Post: #2
Title: Re: المنافق مناوي
Author: جلالدونا
Date: 10-27-2021, 11:13 PM
Parent: #1
قرأ الصورة صاح
مسألة دحر الانقلاب مسألة وقت بس
فقال احسن يشوف ليهو مخرج
|
Post: #3
Title: Re: المنافق مناوي
Author: ترهاقا
Date: 10-27-2021, 11:23 PM
Parent: #2
ده رد جميل للثوار الجابوهم من أحراش الارتزاق في ليبيا وجنوب السودان
كويس الناس عرفت مين مناوي ومين جبريل، وما أعتقد بعد كده حيقدروا
يمشوا دارفور لأنو حقيقتهم إتكشفت ، حقو الناس تجتهد في إنو يدرجوهم
في قائمة الارهاب
|
Post: #4
Title: Re: المنافق مناوي
Author: اخلاص عبدالرحمن المشرف
Date: 10-28-2021, 02:08 AM
Parent: #3
اهلاً استاذ جلالدونا
هو لو بعرف يقرأ الاحداث كان
وقف مع اعتصام الموز!!
ده تبع الجار الشمالي مرتزق حفتر.
|
Post: #5
Title: Re: المنافق مناوي
Author: اخلاص عبدالرحمن المشرف
Date: 10-28-2021, 02:11 AM
Parent: #4
اهلاً استاذ ترهاقا
جبريل كوز
مناوي مرتزق
وبشهادة الامم المتحدة
وما فعلوه في ليبيا.
القتل من اجل المال ، القتل من
اجل السلطة ، الفهلوة والاستهبال
ده شعارهم.
ضربوا الشباب وقتلوهم .
|
Post: #6
Title: Re: المنافق مناوي
Author: elhilayla
Date: 10-28-2021, 02:17 AM
Parent: #1
السلام عليكم ورحمة الله وبركاته
شكراً الأخت إخلاص
مناوي يستحق الشنق في سوق الله أكبر إذا تم تأكيد الكلام أعلاه.
لا أعتقد أن دكتور حمدوك أخطأ عندما قاد الحملة وأكمل الاتفاق؛ لكن:
الذي ينقض العهد هو من يدفع الثمن؛ ويكون حمدوك في حل من أي ملامة فيما بعد
إبداء حسن النية مهما كانت العواقب يمثل نقطة قوة للحكومة التي يقودها دكتور حمدوك
___
الحليلة
|
Post: #7
Title: Re: المنافق مناوي
Author: اخلاص عبدالرحمن المشرف
Date: 10-28-2021, 02:39 AM
Parent: #6
اهلاً استاذ الحليلة
مناوئ مسنود من الجار الشمالي
ويطمح ليكون حميدتي اخر
مستعد لفعل كل شئ من اجل السلطة.
|
Post: #8
Title: Re: المنافق مناوي
Author: محمد البشرى الخضر
Date: 10-28-2021, 07:11 AM
Parent: #7
| Quote: قواته حاصرت بري وقتلت وضربت |
يا دكتورة الكلام الفي المقتبس و غيره عن تاتشرات في شارع الستين هل في ليه اي اثبات مرئي, فيديوهات او صور مثلا؟ ولا بس ياهو كلام الواتساب دا؟
|
Post: #9
Title: Re: المنافق مناوي
Author: علاء سيداحمد
Date: 10-28-2021, 07:37 AM
Parent: #8
Quote: قواته حاصرت بري وقتلت وضربت
يا دكتورة الكلام الفي المقتبس و غيره عن تاتشرات في شارع الستين هل في ليه اي اثبات مرئي, فيديوهات او صور مثلا؟ ولا بس ياهو كلام الواتساب دا؟ |
بالنسبة للاثبات يا ود البشرى هاك دى تصبيرة من جوه الجك من صفحة ناس برى وبعد الدوام ان شاء الله ح ارفع الفيديو بتاع شارع الستين
Quote: بري أهل واحباب
٢٦ أكتوبر، الساعة ١١:٠٧ م ·
نهاية شارع الستين مع شارع مدني تاتشرات مكتوب عليها حركة تحرير السودان (حركة مناوي) ضمن القوة التي تضم جنود البرهان ومليشيا حميدتي التى اطلقت الرصاص الحي على المواطنين العزل واقعت اصابات بينهم.
