حمدوك يحذر من استخدام العنف ضد المحتجين في السودان

سلام يا أبو حميد
حمدوكنا ودايرنوا كدا. ما علي كيفنا؟

ياخي كل زول عندو دورو بيقوم بيهو في الثورة دي.
يا هو ديل أنا وإنت ما عندنا الحبة غير كيبورداتنا دي.
وفي واحدين هسه في اللحظة دي ساكاهم تاتشر الدعم السريع بالعصي والسيطان والدوشكا والجبخانة.
حمدوك ليس إستثناء طالما متمسك بطريق الثورة وطالما منحاز للجماهير ولخير البلد.

أنا وانت ما قياديين ولا في يدنا قرار، مجرد يد بتساعد بالنشر
لكن حمدوك رئيس وزراء الرجل رقم واحد في البلاد، مطلوب منه موقف واضح يدعم بيه حكومته
معقولة لحدي هسة ربنا ما فتح عليه بكلمة؟ ولا تصريح!!
شوف وزيرة الخارجية والسفراء الاتخذوا مواقف وطنية برفض الانقلاب وإدانته
حمدوك بكتلة ضله وسكوته الحالي دة ما بنقدر نفهم إلا إنه ما عاوز يبقى رئيس وزراء للحكومة الجديدة زي ما رفض وزارة المالية في زمن البشير
لكن موقف سلبي شديد من قيادة دولة قصاد وزراء مسجونين وثوار بموتوا في الشوارع هو مسؤول عنهم

سلام أحمد محمد عمر وحافظ بشير

كلامك سمح تب يا حافظ

Quote: ياخي كل زول عندو دورو بيقوم بيهو في الثورة دي. يا هو ديل أنا وإنت ما عندنا الحبة غير كيبورداتنا دي. وفي واحدين هسه في اللحظة دي ساكاهم تاتشر الدعم السريع بالعصي والسيطان والدوشكا والجبخانة. حمدوك ليس إستثناء طالما متمسك بطريق الثورة وطالما منحاز للجماهير ولخير البلد.

افففففففففففف
شى مقرف

سلامات احمد

Quote: أنا وانت ما قياديين ولا في يدنا قرار، مجرد يد بتساعد بالنشر لكن حمدوك رئيس وزراء الرجل رقم واحد في البلاد، مطلوب منه موقف واضح يدعم بيه حكومته معقولة لحدي هسة ربنا ما فتح عليه بكلمة؟ ولا تصريح!! شوف وزيرة الخارجية والسفراء الاتخذوا مواقف وطنية برفض الانقلاب وإدانته حمدوك بكتلة ضله وسكوته الحالي دة ما بنقدر نفهم إلا إنه ما عاوز يبقى رئيس وزراء للحكومة الجديدة زي ما رفض وزارة المالية في زمن البشير لكن موقف سلبي شديد من قيادة دولة قصاد وزراء مسجونين وثوار بموتوا في الشوارع هو مسؤول عنهم

يصرَح كيف وهو معتقل و ممنوع من الاتصال بوسائل الاعلام

بعدين حمدوك في آخر خطاب له كان واضح قال انو في معسكرين

معسكر الانتقال و معسكر الانقلاب و هو اختار معسكر الانتقال

* الانقلابيين لمن قنعوا منه جابو الانتهازي و المزور دا





...
..
.

كدة حافظ بشير حيقيف معاي

حبيبنا احمد تحياتي
بدون المؤسس حمدوك يبدو أننا لن نتقدم خطوة
حمدوك اصبح رمزية لدى كل العالم ( اوروبا ، امريكا ، الاتحاد الافريقي )
لولا رمزية حمدوك البرهان لم يكن يتنازل
يبدو أنه سوف يشترط عدم اشراك المعتقلين في الحكومة
ويسلم الأمر لحمدوك ..
اساساً برهان ليس له هدف واضح فقط انتقام شخصي
ممن هاجمهوه في المنابر خاصة وزير الصناعة

