Post: #1
Title: عموم الكردافة: سدوا الفرقة زي شباب الشمالية..!
Author: Kabar
Date: 11-16-2021, 08:48 AM
07:48 AM November, 16 2021 سودانيز اون لاين
Kabar-كـــندا
مكتبتى
رابط مختصر
التحية لبناتنا وابناءنا واهلنا في شمال السودان..
التحية لهم جميعا وهم يقفلون طريق هدر الثروات السودانية الماشي لجمهورية مصر..قفلوا السكة حتي يرقص عباس كامل والسيسي عشرة بلدي في نص النهار..!
هذا الجهد العظيم ، من بنات وابناء الشمالية ،..تمامتو في كردفان ، تحديدا مدينة الأبيض اب قبة فحل الديوم..
يا ناس الأبيض..دوركم تترسوا سوق الصمغ العربي ..عشان امريكا ترقص عشرة بلدي برضك..
الحاجة التانية ..انبوب البترول..اقفلوهو..اطعنوهولمن يدفق..عشان القاتل القاتل البرهان يعرف انو قاعد في السهلة ساكت..ولو داير يضم حلتهم لمصر ، شعب السودان ح يرجع امجاد الجدود ويضم مصر للسودان..
طبعا خبراء التحليل المصريين..عاملين اضان حميل عن السيول التي ضربت جنوب مصر قبل يومين..والأخطر ساكتين عن ضحايا العقارب السامة ممن بلغ عددهم 435..!
والعقارب السامة ستصل ترك..وبرطم..والجاكومي..وعقار كمان..!
بسيطة للغاية يا اهلنا:
لجان المقاومة..تدعم ناس الشمالية في قفل طريق الصادر والوارد مع مصر..
في نفس الوقت تدعم لجان المقاومة في كردفان في قفل سوق الصمغ العربي وانبوب البترول..!
قفلة سوق الصمغ العربي في مدينة الأبيض ح تخلي امريكا امام خيارين:
الأول..تعمل عملية ايمانويل نورييغا..وتقبض القاتل البرهان والقاتل حميدتي وكباشي والعطا وجابر ..زي قبيض الجداد في ثقافة المسار في ديار البقارة..
الثاني..تسردب..وحكومة يوسف (جوزيف بايدن) تسقط في خلال الأربعة شهور الجاية..
اما قفلة انبوب البترول..فدي ح تخلي حكومة جنوب السودان واقفة الف احمر..وبرضك ح تجيب حقها..!
ده حق السودان ، والبلد ما محتاجة دفع ارواح في مليونيات..
اقفلوا شارع الشمالية..
اقفلوا سوق الصمغ العربي في الأبيض..
اقفلوا خط البترول..!
وستركع مصر..
ستركع امريكا..
ستركع دولة جنوب السودان..
ثم نسحب جيوشنا في حرب التحالف..لتركع السعودية والأمارات..
ركوع هذه القوى الأقليمية..هو ركوع اسرائيل..
وابقوا عشرة على القضية الواضحة: قضية الدولة المدنية السودانية..
تحياتي
محمد النور كبر
|
Post: #2
Title: Re: عموم الكردافة: سدوا الفرقة زي شباب الشمال
Author: حيدر حسن ميرغني
Date: 11-16-2021, 09:24 AM
Parent: #1
سلام كبر
فعلا دي "مشاريع" ثورة مقنطرة تمااام يمكن إستغلالها ولو انها ح تكون مخاطرة لا تخلوا من الشرور اذا اخذنا طبيعة المنطقة الحساسة.
اتمنى ان تُدرس هذه الخيارات بعناية قبل الشروع فيها لأنها تحتاج لتأمين عالي .
|
Post: #3
Title: Re: عموم الكردافة: سدوا الفرقة زي شباب الشمال
Author: محمد البشرى الخضر
Date: 11-16-2021, 11:00 AM
Parent: #2
سلامات يا كبر
موقفك كان شنو من اغلاق ترك لطريق بورتسودان و الميناء؟
|
Post: #4
Title: Re: عموم الكردافة: سدوا الفرقة زي شباب الشمال
Author: محمد بدرالدين
Date: 11-16-2021, 11:56 AM
Parent: #3
تحياتنا الحبيب كبر
Quote: فعلا دي "مشاريع" ثورة مقنطرة تمااام يمكن إستغلالها ولو انها ح تكون مخاطرة لا تخلوا من الشرور اذا اخذنا طبيعة المنطقة الحساسة.
اتمنى ان تُدرس هذه الخيارات بعناية قبل الشروع فيها لأنها تحتاج لتأمين عالي . |
بارك الله فيك استاذ حيدر
و مودتى و تقديرى
|
Post: #5
Title: Re: عموم الكردافة: سدوا الفرقة زي شباب الشمال
Author: بدر الدين الأمير
Date: 11-16-2021, 12:17 PM
Parent: #4
المحامى الكردافى
كبر رسل لى وتساب
على هذا الرقم 0097455030201
|
|