Post: #2 Title: Re: الحلقة النادرة الكاملة التي تغنت فيها الر Author: بدر الدين الأمير Date: 07-13-2021, 02:11 PM Parent: #1
يحى ياقبانى ياخى دى سهرة تقوم شعر الرأس وبتشرق المابتشرق
Post: #3 Title: Re: الحلقة النادرة الكاملة التي تغنت فيها الر Author: بدر الدين الأمير Date: 07-13-2021, 02:15 PM Parent: #2
اقول وبتصرف قد يطاق الجمال فردا بس كيف يطاق حين يجتمع كله فى سهرة واحدة
Post: #4 Title: Re: الحلقة النادرة الكاملة التي تغنت فيها الر Author: يحي قباني Date: 07-13-2021, 02:15 PM Parent: #2
و يقولوا ليك يا امير .. مافي حاجة اسمها الزمن الجميل ..
عليك ربك شوف كمية الابداع الجوه الناس ديل ..
تقول لي الطاهر التوم مدير قناه !!!!
الله يرحمنا برحمته بس ..
Post: #5 Title: Re: الحلقة النادرة الكاملة التي تغنت فيها الر Author: الشيخ سيد أحمد Date: 07-13-2021, 02:30 PM Parent: #4
يوم بتكتل ليك زول يا قبه:) ياخي انت زول مسلط خلاص. حاجة من بيت الكلاوي. شكرآ شكرآ شكرآ يا حبيبنا.
Post: #6 Title: Re: الحلقة النادرة الكاملة التي تغنت فيها الر Author: بدر الدين الأمير Date: 07-13-2021, 02:30 PM Parent: #4
ياقبانى خلينا من الجخس الطاهر التوم وقناة عبد الحى النى دا ارشيف جمالى وجدانى ما بقدر يمحيهو كائن من كان المشروع الحضارى ولا المافون الطيب مصطفى اوالمسجون الطيب سيخة او المعتوه بشة دا السودان للسودانين بكل ثقافاتهم
Post: #7 Title: Re: الحلقة النادرة الكاملة التي تغنت فيها الر Author: بدر الدين الأمير Date: 07-13-2021, 02:40 PM Parent: #6
الشيخ ياسيد احمد هى سهرة خرطومية بمتياز وانا كقروى حركت فينى عصب السكون ورجعت لمكتبتى عشان اعيد واعيد قراءتى لمقال المفكر المبدع دكتورمنصور خالد في رثاء الفنان خوجلى عثمان الذى قتله اهل الغيهب
Post: #8 Title: Re: الحلقة النادرة الكاملة التي تغنت فيها الر Author: Ali Alkanzi Date: 07-13-2021, 02:56 PM Parent: #7
حياك الله يا قبة وقد احيت في نفوسنا ايام الشباب والصبى اليقين بان الاتي افضل اللهم اجعل الجنة مثواها فقدت اهدتنا في شبابنا الامل وزرعت في نفوسنا السعي الجاد في كل صباح جديد
Quote: ذكري استشهاد ليلي وهيام المغربي في مثل هذا اليوم المبارك.. يوم التروية من الليالي العشر التي اقسم بها الله في سورة الفجر استشهدت ليلي وهيام في حادث مروري وهما في الطريق الي مكة من مدينة جدة وسائق العربة لم يمت بل كسرت ساقه وحملوه الي مستشفي في جدة.. اما ليلي وهيام فقد ذهبوا بهما الي مدينة مكة .. وكانتا ساعتها علي قيد الحياة وليلي توفاه الله عند باب المستشفي وهيام اجروا لها عملية جراحية لان الضلع كما قالوا وجدوها تضغط علي القلب.. وتوفيت هيام وهي داخل غرفة العمليات .. ووضعت ليلي وهيام في ثلاجة المشرحة وكتبوا عليهما مجهولتا الهوية.. وبقيتا في المشرحة الي نهاية مراسم الحج وكان معهما في الطائرة التي سافرتا بها من الخرطوم مولانا الشيخ عبد الباقي الفادني فقال لي انه بعد نهاية الحج عاد الي جدة وذهب الي فندق الرحاب الذي نزلت به ليلي وهيام .. فعلم منهم بحادث الحركة الذي ادي الي الوفاة وسال عنهما فقالوا له انهما موجودتان في المشرحة بمدينة مكة فعاد الشيخ الفادني الي مكة وذهب الي المشرحة فلم يجد اسم ليلي وهيام في الدفاتر وسمحوا له ان يبحث في المشرحة .. فقال لي انه وجدهما وكانت ليلي يرحمها الله باسمة وكأنها نائمة.. فطلب من البنات العاملات في المشرحة تجهيزهما وحملهما بمعاونة اخرين وبحضور قريبهما سعادة اللواء عمر محمد الطيب وزوج شقيقتهما احسان الي امام الحرم المكي الشريف حيث تمت الصلاة عليهما والدعاء لهما بعد صلاة العشاء وبعد ذلك وبعد جهد كبير بذل امكن ان يتم دفنهما في مقابر ام المؤمنين وسيدة نساء العالمين السيدة خديجة بنت خويلد زوجة رسول الله صلي الله عليه وسلم التي ولدت للرسول صلي الله عليه وسلم كل اولاده عدا ابراهيم الذي ولدته ماريا القبطية ومن كراماتها ان الرسول صلي الله عليه وسلم لم يتزوج امرأة قبلها ولم يتزوج عليها قط . وقد دفنت ليلي وهيام مع السيدة خديجة رضي الله عنها في الحجون.
