Post: #1
Title: خيانة الوطن جينة سودانية متوارثة ومعدومة عند المصري
Author: حسين عبد المجيد
Date: 10-25-2021, 07:09 AM
Parent: #0
06:09 AM October, 25 2021 سودانيز اون لاين
حسين عبد المجيد-
مكتبتى
رابط مختصر
ده الفرق بينا وبين المصريين
المصري يسرق وينهب ويخون الامانة الا الوطن خط احمر
|
Post: #2
Title: ونرجو أن نقود من سودانيزأونلاين دفة المقاومة وتنظيم الشارع السياسي وتكثيف الإعلام إقليميا وعالميا،
Author: elhilayla
Date: 10-25-2021, 07:12 AM
Parent: #1
السلام عليكم ورحمة الله وبركاته
هنا يأتي دور سودانيزأونلاين، خاصة بورداب الخارج حيث يتوفر الإنترنت والذي يتوقع قطعه قريبا في السودان، إذا لم يكن قد تم فعلا،
ونرجو أن نقود من سودانيزأونلاين دفة المقاومة وتنظيم الشارع السياسي وتكثيف الإعلام إقليميا وعالميا، حتى عودة الإمور لنصابها الصحيح.
____
الحليلة
|
Post: #3
Title: Re: خيانة الوطن جينة سودانية متوارثة ومعدومة
Author: نعمات عماد
Date: 10-25-2021, 07:24 AM
Parent: #1
| Quote: خيانة الوطن جينة سودانية متوارثة ومعدومة عند المصري |
لا طبعاً،
الملايين التي خرجت يوم 21 أكتوبر تحب الوطن و تفديه
بالروح كما فدته في أرض الإعتصام.
خيانة الوطن هي الأساس الذي تقوم عليه فكرة التنظيم العالمي
للأخوان المسلمين. و خيانة الوطن هي ديدن الإنتهازيين من
العسكر و المدنيين و الحركات المسلحة.
الفرق بين المؤسسة العسكرية المصري السودانيةة هو أن عقيدة
القوات المسلحة السودانية فاسدة تُكرّس لديكتاتورية قائد الإنقلاب
، تدمير كل ما بناه من سبقوه للحكم، و تحقير و اضطهاد المدنيين.
|
Post: #4
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-25-2021, 08:02 AM
Parent: #3
Quote: لا طبعاً،
الملايين التي خرجت يوم 21 أكتوبر تحب الوطن و تفديه
بالروح كما فدته في أرض الإعتصام. |
الملايين ديل الثوار وده الشارع لكن خلي واحد يجي يقعد في كرسي السلطة طوالي يبع ببلاش زي ما باعوا شهداء القيادة ومجازر الـ 30سنة من حكم الكيزان
|
Post: #5
Title: Re: خيانة الوطن جينة سودانية متوارثة ومعدومة
Author: نعمات عماد
Date: 10-25-2021, 08:25 AM
Quote:
الملايين ديل الثوار وده الشارع لكن خلي واحد يجي يقعد في كرسي السلطة طوالي يبع ببلاش زي ما باعوا شهداء القيادة ومجازر الـ 30سنة من حكم الكيزان |
التعميم مجرد إنطباع و قصور رأي و إتهام لمن خلق السودانيين بالتحامل أو العجز
و العياذ بالله.
|
Post: #6
Title: Re: خيانة الوطن جينة سودانية متوارثة ومعدومة
Author: osama elkhawad
Date: 10-25-2021, 11:30 PM
Parent: #5
Quote: ده الفرق بينا وبين المصريين
المصري يسرق وينهب ويخون الامانة الا الوطن خط احمر |
انت شغّال في الخليج؟
ولا شبح؟
|
Post: #11
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 06:22 AM
Parent: #6
| Quote: انت شغّال في الخليج؟ |
العوام من الشعب ليس قاعدة فحص جيني للخيانة ولكن قيادة البلاد هي العينة المخبرية الخاضعة للفحص الوطني
|
Post: #12
Title: Re: خيانة الوطن جينة سودانية متوارثة ومعدومة
Author: نعمات عماد
Date: 10-26-2021, 06:31 AM
| Quote: الملايين ديل الثوار وده الشارع لكن خلي واحد يجي يقعد في كرسي السلطة طوالي يبع ببلاش |
ركز أنت قبل ما تتهم شعب كامل بإنه يصبح
خائن أول ما يتولى منصب عام، بسبب جيناته.
|
Post: #13
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 06:52 AM
Parent: #12
Quote: ركز أنت قبل ما تتهم شعب كامل بإنه يصبح
خائن أول ما يتولى منصب عام، بسبب جيناته. |
صفحات كتاب الخيانة الوطنية قدامك من المهدية الي يومنا هذا
|
Post: #7
Title: Re: خيانة الوطن جينة سودانية متوارثة ومعدومة
Author: وليد زمبركس
Date: 10-26-2021, 00:46 AM
Parent: #1
جواسيس مصر الكتار ديل ما قريت عنهم انت.
