Post: #1 Title: مهندسي الكهرباء بشركة الكهرباء السودانية ... واااااافضيحتاه .... Author: Salah Zubeir Date: 07-13-2021, 06:16 AM Parent: #0
05:16 AM July, 13 2021 سودانيز اون لاين Salah Zubeir-UAE مكتبتى رابط مختصر
(adsbygoogle = window.adsbygoogle || []).push({}) خلال يوم ١٢/٧/٢٠٢١ تم قطع الكهرباء الساعة ٥ و٥٢ دقيقة صباحا ... تم إرجاع الكهرباء الساعة ٦ و٣٥ دقيقة مساءا ... تم قطع الكهرباء الساعة ٦ و٥٠ دقيقة مساءا ... تم إرجاع الكهرباء الساعة ٨ و٢٠ دقيقة ليلا ... تم قطع الكهرباء الساعة ٩ و٢٥ دقيقة ليلا ... تم إرجاع الكهرباء الساعة ١٠ و٣٥ دقيقة ليلا ... تم قطع الكهرباء الساعة ٣ و٤٥ دقيقة فجرا ... لم ترجع الكهرباء حتى الآن ... الساعة ٧ و١٢ دقيقة صباحا ...
خلال ٢٤ ساعة تم قطع الكهرباء لمدة ١٦ ساعة ...
Post: #2 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 06:26 AM Parent: #1
تنمية شنو يا سعادة رئيس الوزراء ... الشعب السوداني يطالبك اليوم بالحد الأدنى ... وهو تيار كهربائي مستقر ... سعادة وزير الطاقة بقول انتظرونا في ٢٠٢٢ ... وآلله أعلم يمكن يستقر او يظل في حاله ... قطع يومي لساعات طويلة منذ نوفمبر ٢٠٢٠ ... معقولة يا سعادة رئيس الوزراء؟؟؟!!!!!!! ٩ أشهر وتقطع الكهرباء منذ الصباح الباكر حتى المغرب ... واليوم التاني من الخامسة مساء حتى منتصف الليل ليقطع مرة تانية في تمام السابعة صباحا وهكذا طوال ال ٩ أشهر السابقة ... لو وضعت الأولوية لتوفير كهرباء مستقرة منذ ٩ أشهر لكنت وصلت لي حلول ... والحلول متوفرة بدون ما تدفع دولار واحد فورا من جيبك ... المشكلة يا سعادة حمدوك ليست مستقبلية وإنما انية ... البلد في حوجة شديدة جدا للطاقة اليوم قبل بكرة ... طاقة نضيفة ولا وسخانة ما فرقت ... ناس Power Africa ديل ناس مستقبل امكن يدوك كهربا بعد ٥ سنة أو اكتر ... شوف الكيزان ولا الجن اللحمر كانو مدورين الشغلانية دي كيف وأعمل زيهم وحل مشكلتك ...
Post: #3 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 06:29 AM Parent: #2
الفضيحة أم جلاجل ... بعض الأماكن الحساسة لم تنقطع منها الكهرباء طوال ال ٩ أشهر السابقة إلا ما ندر وبي توجيهات صارمة لغرفة البرمجة المركزية ... بعض الأماكن الحساسة :- مكاتب أعضاء مجلس السيادة مكاتب أعضاء مجلس الوزراء بيوت أعضاء مجلس السيادة بيوت أعضاء مجلس الوزراء بنتي المتزوجة والتي تسكن في أحد أحياء الخرطوم العريقة جدا كانت تعاني من القطع الكهربائي طوال ال ٣ أشهر الأولى ومنذ فبراير الماضي توقف القطع نسبة لوقوع منزلهم في خط الكهرباء الذي يغذي منزل أحد أعضاء مجلس السيادة المعين حديثا ضمن (كوتة) الكفاح المسلح ... أحفادي توقفوا عن زيارة منزلنا بسبب القطع ولو توفر الجنريتر لفترات تطول وتقصر على حسب توفر الجازولين ... دا غير صاحبي الذي يسكن أحد أحياء امدرمان القريبة لمنطقة الإذاعة والتلفزيون والذي لم يمر بتجربة القطوعات منذ بدايتها ...
