمد
Date: 11-23-2021, 03:40 PM
Parent: #12
Quote: وان الشرطه تمكنت من تامين الحراك الجماهيرى
.
انخفاض معدل الجريمه فى فتره احتجات شىء لصالح حراك الشارع
لكن النكته هى تامينهم لحراك الشارع حلال المليونيات
هل الاستهداف الدامى اصبح يسمى تامين !!!؟؟ |
فعلآ تناقض كبير يا عاصم.
بالمناسبة يا عاصم - الشرطة والجيش كانوا ولازالوا حبيسين.
الشارع يشغله "الدعم السريع" ومنسوبيه مع إختلاف الزي فقط.
|
Post: #14
Title: Re: فهمونا - الحاجات دي ح يحصل فيها شنو؟؟
Author: الشيخ سيد أحمد
Date: 11-23-2021, 03:45 PM
Parent: #13
Quote: عمومن هدي جيتي من فرن التجاري قلت
ليهم أدوني النضوق رغيفكم قالولي الضواقة بمبلغ
و غدره 50 جنيهاً فغت لا غير ، بس متوفر ؛
أها شنو ليك، دا ما توفيغ من الله¿!! |
انت لكن مستعجل مالك؟؟
كان تقول ليهم عايز "شمومة" مش عايز "ضواغة"
دايمآ الشمومه بالمجان :)
ذكرتني "ود بادي" ولا "الحردلو" (ما تأكد منو فيهم ) لمن قال:
الشكر آلاف
والحمد آلاف
والعيش الرقد اصناف اصناف.
عقبال يرقد السلام وتسلم الأرواح ويرقد العيش اصناف أصناف.
|
|