حميرتي ....وبرهان..ليسم بعوقات

08:22 AM November, 11 2021

سودانيز اون لاين
عمر عثمان عبد الوهاب-السعودية
مكتبتى
رابط مختصر

انما العوقه هو رئيس وزراءنا المبجل د.حمدوك

ليس بذاك الرجل المقاتل الشرس.

رجل يمتلك الشارع السوداني باكمله وسايقنو محلما يقولو ليهو اقعد يقعد
البلد كلها ووراهو .شيبا وشبابا رجالا ونساءا واطفال وطلبه مدارس, يعني بكلمه بس يهز اركان اعتي الجيوش.
نسمع اخبارو من سفراء الدول بالخرطوم وبعض المنظمات التي قامت بزيارته في محبسه.

لي يوم الليله حارسنو يقول بغم ساي


الله المستعان

حميرتي وبرهان وجم كما قال بشاشا عاضين بالنواجز علي ماانجزوه حتي الان دونها رقابهم

حكايه هجو لي تركيا ولجاوا لمصر ولا تشاد دي كلها نظام تشتيت والقبض بشده علي اللجام

نجحت الثوره بكل المقاييس بس النفس كان قصير وفترت سريع وشويه شويه الناس ترضي بالامر الواقع


وطيطي طيطي زيما رحتي زيما جيتي

عمر يا كوز السجم انت ظهرتا تاني ؟
لسة بتحب ملاح الورق بالكسرة؟
ياخي فلولكم و زواحفكم عبرو
بقو ياكلو موز و ضلع و محشي و باسطة و عييك
عمرك ما حتتطور يا كوز السجم
الليلة الجابك شنو ؟
ما مشيت زرتا شيخك البعير و باقي اسيادك الكيزان في كوبر؟
و الله ما عندك عشرة يا ضب
ثم تباً لك

حبيبنا خضر الطيب واختصارا (خطا)

اخبارك واحوالك

اتو لسع في ده كوز وده بستله؟؟؟ الناس عبرت

اها طيرتو علينا بشه السجم وقعدتونا اباطنا والنجم

قالو في اربعه صواني محشي وشيه ودوها غرفه وادارة العمليات في كوبر بتاتشرات الدعم السريع

من دون دول العالم نحن يالسودانيين حظنا هباب ومامكتوب لينا نمش لي قدام اصلا

نقوم بي ثورة نسقط عسكري طاغيه ينشق لينا خور عمر وينفلخ بي طاغيه اسوا منه

19 ديسمبر والتي اسقطت بشه كانت من انجح الثورات في تاريخ السودان

خربوها الدعم السريع وجنرالات السجم وقحط وراس حربتهم الشيوعيين

كل واحد فيهم لابت للتاني وشكوها سريع ووزعوها وبدو لعب وساقو الثوار بالخلا

التوزيعه التانيه ظهرت لكل منهم سوءات التاني وبدت الخرخره والحمبكه والعكاكيز مرقت

لك الله يابلد

ماعرفناك دوله ولا طربيزة قمار


مالت علينا وعلي خلقنا

70 سنه واكتر من اخدنا استقلالنا و حريم يلدن ويفلطن مامرقن ليهن مدني ولا عسكري ود مقنعه عندو حبيبه وطنيه
وقلبو علي البلد ويجيك واحد راسو مغلوظ يقوليك حوا السودانيه ولاده

كضب وضحك علي الدقون ومغرزه ومكايد وشيلني واشيلك واليقعد فيها التقول من ورث ابوهو

انباء طالقه عن اغتيال احد وزراء قحط وتحديدا خالد سلك

ان لم يكن خبرا صحيحا فهي اشاعه اطلها خريان العسكر لشيء في نفسهم سيقدمون عليه

غايتو علي كلام خالتنا بلدياتنا في المقطع البتقول فيهو:


انشاءالله القيامه تقوم اشان نموت كلنا

دول عربية تلغي رحلاتها الجويه من والي الخرطوم ابتداء من الغد
وحتي اشعار اخر.
هذا ينبيء بانيهار حكومه القاتل حميدتي علي يد الجيش والسفاره الامريكه تحذر
رعاياها باللجوء الي السفاره وعدم مغادرتها

Quote: هذا ينبيء بانيهار حكومه القاتل القاتل حميدتي علي يد الجيش

الاخ عمر سلامات
قصدك الجيش حايتحرك ضد القاتل حميدتي؟

سلمك الله اخوي حيدر

بعض قيادات الجيش تحت تحت تململت و عرضت هذا الموضوع لقياداتها وللبرهان

بقي شوكه في الحلق

هذا هو السيناريو الوحيد و المفترض يتم لخروج البلاد من هذه الاذمه

لو لا الدعم السريع ودخوله المشهد من بداياته كان بعد سقوط الانقاذ الي الان البلد عبرت.
لكن تقول شنو للفقر الراكبنا ده؟؟

لو القاتل البرهان استسلم للضغوطات الشعبيه والدوليه وخرج وسلمها لحمدوك
يا اما يرجع كما كان وهذا ما لن يرضي به القاتل حميدتي نهائيا.

اوطلع ضكر كما المرحوم سوار الدهب ولبس جلابيتو وقعد في بطن بيتو

لكن زولنا ده الفكاك منه وين؟؟

بعدما كان بينوم في ضل التاتشر دخل القصر ومكتب حدادي مدادي و5 سكرتيرات
وحرس وكل يوم كمشه ورد طازه في مكتبه عشان يشمها بعدما كان بيشم صفق التمرابونا.
وموكب طالع وموكب نازل لا وبقي يستقبل ابين عيونا خدر ويخلف كرعينو كمان.

والذين ينادون بضم قواته للقوات المسلحه فالجيش لن يقبل باي حال من الاحوال دخول
عصبجيه ومرتزقه وقتله ونصهم اجانب في صفوفه ولا حيبقي جيش مسخره ساي.

العضاضه التوم هجو الذي عض اليد التي كانت ساتراهو بعدما لبسوهو الانقلابيين جلابية نضيفه

كل جمعه يدرع جلابيتو ويلف عمتو ويجري يمشي يصلي نفاقا مع الصادق ثم علي بيت ال المهدي عشان يتغدي و يملا كرشو
بما لذ وطاب واول ماكان يفعله يقبل يد المريوده مريم الصادق الذي اصبح اليوم يشنع بها في القنوات ويخطيء
في تسميتها عشر مرات برئيسة الوزراء.

غايتو البني ادم التافه ده بي تعريضه البائس لصالح الانقلاب و المغسه الدخلها في الشعب السوداني لايكفيهم يبطحوهو في
السوق العربي او جاكسون وكل الناس تقع فيهو خبت