تحياتي الحبيب احمد

سلامات ناصر
حمدوك موجود في منزله وزاروهو مجموعة من الصحفيين ومدير مكتبه متواصل معاهو وعمل اتصال هاتفي بوزير الخارجية الأمريكي
أدلى للصحفيين بتصريحات حول صحته وكان موجود وين ومنو الوصلو البيت، لكن ما قال أي حاجة بخصوص الإنقلاب ولا المسجونين ولا الناس البتموت في الشوارع كل يوم
بعدين منو البمنعه من التصريح وهو رئيس الوزراء الشرعي؟ لو بقى مقتنع بحكومة الإنقلاب ويأتمر بأمرها يبقى ما يستاهل منصبه دة

عمنا علي
المجتمع الدولي ممكن تعتبره عامل مساعد لكن ما محرك رئيسي للأحداث
عمر البشير محارب ومحاصر من المجتمع الدولي 30 سنة في النهاية ما شالوهو إلا ثوار الشوارع
البرهان أكتر واحد اهدافه واضحة، عاوز سلطة مطلقة زي نميري، يمشي البلد بمزاجه بدون ما زول يسأله

بالمناسبة يا ناصر كامل ادريس انتحر سياسياً
حيستلمها ثم يكتشف إنه ما مقبول إلا من العساكر لا العالم برة بقبله ولا الشارع

قالوا ليكم حمدوك سليم وما عندو أي مشكلة
لكن بس ما بعرف يقول كلام قوي زي التحت دة

سلامات احمد
اولا صورة حمدوك مع الصحفي عطاف محمد
اظن هي قديمة و ما قابل اي شخص لا صحفي و لا غيره
الانقلابيين خبثاء و عايزين يعملوا شرخ.
*في بوست عطاف محمد الناس سألته هل صورة حديثة
أم ارشيفية و لم يرد.

اي شخص قال قابل حمدوك كضاااااب و خاصة الصحفيين
دا و اضح اغتيال شخصية الرجل.

ممكن ما واقع ليك ، بس ح تكتشف انو حيثيات البوست
ما صحيحة .

لو في أدلة غير الصورة مع عطاف محمد أو غير الموثوقين
ارجو ايرادها

Ataf Mohamed حسابه في الفيس

*غايتو رجاء غير العنوان الناس امامها معركة
والبوست يصب في مصلحة الجنجويد و اصحاب
(المشروع) مني و جبريل والارازلة.

