***** الكراكتير الفوق دا فضيحة و جريمة *****

01:43 PM September, 30 2021

سودانيز اون لاين
ABUHUSSEIN-السعودية الرياض
مكتبتى
رابط مختصر

.

وفيه تنمٌّر !

اخونا وليد كيفك ؟؟

الغريبة محلها ممكن تكون اي شتيمة بتلفق .... لكن السبهللية ما ليها علاج ....

دبابيس دي شنو
بس الاحوص دا منو😅😅

ماشية معاك باسطة
مواهبك وطاقاتك لا حدود لها
خبير طرامبي
خبير لوجستي
هسع مركب مكنة خبير كركتوري 😅😅😅

معقول زول عاقل و بكتب في مواقع منتشرة و بشاهدها الآلاف ما يكون عندو المقدرة على تجنب الكلام الدراب الزي دا

Quote: ماشية معاك باسطة مواهبك وطاقاتك لا حدود لها خبير طرامبي خبير لوجستي هسع مركب مكنة خبير كركتوري 😅😅😅

ياخ انت زول حاسد .....

تعال الزول دا مش صاحبك .... ؟؟؟
وعيه ياخ .... اخد ليك شوية اجر .... 🤣🤣

Quote: تعال الزول دا مش صاحبك .... ؟؟؟ وعيه ياخ .... اخد ليك شوية اجر .... 🤣🤣

الدبابيس مسكوه ضنب الككو
لكن سيد اللبن مالو ما بشوف
😅😅😅

دي فرصة دلم البوست متعلق بالكركتوري
كركتير ود دفع الله عن الزول المخسي داك
ود دفع الله ما شاف قبل كده خروف مخسي
😅😅😅

بفتكر اهم شى فى الكاركتير بعد الفكرة انو يكون خفيف الدم لغة خفيفة ورسومات معبرة وفى نفس الوقت تبعث السرور والضحك الرحمة والمغفرة للساحر الفنان عزالدين عثمان الذى حملت اعماله مضامين عميقة مواكبة لكل احداث المجتمع تناولها بفن وخفة دم مبالغة ، تكاد قبل أن تقرأ التعليق وبمجرد رؤيتك للرسم ان تنفجر ضاحكا ……..بعدو مافى الا شاب فنان اسمو نزيه اختفى فجأة .

Quote: بفتكر اهم شى فى الكاركتير بعد الفكرة انو يكون خفيف الدم لغة خفيفة ورسومات معبرة وفى نفس الوقت تبعث السرور والضحك الرحمة والمغفرة للساحر الفنان عزالدين عثمان الذى حملت اعماله مضامين عميقة مواكبة لكل احداث المجتمع تناولها بفن وخفة دم مبالغة ، تكاد قبل أن تقرأ التعليق وبمجرد رؤيتك للرسم ان تنفجر ضاحكا ……..بعدو مافى الا شاب فنان اسمو نزيه اختفى فجأة .

فترنا يا اميرة ود ابو دا عندو كراكتيرات الكلام المكتوب فيها عايز ليه ورقة فلوسكاب ... 🤣🤣🤣
حليل زمن عزالدين لمن كان الواحد بشتري الجريدة عشان الكراكتير ..

اشتم رائحة مطاعنات.. كامل الإدانة وبدون تحفظ

دي شايلا من قبييييل وما لاقي ليها مكان ...
أنسب بوست ياهو دي ...

Quote: أمس بايته معانا حبوبتي وإتعشت معانا والعشا كان كسره ب مويه وبصل... صحيت صليت الصبح حاااااضر ما قريت القنوت في الصلاة اتاريها متابعة معاي الموضوع قالت لي : نسيت القنوت !! قلت ليها القنوت ما بقروهو إلا وقت الشدة ... قالت لي : شدة اكتر من عشاكم حق امبارح ده تاني وين ...

