بعد المطرة الأخيرة دي بالكلاكلة صنقعت محطة الماسورة، طلع من البيت مهند جيعان كايس ليهو فول. واحد من الناس المتابعين " الحكي الطاعم" دا من المهاجرين، قال للمستنير الراوي: كيف البطل اسمو مهند واحداث القصّة بالكلاكلة؟ كيف دي تركب يا مستنير؟ قلت ليهو: زمان لمان العمارات كانوا ساكننها أهلها، كانت في نكتة حايمة بتقول: "حنكوش بحب المغامرة؛ مشى الكلاكلة!! قام لطيف الكافر كتب؛ زمان بنات الديم كانن بقدمن أولاد العمارات بعد الحفلة
قام حيدر حسن كتب؛ ياسلام يامستنير ياخ قطب الاقطاب الطيب صالح قال ذات مرة في تذكره للراحل صلاح أحمد إبراهيم أن هذه الأغنية (الخير" يا عشانا .. تودينا لاهلنا .. بسألوك مننا) من احب الاغاني الى قلبه استحضرها في معرض تحسره على حال البلد وما أصابها عدم إستقرار .. وقال انهم كمثقفين سيسألون عن السودان مثل سؤال اهل هؤلا النسوة (للخير) المذكور في الاغنية من خلال بحثي عن مناسبة الأغنية الحلوة دي لقيت الأتي: (هذه الأغنية صاغت كلماتها أمه "الشاي بت احمد" ذهبت مع نسوة من فريق "الشداداب" الى عرس الخير ود صالح في "ودكرار" احدى قرى الجزيرة وعندما تأخر بهم الوقت في الرجوع الى "الحلة" قالت مخاطبة "الخير" مستعطفة اياه في كلمات رقيقة وخالدة ان يعود بهن الى الديار في وقت مبكر رمزت اليه في الأغنية "بطلوع القمرا" خوفا من غضبة الأهل الذين ما كانوا ليسمحوا لبناتهم في ذلك الوقت البعيد بالسفر خارج القرية أو السهر لوقت متأخر خارج المنزل: الخير يا عشانا تودينا لاهلنا بسألوك مننا
Post: #2 Title: Re: شمعة في مطرة بالكلاكلة صنقعت Author: أبوبكر عباس Date: 09-27-2021, 11:04 AM Parent: #1
مهند قال للراوي: يا أخي، أنا جيعان، وصلني لطبلية الفول، بعدين تعال اتونس مع أصحابك، وبعدين شايف حيدر خطف منك الأضواء،
طبعا الكلاكلة من غير مطرة كهربتا بتكون قاطعا، مهند شاف من بعيد ضوء حسب جوعتو، قدر دا يكون ضوء شمعة في طبلية فول، تحرك ناحية الضوء، كانت تنقصة حرفنة أولاد الكلاكلة في تجنب حفر المطرة بالليل مع انعكاس ضوء العربات.
Post: #3 Title: Re: شمعة في مطرة بالكلاكلة صنقعت Author: طلحة عبدالله Date: 09-27-2021, 11:04 AM Parent: #1
متابعة .. أهم حاجة في النهاية ما يستفاد من الحكي ما تاكلنا حنك ساي عليك دينك .
Post: #4 Title: Re: شمعة في مطرة بالكلاكلة صنقعت Author: أبوبكر عباس Date: 09-27-2021, 11:09 AM Parent: #3
مهند قال لي: يا أخي، المسافة لنور الشمعة دي يمكن زي متين متر، أخدت مني أكتر من نص ساعة، وأي مرّة حاولت أنط من حفرة ألقى روحي وقعت في المويه الحقيقية. أتاريني مع انعكاس الضوء في الواطة الملانة مويه؛ بنط من اليابس للمويه. كل مرة أطلع من حفرة، أعاين ألقى الضوء الساكيهو طافي؛ جاني كلام أبوي عن أبلمبة ونحن وحلانين بلوري في قوز ابو ضلوع قبل عشرين سنة، قال لي: أبلمبة دا أصلا هو زول مات بالعطش في الصحرا، وانقلب شيطان بسوق الناس الضايعين في الخلا للموت!!
