كلنا يعلم أن أزمتنا الحالية فى السودان هى ازمة طاقة... فالمزارع والورش والمصانع الصغيرة كلها تعتمد على الكهرباء، ايضا الخدمات، دواوين الحكومة، المستشفيات، المدارس، محطات البترول، جميعها تعتد على الكهرباء، بجانب المنازل التى تحولت فيها حياة الناس الى جحيم.. فمن أين لنا هذه الكهرباء التى صارت فى يومنا هذا باهمية الاكسجين للاحياء. بفضل الله ونعمته لقد وصل العالم اليوم الى درجة متقدمة جدا من المعرفة والخبرة والامكانات لانتاج الكهرباء من الطاقة الشمسية، ولم تعد، كما كانت قبل عشرة سنوات، موضوع تكنلوجى، ومكلف، فلقد انخفض سعر تركيبها الى درجات جعلت منها ارخص طاقة، وللدرجة التى صارت الدول التى يغطى الثلج مدنها لشهورطويلة تستحلب هذه الطاقة الشمسية وتعتمد عليها ، وصارت وتيرة انتشارها متسارعة بسرعة جنونية. ثم، بفضل الله فان مقومات انتاج الطاقة الشمسية عندنا فى السودان تعتبر المثلى فى العالم.
الطاقة الكهربائية المنتجة حاليا فى السودان لا تزيد عن اربع مليار واط، اربعة (قيقا واط) من ناحية نظرية، ولكن نظرا للاعطال، وقلة امكانات الصيانة فان الطاقة الكهربائية المنتجة اليوم، وفقاً لما قاله وزير الطاقة فى مؤتمره الصحفى، فانها لا تصل اثنين مليار واط ( اثنين قيقا واط)!!!
للمعلومية: مصر الآن قد شارفت على الانتهاء من مشروع انتاج الطاقة الشمسية بالقرب من اسوان، لانتاج اثنين مليار واط ( اثنين قيقا واط) اى ما يعادل كل الطاقة التى ننتجها من خزان الروصيرص، وخزان سنار، وسد مروى، ومعهم المحطات الحرارية، ومعهم سفينة تركية تقف فى البحر الاحمر وتكلفنا 36 مليون دولار فى السنة. وهى
الشاهد أن مقومات انتاج الطاقة الشمسية فى بلادنا السودان تعتبر الافضل بين دول العالم، وغير موجودة الا فى أقل من 5% من دول العالم. والشاهد أن دولة مثل باكستان، ليست لها مقومات انتاج طاقة شمسية مثلنا تنتج 9 مليار واط من الطاقة الشمسية ايطاليا التى ليست لها مقومات انتاج كهرباء من الطاقة شمسية تنتج حوالى 20 مليار واط منها ، (20 قيقا واط) من الطاقة الشمسية بينما نحن فى السودان نعيش فى ظلام دامس ولا يزيد انتاجنا من كل خزاناتنا ومحطاتنا عن اثنين قيقا واط. !!!
هناك جانب آخر وهو سهولة تركيب محطات الطاقة الشمسية، ثم عدم حوجتها لشبكة خطوط الكهرباء لنقلها لمسافات بعيدة، مثل المسافة بين مروى والخرطوم، اذ اننا يمكن أن ننتجها فى مكان استهلاكها... ويمكن أن تقام محطة، او عدد من المحطات حول المدن، ويمكن انشائها متزامنة، فى نفس الوقت... ويمكن أنشاء ثلاث محطات حول مدينة مدنى، فى غضون سنة واحدة، لتمد مدينة مدنى بكل الكهرباء التى تحتاجها. ويمكن عمل نفس الشى لمدينة القضارف، وبورتسودان، والابيض.
اما الامر الآكثر أهمية، والذى يجعل من الطاقة الشمسية كلمة السر للتنمية فى السودان، بجانب ما حبانا الله به من مقومات أنتاجها التى ليس لها مثيل حول العالم، فانما هو قلة سعر تكلفتها. الذى صار قليلا، نظراً للتطور الكبير فى صناعة ادواتها: سعر تركيب المحطات اليوم يتم حسابه على اساس دولار واحد للواط الواحد.
الف واط يكلف الف دولار، و مليون واط يكلف مليون دولار، ومليار واط يكلف مليار دولار، مليار واط يعنى قيقا واط، ولقد قيل لنا أن تكلفة سد مروى 3 مليار دولار، فان انتاجه لا يصل مليار واط، لا يصل قيقا واط واحد ، بينما كان من الممكن أنتاج ثلاث قيقا واط من الطاقة الشمسية بهذا المبلغ، وهذه طبعا كانت سرقة معروفة.
أما الان فان السفينة التركية التى تكلفنا 36 مليون دولار كل سنة، طيلة السنين الاخيرة/ فانها لا تزودنا الا بمائة وخمسين مليون واط (150 ميقاواط) وكان يمكننا أن نقيم محطة طاقة شمسية لانتاج هذه الكمية مدى الحياة بما يعادل الايجار الذى دفعناه فى اربعة سنين، وما زالت هذه المهزلة مستمرة...
كل المطلوب اليوم من هذه الحكومة أن تعرف، اذ يبدو أنها لا تعرف، امكانية حل مشاكل الطاقة بالاعتماد على الطاقة الشمسية، وان تعرف أن دول العالم، والامم المتحدة تشجع وتدعم محطات الطاقة الشمسية لمكافحة ظاهر التغير المناخى، وان تعرف بان هذه الطاقة الشمسية أقل كلفة من المحطات الحرارية، ومن السفن المسستأجرة من الاتراك الذين يشاركهم الكيزان فى سرقة اموال الشعب، وان تبدأ فورا فى العمل الجاد الذى يمكن أن يحل مشكلة الكهرباء فى عام واحد والى الأبد
Post: #2 Title: Re: الطاقة الشمسية هى كلمة السر Author: بدر الدين الأمير Date: 09-11-2021, 07:24 AM Parent: #1
شكرا ابوبكر
Post: #3 Title: Re: الطاقة الشمسية هى كلمة السر Author: Hafiz Bashir Date: 09-11-2021, 08:59 AM Parent: #2
سلام يا أبوبكر
Quote: سعر تركيب المحطات اليوم يتم حسابه على اساس دولار واحد للواط الواحد.
كل يوم بتتقدم تكنولوجيا تصنيع محطات الطاقة الشمسية وتركيبها وكفاءتها وبحصل إنخفاض في تكلفة تركيب محطات الطاقة الشمسية. غايتو المغرب عندها مشروع طاقة شمسية لتوليد 2000 ميقاوات بدأ سنة 2014 بتكلفة 9 مليار دولار.
Quote: كل المطلوب اليوم من هذه الحكومة أن تعرف، اذ يبدو أنها لا تعرف، امكانية حل مشاكل الطاقة بالاعتماد على الطاقة الشمسية
حمدوك قال إنهم عندهم مشاريع طاقة شمسية مع شركات أمريكية تولد ما يكفي حاجة السودان من الكهرباء بنهاية العام القادم. ما عرفناهو جادي ول سايقنا بالخلا
Post: #4 Title: Re: الطاقة الشمسية هى كلمة السر Author: Asim Ali Date: 09-11-2021, 10:59 AM Parent: #3
Quote: غايتو المغرب عندها مشروع طاقة شمسية لتوليد 2000 ميقاوات بدأ سنة 2014 بتكلفة 9 مليار دولار.
المغرب عندها مساق تعليم الطاقات المتجدده حتى فى معاهد التدريب المهنى لتوغير كوادر تدير قطاع الطاقه المتجدده حتى المناطق النائيه ومجتمعات الرعاه اللى مابتصلها الشبكه العامه توجد شركات (اعمال صغيره) فى مجال الطاقه المتجدده توفر للاسر او المجتمعات دى انظمه طاقه بوسائل دفع ميسره وبالاقساط هنا الشغل الطاقه المتجدده حتى الاعمال الصغيره ماسكينو رؤوس اموال وجربنديه ساى
Post: #5 Title: Re: الطاقة الشمسية هى كلمة السر Author: أبوبكر عباس Date: 09-11-2021, 11:12 AM Parent: #4
قبل أيام يا حافظ، كان معانا دكتور نور الدين ساتي ضيف شرف في دورة رياضية بنورث كارولاينا، سألتو هل كلام حمدوك عن الطاقة الشمسية والاتفاق الأمريكي يبدو من اجابته انو الموضوع مجرد فكرة وليس قريب
Post: #14 Title: Re: الطاقة الشمسية هى كلمة السر Author: أبوبكر بشير الخليفة Date: 09-11-2021, 03:37 PM Parent: #5
تحياتى.....
موضوع الطاقة الشمسية ليس مجرد فكرة، وليس بعيدا.... وانما هو واقع العالم اليوم
امصر، القريبة دى، اقامت محطة لانتاج 2 قيقاواط بالقرب من حدودنا الشمالية، فلماذا يعتقد الدكتور بان امكانية أن ننتج 2 قيقاواط (مجرد فكرة ، وليست قريبة)؟؟؟
باكستان تنتج 9 قيقاواط من الطاقة الشمسية بالرغم من ظروفها ليست مواتية مثل السودان وبالرغم من أنها تمتلك مفاعل نووى!!
فى الحقيقة الاعتماد على الطاقة الشمسية لانتاج كل ما نحتاجه من الكهرباء فى السودان، فى خلال سنة واحدة، وباقل تكلفة، ويمكن أن تكون شبه مجانى، يعتبر أمراً ميسوراً، وقريباً، لو كان لدينا حكومة تعرف ماذا يجرى فى العالم اليوم
Post: #6 Title: Re: الطاقة الشمسية هى كلمة السر Author: عزالدين عبدالرحمن Date: 09-11-2021, 12:27 PM Parent: #3
مشكور استاذ/ ابوبكر علي هذا البوست القيم
العالم كله يتجه الان نحو الطاقة النظيفة والمدن الخضراء الخالية من التلوث وفي مجال الكهرباء اصبحت الطاقة الشمسية وطاقة الرياح هي السائدة وهنالك العديد من الشركات التي تبحث عن موطي قدم للاستثمار في الدول النامية
ولكن مازالت حكوماتنا تفكر داخل الصندوق ووزير الطاقة لايتعدي تفكيره كيفية ازالة الطمي او تعلية خزان الوصيرص.
ومن الافضل للحكومة الاستثمار وتوطين صناعة الطاقة الشمسية والرياح بانشاء مصانع الواح وبطاريات ومحطات الطاقة الشمسية وتوربينات الرياح.
فتكلفة وقود مولدات الكهرباء لمدة خمسة سنوات في بعض مدن السودان اعلي من قيمة انشاء محطة للطاقة الشمسية.