😂😂😂😂😂

ازيك يا أبا حسين
والرهط المعاك الزين

الأصل في فن الكاريكاتير
انه يكون بدون تعليق مكتوب

الا في استثناءات بسيطة جدا

والدلالة والمعني المطلوب يتم من خلال الرسم التشكيلي

اعتقد الكاريكاتير الاخير ده بتاع ود ابو

ما بتاع عمر دفع الله

تقصد التمثيل باستعمال كلمة أحوص فيهو عدم حساسية؟

Quote: الدبابيس مسكوه ضنب الككو لكن سيد اللبن مالو ما بشوف 😅😅😅

هي لكن معقولة بس .... ؟؟؟
بي ضبانته .... 😂😂😂😂

Quote: اشتم رائحة مطاعنات.. كامل الإدانة وبدون تحفظ

لو مطاعنة يا ابو ريش و الله ما اشتغل بيه الشغلة ....
دا سقوط عديييييييل ....

هاك دي يا حاج الطيب ..

Quote: 🥃 *جاء سكران كالعاده دخل البيت لقي ليك ناس البيت كلهم عاملين اجتماع وقالوا ليه : نحن قررنا نطردك من البيت عشان بقيت مزعج وسببت لينا الاذى...* 🤨 *المهم امتثل للأمر وطلع في الليل داك وماشي هائم وراسو ضارب...*🚶🏻‍♂️ *لقى جماعه قاعدين قدام بيت فخم بسكروا وقدامهم شية جمر كاربه..* 🥃🍻🍖🍗 *حلفوا عليهو الا يقعد يسكر ويتعشي ويبيت معاهم عاين ليهم كده وقال ليهم والله العظيم الليله بقت على دعوه الميت ذاااااتها..* 😁 *(اللهم ابدله اهلا خير من اهله ودارا خير من داره..)* 🤣🤣🤣🤣🤣

تقول لي ود ابو .... ؟؟؟؟؟؟

Quote: ازيك يا أبا حسين والرهط المعاك الزين الأصل في فن الكاريكاتير انه يكون بدون تعليق مكتوب الا في استثناءات بسيطة جدا والدلالة والمعني المطلوب يتم من خلال الرسم التشكيلي اعتقد الكاريكاتير الاخير ده بتاع ود ابو ما بتاع عمر دفع الله

اهلا ابا ذر
مالك يا زول ما كنت كويس الحصل ليك شنو .... !!!!
في زول هنا قال الكراكتير بتاع عمر دفع الله ... ؟؟؟
😂😂😂😂😂

Quote: تقصد التمثيل باستعمال كلمة أحوص فيهو عدم حساسية؟

غايتو يا بكوري بي مداخلتك دي طفن منك لمبتين و بقيت ماشي بي لمبة واحدة .... 🤣🤣🤣🤣🤣

موش الزول مرات راسو بضرب؟!
فشلت أعرف السبب الخلى الكركتير دا فضيحة

ياتو كاركتير ـ ؟
بتاع الطهورة حق أمبارح ـ ع دفع الله
والله حق ود أبو الفوق دا؟
ود أبو أصلا قال إنو أغلب رسوماتو فكرتها مأخوذة من آخريين
ـ بس تعليق الزول الفوق علي إعادة ـ جدولة الدين وفرحتو المبالغ فيها
علي الجدولة وهو المفترض ـ يكون مهموم برزق اليوم باليوم مش بخطط طويلة الأجل وفتح مجاري التعامل مع المجتمع الدولي
غايتو لا فكرة الكاركتير ـ فهمتها واللا فضيحتو شفتها !

Quote: فشلت أعرف السبب الخلى الكركتير دا فضيحة

يا مستنير دا فيهو عدم حساسية، لو كنت احوص
بتضوق مرارة تعليق الكاريكتير.