Post: #4 Title: Re: حصيلة قطع الكهرباء اليومي ... تسقط حكومة ال Author: محمد الأمين موسى Date: 07-13-2021, 07:09 AM Parent: #3
Quote: تم قطع الكهرباء الساعة ٥ و٥٢ دقيقة صباحا ... تم إرجاع الكهرباء الساعة ٦ و٣٥ دقيقة مساءا ... تم قطع الكهرباء الساعة ٦ و٥٠ دقيقة مساءا ... تم إرجاع الكهرباء الساعة ٨ و٢٠ دقيقة ليلا ... تم قطع الكهرباء الساعة ٩ و٢٥ دقيقة ليلا ... تم إرجاع الكهرباء الساعة ١٠ و٣٥ دقيقة ليلا ... تم قطع الكهرباء الساعة ٣ و٤٥ دقيقة فجرا ... لم ترجع الكهرباء حتى الآن ... الساعة ٧ و١٢ دقيقة صباحا ...
دي كهربا ولا Hazard light؟!
Post: #5 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 07:37 AM Parent: #4
Quote: دي كهربا ولا Hazard light؟!
حبابك بروف محمد الأمين ... دي الخدمة التي يدفع ثمنها المواطن مقدما والتي تضاعف سعرها ٥ مرات منذ يناير الماضي ... يعني قبل يناير كان مليون جنيه و٥٠٠ ألف استهلاك الشهر ... الآن ٨ مليون ومع التقتير ياداب توصلك آخر الشهر ... الحكومة محتكره توليد وتوزيع الكهرباء ومن دخل الكهرباء الذي يدفعه المواطن ليس من المفروض إن يعاني قطاع الكهرباء هذه المعاناة الطويلة والمريرة ما لم يذهب هذا الدخل الذي تجنيه مقدما من المواطن لمخصصات وزرائها وموظفيها الكبار ...
Post: #6 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 07:49 AM Parent: #5
٨ مليون شهريا مع ملاحظة توفر الكهرباء بنسبة ٦٠ إلى ٦٥% خلال الشهر ... يعني في حالة توفر الكهرباء بدون قطوعات تبقى دافع ١٠ مليون من سكات ساي ... هذي هي الايجابيه الوحيدة لي مسلسل قطع الكهرباء ...
Post: #7 Title: Re: حصيلة قطع الكهرباء اليومي ... تسقط حكومة ال Author: زهير عثمان حمد Date: 07-13-2021, 07:57 AM Parent: #5
يا صلاح الزبير ناس حمدوك ما فاضيين لكهربا ديل ناس عايشين في عالم السلطة البديع
تعرف في قصة زي الخيال عندي قريبي شغال في حراسة كبار الشخصيات وساكن في الدروشاب بمشي لبيت الزول اللي هو حارسو بعد صلاة الفجر اشتكي من قصة المواصلات للمسئؤل دا ما علق لكين تاني يوم تم تحديد عربيه ليهم بسواق للفترة الصباحية وترجع حسب مقدارتك وبعد قام كلهم ومعهم السواق بشكو من قصة الكهرباء قال ليهم عندو زي عشرين مولد صغار صناعة صنييه و المولد سعرو 180 مليون بس بالاقساط القسط الاول 50 مليون وفعلا سلم العاملين الموالدات تعرف أتضح أنها كانت هدية من دولة صديقة خلال الفيضانات السنة اللي فاتت المهم الزول كان عضو لجنة عليا لدراء اثار الفيضن *نحن نمرق عصابة بشه تجي تسعه طويلة تقعد في القصر الجمهوري في حالة عامة من الاحباط لكل الناس وديل حقيقة ناشطين ساي لا بنفعوا ولا شيء
Post: #8 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 08:16 AM Parent: #7
توليد الكهرباء الحالي يتراوح ما بين ١٦٠٠ إلى ١٨٠٠ ميجاوات على حسب أحد مهندسي البرمجة فإن المناطق الحساسة تأكل نصف او أقل أو أكثر قليلا من إنتاج الكهرباء ... نعم مكاتب مجلس السيادة ومجلس الوزراء مناطق حساسة وبالتأكيد بيوت أعضاء مجلس السيادة والوزراء ليست مناطق حساسة ... كذلك مكاتب وبيوت الجيش الجرار خلف كلو عضو مجلس سيادة أو وزراء ليست بمناطق حساسة ... كذلك مكاتب وبيوت كبار قادة الجيش ووكلاء الوزارات والمديريين ليست مناطق حساسة .... إذا كان إنتاج اليوم ١٧٠٠ ميجاوات في الساعة و٨٥٠ ميجاوات تذهب لهؤلاء المفترين وبسبب ذلك تقطع الكهرباء من نصف المستهلكين ١٠ ساعات نهارا والنصف الثاني من ٧ إلى ٨ ساعات ليلا ... فإن إخضاع الجميع للبرمجة بي عدالة تشبه الثورة فإن وقت القطوعات سوف يقل نهارا وليلا بنسبة ٣ إلى ٤ ساعات نهارا و٢ إلى ٣ ساعات ليلا ... يجب إخضاع الجميع للبرمجة المتساوية على الأقل في المناطق السكنية ....
