قال -اشكر "عبدالرحيم حمدان"!!

قال -اشكر "عبدالرحيم حمدان"!!


11-21-2021, 03:02 PM


  » http://sudaneseonline.com/cgi-bin/sdb/2bb.cgi?seq=msg&board=510&msg=1637503355&rn=0


Post: #1
Title: قال -اشكر "عبدالرحيم حمدان"!!
Author: الشيخ سيد أحمد
Date: 11-21-2021, 03:02 PM

02:02 PM November, 21 2021

سودانيز اون لاين
الشيخ سيد أحمد-
مكتبتى
رابط مختصر



عمل شنو يا البرهان عشان تشكرو؟؟
يعني نتخيل دوره كان شنو في المسرحية البائسة دي؟؟
مثلآ قال لي "فضل الله برمة ناصر" شنو؟؟
قال لي "عمر الدقير " شنو؟؟
قال لي "حمدوك" شنو؟؟

معقول لكن!! يعني عايز تفهمنا انو "عبدالرحيم دقلو" كان الشخص الأكثر تأثيرآ
من الكل في المسرحية دي.
شنو الحاجت العندو ولا يملكها الغير؟؟

تبآ لوضع يسعى لفرضه الجهلاء.

Post: #2
Title: Re: قال -اشكر andquot;عبدالرحيم حمدانandquot;!!
Author: نعمات عماد
Date: 11-21-2021, 03:06 PM
Parent: #1


الشيخ سيد أحمد
يمكن شكره للتواصل المستمر مع اصدقائه في تل أبيب.

Post: #3
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-21-2021, 03:11 PM
Parent: #2

تصدقي يا نعمات
قدر ما قلبتها شمال - يمين - غلبني كلو كلو اعرف الزول ده سوا شنو.
للدرجة اليشكروا فيها البرهان في هذه اللحظة التاريخية في واحده من أكثر المسرحيات بؤسآ
في تاريخ السودان.

Post: #4
Title: Re: قال -اشكر andquot;عبدالرحيم حمدانandquot;!!
Author: Asim Ali
Date: 11-21-2021, 03:11 PM
Parent: #2

ما قال ناس انامو ليهم سته يوم
يعنى اداره
جرائم من 13 اكتوبر وحصار بحرى وسفك دماء ذكيه

Post: #6
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-21-2021, 03:13 PM
Parent: #4

Quote: ما قال ناس انامو ليهم سته يوم
يعنى اداره
جرائم من 13 اكتوبر وحصار بحرى وسفك دماء ذكيه

بالله يا عاصم
حاول فكر معاي - الزول ده عمل شنو عشان يشكروه.
نعمات اشارت الى سفره الى اسرائيل- هل سافر خلال هذه الايام مرة اخرى الى اسرائيل؟؟

Post: #9
Title: Re: قال -اشكر andquot;عبدالرحيم حمدانandquot;!!
Author: Asim Ali
Date: 11-21-2021, 05:21 PM
Parent: #6

Quote:
حاول فكر معاي - الزول ده عمل شنو عشان يشكروه.
نعمات اشارت الى سفره الى اسرائيل- هل سافر خلال هذه الايام مرة اخرى الى اسرائيل؟؟

ما اظن دور اسرائيل يكون عبر ( دقلو الثانى )..دا زول شغل تانى زياره اسرائيل الديك غالبا شغل تسليح وتدريب للاستقواء
دا ياهو حدو كجنجويدى
لو اسرائيل اتدخلت تتدخل عبر قنوات تانيه غالبا والانقلابى البرهان اول من اتواصل معاهم وما اظن داير وسيط اتصال
لكن امثلو الثانى دورهم ياهو ماحدث من من محاولات لكسر اراده الثوار خلال الايام الماضيه
ياها قيمتو وقيمه مليشيتهم الخراب والقتل وسفك الدماء

Post: #5
Title: Re: قال -اشكر andquot;عبدالرحيم حمدانandquot;!!
Author: محمد حمزة الحسين
Date: 11-21-2021, 03:13 PM
Parent: #2

في البـــــل

Post: #7
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-21-2021, 03:15 PM
Parent: #5

Quote: في البـــــل


معقول يا محمد حمزة؟؟
هل تقصد موت أؤلئك الشباب ؟؟
أرجو أن أكون مخطئآ في تفسيري هذا.

