Post: #1
Title: وين بريمة و آخرين! ان شا الله خير!
Author: محمد البشرى الخضر
Date: 10-21-2021, 09:38 PM
08:38 PM October, 21 2021 سودانيز اون لاين
محمد البشرى الخضر-العين-الإمارات
مكتبتى
رابط مختصر
عمر التاج بي عذره الكوتة خلصت لكن وين بشير و وين الكاتب السوداني عمر مين كدا البجي متلبد داك!
البلطن طامة أظن!
عليكم بالحلبة مفيدة في الاحوال دي
|
Post: #2
Title: Re: وين بريمة و آخرين! ان شا الله خير!
Author: Arif Nashed
Date: 10-21-2021, 09:58 PM
Parent: #1
العبار قالوا جاهو اسهال من هول الصدمة والمفاجأة
الا يلحقوه بمحلول 😂😂😂
|
Post: #3
Title: Re: وين بريمة و آخرين! ان شا الله خير!
Author: كمال عباس
Date: 10-21-2021, 10:17 PM
Parent: #2
الغريبة يجيك واحد حياتو كلها ضد التظاهرات ـ والحراك ـ في كل أنحاء
الوطن أيام الإنقاذ
ولم يتابع أو يفتح بوست مع مظاهرات ديسمبر وماتلاه أو إعتصام القيادة
ولكن فجاءت تفتحت شهيته وصار ثورجيا منحاز لإي إعتصام أو مظاهرة ضد هذه الحكومة ـ ! أمبارح جبريل قال لكم مواكبكم ولي إعتصامي
واليوم هجو وخميس وأردول قالو دي مواكبهم وتظاهراتهم
هكذا بكل وقاحة .....
سرق الإسم عرفناها كمان جابت ليها سرقة مواكب قامت ضد أسيادكم وضدكم؟
|
Post: #4
Title: Re: وين بريمة و آخرين! ان شا الله خير!
Author: muntasir
Date: 10-22-2021, 00:43 AM
Parent: #3
وحمد السجم
|
Post: #5
Title: Re: وين بريمة و آخرين! ان شا الله خير!
Author: muntasir
Date: 10-22-2021, 00:45 AM
Parent: #4
وحوار شيخ الحريات
|
Post: #6
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 03:19 AM
Parent: #5
يا فلول قحت 1: السلام عليكم
أنا حي يرزق .. والحمد الله .. ليه ما تنتظروا شوية لما الواحد يفضي ويجيكم .. !
أولاً ولغرابة الأحداث .. أن مسيرة قحت 1 .. لها أهدافها التى لا تشابه أهداف أعتصام قحت 2 ..
قحت 1 .. ومنذ ندوة مدني قبل المسيرة .. إنها تخاطب قواعدها من أجل تسليم الفترة الأنتقالية للمدنين .. لا شيئ أكثر من ذلك وحتى يضربوا خصومهم يشعلوا حماس قواعدهم صوروا خصومهم بأنهم كيزان وفلول وإلي ما شابه ذلك .. يعنى أستغلوا حماس لجان المقاومة تزلفاً ضد قحت 2 لغرض أخر تسيم الفترة الأنتقالية.
قحت 2: قصتها عرفناها .. وهى توسيع قاعدة المشاركة ..
في وجهة نظري لا تعارض بين الموقفين إلا عند قحت 1 .. وذلك بسبب "الكاروشة" التى خلقها موقف قحت 2 لجماعة 4-طويلة ..
-----------------
والأغرب .. موقف قحت 1 .. الأن أصبح تأريخ .. في حين قضية قحت 2 في محلها .. ثابته.
بريمة
|
Post: #7
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 03:34 AM
Parent: #6
مسيرة قحت 1 .. ومنظميها .. مثل الأنسان في سباق مع خصومهم الأخرين .. جاكيين جك عشان يقطعوا الطريق أمام خصومهم .. ويستلموا راية الجري.
