هنود ابيا كدوف اقوى المرشحين لرئاسة الوزراء - الجزيرة الأن

هنود ابيا كدوف اقوى المرشحين لرئاسة الوزراء - الجزيرة الأن


11-15-2021, 10:10 AM


  » http://sudaneseonline.com/cgi-bin/sdb/2bb.cgi?seq=msg&board=510&msg=1636967426&rn=0


Post: #1
Title: هنود ابيا كدوف اقوى المرشحين لرئاسة الوزراء - الجزيرة الأن
Author: Hassan Farah
Date: 11-15-2021, 10:10 AM

09:10 AM November, 15 2021

سودانيز اون لاين
Hassan Farah-جمهورية استونيا
مكتبتى
رابط مختصر



هنود ابيا كدوف اقوى المرشحين لرئاسة الوزراء - الجزيرة الأن
قبل يومين سمعنا باعتذاره

Post: #2
Title: Re: هنود ابيا كدوف اقوى المرشحين لرئاسة الوزر
Author: Hassan Farah
Date: 11-15-2021, 10:13 AM
Parent: #1


Post: #3
Title: Re: هنود ابيا كدوف اقوى المرشحين لرئاسة الوزر
Author: Deng
Date: 11-15-2021, 10:18 AM
Parent: #1

هنود كدوف كوز متخفي

رجل عمل ب الجامعة الإسلامية العالمية في ماليزيا وحاليا مدير لجامعة أفريقيا (وكر الإرهاب والاخوان) في السودان.

ماذا تتوقعون منه؟

Post: #4
Title: Re: هنود ابيا كدوف اقوى المرشحين لرئاسة الوزر
Author: أمير محمد أحمد أبيض
Date: 11-15-2021, 10:50 AM
Parent: #3

اسم غريب
الزول ده من الشيشان؟

Post: #5
Title: Re: هنود ابيا كدوف اقوى المرشحين لرئاسة الوزر
Author: Mahjob Abdalla
Date: 11-15-2021, 03:34 PM
Parent: #4

Quote: هنود ابيا كدوف

اول مرة القى اسم ثلاثى و ما فيهو واحد مألوف في الاسماء السودانية.
كدا نبذة و صورة للزول ده.

Post: #6
Title: Re: هنود ابيا كدوف اقوى المرشحين لرئاسة الوزر
Author: علي عبدالوهاب عثمان
Date: 11-15-2021, 04:37 PM
Parent: #5

بعيداً عن السياسة

الحبيب محجوب تحياتي
اسم ( ابيا) متداول عندنا في الشمال النوبي ( ابيا) مع تشديد حرف الباء
في قريتنا أكثر من شخصين بإسم أبيا
وكمان لقب شائع ..
في نوبية عندنا ( آبا) هو نداء للاب والام يو
وكلمة مشتقة من آبا كنوع من زيادة المحبة وتضخيم للاسم

تحياتي الحبيب حسن


Post: #7
Title: Re: هنود ابيا كدوف اقوى المرشحين لرئاسة الوزر
Author: Mahjob Abdalla
Date: 11-15-2021, 05:05 PM
Parent: #6

Quote: في نوبية عندنا ( آبا) هو نداء للاب والام يو

سلام اخ علي عبدالوهاب,
شكرا للتوضيح و كدا عرفنا انو الشخص من شمال السودان.

طبعا احنا برضو ننادى الاب (ابا) بتشديد الباء و الام (ايا) برضو بتشديد مخفف علي الياء.



