Post: #1
Title: تطورات الوضع السياسي الراهن: تصريحات مثيرة للبرهان ، وقرارات لمجلس الوزراء
Author: Elhadi
Date: 09-30-2021, 10:57 PM
09:57 PM September, 30 2021 سودانيز اون لاين
Elhadi-
مكتبتى
رابط مختصر
مجلس الوزراء يصدر موجهات أهم ما حوته
ـ تمتين الشراكة بين المدنيين والعسكر 
ـ توحيد قوى الثورة والحواضن السياسية ( لاحظوا لكلمة الحواضن ) LOL
|
Post: #2
Title: Re: تطورات الوضع السياسي الراهن: تصريحات مثير
Author: Elhadi
Date: 09-30-2021, 11:01 PM
Parent: #1
المهم هاكم اقروا براكم وكلو واحد يقراهو بطريقتو ـ
Quote:
مجلس الوزراء يُصدر قراراً تضمن موجهات بشأن المحاولة الانقلابية الفاشلة
أصدر مجلس الوزراء وعملاً بأحكام المادة (١٦) من الوثيقة الدستورية للفترة الانتقالية لسنة ٢٠١٩م وبناءً على مادار في اجتماعه رقم (٣٢) لسنة ٢٠٢١م القرار الآتي:-
• موجهات :
١. إدانة المحاولة الانقلابية الفاشلة التي هدفت لتقويض الفترة الانتقالية ومكتسبات ثورة ديسمبر المجيدة.
٢. الإشادة بالقوات المسلحة والقوات النظامية لكشفها المبكر لمخطط الانقلاب ودحره.
٣. التحقيق الدقيق في المحاولة الانقلابية للوصول لكافة الجهات المشاركة والإسراع في تقديمهم للعدالة.
٤. التأكيد على أهمية وضرورة تحصين الفترة الانتقالية من خلال تقييم الفترة الماضية بشفافية ووضوح وبذل المزيد من الجهد لتوحيد قوي الثورة والحواضن السياسية
وتمتين الشراكة بين العسكريين والمدنيين
وإكمال مؤسسات الانتقال بما يحقق أهداف الفترة الانتقالية والاستحقاق الدستوري ،
وعقد اجتماع عاجل لمجلسي الوزراء والسيادة لمناقشة قضايا الوضع الراهن.
٥. ضرورة التعامل الاعلامي الواعي لمواجهة الشائعات والإعلام المضاد في وسائل الإعلام المختلفة.
ووجه القرار الوزارات كافة والجهات المعنية الأخرى بإتخاذ إجراءات تنفيذ القرار. |
|
Post: #3
Title: Re: تطورات الوضع السياسي الراهن: تصريحات مثير
Author: Elhadi
Date: 09-30-2021, 11:03 PM
Parent: #2
| Quote: وعقد اجتماع عاجل لمجلسي الوزراء والسيادة لمناقشة قضايا الوضع الراهن. |
نشيف
|
Post: #4
Title: Re: تطورات الوضع السياسي الراهن: تصريحات مثير
Author: Elhadi
Date: 09-30-2021, 11:07 PM
Parent: #3
تصريحات البرهان :
|
Post: #5
Title: Re: تطورات الوضع السياسي الراهن: تصريحات مثير
Author: Elhadi
Date: 09-30-2021, 11:19 PM
Parent: #4
قراءتي الشخصية المتواضعة :
أعتقد انو it's time to bend over
وأنو مجموعة الأحزاب الصغيرة المتهافتة على السلطة وكراسيها ـ أو مجموعة ما يسمى بأحزاب ( المؤتمر ـ التجمع الاتحادي ـ البعث ) وهي المجموعة المسيطرة على قوى الحرية والتغيير
قد أدت دورها بنجاح حتى الآن ونفذت الإرادة الإقليمية والدولية في السودان ونجحت في تكريس سلطة العسكر والمليشيا وتنزيل مخطط الهبوط الناعم زي ما بقول الكتاب،
ما قصرت وفرت الغطاء السياسي لكل هذا المخطط وبنجاح تام في مقابل تمن بخس جداً
وحان الوقت انها بعد كده تمشي خلاص ويجوا غيرهم
والإسلاميين المنتظرين على الرصيف لوراثة جثة ما يسمى بأحزاب المجلس المركزي لقوى الحرية والتغيير
انتظاركم سيطول !