{ وكما قالت صحيفة (الدار) في حينه ان ليلي وهيام المغربي.. سافرتا الي الحج علي حساب رجل سعودي كان قد جاء الي السودان بحثا عن بعض امواله والتقي بالمرحومة ليلي في مكاتب الصداقة الشعبية التي كانت تعمل بها وقدمت له العون.. فقرر ان تسافر هي وشقيقتها هيام علي حسابه لاداء فريضة الحج والعربة التي وقع لها الحادثة عربته.. وقال الشيخ الفادني ان هيام قالت له في الطائرة انها بعد الفراغ من فريضة الحج ستسافر الي قطر لتعمل في فضائية (الجزيرة) .. وهيام هي الوحيدة من بين شقيقاتها غير المتزوجة وليلي كانت متزوجة من عبد العزيز محمد فرح ولها منه ثلاثة ابناء هم صبوح ووضاح وزازان واشقاؤها من الرجال هم حسن وجلال واحمد وشقيقاتها البنات سهام وسنية واحسان ونجاة وهيام وتيسير ووالدهم هو محمود صالح المغربي والده من المغرب ووالدته جعلية عمرابية من جبل ام علي. والمرحومة ليلي المغربي كانت متزوجة قبل عبد العزيز محمد فرح من ابن عمها وطلقت منه ولم تنجب .. واعمامها هم عبد السلام وابراهيم ومبارك المغربي .. وقد تخرجت في جامعة الاحفاد بمدينة امدرمان وعملت طوال عمرها بالاذاعة السودانية وكان ظهورها في التلفزيون قليلا جدا وقد بدات في الاذاعة ببرنامج (اشراقة الصباح) مع حمدي بولاد وكانت وقتذاك ماتزال طالبة في امدرمان الثانوية بنات. وليلي المغربي عرضوا عليها العمل بالسينما فاعتذرت .. لانها اشترطت ان لا تخلع الثوب السوداني.. وكانت واحدة من رائدات كرة السلة بنادي الهلال وقد عملت بجانب الاذاعة السودانية بالاذاعة المصرية التي قدمت بها برنامج (الاشارة خضراء). والمرحومة ليلي المغربي هي التي قال فيها الشاعر محمد يوسف موسي : يا صوتها لما سري عبر الاثير معطرا مثل الحرير نعومة ونداوة وتكسرا مثل الصباح نضارة رشاقة وطلاقة وتخترا الكاتب : ميرغني ابوشنب يوميات ابو شنب- صحيفة الدار
Post: #9 Title: Re: الحلقة النادرة الكاملة التي تغنت فيها الر Author: الشيخ سيد أحمد Date: 07-13-2021, 03:00 PM Parent: #7
حياك الله يا بدرنا
Quote: الشيخ ياسيد احمد هى سهرة خرطومية بمتياز وانا كقروى حركت فينى عصب السكون ورجعت لمكتبتى عشان اعيد واعيد قراءتى لمقال المفكر المبدع دكتورمنصور خالد في رثاء الفنان خوجلى عثمان الذى قتله اهل الغيهب
سهرة زي السهرة يا بدر. ذكرتني زمان كانت الصحف عندها عمود بإسم (اين تسهر هذا المساء). حبيبنا (قبه ) اظنو مساهر من ذلك الزمن ولا زال ليله طفلآ يحبو :)
كسرة: ياخي كل ما اشاهد القنوات التلفزيونية السودانية الاحظ لطريقة الحديث والنسخة المكررة في البرامج والمذيعات. عندها فقط أدرك قدر الفقد الذي فقدناه برحيل الأيقونه (ليلى المغربي).