لكن الله المستعان.
Post: #7 Title: Re: الطاقة الشمسية هى كلمة السر Author: صبري طه Date: 09-11-2021, 01:02 PM Parent: #6
منقول من الفيسبوك:
Quote: منقول من الفيسبوك:
Quote: بالأرقام: مقترح بسيط و غير مكلف لحل ازمة الكهرباء كلنا سمعنا كلام وزير الطاقة عن انه البلد محتاجة ٣ مليار دولار عشان قدرة التوليد تزيد بالطريقة التقليدية لكن دا معناه انه ازمة الكهرباء ممكن براحة تستمر تاني ٤ سنوات لي قدام لحدي ما نلم المبلغ دا و المحطات الجديدة دي تشتغل ولو افترضنا انه انقطاع الكهرباء نهارا لمدة ٦ ساعات بيخصم ٥٪ من الناتج الإجمالي المحلي للسودان دا معناه انه السودان ممكن براحة يخسر ٧ مليار دولار خلال ال ٤ سنوات دي!!!!!! طيب يا وزير الطاقة في مقترح استثنائي افضل من انتظار الطريقة التقليدية و بكلف فقط عشر المبلغ الانت اتكلمت عنه يعني ٣٠٠ مليون دولار فقط و حيحل مشكلة القطوعات بالنهار( وقت النشاط الإنتاج) و بالتالي حيوفر للبلد ال ٧ مليار دولار الكانت حتضيع بسبب انقطاع الكهرباء الحل هو بتركيب محطات طاقة شمسية بدون بطاريات تكلفة انشاء محطة طاقة شمسية بقدرة ١ ميقاوات بدون بطاريات في الهند ( نفس المناخ و نفس تكلفة اليد العاملة) بتعادل ٦٠٠ الف دولار فلو قررنا بناء ١٠ محطات شمسية سعة الواحدة منها ٥٠ ميقاوات فدا حيكلف ٣٠٠ مليون دولار فقط و حينتج ٥٠٠ ميقاوات طاقة يعني عشر المبلغ الطالبه وزير الطاقة ( ممكن الحكومة تسحب المبلغ دا من ال ٨٠٠ مليون دولار الاستلمتها من صندوق النقد بدل ما تكون قاعدة كاحتياطي مجمد في بنك السودان... دا ظرف طارئ يا ناس) جمال الفكرة ما هنا و بس الجمال هو أنه محطات الطاقة الشمسية دي ممكن تحل مشكلة عدم كفاءة شبكة التوزيع كمان حسب تصريح وزير الطاقة الشبكة كفاءتها ٦٠٪ فقط يعني في ٤٠٪ من الطاقة المولدة بتضيع بسبب انتقال الكهرباء من مناطق التوليد لمناطق التوزيع البعيدة في شبكة كفاءة نقلها تعبانة يلا اذا اتوزعت محطات الطاقة الشمسية دي على المدن البعيدة من محطات التوليد و الفيها فقد كبير بيصل إلى اكتر من ٦٠٪ (بسبب بعد المسافة و عدم كفاءة الشبكة) كدا كمية الكهرباء الكلية الحنستفيد منها بسبب محطات الطاقة الشمسية هي : ٥٠٠ ميقاوات مقسومة على ٦٠٪ كفاءة النقل الحالية ودا يساوي ٨٣٠ ميقاوات ( يعني في ٣٣٠ ميقاوات دي حنوفرها لانها تاني ما حتضيع في الشبكة لحدي ما تصل المدن الحيكون فيها محطات الطاقة الشمسية) يلا ال ٨٣٠ ميقاوات دي تقريبا تعادل حجم العجز النهاري فالكهرباء تاني ما حتقطع في النهار👍🏽 بالتالي النشاط الإنتاجي ما حيتعطل و حنوفر ال ٧ مليار دولار الكانت حتضيع بسبب القطوعات دي👍🏽 بالإضافة لانه مافي اسهل وأسرع من تركيب محطات الطاقة الشمسية ما ننسى كمان انه حنوفر قروش الوقود لانه محطات التوليد الشمسية ما بتستهلك اي وقود👍🏽 غير الشمس عندنا شنو في البلد دي؟ يا وزير الطاقة وضع الكهرباء في السودان هو وضع استثنائي يحتاج إلى حلول استثنائية وليس لحلول تقليدية مكلفة و عقيمة المهندسين التحتك في الوزارة الجابوا ليك الرقم بتاع ال ٣ مليار دولار ديل ممكن يكونوا ناس غير مواكبين للتكنلوجيا و ما قادرين يجيبوا حلول استثنائية للوضع الاستثنائي دي
ـــــــــــــ
Post: #8 Title: Re: الطاقة الشمسية هى كلمة السر Author: محمد البشرى الخضر Date: 09-11-2021, 01:55 PM Parent: #7
Quote: ٥٠٠ ميقاوات مقسومة على ٦٠٪ كفاءة النقل الحالية ودا يساوي ٨٣٠ ميقاوات ( يعني في ٣٣٠ ميقاوات دي حنوفرها لانها تاني ما حتضيع في الشبكة لحدي ما تصل المدن الحيكون فيها محطات الطاقة الشمسية) يلا ال ٨٣٠ ميقاوات دي تقريبا تعادل حجم العجز النهاري
الحسبة دي ما وقعت لي جات كيف, توليد 500 ميقا ح يزيد كيف لـ 830؟ الشي التاني كفاءة الطاقة الشمسية كم؟ يعني المحطة المصممة لانتاج لنقل 50 ميقا بتديك كم فعليا؟ الطاقات المتجددة هي المستقبل نعم لكن ليست البديل مائة بالمائة لابد يكون عندك وسائل توليد تعتمد عليها سواء حراري او مائي لتغطية الفترات التي يقل او يتوقف فيها انتاج الطاقة البديلة اما وضعنا في السودان فنحتاج حلول اسعافية سريعة على مدى شهور وليس سنوات, لو بدأنا تنفيذ محطة طاقة شمسية سواء بالخلايا او التركيز اليوم نحتاج لثلاثة لاربعة سنوات على الاقل لذا يجب صيانة المحطات الموجودة حاليا و رفع كفاءتها سواء الحراري او المائي و كذلك لابد من تحديث الشبكة وتقليل نسبة الفاقد التي تعتبر الاعلى افريقيا للحد المقبول.
Post: #11 Title: Re: الطاقة الشمسية هى كلمة السر Author: نعمات عماد Date: 09-11-2021, 03:09 PM Parent: #8
سلام باش م محمد الخسارة بسبب إنقطاع الكهرباء 5٪=25ميغاوات فاقد بسبب بعد المسافة 60٪=300 ميغاوات 325+500=825ميغاوات
Post: #24 Title: Re: الطاقة الشمسية هى كلمة السر Author: أبوبكر بشير الخليفة Date: 09-12-2021, 02:41 AM Parent: #8
بخصوص الكفاءة:
المحطة التى يتم تركيبها لانتاج مليون واط سوف تنتج مليون واط، وكفاءة الالواح، التى هى قليلة، يتم اعتبارها فى تصنيع الالواح، بمعنى ان لوح الطاقة الشمسية الذى يقال عنه أنه سعة 100 واط مثلا، هو فى الحقيقة يستقبل طاقة شمسية قدرها 800 واط، ولكن نظراً لقلة كفاءته، فانه لا ينتج منها الا 20%
فاذا سمعنا ان كفاءة الواح الطاقة الشمسية قليلة فان المقصود بان صناعة الالواح ليست متقدمة بصورة كافية، فى الوقت الحالى، ولا يعنى الكفاءة التى نتحدث عنها فى انتاج الكهرباء من المولدات أو من التوربينات، ثم أن الالواح الشمسية مع قلة كفاءتها فانها تظل ارخص وسيلة لانتاج الطاقة الكهربائية فى الدول التى تحظى بمقومات انتاجها، والتى يعتبر السودان اكثرها حظاً.
الحلول السريعة: الطاقة الشمسية هى اسرع الحلول الممكنة، وارخصها، ولا تحتاج لاربعة سنوات كما ذكرت. تركيب محطات طاقة شمسية تكفى لكهرباء مدينة مدنى مثلا، لا يحتاج لاكثر من 12 شهراً. فاذا قلنا أن مدينة مدنى تحتاج الى 300 ميقاواط، وهذه الكمية تعادل 10% من كهرباء السودان، فان انشاء ثلاث محطات سعة 100 ميقاواط فى اماكن متفرقة حول مدينة مدنى، يبدأ العمل فيها دفعة واحدة، لا يحتاج لاكثر من 12 شهر... ويمكن تكرار هذا العمل فى المدن الاخرى، بواسطة عدد من الشركات العالمية،
شبكة النقل وسوء حالتها: وضع شبكة النقل الحالى فى السودان هو من اهم الاسباب التى تجعلنا نفضل الطاقة الشمسية، ذلك لانها يتم انتاجها فى مكان الاستهلاك، ولا تحتاج لشبكات الضغط العالى لتنقلها مئات الاميال. كهرباء القضارف مثلا يتم انتاجها واستهلاكها دون الحاجة لخطوط ضغط عالى قادمة من سنار او من مروى، بل يمكن داخل المدينة لا نحتاج للشبكة أذ يمكن انتاج الكهرباء من الطاقة الشمسية فى الورش والمنازل والمصانع الصغير، فى الحقيقة يمكن بمجهود بسيط من الدولة لتقوم باصدار اوامر للبنوك بتمويل اصحاب الورش واصحاب المصانع الصغيرة واصحاب المدارس الخاصة واصحاب النازل الكبيرة التى تستخدم المكيفات المتعددة، بتمويل كل هؤلاء لتركيب نظام طاقة شمسية off-grid مستقل، مما يقللل الضغط على الشبكة، ويقلل الضغط على المحطات المركزية. هذا التمويل الذى لن يزيد عشرة الى عشرين الف دولار،يمكن تحصيله على مدى عشر سنوات، ليستمتع هؤلاء بكهرباء مجانية بعد ذلك، وايضا ليضمن هؤلاء استقرار الكهرباء دون قطوعات اثناء دفع الاقساط بدلا من الوضع الحالى الذى يقومون بدفع قيمة الكهرباء مقدماً ثم لا يجدونها وتتعطل اعمالهم
Post: #27 Title: Re: الطاقة الشمسية هى كلمة السر Author: صبري طه Date: 09-12-2021, 12:31 PM Parent: #8
Quote: الحسبة دي ما وقعت لي جات كيف, توليد 500 ميقا ح يزيد كيف لـ 830؟
يا ود البُشرى أعتقد أنّه يقصد الـ 500 ميجا البتصلك من محطات التوليد مفروض هي في الأصل 830 ميجا ولكن الفقد فيها بيصل إلى ٦٠٪ (بسبب بعد المسافة وعدم كفاءة الشبكة) لذا وصلتك 500 ميجا
ومحطات الطاقة الشمسية تجنّبك ذلك .. يعني إذا أنتجت 830 ميجا فستسفيد منها كاملة .. والعلم عند الله ...