Post: #8
Title: Re: هنود ابيا كدوف اقوى المرشحين لرئاسة الوزر
Author: علي عبدالوهاب عثمان
Date: 11-15-2021, 05:15 PM
Parent: #7

الحبيب محجوب تحياتي
هو من ابناء جبال النوبة
وهناك الكثير من المشتركات بين نوبة الجبال ونوبة الشمال
وخاصة في الدنقلاوية

تحياتي الحبيب محجوب .. أنا زول عاشق تراث خايف نحتكر البوست
والوقت وقت وطن ..
معليش الحبيب حسن سامحنا للخروج من الموضوع

أنا شخصياً أكثر سياسي أحببته ومعجب به هو ((( حمـــــــــــــــــــــــــــــــــدوك ))) المؤسس
يكفي أنه رجعنا لحضن العالم مرة أخرى

Post: #9
Title: Re: هنود ابيا كدوف اقوى المرشحين لرئاسة الوزر
Author: اخلاص عبدالرحمن المشرف
Date: 11-15-2021, 05:16 PM
Parent: #7

ابداً من غرب السودان
اولاد العرب اهل بريمة شالو الحكومة
وبذا لهم السلطة والثروة والسلاح

ف شنو نحن ما ح نشيل سلاح بالساهل
وبرضو ما هامش ، العارف عزو صدق الله العظيم 😹😹😹😹

Post: #10
Title: Re: هنود ابيا كدوف اقوى المرشحين لرئاسة الوزر
Author: اخلاص عبدالرحمن المشرف
Date: 11-15-2021, 05:23 PM
Parent: #6

من نوبة الجبال منطقة الدلنج سلارا
خريج جامعة الخرطوم كلية القانون تخصص
في قانون الاراضي ( انتهت فترة الاقتصاد
وبدأنا نزاعات الاراضي والحيكورات )
وطبعاً ح يكون عندنا كلام كثير وشايفة الحلو
نقشها وسبق الجميع بقانون الاراضي.

ع عزيز الحلو 💯💯

Post: #11
Title: Re: هنود ابيا كدوف اقوى المرشحين لرئاسة الوزر
Author: بسمات الشيخ
Date: 11-15-2021, 06:15 PM
Parent: #10

قالوا هنود كدوف اعتذر عن تولي منصب رئيس الوزراء
عشان كده القاتل المجرم القاتل البرهان وزعيم الجنجويد ما لاقين
رئيس وزراء وما قادرين يشكلوا الحكومة....

Post: #12
Title: Re: هنود ابيا كدوف اقوى المرشحين لرئاسة الوزر
Author: اخلاص عبدالرحمن المشرف
Date: 11-15-2021, 06:21 PM
Parent: #11

طبعاً اي زول يقبل بكون انتحر سياسياً و اجتماعياً
هنود امام اغراءات وضعوطات ننتظر
نشوف ، غالباً ح يضطر برهان لتدوير
النفايات

Post: #13
Title: Re: هنود ابيا كدوف اقوى المرشحين لرئاسة الوزر
Author: Mahjob Abdalla
Date: 11-15-2021, 08:57 PM
Parent: #12

لعبة كيزانية بأمتياز.
دايرين يغرو ناس المناطق البعتبروها خارج النفوذ التلقيدية عشان يضمنو بيهم تثبيت حكمهم و بعداك يفكوهم عكس الهواء زى ما عملوها من 89 الي 99.
اسلوب رخيص فعلا.

الدرس الاهم, كيف يحكم السودان و ليس من يحكم.

Post: #14
Title: Re: هنود ابيا كدوف اقوى المرشحين لرئاسة الوزر
Author: عبدالغني بريش فيوف
Date: 11-15-2021, 09:41 PM
Parent: #1

Quote: اول مرة القى اسم ثلاثى و ما فيهو واحد مألوف في الاسماء السودانية.
كدا نبذة و صورة للزول ده.


الاخ محجوب
اسم ابيا وكدوف من الاسماء المعروفة عند قبيلة "اما" النيمانق في جبال النوبة والدكتور هنود من ابناء القبيلة المذكورة..

