Post: #1
Title: حمدوك: اتصالات مع “”جنرال موتورز” الأمريكية لحل أزمة الطاقة
Author: زهير ابو الزهراء
Date: 08-28-2021, 09:31 PM
08:31 PM August, 28 2021 سودانيز اون لاين
زهير ابو الزهراء-السودان
مكتبتى
رابط مختصر
الخرطوم: الإنتباهة
كشف رئيس الوزراء د. عبد الله حمدوك، أن الحكومة تواصلت مع شركات أميركية مثل “جنرال موتورز”، لحل أزمة الطاقة.
في حين، أفصح حمدوك، أن الحكومة بدأت معها مشاريع حقيقية لكي تتمكن في نهاية العام المقبل من توليد ما يكفي من الطاقة في مجال الطاقة الشمسية.
وذكر لـ”الشرق” أن ملف محاكمة الرئيس السابق عمر البشير، وأضاف أن هذا الملف تحكمه “ضرورة تحقيق العدالة التي تستجيب لأسر الضحايا”.
وتوقع حمدوك أن يتم التوصل “قريباً” إلى حل لأزمة “سد النهضة” الإثيوبي “في إطار القانون الدولي”، وتابع: “ليس هناك حل عسكرياً” للخلافات مع إثيوبيا بشأن ملفي الحدود وسد النهضة، مشدداً على أن التفاوض والحوار “هو الحل الأساسي لتلك التشابكات”.
وقال إن السودان مر خلال العامين الماضيين بانتقالات متعددة، أهمها التحول من العزلة الدولية إلى الرجوع للعالم، ونبه إلى أن خروج البلاد من قائمة الدول الراعية للإرهاب كان بمثابة “تغير في قواعد اللعبة”.
واعتبر أن الأزمة السياسية في البلاد ليست “مرتبطة بالانتقال الديمقراطي، وإنما هي أزمة منذ 65 عاماً” ترجع إلى الإخفاق في المشروع الوطني الذي تم التوافق عليه منذ الاستقلال.
وقال حمودك إن الحكومة “تعمل على خفض التضخم”، واعتبر أنه “مع الوقت ومع تطبيق هذه السياسيات، ينخفض التضخم بشكل كبير”.
ونوه إلى أنه تم التوافق على إعفاء أكثر من 60% من الديون الخاصة بنادي باريس.
|
Post: #2
Title: Re: حمدوك: اتصالات مع “”جنرال موتورز” الأمر�
Author: Salah Zubeir
Date: 08-28-2021, 10:11 PM
Parent: #1
Quote: كشف رئيس الوزراء د. عبد الله حمدوك،
أن الحكومة تواصلت مع شركات أميركية مثل
“جنرال موتورز”، لحل أزمة الطاقة.
في حين، أفصح حمدوك، أن الحكومة بدأت معها مشاريع حقيقية لكي تتمكن في نهاية العام المقبل
من توليد ما يكفي من الطاقة في مجال الطاقة الشمسية. |
عييييك ... أخير جادين ... دا كلام تصبيرة يعني ...
يا سعادتك ... دي إسمها سواقة خلا ...
خرتمية مستشار ما عندك فيهم واحد بيفهم في الكهربا (مش الطاقة) ...
الكهربجية المفروض يكونو حددو المشكلة بالظبط وطرق حلها ...
بالتأكيد الطاقة الشمسية ليست من ضمن الحلول ... من ناحية تكلفة
أو سعة ... لو مكانك بجيب GE ك كونسلتنت وسبلاير .. بعيدا عن
كيزان الكهربا ...
|
Post: #3
Title: Re: حمدوك: اتصالات مع “”جنرال موتورز” الأمر�
Author: Asim Ali
Date: 08-28-2021, 10:54 PM
Parent: #2
جنرال موتورز شنو وكلام فارغ شنو
خلاص انتهى زمن التخدير والضحك على الدقون
المشكله فى المقام الاول هسى وقبل الحل
عداله القطوعات بجدول برمجه واضح بالدقيقه والثانيه (نحنا راضين لا يككون برمجه عادلهوشافافه ومنضبطه بزمن واضح)
حمله اعلاميه الترشيد (ادارات الاعلام فى الطاقه وفى شركه الكهربا ديل شن فايدتهم !!!)
.