Quote: ( يعني في ٣٣٠ ميقاوات دي حنوفرها لانها تاني ما حتضيع في الشبكة لحدي ما تصل المدن الحيكون فيها محطات الطاقة الشمسية) يلا ال ٨٣٠ ميقاوات دي تقريبا تعادل حجم العجز النهاري فالكهرباء تاني ما حتقطع في النهار
الكلام دا معناه حتولد 830 ميجاوات من الطاقة الشمسية وحتستفيد منها كلها .. وما عندو أيّ علاقة بأيّ توليد آخر ...
ـــــ غايتو أنا فهمت كدا أول ما قريت الكلام دا وهسه إنت جهجهت أفكاري معاك :)
Post: #15 Title: Re: الطاقة الشمسية هى كلمة السر Author: أبوبكر بشير الخليفة Date: 09-11-2021, 03:41 PM Parent: #6
كلامك صحيح. فعلاً المشكلة هى نوعية الذين تكالبوا على كراسى الحكم دون أن تكون لديهم المؤهلات المطلوبة...... ودون وعى ايضاً
Post: #17 Title: Re: الطاقة الشمسية هى كلمة السر Author: Hafiz Bashir Date: 09-11-2021, 06:44 PM Parent: #6
سلام عاصم ومستنرينا ابوبكر مازال حتى الآن التوليد الكهربائي من الطاقة الشمسية يساهم مساهمة قليلة لا تتجاوز 5% من كل الطاقة الكهربائية المنتجة في العالم. ومازال إنتاج الكهرباء من الطاقة الشمسية محتكر إلى حد كبير لدول ذات مؤشرات إقتصادية عالية كدول الإتحاد الأوربي والولايات المتحدة الأمريكية وحديثاً دخلت الصين. الوكالة الدولية للطاقة تتوقع أنه بحلول العام 2050 ستصل مساهمة الطاقة الشمسية إلى 27% من أحتياجات العالم للطاقة الكهربائية. (16% من الواح ضوئية + 11% من طاقة شمسية مركزة)
رغم إنخفاض تكاليف تأسيس محطات النوليد الشمسي للكهرباء خلال العقد الأخير. الا أن السؤال في هل أن الطاقة الشمسية أصبحت فعلاً حلاً واقعياً لمشكلة الطاقة في الدول الفقيرة؟ يظل سؤالاً صالحاً كي ما نفصل بين الحلم والواقع. هل سيخترق السودان توقعات الوكالة الدولية للطاقة وترتفع فيه مساهمة الطاقة الشمسية من مجمل إنتاج الكهرباء إلى 50% قبل عام 2025؟
Post: #10 Title: Re: الطاقة الشمسية هى كلمة السر Author: أبوبكر بشير الخليفة Date: 09-11-2021, 03:07 PM Parent: #3
مرحبتين يا حافظفعلا قبل 10 سنوات كانت التكلفة عالية، لكن الآن فان التكلفة هى دولار واحد للواط الواحدواحد واط يكلف واحد دولار، الف واط ( اسمها كيلوواط) يكلف 1000 دولار، مليون واط (اسمها ميقاواط) يكلف مليون دولار، مليار واط (اسمها قيقاواط) يكلف مليار دولار....سد مروى الان ينتج اقل من مليار واط (اقل من قيقاواط) مفروض يكلف اقل من مليار دولار، لكن الكيزان قالوا كلف 3 مليار دولار.....
Post: #13 Title: Re: الطاقة الشمسية هى كلمة السر Author: أبوبكر بشير الخليفة Date: 09-11-2021, 03:29 PM Parent: #3
أيضا يا حافظ ، بالنسبة لى كلام حمدوك، لا أعتقد أنها سواقة بالخلاء، فالسودان يمكنه فى سنة واحدة فقط أن يركب محطات طاقة شمسية حول مناطق الاستهلاك، للتخلص من مشكلة الكهرباء تماما. يمكن بسهولة شديدة تركيب 20 محطة مركزية لتنتج كل واحدة منها 100 مليون واط ( 100 ميقا واط) لتيكون جملة الانتاج 2 مليار واط ( 2 قيقا واط) ، يعنى مضاعفة الكمية المتوفرة حالياً فى غضون سنة واحدة.
حكومتنا تأخرت كثيراً، تأخير شديد، اذ كان من الممكن البدء فى هذا العمل فور استلام الحكومة الانتقالية، كانت يمكن أن تكون خطة طوارئ، بدلاً من استجداء دولارات لتصب فى أيدى شبكات الكيزان، التى ما زالت تستحوذ على العملة الصعبة بطرقها الحربائية، كان يمكن لحكومتنا الانتقالية أن تطلب من دول العالم التى اسرعت الينا بعد أن أذهلتها ثورة الشباب، أن تشرع فى انشاء محطات مركزية للطاقة الشمسية حول مناطق الانتاج، وحول المدن، وحول مناطق المصانع والورش.
الآن فى العالم تُقام محطات انتاج الطاقة الشمسية سعة 100 ميقا واط فى 12 شهر.....وكان يمكن للحكومة الانتقالية أن تطلب من المانيا مثلا انشاء اربعة محطات حول مدينة بحرى، وتطلب من فرنسا مثلا انشاء اربعة محطات حول مدينة الخرطوم، وتطلب من انجلترا انشاء اربعة محطات حول مدينة امدرمان، وتوزع ثمانية محطات حول المدن الاخرى، مدنى، كوستى، الابيض، القضارف، كسلا، بورتسودان.
كل هذه الدول كانت تتحرق لمد يد العون للسودان الذى لفت انظارهم بفضل ثورة الشباب السلمية...
اما الامر الآخر الذى كان يمكن أن يجعل هذه الدول تندفع لانشاء محطات الطاقة الشمسية فورا فانما هو اهتمامها الشديد جد بموضوع التلوث المناخى الذى أدى الى كوارث بيئية كبيرة جدا، مما جعلهم يضعون خطط طموحة لانتاج الطاقة النظيفة، للحد من تلوث المناخ بغاز ثانى ازكسسسزيد الزيدكرربون.
اكان كمن الممن للللحكومة الانتقالية أن تنتهىمن مشكلة الكهرباء خلال العام الماضى بالاعتماد على اللظرف العالمى الذى يدعم انتاج الطاقة الشمسية، وهو ظرف ما زال سارياًز
كلام حدوك دليس دسواقة ببالخلاء وانما كلام صحيح وقد جاء متاخراً...
Post: #9 Title: Re: الطاقة الشمسية هى كلمة السر Author: أبوبكر بشير الخليفة Date: 09-11-2021, 03:01 PM Parent: #2
شكرا ليك ايضا يا بدر الدين على المرور وعلى التعليق
Post: #12 Title: Re: الطاقة الشمسية هى كلمة السر Author: نعمات عماد Date: 09-11-2021, 03:12 PM Parent: #9
سلام و تحية الأستاذ أبوبكر الخليفة نورت المنبر.
Post: #16 Title: Re: الطاقة الشمسية هى كلمة السر Author: أبوبكر بشير الخليفة Date: 09-11-2021, 03:43 PM Parent: #12
شكراً ليك استاذة نعمات
Post: #18 Title: Re: الطاقة الشمسية هى كلمة السر Author: محمد البشرى الخضر Date: 09-11-2021, 08:47 PM Parent: #16
Quote: الخسارة بسبب إنقطاع الكهرباء 5٪=25ميغاوات فاقد بسبب بعد المسافة 60٪=300 ميغاوات 325+500=825ميغاوات
نايس تراي يا دكتورة هو قال 830 لكن و الادهى الطريقة الحسبها بيها, ناتج قسمة السعة التصميمية للمحطات 500 على 60% كفاءة شبكة النقل الحالية! ودا منطق غريب جدا هو ببساطة عايز يقول انو الخمسمية ميقا ما حيحصل فيها فاقد انتاج التوزيع بالتالي ح تمشي كلها للمستهلك ودا غير انه كلام غير علمي و مستحيل لكن لنقل انه كذا الحال طيب في الحالة دي الكفاءة القصوى 100% هي الخمسمية البخليها تزيد شنو تبقى 160%؟!! المنشور دا واضح انه الكاتبة ما مهندس ما مشكلة عادي في السودان ممكن تفتي في اي شي لكن اليغيظ فلسفته في الاخر قال المهندسين تحت الوزير ما قادرين يفكروا خارج الصندوق!! هو تفكير خارج الصندوق اذا زي تفكيره دا البخلي الكفاءة تزيد عن نسبة المية في المية دا خليناه ليه احسن!
Post: #19 Title: Re: الطاقة الشمسية هى كلمة السر Author: أبوبكر عباس Date: 09-11-2021, 08:53 PM Parent: #16
يا حافظ، حتى لو السودان وصل ل٥٠٪ لن يكون قد اخترق توقعات الوكالة لأن انتاج السودان لن يساوي شيئًا بالنسبة للعالم والوكالة تتحدث عن الانتاج العالمي للطاقة الشمسية مقارنة مع مصادر الطاقة الأخرى
Post: #20 Title: Re: الطاقة الشمسية هى كلمة السر Author: Hafiz Bashir Date: 09-11-2021, 09:32 PM Parent: #19
أقصد يا مستنير يخترق المعدل او النسبة كمتوسط لإنتاج كل دولة.