Post: #8
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-21-2021, 03:19 PM
Parent: #7

بالمناسبة يا جماعة - عبدالرحيم دقلو مش عضو في المجلس السيادي؟؟

Post: #10
Title: Re: قال -اشكر andquot;عبدالرحيم حمدانandquot;!!
Author: Asim Ali
Date: 11-21-2021, 05:49 PM
Parent: #8

اضافه
الان فى قناه الحوش حديث ضيف ان دقلو الثانى كان مسئول عن تامين حمدوك واتصالاتو ومع اخر من الحركات اسمو عشر (كوز زمان كان مع مصطفى عثمان فى مجلس الصداقه) كانو مسئولين عن الاعتقالات
ننتظر من الصحفيين فى المنبر
تاكيد او نفى

Post: #11
Title: Re: قال -اشكر andquot;عبدالرحيم حمدانandquot;!!
Author: هدى ميرغنى
Date: 11-21-2021, 06:21 PM
Parent: #10

عبد العزيز عشر الأخ غير الشقيق للدباب جبريل - هذا زمانك يا مهازل فأعبثى!

Post: #12
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-22-2021, 10:00 AM
Parent: #11

Quote: عبد العزيز عشر الأخ غير الشقيق للدباب جبريل -
هذا زمانك يا مهازل فأعبثى!


يعني الموضوع بقى اخوي واخوك!!
طيب وين موضوع الهامش والكواريك المالين بيها القنوات الفضائية.

Post: #13
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-22-2021, 10:03 AM
Parent: #12

Quote:
الان فى قناه الحوش حديث ضيف ان دقلو الثانى كان مسئول
عن تامين حمدوك واتصالاتو ومع اخر من الحركات


بالله يا عاصم - شفت كيف اللعب على الدقون.
يعني "حمدوك" يحموهو من منو؟؟
إذا كان هم من قام بإعتقاله!!

Post: #14
Title: Re: قال -اشكر andquot;عبدالرحيم حمدانandquot;!!
Author: Nasser Amin
Date: 11-22-2021, 10:21 AM
Parent: #13


سلامات الشيخ

يُقال و العهدة على الرواة

أن هناك مشكلة كانت بين البرهان و حميدتي

توسط بينهم عبد الرحيم.



Post: #15
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-22-2021, 10:39 AM
Parent: #14

حياك الله ناصر

Quote: سلامات الشيخ

يُقال و العهدة على الرواة

أن هناك مشكلة كانت بين البرهان و حميدتي

توسط بينهم عبد الرحيم.


ياخي البرهان ده اضعف من أتت به القوات المسلحة- يلعبو بيهو اولاد "دقلو".

بالمناسبة يا ناصر :
عارفين انو "حميدتي" فريق - اها "عبدالرحيم" ده رتبتو شنو؟؟ ولا ما عندو رتبة عسكرية؟؟
ياخي بالصورة دي ممكن نشوف لينا زول عندو "كشك" ناصية - وشغال يبيع في الرتب العسكرية.

Post: #16
Title: Re: قال -اشكر andquot;عبدالرحيم حمدانandquot;!!
Author: اخلاص عبدالرحمن المشرف
Date: 11-22-2021, 11:50 AM
Parent: #15

المفتاح لمعرفة لماذا شكر برهان
عبدالرحيم هو معرفة شخصية برهان.
هو 1-متهور ( قام بعمل انقلابي دون
تحضير ، حتي رئيس وزراء ليس لديه)
وفي دارفور كان رده علي الاسر ان قام
بحرق القري ، وهو2- كاذب ، طق المصحف
وحنث كذا مرة ، وحتي في خطاباته يكذب
كما يتنفس،
3-لا يحترم العهود ( خرق الوثيقة
كذا مرة)
4- يحتاج لدعم
( اصراره علي وجود حميدتي الشجاعي
ونحن نعتبره بلطجي) .
5- جاهل و ذو قدرات عقلية ضعيفة ويعوض
عن ذلك باعتماد القوة والحذق في استعمال
السلاح ( دخوله مع عبدالرحيم في منافسة الرامية
وبالمناسبة عبدالرحيم يتفوق عليه في القدرات العقلية
رغم ان عبدالرحيم دقلو ذو مقدرات عادية.
6- يبحث عن ملجأ ولا يعترف بالخطأ.