Post: #9 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 08:25 AM Parent: #8
هلا وغلا أستاذنا زهير ... تعرف يا زهير نحنا ناس نوم جوا الغرف كما تعودنا في سنين الاغتراب الطويلة ... طبعا قطع الكهرباء فيهو دردره ما بعدها دردره ... الكهربا جات قبل قليل ... عندنا باقي نوم خلينا نتمو ... برجع ليك ...
Post: #10 Title: Re: حصيلة قطع الكهرباء اليومي ... تسقط حكومة ال Author: زهير عثمان حمد Date: 07-13-2021, 09:22 AM Parent: #9
تمام نوم بعمق يا صديقي انها ساعات
Post: #11 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 10:34 AM Parent: #10
توليد الكهرباء في دولة الكويت يبلغ ٤٠ ألف ميجاوات ... الكويت مساحة" أصغر من محلية شرق النيل ... توليد الكهرباء في السودان ١٨٠٠ ميجاوات ... ... فتأمل ... تقول لي مهندسين وخبراء ووزراء ورؤساء ... ديل المفروض يشغلوهم تصفية مريسا قهرا كدا بس ...
Post: #12 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 11:04 AM Parent: #11
رجعت الكهرباء الساعة ٩ و٥ دقايق ... الآن الساعة ١١ و٥٥ دقيقة تم قطع الكهرباء ... الحل ... تطفش من البيت بس ...
Post: #13 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 11:08 AM Parent: #12
١٢ و٥ دقائق رجعت الكهرباء ... برضو حا أطفش من البيت ...
Post: #14 Title: Re: حصيلة قطع الكهرباء اليومي ... تسقط حكومة ال Author: محمد البشرى الخضر Date: 07-13-2021, 11:29 AM Parent: #13
Quote: والحلول متوفرة بدون ما تدفع دولار واحد فورا من جيبك
تفاصيل يا قريبك!
Post: #15 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-13-2021, 11:48 AM Parent: #13
Quote: الفضيحة أم جلاجل ... بعض الأماكن الحساسة لم تنقطع منها الكهرباء طوال ال ٩ أشهر السابقة إلا ما ندر وبي توجيهات صارمة لغرفة البرمجة المركزية ... بعض الأماكن الحساسة :- مكاتب أعضاء مجلس السيادة مكاتب أعضاء مجلس الوزراء بيوت أعضاء مجلس السيادة بيوت أعضاء مجلس الوزراء
أحزاب السجم ما معاهم ثورة بتنجح لأنهم دائما همهم خاصة أنفسهم لمن كلاب الأحزاب دي كانت تعوي في القيادة العامة أمثال الأصم و خالد سلك ومدني عباس وباقي الصبية ومطالبتهم بمناصب السيادي وقتلوا الشباب لأجل هذه المطالب الدنيئة و قبل قتلهم لمن تاجروا بدمهم وأشتروا به المناصب ! كشفت للناس شرهم وكذبهم لكننا كنا نخاطب مكابرين عديمي أمانة فليعلم من ذكرناهم وبقية العصابة ومن أيدهم كلهم يحملون دماء من تسببوا في قتلهم لأجل مصالحهم وقتلو الثورة مع من قتلوا نسأل الله العظيم الكريم اللطيف الخبير في هذه الأيام الكريمة أن ينزع منهم الملك والسلطة والأمانة التي خانوها وخانوا من أمنهم إياها ويتسلمها القوى الأمين الرشيد العادل الذي يحيل أحوال هذا الشعب من المذلة والفقر والمهانة والظلم لفضل من الله عظيم يغلب فيه الخائن اللئيم وينتصر فيه العادل القوى الأمين الكريم يا علي يا عظيم بحق الجوعي والمظلومين وبفضل هذه الأيام الكريمة يا كريم عجل بالفرج يا بر يا تواب بألف ألف صلاة وتسليم على النبي الأمين وآله وصحبه أجمعين
Post: #16 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 03:26 PM Parent: #15
Quote: تفاصيل يا قريبك!
