زمان في بداية التسعينات كنت ساكن في حتة إسمها Rinkeby لمن تصحى من الصباح وتلقى الصوماليين فايرين في الساحة تعرف البلد جا فيها قات مهرب
Post: #2 Title: Re: القات في Rinkeby Author: muntasir Date: 07-22-2021, 06:13 AM Parent: #1
لمن تدخل البورد وتلقى جنكو فاير ومركب مكنة أبوالزوز تعرف اليمن السعيد نزل فيه قات العيد الكارب
Post: #3 Title: Re: القات في Rinkeby Author: أبوذر بابكر Date: 07-22-2021, 07:17 AM Parent: #1
ازيك يا مونت
العيد مبارك عليك
العرب عندهم مثل بقول
البعرة تدل علي البعير والاثر يدل علي المسير
Post: #4 Title: Re: القات في Rinkeby Author: muntasir Date: 07-22-2021, 09:25 AM Parent: #3
يا مطر والفلقة تدل على الجنكيز شيل شيلتك كان فكت ولقى البوست ده ولقاك فيه غايتو انا إتخيل لي ناصري عاملة ماتشينغ معاك 😂
Post: #5 Title: Re: القات في Rinkeby Author: أبوذر بابكر Date: 07-22-2021, 09:49 AM Parent: #4
لا لا والله
دا مثل معروف جدا وشائع جدا ٤ي اللغة العربية
ومعبر جدا كمان
مع اني ما ركزت والله علي منو المقصود من كلامك
Post: #6 Title: Re: القات في Rinkeby Author: Salah Zubeir Date: 07-22-2021, 10:12 AM Parent: #5
Quote: زمان في بداية التسعينات كنت ساكن في حتة إسمها Rinkeby
عمو يا عمو شكلك ركبتا الطرماي بين قلبا والمحطة الوسطى الخرطوم وكنتا واقف في سلك استاد الخرطوم بي عمتك تشجع في جقدول ... الله يستر عليك من شيخ العير او الليركس الجديد بتاع مؤخرة ميمون ... 😄😄😄😄😄
Post: #7 Title: Re: القات في Rinkeby Author: muntasir Date: 07-22-2021, 10:23 AM Parent: #6
ما تخاف يا مطر من دخل دارنا فهو آمن تلقاك هسي بتقول أنا الجابني هنا شنو 😂عمو صلاح انا طلعت من السودان صغير ياخ ما تخلعك السنين ، لا انا منتظر منه الكلمة ثلاثية الحروف وتبدأ بالفاء 😂
Post: #8 Title: Re: القات في Rinkeby Author: adil amin Date: 07-22-2021, 10:50 AM Parent: #7
الدنيا عيد انت ريد ولي ريدة ولن ازيد
انا ما بخزن وانت ذوقك فاسد من الاساس وما عندي ليك وصف غير الحصحاص في الجذمة وافتقد خضر البطة في العيد والله من سكن في الخور في الدوحة عرفتو خلاس انتهى
يا سلام عليك يا جنكو الذري أيقونة أم در ياخ ذوقك عالي ينبئ بأنه لا داك في أمل نجبدك معانا ، خدر الكارنڤور غرقان في لحوم عربي RBG البكسر الشربوت بالجمايكن روم
Post: #27 Title: Re: القات في Rinkeby Author: adil amin Date: 07-23-2021, 05:45 AM Parent: #9
Quote: يا سلام عليك يا جنكو الذري أيقونة أم در ياخ ذوقك عالي ينبئ بأنه لا داك في أمل نجبدك معانا ، خدر الكارنڤور غرقان في لحوم عربي RBG البكسر الشربوت بالجمايكن روم
يا منتصر الواضح مافاضح انا الزول البليد بس الما بنفع معاي اكبر خدمة تقدما لي عمك جقود تختاني هسة انا قلعت الجذمة بقيت امشي حفيان بي سببك انت اصلا ما تعرف شعور الحصحاص في الجذمة كيف طوالي بطلع لي ضب في راسي وافلس وفي رواية اخرى ببقي ماسورة في هوج الرياح جا المغرب شربت لبنك يالا عنقريبك بس https://top4top.io/
Post: #31 Title: Re: القات في Rinkeby Author: adil amin Date: 07-24-2021, 03:13 AM Parent: #9
Quote: يا سلام عليك يا جنكو الذري أيقونة أم در ياخ ذوقك عالي ينبئ بأنه لا داك في أمل نجبدك معانا
انتو منو يا كعوك المركز .... عندي قبتين واطيان ومك وكجور وسعاد اية الجمال البقت بين كرمة وكريمة ...اجي الخرطوم اتحاصص مع ناس شكرا حمدوك ليه شنو؟؟ قال معانا قال ...الماسورة انا مع التانين ختمي حركة شعبية حوثي محدد هويتي الدينية والسياسية ومسؤليتي الاقليمية والدولية حيال بلدي السودان ما قاعد اتسكع في المنافي واقرق علي الصوماليين وما عارف اعمل شنو وعالمي بس سودانيز اون لاين الخرتوم بتاعتك دي عودنا فيها عود مرة وهي سبب بلاوي كل السودان من زمن علي عبداللطيف لحدي الطيب مصطفي وهسة شلتك اتفرتقت في البورد وكان جو بعمل ليهم حالات نفسية وصمرقع وهم عارفين جقود فاكنك لي بس (جرداية في سروال) ودي ذاتا حصحاص في الجذمة بي لغة ناس دارفور ولي زول يباري المركز ده ...ماسورة علي البورد وحميدتي في السودان
Quote: لمن تدخل البورد وتلقى جنكو فاير ومركب مكنة أبوالزوز تعرف اليمن السعيد نزل فيه قات العيد الكارب
يا مونتي من فوائد القات الصحيان بدري بجانب انو منشط جنسي عالي الفاعلية و اضح انو عدولي البطة دا بقى قاعد كنب القات بساعد لكن لمتين .. لمتين دي ذي قصة البياض بجيبا :)
Quote: وافتقد خضر البطة في العيد والله من سكن في الخور في الدوحة عرفتو خلاس انتهى
ما تفقد عزيز يا جحبور الحوثيين انا ما ساكن الخور الخور دا بسكنوهو نوعك دا انا في بي إن اسبورت من الخور 45 دقيقة بسرعة 100 كيلو هاو كم يا بطة ؟
Post: #11 Title: Re: القات في Rinkeby Author: سيف اليزل سعد عمر Date: 07-22-2021, 03:51 PM Parent: #10
الغنم فى الصومال ببربحوا بواقى القات وبكونوا ساطلين تمام. عربات القات بتجى الصباح بدرى قبل الشمس ما تطلع. بدل الديوك بتعوعى الغنم من الخرمة..
