Post: #1
Title: يا جامع يا رقيب: لقد تم سرق عربيتي
Author: محمد عبد الله الحسين
Date: 08-17-2021, 01:06 PM
Parent: #0
12:06 PM August, 17 2021 سودانيز اون لاين
محمد عبد الله الحسين-
مكتبتى
رابط مختصر
(adsbygoogle = window.adsbygoogle || []).push({});من أمام المنزل نهاراً جهارايوم الجمعة الماضية الساعة سبعة ونصف صباحاالمنزل مواجه خدمات الجمهور بالخرطوم بحري
|
Post: #2
Title: Re: يا جامع يا رقيب: تمت سرقة عربيتي
Author: محمد عبد الله الحسين
Date: 08-17-2021, 01:07 PM
Parent: #1
اكسنت -فيرنا رمادية
لوحة رقم:13644 -خ أ
|
Post: #5
Title: Re: يا جامع يا رقيب: تمت سرقة عربيتي
Author: صباح حسين طه
Date: 08-17-2021, 01:35 PM
Parent: #3
ربنا يجمع ليك إنشاءلله وإنشاءالله التأمين في السودان يكون بغطي العربات المسروقة
|
Post: #7
Title: Re: يا جامع يا رقيب: تمت سرقة عربيتي
Author: Yasir Elsharif
Date: 08-17-2021, 02:12 PM
Parent: #3
يا جامع يا رقيب
تجمع بالعربية
يا رب
|
Post: #4
Title: Re: يا جامع يا رقيب: تمت سرقة عربيتي
Author: أبو الحسين
Date: 08-17-2021, 01:34 PM
Parent: #1
يا جااااامع يا رقيب...
|
Post: #6
Title: Re: يا جامع يا رقيب: تمت سرقة عربيتي
Author: HAIDER ALZAIN
Date: 08-17-2021, 01:40 PM
Parent: #4
ربنا يجمع ..
|
Post: #8
Title: Re: يا جامع يا رقيب: تمت سرقة عربيتي
Author: النذير بيرو
Date: 08-17-2021, 02:20 PM
Parent: #1
ياجامع يارقيب
تجمع بيها
يارب
ود الحسين وافينا بالأخبار وطمنا
عليك
|
Post: #9
Title: Re: يا جامع يا رقيب: تمت سرقة عربيتي
Author: علاء سيداحمد
Date: 08-17-2021, 03:06 PM
Parent: #8
اللهم يا جامع يا رقيب وياجامع الناس ليوم لا ريب فيه
اجمع لاخونا محمد عبدالله ضالته .
|
Post: #10
Title: Re: يا جامع يا رقيب: تمت سرقة عربيتي
Author: اخلاص عبدالرحمن المشرف
Date: 08-17-2021, 03:22 PM
Parent: #9
يا جامع يا رقيب
|
Post: #11
Title: Re: يا جامع يا رقيب: تمت سرقة عربيتي
Author: محمد عبد الله الحسين
Date: 08-17-2021, 04:00 PM
Parent: #10
شكراً لكم جميعاً من أعماق قلبي......
وشكراً لقلوبكم الطيبة و إحاسيسكم العالية
وشكراً لروح التعاطف والتجاوب التي عرفتم بها دوماً
لكم مني جميعا الشكر الجزيل
|
Post: #12
Title: Re: يا جامع يا رقيب: تمت سرقة عربيتي
Author: محمد عبد الله الحسين
Date: 08-17-2021, 04:05 PM
Parent: #11
الحبيب ول أبا بريمة
تحياتي وشكري لك يا حبيب
شكرا لسؤالك عني و لتفقدك إياي
(ول أبا دكتور محمد عبد الله والحبوب حيدروف .. أي مس يو .. أما هؤلاء موتوا بغيظكم!ول أبا دكتور محمد عبد الله والحبوب حيدروف ..
أي مس يو .. أما هؤلاء موتوا بغيظكم!)
قرأت البوست حين نشرته ولكن كنت في ظروف لم تسمح لي بالرد.....
شكراً لروحك الطيبة وطيب معشرك وحسن رفقتك
تسلم ول ابا وسامحني على تأخير الرد
|
Post: #13
Title: Re: يا جامع يا رقيب: تمت سرقة عربيتي
Author: نعمات عماد
Date: 08-17-2021, 05:46 PM
Parent: #12
يا جامع يا رقيب.
خبر مؤسف يا دكتور.
،،، ،،،،،،،،،،،،،،
اليوم عرفت عملياً و بالصدفة أن مفتاح واحد يمكن أن
يفتح سيارتين من نفس الموديل رغم وجود إختلافات!
بالطريقة دي تسهل سرقة أي سيارة.
|
Post: #14
Title: Re: يا جامع يا رقيب: تمت سرقة عربيتي
Author: بسمات الشيخ
Date: 08-17-2021, 05:53 PM
Parent: #13
ان شاء الله تلقى عربيتك سليمة ...