Post: #21 Title: Re: الطاقة الشمسية هى كلمة السر Author: Hafiz Bashir Date: 09-11-2021, 10:37 PM Parent: #20
يعني يا مستنير إذا السودان أنتج 50% من إحتياجه للكهرباء من محطات طاقة شمسية في العام 2025، فكم تتوقع أن تصل النسبة في الصين والهند والولايات المتحدة الأمريكية في العام 2050؟
Post: #22 Title: Re: الطاقة الشمسية هى كلمة السر Author: Abureesh Date: 09-11-2021, 11:39 PM Parent: #21
سلام دكتور ابوبكر وشكرا على فتح هذه النافذة الهامة.. تعرف الإستهلاك الكلى للطاقة على الأرض بواسطة البشر.. كل السيارات، الطائرات الكمبيوترات اللمبات البوتوجازات (برضو طاقة) السخانات القطارات التلاجات.. كل شئ على الكرة الأرضية يحتاج أى نوع من الطاقة عشان يعمل.. لو جمعت كل هذه الطاقة لمد سنة كاملة، تعادل أشعة الشمس الساقطة على الأرض لمدة دقيقتين فقط. زمان وانا طفل كنت العب بنظارة الوالد رحمه الله اطلع فى الشمس واركز الأشعة على ورقة والورقة تولع طوالى.. تخيل هذه دائرة بنصف قطر سنتيمتر واحد. وبدون لوحات خلايا شمسية direct sunlight أما حمدوك فقد ورث حرف الحاء (حنعمل حنسوى حنبنى حنعبر..) ورث حلف الحاء من البشير. ارجو أن يعلن الإنجاز بعد اتمامه.. حتى لو افتتاح مشروع جديد يعلن ذلك اثناء الإفتتاح أو بعده ولكن ليس قبل يومين.
الطاقة الشمسية هى مستقبل السودان.. فى زيارتى للسودان مريت على شارع الحرية لقيت الكهرباء قاطعة (وهو شارع الكهرباء) والدكاكين مظلمة شغتلين بنور الموبايل.. الغريبة يبيعوا لوحات الطاقة الشمسية!! قلت لواحد صاحب محل ياخى ما تشتركوا كم دكان وتجيبوا الواح الطاقة وتركبوها فى سقف واحد من دكاكينكم دى.. الزول دا لما اتلخبط وما عرف يقول شنو، لأنه حل بسيط وهو قادرين عليه.. فى تلاتة دكاكين جنبه يبيعون الواح شمسية.. لو التلاتة ديل بس اشتركوا وكل واحد ساهم ب 10 الواح ممكن يولعوا المربع بتاعهم كله ويرجعوا حق الألواح من الدكاكين فى شهرين بس.
Post: #23 Title: Re: الطاقة الشمسية هى كلمة السر Author: أبوبكر بشير الخليفة Date: 09-12-2021, 02:08 AM Parent: #22
مرحبتين يا محمد عثمان
فعلا حاجة تحير .... كالعيس فى البيداء يقتلها الظمأ والماء فوق ظهورها محمول
بعدين يا اخوى (دكتور) دى شنو؟؟؟
Post: #25 Title: Re: الطاقة الشمسية هى كلمة السر Author: Nasr Date: 09-12-2021, 02:54 AM Parent: #23
في عام ٧٧ حضرت مؤتمر الطاقة الاول في قاعة الصداقة في ذاك اامؤتمر تكلم أحدهم عن الطاقة الشمسية لو مشينا متر في اليوم من اليوم داك كلنا هسع وصلنا الشمس ذاتها يكون يا ربي دا من شنو؟؟؟؟ إستخراج البترول لعب دورا كبيرا في تهميش كل وسائل الطاقة البديلة مشاريع الأفيال البيضاء كسد مروي عملت علي تعطيل الإستفادة من الطاقات البديلة دا غير عجز البيروقراطية العسكرية الكيزانية عن فعل أي شئ مفيد للسودان
عموما ما راحت حاجة خلونا نبدأ بالإعفاء من الجمارك لحاجات الطاقة الشمسية وشوية حوافز تانية وكورسات مجانية ومكثفة في التركيب والتشغيل لأجهزة الطاقة الشمسية مفكر أصل السودان وفي معيتي خلايا طاقة شمسية تكفي إحتياجاتي وربما أكثر النشوف
Post: #26 Title: Re: الطاقة الشمسية هى كلمة السر Author: adil amin Date: 09-12-2021, 05:14 AM Parent: #25
قبل سنتنين في نفس البورد ده اثرت موضوع الطاقة الشمسية وقلت امشو الصين يا ناس حمدوك والكعوك بدل التسكع في دول الخليج ومصر وتركيا والكومشن والجيب المقدود وفنيلة ميسي يعني من 2018 والناس لحدي هسة تولول في السودان وفي البورد وحكمة ربك نفس الناس ونحن في 2021 والجدل البيزنطي الطاقة الشمسية في السودان بتزود كل السودان يوميا 40000 ميقا وات حسب تقرير الامم المتحدة في البوست حمدوك نجام بي دقنوو وامريكا والبنك الدولي ببيع ليكم الوهم بس بماذا توحي لكم هذه الصورة ؟؟بماذا توحي لكم هذه الصورة ؟؟
Post: #28 Title: Re: الطاقة الشمسية هى كلمة السر Author: أبوبكر عباس Date: 09-12-2021, 02:13 PM Parent: #26
يا حافظ، لو بعد عشرة سنيين وافترضنا قامت مشاريع زراعية وصناعات تحويلية؛ استهلاك السودان من الطاقة مقارنة بالدول الكبرى زي لمان تقارن استهلاك القرية الجنب "جبل العرشكوك" مع الخرطوم. يا أخي، قرية الحجير small stone أو وادي العشب Lawndale بأمريكا استهلاكها من الكهرباء قدر استهلاك السودان وتشاد ومعاهم هوادة اريتريا
Post: #29 Title: Re: الطاقة الشمسية هى كلمة السر Author: Hafiz Bashir Date: 09-12-2021, 02:41 PM Parent: #28
سلام أبوبكر الخليفة
Quote: مرحبتين يا حافظفعلا قبل 10 سنوات كانت التكلفة عالية، لكن الآن فان التكلفة هى دولار واحد للواط الواحدواحد واط يكلف واحد دولار، الف واط ( اسمها كيلوواط) يكلف 1000 دولار، مليون واط (اسمها ميقاواط) يكلف مليون دولار، مليار واط (اسمها قيقاواط) يكلف مليار دولار....سد مروى الان ينتج اقل من مليار واط (اقل من قيقاواط) مفروض يكلف اقل من مليار دولار، لكن الكيزان قالوا كلف 3 مليار دولار.....
مقارنة تكلفة إنتاج الطاقة الكهربائة من محطات مختلفة تتم عن طريق حساب تكلفة الطاقة المستوية (levelized cost of energy (LCOE)). وهو مقياس لمتوسط التكلفة الصافية بالأسعار الحالية لتوليد وحدة واحدة من الطاقة الكهربائية (ميقاواط ساعة) لمحطة توليد على مدى عمرها. وتتضمن التكلفة تكلفة إنشاء وتكلفة التشغيل والصيانة. يعني لو في محطة مقدر ليها تعيش 20 سنة وتكلفة إنشاءها وتشغيلها وصيانتها خلال ال20 سنة مليار دولار وخلال الفترة دي حتنتج مليار ميقاوات، يبقى سعر الميقاوات 1 دولار أتفق معك في أن تكلفة الطاقة الكهربائية المنتجة في محطات الطاقة الشمسية قد إنخفضت إنخاض كبير جداً خلال العقد الماضي. وإنخفض الLCOE في بعض محطات الطاقة الشمسية إلى 50 دولار/ميقاوات ساعة. بينما محطات الديزل والغاز متوسط الLCOE فيها حوالي 60 دولار/ميقاوات ساعة. طبعاً تقدير الLCOE لكل محطة يختلف حسب المتغيرات الأخرى لذلك ليس من الدقة نقل الأرقام من التجارب السابقة في دول ظروفها مختلفة عننا. لذلك نحتاج تقديرات سودانية للLCOE لمحطات الطاقة الشمسية لمقارنتها بالمصادر الأخرى. وطبعاً برضو طريقة التمويل مهمة وما إذا كانت الدولة هي التي ستتكفل بتكاليف الإنشاء ام أنه سيتم إنشاء المحطة بنظام الBOT.
Quote: بخصوص الكفاءة: المحطة التى يتم تركيبها لانتاج مليون واط سوف تنتج مليون واط، وكفاءة الالواح، التى هى قليلة، يتم اعتبارها فى تصنيع الالواح، بمعنى ان لوح الطاقة الشمسية الذى يقال عنه أنه سعة 100 واط مثلا، هو فى الحقيقة يستقبل طاقة شمسية قدرها 800 واط، ولكن نظراً لقلة كفاءته، فانه لا ينتج منها الا 20%
ما أفتكر الكلام دا كدا صحيح. المحطة التى يتم تركيبها لانتاج مليون واط قدرتها مليون واط ولكنها لن تعمل بهذه القدرة طوال اليوم. ولكل محطة عامل سعة و هو نسبة ناتج الطاقة الكهربائية الفعلي خلال فترة زمنية معينة إلى أقصى إنتاج بأعلى قدرة ممكنة خلال تلك الفترة. يعني المحطة التى يتم تركيبها لانتاج مليون واط (ميقاواط) إذا إشتغلت بكامل قدرتها ستنتج 24 ميقاواط ساعة في اليوم ولكنها في الواقع قد تنتج 8 ميقاوات ساعة في اليوم. عامل السعة لأي محطة يتعمد على نوع التوليد كما انه يعتد على عوامل أخرى كثيرة. محطات الطاقة الشمسية تتأثر بالإشعاع الشمسي وطول اليوم ودرجة الحرارة والغبار والسحب والظلال. في أفضل حالتها محطات الطاقة الشمسية يتراوح عامل سعتها بين 20 - 30%
Post: #30 Title: Re: الطاقة الشمسية هى كلمة السر Author: أبوبكر عباس Date: 09-12-2021, 03:09 PM Parent: #29
مقارنة تكلفة انتاج طاقة شمسية مع المصادر الأخري في السودان تختلف عن الدول الأخرى؛ الدول الأخرى تسعى لبديل لمحطات قائمة من أجل البئية، لكن الوضع في السودان مختلف الديزل والفحم الحجري غاليات جداً مقارنة بدول العالم وبتكون في مشكلة استدامة توفيرهن بالسودان.
يعني اي دراسة في السودان للطاقة الشمسية بكون همها الأول الاستدامة
Post: #31 Title: Re: الطاقة الشمسية هى كلمة السر Author: Hafiz Bashir Date: 09-12-2021, 03:31 PM Parent: #29
اولاً يا مستنير الحجير ولا Lawndale. الحجير هي بلد نسابتي واهل زوجتي المسوداب اهل القبب. والحجير شملها حاج الماحي مع الدتي في قصيدته "دويم ود حاج شهير تنقاسي و القرير الدتي و الحجير حلة ولاد بصير" هسه لاونديلك دي لو قعدت مية سنة حاج الماحي بجيب خبرها؟😜
يا مستنير إستهلاك السودان من الكهرباء بيمثل 0.045% من أستهلاك العالم. نقطة سطر جديد في سنة 2050 متوقع إنو 27% من إنتاج الكهرباء في العالم يكون من طاقة شمسية. بالتالي سنة 2050 متوسط إنتاج كل دولة من الطاقة الشمسية يكون بيساوي 27% من إنتاجها الكلي للطاقة الشمسية. صحيح إنتاج الطاقة الشمسية كنسبة ما يكون متساوي في كل الدول لكن المتوسط 27%. السودان وحسب كلام حمدوك حيكون تجاوز النسبة دي في العام 2025. يعني في سنة 2050 لو دايرين نصنف الدول حسب نظافة مصادر الطاقة فيها السودان حيكون في مركز متقدم جداً جداً. والأهم من كدا إنه حيحوز على المركز المتقدم دا في سنة 2025. تقول لي أمريكا ولاونديل.