انا هسا ماشى رينكبى..
كل سنة وإنت طيب يا مونتى
Post: #12 Title: Re: القات في Rinkeby Author: Ahmed Yassin Date: 07-22-2021, 05:58 PM Parent: #11
انت الوداك Rinkeby شنو؟ دي مقديشو اذا في( غات) ولا مافي..دايما مناطق غرب العاصمة كدة كان تمشيKarlaplan ارحم شوية...
وانت طيب يا سيف تحياتنا للجميع في رينكبي ومدينتي الأخرى أوبسالا وللجميع ، يا أحمد يس الهجرة هناك أمواج في فترة التسعينات الغالب هناك كان العراقيين واليوغسلاف يعني كان فيها الرقشة كانت منطقة لها بريقها وطعمها الخاص كانت لنا فيها أيام لكن قبلها صدق عشت سنة في الدائرة القطبية كنا شلة ورحم الله زميل المنبر وغربة القطب بكري السمندل جعل الله مثواه الجنة
Post: #14 Title: Re: القات في Rinkeby Author: Ahmed Yassin Date: 07-22-2021, 06:37 PM Parent: #13
له الرحمة والمغفرة. ونسال الله الجنة يا منتصر .. وصلت الدائرة القطبية؟ اتجمدت طبعا والله انت ما زول ساهل ابدا ابدا..... انا آمنت غايتو
أيوة في كيرونا سنة زي قرن الخروب زي ما بقولوا المصاروة لولا الصحبة لجنينا يا صاح
Post: #16 Title: Re: القات في Rinkeby Author: Ahmed Yassin Date: 07-22-2021, 06:58 PM Parent: #15
قرن شنو دا الخروب زاتو.. انت قعدت في اقصى الشمال تلقاك اشتغلت حديد يا حبيبي انت كيف كنت بتنوم؟ في شهر 6؟ في جبال اظن اسمها .. هوكيفارا.... ياخ حمدالله على السلامة
Post: #17 Title: Re: القات في Rinkeby Author: علي عبدالوهاب عثمان Date: 07-22-2021, 07:36 PM Parent: #16
حبيبنا الجميل منتصر صاحب المفيد المختصر
معقول يا الحبيب .. تعرف أنا ما فاهم شيء من البوست من ضربة البداية قرأت المداخلة الأولى مرات عديدة الفهم عندي (زيرو) مداخلاتك بالنسبة اختبار للزهايمر ومدى الاستيعاب غالباً النتيجة تكون ( زيرو )
صدق يا علي انا فتحت البوست ده بي سببك انت لأنه في بوستك بتاع الفيضان عادل جا قال ليك بتولول مالك يا ماسورة وانا عارفك لأنك رجل طيب ومسالم ما بتكون شفتها أو تجاوزتها فقمت قلت أردم دولي صاحبي ده لأني أنا زولو وحبة بندولو وبعرف أواسيهو كويس الأ 😂😂😂😂
Post: #19 Title: Re: القات في Rinkeby Author: علي عبدالوهاب عثمان Date: 07-22-2021, 08:17 PM Parent: #18
الحبيب منتصر تحياتي يا جميل كده فهمت الموضوع .. شكرا كثير حبيبنا عادل رغم ما كتبه عني فهو فاكهة المنبر تعرف اي تجمع اخواني للسوداني لازم كل الاصناف يكونوا حاضرين زمنا داك كان التنوع من شروط الجلسات الاخوانية تخيل المنبر بدون عادل !!!!