تحياتي يا باش ... ١ :- أول خطوة فك الاحتكار والسماح بالاستثمار عن طريق القطاع الخاص مع وضع الضوابط لجودة الخدمة وجعل القطاع الخاص يتولى توليد وتوزيع وبيع الكهرباء .... ٢ :- العمل بنظام البوت BOT وهو نظام عالمي معروف لن تخسر فيهو الحكومة دولار واحد مع ضمان أرباحها التي تفوق ما تتحمله اليوم من الخسائر وقلة القيمة ...
Quote: Build-Operate-Transfer Contracts Work Under a build-operate-transfer (BOT) contract, an entity—usually a government—grants a concession to a private company to finance, build and operate a project. The company operates the project for a period of time (perhaps 20 or 30 years) with the goal of recouping its investment, then transfers control of the project to the
Post: #17 Title: Re: حصيلة قطع الكهرباء اليومي ... تسقط حكومة ال Author: الشيخ سيد أحمد Date: 07-13-2021, 03:33 PM Parent: #16
صلاح يا حبه. كيفنك ياخي.
Quote: تم قطع الكهرباء الساعة ٥ و٥٢ دقيقة صباحا ... تم إرجاع الكهرباء الساعة ٦ و٣٥ دقيقة مساءا ... تم قطع الكهرباء الساعة ٦ و٥٠ دقيقة مساءا ... تم إرجاع الكهرباء الساعة ٨ و٢٠ دقيقة ليلا ... تم قطع الكهرباء الساعة ٩ و٢٥ دقيقة ليلا ... تم إرجاع الكهرباء الساعة ١٠ و٣٥ دقيقة ليلا ... تم قطع الكهرباء الساعة ٣ و٤٥ دقيقة فجرا ... لم ترجع الكهرباء حتى الآن ... الساعة ٧ و١٢ دقيقة صباحا ...
معناها التلاجات لحقت أمات طه- الله يعين الناس.
متابعة يا حبيب.
Post: #18 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 05:57 PM Parent: #17
Quote: نسأل الله العظيم الكريم اللطيف الخبير في هذه الأيام الكريمة أن ينزع منهم الملك والسلطة والأمانة التي خانوها وخانوا من أمنهم إياها ويتسلمها القوى الأمين الرشيد العادل الذي يحيل أحوال هذا الشعب من المذلة والفقر والمهانة والظلم لفضل من الله عظيم يغلب فيه الخائن اللئيم وينتصر فيه العادل القوى الأمين الكريم يا علي يا عظيم
اللهم اميين ... عاجلا غير آجل ...
Post: #19 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 06:31 PM Parent: #18
Quote: ١٢ و٥ دقائق رجعت الكهرباء ... برضو حا أطفش من البيت ...
بين الساعة ١٢ والساعة واحدة تم القطع والرجوع ٣ مرات ... من الساعة واحدة إلى الآن (الساعة ٧ ونص مساءا) التيار مستقر ...
#تيار كهربائي مستقر .. أمل الأمة#
Post: #20 Title: Re: حصيلة قطع الكهرباء اليومي ... تسقط حكومة ال Author: muntasir Date: 07-13-2021, 06:36 PM Parent: #19
الحل تمشي بيت البت وأطرد راجلها قول ليه أمشي أهلك لحدي ما نستدعيك ولا يشيلوا العضو السيادي
Post: #21 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 07:15 PM Parent: #20
Quote: معناها التلاجات لحقت أمات طه- الله يعين الناس.
حبابك الشيخ ود حلاتنا ... اقسمبلاي عايره وأدوها سوط ... امبارح القريبه دي ؤ صديقي قال لي اشترا مكنة تلاجة بي ٧٠ مليون ... مكنة تلاجة دي على وزن كومبرسر تلاجة ... منظم الكهرباء AVR والواي فاي والدش صارت من ضمن ضرورات الحياة ...