Post: #15
Title: Re: هنود ابيا كدوف اقوى المرشحين لرئاسة الوزر
Author: Nasser Amin
Date: 11-15-2021, 10:34 PM
Parent: #14

من وين؟ و هو منو؟
و سيرته الذاتية شنو؟
دي ما بتهمنا... اللي يهمنا من اين
جاء على انقاض حكومة دستورية
و رئيسها الشرعي معتقل بأمر السلطة
الانقلابية في منزله و ممنوع من الاتصال
بوسائل الاعلام، ووزرائه معتقلون بأمر العسكر

اي شخص يقبل بي كدا ، دا معناها ضد الشعب
السوداني و هدف مشروع للثوار و ما عندو اخلاق.
ح تجي بعد مجازر الانقلابيين و اساسا هم من تعود
على ازهاق الارواح منذ اعتصام القيادة ما قبلها
و ما بعدها.

هل بتقدر تسافر خارج السودان و تقابل سودانيين؟
انتا ح تحكم منو؟ و ح تخاطب منو؟
ح تشوف نفسك اراجوز ليس الا
العساكر عايزين يتمو بيك شغل
و يشلحوك.
لأن لا اسم لك، و لا حزب، و لا جهة
عشان كدا اختاروك....بعدين ما تبكي






Post: #16
Title: Re: هنود ابيا كدوف اقوى المرشحين لرئاسة الوزر
Author: Nasser Amin
Date: 11-15-2021, 10:34 PM
Parent: #14

مكرر

Post: #17
Title: Re: هنود ابيا كدوف اقوى المرشحين لرئاسة الوزر
Author: ترهاقا
Date: 11-15-2021, 11:33 PM
Parent: #16


Quote: اول مرة القى اسم ثلاثى و ما فيهو واحد مألوف في الاسماء السودانية.
كدا نبذة و صورة للزول ده.

فعلا اسم ما فيهو أي هارموني، أنا افتكرت إنو جزيرة من جزر المالديف وكمان داك اسمه مني أركوي ، ده برضو اسم
ما موجود في أي ركن في السودان ربما في أفريقيا الوسطى

Post: #18
Title: Re: هنود ابيا كدوف اقوى المرشحين لرئاسة الوزر
Author: Mahjob Abdalla
Date: 11-16-2021, 02:17 AM
Parent: #14

Quote: الاخ محجوب
اسم ابيا وكدوف من الاسماء المعروفة عند قبيلة "اما" النيمانق في جبال النوبة والدكتور هنود من ابناء القبيلة المذكورة..

و عليكم السلام اخ بريش
و شكرا لتوضيح الاسم.
فعلا اسم "كدوف" قريب من اسماء جبال النوبة الاخرى مثل كوكو و كودى و كافى.
اسم هنود هو الاغرب في الاسماء التلاثة و لكن يتطلب منا جميعا معرفة ثقافات شعوب السودان.

كل هذه الاسماء لها معانى في اللغات المحلية و لكن اغلبنا تأثر كثيرا بالثقافة العربية فصرنا نرى اسماءنا المحلية هى الاغرب.

مثل اسم "منى اركو" شرحه بعض الاخوة في ابناء قبيلته بأن له معنى معبر جدا في لغتهم. بالطبع ليس اسم و في اغلب الاحيان تعنى كنية لشئ معين.

Post: #19
Title: Re: هنود ابيا كدوف اقوى المرشحين لرئاسة الوزر
Author: بسمات الشيخ
Date: 11-16-2021, 03:56 AM
Parent: #18

ناصر امين
كلامك زي العجب ....ومنطقي جدا ولا نستطيع ان نزيد ،فقد كفيت واوفيت.
والله يديك الصحة والعافية

Post: #20
Title: Re: هنود ابيا كدوف اقوى المرشحين لرئاسة الوزر
Author: ترهاقا
Date: 11-16-2021, 04:07 AM
Parent: #19


اليومين دييل أعملوا حسابكم يا ثوار الداخل ، إياكم ثم إياكم واحد
فيكم يجي طالع من بيتو لابس بدلة وكرفتة ، الناس دييل بفتشوا لرئيس وزراء ،
حيقمعوكم وحيلبسوكم الوزارة دي، كلمتكم

Post: #21
Title: Re: هنود ابيا كدوف اقوى المرشحين لرئاسة الوزر
Author: walid taha
Date: 11-16-2021, 07:11 AM
Parent: #1