تحياتي يا جميل وعاطر التحية للحبيب عادل
Post: #20 Title: Re: القات في Rinkeby Author: Ahmed Yassin Date: 07-22-2021, 09:02 PM Parent: #19
عم علي دا بوست بالعربي ياخ.. طيب انت قاعد في السعودية وبتعرف( القات ) حق اليمنيين( التخزينة ) شكله زي الملوخية السعودية من ايام الراحل الملك فهد الله يرحمه ويدخله الجنة منعته منعا باتا واعتبرته مخدر مع( السعوط ) حقنا يعني التمباك عشان ما تقول الصعوط دا شنو منتصر كان في اسكندنافيا في غرب استكهولم مدينة اسمها( رينكبي ) وكلها لاجئين وطالبين لجوء من العراق والصومال وافريقيا ويوغسلافيا السابقة.. المدينة سكانها قليلين جدا يعني كم طاشر الف..... منتصر قال لمن يشوف في لمة صوماليين ملمومين وجوطة.وكبسيبة.طوالي بيعرف انه في ( قات ) وصل الحلة ....طبعا تهريب اسمع انت ما تكلم بكري خلي يعين ليك مترجم... بكري دا سيد المنبر وكان ساكن الحلفايا محطة 4 وهسي في امريكا وعندو صلعة
Post: #21 Title: Re: القات في Rinkeby Author: علي عبدالوهاب عثمان Date: 07-22-2021, 09:53 PM Parent: #20
فنانا الجميل احمد والتحية للحبيب منتصر صدقني احمد الحبيب أنا لم أعرف أنني غير مؤهل في العامية السودانية إلا بعد اشتراكي في منبر الزول الجميل بكري ( سودانيز) لأننا كما تعلم علاقتنا دائما تكون محصورة مع بعضنا حتى في الاغتراب داخل جمعياتنا والونسة بالنوبية وخاصة جيلنا ... ولكن الجيل الجديد ما شاء الله لأننا لم نشاهد العاصمة إلا بعد أن بلغنا من العمر 20 تقريباً وهذه الثقافة لا تأتي إلا بالمعايشة قبل يومين حبيبنا أبوحسين شرح معنى ( أشتر)
نعم السعوط والى اليوم ممنوع ( شمه ) بلغة السعوديين .. ولكن الرقابة أخف من السابق لكن القات ما زال مشدد عليه الرقابة .. لكن لم ينتشر بين السودانيين .. كان زمان في الرياض السودانيين مشهورين بشراب كولونيا اسباني الاسم الحركي ( خرشة ) رغم أننا ناس قعدات وسوائل وغيرها ولكن القات لم ينتشر بين السودانيين لا أعرف لماذا .. وأحبابنا الاثيوبيين يستخدمونه بكثرة ..
يا سلام يا منتصر الحبيب .. اشكرك كثير يا جميل .. بشرح حبيبنا احمد فهمت الموضوع بعمق ..
تحياتي الحبيب منتصر
Post: #22 Title: Re: القات في Rinkeby Author: adil amin Date: 07-23-2021, 05:10 AM Parent: #18
الليلة ثالث يوم في العيد وهدنة عرفات مستمرة مع الكعوك
شوف يا منتصر في دارونية جقود ماسورة دي شكر كبير حميدتي قال انا ماسورة تاني انتو تتفقعصو لي شنو يا ناس المركز وثمود وادمان الفشل انت بس (حصحاص في الجذمة) ودي اقل من ماسورة بي كثير هسة انا قايلك عايز تعييد علي وجابك الريد... علي طلعت سندالة ساند درمبالة https://top4top.io/
كويس بصراحة كده انت وزنك كم عليك الله؟؟ الناس المخها ما شغال واذكياء زينا في البورد بتعامل معاهم بي الوزن بس زي ناس خضر البطة انا افتش فيه فوق (وعيو) هو يفتش تحت المعدات البيولجية البالستية...فعلا مدرسة الطيب مصطفي شوف لو وزنك اقل من 80 كيلو ما بتنفع معاي وشطة في عينك زي ما بقولو اهلنا في دارفور والناس القصار طالو هدنة العيد تنتهي بعد يومين ان شاء الله شوف الليريكس ده كيف عليك الله عولم نفسك ياخ خلينا من حجا الحبوبة في الزمن السعيد ذى ما قلت ليك تباريني يا توعي يا يمسكك الصمرقع الماسك دينق وبريمة والمدير وكل رجرجة ومواسير البورد والفرو والقاعدين يطفو النور معاي بعدين
Post: #23 Title: Re: القات في Rinkeby Author: adil amin Date: 07-23-2021, 05:17 AM Parent: #22
Quote: الحبيب منتصر تحياتي يا جميل كده فهمت الموضوع .. شكرا كثير حبيبنا عادل رغم ما كتبه عني فهو فاكهة المنبر تعرف اي تجمع اخواني للسوداني لازم كل الاصناف يكونوا حاضرين زمنا داك كان التنوع من شروط الجلسات الاخوانية تخيل المنبر بدون عادل !!!!
تحياتي يا جميل وعاطر التحية للحبيب عادل
يا علي كل عام وانت بخير البلمك مع كعوك المركز والبورد ده شنو من الاساس ؟؟ المنبر بدون عادل بكون رجرجة بس لكن بدون جقود غير عادل زمان رما طوبة المنبر هسة في جقود بس وعيد انت كمان يا ابو علوة
ما عدمناك والله اهلنا ناس حلفا ديل ما عارف الله خلق ليهم اضنين لي شنو ؟؟ لا بلبسو حلق ولي بسمعو الكلام زح من ناس المركز ديل ما طلع لي ضب في راسي
Post: #25 Title: Re: القات في Rinkeby Author: adil amin Date: 07-23-2021, 05:33 AM Parent: #10
Quote: ما تفقد عزيز يا جحبور الحوثيين انا ما ساكن الخور الخور دا بسكنوهو نوعك دا انا في بي إن اسبورت من الخور 45 دقيقة بسرعة 100 كيلو هاو كم يا بطة ؟
كويس انك تفرفر لحدي هسة ما برفعوك من ضنبك والدواس هنا فكري ابعد من المواقع البيولجية احسن ليك انا ما بخزن ان جيت اعاين يا البتشبه الفل في الجناين او فول ابو العباس والعشرة الكرام وعيديتك
والخور حق الرجال مالو ....انا جيت الدوحة وعجبني وبشجع فريق الخور رايك شنو يا جحبور داير الخور ولي نوديك الكجور
Post: #24 Title: Re: القات في Rinkeby Author: adil amin Date: 07-23-2021, 05:25 AM Parent: #6
Quote: شيخ العير او الليركس الجديد بتاع مؤخرة ميمون ...