#العصيان_المدني_الشامل
#مليونية30اكتوبر
#لاللانقلاب_العسكري
#الردة_مستحيلة |
|
Post: #10
Title: Re: المنافق مناوي
Author: محمد البشرى الخضر
Date: 10-28-2021, 08:03 AM
Parent: #9
اوكي يا علاء في انتظار الفيديو, الكلام المكتوب صراحة ما بثق فيه عمياني كدا
|
Post: #12
Title: Re: المنافق مناوي
Author: اخلاص عبدالرحمن المشرف
Date: 10-28-2021, 08:20 AM
Parent: #10
اهلاً ود البشرى
زي ما قال الاستاذ علاء اضافة لبعض الاهل
الرصاص والدوشكات جنب رويال كير
اطلاق نار كثيف .
ربنا يلطف بس
|
Post: #13
Title: Re: المنافق مناوي
Author: محمد البشرى الخضر
Date: 10-28-2021, 08:34 AM
Parent: #12
Quote: ي ما قال الاستاذ علاء اضافة لبعض الاهل
الرصاص والدوشكات جنب رويال كير
اطلاق نار كثيف . |
القول ساهل يا دكتورة كلنا ممكن نقول ونكتب اي حاجة
عايزين الشوف البقطع قول كل خطيب.
|
Post: #11
Title: Re: المنافق مناوي
Author: Mohamed Suleiman
Date: 10-28-2021, 08:16 AM
Parent: #9
Quote: Quote: بري أهل واحباب
٢٦ أكتوبر، الساعة ١١:٠٧ م ·
نهاية شارع الستين مع شارع مدني تاتشرات مكتوب عليها حركة تحرير السودان (حركة مناوي) ضمن القوة التي تضم جنود البرهان ومليشيا حميدتي التى اطلقت الرصاص الحي على المواطنين العزل واقعت اصابات بينهم.
#العصيان_المدني_الشامل
#مليونية30اكتوبر
#لاللانقلاب_العسكري
#الردة_مستحيلة |
يا دكتورة إخلاص و علاء سيدأحمد
المصداقية هي أقوي سلاح في سبيل إقناع الآخرين لكسب قضيتك.
دي من خبرة طويلة كناشط في قضية دارفور في أمريكا.
إنتو في الأول أعرفوا الحركات المسلحة الدارفورية ..
ديل ما بيكتبوا في عرباتم او بياناتم: حىكة تحرير السودان جناح مناوي .. او جناح عبدالواحد.. كذلك حركة العدل و المساواة .. لا تجدها منسوبة في لقائدها بالإسم
نسبة هذه الحركات لقادتها هي من الإعلام للتفريق بين هذه الحركات بنسبتها لقادتها ..
فا شنو ... من حيث لا تدرون ... أنتم تضرون مصداقيتكم
|
Post: #14
Title: Re: المنافق مناوي
Author: اخلاص عبدالرحمن المشرف
Date: 10-28-2021, 08:36 AM
Parent: #11
اهلاً باشمهندس
معلوم ان مناوئ انشق من حركة
عبدالواحد ، يا باشمهندس
جماعة مناوئ ما داسينها .
وال لضربوا الناس ما اشباح.
الحركات المسلحة عليها الانضباط
واتفاق جوبا لا يعطيها حق التواجد
داخل المدن ، هي من فقدت المصداقية
بتواجدها داخل المدن وتهديد قادتها للمدنيين
|
Post: #15
Title: Re: المنافق مناوي
Author: محمد نجيب عبدا لرحيم
Date: 10-28-2021, 08:51 AM
Parent: #1
Quote: قواته حاصرت بري وقتلت وضربت
والان اصدر بيان .