Post: #10 Title: Re: الحلقة النادرة الكاملة التي تغنت فيها الر Author: بدر الدين الأمير Date: 07-13-2021, 03:17 PM Parent: #9
الشيخ خليك شجاع وقول انك ومنذ طفولتك مكسر في اليلى المغربى والحال من بعضو انا بحب الخرطوم العاصمة وام درمان الاذاعة والتلفزيون دا عشان المدام ماتفهمنى غلط
Post: #11 Title: Re: الحلقة النادرة الكاملة التي تغنت فيها الر Author: الشيخ سيد أحمد Date: 07-13-2021, 03:29 PM Parent: #10
Quote: الشيخ خليك شجاع وقول انك ومنذ طفولتك مكسر في اليلى المغربى والحال من بعضو انا بحب الخرطوم العاصمة وام درمان الاذاعة والتلفزيون دا عشان المدام ماتفهمنى غلط
هههههههه يا بدرنا منو الما كان مكسر - ياخي لمن تجي في التلفزيون يكون الأعمى شايل المسكر:) التلقائية هي كلمة السر- المتابع ذكي ولماح وقادر انو يفرق بين التكلف والتلقائية. اضف لذلك إطلاعها ومذاكرتها لضيوفها بالصورة البتخليها تمسك بدفة الحوار بدون إرباك المتابع. الله يرحمها برحمته الواسعة.
بالغت يا بدرنا يعني تحب الخرطوم وام درمان وتنسانا في بحري :( يا شماتة (قبه) فينا :)
Post: #12 Title: Re: الحلقة النادرة الكاملة التي تغنت فيها الر Author: يحي قباني Date: 07-13-2021, 04:28 PM Parent: #11
Quote: يوم بتكتل ليك زول يا قبه:) ياخي انت زول مسلط خلاص. حاجة من بيت الكلاوي. شكرآ شكرآ شكرآ يا حبيبنا.
شخشوخ ازيك ..
سهرة من زمن الواحد كان واحد صحيح ..
Post: #13 Title: Re: الحلقة النادرة الكاملة التي تغنت فيها الر Author: يحي قباني Date: 07-13-2021, 04:39 PM Parent: #12
Quote: ياقبانى خلينا من الجخس الطاهر التوم وقناة عبد الحى النى دا ارشيف جمالى وجدانى ما بقدر يمحيهو كائن من كان المشروع الحضارى ولا المافون الطيب مصطفى اوالمسجون الطيب سيخة او المعتوه بشة دا السودان للسودانين بكل ثقافاتهم
شفت كيف يا أمير ..
قدر ما حاولوا يمسحوا و يهدموا .. الدرر و التاريخ الناصع قاعد و محفوظ ..
قالوا روحهم هدموا المواطن السوداني .. و نسوا انو المواطن اصيل و مسكون خلقه بالجمال ..
حتى الوقعوا في الفخ .. لابد يفوقوا ..
Post: #14 Title: Re: الحلقة النادرة الكاملة التي تغنت فيها الر Author: يحي قباني Date: 07-14-2021, 00:05 AM Parent: #13
Quote: حياك الله يا قبة وقد احيت في نفوسنا ايام الشباب والصبى اليقين بان الاتي افضل اللهم اجعل الجنة مثواها فقدت اهدتنا في شبابنا الامل وزرعت في نفوسنا السعي الجاد في كل صباح جديد
Post: #15 Title: Re: الحلقة النادرة الكاملة التي تغنت فيها الر Author: يحي قباني Date: 07-14-2021, 04:33 AM Parent: #14
up
بعد إغراق زهير بعشر للمنبر بالأخبار الواتسآبيه ..
