Post: #2 Title: Re: النور حمد، وسد النهضة، والمهدية، وخداع ال Author: Gafar Bashir Date: 09-20-2021, 06:45 AM Parent: #1
النور حمد يمثلني في الخلقة دي فقط طبعا
Post: #3 Title: Re: النور حمد، وسد النهضة، والمهدية، وخداع ال Author: نعمات عماد Date: 09-20-2021, 08:17 AM Parent: #2
سلام عليكم كم عدد الأحزاب التي تدين بالولاء لمصر و إستخباراتها؟ كم عدد العسكريين الذين يدينون بالولاء لمصر و إستخباراتها؟ كم عدد المسؤولين العساكر أصحاب الولاء لمصر، الإمارات و غيرها؟ كم عدد المسؤولين المدنيين أصحاب الولاء لمصر، الإمارات و غيرها؟ كم عدد الأحزاب و التنظيمات و الأفراد المعتنقين لفكر قادم من خارج الحدود؟ وما الكيزان إلا عبيد التنظيم الدولي و فكره الشائه الذي وافق هواهم في القتل و الإجرام و السرقة من أجل الدنيا التي عملوا لها. كيف يجتمع كل هولاء على مشروع وطني و ثورة لم ينجزوها بل أنجزها شباب ضحوا بحياتهم من أجل الوطن.
Post: #4 Title: Re: النور حمد، وسد النهضة، والمهدية، وخداع ال Author: Yasir Elsharif Date: 09-20-2021, 08:58 AM Parent: #3
سلام أبو الريش والجميع
هذا مقطع ممتاز للنور حمد.
تخريمة: هل قناة Byte Bricks في اليوتيوب بتاعتك ؟ لأني زي الشفتا صورتك على الركن اليمين الأسفل.
Post: #5 Title: Re: النور حمد، وسد النهضة، والمهدية، وخداع ال Author: Abureesh Date: 09-20-2021, 09:18 AM Parent: #4
Quote: هل قناة Byte Bricks
نعم يا ياســر.. و byte bricks هى إسم شركتى هنا. شرفت ونورت
Post: #6 Title: Re: النور حمد، وسد النهضة، والمهدية، وخداع ال Author: Yasir Elsharif Date: 09-20-2021, 09:32 AM Parent: #5
تسلم أبو الريش
أدعو الله لك بالتوفيق..
Post: #7 Title: Re: النور حمد، وسد النهضة، والمهدية، وخداع ال Author: محمد البشرى الخضر Date: 09-20-2021, 10:10 AM Parent: #6
فقط اختلف من الدكتور في تجييره موقف السودان من السد - للدقة من رفض اثيوبيا التوقيع على الاتفاق القانوني - باعتباره خديعة مصرية او تبعية حقيقة في دي الدكتور لم يكن موضوعيا ابدا
Quote: فقط اختلف من الدكتور في تجييره موقف السودان من السد - للدقة من رفض اثيوبيا التوقيع على الاتفاق القانوني - باعتباره خديعة مصرية او تبعية حقيقة في دي الدكتور لم يكن موضوعيا ابدا
إثيوبيا ما أظن ملزمة قانونا (القانون الدولى) أن تبرم إتفاق ملزم.. هل عندك دليل..؟
ما محتاج دليل, وانا لا اتحدث عن (الظن) اتحدث عن ان موقف السودان موقف اصيل يراعي مصالحه وليس كما يحاول البعض تصويره انه تبعية لمص كما حاول البعض زمان العكس و تصوير موقف السودان من قيام السد كانه نكاية في مصر في الحالتين السودان يراعي مصلحته لكن من يفهم
Quote: في الحالتين السودان يراعي مصلحته لكن من يفهم
السودان قاعد يراعى مصلحة مصر وليس مصلحته.
ما محتاج دليل كيف؟ هل أنت القانون؟ العلاقات بين الدول يحكمها قانون دولى تعارف عليه المجتمع الدولى ووقعوا عليه. وإثيوبيا أيضا تراعى مصالحها ما لم تعارض القانون.. ولو عارضت القانون توقع رغما عنها.