Quote: هنود

قطعا ليست هُنود من الهند ، فكيف تٌقرأ ؟

Post: #22
Title: Re: هنود ابيا كدوف اقوى المرشحين لرئاسة الوزر
Author: Biraima M Adam
Date: 11-16-2021, 07:54 AM
Parent: #21


Quote: اسم هنود هو الاغرب في الاسماء التلاثة و لكن يتطلب منا جميعا معرفة ثقافات شعوب السودان.
أسماء مشابهه لأسم هنّوُد .. في جنوب كردفان مثل: هنوة .. الأخ هنوه كوندو أيرقو ..من ذات منطقة البروفسير هنّوُد أبيا .. موجود في كلورادو الولايات المتحدة ..
ونحن البقارة أخذنا ذات الأسماء من قبيلة النيمانج .. "الجيمنق .. حسب لفظ البقارة" .. مثل الأخ هنوة إدريس .. وهنوة حماد، وهنو عريس .. ومن النساء أسم هنوي .. وغيرهم كثير ..

دخول حرف الدال في أسم البروف هنّوُد .. يشير لعلة في الأسم .. مثلاً تقول سليم الأول .. أو محمد الفاتح أو مارتين لوثر جونير .. فكلمات مثل الأول، الفاتح وجونير .. وهى أسماء تدل علي التراتيبية ..

النوبة في الجبال من أكثر الشعوب السودانية تهتم بالتراتيبية في الأسماء .. ففي قبائلهم الأسم الاول هو كوكو .. ما ممكن في السابق أن تسمي الطفل الأول غير كده .. الثاني ربما كوه .. والثالث كافي والرابع كنده .. والنساء كوشي، كاكا، كني، أما .. وهكذا ..
أسماء نوبة الجبال وتراث أسماءهم .. غير مدون .. ودا مجال ناس الأنثروبولوجي ممكن يتحفونا فيه بأسماءنا في تلك المناطق .. نفس الشيئ في مناطق الأنقسنا وجنوب الفونج الأسماء فيها غير مدونة ..

----------------------------
وصلتم وين في اللوائح التعفسية .. فضلت أنت براك من دارفور .. وأنا والأخر محمد النور كبر . أخر بيادق كردفان في المنبر ..
وبالمناسبة كردفان تعنى أرض الرجال الشجعان .. بلغة أهل بروفسير هنّوُد أبيا .. أها المنبر صار ... خالصاً، أقصد سودانياً خالصاً لكن ناس بروفسير هنّوُد من جزر المالديف!

بريمة

Post: #23
Title: Re: هنود ابيا كدوف اقوى المرشحين لرئاسة الوزر
Author: حيدر حسن ميرغني
Date: 11-16-2021, 09:04 AM
Parent: #22

يقال الصحيح "قدوف" وليس "كدوف"
عموما الما سمع بإسمه ده من قبل دي مشكلته طبعا وذلك لا يقلل من سيرته العطرة كعالم في مجال تخصصه
اكد الكثير من عارفيه انه ليس بكوز .. تعيينه كمدير لجامعة افريقيا العالمية جاء بعد الثورة وليس زمن الكيزان
يجب أن لا نرميه بما ليس فيه لكونه وجد قبول عند الانقلابيين الذين يريدون ان يجملوا قبحهم بتعيين امثال هذا البروف الخلوق.
الرجل يستحق منا كل الإحترام .