Post: #32 Title: Re: الطاقة الشمسية هى كلمة السر Author: أبوبكر بشير الخليفة Date: 09-12-2021, 04:38 PM Parent: #29
بالرغم من أن الدول الكبرى، مثل الصين، امريكا، المانيا، ليست لديها اى مشكلة فى مسالة توفير الطاقة الا انهم جميعا صاروا ينتجون الكهرباء من الطاقة الشمسية، ولذلك نجد أن مجمل كمية نتاج الكهرباء من الطاقة الشمسية فى العالم قد تضاعفت خلال العشرة سنين الاخيرة الى عشرين ضعف.
فالصين مثلا بالرغم من امتلاكها لكل مصادر الطاقة الاخرى، التى من بينها المفاعلات النووية، الا انها تنتج حاليا حوالى 150 مليار واط (150 قيقا واط) من الطاقة الشمسية .... ويجدر بنا أن نتذكر أن كل كمية الكهرباء المنتجة اليوم فى السودان هى 2 قيقا واط !!! نعم أثنين فقط كذلك الحال بالنسبة لامريكا فهى الان تنتج من الطاقة الشمسية حوالى 95 قيقا واط.
الاكثر من ذلك... ان المواطنين، الافراد فى هذه الدول العظمى، الذين لا يعرفون قطع الكهرباء، صاروا يستخدمون الطاقة الشمسية فى منازلهم لانها ارخص من كهرباء الشبكة......
الغرض من هذا البوست، فى هذا البورد العام، هو نشر المعلومات الصحيحة، لخلق راى عام يمكن أن يشكل عامل ضغط على المسئولين للاسراع فى اتخاذ القرارات الصحيحة، فكما نعلم جميعا أن غياب المعلومات لدى عامة الناس يشجع المسئولين على الفساد، وللدرجة التى يقوم المسئول باستئجار سفينة تركية بها مولدات كهربائية ليدفع لها السودان 36 مليون دولار كل عام بينما العالم كله يعرف ان سعرتركيب محطة طاقة شمسية لانتاج نفس كمية الكهرباء مدى الحياة لا يزيد عن قيمة الايجار لمدة اربعة سنوات فقط......
توفير المعلومات الصحيحة عامل مهم جدا لمكافحة فساد المسئولين الذى يخرب الاوطان......
اما الاصرار على تغبيش الوعى و(الغلاط) بدون علم، او بمجرد الظن، فانه يهزم قضية التنمية والتقدم...
مثلاً: احد المعلقين كتب ((محطات الطاقة الشمسية تتأثر بالإشعاع الشمسي وطول اليوم ودرجة الحرارة والغبار والسحب والظلال. في أفضل حالتها محطات الطاقة الشمسية يتراوح عامل سعتها بين 20 - 30%))
وهذه معلومة خاطئة، وقد حاولت تصحيحها له لكنه ما زال مصراً عليها !!
يبدو أنه قد سمع بان كفاءة الواح الطاقة الشمسية لا تزيد عن 20% او 30% ولكنه لم يعرف معنى هذه المعلومة، واعتقد بانها مثلا أن نقول أن هذا المولد الكهربائى اكفائته 85% مما يعنى أننا اذا وجدنا ان ديباجته تقول مولد قدرة 100 كيلوواط، فاننا يجب أن نعرف انه لن ينتج اكثر من 85 كيلو واط..... بينما الامر ليس كذلك.... فى موضوع الواح الطاقة الشمسية عندما نسمع أن كفاءتها 20% فان هذا الامر لا يعنى أننا اذا وجدنا محطة كفاءتها 100 كيلوواط فان ذلك يعنى انها سوف تنتج 20 كيلو واط !! وانما يعنى أن لوح الطاقة الشمسية الذى ينتج 100 واط قد استقبل من الشمس طاقة كثيرة جدا ولكنه لم يحولها كلها الى كهرباء، وانما حول 20% منها فقط الى كهرباء، وهذه الكمية القليلة التى حولها الى كهرباء هى ال 100 واط التى قيل لنا أنها كفاءة هذا اللوح....
فاذا جاء شخص كان قد سمع بان كفاءة الالواح هى 20% ثم قال أن محطة الطاقة الشمسية التى يقال عنها أنها سوف تنتج 100 كيلوواط لن تنتج الا 20 كيلو واط ، فان هذا الشخص يتحدث فيما لا يعلم وينشر معلومات من شأنها هزيمة مجهود نشر ثقافة الطاقة الشمسية فى منبر عام لخلق راى عام للضغط على المسئولين لاتخاذ القرارات الصحيحة.
Post: #33 Title: Re: الطاقة الشمسية هى كلمة السر Author: Hafiz Bashir Date: 09-12-2021, 05:35 PM Parent: #32
سلام تاني حبيبنا أبوبكر الخليفة
Quote: مثلاً: احد المعلقين كتب ((محطات الطاقة الشمسية تتأثر بالإشعاع الشمسي وطول اليوم ودرجة الحرارة والغبار والسحب والظلال. في أفضل حالتها محطات الطاقة الشمسية يتراوح عامل سعتها بين 20 - 30%))
وهذه معلومة خاطئة، وقد حاولت تصحيحها له لكنه ما زال مصراً عليها !!
يبدو أنه قد سمع بان كفاءة الواح الطاقة الشمسية لا تزيد عن 20% او 30% ولكنه لم يعرف معنى هذه المعلومة، واعتقد بانها مثلا أن نقول أن هذا المولد الكهربائى اكفائته 85% مما يعنى أننا اذا وجدنا ان ديباجته تقول مولد قدرة 100 كيلوواط، فاننا يجب أن نعرف انه لن ينتج اكثر من 85 كيلو واط..... بينما الامر ليس كذلك.... فى موضوع الواح الطاقة الشمسية عندما نسمع أن كفاءتها 20% فان هذا الامر لا يعنى أننا اذا وجدنا محطة كفاءتها 100 كيلوواط فان ذلك يعنى انها سوف تنتج 20 كيلو واط !! وانما يعنى أن لوح الطاقة الشمسية الذى ينتج 100 واط قد استقبل من الشمس طاقة كثيرة جدا ولكنه لم يحولها كلها الى كهرباء، وانما حول 20% منها فقط الى كهرباء، وهذه الكمية القليلة التى حولها الى كهرباء هى ال 100 واط التى قيل لنا أنها كفاءة هذا اللوح....
😂😂😂 آن لأبو حنيفة أن يمد رجله. أحد المعلقين دا أنا يا أبوبكر وإنت في مداخلة سابقة رديت لي بإسمي كونك تخاطبني كنكرة هسه دا ما بخلي كلامك يبقى صاح😝
أنا ما تحدثت عن الكفاءة أبداً ولا جبت سيرتها على لساني أنا دقيق جداً في إستخدام المصطلحات وإستخدمت مصطلح عامل السعة وهو ترجمة لcapacity factor و يسمى أيضاً معامل الحمل او load factor وهي تختلف من مفهوم الكفاءة الذي قمت بشرحه في مداخلتك. وعامل السعة هو مقياس مستخدم بكثرة في مجالات الطاقة المتجددة. لذلك أنصحك بالبحث عنه والقراءة ولو غلبك تفهم أرجع لي بشرح ليك😜 وعامل السعة عرفته أنا في مداخلتي أعلاه لكن ننقل ليك التعريف من الويكيبيديا الساهلة دي عسى ولعل إنك تفهم.
Quote: معامل الحمل لمحطة طاقة (بالإنكليزية Capacity Factor أو Load Factor) هو النسبة بين الطاقة التي أنتجتها المحطة فعلياً خلال فترة زمنية معينة والطاقة التي كان يمكن إنتاجها خلال نفس المدة فيما لو استمر عمل المحطة على الاستطاعة القصوى طيلة هذه المدة. تختلف قيمة معامل الحمل باختلاف نوع المحطة ونوع الوقود المستخدم. ومن واجب القول أنه يجب عدم الخلط بين معامل الحمل ومعامل الجهوزية والكفاءة.
أمثلة على حساب معامل الحمل مزرعة بورتون وولد الريحية (Burton Wold Wind Farm) تتألف من عشر عنفات ريحية طراز انيركون Enercon E70-E4 باستطاعة اسمية 2 ميغاواط لكل عنفة، وبالتالي مجموع كلي 20 ميغاواط للمزرعة ككل. في العام 2008 انتجت المزرعة طاقة اجمالية 43,416 ميغاواط-ساعي (انتبه أن سنة 2008 كانت سنة كبيسة). يكون معامل الحمل لهذه المزرعة مساويا ل 25%:
الكفاءة هي النسبة بين الطاقة المنتجة والطاقة المستهلكة او المُدخلة بينما عامل السعة هي النسبة بين الطاقة المنتجة فعلياً والطاقة الإفتراضية لو عملت المحطة بأقصى قدرة خلال كل الزمن. فعليك الله من هنا ولقدام تاني ما تلخبت بين الكفاءة وعامل السعة
Post: #34 Title: Re: الطاقة الشمسية هى كلمة السر Author: Hafiz Bashir Date: 09-12-2021, 06:08 PM Parent: #33
سلام تالت يا أبوبكر الخليفة الموقع دا sunmetrix.com/discover موقع أمريكي بيحسب الطاقة الفعلية المتوقع إنتاجها من محطة شمسية قدرتها 5 كيلواط لو تم تركيبها في مختلف المدن الأمريكية. جرب ركب نفس المحطة في Phoenix بتاعة ناس بكري أبوبكر وجلالدونا وجرب ركبها في Seattle وشوف متوقع فعلياً تديك كم في كل مدينة. وقارن الإنتاج الفعلي المتوقع بقدرة المحطة والإنتاج المفترض لو المحطة إشتغلت بكامل قدرتها خلال كل العام. الإنتاج المفترض = 5 كيلواط × 24 ساعة × 365 يوم = 43800 كيلوات ساعة المحطة في Phoenix بتنتج 8,766 كيلوات في السنة. وبالتالي عامل سعتها 20% نفس المحطة في Seattle بتنتج 5,556 كيلوات فقط في السنة وبالتالي عامل سعتها 12.7%
واجبك المنزلي يا ابوبكر الخليفة: ليه محطتين الطاقة الشمسية وبنفس القدرة فعليا بتنتجوا كميات مختلفة من الطاقة الكهربائية بتغير المكان وبتغير الفصول المناخية في نفس المكان؟
Post: #38 Title: Re: الطاقة الشمسية هى كلمة السر Author: أبوبكر بشير الخليفة Date: 09-12-2021, 06:45 PM Parent: #34
سلامات يا حافظ
اولاً لم اقصد التقليل من شأنك عندما كتبت أحد المعلقين فى الرد على نقطة اثرتها أنت، وكما لاحظت فاننى سبق أن خاطبتك باسمك.... واعتقد أنه ليس ضرورياً ان اذكر اسم المعلق فى كل مرة، فالامر ليس سجال، وانما تبادل اراء.، ثم اننى لا أحب أن اتورط فى غلاط بعيد عن الموضوع الذى أنا بصدده،
بالنسبة لكلامك الاخير، وذكرك لموضوع الكيلو واط - ساعة:
أحب أن أقول أن الكيلوواط - ساعة هو مقدار استهلاك...... اما الكيلوواط فهو مقدار انتاج......