من ناحية تكتيك سياسي .. لأني اشجع اللعبة الحلوة .. شبه ممتن لمسألة من يستلم "الباتون" baton ويجري أسرع من الفريق الأخر ..
تخيلوا القصة مثل النيل الأزرق والنيل الأبيض .. لما النيل الأزرق يكون هائج .. يوقف سير النيل الأبيض والأخير يفرش في الفتيحاب وأم درمان .. منتظر الهوجة بتاعت الأزرق تفوت!
مسألة قطع الطريق دي، لو تعززت في أذهان الجمهور بأنها الأفضل لسوق مركبة السودان التايهة حتى الأن في نص البحر، سوف يحصل تضاءل لموقف قحت 2 ..
لكن قحت 2 .. لديها موقف قوي .. وثابت .. هو أن قحت 1 بمكاوشها للسلطة .. هى سطت علي حقوق عامة الشعب في التمثيل الحقيقي في مؤسسات الفترة الأنتقالية ..
موقف قحت 2 ح يستغله الجيش ضد المدنيين وسوف يستغله رئيس الوزراء ضد المناوئين له داخل حكومته .. ودي حاجة في غاية الأهمية لتصحيح المسار لصالح طرح قحت 2 .. وبعد ما يتصحح المسار هم الأثنين قحت 1 وقحت 2 .. تاني ح يتصالحوا ويأسسوا قحت 3.
بريمة
|
Post: #8
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 03:59 AM
Parent: #7
ما تشاهدونه هو الديمقراطية .. ولكن قحت 1 .. قاعدة تلعب لعب خشن dirty play ..
والطرفين قدموا كأسهم بتاع شحدة الشعب السوداني .. ومنتظرين الله كريم .. هل يعطيهم الشعب عطية أخري أم يردهم خائبين؟
بالنسبة لي، اليوم ما في أي حسم لقضية .. فقط المسألة صراع من أجل كسب قلوب وعقول الشعب السوداني ..
والشعب السوداني ذكي .. يستطيع أن يميز ما بين الطيب والخبيث بصورة فطرية ..
والزمن كفيل بأن يخبرنا ..
بريمة
|
Post: #9
Title: Re: وين بريمة و آخرين! ان شا الله خير!
Author: HAIDER ALZAIN
Date: 10-22-2021, 06:26 AM
Parent: #8
ول ابا بريمة وضيوفك سلامات ؛
| Quote: قحت 1 .. ومنذ ندوة مدني قبل المسيرة .. إنها تخاطب قواعدها من أجل تسليم الفترة الأنتقالية للمدنين |
| Quote: قحت 2: قصتها عرفناها .. وهى توسيع قاعدة المشاركة .. |
كدة وضحت يا بريمة..
انا لاحظت برضو في شعارات ومطالب مرفوعة في المسيرات دي وتمت الدعوة اساساً للمسيرات لتحقيها..
فما عارف دي تبع منو او عاوز افرز الجهات الرافعها لو سمحت
مثلاً زي
تحقيق العدالة
ااستكمال مؤسسات الحكم
مجلس القضاء
والمحكمة الدستورية
والمجلس التشريعي
التحول الديمقراطي
الانتخابات المبكرة
محاكمة وتقديم مرتكبي جرائم دارفور للعدالة
محاكمة قتلة مجزرة فض الاعتصام.
وغيرها مما لم اذكره من مطالب الفلول والكيزان وعمر إرهابات .
دا بالاضافة للاتنين الذكرتهم انت
كما انه مطالب الفلول واضحة ممكن نميز الشعارات دي تبع منو والرافعها في واقع
الثلاثي أو الرباعي البيشكل أزمة الحكم الان في السودان
قحت 1 وقحت 2 والعسكر؟
تحياتي
|
Post: #10
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 06:54 AM
Parent: #9
ول أبا حيدر،
سلام ..
لاحظ أنا كتبت الأتي:
Quote: طرح قحت 2 .. وبعد ما يتصحح المسار، هم الأثنين قحت 1 وقحت 2 .. تاني ح يتصالحوا ويأسسوا قحت 3.