|
Post: #6
Title: Re: تطورات الوضع السياسي الراهن: تصريحات مثير
Author: Elhadi
Date: 09-30-2021, 11:36 PM
Parent: #5
السؤال ما انو حا يشوتوهم برة ولا لا
لأنو الإجابة إنو حا يشوتوهم برة 
السؤال هل حا يشوتوهم برة خالص خالص يعني ؟؟
ولا حا يدوهم عرض يناسب وزنهم السياسي "الحقيقي" ؟؟
|
Post: #7
Title: Re: تطورات الوضع السياسي الراهن: تصريحات مثير
Author: Elhadi
Date: 09-30-2021, 11:57 PM
Parent: #6
يعني على سبيل المثال :
حزب زي حزب الأمة ما بتصور إنو يمكن وضعه خارجاً مهما كان مدى ضعف وتهافت قيادته الحالية واستعدادها لقبول أي شيء
وهو زاتو (أي حزب الأمة ) لا يزال موقفه مما يجري موقف باهت.. مبهم.. وغامض، خصوصاً في ظل انتقادات دكتور ابراهيم الأمين الواضحة والصريحة والمباشرة لمجموعة المجلس المركزي ومطالبته بتوسيع الحاضنة
لكن ترك حزب الأمة خارجاً خطوة ما حا تكون في صالح (البرهان / حمدوك ) بأي حال من الأحوال وتعتبر إن حدثت سذاجة ليس إلا ـ فما بتصور إنها تحدث
|
Post: #8
Title: Re: تطورات الوضع السياسي الراهن: تصريحات مثير
Author: Gafar Bashir
Date: 09-30-2021, 11:58 PM
Parent: #6
ياخي اتلهي ..
ما انتو ٤ ولا ٣ مش عاملين الجيش والدهب والشركات الامنية بتعات اهلكم
كمان عايزبن تعملوا فيها اوصياء علي الحكومة المدنية
هسي وروكم الطفي اللمبة منو
اصرخوا بس
|
Post: #9
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 03:06 AM
Parent: #8
|
Post: #10
Title: Re: تطورات الوضع السياسي الراهن: تصريحات مثير
Author: محمد البشرى الخضر
Date: 10-01-2021, 03:34 AM
Parent: #9
| Quote: إكمال مؤسسات الانتقال بما يحقق أهداف الفترة الانتقالية والاستحقاق الدستوري ، |
الاستحقاق الدستوري هل يشمل انتقال رئاسة السيادي ولا ناكل باسطة!
جقلبة البرهان دي و كلام ادخال الادارة الاهلية و الطرق الصوفية مقصود منه خلق توازن في التشريعي يمرر اقتراح تعديل الوثيقة ليسمح للبرهان بارئاسة المجلس حى نهاية الفترة!
|
Post: #11
Title: Re: تطورات الوضع السياسي الراهن: تصريحات مثير
Author: Hafiz Bashir
Date: 10-01-2021, 03:56 AM
Parent: #10
| Quote: ليسمح للبرهان بارئاسة المجلس حى نهاية الفترة! |
أخشى يا ود البشرى أن تكون الطموحات أكبر من كدا بكتير
او أن تكون رئاسة المجلس السيادي خطوة صغيرة في محطة في الطريق لتحقيق طموحات كبيرة.