عيدك مبارك يا صلاح شيخ العير ده لي العاملين فيها كبار في البورد وخصوصا الشيوعيين الوصلو سن الياس واي زول ما عنده قبة ولي كجور في السودان مش البامبرز زي منتصر ما قادر يكتب جملة مفيدة وكبر اللفة كيف ودخل ابوزوز والقصة كلها داير يفزع اخونا علي جابو فزع بقا وجع وعمنا علي ما فهم البوست من اساسه لانه حلفاوي مسكين منتصر ده دون مستوي الصراع خلي يهضرب بس البرد كاتلو ساكت هناك في بلاد الترك زي ديل بسمهيم الناس القصار طالو
Post: #26 Title: Re: القات في Rinkeby Author: خضر الطيب Date: 07-23-2021, 05:40 AM Parent: #24
Quote: زي ناس خضر البطة انا افتش فيه فوق (وعيو) هو يفتش تحت المعدات البيولجية البالستية...فعلا مدرسة الطيب مصطفي شوف لو وزنك اقل من 80 كيلو ما بتنفع معاي
عدولي يا بطة انت مش ملاحظ انو عندك هوس جنسي و اهتمام بالاعضاء البايلوجية ؟ نصيحتي ليك اختى القات بجيب ليك ايدز و بودرك اما بالنسبة لوزني فهو 60 لكن ال IQ بتاعي انت ما بتصل ليه يا بطة خليك في محور الحاجات البايلوجية
بالمناسبة اقول ليك حاجة بدر الدين قال ليي انو وزنك تحت خط الفقر و زاد عليها انو عندك انيميا منجلية امشي نبذو ما تخليهو كلو كلو :)
Post: #28 Title: Re: القات في Rinkeby Author: adil amin Date: 07-23-2021, 05:53 AM Parent: #26
Quote: عدولي يا بطة انت مش ملاحظ انو عندك هوس جنسي و اهتمام بالاعضاء البايلوجية ؟ نصيحتي ليك اختى القات بجيب ليك ايدز و بودرك اما بالنسبة لوزني فهو 60 لكن ال IQ بتاعي انت ما بتصل ليه يا بطة خليك في محور الحاجات البايلوجية
بالمناسبة اقول ليك حاجة بدر الدين قال ليي انو وزنك تحت خط الفقر و زاد عليها انو عندك انيميا منجلية امشي نبذو ما تخليهو كلو كلو :)
يا سلام سلم وتاني ...... قال ليك شنو...... انا مهتم بالكائنات البيلوجية القرود كلاب الحر وحيد القرن الاسود والطيور الاليفة النظيفة الظريفة خصوصا البط
كويس معنوايتك عالية العزال قالو عيان لشفاك نزور
Post: #29 Title: Re: القات في Rinkeby Author: adil amin Date: 07-23-2021, 06:36 AM Parent: #28
Quote: صدق يا علي انا فتحت البوست ده بي سببك انت لأنه في بوستك بتاع الفيضان عادل جا قال ليك بتولول مالك يا ماسورة وانا عارفك لأنك رجل طيب ومسالم ما بتكون شفتها أو تجاوزتها فقمت قلت أردم دولي صاحبي ده لأني أنا زولو وحبة بندولو وبعرف أواسيهو كويس الأ 😂😂😂😂
اها يمنتصر انقلب السحر علي الساحر اها عمك طلع ماسورة ما فهم البوست انامش قلت ليك الحلفاويين ديل مواسير البركة في الرباطاب والله كمان لمن تلقي ليك حلفاوي زي محي دين صابر 1969 عامل فيها عربي ناصري ولي سجم رماد طلع دين المناهج السودانية وخلانا الظل الاعوج لي مصر تقول فعلا ...الناس القصار طالو هسة عليك الله واسيت منو ؟؟؟ غايتو انا واسيت خضر وعيدت عليه كويس قام عليه الصمرقع ....