بريمة |
كل القضايا التى طرحتها أنت هم متفقين فيها .. بحكم أنهم قحاته (ربما الأنتخابات المبكرة خارج الرصة خلافية) .. وعمر الصراع بينهم 4 شهور كما قال مناوي في لقاءه في قناة الهلال.
ونحن كشعب مغيبين عن أسباب ذلك الحوار .. لكن يبدو مسألة توسيع قاعدة المشاركة سوف تأتي بعناصر جديدة (من ضمنها مثلا المؤتمر الشعبي وغيرها من المجموعات المستقلة) وهى في النهاية ربما تصب في ملصحة قحت 2 داخل الحكومة .. مما يقلل من فرص قحت 1 في تسليم السلطة للمدنيين (مطلبهم الأساسي).
لعبة الكراسي في خلف الكواليس، ظهرت لينا في العلن بهذا الأخراج الذي رأيناه في أعتصام القصر ومسيرة 21 أكتوبر .. والشعب مغيب عن الحقيقة.
وهكذا، تري الحلاقيم المشروخة .. والهياج .. والمواكب .. كلها تصب في إحكام القبضة علي الكراسي.
بريمة
|
Post: #11
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 07:04 AM
Parent: #10
Quote: وهكذا، تري الحلاقيم المشروخة .. والهياج .. والمواكب .. كلها تصب في إحكام القبضة علي الكراسي.
بريمة |
وتتضح اللعبة أكثر .. بأنهم، الطرفين، لم يخاطبوا أي قضية من قضايا الشعب .. سواء
الغلاء
وعدم الدواء
وقلة الخبز
وندرة الوقود
ووضعف الرواتب ..
لا شيئ ..
بريمة
|
Post: #12
Title: Re: وين بريمة و آخرين! ان شا الله خير!
Author: HAIDER ALZAIN
Date: 10-22-2021, 07:24 AM
Parent: #11
افهم من كلامك دا يابريمة انه القحتين الاتنين متفقين على جميع الشعارت اعلاه
ومختلفين علي توسيع المشاركة وتقاسم السلطة ؟
وهل الشريك التالت البيمثلوه العساكر متفق معاهم..؟
|
Post: #13
Title: Re: وين بريمة و آخرين! ان شا الله خير!
Author: محمد البشرى الخضر
Date: 10-22-2021, 08:02 AM
Parent: #12
يا بريمة اذا دي قرايتك انو طوفان امس دا عبارة عن جماهير قحت المجلس المركزي او داعمة لمطالبها فا اسمح لي اقول ليك خذلتني وبشدة، قدر سوء ظني في سوء قرايتك و خطل تحليلك فقد فقت سوء الظن بمراحل!
يا سيدي الشارع تجاوز الحرية و التغيير زماااان، ومطالبه امس كانت واضحة كلها ضد الانقلاب و ضد الشراكة ايضا، قحت المجلس ما عندها حل غير تتماهى مع مطالب الجماهير وضح ذلك في زفة ابراهيم الشيخ الاضطر يقول كلام يرضي الشباب الهاجموه ثم واصل على كدا بعد خلاص حرق مراكبه مع العسكر و رفع التحدي للآخر.
المهم انت وحميدتي اصبحتوا كيف من طمام البطن بعد فشل انقلابكم الجهوي و تعريته وبيان حجم الشارع الحقيقي.
|
Post: #14
Title: Re: وين بريمة و آخرين! ان شا الله خير!
Author: بدر الدين الأمير
Date: 10-22-2021, 08:43 AM
Parent: #13
يعنى ياود البشرى
مابتسال عن الحوثى
عادل امين
|
Post: #15
Title: Re: وين بريمة و آخرين! ان شا الله خير!
Author: عمر التاج
Date: 10-22-2021, 08:47 AM
Parent: #13
سلامات ود البشرى وضيوفه..
باقي ثلاثة مداخلات ، وماخسارة افك واحدة من أجل رقع قيمة الوعي في البوست ، طالما ذكر اسمي فيه..