أها غالط الحكومة كمان

Quote: بيان من مكتب الناطق الرسمي بإسم حكومة السودان ما يزال الانقلابيون منذ إعلانهم السعي في تقويض السلطة المدنية قبل ثلاثة أيام، يمارسون أفظع الانتهاكات بحق الثوار السودانيين ويرتكبون انتهاكات ترقى لمستوى جرائم الحرب، والجرائم ضد الإنسانية، إذ تتم محاصرة الأحياء والشوارع بالسيارات المدرعة، والجنود المدججين بالبنادق، وتُسحل النساء، ويعتقل الأطفال ويُرمى الثوار السلميون بالرصاص الحي، ما أدى إلى سقوط عدد من الشهداء وعشرات الجرحى. وفي واحدة من أخطر جرائم حقوق الإنسان، عمد الانقلابيون لعزل السودان دوليًا بإغلاق المطارات وخدمات النقل الجوي، كما فرضوا حصارًا معلوماتيًا متعمد بحجبهم لخدمات الاتصالات وخدمة الإنترنت عن جميع أفراد الشعب السوداني، بهدف التغطية على الجرائم والفظائع التي يقومون بارتكابها كل ساعة ضد الثوار في شوارع مدن وقرى السودان. إن عودة خدمة الإنترنت مساء أمس لساعات قليلة، كشف عن جزءٍ ضئيلٍ فقط من هذه الجرائم التي شملت: ضرب الثوار السلميين بالرصاص، وأعقاب البنادق والهِراوات، وممارسة أقصى درجات العسف في الشوارع ضد المارة، وطرد الطالبات في جنح الظلام من مساكنهن الجامعية ورميهن في الطرقات، وانتهاك حرمات البيوت. إننا نحيي صمود جماهير الشعب في كل مدن وقرى السودان والتي انخرطت بكاملها في عصيان مدني شامل ضد الانقلاب، كما نحيي مواكب السودانيين التي انتظمت في العديد من دول العالم لمناصرة نضال شعبهم في رد الانقلاب، واستعادة المسار المدني المفضي للديمقراطية. ونثمن المواقف القوية التي أعلنها سفراء السودان في الخارج برفضهم الانقلاب والوقوف خلف ثورة شعبهم وفي قيادتها. إن المحاولات المتكررة التي يقوم بها الانقلابيون لإيهام الراي العام العالمي والمحلي، بأن رئيس الوزراء د. عبد الله حمدوك، يتمتع بكامل حريته، مجرد خدع وادعاءات لشراء الوقت من أجل ترتيب أوضاعهم المرتبكة بضغط الشعب والمجتمع الدولي، حيث نؤكد أن دولة رئيس الوزراء، لم يتمكن من التواصل ولقاء حاضنته السياسية، أو مخاطبة شعبة، أو التواصل مع وسائل الإعلام، وقوى الثورة الحية أو التواصل مع المجتمع الدولي، بعد تقييد حركته بالكامل. إن الحكومة الانتقالية إذ تناشد المجتمع الدولي للنظر في أمر الانتهاكات التي ترتكب ضد الثوار السلميين في بلادنا وضد حقوقهم في التعبير عن حريتهم، ترحب في ذات الوقت بشدّة بإعلان الاتحاد الأفريقي تعليق عضوية السودان، وحجب مشاركته في كافة أنشطته إلى حين استعادة السلطة المدنية، كما نحيي جميع المواقف الرافضة للانقلاب والبيانات القوية الواضحة، والمواقف المطالبة بالعودة الفورية لحكومة بقيادة مدنية، وعلى رأسها موقف بعثة الاتحاد الأوربي في الخرطوم، وسفارات كل من: فرنسا وألمانيا وإيطاليا وهولندا والنرويج وإسبانيا والسويد وسويسرا والمملكة المتحدة والولايات المتحدة، الذي أعلن اعترافه برئيس الوزراء وحكومته كقادة دستوريين للحكومة الانتقالية، ودعا إلى الإفراج الفوري عن جميع المعتقلين سياسيا دون تأخير، وأكد على أهمية احترام الحق الأساسي في التظاهر لجميع المواطنين السودانيين ووقف العنف ضدهم. كما نقدر كذلك مواقف الأمم المتحدة، ودول الترويكا، والولايات المتحدة الأمريكية والمملكة العربية السعودية بإدانتهما ورفضهما للانقلاب، ومواقف المملكة المتحدة والنرويج، ومواقفها الواضحة والقوية في اجتماع مجلس الأمن، فضلًا عن مواقف كل من: فرنسا، ألمانيا، إستونيا، إيطاليا، هولندا، إسبانيا، السويد، سويسرا. الأمر الذي يعكس إدراك الجميع لخطورة الانقلاب وتأثيره السالب المباشر على استقرار وأمن المنطقة. إننا ندعو جماهير شعبنا للتمسك بوحدتهم، وتأمين ثورتهم وثوارها الأبطال ضد الاعتقالات، وعبر الالتزام بالسلمية التي انتصرت عبرها الثورة، وتجنُّب الاحتكاك المباشر، مع القتلة، ونؤكد أنه لا سبيل للانقلابين سوى الإذعان لصوت الشعب، وإطلاق سراح جميع المعتقلين والتسليم الفوري للسلطة. مكتب الناطق الرسمي باسم الحكومة السودانية 27 أكتوبر 2021

من اغرب ما كتب

رفضه لاملاءات الجنجويد و ابرهة رب الفور
هو اعلي درجات الوطنية.

في قبضة الجنجويد وابرهة المدججين
بالسلاح لاذ بوطنيته وكبرياءه وانتصر لشعبه.

يا ناصر أنا استندت على منشور منعم سليمان وختيت فيه احتمال الكذب في البوست التاني
واستندت على خبر المكالمة الهاتفية اللي جمعت وزير الخارجية الأمريكي مع حمدوك ودي صعب أشك فيها
واستندت على بيانات مكتب حمدوك ومكتب خالد سلك اللي أشاروا لعودة حمدوك إلى منزله بدون الإشارة لاعتقال تحفظي أو منع تواصل

إذا ثبت فعلاً إنه مسجون جوة بيته طوالي نطالب بكري بسحب البوست مع كلمة (أنا غلطاااان) كبييييرة
أسهل حاجة عندي الاعتراف بالخطأ .. اصلو ما قاعد أخاف منه ولا بعتبره منقصة في حقي

يا استاذ احمد محمد زول معتقل
وممنوع من ممارسة ابسط حفوقه
وممنوع من الذهاب الي مقر عمله
في فهمك ده يملك حريته؟!!!!