|
Post: #12
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 04:30 AM
Parent: #11
Quote:
أخشى يا ود البشرى أن تكون الطموحات أكبر من كدا بكتير
او أن تكون رئاسة المجلس السيادي خطوة صغيرة في محطة في الطريق لتحقيق طموحات كبيرة. |
بالضبط يا حافظ لانو في ظني مسألة رئاسة البرهان للمجلس السيادي واستمراره في هذا الدور ده أمر أظن أنه كان يمكن أن يتحقق للعساكر بأسهل وأيسر مما فعلوا
فالموضوع أنا برضو شايفو أكبر من مجرد رئاسة البرهان للمجلس السيادي
|
Post: #13
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 04:34 AM
Parent: #12
بتوقع يا ود البشرى ـ إن صدق حدسي ـ
إنو الاجتماع القادم والمشار إليه في قرارات وتوجيهات مجلس الوزراء أعلاه ـ ( الاجتماع بين المجلس السيادي ومجلس الوزراء )
أتوقع في هذا الاجتماع أو أرجح أن يتم إقالة الحكومة الحالية وتكليف حمدوك بتشكيل حكومة جديدة
العساكر متحركين بسرعة شديدة
|
Post: #14
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 02:59 PM
Parent: #13
العساكر حسموا أمرهم تماماً
وناس أردول وعلي عسكوري يبدو إنهم حا يقضوا بيهم الشغل الجديد
غداً حفل التوقيع على ما يسمى ب (الميثاق الوطني لوحدة قوى الحرية والتغيير ) بقاعة الصداقة
وقد دعي لحضور الحفل رؤساء البعثات الدبلوماسية بالخرطوم حسب ما تظهر وثيقة صادرة عن ما يسمى بالأمين العام لمجلس السيادة الفريق ركن محمد الغالي علي يوسف
الحرية والتغيير (جماعة الهبوط الناعم) كانت مجرد سلم 🪜 لا أكثر ولا أقل تسلق عبرها العسكر للسلطة، وعندما قضوا منها وطرهم طرحوها أرضاً
ما عارف الناس الكانت بتكابر وتجادل وتدافع الوقت ده كلو عن المجموعات الفاشلة دي ( رغم وضوح الحاجات منذ اليوم الأول لانقلاب ١١ أبريل) موقفهم حا يكون شنو أسي
الناس حقو تتعلم من أخطاءها ولا تمضي خلف السياسيين مغمضي الأعين.
الله يعين
|
Post: #15
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 03:01 PM
Parent: #14
اجتماع مجلس الوزراء مع المجلس السيادي المقرر من المرجح أن يعطي المشروعية لمؤتمر قاعة الصداقة ده
وعلي الأرجح يتم حل الحكومة وتكليف حمدوك بتشكيل حكومة جديدة
|
Post: #16
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 03:16 PM
Parent: #15
المؤسف إنو جماعة الحرية والتغيير (المجلس المركزي) لحدي أمبارح القريبة دي
لسة مطاردين الشراكة 😷
شيء مؤسف ياخ
وأنا أفتكر إنهم حا يقبلوا بأي وضعية !! وحا يلقوا ليها التبرير
|
Post: #17
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 04:07 PM
Parent: #16
ناشطي قحت وجدادها الاسفيري من مستجدي السياسة
الآن قاعدين يضربوا أخماس في أسداس في إنو منو الكتب الخطاب 😀
برهان ؟؟
الغالي ؟؟
لا لا ده مناوي؟؟ لا ياخ ما مناوي.. مناوي ده عمل تغريدة ونفى الكلام ده !
يمنون النفس بإنو يطلع خطاب مضروب ساكت 😷
هو مهم للدرجة يعني منو الكتب الخطاب ؟؟
|
Post: #18
Title: Re: تطورات الوضع السياسي الراهن: تصريحات مثير
Author: محمد البشرى الخضر
Date: 10-01-2021, 04:17 PM
Parent: #17
Quote:
اجتماع مجلس الوزراء مع المجلس السيادي المقرر من المرجح أن يعطي المشروعية لمؤتمر قاعة الصداقة ده
وعلي الأرجح يتم حل الحكومة وتكليف حمدوك بتشكيل حكومة جديدة |
ما اظن البرهان يغامر ويعقد اجتماع زي دا فيه الغلبة للمدنيين، الا يعتقل ود الفكي وسلك ويمنع دخولهم الاجتماع
|
Post: #19
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 05:03 PM
Parent: #18
ما وارد يا محمد يكون في "أرادلة" تانين داخل المجلسين ديل ؟؟
الأردلة فكرة 💡
والفكرة لا تموت
وبرضو ما تنسى الجوكر (حمدوك)
|
Post: #20
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 05:10 PM
Parent: #19
على سبيل المثال لا الحصر ؛
في مجلس السيادة يا محمد هل انتو مالين يدكم من كل الأعضاء !