Post: #22 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-13-2021, 07:28 PM Parent: #21
كلامك سليم مية المية في فتح الاستثمار للشركات الخاصة للاستثمار في قطاع الكهرباء في كلام سمعتو في التوليد بغاز حقل الفولة وقالو كان بحل المشكلة نهائيا لكن عوض الجاز في فترة حكم الكيزان عطل المشروع الذي كان تديره شركة صينية الكيزان بشغلوا الدايرنو وبعطلو المادايرنو لكن ناسنا ديل عطلانين طبيعي
Post: #23 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 07:52 PM Parent: #22
Quote: توليد الكهرباء في دولة الكويت يبلغ ٤٠ ألف ميجاوات ... الكويت مساحة" أصغر من محلية شرق النيل ... توليد الكهرباء في السودان ١٨٠٠ ميجاوات ...
طبعا قطاع الكهرباء في كل دول الخليج يلقى نفس الإهتمام ... وال ٤٠ ألف ميجاوات دي نتيجة عمل وجهد وصرف مال امتد منذ عشرات السنين ... الأنا مستغرب ليهو جيل حكام الخليج الذي بدأ هذه النهضة في قطاع الكهرباء ليسوا من حملة الشهادات العليا او السفلى وليسوا من حملة الدبابير والنياشين فقط كانت معهم فطرتهم وحكمتهم التي خلقهم بها الله ... لا يعرفون الديمقراطية ولا الأيديولوجية ولا أحزاب ولا حركات ولا بطيخ ... فقط هدفهم ومبلغ طموحهم هو رفاهية شعبهم ... عشان كدا الله أعطاهم وزادهم في الميكيال ... طيب حكامنا منذ الإستقلال وحتى اليوم لماذا قاصرون في فهم طبيعة ومهمة الحاكم؟ أجيال وأجيال من الحكام وبعد ٦٥ عام من الإستقلال ولنا في (عماد) النهضة فقط ١٨٠٠ ميقاواط يخصص نصفها لبيوت دستوريينا ...
Post: #24 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-13-2021, 08:39 PM Parent: #23
Quote: الحل تمشي بيت البت وأطرد راجلها
غايتو يا عمو مونتا أفكارك أمريكانيه خالس ... عربنا الفي البلد لو سمعو بي كلامك دا بدوني رصاصة في نص راصي ... يا خوي ناس الكهربا منظمين القطوعات بين بيتي في شرق النيل وبيت أبوي في الشعبية ... دا إذا تواجدتا في الخرطوم ... في الغالب أنا برا الخرطوم ...
Post: #25 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-14-2021, 06:12 AM Parent: #24
التيار الكهربائي صامد منذ الأمس الساعة واحدة ظهرا ... الساعة الآن ٧ و١٥ دقيقة صباحا ... طبعا الشي الطبيعي الكهرباء المفروض تكون متوفرة ٢٤ ساعة في اليوم طوال السنة ... والغير طبيعي انو الكهرباء تقطع يوميا منذ ٩ أشهر ولفترات طويلة ...
Post: #26 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-14-2021, 02:00 PM Parent: #25
الريس تضامن مع ناس الكهربا وقطع الموقع من الساعة ٨ صباحا لغاية الساعة واحده ونص ظهرا ... طبعا ناس الكهربا شالو امانتم الساعة ١١ ونص ودرجة الحرارة ٤٤ درجة في الظل ... وحا نشيف بترجع متين ...
Post: #27 Title: Re: حصيلة قطع الكهرباء اليومي ... تسقط حكومة ال Author: MOHAMMED ELSHEIKH Date: 07-14-2021, 02:13 PM Parent: #26
انت ساكن شرق النيل حي النصر مثلا؟
Post: #28 Title: Re: حصيلة قطع الكهرباء اليومي ... تسقط حكومة ال Author: Mahjob Abdalla Date: 07-14-2021, 02:34 PM Parent: #27
Quote: الشعب السوداني يطالبك اليوم بالحد الأدنى ... وهو تيار كهربائي مستقر ...
سلام ابوصلاح اظنك بتقصد "الشعب الخرطومى" لانو ناس الضهارى و القوازة ما شافو الكهربة اصلا عشان يطالبو بأستقرارها.