الان، خالد سلك والفكي في سكرات الموت في المستشفي العسكري، من فرط التعذيب، او انتا بتقول زي كلامك ده؟
لكل مقام مقال!!
ده وكت كلام زي ده!!!

يا احمد تعال من الاخير عايز تقول شنو ما تلف وتدور في الفاضي

Quote: في فهمك ده يملك حريته

مكتوبة كدة في بيان مكتب وزير مجلس شؤون الوزراء ( بصحة وأمان في مقر إقامته حراً )

انت فهمك شنو؟

احمد سلام
زار قبل قليل رئيس الوزراء ،سفراء كل من امريكا ، المانيا
بريطانيا و فرنسا
عواجل في كل القنوات وعن مصدر مقرب:
*ان اي تراجع عن المسار الديمقراطي يهدد
امن و استقرار السودان و تطوره.
* حمدوك يؤكد التزامه بأهداف الثورة و التحول
الديمقراطي المدني.
* حمدوك حذر من استخدام العنف ضد المحتجين
السودانيين.

اها بعد حمدوك وجد من ينقل عنه عايزو يقلع
فنيلتو و يقيف في ترس

عاوزه يعمل القلتو فوق دة بس

Quote: عاوزه يعمل القلتو فوق دة بس

حليل أبوي
هو وينو القلتو الفوق؟

بلعك كِتِر اليوم ديل.

"There comes a time when silence is betrayal."
MLK

شكرا
Up

ود البشرى بطل حركات😀
ابو حميد فردة و شجاع
قبل يومين انا كتبت بوست عن فليتمان
ود البشرى جاب فيديو و من غير تعليق
و عرفت انو انا غلطان و لم اتردد ،حتي محل
المسح بينت سوء تقديري و عادي كلنا
نخطئ و الا كنا انبياء و حتى هم يخطئون
الشجاعة في التصحيح مش في الخطأ.
نأمل الانقلابيين يعرفوا الكلام دا
و الا رجعنا سنوات للخلف

ضعف حمدوك أصله ما شايلني فيه شك
بل بعتبر إنه دة سبب الحاصل الآن دة
بدءً من تسمية حميدتي النائب الأول وأصلاً مافي وظيفة زي دي، بس كونه المكون المدني بقيادة حمدوك يمشي الموضوع دة ويسمح لحميدتي بإنه يقلع منصب زي ما قلع رتب جيش دي براها ضعف وأهو شايفين قدامنا نتيجة التغول على الوظيفة دي إنه بقى مركب مكنة رئيس جمهورية في حين إنه عضو شرفي في مجلس سيادي زيه وزي العشرة المعاهو

لسة بالنسبة لي منشور منعم مشكلة ! هل فعلاً لاقاهو وبس دي التصريحات القالها؟ أنا كويس وخلاص! يا إما هو ما قال يا إما منعم خواف
برضو اتضح إنه متواصل مع العالم الخارجي عادي وممكن يصرح وتصريحاته تطلع

في النهاية بغض النظر عن رأيي في حمدوك نتمناه بخير ونتمنى الغمة دي تنجلي بقوة الشارع ما بالموازنات السياسية، يعني يتسجنوا الانقلابيين ويتحاكموا ويتشال الجيش من المشهد السياسي تماماً، لأنه الموازنات ممكن ترجعهم تاني للشراكة واعتبار الحاصل دة مجرد سوء تقدير وحدث ما حدث

ما ندمان على البوست وما طلبت من بكري سحبه، استندت على وقائع مثبتة في رأيي الأول، ووقائع مثبتة جديدة في نفيه

Quote: لكن حمدوك رئيس وزراء الرجل رقم واحد في البلاد، مطلوب منه موقف واضح يدعم بيه حكومته معقولة لحدي هسة ربنا ما فتح عليه بكلمة؟ ولا تصريح!!

