Post: #2 Title: Re: عضو لجنة التمكين والقيادي بتجمع المهنيين Author: Elhadi Date: 09-04-2021, 10:23 PM Parent: #1
الفيديو بعد شوية
لكن ده تعبير حقيقي عما تبقى لهؤلاء من رصيد لدى الشارع السوداني بعد ما تسببوا في إجهاض ثورة الشارع
Post: #3 Title: Re: عضو لجنة التمكين والقيادي بتجمع المهنيين Author: علاء سيداحمد Date: 09-04-2021, 10:35 PM Parent: #2
غايتو المصبر الناس على الحكومة دى انو لجنة ازالة التمكين قاعدة شوكة حوت فى حلاقيم الكيزان .
Post: #4 Title: Re: عضو لجنة التمكين والقيادي بتجمع المهنيين Author: صديق مهدى على Date: 09-04-2021, 11:09 PM Parent: #3
يا سلام عليك ياعلاء اصيل وقلبك على السودان
Post: #5 Title: Re: عضو لجنة التمكين والقيادي بتجمع المهنيين Author: Elhadi Date: 09-05-2021, 01:05 AM Parent: #4
Post: #6 Title: Re: عضو لجنة التمكين والقيادي بتجمع المهنيين Author: Hassan Farah Date: 09-05-2021, 05:11 AM Parent: #1
غايتو المصبر الناس على الحكومة دى انو لجنة ازالة التمكين قاعدة شوكة حوت فى حلاقيم الكيزان . -------------------------------------------------------- كلامك صاح يا علاء سيد احمد
Post: #7 Title: Re: عضو لجنة التمكين والقيادي بتجمع المهنيين Author: Haytham Ghaly Date: 09-05-2021, 08:24 AM Parent: #6
للاسف الفيديو يوضح بجلاء انو الدرب راح للشباب ديل
لدرجة انهم الان يقومون بما يتمناه الكيزان على اكمل وجه
اي نعم هناك مشاكل في اداء الحكومة واي نعم ان الجهاز العدلي في البلد منتهي دا غير المشاكل الكتييرة في بلدنا
كل المشاكل دي عندها تبريراتها منها الواضح والمقبول ومنها متسبب فيهو بطء الايقاع لدى الحكومة الانتقالية وربما ذلك ايضاً لاسباب
على كل حال مهما كان اداء الحكومة ضعيف او غير مرضي مفترض الشباب والثوار ان يكونوا واعين وفاهمين هشاشة المرحلة
استعداء اصدقاء الامس ورفاق الثورة لن يجلب لهذا البلد غير البلاء والمصائب برجوع نفس المنظومة الثرنا ضدها
انا مع الضغط على الحكومة الانتقالية لتحسين اداءها ولكني ضد كل هذه المظاهر التي لا تعكس شيء سوى جهل الشباب بالوضع الهش النحنا عايشين فيهو في البلد
الواحد ايام الاعتصام كان بيندهش بوعي شباب الاعتصام الغير متوقع لانو هؤلاء الشباب معظمهم من مواليد حقبة الانقاذ والانقاذ كانت كالسحر الاسود الذي يمسك بتلابيب البلد في كل مناحيها لذلك انا واحد من الناس ما كنت متوقع ان هؤلاء الابناء فارزين الكلام دا كويس
ولكن نجي نتفاجأ بالرجوع الى الخلف واستخدام اساليب اقل ما يقال عنها انها تعدي وقلة فهم وعدم وعي حتى بالمطالب التي تهتف من اجلها
كلما نستبشر خيراً في مكان تظهر مثل هذه الاحداث المؤسفة وتمد لسانها لنا وتقولنا آ وييييين يااااا
Post: #8 Title: Re: عضو لجنة التمكين والقيادي بتجمع المهنيين Author: Yasir Elsharif Date: 09-05-2021, 08:51 AM Parent: #7
سلام للجميع وشكرا ليك يا هيثم
كلامك مدرسة وتعليم
Quote: سودان جديد مع وجدي صالح 4.260 Aufrufe 02.09.2021 96 9 Teilen Speichern Hala96Fm القناة الرسمية لإذاعة هلا 96
Post: #9 Title: Re: عضو لجنة التمكين والقيادي بتجمع المهنيين Author: Mohammed Alhasan Mohammed Date: 09-05-2021, 08:54 AM Parent: #8
طيب بنفس الشجاعة الانتو هتفتو بيها فى وش الراجل دا وصورتوه ....برضه صورو انفسكم وقولو نحن بمثل الاتجاه الفلانى ....
Post: #10 Title: Re: عضو لجنة التمكين والقيادي بتجمع المهنيين Author: Yasir Elsharif Date: 09-05-2021, 09:05 AM Parent: #9
(a
Post: #11 Title: Re: عضو لجنة التمكين والقيادي بتجمع المهنيين Author: محمد البشرى الخضر Date: 09-05-2021, 09:07 AM Parent: #9
اسماعيل التاج حظه كعب, الفيديو اعلاه في يوليو 2019
Post: #12 Title: Re: عضو لجنة التمكين والقيادي بتجمع المهنيين Author: اخلاص عبدالرحمن المشرف Date: 09-05-2021, 09:40 AM Parent: #11
يقال والعهدة علي الفيس ان برهان ح يطعم اللجنة بالحركات وب كده تتم الناقصة ويتواصل مسلسل المحاصصات
Post: #13 Title: Re: عضو لجنة التمكين والقيادي بتجمع المهنيين Author: محمد البشرى الخضر Date: 09-05-2021, 10:21 AM Parent: #12
Quote: ح يطعم اللجنة بالحركات
كويس عل الاقل جبريل يسكت من النقة شوية و يمشي ليهم المرتبات بس ان شا الله يتشال مناع برة