Post: #1
Title: ما زال هناك وقت للناظر ترك لتقوية الموقف
Author: Abureesh
Date: 10-09-2021, 01:16 AM
00:16 AM October, 09 2021 سودانيز اون لاين
Abureesh-أمريكا
مكتبتى
رابط مختصر
1. يكون إنسحاب تكتيكى من الموقف الحالى..
2. توحيد الجبهة الداخلية واستيعاب مجموعات أخرى الان مغيبة مثل البنى عامر والحباب وقبائل البجا الأخرى، ويكون الشعار وهاش وهاشونا. (الأرض أرضنا) وما عندى شك لو خلصت النوايا
فإن جميع قبائل البجا ستكون كلمتها واحدة بما فيها قبائل البنى عامر السودانية، ويمكن أن يعقدوا الزعامة للناظر ترك بترتيبات معينة. وبدون توحيد الكلمة فإن الأعداء يدخلون عبر طريق الطرف المهمش
أو المبعد وتكون فتنة كبيرة.
3. بعد توحد الكلمة البجاوية تكون حملة كبيرة جدا داخلية، وسيكون صداها فى كل العالم، وهدفها حشد الرأى العام السودانى حول قضية الشرق العادلة. وبذلك يضرب الشرق مثالا لبقية الأقاليم.. أما إنتظار
السياسين الفاشلين ليحلوا مشاكل السودان فى إطار السودان، الذى هم ليسوا قدره على أى حال، فمضروب عليها الفشل.
4. بعد حشد تعاطف السودانيين والعالم عن طريق الخطوات السابقة وبعد أن تفشل الحكومة كما هو متوقع، من تلبية مطالبهم العادلة، يمكن تخشين الخطاب رويدا رويدا، حتى تصل الى اخر الدواء (الكى)
ترك وجماعته يحتاجون لشراء الوقت. أهدافه مشروعة، والخطوات التى اتخذها مفهومة ومبررة.. ولكن الخطوات المحسوبة والاولويات المرسومة مهمة لإنجاح أى مشروع.
|
Post: #2
Title: Re: ما زال هناك وقت للناظر ترك لتقوية الموقف
Author: كمال عباس
Date: 10-09-2021, 01:40 AM
Parent: #1
معليش نزل خطأ
ولكني أتابع هنا أيضا
|
Post: #3
Title: Re: ما زال هناك وقت للناظر ترك لتقوية الموقف
Author: AMNA MUKHTAR
Date: 10-09-2021, 01:51 AM
Parent: #1
Quote: معليش نزل خطأ
ولكني أتابع هنا أيضا |
كمال عباس خلي الرجفي ..وإتعلم من البجا قوة القلب 🤣
#هاش_هاشون
#بلد_بلدون
أهلنا البني عامر السودانيين واقفين وقفة صلبة.
التحية لأبو الريش وتراجي..وبقية العقد الفريد 💥
|
Post: #4
Title: Re: ما زال هناك وقت للناظر ترك لتقوية الموقف
Author: كمال عباس
Date: 10-09-2021, 02:05 AM
Parent: #3
سلامة آمنة رجفي شنو ؟ مداخلة نزلت غلط وسحبت
أرجو أن تكفي عن السباب والتجريح فأنا لم أتعرض لك بسوء وتعاملت بكل
تهذيب وإحترام
........ يعني البني عامر المؤيد ترك سوداني واللي واقف ضده عميل وخائن وأجنبي دخيل ـ
دا توزيع لصكوك الغفران أ قصد صكوك الإنتماء والمواطنة
|
Post: #5
Title: Re: ما زال هناك وقت للناظر ترك لتقوية الموقف
Author: AMNA MUKHTAR
Date: 10-09-2021, 02:49 AM
Parent: #1
Quote: يعني البني عامر المؤيد ترك سوداني واللي واقف ضده عميل وخائن وأجنبي دخيل ـ
دا توزيع لصكوك الغفران أ قصد صكوك الإنتماء والمواطنة |
لأنه ببساطة يا عبقرينو..
البني عامر السوداني..ما بيقول البجا لا يمكن يمثلوا شرق السودان
وكذلك البني عامر السوداني لا يطالب ب(حقه في الهوية الإريترية والجواز السوداني).. كما فعلت عصابة ما يسمى بمسار الشرق على رؤوس الأشهاد..معقول لسه عاملين ما شفتوا فيدوهاتهم دي؟
وللا ما فارقة معاكم ......
