Post: #3 Title: Re: إليكم رئيس وزراؤكم الجديد -حال رفض andquot;حم� Author: الشيخ سيد أحمد Date: 11-05-2021, 11:48 PM Parent: #2
حياك الله أدروب
مافهمنا حاجه بالرابط الأوردتو. إذا عندك معلومات عن الشخصية دي بالله أرفدنا بها.
Post: #4 Title: Re: إليكم رئيس وزراؤكم الجديد -حال رفض andquot;حمد� Author: Nasser Amin Date: 11-05-2021, 11:51 PM Parent: #1
سلام الشيخ دي تسريبات حايمه في الفيس من الضهر الغرض الناس تنشغل عن فروضها الثورية و تنغمس فيما لا ينفع الثورة و الثوار و جس نبض و بث الفرقة زي تصريحات عبد الرحمن الصادق على انها تمثل حزب الامة لاحداث الانشقاق. الشعب واااااعي اريتو الرهان يوعى لمصير السودان و مكتسباته و مصالح سعبه و التي شطبها ببيان سيكون نقطة سوداء في تاريخ السودان.
*ملاحظ ما جبت ليك سيرة المرشح ولا دققت في اسمه حتى
Post: #5 Title: Re: إليكم رئيس وزراؤكم الجديد -حال رفض andquot;حم� Author: عبدالغني محمد الحاج Date: 11-06-2021, 01:22 PM Parent: #4
دا من تراجي قبل ما تغير موقفها وترجع لجماعة ناس ترك
Post: #6 Title: Re: إليكم رئيس وزراؤكم الجديد -حال رفض andquot;حم� Author: مهيرة Date: 11-06-2021, 02:09 PM Parent: #5
والله لو قبل يبقى رئيس وزراء عند البرهان
يكون ماعنده مخ زاته
خليك يكون جراح مخ
تحياتى
Post: #7 Title: Re: إليكم رئيس وزراؤكم الجديد -حال رفض andquot;حم� Author: Abureesh Date: 11-06-2021, 03:00 PM Parent: #6
لا حول ولا قوة إلا بالله..
هل يعقل
هل يعقل عالم وطبيب جراح أن يترك علمه وأبحاثه ومعامله التى ينال بها علماء الغرب والشرق جوائز نوبل وغيرها، ويقبل أن يكون رئيس وزراء؟!! حتى علماء مصر والخليج يبحثون فى لقاحات للكرونة.. الحاصل شنو على السودان كفى الله الشر؟!!! طيب لماذا تعيبون على العسكرى البرهان أن يعمل فى السياسة ويترك مجاله فى العسكرية.، وتطلبون منه العودة الى الثكنات؟ العالم لو أعطيته مال قارون لا يخرج من معمله,
Post: #8 Title: Re: إليكم رئيس وزراؤكم الجديد -حال رفض andquot;حم� Author: ABUHUSSEIN Date: 11-06-2021, 03:21 PM Parent: #7
منو اللي ادى السجمان الحق عشان يقيل حمدوك و يعين غيرو .... ؟؟؟؟ العسكر ما من حقهم يتدخلو في الحكومة المدنية ....
Post: #9 Title: Re: إليكم رئيس وزراؤكم الجديد -حال رفض andquot;حم� Author: Abdalla Gaafar Date: 11-06-2021, 03:30 PM Parent: #8
أعرف دكتور أوشيك شخصيا وهو شخص لا علاقة له بالكيزان أو الفلول أو العساكر ولا أظنه يستجيب للعسكر وسأحاول الاتصال به شخصيا عشان أتأكد
نجياتي عبد الله جعفر
Post: #10 Title: Re: إليكم رئيس وزراؤكم الجديد -حال رفض andquot;حم� Author: Abureesh Date: 11-06-2021, 03:41 PM Parent: #9
بالله يا عبد الله قول ليه دعواتنا انه لا يقع فى مستنقع السياسة.. البلد محتاج لعلمه أما شماسة السياسـة كتار، مع إحترامى للشماسة.