دي حاجة خلقة ربنا أو نتيجة طبية، هل ممكن تكون
سبب شتم فئة عريضة لا ذنب لها من قريب أو بعيد
من مرامي صاحب الكاركتير.
غايتو في رأي دا ابلد كاريكتريست ال بي يسخر من خلقة
ربنا.

عندي دفاع لود أبو لو أبو حسين وافق على فهمك وفهمي يا ناصر

Quote: يا مستنير دا فيهو عدم حساسية، لو كنت احوص بتضوق مرارة تعليق الكاريكتير. دي حاجة خلقة ربنا أو نتيجة طبية، هل ممكن تكون سبب شتم فئة عريضة لا ذنب لها من قريب أو بعيد من مرامي صاحب الكاركتير. غايتو في رأي دا ابلد كاريكتريست ال بي يسخر من خلقة ربنا.

دي القراية الصاح ....
يديك العافية يا ناصر ياخ و يسعدك دنيا و آخرة .....
كلمة (احوص) دي لو خت مكانها اي شتيمة بتلفق زي (اهبل) (بليد) (ثقيل) يعني ود ابو استعمل كلمة (احوص) كشتيمة و دي المصيبة ..

Quote: موش الزول مرات راسو بضرب؟! فشلت أعرف السبب الخلى الكركتير دا فضيحة

يا بكوري لو عندي وقت كان بعمل ليك درس عصر مجااااااني عملا لي الله ... 🤣🤣

Quote: ياتو كاركتير ـ ؟ بتاع الطهورة حق أمبارح ـ ع دفع الله والله حق ود أبو الفوق دا؟ ود أبو أصلا قال إنو أغلب رسوماتو فكرتها مأخوذة من آخريين ـ بس تعليق الزول الفوق علي إعادة ـ جدولة الدين وفرحتو المبالغ فيها علي الجدولة وهو المفترض ـ يكون مهموم برزق اليوم باليوم مش بخطط طويلة الأجل وفتح مجاري التعامل مع المجتمع الدولي غايتو لا فكرة الكاركتير ـ فهمتها واللا فضيحتو شفتها !

شنو يا كيمو كورتك فكت و ل شنو ... ؟؟؟ 🤣
الحوص ما شي بعيبو بيه زول و لا حتى بالهظار ....
الزول بخم و بكب سااااااي قال دبابيس كمان ....

سلام ابو الحسين
بس ود ابو عندو طريقة مختلفة في الرسم والتعليق

مرات كثيرة. بجيب عدة شخصيات بتعليقات مختلفة ومتباينة

يعني زي شخوص العمل الروائي -
ماب بالضرورة اَي تعليق ورد في العمل يعبر عن راي الرسام او رؤيته
دا كلام ورأي الزول القالو. في الرسمة
نعم الإشارة السالبة . للحوص والمشاكل الخلقية والاعاقةً -
مسالة مرفوضة -او علي الأقل في قدر كبير من عدم الحساسية

طيب يا أبو حسين، رأيك شنو في الآية دي؛
"مَثَلُ الْفَرِيقَيْنِ كَالْأَعْمَى وَالْأَصَمِّ وَالْبَصِيرِ وَالسَّمِيعِ هَلْ يَسْتَوِيَانِ مَثَلًا أَفَلَا تَذَكَّرُونَ"

Quote: طيب يا أبو حسين، رأيك شنو في الآية دي؛ "مَثَلُ الْفَرِيقَيْنِ كَالْأَعْمَى وَالْأَصَمِّ وَالْبَصِيرِ وَالسَّمِيعِ هَلْ يَسْتَوِيَانِ مَثَلًا أَفَلَا تَذَكَّرُونَ

كدا بشيل منك اللمبة التالتة و بتضلم يا بكوري ...
هنا مقارنة لإظهار الفرق ود ابو استعملها كشتيمة ....