يعني التعايشي والتاني داك اسمو مين شيخ إدريس والتالت نيقولا
ومالك عقار .. هل ديل كلهم مالين يدكم منهم ؟؟
في مجلس الوزراء حدث برضو ولا حرج عن الشخصيات الما معروف ليها تاريخ وانتماء وتاريخ سياسي واضح أو إنها جات هنا كيف أساساً 😀
|
Post: #21
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 05:29 PM
Parent: #20
كدي نعدهم ليك
في مجلس الوزراء عندك : حمدوك ووزير الدفاع ووزير الداخلية وعندك وزراء حقائب الحركات المسلحة ديل كم ؟؟
وضم ليهم مريم الصادق برضو لأنو حزبها لن يتأثر كثيراً بتغيير أو توسيع الحاضنة من عدمه :)
لأنو ببساطة شديدة جداً خروج حزب الأمة خارجاً سيلقي بظلال كثيفة من الشك على مدى مشروعية تمثيل الحكومة للقوى السياسية في البلاد ككل وده ما كويس للحكومة
فهو أي حزب الأمة خيال المآتة الرئيسي في الرصة دي كلها وكده كده ضامنين وجودهم وحقائبهم السيادية والوزارية في أي رصة
الحكومة يهمها وجود حزب الأمة، لكن حزب أمة ضعيف لا يهش ولا ينش بقيادته الحالية
دي مجرد خواطر سريعة شان تستصحبها في حساباتك يا محمد
|
Post: #22
Title: Re: تطورات الوضع السياسي الراهن: تصريحات مثير
Author: محمد البشرى الخضر
Date: 10-01-2021, 05:35 PM
Parent: #20
شيخ ادريس و نيقولا ما بعرفهم لكن التعايشي مع المدنية واكمال الانتقال بلا مواربة، عقار و الطاهر على الضد من مناوي و جبريل بالتأكيد.
حمدوك طبعا لا يمكن يكسر ضهر مبادرته او يسحب دعمه للميثاق الاول، ما تنسى انو مستشاره عرمان!
حتى لو تعرض لضغوط لا اعتقد سيستجيب خاصة بعد الدعم الولي و بعد ان وضح للجميع انه الوجه الوحيد المقبول للعالم، انا لو محله بمش في طريق مبادرته للآخر سيضطر كل من رفضها ان يلتحق بها.
عموما العملية دي زاتها اساسا ما دستورية، لا احد يستطيع غرض تغيير مكونات طرف او هذا يعتبر الغاء
|
Post: #23
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 05:53 PM
Parent: #22
We we’ll see
كلو بيظهر..
بس حبيت أضيف :
مفرح الفرحان
ووزير العدل !
ديل الوزيرين الوحيدين الثابتين من التشكيلة الأولى !
مفرح معلوم إنو حزب الأمة هو الجابو وهو البمشيهو لو قرر
لكن وزير العدل ده بيستمد نفوذه من وين في. خضم الصراع السياسي الملتهب ده، والتكالب الشديد على المناصب !
غايتو السياسة السودانية فيها حاجات ما مفهومة كلو كلو 😷
|
Post: #24
Title: Re: تطورات الوضع السياسي الراهن: تصريحات مثير
Author: محمد البشرى الخضر
Date: 10-01-2021, 06:13 PM
Parent: #23
نسيت ياسر عباس وزير الري دا مش من الحكومة الاولى فحسب بل من زمن الانقاذ, طبعا لانه ماسك ملف سد النهضة
مفرح ووزير العدل من الوجوه المقبولة دوليا و على عاتقها مهمة كبيرة ناس سيداو وتغيير القوانين و الغاء حد الردة و كنس ادوات الاخوان المسلمين حتى لو حصل تغيير و حل حمدوك الحكومة ح يظلوا في مناصبهم
|
Post: #25
Title: Re: تطورات الوضع السياسي الراهن: تصريحات مثير
Author: Elhadi
Date: 10-01-2021, 06:42 PM
Parent: #24
القبول الدولي جابو من وين قبل تولي الوزارة ؟؟
يعني قبول دولي وهو طالب ولا كيف ؟؟
* المهم في محور تاني برضو : كان عضو مجلس السيادة محمد الفكي ذكر في اللقاء التلفزيوني أنهم في مجلس السيادة أعضاء متساويين في المهام والصلاحيات
وإنو منصب البرهان كرئيس لمجلس السيادة لا يعطيه أي صلاحيات أكثر من أي عضو آخر في المجلس وأنو مهمتو فقط تنظيم الاجتماعات أو كما ذكر ود الفكي
ومع إنو الفكرة في حد ذاتها فكرة عبيطة وساذجة.. لكن إذا تتبعنا منطق ود الفكي ده عشان نحاكموا لما أورده بلسانه في الحتة دي:
هل يستطيع ود الفكي أو أي عضو آخر من المدنيين في مجلس السيادة إقالة الفريق الغالي الأمين العام لمجلس السيادة على خلفية الخطاب الصادر اليوم ؟؟
علماً إنو الفريق الغالي ده مجرد موظف في مجلس السيادة ليس الا.. يعني ليست لديه صلاحيات دستورية أعلى من أي عضو في سيادة
هو مجرد موظف لدى محمد الفكي.. فهل يستطيع ود الفكي فعلياً إقالته؟؟
الإجابة متروكة لفطنة القارئ !