وكالعادة سأكون معتدلا، وأقر بخروج حوالي مليون نفر من الشعب السوداني في مسيرات ٢١ اكتوبر..
وفي المقابل هناك معتصمين تجاوزت اعدادهم ال٥٠٠ ظلوا معتصمين امام القصر، بعضهم مازال مرابطا هناك ..
ولكن تبقى الحقيقة ..
ان كل فئة من الفئتين لم تخرج لبناء الوطن ، بل لضيق افقها السياسي وقصر نظرها الحزبي والوطني
الناس الخرجوا من أجل تثبيت الحكم المدني مطالبهم مشروعة
وكل الشعب السوداني البالغ حوالي ٤٥ مليون نسمة- تقريبا- ..
يبحثون عن الديمقراطية والمدنية .. بما فيهم بعض العساكر وحميدتي
ولكن وللحقيقة فان..
ناس ٢١ اكتوبر لم يجمعهم حب الوطن .. بل كره الكيزان
وهذه كره مشروع .. لان العملوه فيهم الكيزان ماشوية
لكن دعنا نحسبها بعدالة ومنطق ..
الكيزان في كل السودان، وبما فيهم المنتفعين ، كم؟
أكيد لايتجاوز عددهم ٢ مليون فرد .. يعني حوالي ٤% من الشعب السوداني ، والمسجونين منهم بفساد وغير فساد،
وكذلك المفصولين منهن ومن غيرهم لم يتجاوزوا المليون .
فهل من المنطق ان تتفرغ السلطة الحاكمة، لكره ودوس ٤% وتخلي مصالح باقي الشعب ..
طيب ذنب ال٩٦% الباقين شنو؟ وحايستفيدوا شنو لما انت تدوس الكيزان
الحكومة بتجي عشان تخدم الشعب وتبني لهم مؤسسات الوطن، ول جاية لتهدم وتفكك فئة منه وتترك الباقي يعاني المسغبة وشظف العيش
تفرغ الحكومة للفارغة والقرارات والمحاصصات هو ما سلط عليها الحركات المسلحة لكي تجيب آخرها. .
ومع تحفظي لكلمة دوس الكيزان لاني مقتنع انه مافي قوة في العالم حاتدوسهم، لان الحكاية اذا تجاوزت المنطق فإن المغلوب سيلجأ لوسائل لا تقدرونها .
فكرة الدوس عموما ، عندما تأتي من قبل المعارضة قد تكون مقبولة نوعا ما ، ولكنها عندما تصدر من السلطة فانها تعبر فقط عن قصر نظر وضيق أفق.
قول لي كيف؟
لان ال٤% بيعتبروا عناصر فاعلة ضمن منظومة الدولة السودانية
وليس من حسن الادارة تعطيل اي عنصر او مورد عن مسيرة البناء
لذا فمن الاوفق ادخالهم في مسيرة التنمية باي حال
والاستفادة منهم عوضا عن دوسهم أو حتى تحييدهم.. واكرر ماحتقدر تدوس اي قوة عقدية ومن الاوفق الاستفادة منها كنوع من التنوع .
وفي النقطة دي كان فهم مناوي أكثر تطورا منكم لما قال ليكم
يفترض تتعايشوا مع الاسد .. لانه بيعيش معكم في نفس الغابة
والضمان قال ليكم، الفاسد ماتخلوه ..لكن ماتصنفوه سياسيا ..
لان القانون لايفرق بين احد، وكذلك الفساد
مش ده فهم رجل دولة أفضل من فهم زول ناشط؟
تختم بمليونية ٢١
ول اقولك .. خلينا في اعتصام القيادة
كم كان عددهم في أكثر تقدير؟
مليون؟ اثنين مليون؟
محيط القيادة لو عملوه طابقين ما حايشيل ٢ مليون
طيب قول ٢ مليون .. يعني حوالي ٤% من الشعب السوداني
هل بتفترض انه دي فئة ممكن تحمل تفويض عن كل الشعب السوداني؟
هل بتفترض خروج مليون أو مليونين بيعطي فئة أحزاب تفويض لقيادة بلد ، واتخاذ قرارات مصيرية، وبمزاجهم السياسي ؟
ومن غير انتخاب؟
|
Post: #16
Title: Re: وين بريمة و آخرين! ان شا الله خير!