ان تقول بان هذه البئر تنتج مليون برميل فى السنة، مثلا، هذا انتاج...... اما أن تقول بان السيارة تستهلك 3 جالون فى الساعة فهذا استهلاك.....
يمكن أن ندخل معدل الستهلاك فى تصميم محطات الكهرباء فى حالة توفر الكهرباء، لنعرف هل هى مجدية اقتصادياً ام لا...... اذ لا يمكن أن تقوم بتركيب محطة لانتاج 100 كيلو واط ، وبامكانها توفير احتياجات مستهلكين يحتاجون الى 600 كيلوواط - ساعة، بينما استهلاكهم الفعلى 50 كيلو واط - ساعة ..... كانك فتحت مطعم لتوفير 100 وجبة غذاء بينما الناس فى منطقة المطعم سوف يحتاجون الى عشرين وجبة غذاء .... سوف تخسربالطبع، ومن هنا فان الدول التى لديها بدائل للطاقة سوف يحسبون معدل استهلاك الطاقة الشمسية......
نحن فى السودان فى حالة مجاعة للكهرباء، سوف نبتدئ ندرس معدل الاستهلاك، ونتحدث عن الكيلو واط - ساعة بعد أن ننتهى من هذه المجاعة......
الحديث عن الكيلو واط - ساعة ومعدل الاستهلاك ليس له علاقة بما نتحدث عنه هنا
Post: #35 Title: Re: الطاقة الشمسية هى كلمة السر Author: Abureesh Date: 09-12-2021, 06:10 PM Parent: #33
كفاءة 30% كتيرة جدا فى التقنية المنتشرة اليوم.. لكن توجد تقنية جديدة من حوالى 3 الى 4 سنوات كانت فى طور الأبحاث فى المانيا ولا أدرى هل ضربت السوق. أو ما إذا شركات أخرى نطت فى الكارو معاهم ممكن ترفع الكفاءة الى حوالى 50% أو اكتبر. وهى تصنيع عدة طبقات للخلية الواحدة..
Post: #36 Title: Re: الطاقة الشمسية هى كلمة السر Author: أبوبكر بشير الخليفة Date: 09-12-2021, 06:28 PM Parent: #35
سلام يا محمد عثمان فعلاً صناعة الخلايا الشمسية قد تطورت كثيرا فى السنين الاخيرة، مما ترتب عليه انخفاض سعر الالواح، وما زال هذا التطوير مستمراً بوتيرة متسارعة، سواء فى كفاءة الالواح، بمعنى مقدرتها على الاستفادة من طاقة الشمس بصورة أكبر، أو فى المواد المستخدمة وايضاً فى شكل الالواح
الآن الالواح صارت مرنة، يمكن تشكيلها فوق الاسطح المنحنية... وهناك محاولات لصناعتها على الاقمشة لتكون مثل الملايات.....ثم هناك الابحاث الذى اشرت اليها انت وذلك لزيادة انتاجها، فبدلا من ان تكون الالواح قادرة على تحويل 20% فقط من طاقة الشمس الساقطة عليها لتنتج لنا 100 واط، مثلاً، فان الابحاث والتطوير فى الصناعة تهدف لان تجعل كفاءة اللوح 40% مثلا، لينتج لنا من نفس كمية طاقة الشمس التى تسقط عليه 200 واط بدلاً من 100 واط...
كل هذا يجرى الآن، ونتوقع ازدياد الاعتماد على الطاقة الشمسية حول العالم، ولكن فى الوضع الحالى، الوضع الآن، الذى تكون فيه مقدرة الخلايا الشمسية على تحويل 20% فقط، او 30% فقط، من الطاقة الشمسية الساقطة عليها، فى هذا الوضع، تظل الطاقة الشمسية ارخص طاقة، وتركيب محطات الطاقة الشمسية هو اسرع طريقة لانتاج الكهرباء، وافضل طريقة تناسب البيئة... والسودان هو احد الدول القلائل جدا حول العالم الذى يمتاز بامكانية الاستفادة منها.....
Post: #37 Title: Re: الطاقة الشمسية هى كلمة السر Author: Hafiz Bashir Date: 09-12-2021, 06:33 PM Parent: #35
Quote: ممكن ترفع الكفاءة الى حوالى 50% أو اكتبر
أفتكر إنك بتقصد Concentrated solar power systems يا أبوالريش وفعلاً معامل الحمل او السعة بتصل فيها إلى 60% ولكنها حالياً غالية وتكلفة إنتاج الكيلوات ساعة من محطاتها مرتفعة جداً مقارنة بالألواح الضوئية برغم أن معامل سعة الألواح الضوئية (Photovoltaics) لا يتعدى 30% في أفضل الظروف.
Post: #39 Title: Re: الطاقة الشمسية هى كلمة السر Author: Abureesh Date: 09-12-2021, 06:54 PM Parent: #37
Quote: أفتكر إنك بتقصد Concentrated solar power systems يا أبوالريش
أقصـد كفاءة الخلايا يا هندسة.. هى تخطت مرحلة الأبحاث للإنتاج.. لا أعلم متى.. لكن ممكن تتطلع على أحد المشاريع https://ieeexplore.ieee.org/abstract/document/4060203هنــــا
Post: #41 Title: Re: الطاقة الشمسية هى كلمة السر Author: Abureesh Date: 09-12-2021, 07:07 PM Parent: #39
لذلك نصحت الحكومة أن لا تستعجل الإستثمار فى الطاقى الشمسية الان، لأنها إن فعلت فسوف يخسر السودن ملايين الدولارات والاف الأفدنة لأن نصف المساحة لإنتاج نفس كمية الطاقة سيتم توفيرها بالتقنية الجديدة التى هى على الأبواب
Post: #40 Title: Re: الطاقة الشمسية هى كلمة السر Author: Hafiz Bashir Date: 09-12-2021, 07:03 PM Parent: #37
Quote: أحب أن أقول أن الكيلوواط - ساعة هو مقدار استهلاك...... اما الكيلوواط فهو مقدار انتاج
يا النبي نوح سنة اولى فيزياء الكيلواط يا عزيزي هو وحدة لقياس القدرة وهي معدل تحول الطاقة 1 كيلوات = 1 كيلوجول/ثانية الكيلوات ساعة هو وحدة لقياس كمية الطاقة سواء كانت طاقة مستهلكة او طاقة منتجة. 1 كيلوات ساعة = 3600 كيلوجول كمية الطاقة = القدرة × الزمن
أما ما يتعلق بحساب الجدوى الإقتصادية فرجاءً أبحث عن هذه الكلمة LCOE في مداخلة سابقة لي لتعرف علاقة الطاقة المنتجة بالكيلوات ساعة والجدوى الإقتصادية.
Post: #42 Title: Re: الطاقة الشمسية هى كلمة السر Author: محمد البشرى الخضر Date: 09-12-2021, 07:11 PM Parent: #40
Quote: الإنتاج المفترض = 5 كيلواط × 24 ساعة × 365 يوم = 43800 كيلوات ساعة
24 ساعة كيف يا مولانا؟
Post: #43 Title: Re: الطاقة الشمسية هى كلمة السر Author: Hafiz Bashir Date: 09-12-2021, 07:18 PM Parent: #40
شكراً على الرابط أبو الريش ويبدو فعلاً أنك تقصد تقنية مختلفة من التي أقصدها أنا وهي فعلاً تتميز بكفاءة أعلى في تحويل الطاقة الشمسية لطاقة كهربائية. وبالتالي مساحة أقل للالواح.
