🟦حميدتي: لن نسكت على الهجوم المتواصل علينا، نحن من منحناهم القوة، ولن نسكت عن الحق و"الرهيفة تنقد"
🟪حميدتي: قدمت استقالتي ٣ مرات من مجلس السيادة وما من قوة تستطيع عزلي عن قواتي
🟩حميدتي: قلنا لحمدوك يجب أن تشمل مبادرة رئيس الوزراء كل القوى السياسية دون إقصاء لأي جهة
🟥حميدتي: الوضع في السودان "لا يحتمل" الصمت وإلا فالأجدى تقديم استقالاتنا
🟦حميدتي: غلق الشوارع في السودان سنة سنّها المدنيون أنفسهم ،و لا فرق بين إغلاق شارع الستين والعقبة، والعسكريون ليسوا مسؤولين عن السيولة الأمنية
🟪حميدتي: أي انقلاب سيستهدف المكون العسكري أولاً بالتصفية الجسدية ، الانقلاب مستهدفنا نحنا ديل، هم بمشوا السجون لكن نحنا بنمشي المقابر، يا ودّيناهم المقابر يا ودُّونا المقابر مافي غير دا في الإنقلابات
🟩حميدتي: "طفح الكيل" بكل معنى الكلمة في السودان، واتهام العسكريين بدعم السيولة الأمنية ليسهل الانقلاب نفاقٌ
🟦حميدتي: ردنا على التلويح بالشارع سنقابله بإخراج شارع مؤيد لنا أيضاً بعد دا نحن الشارع ما بتهددونا بيه، طلعوا شارع نحنا نطلع الشارع، تاني لعب مافي
🟦حميدتي : قالوا نحن خصمنا من رصيدهم السياسي، إنت القوة لقيتها من وين؟، القوة دي ما ادّيناك ليها نحنا ديل، نحن من منحناهم القوة، لكن أثبتنا أننا غُفراء)
🟥حميدتي: لا يمكن تهديدنا بالمجتمع الدولي، البلاد ماشة للخلف وماف زول بهددنا بالمجتمع الدولي
🟩حميدتي: محاولة الانقلاب كانت مكتملة الأركان
🟪حميدتي: ندعو لوفاق وطني لتجاوز كل العقبات
🟦حميدتي: معقول إنت زول حاميهو يجي يقول ليك نحن خصمنا من رصيده السياسي، يعني نحنا نكرة؟، والله تاني ما نقعد معاهو في تربيزة واحدة تاني، إلا بالوفاق لن نجلس في اجتماع واحد مع من يعتبروننا "نكرات" إلا إذا حدث وفاق
🟦حميدتي :نحنا عشان لبسنا الكاكي ما بشر؟ ولا مقطوعين من شجرة؟ ولا ما عندنا أهل؟ ولا ما سودانيين؟ كدي بعد دا نشوف الكلام دا.. بعد دا ما بنلبس كاكي بنجيكم بي جلابية وقميص كَت ونباري الناس ديل.. نخلي الكاكي دا، و العساكر كتار غيرنا)
🟩حميدتي: لا يمكن عزل الإدارات الأهلية وبقية القوى السياسية عن المشاركة بزعم الانتماء لنظام البشير
🟪حميدتي: تعاهدنا على استكمال التحول الديمقراطي ولا مجال لحكم عسكري مجددا.
Post: #2 Title: Re: تصريحات نارية لحميدتي في شرق النيل Author: بكرى ابوبكر Date: 09-26-2021, 03:44 AM Parent: #1
دا اخطر ما قاله حسن نصر الله بتاع السودان
Quote: ما من قوة تستطيع عزلي عن قواتي
ودا معناهو السودان مقبل علي كوارث من حسن نصر الله دا...غايتو الله يستر
Post: #3 Title: Re: تصريحات نارية لحميدتي في شرق النيل Author: بكرى ابوبكر Date: 09-26-2021, 03:53 AM Parent: #2
يا ربي حا يواجه شعبا بالرصاص...ويكرر مذبحة الاعتصام......