Author: طلحة عبدالله
Date: 10-22-2021, 10:21 AM
Parent: #15
Quote: أقر بخروج حوالي مليون نفر من الشعب السوداني في مسيرات ٢١ اكتوبر
|
يا عمر أنا بفترض حسن النية فيك وأقول
سقط سهوا رقم (20 ) المفروض تكتبو قدام مليون دي
عشان تبقي الحقيقة 20 مليون نفر ..
فيك الخير انت خخخخخخخ
Quote:
لكن تبقى الحقيقة ..
ان كل فئة من الفئتين لم تخرج لبناء الوطن ، بل لضيق افقها السياسي وقصر نظرها الحزبي والوطني
|
طيب بافتراص انو كلامك في عدد الناس الطلعوا
صاح وهم حوالي مليون زي ما قلت اضف ليهم ال 500
القلتهم ديل .. يعنى المليون وخمسمية ديل كلهم غلط
وانت الصاح يا عميق ؟؟؟؟؟؟
عمر ياخ ما ترفس خخخخخخ
|
Post: #17
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 12:01 PM
Parent: #16
ول حيدر،
سلام
Quote: افهم من كلامك دا يابريمة انه القحتين الاتنين متفقين على جميع الشعارت اعلاه
ومختلفين علي توسيع المشاركة وتقاسم السلطة ؟
وهل الشريك التالت البيمثلوه العساكر متفق معاهم..؟ |
نعم، متفقين .. الخلاف بس: قحت 1 موقفها تقاتل من أجل تسليم السلطة للجناح المدني .. وقحت 2 تقاتل من أجل توسيع قاعدة المشاركة .. وأجندة كل واحد من الفئتين كما شرحتهما ..
وأضيف شرح ول أبا عمر التاج (نفس كلامي بمفردات مختلفة) ..
ما لم أذكره في المداخلات السابقة .. أيهما ينظر إلي من ليحل له مشكلته؟ .. قحت 1 تجاوزت رئيس وزرائها في طلب تحويل الحكومة للشق المدني ولجأت تستجدي عطف الجماهير وبدأت تطالب رئيس الحكومة البرهان بأن يخلع نفسه (في عرف العساكر يرفت نفسه) معتبرة نفسها هي الممثل الشرعي للثورة.
أما قحت 2 .. فهى تخاطب الرئيس البرهان بأن يحل الحكومة . ورئيس الوزراء يكون حكومة تكنوقراط .. يعنى تخاطبهم الأثنين ..
العساكر بالطبع ما ح يعطوا رئاسة السيادي .. للطرفين .. ولو كسروا رقبتهم .. يسوقوهم بالصاح والغلط إلأ الأنتخابات تحلهم منهم .. وهنا دخل الشيوعيون الشفناهم في نيالا وعطبرة وغيرهما بأسم الجماهير وهؤلاء كوم براه لا يحسب علي قحت 1 أو قحت 2 .. وشفنا جماهير الشرق خرجت مع قحت 2 ..
خلاصتي كما هى، ديمقراطية تمارس وتستجدي الشعب ..
الذي فشل فيه كل الأطراف .. لم يخاطبوا ولا ذرة من مطالب الشعب السوداني الأنية .. الغاز والكهرباء والرغيف والغلاء الفاحش ... حاجة فضيحة والله .. كما يقول الكوكلكس ترفس كل هذا الرفسي وتنسي شعبك !