يا أبو حميد فخامة رئيس الوزراء حمدوك
لو عمل بجنس كلامك دا صدقني حماس الثوار دا ح
يغلى لمن يتدفق ولك أن تتخيل ما يمكن أن يحدث لهم
في ظل وجود مليشيات وسفاكين لا يعرفون غير القتل
لا حل ولا لغة .. حمدوك من وجهة نظري يتحسب ويخشى
المزيد من الدماء ويحاول بقدر الامكان أن لا يزج بالثوار
في المهالك تطلعا للخروج منتصرا من معركة الخير والشر بأقل
الخسائر ودا بالضبط القاعد يعمل فيهو طوال الفترة
الماضية وصرح بيهو عديل .
حمدوك قائد حكيم وليس عاطفيا يا أحمد محمد عمر
أهدأ ياخ .

أصلاً الثوار في الشارع وبموتوا كل يوم يا طلحة
والحيكومة الضاقت دمك عينها محل قبلت قبالك

ما بيناتنا يا ناصر, أحدهم زولنا برضو إلّا بس لا يخلو من حبة شتارة :)

المهم, يا أحمد خلينا نثبت حاجة, الشارع اتجاوز حمدوك زاته, لو طلع اليوم وفال ما في انقلاب و الامور طيبة ما في زول في الشارع بشتغل بيه
الانقلابيين كانوا مراهنين على كلمة زي دي منه في الساعات الاولى للانقلاب, و يقيني انه تأخير البيان كان بهذا الغرض و حتى مسألة اعتقال زوجته معه - لاحظ الوحيد من كل المعتقلين - ليها دلالات في الضغوط الاتعرض ليها!
صموده في الساعات الحاسمة دي يكفيه!
بالنسبة لضعفه انت ما ممكن تلومه وهو جا لقى الوضع كدا, وثيقة مجوبكة و غير حاسمة وحاضنة متشاكسة في رقبتها, اول ضعف ليها كان فشلها في فرض رئيس القضاء على العساكر, فا اضطر حمدوك و بقية اعضاء مجلس السيادة اداء القسم أمام رئيس قضاء البشير!
و في مرحلة لاحقة رفض ليهم مرشحيهم!
ورغم كدا فعل حمدوك ما في وسعه و بعرف متين وكيف يصرح وياخذ مواقف قوية, آخرها انحيازه السافر للتحول الديمقراطي و رفضه لحل الحكومة رغم قناعتي الشخصية انه هو نفسه يريد توسيع المشاركة و ظهر الكلام دا في مبادرته! لكنه رفض ان يأتي الحل على طريقة البرهان فا اضطراه و حميدتي ان يدخلوا في الورطة دي, ودا لو قريته صاح اقوى موقف ليه, تخيل لو العكس!
موضوع حميدتي نائب رئيس دي لوم فيه اعضاء السيادي المدنيين الاغلبية في المجلس كيف سكتوا عليها من أول لحظة؟
المهم يا زول شيل أحييييييا دي من سكات ختها جمب بلعة العلم و اهتف معي أن : #شكرا_حمودك

Quote: بس كونه المكون المدني بقيادة حمدوك يمشي الموضوع دة ويسمح لحميدتي بإنه يقلع منصب زي ما قلع رتب جيش دي براها ضعف

كدي بلعني زي ما بلعت بوستك دا فهم انه حمدوك هو قائد المكون المدني ..!


وبتعني شنو بالمكون المدني الذي يسمح او لايسمح بتولية حميدتي!

لا لا والله رغم إنه حلقومي وااااااسع وبلعت العلم لكن هنا مافي بلع
أديك دليل على ضعف حمدوك
موضوع وزارة التربية
هل يعقل وزارة تقعد بدون وزير لفترة سنة؟!!
إذا حمدوك ما عندو خيار وزير ليه ما قعد مع بروفيسور التوم عشان يحل الاشكال ويرفض استقالته؟
قد ما تكون مطلع على الربكة وكمية التخبط الحاصل في الوزارة لكن أنا مطلع
في موضوع وزارة التربية دة لم يكن حصيف اطلاقاً ولا عرف متين يصرح ولا عرف كيف يعالج الأخطاء بل ما عالج أي حاجة وسابها كدة تجي زي ما تجي
حمدوك ما فاسد ولا منحاز ولا عندو أطماع ولا خواف
أنا بقول عليه ضعيف عشان ما بدخل المعارك المفروض يدخلها وبتأنى زيادة عن اللازم لكن عمره ما خاف من العسكر، ومسألة عدم استجابته ليهم دي أصلو ما أدهشتني ولا كان عندي شك في صلابته وصموده
بس برضو عمره ما استجاب للشعب في وقت النداء
دايماً ممهول مهلة تزهج