النفاق في اعلي درجاته |
كيفك أخلاص
هذا المناوي عدو الثورة وعدو الوطن
من نفايات النظام المباد إن شاء الله إلى نفايات التاريخ
تحياتي
|
Post: #16
Title: Re: المنافق مناوي
Author: اخلاص عبدالرحمن المشرف
Date: 10-28-2021, 08:56 AM
Parent: #15
اهلاً استاذ نجيب
مناوئ انحاز ضد الشعب
وساند انقلاب عسكري ضد سلطة
مدنية ، ده اكبر خطأ .
لا يقف ثوري حقيقي في خندق الانقلاب
|
Post: #17
Title: Re: المنافق مناوي
Author: علاء سيداحمد
Date: 10-28-2021, 03:39 PM
Parent: #16
ثم بعد ان تاكثر الثوار طردوهم من برى
|
Post: #18
Title: Re: المنافق مناوي
Author: علاء سيداحمد
Date: 10-28-2021, 03:42 PM
Parent: #17
Quote: يا دكتورة إخلاص و علاء سيدأحمد
المصداقية هي أقوي سلاح في سبيل إقناع الآخرين لكسب قضيتك.
دي من خبرة طويلة كناشط في قضية دارفور في أمريكا. |
تحياتى محمد سليمان
بالتأكيد المصداقية مهمة جداً وانا اثق واصدق الاخوة فى صفحة برى اهل واحباب وانا اصلاً اسكن فى امتداد ناصر
وناس برى اغلبهم اصدقاء ومصداقيتهم عاليه عندى .
|
Post: #19
Title: Re: المنافق مناوي
Author: محمد البشرى الخضر
Date: 10-28-2021, 03:46 PM
Parent: #18
يا علاء وين الدليل في الفيديوهات دي انو عربات و الجنود الظاهرين في الفيديو تابعين لحركة مناوي؟
اوعى تقول لي صفحة بري كتبت كدا!
|
Post: #20
Title: Re: المنافق مناوي
Author: علاء سيداحمد
Date: 10-28-2021, 03:53 PM
Parent: #19
| Quote: يا علاء وين الدليل في الفيديوهات دي انو عربات و الجنود الظاهرين في الفيديو تابعين لحركة مناوي؟ |
عربات وجنود مناوى من ضمن العربات والجنود الذين شاركوا مع الاجهزة الامنية الاخرى .
|
Post: #21
Title: Re: المنافق مناوي
Author: محمد البشرى الخضر
Date: 10-28-2021, 03:55 PM
Parent: #20
ممكن لو سمحت تعمل سكرين شوط على اللقطة الفيها بتظهر عربية تابعة لحركة مناوي و ترفعها هنا او تقول لي في الثانية كم
وطبعا عارف السؤال البعده: عرفتها كيف؟
|
Post: #22
Title: Re: المنافق مناوي
Author: اخلاص عبدالرحمن المشرف
Date: 10-28-2021, 04:04 PM
Parent: #21
برضو مونتي كاروو ذكرت تمازج الجبهة الثالثة
اشتركت.
يا ود البشرى وجود القوات دي كلها خطأ
وسلام جوبا اداهم بس يدخلوا الحراسات
الشخصية.
|
Post: #24
Title: Re: المنافق مناوي
Author: محمد البشرى الخضر
Date: 10-28-2021, 04:06 PM
Parent: #22
وجود القوات خطأ دا موضوع و مشاركتهم في القمع او في اي مهام رسمية في الخرطوم أمر آخر مختلف تماما
وقصة فلان ذكر و فلان كتب دي بدون دليل لا تكفي لتصديقها يا دكتورة ناهيك عن ترويجها كمان
بالمناسبة الموقف الرسمي لحركة مناوي حسب بيان صادر منها رفضهم للانقلاب!
|
Post: #23
Title: Re: المنافق مناوي
Author: Mahjob Abdalla
Date: 10-28-2021, 04:04 PM
Parent: #21
البلد مرشوشة جازولين و عايزة ليها عود كبريت.
مسئوليتنا في سودانيز لابد ان يكون بالحجم العائلى. قد يكونو جنودا ينتمون الي حركة مسلحة و لكن For the benefit of doubt اعتبروهم من ضمن المجموعة الامنية لا فرق بين هذا و ذاك, فالتقسيم الان واضح بين مؤيد للانقلاب و ضده.
|
Post: #25
Title: Re: المنافق مناوي
Author: اخلاص عبدالرحمن المشرف
Date: 10-28-2021, 04:11 PM
Parent: #23
وعشان كده قلت منافق
في خطاب له ايام اعتصام القصر ذكر في
انه لن يذهب لدارفور والسبب انه لن يتغشي
والحسم في الخرطوم.