استعملها نفس الاستعمال البلاغي

هسّ الزول لو كان شغلو البترزّق منو نافخ كير،
هل يسره هذا الحديث؟
إِنَّما مثَلُ الجلِيس الصَّالِحِ وَجَلِيسِ السُّوءِ: كَحَامِلِ المِسْكِ، وَنَافِخِ الْكِيرِ، فَحامِلُ المِسْكِ إِمَّا أَنْ يُحْذِيَكَ، وَإِمَّا أَنْ تَبْتَاعَ مِنْهُ، وَإِمَّا أَنْ تَجِدَ مِنْهُ ريحًا طيِّبةً، ونَافِخُ الكِيرِ إِمَّا أَن يَحْرِقَ ثِيابَكَ، وإمَّا أَنْ تَجِدَ مِنْهُ رِيحًا مُنْتِنَةً"

دي حاجات بلاغية في القرآن الكريم يا مستنير
ليس الاعمى اعمى البصر كما يتبادر
لازهاننا و لا الاصم ...الخ الخ.
تفسير الطبري للآية:
الْفَرِيقَيْنِ كَالْأَعْمَى وَالْأَصَمِّ وَالْبَصِيرِ وَالسَّمِيعِ هَلْ يَسْتَوِيَانِ مَثَلًا أَفَلَا تَذَكَّرُونَ"
۞ مَثَلُ الْفَرِيقَيْنِ كَالْأَعْمَىٰ وَالْأَصَمِّ وَالْبَصِيرِ وَالسَّمِيعِ ۚ هَلْ يَسْتَوِيَانِ مَثَلًا ۚ أَفَلَا تَذَكَّرُونَ (24)

القول في تأويل قوله تعالى : مَثَلُ الْفَرِيقَيْنِ كَالأَعْمَى وَالأَصَمِّ وَالْبَصِيرِ وَالسَّمِيعِ هَلْ يَسْتَوِيَانِ مَثَلا أَفَلا تَذَكَّرُونَ (24)
قال أبو جعفر: يقول تعالى ذكره: مثل فريقي الكفر والإيمان كمثل الأعمى الذي لا يرى بعينه شيئًا ، والأصم الذي لا يسمع شيئًا ، فكذلك فريق الكفر لا يبصر الحق فيتبعه ويعمل به، لشغله بكفره بالله ، وغلبة خذلان الله عليه، لا يسمع داعي الله إلى الرشاد، فيجيبه إلى الهدى فيهتدي به، فهو مقيمٌ في ضلالته، يتردَّد في حيرته. والسميع والبصير فذلك فريق الإيمان ، (11) أبصر حجج الله، وأقر بما دلت عليه من توحيد الله ، والبراءة من الآلهة والأنداد ، ونبوة الأنبياء عليهم السلام ، وسمعَ داعي الله فأجابه وعمل بطاعة الله، كما:
18102- حدثنا القاسم قال ، حدثنا الحسين قال ، حدثنا حجاج، عن ابن جريج قال، قال ابن عباس: (مثل الفريقين كالأعمى والأصم والبصير والسميع) ، قال: " الأعمى " و " الأصم ": الكافر ، و " البصير " و " السميع " ، المؤمن
18103- حدثني المثنى قال ، حدثنا أبو حذيفة قال ، حدثنا شبل، عن ابن أبي نجيح، عن مجاهد: (مثل الفريقين كالأعمى والأصم والبصير والسميع) ، الفريقان الكافران، والمؤمنان، فأما الأعمى والأصم فالكافران، وأما البصير والسميع فهما المؤمنان.
18104- حدثنا بشر قال ، حدثنا يزيد قال ، حدثنا سعيد، عن قتادة: (مثل الفريقين كالأعمى والأصم والبصير والسميع) ، الآية، هذا مثلٌ ضربه الله للكافر والمؤمن، فأما الكافر فصم عن الحق، فلا يسمعه، وعمي عنه فلا يبصره. وأما المؤمن فسمع الحق فانتفع به ، وأبصره فوعاه وحفظه وعمل به.
* * *
يقول تعالى: (هل يستويان مثلا) ، يقول: هل يستوي هذان الفريقان على اختلاف حالتيهما في أنفسهما عندكم أيها الناس؟ فإنهما لا يستويان عندكم، فكذلك حال الكافر والمؤمن لا يستويان عند الله ، (أفلا تذكرون) ، يقول جل ثناؤه: أفلا تعتبرون أيها الناس وتتفكرون، ، فتعلموا حقيقة اختلاف أمريهما، فتنـزجروا عما أنتم عليه من الضلال إلى الهدى ، ومن الكفر إلى الإيمان؟
* * *
، فالأعمى والأصم ، والبصير والسميع ، في اللفظ أربعة، وفي المعنى اثنان. ولذلك قيل: (هل يستويان مثلا) .
وقيل: ( كالأعمى والأصم ) ، والمعنى: كالأعمى الأصمّ، وكذلك قيل (والبصير والسميع)، ، والمعنى: البصير السميع، كقول القائل: " قام الظريف والعاقل "، وهو ينعت بذلك شخصًا واحدًا.
---------------------