بالنسبة لي في البوست دة كونه منعم سليمان ما ينقل رسالة من حمدوك للشعب السوداني تدين الحاصل دي كارثة كبيرة لأنه دي ما حاجة بتمهلوا فيها. كونه يكتفي بس بتطمين الشعب عليه وخلاص حاجة تزعل صراحة
الناس الكانت بتقول ممنوعة عنه الاتصالات والتصريحات كلامها ما دقيق لأنه قرينا عن اتصاله بالخارجية الأمريكية، وأهو ظهر مساء الأمس اتصاله بباقي السفراء
تأخر تصريحاته دي حتى لو لمدة يوم واحد توتّر وتدي احساس بالبرود تجاه الشارع
الآن وقد ظهرت التصريحات دي بنعذره إلى حين ظهوره الكامل على وسائل الإعلام ومعرفة التفاصيل

يوصفه بالصلابة والصمود ثم يتهمه بالضعف .. فتأمل !

موضوع وزارة التربية دا يا ابو حميد ما تلوم فيه حمدوك ابدا, حسب المحاصصات وقع لمسار الشرق, و لمرشح ليه كان اسامة سعيد انت عارف طبعا المشاكل و الحديث عن تجميد المسار بعد رفض ناس الشرق ليه دا الادى لتأخير تعيينه كوزير تربية
حمدوك اي نعم رئيس وزراء لكنه ملزم بوثيقة تقول يتم ترشيح الوزراء من الحرية و التغيير ثم من شركاء السلام بعد تعديلها!
واحد من اسباب هياج الشرق مؤخرا حسب كلام ترك نفسه انه ظهرت ارهاصات بتنفيذ اتفاق الشرق و تعيين بعض منسوبيه في مناصب بما فيها وزارة التربية!

يا محمد مهما كان الحاصل انت كرئيس وزراء تقبل بوزارة بدون وزير لمدة سنة كيف؟
محمد الأمين التوم أصلاً ما كان عليه أي خلاف بل يكاد يكون الوزير الوحيد المرضي عنه من كل الأطراف
قدم استقالته بعد تدخل حمدوك في شغله تدخل صارخ بإنه كون لجنة ما معروف فيها ولا زول وأفتى في أمور وزارته وما رفع ليه التوصيات ولا دخله في الموضوع وأدار شأن داخلي بالتهميش الكامل للوزير
الكلام دة كلو كان ممكن يتفاداه لو امتلك الحصافة والحد الأدنى من احترام الوزراء، لو اجتمع ببروفيسور التوم وحددوا سواء المطلوب
حتى بعد استقالته كان ببساطة ممكن يستدعيهو في اجتماع نص ساعة ويشرح ليه الحيثيات ويسترضيه ويخليه وزير في مكانه لحدي ما ناس الشرق يجيبوا مرشحهم
هل تعلم إنه توصيات حمدوك الخرب بيها سوبا المناهج والتربية ما اتنفذ فيها حرف!
هل تعلم إنه صورة مايكل انجلو قاعدة في كتاب التاريخ وبتتدرس عادي؟
يعني لا لم في الجنة ولا سقطها وإنما واصل ممارسة عادته الدائمة في دس الغبار تحت الفرشة

ياحيدر الحكم شراكة بين المدنيين والعسكر
العساكر عاوزين أكبر قدر من السلطات حتى لو بالسلفقة
المدنيين مفروض إنهم مجبورين على العساكر بسياسة الأمر الواقع لكن في نفس الوقت رقباء على أداؤهم لمنعهم من التسلط واستلامها تاني زي ما حاصل الآن
حميدتي خالف نص الوثيقة الدستورية البحدد المناصب ونجر ليه منصب من راسه، الشئ الطبيعي كل المعنيين بالوثيقة دي من مجلس وزراء ومجلس سيادة يقيفوا في وجه التغول دة