خطاب مناوي رد ، لم يبادر
|
Post: #27
Title: Re: المنافق مناوي
Author: اخلاص عبدالرحمن المشرف
Date: 10-28-2021, 04:15 PM
Parent: #25
محجوبنا الحكيم
الناس بتحاول ، كل ما سلط الضوء علي
التجاوزات قلت في المستقبل.
البلد مرشوشة جاز ، والحاكمين حُمق
رجل الدولة الوحيد يكاد يكون حمدوك
|
Post: #26
Title: Re: المنافق مناوي
Author: علاء سيداحمد
Date: 10-28-2021, 04:14 PM
Parent: #23
| Quote: بالمناسبة الموقف الرسمي لحركة مناوي حسب بيان صادر منها رفضهم للانقلاب! |
ياريت يا ود البشرى لو رفدت البوست ببيانهم الرافض للانقلاب .
|
Post: #28
Title: Re: المنافق مناوي
Author: محمد البشرى الخضر
Date: 10-28-2021, 04:57 PM
Parent: #26
Quote: حركة / جيش تحرير السودان
٢٦ أكتوبر، الساعة ٤:١٢ م ·
*الحرية_الوحدة_السلام_الديمقراطية*
حركة/جيش تحرير السودان
نجدد دعوتنا لتوسيع قاعدة المشاركة و نطالب بإطلاق سراح جميع المعتقلين علي رأسهم الدكتور عبدالله حمدوك.
بيان
ظلت حركة/جيش تحرير السودان تتابع تطورات الأوضاع السياسية المتسارعة في البلاد منذا صبيحة يوم امس الاثنين الموافق 25 أكتوبر 2021 بصدور بيان من رئيس مجلس السيادة الانتقالي، و نحن في حركة/جيش تحرير السودان لقد قاومنا نظام الإنقاذ الدكتاتوري عشرون عاما من أجل إقامة الدولة المدنية المقامة بناء علي اساس المواطنة المتساوية التي قدمت فيها الحركة الأرتال و القوافل من الشهداء قافلة تلو الاخرى، حيث توجت هذه التضحيات و النضالات بثورة ديسمبر المجيدة من أجل الدولة المدنية و التحول الديمقراطى الحقيقي، و هذه هي الأهداف السياسية المضمنة في مشروع التحرير العريض.
و إزاء هذه الأحداث الاحداث التي تمت تؤكد الحركة الآتي :-
* ان الواقع الذي فرض نفسه بهذا الشكل هو نتيجة لتعنت رفاقنا في مجموعة المجلس المركزي لقوي الحرية والتغيير و ذلك بسبب رفضهم للحوار الجاد و تعاملهم بشكل طفولي مع قضايا الوطن المعقدة بصورة لا يمت بالمسؤولية بصلة.
*تؤكد الحركة تمسكها الكامل بعملية التحول الديمقراطى و الوثيقة الدستورية، و اتفاق جوبا للسلام السودان و ندعو لضرورة إعادة الحياة الدستورية في البلاد.
*ندين و نشجب إعتقال رفاقنا في قوي الحرية والتغيير في الطرف الآخر (مجموعة المجلس المركزي) و نطالب بإطلاق سراحهم فورًا و فك إحتجاز رئيس الوزراء الإنتقالي الدكتور عبدالله حمدوك.
*نجدد دعوتنا لكل الأطراف بضرورة ضبط النفس و الحوار الجاد في سبيل إنتشال البلاد من حالة الاحتقان السياسي الراهن الي التفكير البناء لإيجاد مخرج آمن لبلادنا من هذا الوضع المزري في النفخ المظلم.
*نؤكد مطالبتنا بضرورة الإسراع في تشكيل حكومة كفاءات وطنية مستقلة لا حزبية من أجل تنفيذ برامج الفترة الانتقالية عبر الالتزام بالوثيقة الدستورية و اتفاق سلام جوبا.