والشعب السوداني بأكمله من يغير له الحكومات هي مدينة الخرطوم .. والخرطوم عمرها لم تخرج من أجل الديمقراطية .. ولم يمت فيها أحد من أجل الديمقراطية من غير الساسة .. الخرطوم تنظر إلي الرفاه في دبي، وماليزيا وباريس ولندن وهم بدورهم عايزين حاجات مشابهه في سقفها الأعلي وفي حدها الأدني دولار رخيص وخبز وفير وكهرباء مستدامة وماهية تسد حاجات الأسرة وتسمح برفاه حتى لو في حده الأدني .. مرة مرة تذهب أوزون أو عوضية سمك .. دون أن يأثر ذلك في جيبك .. أسياسيات الحياة لو توفرت للخرطوم لا يهم من يوفرها حتى لو كان شيطان رجيم ورأسه كلطع شجرة الزغوم .. لا تثور الخرطوم ضده.
بريمة
|
Post: #18
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 12:35 PM
Parent: #17
عفواً تكررت المداخلة ..
بريمة
|
Post: #19
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 12:36 PM
Parent: #17
ود البشري،
سلام ..
Quote: يا بريمة اذا دي قرايتك انو طوفان امس دا عبارة عن جماهير قحت المجلس المركزي او داعمة لمطالبها فا اسمح لي اقول ليك خذلتني وبشدة، قدر سوء ظني في سوء قرايتك و خطل تحليلك فقد فقت سوء الظن بمراحل!
يا سيدي الشارع تجاوز الحرية و التغيير زماااان، ومطالبه امس كانت واضحة كلها ضد الانقلاب و ضد الشراكة ايضا، قحت المجلس ما عندها حل غير تتماهى مع مطالب الجماهير وضح ذلك في زفة ابراهيم الشيخ الاضطر يقول كلام يرضي الشباب الهاجموه ثم واصل على كدا بعد خلاص حرق مراكبه مع العسكر و رفع التحدي للآخر.
المهم انت وحميدتي اصبحتوا كيف من طمام البطن بعد فشل انقلابكم الجهوي و تعريته وبيان حجم الشارع الحقيقي. |
نبدأ ليك بنقطتك الأخيرة عن حميدتي .. يعني العساكر .. أنت لم تقرأ الحراك بصورة صحيحة، ناس البرهان وحميدتي هؤلاء لا يقلون إنتشاءً من دكتور جون قرنق ورفيقه شيقوق حينما ثارت الكتيبة 105 ضد الجيش السوداني عام 1983م في بداية تمرد الجنوب، قال جون قرنق لرفيقة "كب الشاي وأعزف الناي يا شيقا" .. القائد البرهان والقائد حميدتي كسبوا بالكوار .. ! .. ألم تراهم في صمت رهيب .. أنت قايل السكات دا ساكت ..؟
إلي حين تصلّح قحت شقوقها الكثيرة كما تنبأت العزيزة أمنة مختار .. من قبل شهر من الزمان .. يظل الرئيس البرهان والقائد حميدتي في عرس شعبي .. وكل القادة أمثال شمس الدين الكباشي وياسر العطا .. الناس ديل في زهو عدييل كده .. وتعتبر هذه الفترة من أسهل فترات حكمهم إلي حين أنفضاض "أم فتتيي" بتاعت المدنين ويوحدوا صفوفهم .. عيييك صباح المدنيين يكون اصبح .. الزمن ماشي ..!
أنت ساعدني بالبحث عن الذي أجرم في حق قحت .. شقاها نصفين واحد حلو والأخر مر .. الزول دا في داخل قحت 1 .. ولو لقيتوه أردموه صواريخ وراجمات .. دا السقط حجر قحت.