Post: #24
Title: Re: هنود ابيا كدوف اقوى المرشحين لرئاسة الوزر
Author: حيدر حسن ميرغني
Date: 11-16-2021, 09:14 AM
Parent: #23

الم يحاول المؤتمر الوطني تعيين حمدوك رئيساً للوزراء وهو ليس بكوز؟

Post: #25
Title: Re: هنود ابيا كدوف اقوى المرشحين لرئاسة الوزر
Author: علي عبدالوهاب عثمان
Date: 11-16-2021, 09:14 AM
Parent: #23

Quote: لنوبة في الجبال من أكثر الشعوب السودانية تهتم بالتراتيبية في الأسماء ..
ففي قبائلهم الأسم الاول هو كوكو .. ما ممكن في السابق أن تسمي الطفل الأول غير كده ..
الثاني ربما كوه .. والثالث كافي والرابع كنده .. والنساء كوشي، كاكا، كني، أما .. وهكذا


الحبيب بريمة .. تحياتي يا جميل
كنت متوقع حضورك ولم تخيب الظن
عندنا في النوبية ( الدنقلاوية ) كلمة (كو) معناه الاسد ويطلق على الرجل الشجاع
(كوكو) هو كناية عن الشجاعة بالعربي الترجمة ( اسد الاسود ) وأحد اجدادي من أمي
كوكو النور .. وعندنا في جزيرتنا ( كوكو إيلقاد ) جد عائلة بأكملها ..
وبالنسبة لإسماء النساء كما ورد في مداخلتك ( كوشيه Koshiah ) واشهر داية حبل
في حلتنا زمان اسمها ( كوشيه أجبان ) رحمها الله ..
وفي النوبية حرف ( الكاف ) من أكثر الحروف المستخدمه في الافعال واسماء المناطق خاصة

تحياتي الحبيب الجميل حسن صاحب هذا البوست ..
شوفوا السودان ده موحد كيف .. تطابق في الاسماء ما بين نوبة الجبال ونوبة الشمال

تحياتي بلاحدود الحبيب حسن .. عندما أقرأ اي شيء عن التراث لا استطيع التحكم في حروفي
بالله عذرا مرة أخرى إذا انحرف البوست عن مساره ..

مودتي الحبيب




Post: #26
Title: Re: هنود ابيا كدوف اقوى المرشحين لرئاسة الوزر
Author: منتصر صلاح
Date: 11-16-2021, 09:19 AM
Parent: #23

السبب الرئيسي للانقلاب الذي حدث تسامحنا وتعاملنا الليين مع الكيزان ، بعد السقوط مباشرة
اذا طوالي مشينا في طريق المحاكم الثورية ما كانو اخدو راحتم وغدرو ولعبو بينا وبالبلد ..


هنود كوز كوز يا حيدر يا حسن يا ميرغني .



ودي

Post: #27
Title: Re: هنود ابيا كدوف اقوى المرشحين لرئاسة الوزر
Author: حيدر حسن ميرغني
Date: 11-16-2021, 09:28 AM
Parent: #26

سلام منتصر
معقول في كوز يأبى شغل مثل هذا المنصب ؟
عموما انا لم أنفى كوزنته من عدمها .. لكني اعتمدت على حديث من يعرفونه بأنه ما كوز (يعني زول مُنظَم )

Post: #28
Title: Re: هنود ابيا كدوف اقوى المرشحين لرئاسة الوزر
Author: Hassan Farah
Date: 11-16-2021, 09:30 AM
Parent: #1

الرجل يستحق منا كل الإحترام .
---------------------------------------
الاخ حيدر حسن ميرغنى
لا احترام له البتة ان قبل ان يتعاون مع القتلة الانقلابيين خارقى القانون وهو يعلم ذلك تماما كجوع بطنه
ارجو مرة اخرى ان يكون البروف عند حسن ظن الشرفاء ليلقب بالكوير ولا يصبح كونى
نعم بروف ابيا كدوف.. الكُوير لا يصبح كونى!!

https://sudaneseonline.com/board/505/msg/%D9%86%D8%B9%D9%85-%D8%A8%D8%B1%D9%88%D9%81-%D8%A7%D8%A8%D9%8A%D8%A7-%D9%83%D8%AF%D9%88%D9%81..-%D8...1%21-1636828645.html

Post: #29
Title: Re: هنود ابيا كدوف اقوى المرشحين لرئاسة الوزر
Author: علي عبدالوهاب عثمان
Date: 11-16-2021, 09:38 AM
Parent: #28