ولكن اعمل زينا واشترى ليك Locker للدركسون ....
|
Post: #16
Title: Re: يا جامع يا رقيب: تمت سرقة عربيتي
Author: Ali Alkanzi
Date: 08-17-2021, 06:18 PM
Parent: #14
اللهم اجمع لاخينا محمد عبدالله بضالته
اللهم عجل بفرجك يا من اليه المشتكي
|
Post: #18
Title: Re: يا جامع يا رقيب: تمت سرقة عربيتي
Author: Abureesh
Date: 08-17-2021, 06:24 PM
Parent: #14
يا جامع يا رقيب .. اللهم أعد العربة سالمة
Quote: اليوم عرفت عملياً و بالصدفة أن مفتاح واحد يمكن أن
يفتح سيارتين من نفس الموديل |
نعم دكتورة معمات وقد مررت بهذه التجربة.. فى تكساس (فورت وورث) سنة 1994 أو 1996 مرة وقفت عربيتنى فى موقف مول كروقر. كانت شفرليه الكابريس الضخمة موديل 1987.. بعد جيت طالع لقيتها قاعدة فى (نفس حتتها)، فتحت الباب ودورتها
عادى وطلعت .. بعد شوية إتلفت ورا لقيت مقعد الطفل مافى.. وقفتها على جمبة عشان أكتشف انها ما عربيتى.. رجعت ووصلت للحتة الكنت واقف فيها، لقيت عربيتى واقفة، والزول دا وقف جنبها بالضبط وغطاها ولما جيت راجع من الدكان كانت هى
القدامى.. أمنتها ونزلت. تصور دى كانت شيفى من شركة جنرال موتورز.
إجراءات الأمان الإضافية ضرورية جدا.
|
Post: #15
Title: Re: يا جامع يا رقيب: تمت سرقة عربيتي
Author: محمد البشرى الخضر
Date: 08-17-2021, 06:18 PM
Parent: #12
يا جامع يا رقيب, ربنا يلمكم فيها يا محمد
ناس المباحث حرفا و بعرفوا معتادي السرقات وبقدروا يصلوا ليهم بس ساعدهم بالجكة و مسح الشنب ههه
|
Post: #17
Title: Re: يا جامع يا رقيب: تمت سرقة عربيتي
Author: خضر الطيب
Date: 08-17-2021, 06:23 PM
Parent: #15
السلام عليكم دكتور محمد الحسين
نسأل الله ان يردها لك سالمة
و سلامة صحتك و عافيتك
في شفوت متخصصين في الشغل دا لو لميت فيهم
بكرة عربيتك بتكون قدام البيت بإذن الله
|
Post: #19
Title: Re: يا جامع يا رقيب: تمت سرقة عربيتي
Author: علي عبدالوهاب عثمان
Date: 08-17-2021, 06:24 PM
Parent: #15
يا جامع يا رقيب
|
Post: #20
Title: Re: يا جامع يا رقيب: تمت سرقة عربيتي
Author: بسمات الشيخ
Date: 08-17-2021, 06:44 PM
Parent: #19
في رجل شرطة بالمعاش ساكن حلتنا ووصانا بانه اذا العربية اتسرقت ما تكتفي بس ببلاغ
الشرطة ولكن امشي براك لناس المباحث البيلبسو مدني وهم عندهم سجلات بلصوص السيارات
وحاول تعرف واحد من ناس المباحث ووصف ليه عربيتك وتاني يوم بتلقى عربيتك قدام الباب
وما تنسى تدي الحلاوة لزول المباحث الرجع ليك العربية حتى اذا لدغت من نفس الجحر مرتين
تمشي ليهو ويساعدك تاني ..
ان شاء الله تكون عرفت الحلاوة دى شنو؟ ما تقوم تديهو علبة بسكويت ...اقل شئ ٨٠الف....
وطبعا دي حاجة بسيطة وكلها ٢٠٠ دولار ....
|
Post: #21
Title: Re: يا جامع يا رقيب: تمت سرقة عربيتي
Author: نعمات عماد
Date: 08-17-2021, 07:28 PM
Parent: #20
يا جامع يا رقيب.
،،،،،،،،،،،،،،،،،
شكراً ذكّرتونا ال locker.
,,,,,,,
أ. أبوريشقصة عجيبة.
اليوم عامل من السوبرماركت حمل أكياس البقالة و المفتاح و وضع
الأكياس في السيارة المجاورة لأنها فتحت من بُعْد. مشيت البيت و لقيت
ما فيش أكياس😂😂 رجعت المحل و لقيت صاحبة السيارة محتارة
كيف دخلت الأكياس في سيارتها المقفولة😂
طبعاً أنا غلطانة ما تأكدت قبل ما أغادر المكان و أكتفيت بأني شفت العامل
واقف بين العربيتين. أفتكرت ان الحاجات في الضهرية.
|
Post: #22
Title: Re: يا جامع يا رقيب: تمت سرقة عربيتي
Author: عبدالمنعم الطيب حسن
Date: 08-17-2021, 08:04 PM
Parent: #21
يارب تجمع بعربية حبيبنا محمد،
كلام ود البشرى ما ترميهو الواطة،،
...
التامين الشامل يغطي السرقة،
وهذه دعوة لاي زول في اي بلد يعمل تامين شامل
لسيارته...
...
ما فيش مفتاح واحد بفتح عربيتين
نهائي،
اصلا ريموت مصمم على العربية المعينة
...
|
Post: #23
Title: Re: يا جامع يا رقيب: تمت سرقة عربيتي
Author: طه كروم
Date: 08-17-2021, 08:27 PM
Parent: #20
يا جامع يا رقيب
أجمع بضــــــــــــــــــــالتنا ..