*ونجدد موقفنا الثابت لكل قوي الثورة بضرورة العودة إلى منصة التأسيس لإقامة حوار وطني بناء لا يقصي أحد من أطراف الثورة من أجل المشاركة الفاعلة في اتخاذ القرار السياسي، و إنجاز تطلعات الشعب السوداني و اكمال هياكل السلطة الانتقالية، و إقامة المؤتمر الدستوري و الاحصاء السكاني لإقامة انتخابات حرة ونزيهة في نهاية الفترة الانتقالية المتفق عليها في الوثيقة الدستورية بعد عملية المؤاومة و ذلك بوضع مصفوفة زمنية واضحة تلتزم بها كل أطراف الحوار.
المجد والخلود لشهداءنا الابرار
و عاجل الشفاء للجرحي
محمد حسن هارون
الأمين الإعلامي للحركة |
|
Post: #29
Title: Re: المنافق مناوي
Author: اخلاص عبدالرحمن المشرف
Date: 10-28-2021, 05:09 PM
Parent: #28
منشور بري في يوم 26
الساعة ما واضحة
سمعت البيان بعد المنشور بس ما عندي دليل
ده ال بقدر اقوله وده السبب لكتابة البوست
|
Post: #30
Title: Re: المنافق مناوي
Author: محمد البشرى الخضر
Date: 10-28-2021, 05:34 PM
Parent: #29
نعم مافي دليل يا دكتورة لانو ما في حاجة زي دي اساسا! التعليق المكتوب او المسموع لا يعني انه صادق او لنقل دقيق دائما, الفيديوهات الجابها علاء لا يفهم منها ان هؤلاء تابعين للحركات سوى من تعليق مكتوب لا احد يدري نية او مدى اعتمادية كاتبه!
و المصيبة زي ما حاول ينبه محجوب انو تعليقات زي دي ممكن تقود لفتنة أخطر و تنسف سلام اتى بشق النفس!
|
Post: #31
Title: Re: المنافق مناوي
Author: اخلاص عبدالرحمن المشرف
Date: 10-28-2021, 05:58 PM
Parent: #30
في ناس انضربت يا ود البشرى ، بالنسبة للاهل
كانو في السطوح والرصاص مدور ، حبو .
في تمازج حسب موني كاروو ، في منشور
ما في زول ساعي لفتنة ، في قوات
لمناوئي وجزء منها هدد.
|
Post: #32
Title: Re: المنافق مناوي
Author: اخلاص عبدالرحمن المشرف
Date: 10-28-2021, 06:02 PM
Parent: #31
السلام مشوه ، ما لم تدمج المليشيات
في الجيش وهيكلته يظل المدنيين تحت
رحمة الملايش ، كل المليشيات خطر علي
السلام وعلي المدنيين ، ده سلام هش
ما لم يكون السلاح لدي قوة واحدة
|
Post: #33
Title: Re: المنافق مناوي
Author: محمد البشرى الخضر
Date: 10-28-2021, 06:11 PM
Parent: #32
الفتنة ما شرط تكوني ساعية ليها لكن بترويج اكاذيب بدون دليل فقط انوفلان قال و علان كتب بتخدميها بلا قصد
بالنسبة لقيمة السلام بي تشوهاته الح تتعالج لا قدام قيمته ما هنا عند مدنيي الخرطوم الخايفين من احتمال حدوث اشتباكات و عنف من المسلحين, قيمته هناك عند الفعلا عاشو العنف دا معايشة حقيقية ما سمع اضان ولا قراية من الفيس
|
Post: #34
Title: Re: المنافق مناوي
Author: اخلاص عبدالرحمن المشرف
Date: 10-28-2021, 06:46 PM
Parent: #33
كيفن يعني ناس الخرطوم ما عانو
هو لو ما في اعلام ( للاسف لم يكن هناك واتساب
حتي لوبنلفح منه ايام دارفور وشكراً لكل من وثق
و فضح ما حدث في دارفور ) كان الاعداد بمئات الالوف.
|
|