Post: #30 Title: Re: القات في Rinkeby Author: خضر الطيب Date: 07-23-2021, 06:48 AM Parent: #29
Quote: كلاب الحر وحيد القرن الاسود والطيور الاليفة النظيفة الظريفة خصوصا البط
بديهي المهتمين بالحيوانات بكونو من نفس النوع اها كمان ما بتحب الكدايس ؟
Post: #32 Title: Re: القات في Rinkeby Author: adil amin Date: 07-24-2021, 03:24 AM Parent: #30
Quote: بديهي المهتمين بالحيوانات بكونو من نفس النوع اها كمان ما بتحب الكدايس ؟
https://top4top.io/ بي الذات الكديسة النازلة انتخابات دي يا مسكين وال############.ان بتاعين قحت كمان وقدر ما نفرمتك ترجع تتحلج يا خضر انت مالك ومالي انا كيف ولي قاعد وين ولي بعمل في شنو انت باحث اجتماعي ولي مفتش اراضي
كنت بكتب في مذكراتي باسم جقود يتداعي لكن عجبني حميدتي لمن رفع جبونكم يا اعجاز النخل الخاوية واعجاز النخل المنقعر غيرت العنوان لماذا انا ماسورة باقي يوم بس لهدنة العيد تعال رفس زي ما عايز الفارات شردو خلو البوست اصلو التعامل بي الوزن بريح العقل تمام في البورد وانت وزنك ده ما بنفع معاي
Quote: وقدر ما نفرمتك ترجع تتحلج يا خضر انت مالك ومالي انا كيف ولي قاعد وين ولي بعمل في شنو انت باحث اجتماعي ولي مفتش اراضي
تفرمت منو يا بطة انا افرمتك و افرمت بلد بي حالا بعد ما فُتا رحلتا بي جاي و كون اتفقدك دي اسنها الريدة بين الناس صلة .. او من جانب آخر اسمها يا قصيبة السكر الني ما بسيبك إن بقيت يا حي يا طلائع مايو انت يا مايو الخلاص يا جداراً من رصاص .. احيي انا يا ناكر الجميل يا حنكوش نهر دقنة..اموت انا في حمام نهر دقنة
يا خدر انت بتهظر ولا دولي كان فعلاً من الأشبال والطلائع والرواد بتاعين أيتام مايو ناس أبوكم مين ويا مايو حبيب زي أمي وأبوي وأختي وأخوي ، عيب الشوم يا جنكو ما هقيتها منك 😂
Quote: يا خدر انت بتهظر ولا دولي كان فعلاً من الأشبال والطلائع والرواد بتاعين أيتام مايو ناس أبوكم مين ويا مايو حبيب زي أمي وأبوي وأختي وأخوي ، عيب الشوم يا جنكو ما هقيتها منك 😂
و الله ذي ما اقول ليك يا مونتي انحنا كنا في نهر دينار نهر الشفوت و البطة دا في نهر الحناكيش . شتان بين نهرالشفوت و الحناكيش اولاد المدرسين بعدها عملو بينا وبين الحناكيش ناس معتز القريش و البطة عدولي سياج عدولي دا خليهو ينكر و كان عدولي الوغد من طلائع مايو
Post: #36 Title: Re: القات في Rinkeby Author: بدر الدين الأمير Date: 07-24-2021, 08:21 PM Parent: #35
يعنى الحصة تخزين قات وانتو شن عرفكم بلقات وانواع القات طبعا افضل الانواع هو الاثيوبى وبعده اليمنى ومن ثم الصومالى وجلسات القات لها طقوصها والجلسة بتستمر لمدة 8 ساعات وجلسات مضغ القات تسمى تخزين
Post: #38 Title: Re: القات في Rinkeby Author: اسامة محمد ابوبكر Date: 07-24-2021, 11:25 PM Parent: #37
Quote: أيوة في كيرونا سنة زي قرن الخروب زي ما بقولوا المصاروة لولا الصحبة لجنينا يا صاح
سنة بس يا منتصر!! والله بختك ياخ, علي بالحرام 7 سنوات فى ماربلقيت اتجاه يالفاري الله لا عادها من ايام
Post: #39 Title: Re: القات في Rinkeby Author: adil amin Date: 07-25-2021, 04:48 AM Parent: #38
Quote: اصلو التعامل بي الوزن بريح العقل تمام في البورد وانت وزنك ده ما بنفع معاي
انقرع يا خضر...زمانك فات وغنايك مات (الطيب مصطفي ) هسة انت وجي ولي وجوو نوديك شيخ العيير ولي قبة الشيخ البرير قلنا ليك ما بتنفع معاي خليني اهري كعوك المركز ربع الدماغ ده كنت ساكن وين وماع عارف شنو في نوع من السودانيين وفي البورد ده بتخيل نفسو كان قاعد في كندا او امريكا او السويد او واق الواق امتياز وليس ميزة وشايفين قعاد جقود في اليمن ده مسخرة وطبعا السؤال الما بقدرو يجاوبو ما مهم انت قاعد وين لكن اضفت للمجتمع او الدولة الانت قاعد فيها شنو الصوماليين بقو سنوترات ونواب برلمان في اورويا واعادو بناء بلدهم من جديد من غير شرمطة الامم المتحدة انت يا مستكع 30 سنة في العالم الحر عملت شنو ماذا انجزت فكريا او ثقافيا او سياسيا او حتي عملك ذاتو يجلب الاحترام للسودان حتي لو راعي في صحراء المملكة المبهرة عليك الله يا خضر ديل ناس تباريههم العواطلية بتاعين ام درمان ديل ياخ يا خضر لو كنت قاعد في الصين كنت نفعت ناس مشاريع الاعاشة وجبتا ليهم طلمبات بالطاقة الشمسية تريحهم من الجزلين ولواطة دول الخليج دي والشحدة المخزية الما جابت للسودان الا العار واحلته دار البوار اها تباريني يا خضر ولا يمسكك الصمرقع ...