هل يوجد قانون دولى (قانونك انت خليه).. هل يوجد قانون دولى يفرض على إثيوبيا مشاركة دول أخرى فى مشاريعها المائية بما فيها مياه الأنهار والسدود. وأنا أقول أظن لأنى أسأل وأبحث عن الحقيقة، ولو عندك البحث عن الحقيقة شئ سالب ومفروض الزول يدسه برضوه نسمع منك. والغريبة انت بنفسك تقول لا تحتاج لدليل، يعنى تتبع ظنك. شخصيا لا أتبع الظن لذلك اسأل.. عندك إجابة تفضل.. ما عندك خلاص.. مافى زول طالب زول إجابة.
لا احتاج ايراد دليل لاثبات البديهيات و المعلوم بالضرورة حتى للعامة كدي قوقل اتفاقية 1997 لاستخدام الانهار الدولية في غير اغراض الملاحة او الصيد , وانتبه لثلاثة مبادئ مذكورة فيها: 1- الاستخدام المنصف و العادل. 2- ملطوبات اقامة منشآت في النهر المشترك. 3- عدم تسبيب ضرر ذو شان للدول التي تشترك في النهر
Quote: لا احتاج ايراد دليل لاثبات البديهيات و المعلوم بالضرورة حتى للعامة كدي قوقل اتفاقية 1997 لاستخدام الانهار الدولية في غير اغراض الملاحة او الصيد
ما تتكلم ساكت يا رجل.. انت الان طلعت البورداب ديل رجال ونساء دون مستوى العامة.. قدر كم من البورداب يعرفون هذا القانون؟ كم فى المائة؟ بعدين السؤال عن إتفاقية دولية.. هات الرابط
Post: #14 Title: Re: النور حمد، وسد النهضة، والمهدية، وخداع ال Author: علي عبدالوهاب عثمان Date: 09-21-2021, 05:35 PM Parent: #13
الحبيب ابريش .. تحياتي سؤال جانبي .. لماذا اثيوبيا جاذبة للاستثمارات رغم عدم وجود منفذ بحري واستقرار أمني اليوم كنت أقرأ في موقع اسكاي ان المغرب سوف تستثمر في مشروع 3 مليارات دولار في مجال صناعة الاسمدة لأن اثيوبيا تستهلك ما قيمته مليار دولار من السماد ربما الدول ذات الكثافة السكانية تشجع المستثمرين ( اثيوبيا 100 مليون ، مصر كذلك ) وبعد كهرباء السد سوف ترتفع الاستثمارات .. المهم قرأت المقال واندهشت كان كلام خبراء
تحياتي الحبيب أبريش ما عارف اثيوبيا ليها طعم خاص لدينا
Quote: لماذا اثيوبيا جاذبة للاستثمارات رغم عدم وجود منفذ بحري واستقرار أمني
حبيبنا على السبب هو عدم الفساد فى إثيوبيا (نسبياً على الأقل).. وأكثر شئ يطرد المستثمر هو الفسـاد. طيب أحكى ليك قصة واقعية شهدتها بنفسى مستثمر قطرى فى حوالى 2009 او 2010.. (فى السنين دى) كان معجب جدا بالسودان وزار السودان كتير. الكيزان كانوا ينزلوه فى صالة كبار الزوار وعلى الوزارة طوالى.. ودوه ولاية النيل وقابل الوالى هناك وهات الضبائح.. وزار الترع الرئيسية التى عرضها عدة أمتار والموية تمشى فيها بالإنسياب وهى مليئة بالطمى لا تحتاج سماد.. لا تحتاج مضخات ولا غيره.. عشموه زين. رجع لمكتب الوالى.. الوالى أداه زى 500 الف فدان لا أذكر الرقم بالضبط، وفرض عليه محامى عجوز.. الأرض قلصوها ليه ل 150 الف فدان، ثم أخيرا 15 الف فدان.. وهو لإحترامه للسودان وشعبه كل مرة يقول خير.. والمحامى كل مرة يطلب مبلغ بالدولار لأسباب القطرى ما مقتنع بيها