الاحباب الكرام
بصراحة منصب رئيس الوزراء بدون حمدوك ( زيرو)
هذه المرحلة نحتاج لحمدوك شخصية وكاريزما وإدارة
يكفي انه كفانا شر مليارات الدولارات ديون وقروض وفوائد

حمدوك ولا بديل .. باقي الوزارة والوزراء لا يهمنا
كل العالم يريد حمدوك : الامم المتحدة ، الاتحاد الاوربي ، امريكا
لم يحدث أبداً مثل هذا الاجماع على شخصية من دول العالم الثالث

تمسكوا بحمدوك .. وهو الاهم ..

تحياتي الحبيب حسن

Post: #30
Title: Re: هنود ابيا كدوف اقوى المرشحين لرئاسة الوزر
Author: Kabar
Date: 11-16-2021, 09:45 AM
Parent: #1

هنود ابيا كدوف السيرة الذاتية:
هو أستاذ وعميد كلية أحمد إبراهيم للحقوق في “الجامعة الإسلامية العالمية” في ماليزيا ، وهو قاضٍ متخصص في قانون الأراضي والقانون العرفي والقانون الدولي العام، وفي القانون المقارن ومنهجية البحث القانوني وكذلك القانون البيئي.

كما أنه محاضر في “جامعة الخرطوم” في السودان، ورئيس تحرير مجلة “IIUM” القانونية، ومحرر مشارك في “مجلة الأمن العام والسلامة” في ماليزيا.

شغل منصب مساعد رئيس تحرير “الجريدة القانونية السودانية” بين 1974 و1975، وباحث في القانون العرفي في “جامعة الخرطوم” بين 1975 و1977، وعمل قاضياً في السلطة القضائية بين 1972 و1988، وقاضياً في محكمة الاستئناف بين 1985 و1988.

كما عمل محاضراً في معهد الدراسات البيئية “جامعة الخرطوم” بين 1986 و1991، ومدير مشروع القانون العرفي في كلية القانون “جامعة الخرطوم” بين 198 و1991، ورئيس شعبة القانون العام في كلية أحمد إبراهيم للحقوق في “الجامعة الإسلامية العالمية” في ماليزيا خلال 2010، ومنسق وحدة بحوث ملكية الأراضي والإدارة البيئية في الكلية ذاتها بين 201 و2018.

كما شغل العديد من العضويات منها عضوية اللجنة الاستشارية في “هيئة السلطة القضائية السودانية” بين 1981 و1984، و”المنظمة السودانية لحقوق الإنسان”.

حاصل على دكتوراه وماجستير في القانون العرفي في “جامعة لندن” في المملكة المتحدة.

