الحكومات المركزية المتعاقبة دمروا طوكر ودمروا الشرق وأمرضوا وأفقروا أهله، لأنهم لا يطيقون أقاليم متطورة تنافس الخرطوم.. فهم أصغر من أن يديروا وطناً متطوراً شوفوا الفيديو دا بعديم قولوا لو فى حكومة فى السودان
Post: #2 Title: Re: طوكــــــــر - أنا فى صف الناظـر ترك فى فص� Author: Mortada Adam Date: 09-04-2021, 06:44 AM Parent: #1
السلام عليكم
الطماطم دي بس تتعمل ليها شهادات تثبت بانها organic ممكن تدخل للمنطقة ملايين الدولارات وتحول الناس الحايمة في السوق دا لاثرياء
Post: #3 Title: Re: طوكــــــــر - أنا فى صف الناظـر ترك فى فص� Author: Abureesh Date: 09-04-2021, 06:53 AM Parent: #2
Quote: الطماطم دي بس تتعمل ليها شهادات تثبت بانها organic ممكن تدخل للمنطقة ملايين الدولارات وتحول الناس الحايمة في السوق دا لاثرياء
نعم مرتضى.. الكل عارف هذا ومن مية سنة نكرر نفس الكلام.. ممكن وممكن وممكن.. وين الحكومة ووين العمل؟ وأقول الحكومة وأعلم الواجب يقع على المواطنين/ لكن ماذا تفعل لما الحكومة تخلى المزارع ينتج ويجيب معدات حديثة والات تعبئة ولما يبدأ الاتصالاات للتصدير يجوا عواطلية الحكومة جارين ويضعوا أمامك ستين عقبة تدفع دم قلبك حتى قبل أن تصدر.
Post: #4 Title: Re: طوكــــــــر - أنا فى صف الناظـر ترك فى فص� Author: أبوبكر عباس Date: 09-04-2021, 11:06 AM Parent: #1
واحدة من أكبر مشاكل مشاريع دلتا طوكر هي شجرة المسكيت والسبب هو طبيعة الفيضان من عام لعام مما يصعب مكافحتها!! يعني بدل انتاج القطن ح تتحول المشاريع دي لانتاج فحم المسكيت
Post: #5 Title: Re: طوكــــــــر - أنا فى صف الناظـر ترك فى فص� Author: الزبير بشير Date: 09-04-2021, 11:24 AM Parent: #1
لأنهم لا يطيقون أقاليم متطورة تنافس الخرطوم ----------------------------------------------
يا ابو الريش ( لانهم ) هم منو ديل
ياخي البلد كلها منكوبه راكبنها متمردين و حركات مسلحه
Post: #6 Title: Re: طوكــــــــر - أنا فى صف الناظـر ترك فى فص� Author: Abureesh Date: 09-04-2021, 12:38 PM Parent: #5
الحركات المسلحة دى من متين يا هليفة.. مشكلة الشرق منذ اتخلقت حاجة اسمها حكومة السودان ومقرها الخرطوم.
Post: #7 Title: Re: طوكــــــــر - أنا فى صف الناظـر ترك فى فص� Author: HAIDER ALZAIN Date: 09-04-2021, 01:56 PM Parent: #6
Quote: واحدة من أكبر مشاكل مشاريع دلتا طوكر هي شجرة المسكيت
قصة شجرة المسكيت دي دعايـة من دعايات ناس الخرطوم عشان ما تنافسهم طوكـر ...
القصة بالأساس مرتبطة مرتبطة بالبني التحتية وبالاخص الطرق والكهرباء..