انت يا حيدر داير تخلط بين شخصية حمدوك وأفعاله لكن أنا فارز الكيمان
لو سألتني هل حمدوك زول كويس؟ بقول ليك بالحيل كويس
ومدني عباس ذاتو كويس
لكن في رأيي الاتنين فشلوا في مهام كان من الممكن انجازها لو في مكانهم زول تاني
حمدوك ضعيف بتجاهل كثير من المعارك الكان ممكن يكسبها بالسند الشعبي الواسع اللقاهو
ضعيف بتأجيل المواجهات، زي مشكلة الشرق دي كان ممكن يحلها لو تسلح بكاريزما القائد وقابل ترك وجهاً لوجه ووضعوا النقاط على الحروف. اللقاء دة حتى لو كان على سبيل المجاملة كان ممكن يهدئ ناس الشرق وما يقفلوا الميناء
برضو مشكلة صالح عمار خلاها استفحلت وسال فيها الدم لحدي ما في النهاية عمل التصرف اللي لو عمله قبل شهور ما كان وصلت الأمور للتشظي دة
ضعيف بعدم قدرته على إيجاد الحلول البديلة أثناء إنشقاق ومحركة الحرية والتغيير

لكن هل ممكن حميدتي والبرهان يحبسوهو ويهددوهو ويخاف منهم يعمل الدايرنو؟ أبداً .. لو ضبحوهو جخخخ ما بتخوف ليهم

Quote: محمد الأمين التوم أصلاً ما كان عليه أي خلاف بل يكاد يكون الوزير الوحيد المرضي عنه من كل الأطراف

أبدا!
طيب هل تعلم انت ان محمد الامين لتوم سبق لجنة حمدوك و كوّن هو نفسه لجنة لمراجعة كتاب التاريخ تحديدا و كانت من ضمن توصياتها سحب الصورة و ادخال عدة تعديلات على الكتاب!
وهل تعلم انه محمد الامين التوم اعلن رفضه للجنة حمدوك لكن قال لن يتقدم باستقالته حتى لا يتأثر العام الدراسي و امتحان الشهادة! دا وزير شنو البربط استمرار العام الدراسي و قيام الامتحانات بوجوده الشخصي! يعني لو لا قدر الله مرض او جاته سفرة او زهج ساي الشغل يقيف! دا فشل طبعا ما عايز كلام كونك لا تنجز سيستم لا يرتبط بالاشخاص!
وهل تعلم انو محمد الامين التوم لم يقال وحده! بل قدم استقالته مع كل المجلس حين حان أوان التعديل الوزاري (المحاصصي) و لم ترشحه اي جهة لوزاراتها غير الجاكومي و الوزارة ما عنده دخل فيها.
هل تعلم انو البيان الطلعو محمد الامين التوم وقال جاب فيه سيرة عم اجتيازه الفحص الأمني كان عبارة عن (قوالة) نقلها ليه احد الحاضرين في الاجتماع! ما جاب اسمه ولا جاب اسم منو القال انه رسب في الفحص!
ياخ بالله خلينا

Quote: رغم إنه حلقومي وااااااسع وبلعت

عندي إحساس كدا يا أحدهم إنو البلعة دي كانت حارة وأحدثت بعض الشروخ في الحلقوم.

وزارة التربية والتعليم كان فيها مشكلة
في وضع المنهج ، الجمهوري الاستاذ القراي
من منهج تتسرب وفي مشكلتين واحدة تخص
تاريخ السودان وحزب الامة ودي ما ممكن تمر
والثانية صورة مايكل انجلو وكان ممكن تتعالج
.

المهم

يا محمد نعلك قايل وزاراتنا فيها سيستم ثابت؟
انت أظنك اغتربت بعد التخرج طوالي، ما اشتغلت في السودان
الوزير هو الكل في الكل، لسة بدري علينا شديد في موضوع السيستم دة، نحن بنكاتل في أساسيات زي الكنب والطباشير
هل الكلام دة سليم؟ أكيد لأ
لكن دة الواقع

يلا أنا جبت ليك سيرة كتاب التاريخ لأنه محمد الامين التوم أنحنى للعاصفة وعالج المشكلة بلجنته دي وكان ممكن يتم دعم الحل دة من حمدوك لكن اتجاوزه وعمل الكارثة الخلت التوم يصدر بيانه ويقول إنه تصرف رئيس الوزراء يمثل دفعاً ليه هو والقراي للاستقالة