|
Post: #26
Title: Re: تطورات الوضع السياسي الراهن: تصريحات مثير
Author: AMNA MUKHTAR
Date: 10-01-2021, 10:13 PM
Parent: #1
ههههههه
حلوة وملعوبة (حواضن ) دي ..
ناس ( هبوا) ..و(هجم النمر ) في فتيل .
هؤلاء الذين أصابهم الفزع على كراسيهم السلطوية..
الشعب بالأمس لم يخرج دعما لهم ..بل خرج لاستعادة ثورته المسلوبة..،(منهم ومن شركائهم أجمعين)....
رغم محاولتهم تزييف إرادة الشعب ..كالعادة يا سعادة .
وتجمع المهنيين أمس فهم الرسالة على ما يبدو ..فيحاول الآن إنقاذ ما وجهه..
....
الناس دي ما بتتعلم أصلو يا الهادي ..فالقطيع القحاتي الذي ظننته سيتوارى لا يزال يكابر ويعزي النفس بالأمل في ( عجله الذهبي) الذي له ( خوار) 😂
....
والله يا جماعة رغم أن الموقف يستحق الشماتة ..ويستحق أن نقول لمن شتمونا وخونونا طوال سنتين ..لأننا رفضنا أن نبايع قحت وتجمع المهنيين ونبصم لهم شيك على بياض ..مااا قلنا ليكم زمااان.
لكنها شماتة مصحوبة بحسرة وألم ..على ما آل إليه حال الثورة والوطن والشعب .
فقد رجعنا إلى ما قبل مربع واحد .
وكأنك يابوزيد لا غزيت..ولا رحت ولا جيت !!
وهسه تجمع المهنيين..ببيانه هذا عايز يتبرأ من مشاركته لأحزاب قحت ..في التفاوض مع اللجنة الأمنية..
حين نحنا متذكرين كويس ..إبتسامات الأصم وهو يقدل في ردهات قصر الإمبراطور بشة..
ونحنا متذكرين كويس إجتماعات عناصر تجمع المهنيين مع جماعة الهبوط الناعم..وحج بعضهم إلى المحور ..
وزيارتهم للسفارات ..ومن مشاركة بعضهم في حكومة قحت الأولى..
بعدين يا (تجم) ما ممكن ياخ ..تلطشوا بعض عباراتي الكتبتها في مقالي الأخير ..
مع إنكم تجاهلتم نصائحي المتواضعة لكم ( أيام التفاوض ) الذي شاركتم فيه ..بالأمارة
الوسيط الحبشي وصفكم ( بمجرد نشطاء وليس سياسيين) ..
هذا الوسيط الحبشي ( أبي أحمد كريستيان ديور ) ..الغدار الذي شن حربا ضد حكومة ( صديقه حمدوك)..
وثم رفض بعجرفة وساطة صديقه حمدوك في الحرب الداخلية الحبشية ..
وكذلك (ضفر ) حكومة حمدوك في ملف سد النهضة..
ونسى ..إنه قد حصل على جائزة نوبل للسلام ..التي كان ثمنها شهداء الثورة السودانية 😡
صدقوني لما كان بيتبتخر بأزياء كريستيان ديور ..في إحتفالية التوقيع على الوثيقة المهببة..
وعندما صعد إلى المنصة وهللتم وهتفتم له ..حنيت عليكم ..
لأني متخصصة تاريخ 🤣
هوي يا تجمع المهنيين..لازم تعترفوا بمشاركتكم في ( ما حدس )..