Post: #41 Title: Re: القات في Rinkeby Author: Ahmed Yassin Date: 07-25-2021, 05:02 AM Parent: #39
البوست دا عن شنو تحديدا ؟ خروب ولا قات ولا كدايس وقرود صومالية ولا شكلة؟ يعني منتصر لامن جاب سيرة مدينة "كيرونا" البتهد الحيل الواحد كان عايز يحكي ليكم قصة السوداني العجيب "سليمان" والعمله في مبنى الهجرة واللاجئين هناك لان الموقف العملوا الزول دا .. مافي بني ادم نصيح بعمله. اكيد بعرف( Almuntasir) دا
Post: #42 Title: Re: القات في Rinkeby Author: adil amin Date: 07-25-2021, 05:03 AM Parent: #37
Quote: متونس يا إريرا ..... 🤣🤣🤣
انت وزنك كم با ابو الحصين لاني اتعامل بي الوزن بس طال ما المخ ما شغال في مرحلة...ما بعد الانقاذ الغبية عليك الله هسة احسن انت ولي الراعي ده في السعودية
الراعي ده احسن من العفن السياسي الانت مباريه في ام درمان من ولدوك لحدي هسة سجل موقف مشرف وعايزة كانت تقشر بيه الانقاذ التافهة المنحطة
Post: #40 Title: Re: القات في Rinkeby Author: adil amin Date: 07-25-2021, 04:57 AM Parent: #33
Quote: تفرمت منو يا بطة انا افرمتك و افرمت بلد بي حالا بعد ما فُتا رحلتا بي جاي و كون اتفقدك دي اسنها الريدة بين الناس صلة .. او من جانب آخر اسمها يا قصيبة السكر الني ما بسيبك إن بقيت يا حي يا طلائع مايو انت يا مايو الخلاص يا جداراً من رصاص .. احيي انا يا ناكر الجميل يا حنكوش نهر دقنة..اموت انا في حمام نهر دقنة
ده شنو هسة ده ...يا جماعة الزول ده الحقو لحق امات طه عديل وفي رواية اخرى بريمة بعد ده يودوك الضل بس لحدي اجي ارجعك قبة الشيخ البرير بس وتتفرمت رجالة كده ..وتخلي خمج ناس الخرطوم الما نافع ده مايو شنو يا مسكين انا كنت خارج السودان ان ذاك دي كانت حلاوة طلائع ونحن من زمن بسكويت كوكو وحلاوة قصب تصدق لقيتا في اليمن بسموها ذب غوار نجيب ليك بندول معاوية المدير ؟؟؟ وهسة نهر دقنة ولي ابو عنجة ؟؟ يا بليد والله يا جماعة حالة خضر ده اصلو ما عاجباني
Post: #43 Title: Re: القات في Rinkeby Author: adil amin Date: 07-25-2021, 05:16 AM Parent: #1
ومن بؤسك قايل الصوامليين ادني منك منزلة (دي سيكلوجية ناس الخرطوم) ما عدا شوقي بدري ما اتعلمت من الصوماليين اي حاجة وكبرت اللفة في البوست عشان تجيني بالشنقيطي وتعمل فيها ذكي كالمعتاد طيب نحن من خلال تعاملنا مع الصوماليين الذين يحترمون السودانيين جدا جدا ...في اليمن وماساتهم 30 سنة استطعت لت التقط منهم روايات وقصص واستخدمت فيها الادوات الابداعية وعملت القصة دي طال ما البوست عن الصوماليين
اما قصة القات انا ما بخزن ولا حصل خزنت من الاساس يللا ورينا كده بوست تاني عبر لينا عن شعورك ورينا انت قاعد وين وقعد تعمل في شنو غير الونسة الهنا دي
كانت الأخبار والقرارات التي تبثها الإذاعة في أيام سياد بري تكتنفها الغرابة، ليست الغرابة الإيجابية التي تزيد من حب ورضا المواطنين عن الحكومة ، بل الغرابة التي تجعل الناس تشعر بالتوجس والامتعاض العميق الذي تشوبه الكآبة لما يواكب تلك القرارات من العسف والكثير من الفواجع والمآسي ... أذاع الراديو القرار العجيب " ان الدولة تزمع علي تأميم الجمال !!!" نعم تؤمم الجمال كجزء من السياسات الاشتراكية المشوهة التي تعاني منها دول العالم الثالث ... في ذلك اليوم المشهود جلس عبد الله الشيخ وهو من كبار قبيلة كاميلوا وهي تعني تقريبا ً الناس الذين يحبون الجمال ، تلك الحيوانات النبيلة، ذات العيون الدامعة الجميلة والأهداب السوداء الطويلة. جلس عبد الله بين أفراد قبيلته في الأصيل ذو الشفق الدامي وأشعة الشمس الذهبية المشوبة بالحمرة تغمر الوادي الممتد أمامه ترتع فيه الجمال في وداعة وسلام وجهاز الراديو الذي لا يفارقه أبداً يقبع علي الرمال بجواره وأبنه عثمان وأبنته أرويلا وزوجته حليمة يجلس نعلي الرمال مع أفراد القبيلة وقد أدهشهم الخبر العجيب ، ينظرون بأعينهم المتسائلة الي وجه عبد الله الأسمر الصارم وعينيه الخمريتين تحدقان في الأفق البعيد ، الأفق الذي يأتي دائما بالكوارث والسيارات المحملة بالجنود، لأول وهلة يبدو أنه، أي عبد الله قد انفصل عن الوجوه الطيبة المنثورة حوله وسبح بعيداً في بحر الذكريات ، كان الوحيد أو علي الادق من القلائل الذين زاروا أوربا .. أختفي من القرية وهو في السادس عشر من عمره في الزمن الغابر ثم عاد لهم في العقد الرابع من عمره محمل بتجارب السنين من