Post: #11 Title: Re: إليكم رئيس وزراؤكم الجديد -حال رفض andquot;حم� Author: الشيخ سيد أحمد Date: 11-06-2021, 05:34 PM
تحياتي مهيرة وتحيات لكل الاخوان المتداخلين عبدالغني- ابوالريش- عبدالله جعفر - ابوالنسب "ابوحسين" مهيرة: الموضوع حتى الآن تكهنات- لكن ننتظر إتصال عبدالله جعفر بدكتور اوشيك عشان نبني عليهو راينا تحياتي
عبدالله جعفر:
Quote: أعرف دكتور أوشيك شخصيا وهو شخص لا علاقة له بالكيزان أو الفلول أو العساكر ولا أظنه يستجيب للعسكر وسأحاول الاتصال به شخصيا عشان أتأكد نجياتي عبد الله جعفر
منتظرين إفادتك لأنها سترفد البوست بمعلومة مهمة. تحياتي
ابوالريش: اتفق معك تمامآ في وجهة نظرك- ياخي لمن تكون رايق بتبدع إبداع عجيب تحياتي
ابوحسين : هو سائل في زول البرهان- شغال يمين وشمال في البلد - أظنو هو الوارث الوحيد للسودان.
عبدالغني: شكرآ على إيراد ملف "أم حازم" تحياتي
Post: #12 Title: Re: إليكم رئيس وزراؤكم الجديد -حال رفض andquot;حم� Author: Abdalla Gaafar Date: 11-06-2021, 05:35 PM
الاخ ابو الريش والاخوة المتداخلين حاولت الاتصال باوشيك أكثر من عشرة مرات ولم يرد ولهذا اعتذر عن نقل الحديث منه شخصيا ولو صح ما يشاع الآن عن ترشيحه بالتأكيد سيكون قد جنى على نفسه وعلى من يعرفهم
مع الشكر والتقدير عبد الله جعفر
Post: #13 Title: Re: إليكم رئيس وزراؤكم الجديد -حال رفض andquot;حم� Author: الشيخ سيد أحمد Date: 11-06-2021, 11:37 PM Parent: #12
حياك الله ناصر أمين ياخي اسف جدآ لأنو مداخلتك مفروض ارد عليها من قبل. قلت يا ناصر:
Quote: سلام الشيخ دي تسريبات حايمه في الفيس من الضهر الغرض الناس تنشغل عن فروضها الثورية و تنغمس فيما لا ينفع الثورة و الثوار و جس نبض و بث الفرقة زي تصريحات عبد الرحمن الصادق على انها تمثل حزب الامة لاحداث الانشقاق. الشعب واااااعي اريتو الرهان يوعى لمصير السودان و مكتسباته و مصالح سعبه و التي شطبها ببيان سيكون نقطة سوداء في تاريخ السودان.
*ملاحظ ما جبت ليك سيرة المرشح ولا دققت في اسمه حتى
كويس انو رديت عليك متأخر - عشان اشير ليك لمقترح الحزب الشيوعي وترشيحه لمرشح مستقل لقايدة الحكومة. شفت كيف؟؟ يعني مش براهم الكيزان عندهم رأي -برضو اليسار عندهم رأي - ورأيهم حسب تفسيرك يشتت التركيز على الهدف الذي خرجت بسببه الجماهير. اخا يا ناصر ده تحليلك ليهو شنو؟؟
الأخ عبدالله جعفر شكرآ على محاولة ايراد المعلومة- معنى كدا اننا ح نكتفي بالإجتهادات تسلم
Post: #14 Title: Re: إليكم رئيس وزراؤكم الجديد -حال رفض andquot;حم� Author: Hafiz Bashir Date: 11-07-2021, 00:59 AM Parent: #13
Quote: البروف اوشيك ابو عائشة سيدي، أستاذ جراحة المخ والأعصاب
تصحيح بسيط البروف أبو عائشة سيدي ليس جراحاً بل هو أستاذ طب المخ والأعصاب (neurology) ويتبع لقسم الطب الباطني.
