أول رادي شفتو في حياتي دي كان رادي خالي البلولة وكان موهمنا بان الفنانين ديل ناس صغااار بدخلوا جوة السلك حق الرادي المربعات داك وبغنوا وبمرقوا امشوا اهلم وقتها كان عسكري في الجيش اشترى الرادي دا ومعاهو ستة بناطلين وستة اقمصة وجزمة كموش وكانت امنيتي ان اشتري ستة بناطلين وفيهم واحد لبني وستة اقمصة لكن وحاة القعدة دي وما قايل روحي بحيا وبكلكم لحدي هسع تيا دي ما حققت تلك الرغبة وبالكتير بكون عندي تلاتة بناطلين واللبني ما معاهم . وكان يحق لنا نستمع معه لفنانين بالاسم اولهم الفنان ابوعبيدة حسن يا وجعي عليك يا ابوعبيدة أبو عبيدة قال لي حسن ولدي لو ربنا حضرني عرسك بغني ليك فيهو أصلو لو ما الدنيا قاسية . واقترب عرس الدكتور حسن ورحل أبو عبيدة . وسوف يبدأ حفله بصوت ابو عبيدة حسن اصلو لو ما الدنيا قاسية وليبكي من يبكي ولينتحب من ينتحب وليبتهج من يبتهج والغبيان فليرقص . يا الله يا رب صبرك الجميل ورحمتك الواسعة للفنان الانسان ابو عبيدة حسن
Post: #2 Title: Re: أصلو لو ما الدنيا قاسية Author: عبدالله ود البوش Date: 09-12-2021, 10:50 AM Parent: #1
Post: #3 Title: Re: أصلو لو ما الدنيا قاسية Author: محمد حمزة الحسين Date: 09-12-2021, 03:04 PM Parent: #2
اللهم أرحمه وأغفر له وأعفو عنه وأكرم منزلته يا رب ...
Post: #4 Title: Re: أصلو لو ما الدنيا قاسية Author: دفع الله ود الأصيل Date: 09-12-2021, 04:50 PM
ليرحمه الله. عاش ينتظر حتى قضى نحبه و الناس ما شافو ليه《 حلَل 》
Post: #5 Title: Re: أصلو لو ما الدنيا قاسية Author: Ahmed Yassin Date: 09-12-2021, 05:14 PM Parent: #4
الله يرحمه ويكرم مثواه القلب البريدو موهبة فطرية .. كان صاحب لونية خاصة وخط منفصل ... عدل فتحات ومفاتيح الطمبور ..وزاد وتر سادس اجمل من نغمة( دو ) لمن تسمع اي اغتية لابي عبيدة .حيسحرك طريقة عزفه على الطمبور اصلا في العزف على العود.... كان احمد ربشة احسن من يعزف التوافق الصوتي وطمبور ابوعبيدة حسن كانه فرقة اوركسترا تعزف خلفه..
Post: #6 Title: Re: أصلو لو ما الدنيا قاسية Author: محمد محمد قاضي Date: 09-12-2021, 05:44 PM Parent: #1
رحمه الله رحمة واسعة وغفر له وأسكنه الفردوس الأعلى مع الصديقين والشهداء وحسن أولئك رفيقا خالص العزاء والمواساة في فقد هذا الفنان الطروب
ربنا يتمم ليكم زواج إبنكم دكتور حسن ويرزقه الذرية الصالحة والسعادة والهناء تبراكم دايما وأبدا يا رب
Post: #7 Title: Re: أصلو لو ما الدنيا قاسية Author: Ahmed Yassin Date: 09-12-2021, 07:50 PM Parent: #6
ونبارك للدكتور حسن دفع الله وربنا يبارك فيه ويسعده
Post: #8 Title: Re: أصلو لو ما الدنيا قاسية Author: موسى العجب Date: 09-14-2021, 10:25 AM Parent: #1
رحم الله ابو عبيده حسن و تغمده بواسع رحمته
ود البوش سلام الله عليكم و رحمه الله مبروك للعريس حسن ن شاء الله يتمم له بالسلامه