بس كمان المشكلة الخرطوم تعمل ليهم طــرق يجوا يقفلوها ...:)
Post: #8 Title: Re: طوكــــــــر - أنا فى صف الناظـر ترك فى فص� Author: Shinteer Date: 09-04-2021, 08:49 PM Parent: #7
الشرق فعلاً أكتر منطقة منسية، أرضاً وشعباً. إذا أخذنا الشرق بمساحته الأضيق، كانت دلتا توكر نموذج للزراعة الحقيقية (لكن الانقليز راحوا)، وإذا أخذنا مساحته الأوسع فلن تجد جغرافيا يجري فيها ما لا يقل عن كم نهر يا أبوريش (أمسكها من باسلام). شجر المسكيت اعتقد أنه ظاهرة جديدة، ويمكن التخلص منه، لأنه لا يصلح لأي شيء غير مصدات للرياح. ولا اتفق معك في إلقاء اللوم على الخرطوم التي تدمر الشرق لكي لا ينافسها. يا عزيزي الخرطوم لا تفعل شيء غير الكسل والعيش على ظهور المنتجين، لكنها لا تخطط لاغتيال التنمية في منطقة ما لكي لا تنافسها. ماذا لدى الخرطوم لتنافس به أي منطقة؟
الخلاصة يا أبوريش إننا كلنا ضايعين وكسالى بمعنى الكلمة ولا نفقه في ترقية مواردنا شيئاً إلا نظرياً. يا زول أنا ما بلوم أي إدارة سودانية سواء أكانت خرطومية أو من أي إقليم لأن الكل زي بعضو. ثبت أننا لا نصلح لإدارة بلاد شاسعة كالسودان الموروث من الانقليز عليهم رضوان الله.
وبمناسبة الناظر ترك، أنا أيضاً أقف معه في فصل الشرق ومع كل من يريد الانفصال لأننا استلمنا دولة حدادي مدادي وغلب علينا كسلنا وأنانيتنا فلم نستطع إدارتها. فلتذهب هذه الدولة غير مأسوف عليها، ويمكن أن تجتمع لاحقاً على أساس كونفدرالي بالتوافق والقانون الصارم الواضح.
نحن يا أبو ريش ما عندنا دولة ولا نغش أنفسنا. سياستنا ما زالت سياسة قروية حدودها عند أنف الأسرة والبيت.
أنا معاك ومع ترك في الانفصال، ومع كل انفصالي. والله جد. مش معقول نقعد شغالين كتل منذ الاستقلال، على شنو؟ على الفشل؟
Post: #9 Title: Re: طوكــــــــر - أنا فى صف الناظـر ترك فى فص� Author: أبوبكر عباس Date: 09-05-2021, 01:07 AM Parent: #8
ما ح يقدروا يتخلصوا من الشجرة دي والمشروع تاني ما بقوم
قصّة انو النهر كل سنة بيغمر منطقة مختلفة تجعل من الصعوبة بمكان الاستفادة منه.
شجرة المسكيت مكافحتها بالزراعة المستدامة للأرض.
الشرق دا غير الميناء وكسلا الباقي أنسى ساي ما منو فائدة وما لازم نخسر فوقو قروش. الناس تهاجر لنهر النيل والشمالية
Post: #10 Title: Re: طوكــــــــر - أنا فى صف الناظـر ترك فى فص� Author: علي عبدالوهاب عثمان Date: 09-05-2021, 09:16 AM Parent: #9
الاحباب الكرام .. تحياتي الشرق أقرب منطقة لمدينة جدة .. يمكن ساعات بالباخرة وأقل من ساعة بالطائرة اسعار الخضروات يوم امس في بنده المركزي في جدة :
تخيلوا يا جماعة : كيلو الطمام = 10 ريالات ( 3 دولار تقريبا ) كيلو الكوسة = 12 ريال ( 4 دولار تقريبا ) كيلو الجزر = 9 ريالات ( 2 ونص دولار تقريبا) كيلو البامية = 24 ريال ( 8 دولار تقريبا) كيلو اللحكم السواكني : 52 ريال (16 دولار تقريبا) ....... الخ
تخيلوا في كم ساعة يمكن تصل الخضار الى ميناء أو مطار جدة البامية مستوردة من الهند الطمام من المغرب الجزر من استراليا
ونحن جالسين في احتفالات تخريج الروضة وتكريم المتفوقين في شهادة الاساس والاحتفال باليوم العالمي للبيئة .. واسبوع المرور العربي .. ونردد في مصطلحات : تضافر الجهود ورش عمل ورقة عمل اتفاقية تعاون تصحيح الشهادة السودانية
كلها ممارسات يومية غير منتجة ( ما في نتاج ) أي خطاب حتى وزير المالية ووزير الصناعة الذي ننتظر منه الكثير .. ووزير الزراعة ( لم نسمع أبداً ارقام ) وعود مصحوبة بــ ( ان شاء الله )