Post: #29 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-14-2021, 03:22 PM Parent: #28
يامحجوب فى الولايات فى وجود للشبكه-ومستقره -مقارنه فى وقت فيهو مناطق فى الخرطوم كهربتها بالعون الذاتى (مولد موصل لبيوت بعضها طول اليوم وبعضها نساء فقط) .
Post: #30 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-14-2021, 03:25 PM Parent: #28
Quote: اظنك بتقصد "الشعب الخرطومى"
سلام يا الهبيب محجوب ... كلامك دا غير دقيق ... نعم دارفور لم تصلها الشبكة القومية التي تغطي ٦٠% من القرى والحلال والمدن السودانية ... سافرت كثيرا في خلال اكتر من سنة من الآن ما بين الخرطوم كمركز إنطلاق الي الدمازين بورتسودان والخوي والنهود ثرو الأبيض ... الناس في القرى والحلال بين هذه المدن المضاءة شافو الكهربا واعتمدو عليها وبالتأكيد يعانو الآن بسبب القطوعات ... وبسبب قطع الكهربا بدون إعلان وارجاعها بدون إعلان فقدت قرية البسابير بنهر النيل قبل أسبوعين فارس من خيرة شبابها بعد أن صعد على أحد أعمدة الكهرباء لتوصيل سلك فالت وصعقته الكهرباء التي تم ارجاعها قبل ٣ دقائق من صعوده بعد انقطاعها لمدة ٣ أيام ... الشعب السوداني داخل الشبكة القومية للكهرباء يطالب رئيس الوزراء بتيار كهربائي مستقر وهذا حق وواجب على الحكومة توفيره ...
Post: #31 Title: Re: حصيلة قطع الكهرباء اليومي ... تسقط حكومة ال Author: Mahjob Abdalla Date: 07-14-2021, 04:24 PM Parent: #30
Quote: الشعب السوداني داخل الشبكة القومية للكهرباء يطالب رئيس الوزراء بتيار كهربائي مستقر
سلام عاصم و ابوصلاح. كل ما في الامر هو ان المدن تريفت و صارت لا تختلف عن الريف و هذه نتيجة حتمية لكون ان الدولة ماشة خلف منذ تأسيسها و لا احد يفكر خارج الصندوق في كيفية تغيير هذا الواقع. خدام الشعب من الرئيس الي الغفير مطالبين بتوفير اساسيات الحياة (جود بالموجود) من ماء نضيف و اكل و كهربة لكل الشعب السودانى و ادخال ناس الضهارى في الشبكة القومية او تسهيل شراء مولادات كهربة صغيرة مثلما رأيتها فى قريتنا في اخر زيارة لي اليها.
Post: #32 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-14-2021, 04:39 PM Parent: #31
Quote: كل ما في الامر هو ان المدن تريفت و صارت لا تختلف عن الريف و هذه نتيجة حتمية لكون ان الدولة ماشة خلف منذ تأسيسها و لا احد يفكر خارج الصندوق في كيفية تغيير هذا الواقع. خدام الشعب من الرئيس الي الغفير مطالبين بتوفير اساسيات الحياة (جود بالموجود) من ماء نضيف و اكل و كهربة لكل الشعب السودانى و ادخال ناس الضهارى في الشبكة القومية او تسهيل شراء مولادات كهربة صغيرة مثلما رأيتها فى قريتنا في اخر زيارة لي اليها.