Post: #44 Title: Re: الطاقة الشمسية هى كلمة السر Author: Hafiz Bashir Date: 09-12-2021, 07:26 PM Parent: #43
Quote: 24 ساعة كيف يا مولانا؟
هههههههه بس داير تغالت مولانا
هي مكتوب عليها القدرة: 5 كيلوات لو داير أقارنها بمحطة الديزل فمحطة الديزل المكتوب عليها 5 كيلووات بتشتغل 24 ساعة كونو محطتك دي بتعتمد على الشمس وكونك مشيت ركبتها في بلد الشمس بتغيب 12 ساعة دي ما بيخص حساباتي. إنت لو وفرت ليها الشمس 24 ساعة هي بتشتغل. وبالتالي بحسب الديباجة الطاقة القصوى المفترضة (5 × 24× 365)
Post: #45 Title: Re: الطاقة الشمسية هى كلمة السر Author: محمد البشرى الخضر Date: 09-12-2021, 07:39 PM Parent: #44
يعني غلطان أنا الما قدرت اوفر ليك شمس بالليل؟ رحم الله سيدي الامام القائل: الما بعرف ما تدوه يغرف :)
Post: #46 Title: Re: الطاقة الشمسية هى كلمة السر Author: Abureesh Date: 09-12-2021, 07:55 PM Parent: #45
لمصلحة النقاش:
الكيلوات هو كمية الطاقة.. بس كدا، وهو قيمة التيار مضروبة فى قيمة شدة التيار (التيار x الفولت) وهى قيمة ثابتة لا علاقة لها بالساعة او الثانية مثال: 1000 وات بتيار 2 أمبير = 500 فولت. والمعادلة البسيطة هى W = A * V
أما كيلووات/ساعة فهى كمية الطاقة (بالوات) التى تستمر بدون تغيير لمدة ساعة سواء تم استهلاكها أم لا
Post: #47 Title: Re: الطاقة الشمسية هى كلمة السر Author: Hafiz Bashir Date: 09-12-2021, 08:28 PM Parent: #46
Quote: يالكيلوات هو كمية الطاقة.. بس كدا، وهو قيمة التيار مضروبة فى قيمة شدة التيار (التيار x الفولت) وهى قيمة ثابتة لا علاقة لها بالساعة او الثانية مثال: 1000 وات بتيار 2 أمبير = 500 فولت. والمعادلة البسيطة هى W = A * V
كلامك دا متناقض في ذاتو يا أبو الريش ولا يمكن تقول حاصل ضرب التيار × الفولت ما عندو علاقة بالزمن لأنو التيار ذاتو يا أبو الريش عبارة عن معدل تدفق الشحنات الكهربائية بالنسبة للزمن ووحدة قياسه هي الأمبير ويساوي 1 كولوم/ثانية وفرق الجهد (الفولت) هو كمية الطاقة المتدفقة عند مرور شحنة كهربائية عبر نقطتين ووحدته هي الفولت ويساوي 1 جول/كولوم وبما إنك قلت هو قيمة التيار مضروبة في فرق الجهد (الكيلوات = التيار × الفولت) الكيلوات = 1000 وات الوات = 1 امبير × 1 فولت = 1 كولوم/ثانية × 1 جول كولوم = 1 جول/ ثانية إذن الوات هو وحدة لقياس معدل الطاقة في الثانية وهذه الكمية تسمى القدرة (power) وحدات الطاقة هي الجول او أي وحدة قدرة مضروبة في الزمن KWH مثلاً يا أبو الريش لمصلحة النقاش نفرق بين القدرة (POWER) وكمية الطاقة (ENERGY) وبين وحدات قياس القدرة ووحدات قياس كمية الطاقة
Post: #48 Title: Re: الطاقة الشمسية هى كلمة السر Author: Abureesh Date: 09-12-2021, 08:39 PM Parent: #47
ممكن يا هندسة تشرح الفرق بين كيلوات (حافية كدا) وبين كيلوات/ساعة؟
Post: #49 Title: Re: الطاقة الشمسية هى كلمة السر Author: Hafiz Bashir Date: 09-12-2021, 08:53 PM Parent: #48
Quote: يعني غلطان أنا الما قدرت اوفر ليك شمس بالليل؟ رحم الله سيدي الامام القائل: الما بعرف ما تدوه يغرف :)
يا ود البشرى الNational Renewable Energy Laboratory عرف الcapacity factor كالآتي:
Quote: Definition: The capacity factor represents the expected annual average energy production divided by the annual energy production, assuming the plant operates at rated capacity for every hour of the year.
واخد بال حضرتك من every hour of the year ديا. التعريف دا بتلقاهو في العديد من منشوراتهم، ودا الرابط لواحد منهم هنا
لو عندك أي غلاط أمشي ليهم في قولدن، كلورادو. تلقاهم فاضين وجاهزين للغلاط وما عندهم قشة مرة في الغلات، أنا ما فاضي إلا لغلاطات تكون ذات مستوى عالي😜
Post: #51 Title: Re: الطاقة الشمسية هى كلمة السر Author: Hafiz Bashir Date: 09-12-2021, 09:19 PM Parent: #49
Quote: ممكن يا هندسة تشرح الفرق بين كيلوات (حافية كدا) وبين كيلوات/ساعة؟
ما مهندس أنا يا أبو الريش بس ريدة في الفيزياء ساي كدا لله.
الكيلوات (حافية كدا) هو حدة لقياس القدرة او الاستطاعة القدرة هي معدل بذل الشغل وتساوي كمية الطاقة المستهلكة خلال وحدة الزمن. والكيلوات يساوي 1000 وات. الوات هو معدل بذل العمل حينما تثبت سرعة جسم عند واحد متر لكل ثانية ضد قوة معارضة ثابته تساوي واحد نيوتن. ومن ناحية كهربائية هو معدل بذل العمل عندما يسرى تيار شدته واحد أمبير (A) خلال فرق جهد كهربائي يساوي واحد فولت (V) ويعادل 1 جول/الثانية.
لا توجد وحد تسمى الكيلوات/ساعة بل هي كيلوات × ساعة وتكتب كيلوات ساعة ويسمى أيضاً كيلوواط ساعي. لأنه حاصل ضرب القدرة × الزمن. والكيلوات ساعة هو كمية الطاقة التي يتم الحصول عليها نتيجة بذل عمل مقداره ألف واط (كيلوواط) لمدة ساعة واحدة.
Post: #50 Title: Re: الطاقة الشمسية هى كلمة السر Author: منتصر عبد الباسط Date: 09-12-2021, 09:14 PM Parent: #46
وفي سياق تقليل الكلفة مع ضمان دوام المحطات دون تعرض للفناء والتحطم ثلاثة أمور الأول المادة الخام كالسليكون عرفنا إنو هناك رمال في مناطق كردفان يصنع منها السيلكون وهو عنصر أساس في صناعة ألواح الطاقة الشمسية وهذا مشجع لمحاولة توطين صناعة الألواح محليا والشيء الثاني لتحقيق هدف توطين صناعة هذه الألواح وصيانتها وحمايتها هو أن تكون المرحلة الدراسية الثانوية في السودان بشكل اجباري مرحلة تعليم صناعي أو زراعي أو مشترك ممكن سنتين يدرس فيها الطالب الزراعة والصناعة وفي سنة ثالثة يتخصص زراعة أو صناعة وتكون الدراسة الأكاديمية جزء وليس كل وفي الابتدائي والمتوسط يكون تمهيد بمواد ممهدة ذات صلة التعليم النظري الذي لايقابله ولا يكون معه جانب عملي ضرره أكثر من نفعه والنتيجة ما نراه تعليمنا أنه صنع لنا الفقر والتأخر في كل المناحي ويجعلنا غير من نتجين وغير مستغلين لامكانات الوطن الزراعية والصناعية والبيئية الهائلة وحتى المنتج في السودان اليوم هو مايسمى الفاقد التربوي! والحقيقة الفاقد الحقيقي للتربية على الإنتاج هو الدارس للمدارس والجامعات السوداتية! وهؤلاء الذين يدرسون في ثانوي فني وزراعي اجباريا يكونون درسوا تصنيع هذه الألواح أو على الأقل تركيبها وصيانتها الشيء الثالث المزاوجة بين المشاريع يعنى لضمان فعالية وبقاء وحماية هذه الألواح أن تستخدم كمظلات وأسقف للمدارس والمصانع والمحطات والمزارع كبيوت محمية والجامعات وما شابه هذا وأصحاب المجال أدرى بالتفاصيل
Post: #52 Title: Re: الطاقة الشمسية هى كلمة السر Author: Asim Ali Date: 09-12-2021, 09:39 PM Parent: #50
قناعتى مشكله الكهربا الحاليه مفتعله ومضخمه عن قصد وممكن تنحسر بقليل من المسئوليهفى التخطيط والاداره الرشيده من الوزاره المختصه والحكومه بالنسبه لحلول على المدى القصير هى فكره اعتقد مطبقه فى الامارات وهى البيوت تكون ضمن تصميمها تركيب الواح شمسيه تكون بين استهلاك المنزل والفائض تشتريه شركه الكهربا بالخصم من فاتوره الكهربا فكره تعاونيات محليه لانتاج الطاقه بشكل خاص الطاقه الشمسيه وممكن بنفس الفهم فى مناطق وجود الشبكه القوميه تشترى الفائض الدوله اما فى المناطق النائيه -اللى ماوصلتها الشبكه - يكون الانتاج خالص للاستهلاك المحلى . الواح الطاقه الشمسيه المستقليه واعده بالعمل فى ظروف مختلفه وشغل مساحات اكبر فى تصميم المبانى من خلال الالواح الشفافه والالواح منتجه الكهرباء بواسطه احتكاك قطرات المطر على سطح الالواح (تطور علم وتقنيات النانو ريما يعد بما هو اكثر) . هل الناس على استعداد للاجتهاد وحل المشكله على المستويين الشعبى والرسمى ؟ ملحوظه :زى ما الشمس ماليه الدينا وطاقه مهدره برضو النفايات الازكمت الانوف واذت الابصار هى طاقه حيويه غير مستغله) المهم الناس تحول الكلام لعمل وتبدا مشوار الالالف ميل بخطوه واحده
Post: #53 Title: Re: الطاقة الشمسية هى كلمة السر Author: Abureesh Date: 09-12-2021, 09:42 PM Parent: #50
Quote: ما مهندس أنا يا أبو الريش بس ريدة في الفيزياء ساي كدا لله.
ولا يهمك والهندسة زاتها ما علم.. عتالة ساكت.. العلم الحقيقى هو الفيزياء والكيمياء والأحياء. الفيزياء هى روح الحياة
طبعا عارف الكيلووات والميقا وكله.. بس السؤال كان عن الفرق بين الكيلوات والكيلو وات /ساعة أو KWh أو KW-h تتكتب بأكتر من طريقة.. لا يفرق كتير والمعنى كيلو وات فى الساعة. وهما مفهومين مختلفين. الكيلووات هى وحدة القياس.. والكيلووات فى الساعة هى وحدة القياس فى الزمن. وأعتقد اننا ما مختلفين (على الأقل شديد)
Post: #54 Title: Re: الطاقة الشمسية هى كلمة السر Author: Abureesh Date: 09-12-2021, 10:00 PM Parent: #53
طبعا صناعة الخلايا حاليا غير ممكنة، وغير مجدية إقتصادياً.. وهى ليست إحضار رملة وعجنها فقط.. تحتاج شغل فيزياء وكيمياء وبرمجيات وتكنولوجيا عالية غير متوفرة إلا فى الدول الأوروبية وأمريكا، ودولتين تلاتة فى اسيا.. ولا يبيعون التقنية. الشئ العملى doable هو شراء الخلايا ثم تصنيع الواح الألمونيوم محلياً وتركيبها، وبهذا أيضا نوفر مبالغ طائلة ويمكن تصدير الألواح الشمسية كصناعة سودانية.
Post: #55 Title: Re: الطاقة الشمسية هى كلمة السر Author: Abureesh Date: 09-12-2021, 10:09 PM Parent: #54
Quote: kWh is a measure of energy, whilst kW is a measure of power...
OK, but a lot of people don't really understand the difference between energy and power either... So let's start at the beginning:
What is energy؟ Energy is a measure of how much fuel is contained within something, or used by something over a specific period of time.
The kWh is a unit of energy.