نقيف مع مهند هنا ونمشي نشوف قصة الشمعة أو اللمبة ديك شنو؟
Post: #5 Title: Re: شمعة في مطرة بالكلاكلة صنقعت Author: Salah Zubeir Date: 09-27-2021, 11:15 AM Parent: #1
Quote: شمعة في مطرة بالكلاكلة صنقعت
هل هذه إعادة صياغة لتلك ... وحاة سيدي حسن تسترسل لينا في الشاي دي وغنيتها ...
Post: #6 Title: Re: شمعة في مطرة بالكلاكلة صنقعت Author: Yasir Elsharif Date: 09-27-2021, 11:43 AM Parent: #5
شوف هنا يا أبا بكر
أشهد أن لا إله إلا الله وأنك من رسل الحكي الطاعم..
Post: #7 Title: Re: شمعة في مطرة بالكلاكلة صنقعت Author: علاء سيداحمد Date: 09-27-2021, 11:48 AM Parent: #6
يا سلااااااام عليك وعلى ساعات صفاك يا ابكرونا الاستنارة تبان من خلال الحكى فى تلك الساعات يا حبيب .
Post: #8 Title: Re: شمعة في مطرة بالكلاكلة صنقعت Author: أبوبكر عباس Date: 09-28-2021, 03:36 AM Parent: #7
لمان أنا الراوي وصلت الطبلية لقيت زول زي مشرد قاعد في الواطة بياكل في صحن طلس، بعد كمل الأكل قام غسّل الصحن من مويّة البرميل ومشى سلم الصحن لزول قاعد في كرسي جنب الطبلية وقال ليهو؛ نحن غلبنا نوفي جمايلك وبرضو غلبنا معاك نتماشى برقك دائماً شالع قبلي تعجبت من نفسي كصانع للأحداث من أين أتيت بشعر النصري على لسان هذا المشرد؟! ظننت لوهلة أنه يوحى إليّ ثم رجعت لواقع الكلاكلة لا أبالي بما وراء الطبيعة،
Post: #9 Title: Re: شمعة في مطرة بالكلاكلة صنقعت Author: أبوبكر عباس Date: 09-28-2021, 03:47 AM Parent: #8
جاء واحد لابس بنطلون وقال للزول القاعد في الكرسي؛ الحيوان دا تاني جاء هنا وتديهو أكل؟ أمبارح ما سباك؟ ردّ ليهو؛ أمس كان سكران والسكر من تجليات الأولياء والليلة دفع لي الما طلعتو من تجارتي دي خلال التلاتين سنة الفاتن قال ليهو؛ دفع ليك شنو؟ قال لي؛ نحنا غلبنا نوفي جمايل وبرضو غلبنا معاك نتماشى برقك شالع دائماً قبلي أب بنطلون تم البيت ب وما خليت في البادية عطاشى وقعد في الواطة يبكي
Post: #10 Title: Re: شمعة في مطرة بالكلاكلة صنقعت Author: أبوبكر عباس Date: 09-28-2021, 04:02 AM Parent: #9
احترت أعمل شنو؟ أسك المشرد أشوف قصتو؟ ولّ أقعد من اب بنطلون أشوف أثر المشرد عليه؟ ولّ أواصل في قصّة مهند مع بتاع الطبلية؟ والنصيحة تعجبت وأنا اله صغير، كيف يمسك الاله الحقيقي بكل هذه الخيوط التي لا تحصى!!!
Post: #11 Title: Re: شمعة في مطرة بالكلاكلة صنقعت Author: Haytham Ghaly Date: 09-28-2021, 04:20 AM Parent: #9
Quote: وقعد في الواطة يبكي
بقيت جنك ناس ببكو هههه
صديقي عبداللطيف زول ما عندو علاقة كبيرة بالغناء ولا بفهم في التعابير العميقة زمان كنا دايماً مع بعض وما بنتفارق الا بالليل قبل ما نبقى ناس مسؤوليات واسر زمن الصياعة ياااااا حليلو المهم انا فارقت السودان والحكاية دي اكلت معاهو جنبة شديد وما كان راضي استمرينا في التواصل عبر الوسائط المعروفة الى ان عظمت مسؤوليات كلينا وفتر التواصل وقلت الاشياء المشتركة بيننا فاصبح التواصل بيننا يضعف شيئاً فشيئا فصارت الرسائل مجرد سلام من حين الى حين امس فجأة رسل لي رسالة كاتب فيها بيت من اغنية للفنان عثمان عبدالعظيم وما عارف شاعر الاغنية منو