بعدين لو الحديث هنا عن الانقلابات العسكرية فالمصريين اكبر خاينين.
|
Post: #8
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 06:10 AM
Parent: #7
كتب .. حكيم شمية
..
..
📌مافي مدرعات انحازت للشعب.
📌مافي ضباط اتمردوا علي الانقلاب.
📌مافي ضباط زعلانين من الدعم السريع وما حصل احتكاك بينهم.
📌المدفعية عطبرة منتظرنها من ديسمبر 2018
📌امريكا ما تنتظروا منها الخلاص
📌الاوربيين حدهم الشجب والتنديد
📌الاتحاد الافريقي ح يرفع تجميده بمجرد استقرار اوضاع الانقلابيين.
📌 امين عام الامم المتحدة كلامه لا يتجاوز مكتبه ومافي قرار في يده
ما تنتظره الخلاص من برة، خلاص الوطن في يد الشعب الجبار والعنيد، شعب الوطن الثائر قادر انه يقتلع البرهان والجنجويد والمرتزقة.
من يراهن علي غير الشعب رهانه خاسر.
ما هزم جلادينا غير الشعب.
|
Post: #9
Title: Re: خيانة الوطن جينة سودانية متوارثة ومعدومة
Author: نعمات عماد
Date: 10-26-2021, 06:15 AM
Parent: #8
| Quote: خلاص الوطن في يد الشعب |
وااااو
يوم جديد و فكرة جديدة !
الحمدلله إن تأكد ليك سلامة
جينات الشعب من الخيانة.
|
Post: #10
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 06:19 AM
Parent: #9
Quote: وااااو
يوم جديد و فكرة جديدة !
الحمدلله إن تأكد ليك سلامة
جينات الشعب من الخيانة. |
ركزي يا استاذة الخيانة المقصودة وعدم الوطنية حصريا على من يتولى القيادة في بلاد وليس عامة الشعب ....
|
Post: #14
Title: Re: خيانة الوطن جينة سودانية متوارثة ومعدومة
Author: نعمات عماد
Date: 10-26-2021, 07:11 AM
Parent: #8
Quote: الشعب الجبار والعنيد، شعب الوطن الثائر قادر انه يقتلع البرهان والجنجويد والمرتزقة.
من يراهن علي غير الشعب رهانه خاسر. |
| Quote: خيانة الوطن جينة سودانية متوارثة ومعدومة عند المصري |
المقتبسين متناقضات حد الشيزوفرانيا.انت تسئ للشعب السوداني
ثم تعود لتكتب كلام إيجابي. تحلى ببعض الشجاعة و قول بوضوح
ما تقصد و تحمل العواقب.
أما موضوع كتاب الخيانة و تاريخ الحكومات الوطنية مقارنة
بالحكومات المصرية، دا موضوع تاني رد عليك الزملاء الكرام
بحقائق عن الجواسيس المصريين و تاريخ مصر كله أمامك و
لكنك لسبب ما تغمض عينك.
|
Post: #15
Title: Re: خيانة الوطن جينة سودانية متوارثة ومعدومة
Author: أحمد محمد عمر
Date: 10-26-2021, 07:45 AM
Parent: #14
يا حسين أصل الموضوع هو وحدانية الاتجاه
المصريين ما عندهم قبائل، مافي مصري بقول ليك أنا من قبيلة كذا ودي أصولها كذا. مافي زول بتقدم لي بنت بقولوا ليه انت قبيلتك شنو
مصري يعني مصري وخلاص
ممكن يتكلموا بالمناطق لتفسير اختلاف اللهجات لكن ما حاجة أساسية، يعني بالهزار يقولوا ليك دة شبراوي ودة اسكندراني لتفسير الشفتنة والصوت العالي مثلاً لكن ما بقسموا الناس بناء على المناطق دي
بالتالي الحاضنة الوطنية بتاعتهم واحدة واتجاه إيمانهم القومي واحد، على العكس تماماً من السودان المقسم لحدي أدنى المستويات
أي سوداني يتعرف بي سوداني تاني يمكن يكون السؤال عن القبيلة بجي بعد السؤال عن الإسم طوالي
البتقدم لي بت قبل يسأله من اسمه بسأله من (جنسه) أيوة القبيلة عندنا هي الجنسية باعتراف الوثائق الحكومية نفسها
بعدها بجي التقسيم بالمناطق وإلصاقها بالأسماء حسن خليفة العطبراوي عبد الله الكردفاني حيدر بورتسودان انصاف مدني، وهكذا
وحتى جوة الولاية الواحدة يتم التقسيم بالمدن القرى، وجوة المدن يتم التقسيم بالأحياء.