محجوب كنت اتمنى اسمع رايك فى بوستاتى عن الطاقه سواء ديمقراطيه الطاقه او الدعوه الى انشاء اقسام هندسه طاقه فى الجامعات بل وحتى معاهد التدريب المهنى يجب تاسيس تخصص طاقه متجدده (بالمناسبه المقترح مسئولين فى الجامعه اهتمو بشغل العلاقات العامه الخاص بتخصصاتهم واهملو مقترحى والمقترح قد يكوون وبوسائبى الخاصه وصل وزيره التعليم العالى ونتمنى يكون خطوه فى طرق الحل لقضيه مهمه وحتى فى البورد هنا الناس فى سلبيه تامه مشغوله بشخصيات السياسه اكتر من المواضيع الخاصه بالسياسات والتخطيط للمستقبل)
Post: #33 Title: Re: حصيلة قطع الكهرباء اليومي ... تسقط حكومة ال Author: كمال عباس Date: 07-14-2021, 05:23 PM Parent: #32
في الحي الذي نسكن والأحياء المجاورة - قطع من حوالي السابعة صباحا حتي حوالي الخامسة مساء ـ عودة التيار من الخامسة مساء أو نحوها حتي اليوم التالي في الخامسة مساء -24 ساعة بلاإنقطاع ثم قطع التيار من الخامسة ولمدة حوالي ثلاثة ساعات حتي الساعة السابعة صباحا ـ وهكذا -طبعا إي دقيقةبلا تيار هي عذاب ومشقة -** مشكلة التيار الكهربائي مثل مشاكل مياه الخريف أصبحت علة مزمنة ـ تقريبا منذ النصف الأول من ثمانينات القرن الماضي ـ وخصوصا في الصيف -* هذه الأزمة موروثة ـ للأسف الإنقاذ قامت ببيع الترماي "الترماج " في قضية سد مروي حوالي نصف مليار دولار -ديون ربوية ـ لسد قيل إنه سيكفي حاجة الوطن ويصدر لتسعة من الدول الأفريقية ويصاحبه قيام ترعة كبري من مروي لحلفا ليتضح إنو الموضوع فالصو ومأكلة * عمليا ومنطقيا لايمكن مطالبة حمدوك بحل هذه المشكلة جذريا في عامين أو ثلاثة ـ بشكل ملموس ولكن عليهم التخطيط ـالعلمي والمدروس ـ كهرباء حرارية ـ شمسية ـ نووية الخ بديل مستقبل يدرس ويتم التخطيط ـ والبحث عن تمويل ثم التنفيذ - بديل يضع في الإعتبار تضاعف سكان ومساكن العاصمة ـ خلال عقود قليلة ومد بقية قري ومدن السودان بتيار منتظم ...........
Post: #34 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-14-2021, 11:58 PM Parent: #33
Quote: هذه الأزمة موروثة
طيب هي موروثة ونحن مطالبين بتوريثها لمن بعدنا مثلا؟! لغة التبرير هي ما يقتل كل أمل في الإصلاح بعدين بتقارن بي التمانينات من القرن الماضي الكان فيها بنركب من الجزيرة ونقطع أكثر من مية كيلو متر للخرطوم عشان نعمل اتصال دولي! هسع أهو بنتناقش متكين وراقدين على الأسرة وخلافو كتابة وبعضنا صورة وصوت مباشر كل منا حيث هو في أي بلد ومدينة وقرية في العالم العالم ينهض ويتقدم بسرعة الصاروخ ونحن عايزين نرجع للقرن الماضي؟! بعدين في الثمنينات الكهرباء بتقطع بعد أيام بالكثير مرة في الأسبوع ولمدة نصف ساعة إلا إذا في عطل كبير ودا في الجزيرة الخرطوم ما خابرها
Post: #35 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-15-2021, 00:15 AM Parent: #34
بعدين يا أخونا الفاضل محجوب توليد الكهرباء كما تعلم ممكن ومتيسر ووسائله متعددة ويمكن للدولة إذا أرادت أن تكون محترمة تقر قوانين وتذلل الصعاب وتخرج من الصندوق كما ذكرت أنت وتبتدع حلول بل هي أصلا متاحة ومطروقة لتوفر الكهرباء في كل مكان في السودان بوسائل مختلفة إذ هي أصبحت عصب الحياة والانتاج الذي به وبتحسن الاقتصاد العادل المتوازن المتطور ستحل كل مشاكل السودان الاجتماعية والأمنية وغيرهما إذا أذن الله
Post: #36 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-15-2021, 00:33 AM Parent: #33
Quote: * مشكلة التيار الكهربائي مثل مشاكل مياه الخريف أصبحت علة مزمنة ـ تقريبا منذ النصف الأول من ثمانينات القرن الماضي ـ وخصوصا في الصيف
تحياتي أستاذنا كمال ... وخصوصا في الصيف ... نعم في الصيف وخاصة" شهر ٤ و٥ و٦ لان منسوب النهر يصل البيك بتاع الانخفاض مما يقلل من التوليد الماءي في الروصيرص ولاحقا مروي ... الجديد هنا يا كمال منذ نوفمبر الماضي وطوال شهور الشتاء ومن بعد ذلك شهور الصيف دخلت البلد في إنقطاع كهربائي منتظم زي ما قتا انتا بس البداية كانت في نوفمبر وإلى اليوم خليني اديك خمسة أيام كمثال لمدة ٩ أشهر متواصلة :- اليوم قطعت ٧ صباحا ورجعت ٥ مساءا اليوم الثاني تقطع ٥ مساءا وترجع ١٠ ليلا اليوم الثالث تقطع ٧ صباحا وترجع ٥ مساءا اليوم الرابع تقطع ٥ مساءا وترجع ١٠ ليلا اليوم الخامس تقطع ٧ صباحا وترجع ٥ مساءا وهكذا يوميا يستمر البرنامج مع ملاحظة إنو المواقيت not fixed يعني ما حصل قطعت ٧ صباحا او رجعت ٥ او قبل ٥ حصل قطعت قبل الساعة ٦ صباحا وفي الغالب بنقطع بين ٦ و٧ صباحا وترجع ما بعد الخامسة ... ليلا حصل رجعت ٩ و١٠ و١١ و١٢ ونادرا ١ صباحا ..