أوروبا من ظلمة المدن المسورة بالهواجس والضياع .. طافت ابتسامة حزينة علي شفتيه المذمومتين بإصرار وهو بتداعي في الذكريات الي الحادثة الغريبة التي جاءت به مرة أخرى الي الصومال ، لا يزال يذكر عندما هرب الي مقديشو العاصمة في ذلك الزمن الغابر وتمكن من الإبحار علي ظهر سفينة إيطالية إلى ميلانو ، هناك عمل في مطعم يملكه إيطالي طيب . ظل يعمل ويدرس أيضا حتى تمكن من الحصول علي شهادة في الهندسة المعمارية ، تزوج من أبنت صاحب المطعم الإيطالي وانجب منها ثلاثة أطفال ولدين وبنت ، فتح مكتب هندسي في المدينة وتحول إلى رجل ثري من أعلام المدينة للنماذج المعمارية التي لا تخلو من السحر الأفريقي الذي يعرضها مكتبه ، واصبح يحمل الجنسية الإيطالية بكل فخر ... طيلة حياته الناعمة والممتعة والفاحشة الثراء كان يحس أن هناك شئ ما يبكي بداخله أنها نوستلجيا أفريقيا التي تكمن في أبنائها كمون النار في الحطب وتظل تنادي أبنائها ذلك النداء الغامض الخفي أينما ذهبوا ... هذا الحنين الجارف إلى ماما أفريكا يحتاج فقط الي باعث يعمل كمثير شرطي حتى يفجر داخل الإنسان، أذن تلك الحادثة الغريبة التي جاءت به الي الصومال لم تكن وليدة الصدفة .. في ذلك اليوم وحده بطاقة دعوة في مكتبه تدعوه لزيارة معرض ميلانو الدولي .. أخذ زوجته وأطفاله لزيارة المعرض .. عندما دخل المعرض كانت هناك فترينة من الزجاج المصقول ، بداخلها نموذج مذهل لجمل بالحجم الطبيعي دعاية لشركة طيران لدولة عربية ، صنعتها أنامل فنان موهوب .. الجسم مصنوع من القطيفة الذهبية عليه وبر من الحرير ، العينان باللروعة دامعتان تلمعان كأن بهما حياة ، من الياقوت الفاخر والأهداب من الدانتيلا السوداء الموشاة بالألياف الصناعية .. تسمر عبد الله أمام هذه القطعة كالمصعوق ، ثم اقترب من الزجاج المصقول، لم يستطع الفكاك من السحر والغموض الذي يشع من تلك القطعة الفنية .." قطعة من كاميلوا في إيطاليا ، سبحان الله !!" اختفت كل المحسوسات حوله وأسرته الصغيرة التي تقف بجواره في دهشة وزوار المعرض والرنين المعدني للأقدام في البلاط اللامع .. فقط بقي الجمل والصحراء التي حلت بالمكان وأنين رياحها الوفية الممزوجة بنداءات أفراد قبيلة كاميلوا لقد عاد به الزمن بسرعة كأنه في زورق يمضي علي الصحراء عبر سراب ..آلي الطفولة البعيدة ، أندفع عبد الله بسرعة نحو الجمل بصورة مفاجئة فتهشمت الواجهة الزجاجية الرقيقة .. صعقت المفاجئة الجميع، تحلقوا حول الرجل الذي أندفع يحضن الجمل ويبكي بحرقة ، كانت حادثة غريبة استنكرتها زوجته الإيطالية في ذلك الحين ولكن عندما غادروا الي البيت من مخفر الشرطة وبعد دفع الغرامة كان كل شئ قد انتهي ، قرر ترك أوربا والعودة آلي الصومال ...طلق زوجته وترك لها كل ثروته ولم يأسف علي ذلك قط ركب الطائرة العائدة آلي بلاده .. عندما وطأت أقدامه أرض المطار اندفعت الدموع الغزيرة تبلل كل شئ كأنما كانت تشارك الأمطار الغزيرة التي كانت تهطل بكثافة، ترحب بالعائد الي أرض الوطن ..ركب سيارة متهالكة الي حيث تقيم قبيلته وهناك تخلص من الملابسة الغربية الفاخرة وارتدي ملابس أهله الرعاة التي تفوح منها رائحة الجمال . عاد أبنهم عبد الله .. ابن شيخ القبيلة ، فرحوا به وزوجوه حليمة الجميلة التي انجب منها ولديه عثمان وأرويلا، لم يسألوه قط اين كان ولماذا عاد ؟؟ اليوم وبعد عشرة أعوام في الصومال يجلس بين أفراد أسرته وقبيلته يسمع القرار الغريب ويحدق في الأفق البعيد حيث يندفع الغبار آلي عنان السماء تحت وطأة السيارة العسكرية المحملة بالجنود التي كانت تلوح هناك وتقترب من الوادي رويدا رويداً .. توقفت السيارة عن كثب في قلب الوادي وسط الجمال المفزوعة ونزل منها ضابط مخمور يتهدد ويتوعد ويرغي ويزبد بتسلي بإطلاق النار علي الجمال .. كلن بارعاً في التصويب طلقة واحدة من بين العينين يستدير هذا المخلوق التعيس وينطوي علي نفسه ويسقط علي الأرض مثيراً زوبعة من الغبار .. ويندفع الدم ممزوجاً بالدموع من العينين الجميلتين ذات الأهداب الطويلة ويرفس برجله قليلا ثم يهمد، مع كل جمل يخر صريعاً كانت تسقط قلوب أفراد القبيلة وتتقطع آلما وهم ينظرون الي ابن الشيخ .. ألتفت عبد الله الي ابنه عثمان وردد من خلال أسنانه المصكوكة : ـ " أذهب يا بني الي ذلك الضابط المأفون وأخبره أن تأميم الجمال هو أن تأخذها الدولة وليس تقتلها " . تعض عثمان الشجاع وهرول نحو الوادي وأقترب من الضابط وردد بصوت عال : ـ " يقول لك أبي خذ الجمال فقط ولا تقتلها ". التفت الضابط في امتعاض وأطلق النار علي أذن الصبي، طار صوابه من الذهول والألم وأخذ يركض ويصرخ والدم يندفع من أذنه وهرب بعيداً ..