Post: #1
Title: هومليس
Author: أبوبكر عباس
Date: 10-27-2021, 04:24 AM
03:24 AM October, 27 2021 سودانيز اون لاين
أبوبكر عباس-الإمارات
مكتبتى
رابط مختصر
التلاتة شهور الفاتن كانت عندي علاقة وثيقة بالناس الهومليس بغرينسبورو،
دنيا مختلفة عن كل الدنيات الشفتهن في حياتي،
ما داير اتكلم عن حياة الهومليس وجنونها، لكن زي ما بقول الفنان؛
عندي كلمة أحب أقولها وقبل أقولها خلوني أقول كلمة تانية..
|
Post: #2
Title: Re: هومليس
Author: أبوبكر عباس
Date: 10-27-2021, 04:35 AM
Parent: #1
قبل أيام محسن خالد نزل ليهو بوست عن سورة الأنبياء،
حسب تفسير محسن انو المفسرين القدامى نسوا نبي في السورة دي ما ذكروهو؛
النبي دا مريم ومحسن كان عندو منطق قوي حول نبؤة مريم.
المهم؛
غير كلام محسن، من زمان الآية دي عاجباني جداً وطوالي برددها؛
"كلما دخل عليها زكريا المحراب وجد عندها رزقاً، قال يا مريم أنى لك هذا؟
قالت هو من عند الله!!
وحات الله، يا جماعة، صورة مريم في فيلم عذابات السيد المسيح وهي ومعها المجدلية بتابعن المسيح والجنود بعذبو فيه لم تفارق خيالي منذ حضرت الفيلم،
وزاد حبي للعذراء في خيالي وكنت دائماً أبحث عنها.
أوكي، أها المقدمة المترين دي بعدها داير تقول شنو؟
سألتوني؟؟؟
|
Post: #3
Title: Re: هومليس
Author: أبوبكر عباس
Date: 10-27-2021, 04:37 AM
Parent: #2
تصحيح:
أنى لك هذا؟
قالت وليس قال
|
Post: #4
Title: Re: هومليس
Author: أيمن نواى على
Date: 10-27-2021, 04:43 AM
Parent: #2
لسع ما سلناك ..منتظرين الكلمة الأولى
بس كلمة و رد غطاها
انت قلت الكلمة التانية و لا لسع
الساعة كم ؟
|
|