.
|
Post: #24
Title: Re: يا جامع يا رقيب: تمت سرقة عربيتي
Author: نعمات عماد
Date: 08-17-2021, 08:57 PM
سلام أ. عبدالمنعم الطيب
Quote: ما فيش مفتاح واحد بفتح عربيتين
نهائي،
اصلا ريموت مصمم على العربية المعينة
... |
كنت دائماً مقتنعة بالحقيقة دي لغايت ما حصل معاي الحدث
الغريب المذكور. علماً بأن صاحبة السيارة قالت أنها أغلقت
سيارتها و عادت و وجدتها مغلقة.
العامل استعمل الريموت لمعرفة مكان السيارة.
|
Post: #25
Title: Re: يا جامع يا رقيب: تمت سرقة عربيتي
Author: خضر الطيب
Date: 08-17-2021, 09:20 PM
Parent: #24
سلام دكتورة نعمات
Quote: علماً بأن صاحبة السيارة قالت أنها أغلقت
سيارتها و عادت و وجدتها مغلقة. |
قصة غريبة فعلاً
لكن واضح انو عرباتكم ديل تيمان او اخوان في الرضاعة :)
الآن الوضع في السودان اختلف يا دكتورة
لو سلمتي على زول احسبي اصابعك بعد السلام
شئ مخيف صراحة
|
Post: #26
Title: Re: يا جامع يا رقيب: تمت سرقة عربيتي
Author: محمد عبد الله الحسين
Date: 08-17-2021, 09:21 PM
Parent: #25
ما شاء الله
يا سلام آنستو وشرفتوا
الله يجمعكم دائما في الخير و الفرح و السعادة
الله يأنسكم بمن تحبون..
عاجز عن الشكر
ربنا يستجيب لدعواتكم
الله لا يحرمنا من هذه النفوس الطيبة و الأرواح الجميلة
وشكرا لمشاعر التعاطف و التضامن
لكم مني كل الوداد و المحبة و الاعتزاز
|
Post: #27
Title: Re: يا جامع يا رقيب: تمت سرقة عربيتي
Author: Abureesh
Date: 08-17-2021, 09:56 PM
Parent: #26
Quote: ما فيش مفتاح واحد بفتح عربيتين
نهائي |
أخونا عبدالمنعم.. ممكن تقول ما فيش مفتاح واحد بفتح عربيتين.. لكن "نهائى" دى ما عندها مكان من الإعراب فى التكنولوجيا. بعدين فهمت شنو من التجرية الشخصية؟ الكلام فى المداخلة
كان تجربة شخصية حصلت معى ولم أنقلها من طرف ثالث.. رأيك شنو يا حبوب؟ وكذلك تجربة د. نعمات
|
Post: #28
Title: Re: يا جامع يا رقيب: تمت سرقة عربيتي
Author: عبدالمنعم الطيب حسن
Date: 08-17-2021, 11:06 PM
Parent: #27
هلا بالدكتور نعمات، مافيش ريموت بفتح عربتين
نهائي،، مستحيل..
السيارتين متشابهتين ومتحاورتين وكانتا مفتوحتين،
دا التفسير الوحيد للحاصل،
...
ابوالريش نهائي شديد كمان، انا متاكد ياخ
بعدين سيارتك موديل ١٩٨٧
قبل ٣٤ سنة، لابد ان تكنولوجيا كتيرة
مرت فوق الابواب وتحتها، والاقفال ودرجات الامان،.
تحياتي
|
Post: #29
Title: Re: يا جامع يا رقيب: لقد تم سرق عربيتي
Author: elhilayla
Date: 08-18-2021, 02:48 AM
Parent: #1
الأخ ود الحسين
ربنا يجمع, إن شاء الله تعالى ترجع ليك عربيتك سالمة وتامة, خيرتها قريبة إن شاء الله.
أولاد عمي قبل 3 أسابيع تم سرقت عربيتهم لكنها رجعت الحمد لله, برضو في بحري
أمرق البياض نرقد ليك بالخيرة, دايرة ليها شغل ألفية: ليل وضحوة.
______
الحليلة
|
Post: #30
Title: Re: يا جامع يا رقيب: لقد تم سرق عربيتي
Author: مدثر صديق
Date: 08-18-2021, 07:52 AM
Parent: #29
الله يسلمها و تعود اليك ....في موديلات معينة في السودان ...يسهل سرقتها ......