Post: #56 Title: Re: الطاقة الشمسية هى كلمة السر Author: Hafiz Bashir Date: 09-12-2021, 11:49 PM Parent: #55
أيوا يا أبو الريش متفقين تماما وفعلاً في كلامنا العادي بنتكلم عن كمية الطاقة المستهلكة بالكيلواط (حاف كدا) وأحياناً تقول متر كهربا والمقصود هو الكيلواط ساعة وقدرة الجنريتور بنقولها بالكيلوفولت أمبير (kVA) والكيلوفولت أمبير والكيلواط (بدون ساعة) الإتنين وحدات لقياس القدرة.
Post: #57 Title: Re: الطاقة الشمسية هى كلمة السر Author: أبوبكر عباس Date: 09-13-2021, 03:03 AM Parent: #56
النسبة بتاعت 0.045 % دي يا حافظ، مصدرها وين؟ الكمون سينس بتاعي بقول لي دي نسبة عالية جداً جداً
Post: #58 Title: Re: الطاقة الشمسية هى كلمة السر Author: Hafiz Bashir Date: 09-13-2021, 10:35 AM Parent: #57
Quote: يا حافظ، مصدرها وين؟
Basic principle: مولانا لا يُسأل عن مصدر. فما تبقى مستنير كيشة.
إدارة معلومات الطاقة الأمريكية قالت في التقرير بتاعها بتاع سنة 2018 قدرت إستهلاك العالم من الكهرباء ب 23,398,000 قيقاواط.ساعة في السنة وقدرت إستهلاك السودان ب 11,463 قيقاواط.ساعة في السنة. لو عندك كالكيوليتر أحسب النسبة.
Post: #59 Title: Re: الطاقة الشمسية هى كلمة السر Author: Mahjob Abdalla Date: 09-13-2021, 12:28 PM Parent: #58
Quote: ما مهندس أنا يا أبو الريش بس ريدة في الفيزياء ساي كدا لله.
مولانا, دكتور حافظ, ان لك ان تتقلد لقب اضافى اخر: مولانا, مهندس, دكتور حافظ.
Post: #60 Title: Re: الطاقة الشمسية هى كلمة السر Author: Salah Zubeir Date: 09-13-2021, 12:45 PM Parent: #59
Quote: مولانا, مهندس, دكتور حافظ.
دي كلها مواهب يا الهبيب من عند الله ... ضيف ليها قانوني ضليع ويفهم في الدين الجمهوري اكتر من الكثيرين من تلامذة الأستاذ وهو ليس بجمهوري ... العجب أكان اتكلم ليك عن الفن تقول الزول دا عبدالوهاب وردي ...
بوست معلوماتي بإمتياز لكنه لا يقدم حلول عملية للوكسه التي يعيشها البلد اليوم وفي هذه اللحظة والكهربا قاطعة ...
Post: #61 Title: Re: الطاقة الشمسية هى كلمة السر Author: أبوبكر عباس Date: 09-13-2021, 12:46 PM Parent: #59
دي لقيتها في الموسوعة الحرة أديني الرابط بتاع الأمريكان لأنو بتخيل المعلومات دي تعني كهربة أماكن السكن
Post: #62 Title: Re: الطاقة الشمسية هى كلمة السر Author: Hafiz Bashir Date: 09-14-2021, 08:12 AM Parent: #61
سلام يا الهبيب مهجوب
Quote: مولانا, مهندس, دكتور حافظ.
كتر خيرك على إضافة اللقب لكن الرصة دي ذكرتني واحد كان معانا هنا زمان إسمو صلاح غريبة، راصي ليهو كمية كدا من الألقاب. والرصة ذاتها بتشبه كتف العسكري، تلقاهو خاتي ليهو نجوم وصقور ومقصات. حاجة بتلمني مع صلاح غريبة والعساكر أصلو ما حبابها.
Post: #63 Title: Re: الطاقة الشمسية هى كلمة السر Author: Hafiz Bashir Date: 09-14-2021, 08:36 AM Parent: #62
يا صلاح زبير ما تكبر لي راسي، أصلو كبير😝
كنت متوقعك تدخل البوست دا من بدري وتضيف لينا من عندك ما يساعدنا في التمييز بين التفكير النظري والحلول العملية في المدى الزمني المناسب.
Post: #64 Title: Re: الطاقة الشمسية هى كلمة السر Author: Hafiz Bashir Date: 09-14-2021, 08:44 AM Parent: #63
يا مستنير ياخي عذبتنا. أنا بديك الرابط بتاع موقع إدارة معلومات الطاقة الأمريكية، لكن إنت ما حصل خطر ببالك إنك تسأل نفسك سؤال إنو الإدارات دي ذاتها بتجيب المعلومات دي من وين؟🤔
Post: #65 Title: Re: الطاقة الشمسية هى كلمة السر Author: Salah Zubeir Date: 09-14-2021, 10:25 AM
Quote: وتضيف لينا من عندك ما يساعدنا في التمييز بين التفكير النظري والحلول العملية في المدى الزمني المناسب.
والله يا مولانا أنا محكوم بي مستوى تفكير جادين وضو البيت* ... واحد الوزير والتاني مدير الكهرباء ... ديل الفي يدهم القلم ... الغريبه اللتنين قاعد يمشو إضارو وراء الطاقة الشمسية او المتجددة ساعة تقفل معاهم وما يلقو ٣٠ مليون دولار مصاريف تشغيل المكنات المدورة وقاعد تنتج كهرباء ... ياخي الوزير قبل ٣ أسابيع شدة ما إضايق طالب بي توفير ٣ مليار دولار لوقف القطوعات فقط .. بعديها بي إسبوعين نسى حكاية ال ٣ مليار وطالب بي أي (مبلغ) يكون تحت يدو عشان يقدر يقول متين حا تقيف القطوعات ... البلد محتاجه لتوليد آلاف الميجاوات من الكهرباء بالتخطيط على المدى القصير والمتوسط ومن أهم شروط هذه الخطط التكلفة الأقل (١) وسرعة الحصول عليها (٢) ... ما فرقت إذا كان توليد حراري او مائي او طاقات متجددة ... وقبل التخطيط لازم توفر التمويل ... يا مولانا أنا بعرف بعض المعدات التي تستعمل في المصانع والمصافي والصناعات الثقيلة تحتاج لي تيار مستقر وأمن (UPS) ٢٤/٣٦٥ قد يصل لي ٥ ميجاوات للمعدة الواحدة ... لأنو معدات زي دي بتكون شغاله لمدة سنتين بدون انقطاع ... الراي شنو مع الطاقات المتجددة التي كنترولها عند الله سبحانه وتعالى ... سحابة واحدة لمدة ساعة ممكن تخسرك ملايين الدولارات ...
Post: #66 Title: Re: الطاقة الشمسية هى كلمة السر Author: صبري طه Date: 09-14-2021, 12:35 PM Parent: #65
منقول من صفحة هادي ود البورت على الفيس بوك
Quote: حكومة رزق اليوم
السيد وزير شؤون الرئاسة الأسبوع الفات في لقاءه الأسبوعي قال : " توليد الكهرباء حالياً في البلد من السدود والمحطات الحرارية بين 1100ميقا و1150 ميقا بينما الحمولة القصوى للاستهلاك حوالي 2800ميقا " قلت يمكن غلطان أكتر من شخص قريب من الكهرباء أكد لي تقريبا القالها دي حدود الإنتاج حاليا .. ناس الكهرباء المسؤولين ما ردوا يعني يا خالد كل القدرة في البلد أقل من المنتج من سد مروي ؟ ... في الصيف الفات زي الوقت ده المهندس خيري كان قال الأنتاج 2220 ميقا والاستهلاك 3020 ميقا .. وكان قال عندو خطة يرفع الإنتاج لـ 2740 ونحن زعلنا مع ضيق الناس بالقطوعات الكان بسيطة نسبيا وعملنا بلبلة وحمدوك ما بحب الجوطة قام طردوا أو دفعو للأستقاله .. هسه ممكن تكون الحمولة نقصت مع الترشيد لأرتفاع سعر متر الكهرباء 5 اضعاف ... السادة ناس الحرية والتغيير ودخلوا معاهم الحركات الحكومة زي القاعدين في قهوة ماشه بالبركة رزق اليوم باليوم لا خطة ولا هدف ولا Milestone .. في سنة الأنتاج قسم النص ممكن السنة الجاية نصل بلاك أوت و كل شي يبطل ونرجع 200 سنة لوراء ... عشان تفهم القدرة الكهربائية في البلد من سدود ومحطات حرارية حوالي 3500 .. في مشاكل هيكلية وتصميمة أقصى شي ممكن تصل لو أنجزوا صيانتها ووفروا الفيرنس بتكون في حدود 3000 ميقا يعني تفيض من الأستهلاك زاتو وتفصليها كالأتي حسب التصميم : (أولا سدود : 1250م سد مروي +240 الرصيرص + 320م ستيت لو شغلوه +15 سنار +18 خشم القربة .. تانيا حراري : 500 ميقا أم دباكر .. 475 قري 1،2 + بحري الحرارية 530 (كاملة فل )+ قري 4 حوالي 110م الكلام ده قبل ماكينات سيمنس الخمسة (قري 3 قالو 480 + بورتسودان 320) ..... من الفوق ده كلو شغال 1100 ميقا يا خالد ؟ قاعدين لشنو ؟ ... عشان تعرف الجوباق وناس رزق اليوم باليوم :- - يناير 2020 أيمن الجوخ بتاع سودابت مع وكيل الطاقة حامد وقعوا عقد مع شركة نروجية شراكة (51% سودا بت 49% النروجية ) أسمها MPSتعالج غاز الفولة المحروق في الهواء وتركب محطة غازية تولد كهرباء 460 ميقا مع 350 طن غاز طبخ حوالي 3000 طن غاز مسال بتكلفة 800مليون .. قالو خلال 20 شهر بس حا تخلص لحدي هسه تاني مافي زول جاب سيرتها .. هسه مرو منها 19 شهر (مناضلين بياعين كلام) - السنة الفاتت في نوفمبر 2020 بشكل استعراضي هبة وخيري مشو وقعوا مذكر تفاهم مع مصدر الأمارتية لأنتاج 500 ميقا من الطاقة الشمسية تاني مافي زول هبب ليها .. أكيد لا جادين لا حمدوك في راسهم الموضوع ده لأنو مافي فلو أب ولا في خطة كلو البجي جديد بجوط القديم والبحرقك أكتر مافي صحفي بسالهم نهائي من الحاجات الأستعراضية دي
كلام هادي دا بورينا وين نحن واقفين في موضوع الكهرباء !!
