الحكاية انبشقت

07:51 PM September, 24 2021

سودانيز اون لاين
جلالدونا-USA
مكتبتى
رابط مختصر

والله صحي

قوم لف ...

فى قروب يعج بالصخفيين و الصحفيات و اعلاميين و اعلاميات
ورد الخبر التالى عن اعلام السيادي
رئيس مجلس السيادة يخاطب إفتراضياََ القمة العالمية حول فيروس كورونا والتي دعا لها الرئيس الأمريكي جو بايدن


الخرطوم ٢٤-٩-٢٠٢١م

خاطب رئيس مجلس السيادة الفريق أول ركن #عبدالفتاح البرهان إفتراضياََ القمة العالمية
حول وباء كورونا، والتي دعا لها الرئيس الأمريكي #جوبايدن. مبيناََ أن هذه القمة حول وباء كورونا
تأتي في وقت حرج من تاريخ العالم حيث شكل الفيروس تحدياً وتهديداً لشعوب العالم
بإنتشاره الواسع وصعوبة التحكم فيه والأضرار البالغة التي سببها للبشرية .

وأكد البرهان عزم جمهورية السودان على الإنضمام للولايات المتحدة الأمريكية ولكل دول العالم في
الإلتزام بالقضاء على وباء كورونا وعلى التكاتف لبناء أمن صحي عالمي قوي .

وشدد الفريق أول ركن عبد الفتاح البرهان على أهمية العمل الجماعي لمجابهة التحديات التي تواجه الإستجابة للقضاء
على هذا الوباء إنقاذاً لأرواح شعوب العالم وذلك بتوفير اللقاح لكل الشعوب والرعاية الصحية الكاملة. وأشار إلى أن السودان
قد إتخذ إجراءات ووضع معايير لقياس القضاء على الوباء مؤكداََ حوجة السودان للدعم والمساندة
من المجتمع الدولي الدولي وذلك لمواجهة هذا الفايروس اللعين.

وأعرب رئيس مجلس السيادة عن أمله في نجاح القمة والإتفاق على مسودة الأهداف المقترحة والتيً يتم التوافق حولها والعمل على تحقيقها.

الجدير بالذكر، أن رئيس مجلس السيادة تلقى دعوة رسمية من الرئيس الأمريكي جو بايدن للمشاركة في القمة العالمية بشأن فيروس كورونا.

____________

#إعلام مجلس السيادة_الانتقالي

Quote: قوم لف ...

هسّى انا عملت ليك شنو
ميتيني انا ياخ

اها فى زميلة اقتبست الجوءية الاخيرة من البيان و فيها

Quote: الجدير بالذكر، أن رئيس مجلس السيادة تلقى دعوة رسمية من الرئيس الأمريكي جو بايدن للمشاركة في القمة العالمية بشأن فيروس كورونا.

و علّقت قائلة
... ده اسمو دعوني و ما دعوا خمدوك ....

Quote: سوليفان مستشار الامن القومي ضد اي انقلاب ضد سلطة المدنيين و المبعوث الامريكي للقرن الافريقي يصل الخرطوم خلال هذا الاسبوع. بوب منديز رئيس لجنة العلاقات الخارجية بالكونغرس اي انقلاب على الحكومة المدنية ستعاد العقوبات كما كانت. *حكام منطقتنا بخافوا من امريكا خوف الموت و اظن دا الجاب شغل التهدئة من الفريق برهان.

سلامات الاخ جلالدونا
دا اقتباس من بوست استاذ كمال عباس
الفلول بيحلموا ساي.

و نحنا فى لمّتنا القروبية دى فى انتظار لقاء ود الفكى اذا بخبر بنزل
بايدن يتطلّع الى استقبال حمدوك فى البيت الابيض و قريبا جدا
واحد دوهو دعوة افتراضية عشان الكوفيد
و واحد يتطلّعوا لاستقباله
غايتو فى كم نفر من ناس السيادي روحن بدت تطلع
مش قلت ليم انبشقت
و حالتو دى البداية

لا و كمان معاها تصريح تانى بى انو اى تقويض ابنود الوثيقة
سيكون له عواقب وخيمة على العلاقات بين البلدين
اها فى داعي لى ده يا برهان

بإذن الله ح تنبثق

وتنبسق
وتنبسغ

وتنبهل

المافي شنو عاد

ازيك يا جلال دنيانا

Quote: National Security Advisor Sullivan spoke by phone on September 24 with Sudanese Prime Minister Abdalla Hamdok.  Mr. Sullivan expressed the Biden Administration’s commitment to support the civilian-led transition to democracy in Sudan and oppose any attempts to derail or disrupt the will of the Sudanese people.  Mr. Sullivan underscored that any attempt by military actors to undermine the spirit and agreed benchmarks of Sudan’s constitutional declaration would have significant consequences for the U.S.-Sudan bilateral relationship and planned assistance.  Mr. Sullivan and Prime Minister Hamdok discussed the importance of the transitional government making continued progress to stabilize the economy, reform the security sector under civilian leadership, advance Sudan’s peace process, and ensure justice and accountability for past abuses.  Mr. Sullivan highlighted that U.S. Special Envoy for the Horn of Africa Jeffrey Feltman will travel to Sudan next week to reaffirm U.S. support for the civilian-led transition and discuss regional security challenges.  Mr. Sullivan expressed the urgency of promoting a peaceful resolution of the ongoing crisis in neighboring Ethiopia.  Finally, Mr. Sullivan conveyed that President Biden looks forward to hosting and meeting with Prime Minister Hamdok in the near future.

