إعلان لبيع عمارة تفتح في الكوشة

10:10 AM September, 18 2021 سودانيز اون لاين
Osman Musa-
مكتبتى
رابط مختصر

(adsbygoogle = window.adsbygoogle || []).push({});

صور العمارة في الطريق.
العمارة من 4 طابق . ملحقة بكوشة 2 طابق ونص.
ست الشاي القريبة للفسحة بتقول انو قدر ما الهمبريب يضرب
رايحة الحاجات بتضرب.
وبيحصل صراع عجيب بين همبريب الخير وعكلتات الشر.
في النهاية العمارة بيجيها مشتري ما ضاربوا في قروشها حجر دغش.

صاحب العمارة الشاهقة والكوشة المتعملقة في انتظار مستثمر أجنبي.

كيفك يا استاذ
ما فكر في ازالة الكوشة ؟

استاذة المشرف
سلام .
لا لا .
لاحدي هسع لا حاكموا قاتل لا شالوا كوشة.

حبيبنا عثمان
عليك الله سعرها بالدولار كم و ما تقولو لي بالجنية السوداني لانو ما بعرف المليون و المليار جنية بساوي كم دولار و الله جد

يا عثمانَنا، وقعْت لي فوق فكك. أنا أجنبي (بالغصب) وداير العمارة أم كوشة دي. سعرها كم؟ ما بالجنيه السوداني please. سودان الجن دا أنا حتى كوشة ما عندي فيه، أحسن نبدأ بكوشة ومعاها عمارة.

أخينا وحبيب العموم مهندس بكرى ابوبكر
سلام
لم نلتقي في عزاء عمكم د. كمال النور سوار الدهب في الحلفايا.
ولا في العيلفون . له الرحمة .
العمارة ام كوشة دي يا أخ بكرى صعبة من كل النواحي.
من ناحية السعر .
ومن ناحية الرياح الشمالية الغربية.
اها.
سمسار العمارة الاسمو خابور وضع سعرو.
10 مليون دولار .
والله انا زاتو ما عارفها كم بتطلع بورق التواليت السوداني الاسمو
عملة سودانية.
عشرة مليون دولار أي ورقة عليها صورة جورج واشنطن.
عليك الله يا بكرى لو ج واشنطن عرف انو السمسار خابور
طلب الطلب دا . كان بيعمل شنو ؟

أخونا أستاذ شانتير .
سلامات يا أيها الأجنبي الأصيل.
داير تشتريها يا شانتير؟
معقول ناس خابور يدوك طريقة ؟
ما سمعتها الأغنية البتقول:
والله ما يبيعوها ليك ... تغمر الدمعات عينيك .
رغم كل خصام وجفوة... برضو شفقانين عليك .
ماهو باين في الكوشة.. تم تتم تم تتم .
والله ما يبيعوها ليك تتتتا.

المضحك في قصة الكوشة أنها كل ما يقولوا باكر يشيلوها.
باكر تزيد.