نهضت آلام المكلومة حليمة وانحدرت نحو الوادي خلف أبنها الذي اختل عقله .. واستمرت سيمفونية الرعب والرصاص تردده جنبات الوادي الممزوج بنواح الجمال المذعورة . التفت عبد الله إلى أبنته أرويلا: أرويلا أذهبي الي الخيمة واحضري البندقية من الصندوق ، نهضت الفتاة ودخلت إلى الكوخ وجاءت تنوء بحملها الثقيل الي أبيها ، أخرج عبد الله البندقية اللامعة من جرابها كان ينظفها دائما لمثل هذا اليوم المشؤوم ، عبث بإصبعه في الجراب الملحق بها وأخرج طلقتين و وضعهما داخل الخزانة ثم نهض واستدار بجسده نحو الوادي حيث يجلس الضابط وحوله الجنود يحشون المسدسات ، أحصت عينا عبد الله الفاحصتين الجمال النافقة بدقة. ـ " سبع وتسعون ...ثمان وتسعون .. تسع وتسعون " ودوت طلقتان ناريتان سقط الجمل رقم مائة وسقط معه الضابط والدم يندفع بين عينيه فقد كان عبد الله يجيد التصويب أيضاً، ظل الضابط يرفس برجليه ثم همد جسده في نفس الوقت مع الجمل رقم مائة ... ألقي عبد الله البندقية جانبا وردد في تشفي : ـ" هذه بتلك مائة جمل تساوي روح هذا التعس " لم يمهل عبد الله الجنود الذين تجمعوا حول ضابطهم في دهشة وذهول ، أمتطي أحد الجمال القريبة منه، أندفع عبر الصحراء حتي غاب في الافق حيث قرص الشمس الغارب ، أنه لن يخاف أبداً ..فهو يعرف طريقه الي العالم الحر....*
************
كاتب من السودان مقيم في اليمن* من مجموعة "كل الوان الظلام"صدرت فى اليمن من مركز عبادى للدراسات والنشر 1999
Post: #44 Title: Re: القات في Rinkeby Author: adil amin Date: 07-25-2021, 05:20 AM Parent: #43
انتهت هدنة العيد وكل قرد يطلع جبلو كفاية القردة البتلهو في سوق السياسة السودانية الباير وقلبي ما بعرف يعادي
لكن معط منتصر واجب وطني
Post: #45 Title: Re: القات في Rinkeby Author: muntasir Date: 07-25-2021, 06:52 AM Parent: #44
جنكو كدي ما تكبر اللفة كدي كنت ما ناس خليتنا نحس بالعزة تهز كل كياننا لحدي سنة كم لأنو القاعدة لو كنت مايوي لحدي رابعة كُتاب ما محسوبة لكن بعد داك ينظر ويفاد وكمان كان كنت في طلائع مايو عشان الباسطة قول نحن أخوانك and the truth will set you free فشنو رد على خضر ده من ناشئة أب عاج ولا قول رافض 😂
Post: #46 Title: Re: القات في Rinkeby Author: خضر الطيب Date: 07-25-2021, 06:57 AM Parent: #44
Quote: وهسة نهر دقنة ولي ابو عنجة ؟؟ يا بليد والله يا جماعة حالة خضر ده اصلو ما عاجباني
انت قايل في فرق يا عدولي يا بطة ؟ نهر دقنة كان للبنات ونهر ابو عنجة كان كلو ك دايس من نوعك انت و معتز القريش و ود المحافظ السيد محمد الشعار دا تاريخ يا ارنب
Post: #47 Title: Re: القات في Rinkeby Author: muntasir Date: 07-25-2021, 07:08 AM Parent: #44
Post: #48 Title: Re: القات في Rinkeby Author: خضر الطيب Date: 07-25-2021, 07:37 AM Parent: #47
Quote: رد على خضر ده من ناشئة أب عاج ولا قول رافض 😂
هو شرفُ لا يدعيه و تهمةُ لا ينكرها خليني انا اسأل معتز القريش بقول ليك الحقيقة بعدين انحنا كنا رمتالة ساي لكن كنا اشطر من الهنجوكات ديل كنا بنجي ندقهم نشيل اللانش بوكس بتاعم و الغزوات دي بتكون وكت الفطور طبعاً كنا وكتها بناكل من المقصف المدرسي و الفول قطع مصارينا و كرهناهو الحلوات ديل كانو بجيبو بيض و سجوك و جبنة و باسطرما و طحنية و مربة راحات ياخ الاساتذة عملو سياج بينا و بينهم بقينا نجي نعاين بس .. وانا ما سرقتا بس جيت اعاين ..بعاين عدولي دا كان راسو سغييير و اضنينو كبار غايتو كان ما ربك ستر كان بكون بشبه الحمار المهم هسي هو قريب غتا :)
Post: #49 Title: Re: القات في Rinkeby Author: خضر الطيب Date: 07-25-2021, 07:55 AM Parent: #48
Quote: مايو شنو يا مسكين انا كنت خارج السودان ان ذاك
كنت في بعثة مثلاً و لا اتبنتك اسرة انقليزية ؟ والدك له الرحمة و المغفرة استاذ اساتذتنا وكتها كان مدير معهد التربية بخت الرضا و دا تاريخ ثابت و في نفس الفترة انت كنت في مدرسة بخت الرضا فما تنكر يا طلائع مايو يعني الموضوع ما خطير مايو خلاص انتهت اصحا... يا جحبور الحوثيين و قلبي ما بعرف يعادي ... اصلو ما بقدر يعادي و لما يبدا القسوة قلبك .....تلقى بالحنية بادي