فرح البرهان بالتوقيع بان في لغة الجسد
بعد ان وقع علي الوثيقة وصافح حمدوك بيده اليمين
مسح علي قلبه بيده الاخري مع هزة الجسد
كمن يرقص . وشعر ب الارتياح لانه تخلص من مازق
والذي لم يدرك في المبتدأ انه وقع فيه
لذا حين اقنعه عبدالرحيم بما قاله حميدتي
والذي احتاج وقت ليفهمه صور له عقله الملتوي
ان الامر هو عودة صفاء بينه والاخرين.

حميدتي خاف من العقوبات برهان ظن
ان امواله التي في الصين بمنجاة لذا لم يهتم
ولكن تم اقناعه بان يد امريكا واصله واظن اجتماع
بايدن الاسفيري مع الرئيس الصيني ارعبه

هذا والله اعلم

Post: #17
Title: Re: قال -اشكر andquot;عبدالرحيم حمدانandquot;!!
Author: Mahjob Abdalla
Date: 11-22-2021, 12:00 PM
Parent: #15

في الاول تم اعتقاله و ترحيله من بيته الي مكان اخر (بواسطة الجيش) و عبدالرحيم هو من قام بأعادته الي منزله (بواسطة الدعم السريع) و لهذا جاء الشكر (أظن).

Post: #18
Title: Re: قال -اشكر andquot;عبدالرحيم حمدانandquot;!!
Author: اخلاص عبدالرحمن المشرف
Date: 11-22-2021, 12:14 PM
Parent: #17

يا محجوبنا عبدالوهاب هو الشكر ع رحيم
ما حمدوك هو الشكرو
وبعدين حمدوك يشكرهم علي شنو؟!!!
هم كلهم اهانوا واهانوا حرمة منزله
واهانوا عائلته

Post: #20
Title: Re: قال -اشكر andquot;عبدالرحيم حمدانandquot;!!
Author: Mahjob Abdalla
Date: 11-22-2021, 12:23 PM
Parent: #18

Quote: يا محجوبنا عبدالوهاب هو الشكر ع رحيم
ما حمدوك هو الشكرو
وبعدين حمدوك يشكرهم علي شنو؟!!!
هم كلهم اهانوا واهانوا حرمة منزله
واهانوا عائلته

سلام دكتورة اخلاص
طبعا في الويكند كنت برة الشبكة و ما تابعت الحاصل كثير, و جيت اطرش في الزفه.
لما شفت الموضوع فيهو (شكر) افتكرت حمدوك تكلم عن عبدالرحيم و لم يذكر الاخرين :)

Post: #19
Title: Re: قال -اشكر andquot;عبدالرحيم حمدانandquot;!!
Author: بسمات الشيخ
Date: 11-22-2021, 12:23 PM
Parent: #17

والله هذا بؤس ما بعده بؤس ....
زول يشكر ليه جنجويدي مسؤول من قتل الثوار !!؟؟؟؟
ديل هم اليحكموا السودان ٣٠ سنة اخرى:::::::؟؟؟؟
اللهم لا نسألك رد القضاء ولكن نسألك اللطف فيه.

Post: #21
Title: Re: قال -اشكر andquot;عبدالرحيم حمدانandquot;!!
Author: Mahjob Abdalla
Date: 11-22-2021, 12:31 PM
Parent: #19

بالمناسبة امس لما سمعت في الاخبار و شفت صورة حمدوك و البرهان بتبادلو ملفات التوقيع, جانى احساس كدا كنت بشوفو في المسلسلات المصرية لما يجيبو حدث ذهاب السادات الي تل ابيب و تعبير الرفض الصامت في وجوه المصريين.
و لما سمعت اشاعة انو حمدوك اغمى عليه بعد التوقيع و نقل الي المستشفى, تمنيت ان يكون الخبر صحيح حتى ابرر لنفسى ان حمدوك مجبر علي ذلك.