|
Post: #32
Title: Re: يا جامع يا رقيب: لقد تم سرق عربيتي
Author: Ahmed Yassin
Date: 08-18-2021, 08:27 AM
Parent: #30
ندعو الله ان تلقى السيارة وهي بحالة جيدة وييسر امرك
كلام اختنا نعمات قلب علي المواجع زي ما بقولوا
| Quote: حمل أكياس البقالة و المفتاح و وضع الأكياس في السيارة المجاورة |
دا عامل السوبرماركت . لكن انا دا المدعو/احمد ياسين
طبعا كالعادة يجيك تلفون من المدام .. جيب جيب جيب وجيب وما تنسي تجيب وتجيب كمان وجيب معاك
وناس هناية جايين الليلة قالوا .. جيب .. طبعا ما بدوك فرصة تقول حاضر .. اها بعد الجيبات دي كلها
قلت طالما ناس هناية (الشنافة) جايين وهي طبعا لمن تحكي ليك بى العشرة طوابق في الخرطوم و التشطيبات
ووووو تقول دي اكيد كانت مع الكيزان ويجب احالتها للجنة من اجل انها ممكونة
المهم اتصلت بى (الجزار) البتعامل معاهو .. قلت ليه جهز لي خمسة كيلو لحمة.. عندك كبدة . قال ايوة قلت ليه 2كيلو
وهو عارف الطلب . لانه هو عارف ما بقدر على الانتظار .. وصلت عنده وقفت العربية وقلت بالمرة اشتري لي خضار
لا خليت بامية لا رجلة لاثلج لا بصل لا ليمون المهم جميع (انحاء) الخضار ماعدا (الخدرة) عشان بتساهر بي في التوريق
وقلت هناية الشنافة دي بتحب الجوافة .. اخدت مجموعة البعرفو والمابعرفو.. وكمية اكياس .. شلتهم على مرتين وفتحت باب العربية
الوراء اليمين وختيتهم في الكرسي .. ومشيت شلت اكياس اللحمة وجيت ختيتهم برضو بى وراء ..تاني تلفون جيب عيش معاك
بسرعة اتناولت كم كيس عيش وختيتهم في الكرسي القدام الجنبي ... شغلت (بتتعلم من الايام) وطلعت.
وعامل حساب انه ما افرمل شديد ولا الف بسرعة عشان الاكياس ما تقع وتتبهدل . المهم قبل ما اصل البيت قلت للمدام
خلي الاولاد بعد دقيقتين يجوا يشيلو الاكياس الكتيرة دي. وصلت .. لقيت الاولاد قدام باب العمارة .. وقفت وشلت العيش ونزلت
وهم مشو للابواب الخلفية قلت ليهم الاكياس دي اعملوا حسابكم شيلوها براحة ما تتقطع .. وانا ماشي اسمع ليك واحد منهم بقول
ابوي .. ابوي الاكياس وينا ؟ !!!!
والله .. اتخلعت خلعة .... اتاري ختيتهم في عربية تانية
|
Post: #31
Title: Re: يا جامع يا رقيب: لقد تم سرق عربيتي
Author: Moawia Mohammed
Date: 08-18-2021, 08:08 AM
Parent: #29
يا جامع يا رقيب
ربنا يرد عربيتك سالمة كاملة
يا ابو الريش عربيتك بتاعت 87 دي غالبا كانت عربية بوليس و طلعت من الخدمة و تم تدليلها
زمان شركات التاكسي في امريكا كانت بتشتري عربات الكابرس و الكراون فيكتوريا و الفورد
اكسبلورير من دلالة البوليس و لو صادف اكثر من عربية كانت من مقاطعة واحدة او محطة بوليس
واحدة بيفتحهم و يدورهم كلهم مفتاح واحد و ذلك لتسهيل حركة البوليس اي مفتاح مع اي عربية في
الحوش و تبقي مارق بشرط تكون نفس الموديل و السنة و المقاطعة او المحطة.
لاحطت اكثر من عربية تاكسي يدورهم مفتاح واحد
خلاف ذلك او ما يشابه اعتقد انو صعب القصة دي تحصل.
و الله اعلم
|
Post: #33
Title: Re: يا جامع يا رقيب: لقد تم سرق عربيتي
Author: عبدالمنعم الطيب حسن
Date: 08-18-2021, 08:42 AM
Parent: #31
| Quote: والله .. اتخلعت خلعة .... اتاري ختيتهم في عربية تانية |
ههههههههها
تباااااالغ ياخ، الحالة ما معاها خدرة،🤣🤣🤣🤣
...
لو الرغيف برضو ما كان معاك تكون بالغت شديد،
|
Post: #34
Title: Re: يا جامع يا رقيب: لقد تم سرق عربيتي
Author: Moawia Mohammed
Date: 08-18-2021, 08:44 AM
Parent: #31
يمكن لمفتاح واحد ان يفتح ابواب اكثر من سيارة لكن ما بالضرورة يدورها
و السبب محدودية ال key combinations للشركة لاسباب اقتصادية .
قرأت مقال يقول ان شركة هوندا العملاقة التي تنتج ملايين العربات عندها فقط 350000
key combinations لذلك يمكن بسهولة ان يفتح المفتاح اكثر من سيارة واحدة.
بالنسبة لادارة المحرك يشترط ان يقرأ كومبيوتر السيارة الchip الموجودة في المفتاح او الfob
بعض الشركات عشان السيكيوريتي ربطت المفتاح بالvin بتاع السيارة
|
Post: #35
Title: Re: يا جامع يا رقيب: لقد تم سرق عربيتي
Author: muntasir
Date: 08-18-2021, 08:49 AM
Parent: #34
يا جامع يا رقيب ، الواحد يوم حظه يوقعه في عربية زي حقات ابوالريش ونعمات واحمد دي ويكون ناسين فيها لبنانية وحاول تقنع المدام بعد تصل البيت انك لقيتها واقعة في عربيتك
|
Post: #36
Title: Re: يا جامع يا رقيب: لقد تم سرق عربيتي
Author: Ahmed Yassin
Date: 08-18-2021, 08:57 AM
Parent: #35
عبدالمنعم الطيب حسن وشركاه
Quote: تباااااالغ ياخ، الحالة ما معاها خدرة
لو الرغيف برضو ما كان معاك تكون بالغت شديد، |
اهههههههه ..