ولكنه يدفع.. والمحامى يجى متلب لمطار الدوحة ويضرب من المطار عشان يدوه تأشيرة.. ما يكون مكلم القطرى انو جايى.. المهم اخر مرة جاء طلب الفين دولار عشان (سجل) شركة جديدة للمشتروات بدون علم الرجل، وهذه كانت قاصمة الظهر.. طوالى سافر السودان وانسحب من المشروع وسحب كل استثماراته.. مشى وين قايل.. الان هو من سنين فى إثيوبيا.. أول شئ أعطوه الأرض والإعفاءات من أى رسوم خاصو بالمشروع لعدة أعوام.. وهو رد لهم الجميل وبنى مجمعات سكنية للعمال فيها شفخانات ومدارس لأطفالهم ومراكز مواد تموينية.. دا غير المرتبات. شوف السودان خســر قدر شنو. بسبب نظام فاسد
Post: #16 Title: Re: النور حمد، وسد النهضة، والمهدية، وخداع ال Author: علي عبدالوهاب عثمان Date: 09-21-2021, 07:06 PM Parent: #15
شكرا الحبيب ابريش على ايراد نموذج للفساد والسمسرة مثل هذه الممارسات من الصعب ان نتخلص منها حتى في التعامل مع بعضنا اي خدمة تكون متوفرة مجانا من الدولة يتم التعقيد عن طريق السماسرة لايجاد طريقة لكسب المال .. لدرجة الواحد ما يصدق أن هناك خدمة بدون مقابل هنا عندنا في السعودية عايز تشحن شنطة ( عايز ليك عشرة سماسرة ) كمان ربما يكونوا من اقرباءك فيزا بالمجان تباع بثمانية الف ريال .. دائما أكرر هنا في الغربة اكتشفنا نحن ناس الشغل الساهل EASY MONEY يا موظف يا سائق خاص ما شاء الله الباكستان والمصريين ( اعمال البناء والكهرباء والسباكة ) وكذلك الهنود والبنغال رغم ضعف لياقتهم
تحياتي يا جميل .. كده نقد ذاتي واعتراف بقصورنا ,, يمكن نصل لحل ..
غايتو يا ود البشرى لو اتعمل استفتاء صغير في هذا البوست او علي مستوى البورد ده حتلقى 75% او يزيد بشوفو موقف حكومة السودان (بالذات موقف الدكتورة مريم الصادق بعد توليها الحقيبة الدبلوماسية) من سد النهضة لا يتوافق مع راى الشعب السودانى. موقف معيب و متحيز لموقف مصر.
الشئ التانى, جات في خاطرى مقارنة بين موقف النور حمد و موقف القراى, كلامهما يتبعون للطريقة الجمهورية و لكن موقف النور حمد ايجابى تجاه الثورة المهدية و موقف القراى سلبى تجاه الثورة المهدية. موقف سمح قل ما تجده عند اغلب الاحزاب السودانية.
Quote: كلامهما يتبعون للطريقة الجمهورية و لكن موقف النور حمد ايجابى تجاه الثورة المهدية و موقف القراى سلبى تجاه الثورة
الواحد ممكن يعذر الناس العاديين، لكن المثقفين متوقع منهم أن يعرفوا حاجة اسمها حرية الرأى حتى لو نفرين يؤمنوا بفكرة واحدة.. مع الاسف نحن السودانيين عساكر عند الأحزاب.. militant.. الجمهوريين افراد أحرار، هم تجمعهم ضرورة بعث قيم الإسلام فى المستوى الذى شرحه الأستاذ محمود.. وفى الأمور العامة كل واحد له رأيه النابع من مجهوده فى البحث ومن تحليله للوقائع سواء كانت تأريخية أو حالية.. ما فيهم واحد يتكلم بإسم الجمهوريين. الأستاذ محمود مرة قال انه زار قبر الخليفة عبد الله التعايشى وشاف فيه نور.. سمعت أنا الكلام منه مباشرة.