أبراهيم الشيخ، تاجر، مثل الذين دقوا الخيام ونصبوا أمهات الحلل للطعام .. نفس الناس الذين كنا نفتكرهم مع التحول الديمقراطي .. أصبحنا نحن غلط ومضحكة علي أنفسنا .. الناس ديل لا يهمهم الذين أتلموا سواء ثوار أو كيزان أو عفاريت .. تهمهم اللمة لكي تنتعش تجارتهم .. أبراهيم الشيخ تجارته يبدو تتضاءلت مع الفريقين وعايز وجوه جديده .. ما عنده حاجة .. من أين له هذا الغني الفاحش في عهد الأنقاذ ما لم يكن ينفذ أجندتها .. ؟ .. لكن دعنى اقول حتى لا أظلم الرجل .. سوف أعيد قراءتي عنه .. أبراهيم الشيخ رجل مناضل حينما يبقي علي النضال .. لكن يوماً لم أقتنع أنه يناضل من أجل الشعب .. هو الدقير، يناضلوا عشان يقولوا عليهم مناضلين .. نفس الطينة .. شبهينا وأتلمينا!
بريمة
|
Post: #20
Title: Re: وين بريمة و آخرين! ان شا الله خير!
Author: Biraima M Adam
Date: 10-22-2021, 12:51 PM
Parent: #19
لفلول قحت الذين يريدون معرفة موقفي الشخصي ..
أنا راقد في الأريكة الخلفية لموقف لقائد مناوي .. وعينى بهناك مع الناظر ترك .. هذه أريكة مريحة جداً تظللها عروق البطيخ والعجور ومرشوشة بماء بارد .. تحتاج كباية شاي ومسجل ضخم يغني فيه المرحوم أبراهيم موسي أبا .. ست الجمال بارا.
مازال ليل المعركة طفل يحبو .. ولازم تتوسع مواعين المشاركة .. ومن هناك الحشاش يملأ شبكتو كما قال الأمام رحمه الله.
بريمة
|
Post: #21
Title: Re: وين بريمة و آخرين! ان شا الله خير!
Author: Hasheem Karouri
Date: 10-22-2021, 02:16 PM
Parent: #20
السلام عليكم . محمد البشري وزوار البوست الكرام.
لو كنت مكان البرهان ، لتقدمت باستقالتي من الجيش ، ورئاسة مجلس السياده .فورا .
اما المسمي البوست باسمه ، اخونا بريمة ، فانصحه نصيحه اخ ، ان يعتكف عن الكتابة قليلا ، حيث ان الصدمه شديده
ولاتنفع معها اي تبريرات .
الشوارع ، لاتخون
تحياتي ،،،
|
Post: #22
Title: Re: وين بريمة و آخرين! ان شا الله خير!
Author: كمال عباس
Date: 10-22-2021, 02:28 PM
Parent: #21
كتب التاج Quote: ........
وكالعادة سأكون معتدلا، وأقر بخروج حوالي مليون نفر من الشعب السوداني في مسيرات ٢١ اكتوبر..
وفي المقابل هناك معتصمين تجاوزت اعدادهم ال٥٠٠ ظلوا معتصمين امام القصر، بعضهم مازال مرابطا هناك ..
.,, |
........
.,,
المواكب التي خرج في ربوع الوطن ومدنه مجموعها مليون فقط
والمعتصمين قلت لي كم؟ 500
طبعا ما 500 نفر
تقصد خمسة الف واللا خمسين الف كمبالغة ؟
أوعي تكون قاصد نص مليون ؟
|
Post: #23
Title: Re: وين بريمة و آخرين! ان شا الله خير!
Author: Biraima M Adam
Date: 10-23-2021, 05:41 PM
Parent: #22
أنتهت دراما قحت 1 .. إلي لا شيئ!
بريمة
|
Post: #24
Title: Re: وين بريمة و آخرين! ان شا الله خير!
