Post: #1
Title: ++ يعني في زول ما كان عارف!؟ ++
Author: Mutasim Idris
Date: 10-13-2021, 04:07 AM
03:07 AM October, 13 2021 سودانيز اون لاين
Mutasim Idris-Sacramento
مكتبتى
رابط مختصر
لم تسقط..
واهم من يظن ان البرهان (رئيس الحكومة) يتخذ قرارات
فردية دون الرجوع الي مستشاريه الكيزان داخل السجن
وخارجه..
حرب المحاور العربية و اطماعها هو عنوان مرحلة ما بعد
مفاصلة قاعة الصداقة.. السودان المياه والموانئ والثروات.
|
Post: #2
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 04:16 AM
Parent: #1
حمدوك بالشراكة اختار النموذج (لعبوره) بين مطبات حاضنته
و حواضن اخري تنشأ في (قعدات) عشاء او قروبات واتساب.
حمدوك اقل قامة لادارة دولة شعبها ينزف دما و يتضور جوع.
اتعلم السياسة في كرسي الرئاسة.
لا يمتلك الخبرة السياسية و الفهم و لا حتي الكاريزما المواجهة.
رمح الثورة في حالة وجوم من تصريحات البرهان بحل حكومته!
تبيض وش سااااي نقول (واجم)..
|
Post: #3
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 04:27 AM
Parent: #2
المجلس العسكري الانتقالي (اسم الدلع) للجنة الكيزان
الامنية و بمشاركة فريق الخلاء الامي و مساعدة مخابرات
المحاور اتفقت مع مفاوضين الشارع علي ارجاء المواجهة
ومعركة الحسم الي بعد نسيان الشارع مكتسبات ثورته.
ترق مع المصريين مستنجد وموقع علي اتفاقات و في
جبرة دواعش بنكهة كيزانية..
الوثيقة الدستورية و السودان سلة غذاء العالم كذبتين
(للونسة)..
|
Post: #4
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 04:41 AM
Parent: #3
تأجيل قيام التشريعي لاكمال هياكل (الدولة) كان بمثابة
اول مسمار في جسد الثورة و اتوالت الضربات بالسلام
الناقص بعد اختيار العسكر للقسم الاول للانتقالية.
قالوا عاوزين (يحمونا) من اعداء متربصين طلعوا (هم)!!
عبدالواحد بمشي جوبا يضحك والحلو قال الاربعاء عطلة.
عارفين ناسنا لا جدعوا لا حموا الثورة..
استقالة حمدوك تحفظ لقوي الحرية مصداقية هي في
روحها تفقدها.. اقالة حمدوك تنعي نسفهم بالكامل..
الشارع فهم اللعبة وما بتغش مرتين..
البرهان ابدددددن ما فتر من التهديد بارجاع الكيزان و
بتكوين حكومته من قبل مليونية 30يونيو.. وكل ما يقيف
قدام المايك بقولها.. قالوا التناغم كدي!!
|
Post: #5
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 04:46 AM
Parent: #4
ذهب مسروق و ماشية تضبح في جنوب اسوان.. وموانئ
بورتسودان وسواكن عطلت (بالعين) السخنة او ليها..
وزيرة خارجيتنا تلميذة نجيبة تسمع كلام (استاذها) وكل
ما يمرض عندنا سياسي علاجه بتم في دبي..
غااايتو..
|
Post: #6
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 04:59 AM
Parent: #5
حميدتي بعد زيارته للدوحة و انقرة شكله و كلامه اتغير..
قال عندنا شارع موازي للشارع.
الامارات شالت و وضعت يدها علي اللي عاوزاه و الدور
والباقي علي الدوحة.. الاسلاميين ببدوا بالتفجيرات و اليوم
قااااالوا قبضوا شحنه جاية من كوستي.
غاايتو.
|
Post: #7
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 05:03 AM
Parent: #6
قوت الشارع و دراسته وعلاجه (كورسات) مافي زول في
الحكومة شايلها والكلام عنها ترف زي الكهرباء..
وصلنا دوري الاربعة.. النهائي قريب..
حرية سلام وعدالة.. والخونة اعداء الشعب..
|
Post: #9
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 05:28 AM
Parent: #8
الكوز جبريل.. يفهم جدا في شق الصفوف و المفاصلات..
كيف كوز زي دا (يسالموه) ويدوهوا وزارة و يصرح علنا
بعودة الكيزان؟؟؟؟
شعب طيب نحن يااااخ.
حمدوك كمان ماااا قصر وعين الكوز التاني مناوي حاكم
عمومي لاقليم ولايات دارفور.. اي والله حاكم اقليم ولايات!!!
Re: وزارة المالية.. بوابة العودة وبالغااااانوRe: وزارة المالية.. بوابة العودة وبالغااااانو
|
Post: #10
Title: Re: ++ يعني في زول ما كان عارف!؟ ++
Author: Asim Ali
Date: 10-13-2021, 05:51 AM
Parent: #9
تمت سواقه شعب كامل بالخلا من تاريخ 6 ابريل 2019
مع عدم اى فعل تصحيحى يحسم العب دا بقينا زى فى رمال متحركه
الوضع زى فى رمال متحركه
اقل حركه تغرس اكتر
لمتين حمدوك لابد من غير فعل بحجم موقعو كرئيس وزراء حكومه الثوره
راقد لو فوق راى ولا شنو ؟!!
مجرد تمسح الكيزان فى حراك الثوره كان مؤشر يجب الوقوف عندو والتحسب لما بعدو
الان كل ره اختراقهم لمستوى من المستويات من جديد فى الدوله والحكم
الناس ضاجه ولاجه عن لجنه ازاله التمكين
وهى مجرد اشاعه وشغل اعلام
عندنا فى مؤسستنا تم حل لجنهازاله التمكين من قريب سنه وعوده اللول من بوابه جسم استشارى
و..و ....
|
Post: #11
Title: Re: ++ يعني في زول ما كان عارف!؟ ++
Author: Mutasim Idris
Date: 10-13-2021, 02:39 PM
Parent: #10
Quote: لمتين حمدوك لابد من غير فعل بحجم موقعو كرئيس وزراء حكومه الثوره
راقد لو فوق راى ولا شنو ؟!!
مجرد تمسح الكيزان فى حراك الثوره كان مؤشر يجب الوقوف عندو والتحسب لما بعدو
الان كل ره اختراقهم لمستوى من المستويات من جديد فى الدوله والحكم
الناس ضاجه ولاجه عن لجنه ازاله التمكين
وهى مجرد اشاعه وشغل اعلام |
كيفك يا عاصم ومشتاقون..
حمدوك متين عمل ليه راي زااااتو يرقد عليه ولة يقيف..
اهو قااااعد. يمتلك حسب ما يسمي (بالوثيقة) صلاحيات
رئيس جمهورية زاهد في تفعيلها..
اما لجنة تفكيك التمكين دي ااااخر طلقة متمسك بيها
المكون المدني يلوح بيها مرة مرة للشارع تاكيدا لحق
قد يرجع. تغبيش وتشويش.
اراضي اتصادرت و موظفين تم تسريحهم. لا شفنا
منها قروش بعد بيعها ولا وظائف شاغرة اعلنوا عنها.
غاايتو..
|
|