Post: #2 Title: Re: ***** يسرقون أموال الشعب و يصرفونه ببذخ ضده * Author: ABUHUSSEIN Date: 10-17-2021, 11:26 AM
إيجار حافلات ....
Post: #3 Title: Re: ***** يسرقون أموال الشعب و يصرفونه ببذخ ضده * Author: ABUHUSSEIN Date: 10-17-2021, 11:28 AM Parent: #2
إيجار أطفال الخلاوي .....
Post: #4 Title: Re: ***** يسرقون أموال الشعب و يصرفونه ببذخ ضده * Author: ABUHUSSEIN Date: 10-17-2021, 11:29 AM Parent: #3
إيجار خيم .....
Post: #5 Title: Re: ***** يسرقون أموال الشعب و يصرفونه ببذخ ضده * Author: ABUHUSSEIN Date: 10-17-2021, 11:34 AM Parent: #4
اما إيجار المتظاهرين منهم من اتفقو معه على ١٠،٠٠٠ ريال (١٠ مليون بالقديم) حسب إفادات البعض في مقاطع الفيديو المنتشرة ....
Post: #6 Title: Re: ***** يسرقون أموال الشعب و يصرفونه ببذخ ضده * Author: Arif Nashed Date: 10-17-2021, 11:36 AM Parent: #4
يا عمك الكاش بقلل النقاش
Post: #7 Title: Re: ***** يسرقون أموال الشعب و يصرفونه ببذخ ضده * Author: ABUHUSSEIN Date: 10-17-2021, 11:49 AM Parent: #6
Quote: يا عمك الكاش بقلل النقاش
لو حقك إشتري بيه حمام و طيرو فرررررررر .... لكن تسرقو من الشعب المسكين و تصرفو ضد الشعب ..... !!!!! بتاعين الحافلات امس عاملين شمطة في حقهم قالو متفقين معاهم بي ٣٠،٠٠٠ جنيه (٣٠ مليون بالقديم) ......
Post: #8 Title: Re: ***** يسرقون أموال الشعب و يصرفونه ببذخ ضده * Author: بشير أحمد Date: 10-17-2021, 12:01 PM Parent: #7
اها والقطارات الجات من الجزيرة وعطبرة واستقبال...كان مجان ...ومن كان يمول اعتصام القيادة؟
مكيفات وموية باردة وبنقو ؟
خلو الشعب يسترزق ويستمتع ...اعتبروه اخد جزء من مال الدولة المنهوب ...
هسع الخرفان والجمال وصلت ....والمحاشي ما تديك الدرب.
اذا كان الراس بي (١٠) و راكب حافلة (ذهاب فقط) و ماكل سندوتش و شارب مويه و معاهم موز تقريبا الراس بكلف كم ؟؟؟؟؟ بالمناسبة الحافلات ذهاب فقط لأنو اطفال الخلاوي رجعوا كداري ملحوهم .... استغلوهم اسوأ إستغلال .... فكي الخلوة بكون اخد كم ... ؟؟؟ و ل برضو بحاسبهم بالراس ... ؟؟؟ غالبا بالراس لأنو عدد الاطفال بختلف من خلوة لي خلوة ....
Post: #12 Title: Re: ***** يسرقون أموال الشعب و يصرفونه ببذخ ضده * Author: كمال عباس Date: 10-17-2021, 01:15 PM Parent: #11
المُتَعسكِر حميدتي يحاول هذه الأيام شراء الذمم والولاء بالمال المنهوب من دم وعرق شعبنا وبعيدا عن إي محمول عنصري لبيت المتنبي الشهير ـ حال بعض شرائح شعبنامع حميدتي جسده بعضا مما ورد في هذا البيت جوعان يأكل من مالي ويمسكني** حتى يقال عظيم القدرمقصود وهو جائع لايشبع من لقف وسلب مال الشعب ومع هذا يسعي لمسك ورهن هولاء حتي يقال إنه كريم القلب وحلال عُقد يقصده أصحاب الحاجات أو إنه طائي زمانه وبرمكي عصره ! مع أن الكل يعلم إنه لص حقير ـ لايرقي لوصف الهمباتي النبيل وإنما هو مجرد لص رخيص وبلا أخلاق يرقد علي جبل ذهب ملك للشعب ـ حرامي يسمسر في دم الصبية والأطفال في فيافي اليمن !
Post: #13 Title: Re: ***** يسرقون أموال الشعب و يصرفونه ببذخ ضده * Author: بشير أحمد Date: 10-17-2021, 02:06 PM Parent: #11
Quote: انت ما وصلتا معاهم يا دكتور الغنم؟
أكيد بعدما ننزلك اخر واحد ونفحصك من اي مجمجة.
Post: #14 Title: Re: ***** يسرقون أموال الشعب و يصرفونه ببذخ ضده * Author: Arif Nashed Date: 10-17-2021, 04:31 PM Parent: #13
اعتصام القصر 😂😂😂
Post: #15 Title: Re: ***** يسرقون أموال الشعب و يصرفونه ببذخ ضده * Author: Asim Ali Date: 10-17-2021, 06:04 PM Parent: #14
لو لاحظت الخيم دى تقريبا خيم الاغاثات والاكل موز مسترخصين حتى فى الصرف وباقى القروش فى لجاءت لجيوب البعض تتدفى وتسكن هناك
Quote: و انا راجع علي البيت من الخرطوم بصحبة احد الاصدقاء، مريت علي اعتصام الفلول و من شايعهم، فكانت هذه ملاحظاتي و تقديراتي الشخصية: ١- يستحق هذا الاعتصام تسمية "اعتصام الموز" بدون منازع.. لسببين.. الاول ان كمية الموز المنتشرة بين ايدي الناس و في الدفارات لم ترها عيني من قبل.. الثاني اعتقادي الجازم ان ما جمع هؤلاء لا يعدو كونه اصراراً شديداً منهم علي ابقاء السودان في خانة جمهوريات الموز الي الابد بمطالبهم المعلنة. ٢- العدد الانتو شايفنو تحت دا ياهو المسمنو اعتصام.. التصوير ما بين الساعة ٨ و ٣٧ دقيقة الي الساعة ٨ و ٤٤ دقيقة مساءاً.. معظم الجمهور زي ما شايفين، الماسك موزتو وبعضي فيها، و الجالس علي الرصيف في هدوء، وثلة متحلقة حول الفنان ذو الصوت ال….. اسمعو براكم 😖. ٣- قشر الموز في كل مكان ٤- لا صوت لاي هتافات مطلبية او ثورية.. ناس بتحاول تقضي في زمنها منذ الساعات الاولي للاعتصام. ٥- استرعي انتباهي الخيم.. بيضاء متشابهة من نفس النوع.. مما اوحي الي بأن وراءها جهة واحدة حرصت علي موضوع الاعتصام هذا.. فارغة من قاطنيها بخلاف شخص او شخصين بداخلها. ٦- موز كتييييييييييييييير و القشر ممكن يزلقك مع الزلط دا لو ما عاينت تحتك ٧- توجد سبيطة كوبييييييرة بتاعت موز خلف المسرح اعتقد انها مرصودة للفنان و فرقته بعد ان يفرغ من محاولاته ال…… برضو شوفوها براكم 😖. ٨- المحرّش ما بكاتل.. اول مرة اصدق المثل دا. ٩- اول ما جيت خاشي، في واحد واقف قال لي: ارفع يدك فوووق التفتيش بالذوق.. حقيقة طبيت موبايلي في يدي وكنكشت فيو قوي.. ليه؟ غريزة بقاء ساي ولاي. ١٠- الموز يخوانا 🙆🏻♂️.