Post: #19 Title: Re: النور حمد، وسد النهضة، والمهدية، وخداع ال Author: محمد البشرى الخضر Date: 09-22-2021, 04:46 AM Parent: #18
لأننا يا محجوب عاطفيين وانطباعيين بطبعنا ولا نهتم بالبحث عن مصدر اي خبر او معلومة ونكتفي بالمجتزءات من سياقها اكان فيديوهات او كتابات موقف السودان من سد النهضة لا علاقة له بمريم وأداءها, لو لاحظت انه وزير الري احد الوزراء القلائل المستمر في منصبه منذ الحكومة الانتقالية الاولى بل واقول من قبل الثورة - باعتباره احد القائمين على ملف سد النهضة منذ البداية. ايام اعلان المبادئ و بدابات انشاء السد ثم لعد الثورة ووساطة ابي احمد روّج المصريين ان السودان يقف مع اثيوبيا و احنا طوالي يا مؤمن يا مصدق مسكنا في الحتة دي و صار كل من ينتقد قيام السد او يتحدث عن مخاطره على السودان عميل لمصر . بدأ و استمر انشاء السد و جات مرحلة الملئ و التشغيل هنا ظهرت المراوغات الاثيوبية ثم الكذب الصريح و في الاثناء حدثت ازمة التقراي و تقدم الجيش السوداني لاستعادة اراضيه وظهرت للمرة الاولى في تاريخ النزاع في الفشقة - بعد اكتمال الملئ الأول - نغمة عدوان السودان على الاراضي الاثيوبية! هنا صار الحديث الاثيوبي - الصادر من الخارجية التي يسيطر عليها الامهرا - عن ان موقف السودان من المطالبة باتفاقية ملزمة قانونيا لاثيوبيا بالنسبة لملئ و تشغيل السد موالاة لمصر! رغم اختلاف موقف السودان عن مصر جذريا في موافقته على بناء السد و رغبته في تعظيم الفوائد للجميع عكس المصريين الرافضين مبدأ البناء من الاساس وعملوا على عرقلته! المهم هنا طوالي الموجة الانطباعية اشتغلت كالعادة وبقى كل من يتحدث عن خطر اكمال السد بلا اتفاقية و خطر الاطماع الاثيوبية عميل لمصر! طيب يا اولاد الحلال ايش معنى العمالة لمصر عمالة و العمالة لاثيوبيا ما محسوبة! ما كلو تفريط في مصالح السودان الاستراتيجية!
Post: #20 Title: Re: النور حمد، وسد النهضة، والمهدية، وخداع ال Author: Abureesh Date: 09-22-2021, 05:51 AM Parent: #19
يا ود البشرى عمالة حكام السودان لمصر لا تحنتاج لسد النهضة أو أدلة من سد الننهضة.. هذا نهج ماشين فيه يتوارثونه أبا عن جد. زعماء الأحزاب عملاء لمصر، على تفاوت بينهم. وسمعت مريم تعزمهم على اراضى السودان الواسعة ومياهه الكثيرة، وهم احتلوا ارض سودانية بقوة السلاح وما زالت تحت إحتلالهم. والكارثة انها وزيرة خارجيــة. بالله لا تشكر الراكوبة فى الخريف
Post: #21 Title: Re: النور حمد، وسد النهضة، والمهدية، وخداع ال Author: محمد البشرى الخضر Date: 09-22-2021, 06:01 AM Parent: #20
يا ابو الريش ارجع اقرا مداخلاتي بتركيز الله يرضى عليك, انا لم اعلق على مريم واداءها او عمالتها المفترضة لمصر, انا تعليقي محصور في تجيير موقف السودان - السودان الرسمي كله بوزير ريه ورئيس وزراؤه و انا وليس وزيرة الخارجية فحسب - من رفض اثيوبيا التوقيع على اتفاقية قانونية ملزمة تحفظ حقوق الجميع ليبدو هذا الموقف كأنه تبعية وعمالة لاحد. لما ادافع عن اتهامات العمالة المجانية حينها يمكن تقول لي لا تشكر الراكوبة في الخريف او متى ما رايت ذلك مناسبا.