طبعا انا عشان ما تضحك فيني ما حاحكي الحصل لي جوة الشقة
بالله انا قلت خدرة ؟..
|
Post: #38
Title: Re: يا جامع يا رقيب: لقد تم سرق عربيتي
Author: Ahmed Yassin
Date: 08-18-2021, 08:59 AM
Parent: #36
| Quote: ناسين فيها لبنانية وحاول تقنع المدام بعد تصل البيت انك لقيتها واقعة في عربيتك |
اهههههههههههههههههههههههههههه
اهههههههههههههههههههه
اقسم بالله النضارة اتبللت .. يقطعك ويقطع يوم البورد دا
|
Post: #37
Title: Re: يا جامع يا رقيب: لقد تم سرق عربيتي
Author: فتحي عباس نقد
Date: 08-18-2021, 08:59 AM
Parent: #31
يا جامع يا رقيب
ربنا يجمع بيك وسيارتك بإذن الله
|
Post: #39
Title: Re: يا جامع يا رقيب: لقد تم سرق عربيتي
Author: walid taha
Date: 08-18-2021, 09:34 AM
Parent: #1
| Quote: مواجه خدمات الجمهور |
مفروض المكان ده - بإعتباره جهاز يتبع للشرطة- وما حوله يكون على قدر كبير من الإستباب الأمني !!
يا جامع يا رقيب ،،،
|
Post: #40
Title: Re: يا جامع يا رقيب: لقد تم سرق عربيتي
Author: MOHAMMED ELSHEIKH
Date: 08-18-2021, 11:40 AM
Parent: #39
يا جامع يا رقيب
انا سرقوا مني في يوم واحد لوحات عربتين
ومعي ستة من الجيران
بعد المرمطة واللولوة مع الشرطة والمرور والنيابة والقاضي وووو....
تمنيت لو سرقوا واحدة في العربات و ريحوني
|
Post: #41
Title: Re: يا جامع يا رقيب: لقد تم سرق عربيتي
Author: علي عبدالوهاب عثمان
Date: 08-18-2021, 11:49 AM
Parent: #40
دكتورنا الحبيب .. تحياتي
ان شاء الله ترجع العربية
السودان متجمع مجاهرة ما في سر وكل واحد عارف الثاني كويس (حتى رصيد البنك)
الامور تتكشف بسرعة ... لأن كل واحد يعرف امكانيات الآخر
(( الزول ده جاب العربية دي من وين ))
الشرطة والامن اذا جادين ممكن ينكشف الأمر في مدة وجيزة جداً
مجتمع كتاب مفتوح بدون اسرار وهذا له فوائد ومضار
تحياتي دكتورنا .. اخذ وصية الجماعة في التعامل مع الشرطة والامن
|
Post: #44
Title: Re: يا جامع يا رقيب: لقد تم سرق عربيتي
Author: محمد الزبير محمود
Date: 08-18-2021, 12:36 PM
Parent: #41
الله يجمع لك في القريب العاجل يا رب .
وممن الناس تركب جهاز تتيع GPS []h بسيط وعملي ، يديك انذار بمجرد تحريك العربية ويوريك محلها بالمل وتشوفها ماشة ، وممكن توقفها كمان ......
تحياتي
|
Post: #42
Title: Re: يا جامع يا رقيب: لقد تم سرق عربيتي
Author: Biraima M Adam
Date: 08-18-2021, 12:04 PM
Parent: #40
يا جامع يا رقيب ..
| Quote: جميع (انحاء) الخضار ماعدا (الخدرة) عشان بتساهر بي في التوريق |
هههههاي .. عرفته حاجة يا أحمد، أتاري المورقاتي ود الأمير ما براهو ..!
طبعاً ، أنا مشكلتي معكوسة لمشكلة أحمد والباشهمندس أبو الريش والدكتورة نعمات ..
هم مفاتيحهم بتفتح عربات ناس تانين .. مشكلتي أنا بركب ليك مفاتيحي في عربات ناس تانين .. وبقعد ألكلك لما يقبضوني بالثابته ... وأقعد للأعتذار ..
يوم من الأيام جارتنا سودانية وعربيتها هوندا أوديسي ... زي عربية المدام .. شلت مفتاح المدام وهى أرسلتني أنزل أغراض المنزل من المشتريات ..
أها حشرت المفتاح في عربية جارتنا .. وأبي يفتح وصرت ألكلك .. حمت كل الأبواب .. وأخرتها مشيت البابي الخلفي .. برضو لكليك ..
الله سوي جارتنا جات طالعها بأطفالها .. لقتني محتار أشيل وأجرب من باب لي باب ..
المهم لما قربت ومازلت ما شفتها، دخلني شك أنها ربما ليس عربيتنا .. أتلفت أبحث عن عربية أخري مشابهة .. عيني وجارتنا .. كك ..