وما تسوقوا الثورة بالخلا تاااني.. أدو الحرية للشعب يعبر عن نفسه ..
كنتو مدسين وين الفترة الفاتت والشعب يلوك المرة والمغسة ؟
|
Post: #27
Title: Re: تطورات الوضع السياسي الراهن: تصريحات مثير
Author: AMNA MUKHTAR
Date: 10-01-2021, 10:27 PM
Parent: #1
| Quote: والتاني داك اسمو مين شيخ إدريس |
دا بجاوي من كسلا حزب أمة ..جابو الصادق المهدي من الخليج..للمنصب دا🤣
|
Post: #28
Title: Re: تطورات الوضع السياسي الراهن: تصريحات مثير
Author: AMNA MUKHTAR
Date: 10-01-2021, 10:30 PM
Parent: #1
Quote: لكن وزير العدل ده بيستمد نفوذه من وين في. خضم الصراع السياسي الملتهب ده، والتكالب الشديد على المناصب !
|
وزير العدل دا من جماعة حمدوك ..علشان كدا ضهروا قوي بدعم دولي 🤣
|
Post: #29
Title: Re: تطورات الوضع السياسي الراهن: تصريحات مثير
Author: AMNA MUKHTAR
Date: 10-01-2021, 10:34 PM
Parent: #1
| Quote: التعايشي مع المدنية واكمال الانتقال بلا مواربة |
التعايشي دا مواقف كتيرة أثبتت إنه ( من الفرحانين) ومع مصلحته فقط ..كان عسكر كان مدنيين كان حركات مسلحة..
ولغة الجسد في إجتماع اليوم تثبت إنه حاله ( في أمرا ضيق )🤣
|
Post: #30
Title: Re: تطورات الوضع السياسي الراهن: تصريحات مثير
Author: AMNA MUKHTAR
Date: 10-01-2021, 11:05 PM
Parent: #1
|
Post: #31
Title: Re: تطورات الوضع السياسي الراهن: تصريحات مثير
Author: Nasser Amin
Date: 10-01-2021, 11:28 PM
Parent: #30
الاخت الكريمة آمنه
طيب عايز اعرف منك شخصيا
في خيارين و معسكرين انتي مع منو؟
معسكر الكيزان و الجيش و المرتزقة في
كل زمان و مكان و ناس نكرات
وفي معسكر الثورة بما فبهو من اخطاء
و برضو تضحيات.
لو تكرمتي تنوريني و باجابات واضحة.
|
Post: #32
Title: Re: تطورات الوضع السياسي الراهن: تصريحات مثير
Author: AMNA MUKHTAR
Date: 10-02-2021, 06:43 AM
Parent: #1
Quote: الاخت الكريمة آمنه
طيب عايز اعرف منك شخصيا
في خيارين و معسكرين انتي مع منو؟
معسكر الكيزان و الجيش و المرتزقة في
كل زمان و مكان و ناس نكرات
وفي معسكر الثورة بما فبهو من اخطاء
و برضو تضحيات.
لو تكرمتي تنوريني و باجابات واضحة. |
أنا مع ثورة الشعب منذ نعومة أظافري أخي الكريم ..
مشكلتكم ثورة ديسمبر إرتبطت عندكم بالقحاتة..
لكنها بدأت من الشعب قبل ظهور القحاتة على المشهد ..وإلى الشعب ستعود .
|
Post: #33
Title: Re: تطورات الوضع السياسي الراهن: تصريحات مثير
Author: Elhadi
Date: 10-02-2021, 01:29 PM
Parent: #32
قحت اتسيكت في قبولها !!