له كامل الإحترام والتقدير لما يقدمه من خدمة للمرضى ولما يقدمه في تعليم وتدريب أطباء السودان. أتمنى أن لا يغامر بإحترامنا له بوضع يده مع العسكر.
Post: #15 Title: Re: إليكم رئيس وزراؤكم الجديد -حال رفض andquot;حم� Author: Nasser Amin Date: 11-07-2021, 01:56 AM Parent: #14
Quote: كويس انو رديت عليك متأخر - عشان اشير ليك لمقترح الحزب الشيوعي وترشيحه لمرشح مستقل لقايدة الحكومة. شفت كيف؟؟ يعني مش براهم الكيزان عندهم رأي -برضو اليسار عندهم رأي - ورأيهم حسب تفسيرك يشتت التركيز على الهدف الذي خرجت بسببه الجماهير. اخا يا ناصر ده تحليلك ليهو شنو؟؟
سلامات الشيخ...و لا يهمك ، و كويس انو الرد اتأخر طبعا تجمع المهنيين غيروا رأيهم 180 درجة و اعتذروا و طلعوا في قنوات فضائية و الكلام اتغير تماما..... المجال فسيح في الفيس المهم الناس دي اتراجعت كليا وقالوا ما كانوا يقصدونه ما بعد البرهان لانه ساقط ساقط باختصار.
عودة للبوست اي سوداني يقبل بمنصب رئيس وزراء في مثل هذه الظروف فهو قد خان الشعب السوداني و ثورته و الشهداء و ح يكون هدف مشروع للثوار من الناحية الاخلاقية و السياسية و الاجتماعية و ح يكون هدف مشروع للانتقاد و العزل و الوصف بالخيانة. ببساطة ح نتبرأ منه و من تمثيله لنا على جماجم الشهداء من يوم 25 اكتوبر و المعتقلين و المختطفين.
المهم البجي يستحمل لمن يسقط هو ومن هم ورائه
Post: #16 Title: Re: إليكم رئيس وزراؤكم الجديد -حال رفض andquot;حم� Author: بهاء بكري Date: 11-07-2021, 07:13 AM Parent: #15
Quote: أعرف دكتور أوشيك شخصيا وهو شخص لا علاقة له بالكيزان أو الفلول أو العساكر ولا أظنه يستجيب للعسكر وسأحاول الاتصال به شخصيا عشان أتأكد
نجياتي عبد الله جعفر
حينما استدعت الجبهة الاسلامية كوادرها من الخارج في بداية التسعينات كان من العائدين بروف ابوعائشة وكان يقيم بالسعودية ,لاادري اذا كان نفس الشخصية ام لا ؟ اذا نفس الشخصية له علاقة بالكيزان
Post: #17 Title: Re: إليكم رئيس وزراؤكم الجديد -حال رفض andquot;حم� Author: عماد قريش Date: 11-07-2021, 08:46 AM Parent: #16
من تقصده البروف حسن ابو عائشة اخصاىى الباطنية والكلى وكان يعمل بالسعودية وحاليا مدير جامعة المغتربين
Post: #18 Title: Re: إليكم رئيس وزراؤكم الجديد -حال رفض andquot;حم� Author: الشيخ سيد أحمد Date: 11-07-2021, 01:47 PM Parent: #17
حافظ يا عزيزي قلت:
Quote: تصحيح بسيط البروف أبو عائشة سيدي ليس جراحاً بل هو أستاذ طب المخ والأعصاب (neurology) ويتبع لقسم الطب الباطني.