Quote: بعد دا نحن الشارع ما بتهددونا بيه، طلعوا شارع نحنا نطلع الشارع،
Post: #4 Title: Re: تصريحات نارية لحميدتي في شرق النيل Author: Hafiz Bashir Date: 09-26-2021, 05:13 AM Parent: #3
Quote: دا اخطر ما قاله حسن نصر الله بتاع السودان Quote: ما من قوة تستطيع عزلي عن قواتي
فعلاً يا بكري دا أخطر كلام يتقال إذا ربطناه مع التلويح بالإستقالة وذكر أنهم هم القوة التي تحمي الحكومة الحالية.
ما معروف ما يدبر ويحاك في الخفاء ولكن كلام حميدتي فيه إشارات تهديد واضحة بأن الفوضى قادمة، وربما تكون من مليشيات او مجموعات مسلحة غير مليشيات حميدتي، ولكن التهديد في أن الجيش ومليشيات الجنجويد لن تقوم بدورها في حسم الفوضى.
Post: #5 Title: Re: تصريحات نارية لحميدتي في شرق النيل Author: جلالدونا Date: 09-26-2021, 05:18 AM Parent: #3
بوسنا كيفك ياخ استمعت للخطاب مرتين المناسبة التى القى فيها الخطاب بيت عزاء وجل من البظاحين ثتل ابنه و عفا الاب عن القاتل بل و سعى فى اخلااج قاتل ابنه من قبضة الشرطة حميدتي ذهب للعزاء اذن ده ما المكان المناسب لإلقاء مثل هذا الخطاب و ده بيعنى ان منطلق الخطاب مبني اساسا على نقطة خوف ليه الكلام ده هاجم المجتمع الدولي مع انّو المجتمع الدولي لم يفتح خشمو لللان فيما يدور من احداث حالية فى السودان الوحيد الفتح خشمو هم اتنين لحد الان بايدن و مستشاره للامن القومي ليه ما هاجم امريكا مع تصريحات امريكا الواضحة فرق يا بوسنا ما بين الرجالة و الاسترجال الخطاب بداية حالة اسهال و كلّو من اولو لى اخرو يا ناس ألحقوني عشان ما اقول الروب و ح يقولا و بى اسوأ حالات المذلة
Post: #6 Title: Re: تصريحات نارية لحميدتي في شرق النيل Author: علاء سيداحمد Date: 09-26-2021, 05:29 AM Parent: #5
الرافع ضغطو النقطة دي وهو يعتمد كلياً عليها :
Quote: حميدتي: لا يمكن عزل الإدارات الأهلية وبقية القوى السياسية عن المشاركة بزعم الانتماء لنظام البشير
Post: #7 Title: Re: تصريحات نارية لحميدتي في شرق النيل Author: بدر الدين الأمير Date: 09-26-2021, 06:30 AM Parent: #6
حمدوك مش على قدر المسؤلية مش قبل أيام مستشاره ياسر عرمان ساقه مع نصف حكوته ومشو زارو حميدتى في مقر جنجويده البمنع حميدتى يتفرعن علينا شنوى
Post: #8 Title: Re: تصريحات نارية لحميدتي في شرق النيل Author: Asim Ali Date: 09-26-2021, 07:01 AM Parent: #7
كلام حميدتى يوضح او مخطط العسكر (مسمار جحا بنى كوز) ملامحو واضحه من اول وكلام امس لايختلف عن كلام زين العابدين فى ايام مابعد 11 ابريل الاولى ومحاوله فرض قوى سياسيه/تحالف سياسى/ادارات اهليه بعينها والتواصل معها لارباك وتشتيت قوى الثوره فى الوقت داك ونذكر حديث تمثيل الشعب والنسب و..و,,, دا يوضح انو المخطط بيسوق البلد والاوضاع لتنتهى بانتخابات مبكره ثبل انجاز مطلوبات الانتقاليه او استعداد الاحزاب والوى السياسيه المنهكه الان بصراعاتها متعدده الاطراف وحاله منالعجز كلام امس جزء من دقطبول الانقلاب (الهجين) وفرض انتخابات مبكره تعيد انتاج انقاذ2 عبر الصندوق وهنا يكون الامتحان الحقيقى بالتمسك بحريه قيم الديمقراطيه والقبول بهم او بروح الديمقراطيه وسعى الشعب لاقامه نظام ديمقراطى يمثل الشعب دون وصايه اى محاور او جهات خارجيه
Post: #9 Title: Re: تصريحات نارية لحميدتي في شرق النيل Author: Osama Mohammed Date: 09-26-2021, 08:36 AM Parent: #8
(((غلق الشوارع في السودان سنة سنّها المدنيون أنفسهم ،و لا فرق بين إغلاق شارع الستين والعقبة)))
في زول مطارد ناس الشرق بي تاتشر ومعاه سلاح عاوز يقتلهم يا بجعة؟؟؟؟؟
اساسا دي خطتكم من الاول يا حرامي الحمير يا قاتل .......