ومناظرات زي أحسن بحري ولا أمدرمان بتلقى رواج شديد
جوة الأحياء بتلقى التفاضل بالأسر والعوائل، نحن من عائلة فلان العندها تاريخ ومنها فلان وفلان وديل من عائلة غريبة جابهم حلتنا الرزق ساي واستطونوا فيها ياداب ليهم معانا مية سنة بس
نحن الوطنية حقتنا موجودة ومتعصبين في حب وطنا أكتر من المصريين، لكن في اختلاف في مفهوم الوطن بيناتنا
هم وطنهم مصر بس نحن وطنا ما السودان
يعني هسة انت عملت بوست يفهم منه انتقاص في حق السودانيين لكن المتداخلين معاك بسيطين وباقي المنبر ما شغال بالموضوع، جرب أعمل نفس حركتك دي وبدل السودان اكتب الشوايقة مثلا، الشيخ سيد أحمد براهو بعمل فيك 10 بوستات والباقين حيطالبوا بإيقافك من الكتابة عشان انت عنصري
|
Post: #16
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 08:25 AM
Parent: #15
| Quote: نحن الوطنية حقتنا موجودة ومتعصبين في حب وطنا أكتر من المصريين، لكن في اختلاف في مفهوم الوطن بيناتنا |
أحمد
اصبت كبد الحقيقة .....
|
Post: #17
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 08:28 AM
Parent: #14
| Quote: المقتبسين متناقضات حد الشيزوفرانيا.انت تسئ للشعب السوداني |
اصله نحن شعب متناقض ...
Quote: تحلى ببعض الشجاعة و قول بوضوح
ما تقصد و تحمل العواقب. |
انت ذاتك يوم تقعدي في كرسي القيادة حا تخوني المبادئ التي وصلتك للكرسي وده حصل في ثورة ديسمبر لذلك هي جينة ومتلازمة السلطة
|
Post: #18
Title: Re: خيانة الوطن جينة سودانية متوارثة ومعدومة
Author: نعمات عماد
Date: 10-26-2021, 09:27 AM
Parent: #17
Quote: انت ذاتك يوم تقعدي في كرسي القيادة حا تخوني المبادئ التي وصلتك للكرسي
وده حصل في ثورة ديسمبر لذلك هي جينة ومتلازمة السلطة |
مشكلتك كبيرة، الله يعينك!
الإعتقاد بإن الفساد سببه جينات في حد ذاته مرض
ربما يكون موروث جينياً عند البعض.
|
Post: #19
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 09:58 AM
Parent: #18
| Quote: مشكلتك كبيرة، الله يعينك! |
تفخيم ونفخ الذات في حد ذاته مرض
الشفاء للجميع
|
Post: #20
Title: Re: خيانة الوطن جينة سودانية متوارثة ومعدومة
Author: نعمات عماد
Date: 10-26-2021, 10:16 AM
Parent: #19
لا والله، الله شاهد.و فوق أم كم ذاتو؟
المهم يا سيد أعتقد كما تريد لكن لا تتهم الشعب
بما لا يمكنك إثباته. مع السلامة.
|
Post: #21
Title: Re: خيانة الوطن جينة سودانية متوارثة ومعدومة
Author: حسين عبد المجيد
Date: 10-26-2021, 10:47 AM
Parent: #20
| Quote: المهم يا سيد أعتقد كما تريد لكن لا تتهم الشعب |
لسه بدري عليهو عشان يعرف قيمة الوطن مش ده الشعب القاتل الشعب دي في حد ذاتها خيانة وعدم وطنية وقت اقاتل شعبي بدوافع عرقية ودينية وايدلوجية
|
|