نفس العملتو قحت بعد فض الاعتصام.. نفس التآمر الذي قاده وقتها الصادق المهدي
جاء وطبقوا فيهم مبارك أردول وجماعته بالكربون (طبعاً كلهم أدوات للعسكر والأجهزة الأمنية مافي كلام )
سبحان الحي الذي لا يموت
|
Post: #34
Title: Re: تطورات الوضع السياسي الراهن: تصريحات مثير
Author: Elhadi
Date: 10-02-2021, 01:36 PM
Parent: #33
مبارك أردول مجرد أداة وكلهم مجرد أدوات رخيصة
وأفتكر إنها أداة رخيصة وغير مكلفة ؛ يعني تمنو حا يكون كم يعني زول زي أردول ده ؟؟
حا يأدي دوره في المسرح وحا يمشي غير مأسوف عليه
|
Post: #35
Title: Re: تطورات الوضع السياسي الراهن: تصريحات مثير
Author: Elhadi
Date: 10-02-2021, 06:44 PM
Parent: #34
ما شاهدناه اليوم هو الحلقة الأولى في إنقلاب العسكر على شركائهم من المدنيين فيما يعرف بقوى الهبوط الناعم وهي الأحزاب التي سلمت أمرها طائعة مختارة للعسكر والمليشيات
الحصل ده هو انقلاب من داخل الوثيقة الدستورية باستغلال الثغرات الموجودة في الوثيقة لذلك لا تستطيع قوى الحرية والتغيير التي تم الانقلاب عليها الحديث عن خرق ما تم للوثيقة الدستورية أو ما بات يعرف بوثيقة كورنثيا
وستتوالى الحلقات تباعاً…
والمثير هو ما اتوقع أن يحدث في الاجتماع المزمع عقده بين المجلسين السيادي والتشريعي والذي دعا له مجلس الوزراء في بيانه السابق
|
Post: #36
Title: Re: تطورات الوضع السياسي الراهن: تصريحات مثير
Author: Elhadi
Date: 10-02-2021, 06:53 PM
Parent: #35
حتى الآن مافي ملامح لقوى سياسية واضحة يمكن الإشارة إلى أنها تقف خلف ما جرى
سوى الحركات المسلحة وبعض الأفراد المنبتين أو الذين تم شراءهم بالمال أو تجنيدهم بواسطة قوى الأمن وأجهزة الاستخبارات
هل ديل بيقدروا يوفر الدعم والغطاء أو الظهير السياسي المناسب ؟؟
أشك في كده وحتى لو معاهم حمدوك يظل برضو فرد لا وزن سياسي له حتى لو كان يحظى بدعم دولي (الواقع السياسي في السودان غير)
هل هناك قوى أخرى ستظهر تباعاً؟ وارد برضو
لكن ديل الفي قاعة الصداقة ما بقدروا يسوقوا ليهم حكومة
|
Post: #37
Title: Re: تطورات الوضع السياسي الراهن: تصريحات مثير
Author: كمال عباس
Date: 10-02-2021, 07:30 PM
Parent: #36
حاجة تحير
د ابراهيم الامين وعادل المفتي
مشو قاعة الصداقة للمشاركة والحضور
بس اكتشفو انو في كيزان هناك عشان كدة انسحبو !
شاركو في كافة الترتيبات والتحضيرات لهذه المهزلة
علما بانو راعي الضان في. الخلا يعرف مسبقا طبيعة واجندة هذه المجموعة وعلاقتها بالعسكر والفلول !
وبرضو. يجيك مدير مكتب ابراهيم. الامين يقول ليك ابراهيم ما وقع علي البيان
للفائدة
يرجي الاطلاع. علي تصريح المفتي اليوم بعد عودته وإبراهيم الامين من قاعة الصداقة
|
Post: #38
Title: Re: تطورات الوضع السياسي الراهن: تصريحات مثير
Author: نعمات عماد
Date: 10-02-2021, 07:41 PM
Parent: #37
سلام
بمناسبة ثغرات الوثيقة،
ما هو موقف ساطع الحاج و المحامية مين كدا السنهوري؟
|
Post: #39
Title: Re: تطورات الوضع السياسي الراهن: تصريحات مثير
Author: محمد البشرى الخضر
Date: 10-02-2021, 08:43 PM
Parent: #38
| Quote: لكن ديل الفي قاعة الصداقة ما بقدروا يسوقوا ليهم حكومة |
ما مطلوب منهم يسوقوا حاجة، يكفي وجودهم و اعتراف جهة ما بهم بانهم الحرية و التغيير حتى نوفمبر عشان يطلع البرهان وبراءة الأطفال في عينيه يقول جينا نسلم الرئاسة حسب الوثيقة ما عرفنا نديها لمنو لقينا اتنين حرية وتغيير كل واحدة بتدعي انها هي الشرعية، لما يتفقوا انا جاهز.
حاجة كدا زي وضع مجلسي ادارة المريخ المتنازعان في الشرعية و ادارة الفريق
|
|