ضحكت .. قالت لي حقتكم هانديييك .. والله الفضحية وحمدت الله ما كانت عربية شخص أخر ..
وتكرر معي الأمر مرات مع عربات ناس تانيين .. في محلات الشبوبنق .. ومحل الشغل والملمات ..
الحمد الله .. العجييز .. حصل.
بريمة
|
Post: #43
Title: Re: يا جامع يا رقيب: لقد تم سرق عربيتي
Author: ود الباوقة
Date: 08-18-2021, 12:21 PM
Parent: #42
يا جامع يا رقيب
تحياتي يا دكتور
|
Post: #45
Title: Re: يا جامع يا رقيب: لقد تم سرق عربيتي
Author: Ahmed Yassin
Date: 08-18-2021, 12:38 PM
Parent: #43
هههههاااي
| Quote: مشكلتي أنا بركب ليك مفاتيحي في عربات ناس تانين |
اتخيلوا بس بريمة وهي يلكلك المفتاح يمين شمال ويسحبه ويلكلك ويجر الباب بيده التانية
ويتهوزز ومرات بدي المفتاح لحسة
عارف يا هندسة انا اصلا ما فتحت العربية الختيت فها الاكياس (علي الايمان كيلوها اللحمة الضان لغاية هسي واجعاني)
اصلا انا جيت وقفت جنبها قدام المحل وشايف العربية حقتي المصيبة انا مع النقلة الاولي للاكياس وعلي الحظ الاغبر المنيل
لمن جريت الباب اليمين الخلفي الورا طوالي فتح وختيت الحاجات .. يعني العربية ما مقفولة صاحبها مخليها فاتحة زي ما انا بعمل
خاصة في المنطقة دي المحلات جنب بعض .
اكيد بعد ما يضرب اللحوم والكبد ويحلي باللافوكادو والكاكا والموز والجوافة والمنقة وماعارف شنو بي حاجاتي .. حيقول لي مرتو
اشتريتها بالشىء الفلاني
|
Post: #46
Title: Re: يا جامع يا رقيب: لقد تم سرق عربيتي
Author: محمد عبد الله الحسين
Date: 08-18-2021, 07:16 PM
Parent: #45
نشكر توالي مشاركات وأريحية الإخوة الزملاء التي أفادت و أراحت
من خلال تطورات متابعة السرقة تم التبليغ لكافة الجهات ذات الصلة...
الجديد في الأمر اتصل علي شخص يدعي(وربما يكون صادقاً) بأن العربية تحت تصرفه و علي دفع مبلغ وفق نظام السالف كما قال.
وحدد لي مكان معين بعد أن أصله اقوم بالاتصال به ليعطينا رقم حساب لتحويل المبلغ و سيقوم هو بتحديد الشارع الذي توجد به العربة.
وقال لي إذا قمت بابلاغ الشرطة لن ترى عربيتك مرة أخرى.
المهم أنا أقوم بالتسويف منذ أول أمس ..ومن ثم طلبت مهلة للغد..
|
Post: #47
Title: Re: يا جامع يا رقيب: لقد تم سرق عربيتي
Author: Asim Ali
Date: 08-18-2021, 07:31 PM
Parent: #46
ياجامع يارقيب
Quote:
من أمام المنزل نهاراً جهارايوم الجمعة الماضية الساعة سبعة ونصف صباحاالمنزل مواجه خدمات الجمهور بالخرطوم بحري
|
حسب وصفك دا معناهو اتسسرقت من مكان سوق العربات ذاتو فى بحرى
مايكون سمسار من سماسره الدلاله ساقها قايلها معروضه فى السوق
.
ناس الختميه وصولو موضوع الدلاله للمحكمه
بسبب دلالة السيارات شباب الختمية يغلقون الشوارعبسبب دلالة السيارات شباب الختمية يغلقون الشوارع
ياجامع يارقيب
|
Post: #48
Title: Re: يا جامع يا رقيب: لقد تم سرق عربيتي
Author: بسمات الشيخ
Date: 08-18-2021, 07:32 PM
Parent: #46
ده كضاب ساكت لانه عارف بانه من رقم الحساب يمكن للشرطة ان تحدد شخصيته
..وهل رقم الموبايل ما ظهر عندك عشان تبلغ الشرطة ....
..لكن الافضل اتبع نصيحة الشرطي بالمعاش وامشي لناس المباحث وهم حيرجعوا ليك
عربيتك بسرعة .
|
Post: #49
Title: Re: يا جامع يا رقيب: لقد تم سرق عربيتي
Author: Asim Ali
Date: 08-18-2021, 08:04 PM
Parent: #46
Quote:
وقال لي إذا قمت بابلاغ الشرطة لن ترى عربيتك مرة أخرى.