Post: #16 Title: Re: الحلقة النادرة الكاملة التي تغنت فيها الر Author: يحي قباني Date: 07-14-2021, 04:50 AM Parent: #15
Quote: بالغت يا بدرنا يعني تحب الخرطوم وام درمان وتنسانا في بحري :( يا شماتة (قبه) فينا :)
انا قلت شي ؟
براها اصلها كده .. باي ديفولت ..
Post: #17 Title: Re: الحلقة النادرة الكاملة التي تغنت فيها الر Author: أبوذر بابكر Date: 07-14-2021, 04:57 AM Parent: #1
الزولة النادرة الكاملة
العنوان مفروض يكون كدا
مالك علينا يا قباني ياخ
هسه الزول يقول شنو عليك الله
Post: #18 Title: Re: الحلقة النادرة الكاملة التي تغنت فيها الر Author: يحي قباني Date: 07-14-2021, 12:45 PM Parent: #17
Quote: الزولة النادرة الكاملة
العنوان مفروض يكون كدا
مالك علينا يا قباني ياخ
هسه الزول يقول شنو عليك الله
ما تقول شي يا فنان ..
تتحسر زينا كده و بس ..
Post: #19 Title: Re: الحلقة النادرة الكاملة التي تغنت فيها الر Author: Ahmed Yassin Date: 07-14-2021, 12:54 PM Parent: #18
ماذا يكون وصوتها صوت السماء من الثرى يا صوتها ياروعة لحناً طبيعياً سرى
Post: #20 Title: Re: الحلقة النادرة الكاملة التي تغنت فيها الر Author: يحي قباني Date: 07-14-2021, 01:10 PM Parent: #19
القصة مافي بس قلبة الحلقة ٣٦٠ درجة
القصة انها استعانت بي خمسة اشخاص في مواقع مختلفه في الاذاعة و هم الكانو موجودين في اللحظة ديك .. و مرق منهم كل الفن و الابداع ده ..
اقول يا ربي .. كم زول تاني في الاذاعة غيرهم جواه ابداع و فن و ما ظهر لينا !!
Post: #21 Title: Re: الحلقة النادرة الكاملة التي تغنت فيها الر Author: بدر الدين الأمير Date: 07-14-2021, 01:33 PM Parent: #20
الشيخ ياسيد احمد ياخى انا بحب بحرى اوى اوى والمدام من بحرى بيتهم قرب البابورات مالك يالشيخ داير تجيب لينا لهوى مش كفاية حبسة الكرونا وعشان اشمتك اكتر المدام زميلة في المنبر وزميلة في العمل وزميلة في المنزل مش انا زول جنته مضمونة
Post: #22 Title: Re: الحلقة النادرة الكاملة التي تغنت فيها الر Author: يحي قباني Date: 07-14-2021, 01:45 PM Parent: #21
Quote: المدام زميلة في المنبر وزميلة في العمل وزميلة في المنزل مش انا زول جنته مضمونة
نعم نعم فوراء كل رجل عظيم .. إمرأه ..
تنسيه همها .. 😂
Post: #23 Title: Re: الحلقة النادرة الكاملة التي تغنت فيها الر Author: الشيخ سيد أحمد Date: 07-14-2021, 01:50 PM Parent: #22
Quote: انا قلت شي ؟
براها اصلها كده .. باي ديفولت ..
هههههههه
يا قبه عارفك ما ح تفوت الموضوع ساكت :)
بحري سر الهوى.
Post: #24 Title: Re: الحلقة النادرة الكاملة التي تغنت فيها الر Author: الشيخ سيد أحمد Date: 07-14-2021, 01:50 PM Parent: #22
Quote: انا قلت شي ؟
براها اصلها كده .. باي ديفولت ..
هههههههه
يا قبه عارفك ما ح تفوت الموضوع ساكت :)
بحري سر الهوى.
Post: #25 Title: Re: الحلقة النادرة الكاملة التي تغنت فيها الر Author: الشيخ سيد أحمد Date: 07-14-2021, 02:00 PM
Quote: الشيخ ياسيد احمد ياخى انا بحب بحرى اوى اوى والمدام من بحرى بيتهم قرب البابورات مالك يالشيخ داير تجيب لينا لهوى مش كفاية حبسة الكرونا وعشان اشمتك اكتر المدام زميلة في المنبر وزميلة في العمل وزميلة في المنزل مش انا زول جنته مضمونة
هههههههه
يا بدرنا- ده سر الجمال الفيك. البت بتنا ومن عندنا - من بحري الجمال. كمان من حلة حمد- يا زول دي بت شيوخ عدييييل. أحسن حاجه انها لاعبه معاك مان 2 مان في البيت والشغل ومنبر بكري اب صلعه :) التحيات النواضر لي بتنا (نجمه).