له كامل الإحترام والتقدير لما يقدمه من خدمة للمرضى ولما يقدمه في تعليم وتدريب أطباء السودان. أتمنى أن لا يغامر بإحترامنا له بوضع يده مع العسكر
الأخ بهاء بكري قال:
Quote: حينما استدعت الجبهة الاسلامية كوادرها من الخارج في بداية التسعينات كان من العائدين بروف ابوعائشة وكان يقيم بالسعودية ,لاادري اذا كان نفس الشخصية ام لا ؟ اذا نفس الشخصية له علاقة بالكيزان
الأخ عماد قريش قال:
Quote: من تقصده البروف حسن ابو عائشة اخصاىى الباطنية والكلى وكان يعمل بالسعودية وحاليا مدير جامعة المغتربين
هل معني كدا انو في اتنين يحملون نفس الإسم والإثنين أطباء لكن في تخصصين مختلفين؟؟ محتاجين نعرف المعلومة الصحيحة.
Post: #19 Title: Re: إليكم رئيس وزراؤكم الجديد -حال رفض andquot;حم� Author: الشيخ سيد أحمد Date: 11-07-2021, 01:53 PM Parent: #18
https://top4top.io/
هذه صورة الدكتور اوشيك ابوعاشة- جراح المخ والأعصاب.
هل هي الشخصية المقصودة -أم أن هناك شخصية اخرى تحمل نفس الإسم وتعمل في الطب ولكن في تخصص مختلف؟؟
Post: #20 Title: Re: إليكم رئيس وزراؤكم الجديد -حال رفض andquot;حم� Author: Hafiz Bashir Date: 11-07-2021, 09:03 PM Parent: #19
سلام يال الشيخ البروف حسن ابوعائشة والبروف اوشيك ابو عائشة شخصيتين منفصلتين. البروف حسن أبوعائشة طبيب أمراض الكلى كوز معروف عمل بجامعة الخرطوم ومستشفى سوبا الجامعي وفي بداية السبعينيات (أيام نميري) أغترب في السعودية وعاد منها في بداية الألفينات وعمل مديراً لجامعة الرباط لفترة ثم بعدها مدير لجامعة المغتربين. البروف أوشيك ابو عائشة سيدي طبيب أمراض المخ والأعصاب يعمل بكلية الطب جامعة الخرطوم ومستشفى سوبا الجامعي لم يكن كوز في يوم من الأيام. الروف حسن أبوعائشة تخرج في كلية الطب جامعة الخرطوم في نهاية الستينيات. البروف اوشيك ابوعائشة تخرج في بداية الثمانينات. هنالك فارق عمري بينهما.
الإثنين حائزين على زمالة الكلية الملكية البريطانية للطب الباطني وقضوا فترة تدريبهم في بريطانيا.
الإتنين أطباء باطنية وليس فيهم جراح.
Post: #21 Title: Re: إليكم رئيس وزراؤكم الجديد -حال رفض andquot;حم� Author: الشيخ سيد أحمد Date: 11-08-2021, 01:39 PM Parent: #20
حياك الله حافظ
شكرآ للتوضيح. ولكن يبدو ان هناك ثلاثة شخصيات تعمل في مجال الطب وتحمل اسماء متشابهة. لأن الصورة التي اوردتها ل جراح مخ وأعصاب.
Post: #22 Title: Re: إليكم رئيس وزراؤكم الجديد -حال رفض andquot;حم� Author: Hafiz Bashir Date: 11-08-2021, 02:07 PM Parent: #21
سلام يا الشيخ الصورة صورة البروفيسور اوشيك ابوعائشة سيدي إستشاري طب المخ والأعصاب وعضو الكلية الملكية البريطانية للطب الباطني. وهذه صورة أخرى له مأخوذة من الإجتماع التأسيسي للجنة العليا للخبراء المشرفة على تشكيل المجالس الإستشارية بالوزارات و الأجهزة التنفيذية إنعقد ظهر اليوم السبت 10 يوليو 2021 بالأمانة العامة لمجلس الوزراء
Post: #23 Title: Re: إليكم رئيس وزراؤكم الجديد -حال رفض andquot;حم� Author: الشيخ سيد أحمد Date: 11-08-2021, 05:28 PM Parent: #22