من هو بروفيسور/ هنود ابيا كدوف
بروفيسور/ هنود ابيا كدوف من منطقة جبال النوبة مدير جامعة أفريقيا العالمية حاليا الميلاد : يناير 1944م منطقة سلارا بمحلية الدلنج جبال النوبا جنوب كردفان . المراحل الدراسية: سلارا الأولية _ كاتشا الوسطى _ معهد المعلمين الدلنج ثم كلية القانون جامعة الخرطوم 1970م _ ماجستير و دكتوراة القانون جامعة لندن 1981 م ( أول دكتوراة في القانون العرفي في السودان ) الآن : بروفيسور بكلية أحمد إبراهيم للقانون بالجامعة الإسلامية بماليزيا . سجله الأكاديمي : _ مساعد تحرير. الجريدة القانونية السودانية ( 1974_ 1975م ) _ باحث في القانون العرفي في السودان بجامعة الخرطوم (1975 /1977 م ) * عمل قاضيا بالسلطة القضائية ( 1972_ 1988م) _ قاضي محكمة الاستئناف ( 1985_1988م ) * محاضر بمعهد الدراسات البيئية بجامعة الخرطوم ( 1986_ 1991م ) * عضو اللجنة الاستشارية بهيئة السلطة القضائية السودانية ( 1981_ 1984 م ) * مدير مشروع القانون العرفي بكلية القانون جامعة الخرطوم( 1982_ 1991 م ) * رئيس شعبة القانون العام بكلية أحمد إبراهيم للقانون بالجامعة الإسلامية ماليزيا (2010) * منسق وحدة بحوث ملكية الأراضي و الإدارة البيئية بكلية القانون بالجامعة الإسلامية بماليزيا (2013_ 2018م ) مجال التخصص الأكاديمي : _ قانون الأراضي و الأملاك _ القانون العرفي ( مع تناول خاص لنظم الملكية عند المجتمعات الأصيلة ) * اهتمامات الباحث : القانون الدولي العام ، القانون البيئي ، مناهج البحث العلمي ، فقه التشريع و الاستئناف ، القانون المقارن ، الصيرفة الإسلامية ، التحكيم و التفاوض . أهم مؤلفاته العلمية : * مسح أولي حول القانون العرفي للأراضي بمنطقة قلع النحل و الحواتة بمحافظة كسلا _ كلية القانون جامعة الخرطوم ( 1975 م ) * ملامح من القانون العرفي عند الدينكا بمنطقة قناة جونقلي_ القانون العرفي _ كلية القانون جامعة الخرطوم ( 1977 م ) * خطط استخدام الأراضي و التنمية البيئية المستدامة في ماليزيا _ السياسات و الرسائل ( تحرير مع شريفة و زبيدة ) الجامعة الإسلامية بماليزيا ( 2006م ) * القانون الدولي المبسط جامعة كوالالمبور ماليزيا * القانون العرفي و حقوق ملكية الأراضي عند قبيلة أما /النيمانج بجبال النوبا في السودان : تحليل المفهوم التقليدي للملكية من وجهة نظر _ سنغافورة ( 2013م ) * العبارات و المصطلحات و الامثال اللاتينية السائرة كما يتم تطبيقها في المحاكم الماليزية ( 2017 م ) * المساهمات و المشاركات المحلية و الإقليمية و الدولية : * عضو المنظمة السودانية لحقوق الإنسان * ممتحن امتحانات مهنة القانون ( المعادلة ) _ مجلس الادّعاء السوداني و لجنة المدّعي العام ( النائب العام ) ( 1984_ 1989 م ) * عضو اللجنة الاستشارية الفنية للمحكمة العليا _ الخرطوم (1981_ 1983م) * عضو اللجنة القومية للبيئة و رئيس اللجنة الفرعية للتشريعات البيئية _ المجلس القومي للبحث العلمي_ الخرطوم ( 1986_ 1991 م ) * عضو مؤتمر الحوار الوطني حول قضايا السلام ( 1989_ 1990م ) * عضو لجنة التحكيم بالمعهد الآسيوي للقانون _ الجامعة الوطنية بسنغافورة ASLI ( 2012 م ) * عضو الاتحاد الدولي لمدارس القانون IALS (2013م ) *عضو الاتحاد العالمي للحوار من أجل الطبيعة IUCN ( 2015م ) * عضو الاتحاد العالمي للتنمية المستدامة . # بعض الاستشارات الدولية : * استشاري الحكومة الإقليمية لشمال السودان لتنظيم المؤتمر القومي لمشكلات ملكية الأراضي و الإنتاج الزراعي في شمال السودان ( 1983م ) * رئيس مجموعة الاستشاريين لشركة شفرون _ السودان ( 1984 م) * تقرير تقييم تأثير خط أنابيب النفط على نظم ملكية الأراضي لدى المجتمعات الأصيلة في جنوب كردفان مع تناول خاص لمنطقة تقلي_ تقييم اجتماعي ، قانوني ، سياسي ( 1985م ) * الاستشاري و المستشار القانوني لمشروع غرب السافنا . * رئيس قوة مخاطر ملكية الأراضي: البنك الدولي/ وزارة المالية السودانية لدراسة نظام ملكية الأراضي في قطاع الري المطري في السودان عناوين التقارير : أ/ نظم ملكية الأراضي في جبال النوبا بجنوب كردفان ب/ الاستراتيجية لتطوير نظم ملكية الأراضي في قطاع الري المطري في السودان ( تقرير رئيس ) ( 1985_ 1986م ) * الشخص المصدر للقانون البيئي في السودان لبرنامج الأمم المتحدة للبيئة ( 1988 _ 1991م ) * تقرير الصندوق الدولي للتنمية الزراعية إيفاد IFAD بعنوان : دراسة لتاسيس اتحاد مستخدمي المياه في شمال السودان ( 1991م ) .