هو برهان شن عرفو بتداعيات الفيروس
.لامن يشدد على.........

و عليكم السلام حبيبنا ناصر
شاكر رفدك للبوست بمداخلة المخضرم كمال عباس و تفاصيل المحادثة التلفونية
اها المحادثة دى زادت الانبشاقة انبشاقا
لامن جو لى حتة الصعوبات دى و السيد حمدوك بدا يحكي
المستشار قال ليهو اقيف يا حمدوك الكلام ده ما ينفع بالتلفون
خليني اختف رجلي و احضّر طيارتي و اجيك الاسبوع الجايي
___
دعوة زيارة كريمة يجيبا مستشار امن قومي
هسّي فى داعي لى ده يا برهة

Quote: و عليكم السلام حبيبنا ناصر شاكر رفدك للبوست بمداخلة المخضرم كمال عباس و تفاصيل المحادثة التلفونية اها المحادثة دى زادت الانبشاقة انبشاقا لامن جو لى حتة الصعوبات دى و السيد حمدوك بدا يحكي المستشار قال ليهو اقيف يا حمدوك الكلام ده ما ينفع بالتلفون خليني اختف رجلي و احضّر طيارتي و اجيك الاسبوع الجايي ___ دعوة زيارة كريمة يجيبا مستشار امن قومي هسّي فى داعي لى ده يا برهة

انا غلطت في التعببر...هي مداخلتي
في بوست الاستاذ كمال عباس.
يا جلال قد يبدو للبعض اننا في الجانب
المدني نستقوى مثلا بالامريكان ...نعم نستقوى
مقابل مؤمرات المحاور و مرتزقة الداخل لصالح قتلة فض المعتصمين.
المعركة الآن: بجب على السودانيبن في امريكا
و اوربا شرح التداعيات في السودان و ضرورة
استكمال الفترة الانتقالية حسب الوثيقة و المؤمرات
التى تتعرض لها.

مرحباب استاذنا و شاعرنا الفذ ابا ذر
ستتتنبهل
و تنعتق ارض سليل الفراديس
و تزدان قمحا و وعدا و تمنّي
و كل شى فى
يا ريت قصيدة كاربة كده ساعة انبهال الانبهال

رسالة فى بريد السيد حمدوك و بى حليفتا كمان
بى مناسبة زبارتك المرتقبة و الميمونة و مباركة
و بى مناسبة الشهادة التاريخية للسيد بايدن امام جميع زعماء الارض
بحق المرأة السودانية
تسوق معاك الكنداكة صائدة البمبان و الكنداكة ذات التوب الابيض
و يشيلن معاهن هدية معتبرة للذي شهد حقّا فى حقهن
عاين جاي
وزيرة الخارجية حاول زوغ منّها
قول ليها ماشين الكلاكلة

وما تنسى الشى المهم
لازم تطبق المليار دولار و تختها فى جيبك
قبل ما البرهان يجوط الشغلة
و نبقى فى الندامة

يا جلجل
منقصا مااالك
موش قالوا مليار و نص ؟
و بعدكين يا الحبيب شيخنا برهة دا عايز بيها شنو
مااااااهو سافي 85% من ميزانية الدولة بتاعة شركات الجيش
و برضو يجي يقول الجيش عدمان و و الجيش جيعان
وحاة اسم الله و ما طالبني حليفة
بعد كدة شيخ برهة دا الا يلحس كوعو
و تحت تحت قالوا حميرتي أرعد و أزبد و أسهل بعد سمع زيارة المندوب للسودان
و الطّير النوم من عيونهم قالوا جاييهم بأوامر واااااضحة
البهبش المدنيين الله قال بي فولو

يا جلجل
منقصا مااالك
موش قالوا مليار و نص ؟
و بعدكين يا الحبيب شيخنا برهة دا عايز بيها شنو
مااااااهو سافي 85% من ميزانية الدولة بتاعة شركات الجيش
و برضو يجي يقول الجيش عدمان و و الجيش جيعان
وحاة اسم الله و ما طالبني حليفة
بعد كدة شيخ برهة دا الا يلحس كوعو
و تحت تحت قالوا حميرتي أرعد و أزبد و أسهل بعد سمع زيارة المندوب للسودان
و الطّير النوم من عيونهم قالوا جاييهم بأوامر واااااضحة
البهبش المدنيين الله قال بي فولو