Post: #22
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-22-2021, 01:33 PM
Parent: #21

Quote: لذا حين اقنعه عبدالرحيم بما قاله حميدتي


حميدتي قال شنو يا بتنا؟؟
كلامو بقى مالي الميديا وماعارفين نمسك شنو ونفك شنو.
في اشاعه انو كانو خاتنو "قرض" البرهان وحميدتي.
ولسه مستغرب انو البرهان شكر "عبدالرحيم دقلو" لي شنو؟؟

Post: #23
Title: Re: قال -اشكر andquot;عبدالرحيم حمدانandquot;!!
Author: اخلاص عبدالرحمن المشرف
Date: 11-22-2021, 01:43 PM
Parent: #22

مما رشح ان حميدتي دعم اطلاق سراح
حمدوك والتوصل الي حل.
حميدتي عرف ان العقوبات فردية ف خوفاً
علي ضنبو قرر الانحناء للعاصفة ، وطبعاً
كلها اشاعات الصاج من الكذب ما معروف .
لغة الجسد لا تكذب ، برهان فرح بالاتفاق
او زول نزل الشريط ممكن تشوف

Post: #24
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-22-2021, 02:32 PM
Parent: #23

Quote: في الاول تم اعتقاله و ترحيله من بيته الي مكان اخر (بواسطة الجيش)
و عبدالرحيم هو من قام بأعادته الي منزله (بواسطة الدعم السريع) و لهذا جاء الشكر (أظن).


أتفق معك في رسالتك المبطنة - فعلآ فإن "الدعم السريع" أقوى نفوذآ من القوات المسلحة.
لكن عايزين نعرف السبب يا محجوب.

Post: #25
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-22-2021, 02:55 PM
Parent: #24

Quote: والله هذا بؤس ما بعده بؤس ....
زول يشكر ليه جنجويدي مسؤول من قتل الثوار !!؟؟؟؟
ديل هم اليحكموا السودان ٣٠ سنة اخرى:::::::؟؟؟؟
اللهم لا نسألك رد القضاء ولكن نسألك اللطف فيه.

يا بتنا بسمات
المرحلة بقت مرحلة شيلني واشيلك.
لكن لغاية هسع انا ما عارف البرهان شكر "دقلو" لي شنو.
عمل شنو "دقلو" في الفترة العصيبة التي كان يمر بها السودان- للدرجة التدفع
بالبرهان يشكره وعلى الملأ.

Post: #26
Title: Re: قال -اشكر andquot;عبدالرحيم حمدانandquot;!!
Author: محمد حمزة الحسين
Date: 11-22-2021, 05:35 PM
Parent: #15


Quote:
معقول يا محمد حمزة؟؟
هل تقصد موت أؤلئك الشباب ؟؟
أرجو أن أكون مخطئآ في تفسيري هذا.


الراجل دا ضكران بي يبل ساااي ما بفرز ...
متخصص بــــل ...

شقي الحال يقع في طريقوا ...
اللهم أرحم روح كل من فُقد بسبب تعنت آل شيوع ومن شايعهم ...
ولا عــــزاء للمصريين علي مزيد من إراقة الدمـــاء ليصعدوا فوق جمامها للكرسي ...


هذه المشاركة كتبتها أمس بعد أن نفدت حصيلة مشاركاتي ...

Post: #27
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-22-2021, 05:46 PM
Parent: #26

حياك الله حبيبنا "محمد حمزة"

Quote: الراجل دا ضكران بي يبل ساااي ما بفرز ...
متخصص بــــل ...

شقي الحال يقع في طريقوا ...

غلبني كلو كلو افرز كلامك ده.
عليك الله اشرح لي. -عشان اناضمك .
مافهمت ده منو "الراجل الضكران بي يبل ساااي ما بفرز" ؟؟

Post: #28
Title: Re: قال -اشكر andquot;عبدالرحيم حمدانandquot;!!
Author: محمد حمزة الحسين
Date: 11-24-2021, 07:02 PM
Parent: #27

Quote: *البرهان يكشف عن القاتل المجهول*

✍🏾 *بكرى الصايغ*

البرهان بغبائه الفطري كشف على الملأ القاتل المجهول للثوار...!!!