المهم أنا أقوم بالتسويف منذ أول أمس ..ومن ثم طلبت مهلة للغد..
|
لو انت اصلا كنت مبلغ عن السرقه ناس المباحث برضز حتدفع ليهم مصاريف حركتهم فى البحث والتحرى لغايه مايجيبوها وغالبا معروف عندهم المشتبه فيهم حسب مجال نشاطهم الاجرامى
والسارق دا غالبا عندو عين جوا منسق معاهو بيعرف ليهو الخبر
|
Post: #50
Title: Re: يا جامع يا رقيب: لقد تم سرق عربيتي
Author: Ahmed Yassin
Date: 08-18-2021, 09:36 PM
Parent: #49
معقول السلطات تعجز عن القبض على مجرم قام بالسرقة والابتزاز
ورقم الحساب دا اكبر دليل حتى لو كان لشخص اخر.... اكيد في صلة
معقول؟ انتوا الشرطة السودانية دي شغالة بالفحم؟.
|
Post: #51
Title: Re: يا جامع يا رقيب: لقد تم سرق عربيتي
Author: HAIDER ALZAIN
Date: 08-23-2021, 02:36 PM
Parent: #50
سلامات يا دكتور..
وان شاء الله جمعت..!
خبريـن قريتهم اليوم .. الاول بالسوداني عنوانه ( استرداد (7) عربات بعد سرقتها من ولاية الخرطوم )
و نص الخبر:/
Quote: الخرطوم: هبة علي
تمكنت مباحث شرطة مكافحة سرقة السيارات بشرطة ولاية الخرطوم من استرداد سبع سيارات تمت سرقتها من الولاية وبيعها في ولايات حدودية.
وقال مدير إدارة مباحث سرقة السيارات، العقيد محمد الضو أرجون، إن الإدارة استردت عدد (7) سيارات (بكاسي) مسروقة من ولاية الخرطوم بغرض تهريبها إلى حدود البلاد الشرقية، عقب ايفاد مأموريات شرطية إلى ولايتي القضارف وكسلا. |
التاني من صحيفة الصيحة وعنوانه :/
الشرطة تحسم (80%) من بلاغات سرقة السيارات
Quote: ونص الخبر :
الخرطوم- آثار كامل
كَشف مصدرٌ شرطيٌّ أن مباحث شرطة مكافحة سرقة السيارات، استردت كمية من السيارات التي تمت سرقتها والشروع في بيعها بالولايات الحدودية، بجانب استرداد سيارات داخل العاصمة، وتسديد (80%) من البلاغات. .
وأكد مواصلة الشرطة، حملاتها للحد من جرائم الاختطاف والسرقات الليلية والنهارية، ومكافحة التفلُّت بأطراف المُدن ومناطق الهشاشة وإزالة الظواهر السالبة. وعزا المصدر، التفلُّتات الأمنية بالشارع لعدة أسباب اقتصادية واجتماعية وسياسية، منها الهجرة الأجنبية غير الشرعية والنزوح نحو العاصمة وغيرها، وكشف عن تدوين بلاغات ومُحاكمات فورية وفق مراسيم ولاية الخرطوم في مُواجهة سائقي الدّرّاجات النارية دون لوحات ومن يحملون الأسلحة البيضاء، بالسجن والغرامة، بجانب ضبط مُعتادي الإجرام والسرقات عبر مباحث الأقسام المنتشرة بدوائر الاختصاص. ورد المصدر، على اتهامات الشرطة بالتقصير في واجبها، وأكد أنها تعمل على مدار الساعة، وأقرّ بوجود قصور في الإمكانيات وليس في الشرطة، وقال إنه ليس من مصلحة الشرطة عدم بسط الأمن وزعزعته، وَنَوّه لتنفيذ خُطط شرطة الولاية باستمرار عبر شرطة المحليات والإدارات المتخصصة والدوائر بالولاية، بجانب حَثّ المُواطنين على الالتزام بالقوانين والتبليغ الفوري، وفتح الأبواب للإعلام ومَدِّه بالمعلومات الخاصّة بالنشاط الشرطي.
|
طبعاً دا ما ليهو علاقة بسرقة عربيتك بقدر ما ليهو علاقة بعواسة ونجر اللخت آثار الحكيم بتاعت صحيفة الصيحة..
لانه بعد قريت العنوان بتاعها قلت ان شاء الله صاحبي يكون في 80% الإتحسمت سرقاتهم..
أتاريها عبارة عن الأتاوات وإستنكاحات البواليص..
أسال الله انك تكون لميت في عربيتك ..
تحياتي
|
Post: #52
Title: Re: يا جامع يا رقيب: لقد تم سرق عربيتي
Author: Hafiz Bashir
Date: 08-23-2021, 02:52 PM
Parent: #51
يا جامع يا رقيب
إن شاء الله تكون عربيتك رجعت
|
Post: #53
Title: Re: يا جامع يا رقيب: لقد تم سرق عربيتي
Author: محمد عبد الله الحسين
Date: 08-23-2021, 08:25 PM
Parent: #52
الاخ عاصم ...حيدروف..مولانا حافظ
شكرا على المتابعة والاهتمام
لا يزال البحث جاريا عن العربة المسروقة..
تفاصيل اوفى لاحقا...