أنا ما بقول ليك إنه بروف التوم زول فلتة لكن في النهاية وزير أخير من وزارة بدون وزير
مشكلتي موش في محمد الأمين التوم وإنما في خلو وزارة التربية من وزير، يعني لو جابوا فيها التوم هجو أحسن من تكون قاعدة كدة


يا اخلاص مشكلة المناهج دي كلها كان بتتحل بمنع القراي من عمل المؤتمرات وخلاص
هسة بعد استقال في زول شاف المناهج فيها شنو؟




____________
حافظ بشير تباً لك

يا احمد نعم ما في سيستم لكن ما لدرجة استقالة الوزير تمنع اكمال العام الدراسي او قيام الامتحانات, دي حاجات روتينية الكادر الاداري بزبطها في اي وزارة وبمشي الشغل, الوزير قول لي غيابه يأثر في وضع او تنفيذ استراتيجية جديدة او مشاريع تطوير مثلا او اعادة هيكلة!
الشي التاني ليه بتسمي لجنة التوم انحناء للعاصفة! دي مسؤوليته مراجعة شغل و اداء مرؤوسيه و اللجنة الكونها لجنة مهنية عملت نفس عمل اللجنة الكونها حمدوك!
بعدين انت الموضوع دا ليه اعتبرته مثل على ضعف حمدوك, ليه ما اخدته خلاف اداري او سياسي او اي حاجة بين رئيس وزراء و مرؤوسيه!
خلو الوزارة وريتك السبب فيه منو, ابدا ما مشكلة حمدوك, خازوق المسارات دا هو الخلق الربكة دي كلها في المشهد, ناس الشمال و الوسط لانو الموضوع ما ماخد شكل قبلي فا ما كان رد الفعل بنفس الخطورة لكن فكرة المسارات التستوعب مكون و تتجاهل الاخرين فكرة خبيثة ومن زرعها يعلم ماذا يفعل وماذا ومتى سيحصد.
المهم حمدوك ما كامل و له اخطاؤه لكن ليس من بيناه ابدا الضعف او الخيانة او التخاذل في المعركة نحو الديمقراطية.
كان عندك عليه حاجة تانية عادي

ماري انطوانيت
قلت لي حاجات روتينية أي إداري بقوم بيها !
عشان كدة قلت ليك ما اشتغلت في السودان .. أعني في الخدمة المدنية
أنا وأنت لو عاوزين نحجز تذاكر السودان لسنة 26 بندخل موقع الوزارة ونشوف التقويم بنعرف اجازة الأولاد بعد 5 سنوات بتكون يوم كم
في السودان لو انت في نص الفترة الدراسية وداير تعرف نهايتها متين ما عندك طريقة :) والله صحي
بداية السنة دي سمعت بالعوة القامت بين صديق تاور ووزارة التربية حول تاريخ بداية الدراسة؟
بنفتح .. لا لا ما بتفتحوا .. يا زول دي مدارسنا .. لا لا نحن عندنا سلطات .. وعييييك كان برنامج
تاريخ بداية العام الدراسي دة عادي بتعدل 5 مرات .. جدول امتحانات الشهادة بتوضع قبل شهور وعادي يتعدل
كل سنة عندنا كتب مافيشة .. كل سنة عندنا امتحانات بتتكشف وتتعاد ..

قلت لي أمور روتينية الكادر بظبطها؟ :)
أنا ما عارف الكادر الإداري دة ما بقدر يخت تقويم 10 سنوات لي قدام زي ناس السعودية والإمارات! :)
ما ياكلو باسطة!

ياخوي لينا بالبيان بالعمل, الوزارة ليها سنة تقريبا بدون وزير! هل اكتمل العام الدراسي أما لا. هل امتحن الطلاب الشهادة و طلعت نتائجهم اما لا!
هو قال ما بستقيل عشان ما يتأثر العام الدراسي اها الحصل شنو؟

ما طلعت نتائجهم ، علماً بأنه السنة الدراسية الجديدة بدت ليها شهر :)

أنا بس دايرك تعرف حاجة
إنه الكلام القالوا التوم دة غريب عليك وعلي أي زول بعيد من المجال
لكن دة فعلاً الحاصل
نفس الشئ لو وزير الطاقة اتكلم عن الطاقة الشمسية انت حتفهموا لكن أنا إلا أحاحي بين ويكيبيديا واسأل أهل الاختصاص يفهموني ليه الزول دة قال كدة