نلبس جلاليب قال
Post: #10 Title: Re: تصريحات نارية لحميدتي في شرق النيل Author: Yasir Elsharif Date: 09-26-2021, 08:50 AM Parent: #9
((ما أسر أحد سريرة إلا أبداها الله على خلجات وجهه أو فلتات لسانه..))
Quote: #السودان #سوناl حميدتي يقدم واجب العزاء في ابن القيادي بالبطاحين عبدالله بلال 5.343 Aufrufe 25.09.2021 76 25 Teilen Speichern Sudan News Agency وكالة السودان للأنباء 202.000 Abonnenten
Post: #11 Title: Re: تصريحات نارية لحميدتي في شرق النيل Author: ABUHUSSEIN Date: 09-26-2021, 09:37 AM Parent: #10
الفار لم يقع في المصيدة بعمل كدا ... 🤣🤣 الجنجويدي لم كان في الخلا كل اتباعه حولو إحترام شديد و كل المناطق بتخاف من بطشو و قلة ادبو بي قوة السلاح اها ديل لسه ما لقاهم في الخرطوم إلا من البرهان و بقية التنابلة المعاهم ... عرف انو لغاية الآن في نظر الناس قاتل و مجرم ..... عشان قام يجعجع زي المجنون ...
Post: #12 Title: Re: تصريحات نارية لحميدتي في شرق النيل Author: Arif Nashed Date: 09-26-2021, 10:02 AM Parent: #11
Quote: حميدتي:- نحنا عشان لبسنا الكاكي ما بشر؟ ولا مقطوعين من شجرة؟ ولا ما عندنا أهل؟ ولا ما سودانيين؟ كدي بعد دا نشوف الكلام دا.. بعد دا ما بنلبس كاكي بنجيكم بي جلابية وقميص كَت ونباري الناس ديل.. نخلي الكاكي دا، و العساكر كتار غيرنا)
في اعتقادي بأنه يقصد بانهم سيخلعون الكاكي ويحكموا بصفتهم المدنية كما فعل البشير . البرهان رئيس الجمهورية حميدتي نائب الرئيس. ........... ........... ........... ..........
اكملوا البقية.
Post: #13 Title: Re: تصريحات نارية لحميدتي في شرق النيل Author: Osama Mohammed Date: 09-26-2021, 10:12 AM Parent: #12
((ما أسر أحد سريرة إلا أبداها الله على خلجات وجهه أو فلتات لسانه..)) بارك الله فيك يا ياسر كنت بفتش لي مقولة سيدنا عثمان رضي الله عنه وارضاه دي ...
كلهم صعاليك وح ياخدو وقتهم ويغورو
Post: #14 Title: Re: تصريحات نارية لحميدتي في شرق النيل Author: بشير أحمد Date: 09-26-2021, 10:41 AM Parent: #13
حميدتي يانار الضلع المن قواته ما بنقلع.
أردم ياسعادتك وخت عواليق قحت في علبهم.
Post: #15 Title: Re: تصريحات نارية لحميدتي في شرق النيل Author: Osama Mohammed Date: 09-26-2021, 10:46 AM Parent: #14
تموتو في البوت يا كيزان
ههههههههه عبيد البوت ....
Post: #16 Title: Re: تصريحات نارية لحميدتي في شرق النيل Author: بشير أحمد Date: 09-26-2021, 10:53 AM Parent: #15
