تطور وتقدم رهيب في السودان . من نهب التليفونات لسرقة التايوتا

Post: #1
Title: تطور وتقدم رهيب في السودان . من نهب التليفونات لسرقة التايوتا
Author: Osman Musa
Date: 09-07-2021, 08:00 AM

07:00 AM September, 07 2021 سودانيز اون لاين
Osman Musa-
مكتبتى
رابط مختصر

(adsbygoogle = window.adsbygoogle || []).push({});

امس قبضوا هاي لوكس جارنا في منطقة القولد .
في القولد التقيت بالصديق.. زمن!
السارق في طريقو للمثلث الليبي .
وكان عطشان . و ولهان . وكمان حافي حالق.
في اليومين الفاتو اختفت سبعة تايوتات كلها موديل الفينات جديدة .
يا جماعة الحل شنو ؟
السرقة كانت نهار عينك عينك . ومن قلب السوق الإفرنجي.

Post: #2
Title: Re: تطور وتقدم رهيب في السودان . من نهب التليف
Author: محمد الأمين موسى
Date: 09-07-2021, 08:04 AM
Parent: #1

كيف تتم سرقة هذه السيارات؟ هل بسبب الإهمال، أم تطورت تكنولوجيا السرقات في السودان؟

Post: #3
Title: Re: تطور وتقدم رهيب في السودان . من نهب التليف
Author: Osman Musa
Date: 09-07-2021, 08:28 AM
Parent: #2

الأخ د. ود اللمين
سلامات
فاتوا أهلنا الانجليز . وبارك الله فيهم تركوا لينا سيستم.
وتركوا لينا secret police يكتشف المصيبة قبل ما تحصل.
الليلة القصة هاصت .
وربك يهون .

Post: #4
Title: Re: تطور وتقدم رهيب في السودان . من نهب التليف
Author: Osman Musa
Date: 09-07-2021, 09:03 AM
Parent: #3

جماعة 9 طويلة عاملين ارتكازات في الكورنات.
اي ناصية تتبع لمجموعة. والحمد الله الموبايلات راقدة هبطرش.
الان أبدت حرب التايوتا. ب

Post: #5
Title: Re: تطور وتقدم رهيب في السودان . من نهب التليف
Author: Osman Musa
Date: 09-07-2021, 10:54 AM
Parent: #4

بعد سرقوا عربية جارنا. قلتا لازم امرق معاهم في الفزعة.
سألني واحد فيهم سألني يازول انت شغال في السعودية ؟
الجمبي قالو:
لا .
الزول دا في أمريكا.
قال لى : وأمريكا فيها هجولة و سرقة بكاسي نفر دي ؟
على كل حال انت في سودان اليوم تتهجول براك.
البوليس يعاين بس . وينهرك بلا سبب .
في السودان تأكل نارك.
وتأكل نيمك.
وتمسك ضنب الككو.
وبعد التاسعة مساء تنجلد عادي.
كلام المجالس التحت تحت . كلو
عن ليه لحظة قطع الكهرباء السرقة
بتشتغل ؟