ولتراجي بوست هنا قبل سنوات ..عن خطورة التجنيس الهبتلي دا ..على التغيير الديموغرافي.
بفتش البوست ..علشان تعرف الفرق بين السوداني والأجنبي الما ضاربه حجر دغش في البلد دي ..
وبالتالي يمكن بيعها وشرائها لمن يدفع..
|
Post: #6
Title: Re: ما زال هناك وقت للناظر ترك لتقوية الموقف
Author: أبوبكر عباس
Date: 10-09-2021, 02:58 AM
Parent: #5
غايتو ترك قفل شارع بورتسودان
وآمنة مختار قفلت ليهو سودانيزاونلاين
والله، خائفين
|
Post: #7
Title: Re: ما زال هناك وقت للناظر ترك لتقوية الموقف
Author: عبدالغني محمد الحاج
Date: 10-09-2021, 03:03 AM
Parent: #6
ههههههههههه
والله الهطلة دي ما تقفل مطبقتا خليك من بورد بمستوى سودانيز
الناس مشمئزة مما تقوله مش عاجزة عن الرد يا سيد
|
Post: #8
Title: Re: ما زال هناك وقت للناظر ترك لتقوية الموقف
Author: أبوبكر عباس
Date: 10-09-2021, 03:06 AM
Parent: #7
أقصد يا سيد، أنا الخائف
داير اتريق لكن خائفها تلحقني قسوم
وأنا وحات الله بريدها
|
Post: #9
Title: Re: ما زال هناك وقت للناظر ترك لتقوية الموقف
Author: أيمن نواى على
Date: 10-09-2021, 03:09 AM
Parent: #5
التحية لصناديد الشرق
العالم ابو الريش .. الأستاذة آمنة مختار .. الأستاذة تراجى لكم منا كل التحايا العطرة و انتم تنسجون وشاح الاستقلال الحقيقي .. هاش - هاشون .. ترك مرق .. فليتوحد اهل البجا فى توحدهم وحدة السودانوية ..كما توحدنا نحن نوبة جنوب السودان .. ثم نتوحد شعوبا و قبائل لى إدارة شئوننا فى سودان موحد يحترم الجميع من غير تهميش وتصدير الجوع و الحرب و الامراض للأطراف .. دمتم فى رعاية الله و حفظ ارض البجا و السودان .. لكم خالص المجد و التحيا مقدار ما بزلتوا من جهد و تضحية لاستقلال حقيقى فى ربوع السودان الحبيب .
|
Post: #10
Title: Re: ما زال هناك وقت للناظر ترك لتقوية الموقف
Author: اخلاص عبدالرحمن المشرف
Date: 10-09-2021, 03:22 AM
Parent: #9
السلام عليكم
أولاً احي الناظر ترك علي وقوفه مدافعاً
عن حقوق أهله واثبت انه ناظر يستحق لقبه.
ثانياً والكلام ده قلته اكثر من مرة الحدود يجب
ان تحترم
من كان ينتمي لقبيلة حدودية ممتدة عليه ان يحسم
امره ، كما حدث ويحدث في كل الدنيا واقرب
مثال حدودنا مع مصر، نوبة السودان سودانيون
ونوبة مصر مصريون وأظن ان بعض الاحزاب من
اجل الكسب الانتخابي سمحت بالتجاوزات.
اظن الناظر ترك الان سيبدأ التفاوض من
موقع قوة
|
Post: #11
Title: Re: ما زال هناك وقت للناظر ترك لتقوية الموقف
Author: علاء سيداحمد
Date: 10-09-2021, 04:43 AM
Parent: #10
سلمات يا هندسة
اكبر خطأ ارتكبوا تِرِك هو انه تماهى مع العسكر والكيزان والذين طالبوه برفع سقف المطالب
لتحقيق اكبر قدر من تلك المطالب وفى النهاية الرجل قبض الريح .
الآن : عليه التركيز على المطالب والحقوق الحقيقية والاستعانة بأهل الشرق جميعهم بدلاً عن
الكيزان والعسكر .
مازال فى الوقت متسع لتحقيق المطالب .
|
|