كسرة: الزبير الختمي ولا (عادل امين) ما اظنهم عارفين المدام من تالا ضريح (حمد ود ام مريوم) كانو هنضبوك يا بدرنا:)
كسرة اخيرة: يا قبه ما عنكم ضريح في ام درمان ههههههههه.
Post: #26 Title: Re: الحلقة النادرة الكاملة التي تغنت فيها الر Author: Ali Alkanzi Date: 07-14-2021, 05:56 PM Parent: #25
واضح انو بدر دا محاصر وعليه رقابة رادارية
Quote: المدام زميلة في المنبر وزميلة في العمل وزميلة في المنزل مش انا زول جنته مضمونة
يا اخي انا ما شفتا لي زول بغازل زول في القبر بالله دا كلام الكلام التحت د بقول زول عاقل
Quote: خليك شجاع وقول انك ومنذ طفولتك مكسر في اليلى المغربى والحال من بعضو انا بحب الخرطوم العاصمة وام درمان الاذاعة والتلفزيون
عشان كدا انت زي صاحبي لمن يجي مارق مشوار غير العمل طوالي المدام تطلب من زوجها (صاحبي) ان يرافقه ابنه الصغير بدعوى الولد يغير شوية ولكن الهدف اصطحاب برج المراقبة
Post: #27 Title: Re: الحلقة النادرة الكاملة التي تغنت فيها الر Author: Ali Alkanzi Date: 07-14-2021, 06:06 PM Parent: #26
Post: #28 Title: Re: الحلقة النادرة الكاملة التي تغنت فيها الر Author: بدر الدين الأمير Date: 07-14-2021, 08:50 PM Parent: #27
تعرف ياكنزى زميلة المنزل والعمل والمنبر لمن جات قطر قبل 8 سنوات وبمجرد عملت ليها الاقامة دخلتها مدرسة السواقة عشان ارتاح من ودينى ويجيبنى وخصوصا نسابتها ناس اربجى بالكوم هنا ومناسباتهم ما بتخلص وامتحنات رخصة السواقة هنا اهون منه امتحان الشهادة المهم زولتكم بعد خمسة حصص تدريب قالت دايرة تمتحن ومن اول امتحان ادوها رخصة السواقة قلت لها بالغتى يابت بحرى تاخدى الرخصة من اول امتحان قالت اسمع ياعربى اربجى انا قبل ما اجيك هنا وقفت سيارتى في بيت ابوى انت قبل ماتجى قطر كنت سايق شنو فى اربجى وعلت لى سقار وقلت لها امشى جهزى الغدا وشلت التلفون واتصلت بوالدها له الرحمة وكان صاحبى اكتر منه نسيبى وحكيت له الحصل ضحك وقال يابدرالدين انت قنطرت رقبتك وبت السر ماقصرت عافى منها
Post: #29 Title: Re: الحلقة النادرة الكاملة التي تغنت فيها الر Author: Osman Musa Date: 07-15-2021, 11:01 AM Parent: #28
يا أخ قباني عيدك مبارك . ودي اجمل تفريحة بمناسبة الصحية . ما انو مشغول بمشغولية شغل العيد وزحمة زبائن العيد . الأ يا قباني صوت النجمة الراحلة. اجبرني اشاركك التفريحة. وبرجع للبوست وإعادة السمع . ياخ ربنا يخدر ضراعك.
Post: #30 Title: Re: الحلقة النادرة الكاملة التي تغنت فيها الر Author: يحي قباني Date: 07-20-2021, 04:33 PM Parent: #29
Quote: يا أخ قباني عيدك مبارك . ودي اجمل تفريحة بمناسبة الصحية . ما انو مشغول بمشغولية شغل العيد وزحمة زبائن العيد . الأ يا قباني صوت النجمة الراحلة. اجبرني اشاركك التفريحة. وبرجع للبوست وإعادة السمع . ياخ ربنا يخدر ضراعك.
كل عام و انت بخير يا عثمان .. يا حبيب و كل الحلويين هنا ..