Post: #31
Title: Re: هنود ابيا كدوف اقوى المرشحين لرئاسة الوزر
Author: Kabar
Date: 11-16-2021, 10:24 AM
Parent: #1



الدكتور هنود ابيا كدوف..تحية واحترام..
هو استاذي في كلية القانو بجامعة الخرطوم ، واستاذ دكتور احمد عمر عثمان ، الشيوعي (الذي تتصدر مقالاته سودانيز اونلاين) ، واستاذ صديق محمد عثمان (كوز لندن ، الذي يستشهد كثر في هذا المنبر بمقالاته) ، واستاذ عثمان محمد الصادق (عثمان دغيس) عضو المنبر ، واستاذ على احمد سند (عضو المنبر)..واخرين واخريات كثر..!
دكتور هنود ابيا كدوف كان قدوتي حينما كنت انتظر اعلان نتائج الشهادة السودانية ، ووقتها كنت بمدينة الدلنج ، وسعدت بسماع حوار معه في اذاعة هنا امدرمان ، حينما حكى تجربته التعليمية ، خصوصا حينما ذكر تفاصيل مدرسة الدلنج الريفية التي تتبع لمعهد التربية الدلنج ، فكان اكبر ملهم لي لأخوض تجربة دراسة القانون بجامعة الخرطوم..
في الجامعة درسني مادة..
Introduction to Law
في السنة الأولى..
ودرسني مادة قانون الأراضي والملكية العقارية..
The Land Law and Real Property
الرجل نال شهادة الدكتوراة في تخصص نادر في السودان ، وهو القانون العرفي ، ودراسته الحقلية كانت عن العرف في مجموعة الأما (النمانج)..وله بحوث ورسائل عديدة اراجعها واستمتع بها كثيرا..
حينما تم تداول اخبار ترشيحه لرئاسة الوزراء..اتصلت ببعض اقربائه..وذكروا لي ان ظروف انقطاع النت والتواصل..فالبروف لا يملك وسيلة تواصل معتبرة (زي نظام الإقامة الجبرية بتاعة حمدوك)..
وذكروا لي أن الوقح مبارك اردول قد مكث ايام في بيت البروف في امبدة لإقناعه بقبول المنصب والبروف رافض رفضا قاطعا..
ثم تصريحه المقتضب ، واعتذاره عن قبول المنصب ، كما نشرته قناة الجزيزة..
ويظل الرجل ، صفته اكاديمي قح ، ومهما اختلفنا معه سياسيا ، سيظل استاذئ الجميل الذي اكن له المحبة والتقدير..بالمناسبة دكتور هنود ، الذي اعرفه ، لا ينتمي لمنظومة الأخوان المسلمين بكل مسمياتها عبر التأريخ السوداني..
ولو التور مالك عقار عامل فيها بيستغل طيبة وتواضع دكتور هنود ابيا كدوف..فالحساب سيكون مع مالك عقار ..!
شكرا استاذنا حسن فرح ..ومن اقرباء دكتور هنود..اخونا الرفيق الشرس عبد الغني بريش..ومتداخل هنا ، وقد ارسل ، قبل ايام ، رسالة لدكتور هنود يناشده ان لا يقبل العمل مع القتلة امثال القاتل البرهان والقاتل حميدتي..!
التحية لأستاذي العزيز دكتور هنود ابيا كدوف..ودمت طيبا يا صديقي..
تحياتي
محمد النور كبر