الناس خلاص بقى حركات دعم دولى وداك جاى وداك شنو وبكره شنو بقت ماتمشى فى الناس
حكومه من صغيرها لراسها الكبير اخير يبقو رجال قدر المسئوليه ويسبو الحركات الماياها دى ويغشو فى الناس شهو وشهور
|
Post: #4
Title: Re: حمدوك: اتصالات مع “”جنرال موتورز” الأمر�
Author: adil amin
Date: 08-29-2021, 04:24 AM
Parent: #3
ده لسه عايز يمشي امريكا الفاشلة والناس شايفا عروضا في افغانستان م
ن اول يوم قلنا نمشي الصين تحل لينا مشكلة الكهرباء والسكة الحديد بصورة جذرية
الذهب مقابل التنمية
بدل يبدد الذهب تهريب للدول التافهة المشغلة ناس حمدوك ديل درويلات لحدي هسة
الصين هي الحل و ما عايز هذيان امريكي في البورد وفي السودان
والشمس تزود السودان يوميا بي 40000 ميقا وات زي ما قالت الامم المتحدة والعالم كلو بضحك في السودان
انت جيب خلايا في السوق بكميات كبيرة جدا وخلي الناس تشتريها من الدولة ومن وزارة الكهرباء وتدبر نفسها بيها
الطاقة الشمسية بتشغل من مكنة الحلاقة لحدي طلمبات المياه
ومشغلة اليمن والصومال لحدي هسة
ولو عايز محطات حرارية كمان الحل دولة جنوب السودان تديك النفط والغاز مقابل الطعام والمواد المصنعةالكلام ده قلناه من 2018 ونزلنا في تويتر حمدوك والوزراء الثرثارين ديل
وكسرة
300 طن ذهب تنهب من الدولة التافهة دي مصر والامارات تعادل16 مليار دولار
مش اولي بيها الصين والتنمية ؟؟
\المشكلة قاعدين في راس الناس بي المحاصصة ويرفسو ساكت عقاب مايو 1969
عاطلين عن المواهب والاخلاق ايضا
الصين وجنوب السودان هي الحل ااستراتيجي لو في وزارة تخطيط وتعاون دولي حقيقية بدل كمونية الانقاذ دي
غير كده شرمطة ساكت وكومشن وعمولات ومتاجرة بي معاناة الناس بس ونهايتا معروفة
|
Post: #5
Title: Re: حمدوك: اتصالات مع “”جنرال موتورز” الأمر�
Author: Elhadi
Date: 08-29-2021, 04:38 AM
Parent: #4
| Quote: كشف رئيس الوزراء د. عبد الله حمدوك، أن الحكومة تواصلت مع شركات أميركية مثل “جنرال موتورز”، لحل أزمة الطاقة |
والله نتمنى تتحل الأزمة..
ما عشان حمدوك
لكن عشان الناس المساكين الطيبين الفي السودان
والله حرام العبث ده
|
Post: #6
Title: Re: حمدوك: اتصالات مع “”جنرال موتورز” الأمر�
Author: انور تاج السر
Date: 08-29-2021, 07:17 AM
Parent: #5
التحايا و الود زهير و ضيوفك،
هل الشركة المقصودة هي جنرال موتورز و لا جنرال اليكتريك؟
لأنو حسب علمي انو جنرال موتورز هي شركة صناعة سيارات و لا علاقة لها بمشاريع الطاقة
أرجو الأفادة
|
Post: #7
Title: Re: حمدوك: اتصالات مع “”جنرال موتورز” الأمر�
Author: mohmmed said ahmed
Date: 08-29-2021, 07:41 AM
Parent: #6
اجل بعيد جدا
حتى نهاية العام القادم
الكهرباء عصب الحياة الحديثة
على السيد حمدوك البحث عن حلول متنوعة
طاقة رياح
محطات توليد حرارى
امداد من مصر
امداد من اثيوبيا
اكيد فى خبرات سودانية عظيمة فى مجال الكهرباء خذ منهم النصح
دولة تستمر في ازمة كهرباء اكثر من عام امر مخجل
|
Post: #8
Title: Re: حمدوك: اتصالات مع “”جنرال موتورز” الأمر�
Author: Salah Zubeir
Date: 08-29-2021, 07:42 AM
Parent: #6
ههههههه
نعم صحيح يا أنور GE وليس GM ...
هههه ... حمدوك برضو قال جنرال موتورز ...
|
Post: #9
Title: Re: حمدوك: اتصالات مع “”جنرال موتورز” الأمر�
Author: انور تاج السر
Date: 08-29-2021, 08:15 AM
Parent: #8
ههههه يا صلاح، ناس مساكين ساكت و ماسكين مقادة البلد
عوضنا علي الله
|
Post: #10
Title: Re: حمدوك: اتصالات مع “”جنرال موتورز” الأمر�
Author: منتصر عبد الباسط
Date: 08-29-2021, 08:51 AM
Parent: #6
والله وقعنا وقعة شينة مع السجم الاسمو حمدوك دا
ووقع صيد سهل للتحزبيين هين ولين
أمريكا شنو ؟؟!!!!
الزول السجم دا لو بس حشد خبراء السودان
برااااهم بحلو ليهو المشكلة
ومعين ليهو مهندس مدني وزير طاقة !
ولو اتجه للصين ركب مشى عقد معاهم
اتفاقيات بظبطو ليهو بنية تحتية من وإلى
وزي العجب كهرباء طرق كباري قطارات
الكيزان المكارين لو كانو عايزين يعملو كدا كانو
عملو لكن ما كانو عايزين يعملو كدا
لأسباب ذكرتها قبل كدا
ملخصها أن وجود سودان قوي اقتصاديا
بيعني عدم الحاجة لوجود الكيزان
ودا بعبارة مختصرة
لكن هسع وقعنا في عيف وتلايف
اتخذوا من امريكا وأوروبا معبودين
وقبلة لا حياد عنها اختاروا الخضوع لهم
اختيارا!!!!!
|
Post: #11
Title: Re: حمدوك: اتصالات مع “”جنرال موتورز” الأمر�
Author: Gafar Bashir
Date: 08-29-2021, 03:56 PM
Parent: #10
Quote: هل الشركة المقصودة هي جنرال موتورز و لا جنرال اليكتريك؟
|
انا من قريت الخبر بفتش في اجابة علي السؤال حتي زرت موقع جنرال موتورز قلت نحن شن فهمنا في السياسة
|
|