في خطابه يوم الاحد ٢١ نوفمبر، ارتكب البرهان خطأ قاتل، فقال خلال كلمته أثناء توقيع الاتفاق السياسي مع رئيس الوزراء عبد الله حمدوك أن عبد الرحيم دقلو ظل يلعب دورا (وطنياً محوريا) في الفترة الماضية وبذل جهودا كبيرة في الحفاظ على الأمن والاستقرار، فيما توجه بصوت الشكر لكافة الجهود الوطنية التي لعبت أدواراً في تهدئة الاوضاع.

هذا الجزء الخاص بالثناء على عبدالرحيم دقلو لم يمر مرور الكرام علي الذين حضروا مناسبة توقيع الاتفاق السياسي، اغلب المتابعين من سودانيين واجانب علت الدهشة وجوههم واستغربوا ان يخص البرهان – بصورة خاصة – عبدالرحيم دون الاخرين في المؤسسات العسكرية!! وتطايرت الاسئلة :
ماذا يقصد البرهان ان عبدالرحيم بذل جهودا كبيرة في الحفاظ على الأمن والاستقرار؟!!
ماهو الدور الذي لعبه عبدالرحيم في استتباب الامن؟!!
لماذا تجاهل البرهان ضباط ورجال الشرطة؟!!
جاءت الاخبار اليوم الاثنين ٢٢/ نوفمبر وافادت، ان “حميدتي” التقى بضباط الشرطة من رتبة عميد فما فوق، وكعادته في الكلام عند كل لقاء يخص جهة ما، اثني “حميدتي” ، على الشرطة وأنها قد “تعرّضت لضغط كبير خلال الفترة الماضية، غير أنها ظلت صامدة تؤدي دورها المنوط بها، وحيّا سيادته الضباط وضباط الصف والجنود من قوات الشرطة المنتشرين في ربوع البلاد كافة”.

ولما كان “حميدتي” دائمآ كريم سخي من مال الحكومة والخزينة العامة، فقد اعلن عن تبرع مرتب شهر لجميع منسوبي الشرطة، تقديراً لجهودهم في حفظ الأمن والاستقرار بالبلاد!!

الذي يربط الحادثتين بعضهما بالبعض: (ثناء البرهان على عبدالرحيم ، ولقاء حميدتي بضباط الشرطة) يلمس علي الفور ان حميدتي كان يسعي في لقائه بالضباط اصلاح خطأ البرهان الشنيع والاعتذار المبطن لضباط الشرطة على تجاهل البرهان لهم، وبالطبع كان التبرع براتب شهر كفيل بازالة غضب الضباط....!!

وأخيراً وضح للجميع من الذى قتل الثوار..!!


كدا وقع لك واللااا اوقعو ليك

Post: #29
Title: Re: قال -اشكر andquot;عبدالرحيم حمدانandquot;!!
Author: محمد حمزة الحسين
Date: 11-24-2021, 07:02 PM
Parent: #27

Quote: *البرهان يكشف عن القاتل المجهول*

✍🏾 *بكرى الصايغ*

البرهان بغبائه الفطري كشف على الملأ القاتل المجهول للثوار...!!!

في خطابه يوم الاحد ٢١ نوفمبر، ارتكب البرهان خطأ قاتل، فقال خلال كلمته أثناء توقيع الاتفاق السياسي مع رئيس الوزراء عبد الله حمدوك أن عبد الرحيم دقلو ظل يلعب دورا (وطنياً محوريا) في الفترة الماضية وبذل جهودا كبيرة في الحفاظ على الأمن والاستقرار، فيما توجه بصوت الشكر لكافة الجهود الوطنية التي لعبت أدواراً في تهدئة الاوضاع.

هذا الجزء الخاص بالثناء على عبدالرحيم دقلو لم يمر مرور الكرام علي الذين حضروا مناسبة توقيع الاتفاق السياسي، اغلب المتابعين من سودانيين واجانب علت الدهشة وجوههم واستغربوا ان يخص البرهان – بصورة خاصة – عبدالرحيم دون الاخرين في المؤسسات العسكرية!! وتطايرت الاسئلة :
ماذا يقصد البرهان ان عبدالرحيم بذل جهودا كبيرة في الحفاظ على الأمن والاستقرار؟!!
ماهو الدور الذي لعبه عبدالرحيم في استتباب الامن؟!!
لماذا تجاهل البرهان ضباط ورجال الشرطة؟!!
جاءت الاخبار اليوم الاثنين ٢٢/ نوفمبر وافادت، ان “حميدتي” التقى بضباط الشرطة من رتبة عميد فما فوق، وكعادته في الكلام عند كل لقاء يخص جهة ما، اثني “حميدتي” ، على الشرطة وأنها قد “تعرّضت لضغط كبير خلال الفترة الماضية، غير أنها ظلت صامدة تؤدي دورها المنوط بها، وحيّا سيادته الضباط وضباط الصف والجنود من قوات الشرطة المنتشرين في ربوع البلاد كافة”.