الشكر للجميع
|
Post: #54
Title: Re: يا جامع يا رقيب: لقد تم سرق عربيتي
Author: Biraima M Adam
Date: 08-28-2021, 05:31 AM
Parent: #53
يا جامع يا رقيب
بريمة
|
Post: #55
Title: Re: يا جامع يا رقيب: لقد تم سرق عربيتي
Author: الزبير بشير
Date: 08-28-2021, 07:33 AM
Parent: #1
يا حباس احبس
الفاتحة 7 مرات في الاتجاهات الاربعة
ابدا باليمين و الامام و الشمال و الخلف
الزبير الختمي
|
Post: #56
Title: Re: يا جامع يا رقيب: لقد تم سرق عربيتي
Author: دفع الله ود الأصيل
Date: 08-28-2021, 11:14 AM
Parent: #55
ألف بعد الشر عليك أستاذي ود الحسين
إن شاء الله عدوينك و اللفحوها تلفح وجوهم
النار و تتكطع أيديهم و أرجلهم من خلاف، قبال
يطفشو بيها يسفروها بوكو حرام خالي لوحات.
ثم إتا زاتك شنو الوداك لي بلدي يا حبوب حيث
عاسمة اللاءات التلاتة : [ألا كهرباء- لا ماء
- لا أمناً و لا أماناً و لا هم يحزنون].
|
Post: #57
Title: Re: يا جامع يا رقيب: لقد تم سرق عربيتي
Author: Ahmed Yassin
Date: 08-28-2021, 11:26 AM
Parent: #56
الخليفة الزبير
(ابدا باليمين و الامام و الشمال و الخلف)
------
دا امتحان الرخصة؟
|
Post: #58
Title: Re: يا جامع يا رقيب: لقد تم سرق عربيتي
Author: Hassan Farah
Date: 08-28-2021, 11:37 AM
Parent: #1
يا دكتور ربنا يردها لك سالمة فورا
|
Post: #59
Title: Re: يا جامع يا رقيب: لقد تم سرق عربيتي
Author: دفع الله ود الأصيل
Date: 08-29-2021, 06:50 AM
Parent: #58
[}أستاذي العم الوريف/محمد عبد الله الحسين ،
تربت يداي و يسلم لي ضراعگ و رد الله ضالتك ياراقي
يا لمَّاح . فهنا نصٌّ به تناولٌ خفيُّ على طريقة إياك أعني و
اسمعي يا جارة لحال بلدنا البقى ما يسر عدواً و لا صليحاً ،
ضاربين بأصالتنا و سمتنا الرفيع عرض الحائط . وفيه شيء
من رمزية الساقية لعمر الدوش، للنبش في كثيرٍ من قضايانا
المتغاضى و مسكوت عنها في زحام المتناقات ، رغم تفشي
ظاهرة ( تبديل خلق الله) و فطرة الله التي فطر الناس عليها.
و ربما نجح حيظىوفة ود ازين (ود أحيمر) في محاولة
ذكيةٍ من القراءة في ما هو خلفَ قُضبان سطور محنتك.
[} كذلك ، في النص ما يمكن إدراجه ضمن ملفُّ التحقيقات
بشأن الكثيرالمُثير من حالت السطو المُقَنَّعة و هي طبعن خشوم
بيوت . إذن و قبل أن نغادرَ باحة مكتب التحقيقات الفدرالي FBI
و ااكائن بالقسن الشماليرو في طريقنا إلى حيث كل قردٍ يطلع جبلو.
▪فقد فتحت مؤشر راديو فرنسا الدولي France Iner.على ال FM ،
لتدقش سمعي حكمةٌ بالغةٌ , أضحكتني حتى شرقتني فأسالت لُعابي ،
ثم أحزنتني حتى أجهشتني بالبكاء ، جاءت عفويَّةً على لسان بعض
تلامذة مدرسة فولتير النموذجية التذكارية ، ضِمْنَ برنامج
Mama ma dit أي: (أمي قالت لي)، و مفادها باختصار:
(Une femme sur quatre est trop maquiée,
comme une voiture volée)؛ أي::ما يمكن ترجمته
بعربيناوااداىجي الفسيخ على أ نه : من بين كل أربع سيداتٍ
فُضْلَيَاتٍ على ظهر كوكبنا حيث يجاورنا بالميت 8 ميلارات نسمةً
يأكلون تلاتة رغابف و يطلعون الناس يوماتي ، توجد بينهن واحدة
على الأقل، مدهونةً أو بالأحرى أنها ملتوخةً بتلالٍ بوماستك من
بوهيات المهندس ، ما يكفي و يزيد لطمس معالم خلقتها تماماً
فيجعلها كعربة بوكو حرام مسروقة ، و قد تفتقت.عبقرية
اللصوص عن خطة جهنمية طموحةٍ لتمويه شكلها تماماً.
# ثم قلتُ لنفسي بعد برهة تفكير عميقٍ: اللَّهم
لا اعتراض في حكمك ، فهذا يعني أنو ربع ساكنات
كوكبنا الأرضي فقط من بنات حواءَ يعتبرن مصنفراتٍ
أو مضروباتٍ بطبقة بوهية كشا مشى (طامسةٍ) لمعالم
ما أفسده العطار و أكل الدهر عليه وشرب. علا برضو
يا زول لو جينا حسبناها كويس، بنلقاها نسبةً ما
بطالة و أمة مُحمَّدٍ لا تزالُ لسة بصحةٍ وعافيةٍ.
لأنو ما ننسى في النهاية أنو دي أمة بتحب
النبي ..و الحوت مانو بحب الرسول!!!
|
|