* في القرآن ممكن تكون مفتح العينين و ما عندك بصيرة
و عندك آذن و أصم من الحقائق و الخ...
دي تعابير لا تمس شخص في خلقة ربنا.

ربنا ورسولو ما بشبهوهم بناس ظعيط ومعيط
الدين ما بتفهم بالقطاعي
وزي ما قاليك أبو حسين التشبيه يختلف من السب
مهنة الحدادة مهنة سيدنا داود عليه السلام
ولا قصد النبي صلى الله عليه وسلم
تفضيل بيع العطور على الحدادة
لكن قصد تشبيه لا يفهم منه ذم المهنة
إلا زول غبي أو سطحي أو صاحب غرض

المستنير قال:

Quote: عندي دفاع لود أبو لو أبو حسين وافق على فهمك وفهمي يا ناصر

وقام جاب حديث وآية
مفروض نفهم إنو داير يقول كلام ود أبو كويس وما فيهو مشكلة زي الحديث والآية ديل.
وما في أي سبب يخلينا نفهم إنو قاصد يقول إنو الحديث والآية كعبات زي كلام ود أبو.

أقول قولي هذا مع إنو المستنير ما مضمون
ورغم إنو ما ممضمون لكن ما أظن مداخلات ناصر ومنتصر دي تُكتب ليهم فيها حسنات.

كلامك صاح يا حافظ،
أنا زي سواق الركشة في أي لحظة ممكن ألف

باقي لي يا حافظ، فهم الإنسان وحساسيته الأخلاقية تجاوزت الدين..

المدعو منتصر عبد الباسط،
لو انت كنت شغال نافخ كير؛
هل ممكن بعد ترجع البيت وتستحم وتتعشى ممكن تنادي ولدك الصغير ستة سنوات وتدرسو الحديث دا؟

Quote: هسّ الزول لو كان شغلو البترزّق منو نافخ كير، هل يسره هذا الحديث؟ إِنَّما مثَلُ الجلِيس الصَّالِحِ وَجَلِيسِ السُّوءِ: كَحَامِلِ المِسْكِ، وَنَافِخِ الْكِيرِ، فَحامِلُ المِسْكِ إِمَّا أَنْ يُحْذِيَكَ، وَإِمَّا أَنْ تَبْتَاعَ مِنْهُ، وَإِمَّا أَنْ تَجِدَ مِنْهُ ريحًا طيِّبةً، ونَافِخُ الكِيرِ إِمَّا أَن يَحْرِقَ ثِيابَكَ، وإمَّا أَنْ تَجِدَ مِنْهُ رِيحًا مُنْتِنَةً"

برضو مقارنة ليس إلا ما فيها اي إساءة لي مهنة نافخ الكير ....
كدا لمبتك بتبتبق ..... 🤣