معليش،،،،

Post: #1
Title: معليش،،،،
Author: علوبه
Date: 10-13-2021, 10:38 AM
Parent: #0

09:38 AM October, 13 2021
سودانيز اون لاين
علوبه-KSA - Sudan
مكتبتى
رابط مختصر

*بي📝 الحنين،،،*
*د. علي الشيخ*

*معليش،،،، ،،*
دي كلمة نطقها زاتو حلو
فيها ادب الاعتذار ،،،
بتسمعها ،،،،
و طوالي بترتاح و بتسامح ،،،
البقولها ليك ،،، هو زاته متسامح من دواخله ، نضيف من اعماقه ،،،
زمن طول ما سمعنا الكلمة دي ،،،،
*ليه !!!!*
تكون راحت مع حاجاتنا الجميله ،،
و لا تكون اتغيرت مع الموج الجانا كابس علينا ،،
اندثار كلمة معليش،،، اكيد بتدخل في محلها،،،، ليس من اخواتها مثل اخوات كان و إن ،،، لكن تدخل كلمة عكسها لاصلة بها،،،
في الكوره حتي لو جليتها وهي ماشي علي القون،،، بقولوا ليك معليش ، خليها اصلها *صرجت منك* ،،،،
ده اسمه اللوم بالمنطق و النصيحه ،،،

مرات ،،، بجوا ناس،،، يعتذروا بذلك ،،، و دي دبلوماسيه سودانيه بحته ،،،
وفيها حليفه ،،، عليك الله خليهو معليش،،،،

اجمل اعتذار و فيهو كلمة تسبق كلمة،،،
*معليش انت لو غلطان معانا ،،،،*
دي مابتعرف منو بعتذر لي منو ،،،،

في اعتذارات انيقه تسبقها كلمة معليش،،،،
و فيها سحر الرضا ،،،، و الامتنان،،،
معليش الجاتك في مالك سامحتك ،،،

معليش بكره تكبر وتنسي ،،،،

معليش المره الجايه زاكر كويس ،،،

معليش خليهو هو ماقاصد ،،،،،

معليش ،،،
دي من عندي،،، اصلوا طولنا منكم ،،،،
و الرسلة فيها الكتابه شويه ،،،،،

*د.علي الشيخ*
*الحنين*
*امدرمان*
*١١ ديسمبر ٢٠١٨*

Post: #2
Title: Re: معليش،،،،
Author: walid taha
Date: 10-13-2021, 11:17 AM
Parent: #1

نعم معليش لها سحرها الخاص
عندما تسبق الطلب أيضا لها جمالها (( معليش بالله ، أدينى موية)) ، ((معليش بالله ممكن ترفع معاى الشنطة دى ؟)) ،
(معليش) أبهى تعبير عرفته البشرية .

شكرا علوبة (معليش) ما شفت البوست ده إلا هسه :)

Post: #3
Title: Re: معليش،،،،
Author: عبدالله ود البوش
Date: 10-13-2021, 11:29 AM
Parent: #1

عمك ود الفضل بمسك بتو امنة القروش
كلما يحتاج مبلغ بناديها امنة جيبي الكيس بشيل الدايرو وبحسب الباقي وبسلموا امنة
امنة بتستلم الكيس بربطتو تاني الا تجيبو ليهو عند الطلب
.
يوم ناداها امنة جيبي الكيس شال منو المبلغ العايزو وحسب الباقي وقاليها يا امنة القروش دي ناقصة
.
امنة زعلت وقالت ليهو والله زي استلمتها سلمتك ليها وقالت ليهو شوف زول غيري تاني انا ما بمسك ليك قروشك
.
عمك ود الفضل مسك الكيس وجلس محتارا من سيقوم بهذه المهمة الصعبة
وفي هذا الثناء تذكر انه اخر مرة اخد مبلغ خمسطاشر جنيه وكان يعتقد بانه اخذ عشرة جنيهات
.
نادى امنة تعالي
خلاص اتذكرت غلطان انا
.
قولي معليش
.
الحبيب علوبه سلام وتحية واحترام
جابني كلامك السمح دا طولنا منو
قول معليش

Post: #4
Title: Re: معليش،،،،
Author: علوبه
Date: 10-13-2021, 07:51 PM

معليش

مع الحاصل،، ،،
تاكل طعميه بي عيش

حباب طلتك