ولما كان “حميدتي” دائمآ كريم سخي من مال الحكومة والخزينة العامة، فقد اعلن عن تبرع مرتب شهر لجميع منسوبي الشرطة، تقديراً لجهودهم في حفظ الأمن والاستقرار بالبلاد!!

الذي يربط الحادثتين بعضهما بالبعض: (ثناء البرهان على عبدالرحيم ، ولقاء حميدتي بضباط الشرطة) يلمس علي الفور ان حميدتي كان يسعي في لقائه بالضباط اصلاح خطأ البرهان الشنيع والاعتذار المبطن لضباط الشرطة على تجاهل البرهان لهم، وبالطبع كان التبرع براتب شهر كفيل بازالة غضب الضباط....!!

وأخيراً وضح للجميع من الذى قتل الثوار..!!


كدا وقع لك واللااا اوقعو ليك

Post: #30
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-24-2021, 07:18 PM
Parent: #29

يا هلا محمد حمزة
يعني نحن ننتظر المقال عشان نقدر نحلل ونصل لي انو "عبدالرحيم دقلو" هو القاتل؟؟
بالغت لكن- اي زول كان شايل سلاح في المظاهرات هو شخص مدان يا محمد
وبالاخص قوات "البطش السريع".
بالنسبه لي حوافز الشرطة انا فتحت ليها نفاج مخصوص هنا:

"حميدتي" يحفز قوات الشرطة"حميدتي" يحفز قوات الشرطة

ليس الغرض هو التغطية على خطأ البرهان بقدر ماهو إستمرار لحالة الإهانة التي ظل يمارسها القاتل حميدتي - إبتدأها بالمعلمين
وهاهو يواصل بالتوجه للشرطة.
الشرطة محتاجة فعلآ لغربلة شديدة و تذكير قياداتها بدورها الذي يتوقعه منها الشعب.
حميدتي وصل مرحلة من الغرور كبيرة جدآ - والسبب هو الإنتهازيين الذين يطلبون وده في كل محفل.


Post: #31
Title: Re: قال -اشكر andquot;عبدالرحيم حمدانandquot;!!
Author: محمد حمزة الحسين
Date: 11-25-2021, 12:00 PM
Parent: #30

Quote:
يا هلا محمد حمزة
يعني نحن ننتظر المقال عشان نقدر نحلل ونصل لي انو "عبدالرحيم دقلو" هو القاتل؟؟
بالغت لكن- اي زول كان شايل سلاح في المظاهرات هو شخص مدان يا محمد
وبالاخص قوات "البطش السريع".

بل هي نظرية مؤامرة أنا قايلا أتقمصتك ...

كتايب حنين برضها شايلا سلاح في المظهرات ...





Post: #32
Title: Re: قال -اشكر andquot;عبدالرحيم حمدانandquot;!!
Author: الشيخ سيد أحمد
Date: 11-25-2021, 01:28 PM
Parent: #31

أقرأ هنا أنا كتبت شنو:
Quote: اي زول كان شايل سلاح في المظاهرات هو شخص مدان يا محمد
وبالاخص قوات "البطش السريع".


لأنو الواحد عارف انو ممكن تكون في ممارسات زي دي.

لكن هل هذه المظاهرات شهدت إستخدام الأسلحة البيضاء ؟؟ NO
القتلة عملوا على تطوير مهارات التصويب على صدور الفتيات والشباب.
هذه أسوأ مشاهد القمع والبطش التي مرت على السودان في الفترة الأخيرة.

Quote: بل هي نظرية مؤامرة أنا قايلا أتقمصتك ...

لا تعليق.