Author: Haytham Ghaly
Date: 10-24-2021, 09:20 AM
Parent: #23
| Quote: والشعب السوداني ذكي .. يستطيع أن يميز ما بين الطيب والخبيث بصورة فطرية .. |
في دي صدق يا بريمة
والشعب وااعي وعارف الخبيث منو والطيب منو
بزمتك لو قارنا بين اتنين بس
الخبيث مناوي وللا حمدوك
21 اكتوبر يا بريمة حسمت الموضوع تماماً واصبحوا المعتصمين في القصر زايد اسيادهم البعلفو فيهم بالموز زي المجانين وحالياً يتخبطوا ساااكت
ولا عارفين يسوو شنو زاتو باعتصامهم دا مرة يستولو على وزارة الاعلام ومرة يهاجمو سونا والليلة مترسين شارع المك نمر ههههههه
اما ناس برهان وحميدتي قالو الليل كلو يساسقو ما قادرين يقعدو للصباح لامن مشو صحو حمدوك من نومو عشان يجتمعو بيهو
ام هلهلا ماسكاهم مع الحاجات التانية المحتاجة بامبرز هههههههههههههههههههههه
|
Post: #25
Title: Re: وين بريمة و آخرين! ان شا الله خير!
Author: Biraima M Adam
Date: 10-24-2021, 09:42 AM
Parent: #24
ول أبا هيثم غالي
سلام .. أنت غاضب يا ول أبا .. والقوي ليس عند الصرع بل القوي من يتحكم في غضبه ..
كمية الغضب التى توجد بالسودان .. لو وزعوها علي العالم لأغنت أي أنسان أن يغضب .. بلدنا بلاد الغضب ..
ما تغضب ..
أنا وأنت بنتكلم في قضية عامة .. ما في داي للغة ناسك وأسيادك وو .. هذا التبخيس ما عاد يجيب تمنه ..
في قولك من الخبيث مناوي أو حمدوك؟ .. من الذي يعقد مثل هذه المقارنة غيرك .. ؟ من يريد أن يستبدل حمدوك بمناوي؟ ..
القائد مناوي وكل حركته تخاطب رئيس الوزراء بلغة مهذبة كرأس لحكومة الوزراء ..
أي مطالب مشروعة .. لا يمكن تكون محل مغاضبة .. وعنتريات ..
ولد حلتي حمدوك .. حسي أنا من الغربة .. بقول له "حلها يا حمدوك"! .. قبل بها أوكي إن لم يقبل ح أستقل منابري وقوتي لكي أجبره .. هذه هى الديمقراطية.
بريمة
|
Post: #26
Title: Re: وين بريمة و آخرين! ان شا الله خير!
Author: بشير أحمد
Date: 10-24-2021, 11:27 AM
Parent: #25
طوالي يامحمد مستعجلين في النتائج؟
الردم الجد جد جايييكم...
ح احتفل ببوست عن سقوط حكومة قحت...وإنتو ح تتماهوا مع الحكومة الجديدة...وتبريركم من شاكلة
حكومة مانافعة نغيرا ليك ...
|
Post: #27
Title: Re: وين بريمة و آخرين! ان شا الله خير!
Author: محمد البشرى الخضر
Date: 10-24-2021, 11:51 AM
Parent: #26
أوووو بشة, حمدا لله ع السلامة, وينك من الخميس, نعل ما جاتك حمى بس مع الطمام هههههه
المهم يا عزيزي لتسقط الحكومة و تحل وتتغير اصلو ما مشكلة, لكن بشروطنا نحن, نحن دي ترجع للوثيقة و لشعب و لممثليه المدنيين في الحرية و التغيير و الحكومة و رئيس الوزراء.مش تمهيد لانقلاب و بتعليمات البرهان الاقتلع صلاحيات ليست له, والتوسيع مطلوب كلنا ما راضين عن اداء الحكومة و الاحتكار الحاصل للمناصب و تكرار نفس الوجوه, لكن هذا لا يعني رفع التوسعة كقميص عثمان يسمح لفلولكم بالتسلل للحكومة أو للمجلس التشريعي.
بالمناسبة التمثيلية دي كلها هدفها اخلال التوازن و الحصص بتاعة التشريعي, لخدمة اهداف البرهان الانقلابية و يستغل للاسف الشركاء المدنيين و يستغلكم انتو برضوو في حين مفروض تكونوا عارفين انو البرهان اخطر عليكم من لجنة التفكيك حتى! لينجو بنفسه ما عنده مشكلة يقدم الاخوان المسلمين قربان في المذبح لينال رضا أسياده برة.
|
|