Quote: هذه الأزمة موروثة
موروثة منذ الإستقلال يا كمال ... البنية التحتية للكهرباء لم يهتم بها حكام السودان منذ الإستقلال ... إهتمام الإنقاذ بالكهرباء يتجلى في نجاحهم في إقامة الشبكة القومية للكهرباء التي نقلت الكهرباء لمدن السودان المختلفة مع إهمالهم الفظيع لتوليد الكهرباء وكذلك شبكات التوزيع داخل المدن ... توليد الكهرباء من المفروض يتناسب طرديا مع عدد المستهلكين يعني إذا اضفت مدينة للشبكة لابد من الإستعداد لتوفير التوليد اللازم للمشتركين الجدد وهذا هو الخطأ الذي وقعت فيه الإنقاذ نتيجة عدم الدراسة والتخطيط السليم ... كما ذكرت في مداخلة سابقة توليد الكهرباء عملية مكلفة جدا وتحتاج إلى أموال ضخمة وحتى دول كدول الخليج سلكت كل السبل من دفع مباشر وقطاع خاص ونظام البوت لتكوين رصيد من عشرات الآلاف من الميجاوتس عبر عشرات السنين ... الإهتمام بالطاقة عموما وتوليد الكهرباء خصوصا هو الطريق الأمن لنهضة البلد كما ذكر المستنير رد الله غربته ...
Post: #37 Title: Re: حصيلة قطع الكهرباء اليومي ... تسقط حكومة ال Author: كمال عباس Date: 07-15-2021, 07:42 AM Parent: #36
عاصمتك دي ياود الزبير تغولت علي الجزيرة والنيل الأبيض ونهر النيل والشمالية ـ يعني خرجت من نطاقها وحدودها الجغرافية بمثل خرج ونزح السكان- ولازالوا- من الأقاليم من للخرطوم -يعني هناك إكتظاظ سكاني وتمددي سكاني وحغرافي وسطا لم تقابله ـخدمات عامة مناسبة ـ بس التوليد الكهربائي لايكفي لحاجة البلد سواء إن نزح أهلها نحو الخرطوم أو بقوا في أقاليمهم ـ هناك أيضا تمدد النطاق الصناعي وحوجته للطاقة ـ لابد من التفكير في بدائل للطاقة ـ ثم التخطيط وإيجاد تمويل ـ لحل جذري لمشكلة الكهرباء ـ ينظر للمدي البعيد وليس تحت أقدامه فقط ـ *غايتو ناس الشمالية بدأوا ووبطء في هجرة ونزوح عكسي من الخرطوم لمناطقهم الأصلية ـ بسبب توسع الرقعة الزراعية أضعافا بسبب "المتر" أو الري الجوفي ـ والتعدين الأهلي للذهب ــ فبدلا من تواجد حماريين تلاتة في البيت أصبح هناك عربيتيين تلاتة ـ * ومن الملاحظ أن النزوح جذب مجموعات سكانية من أقاليم مجاورة ومن أهلنا في دارفور وجبال النوبة ـ وكذلك الأثيوبيين !
Post: #38 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-15-2021, 09:07 AM Parent: #37
نحنا يا كمال ماليا نعتبر من الدول الفقيرة جدا من حيث لا نملك دخل ثابت بالعملة الأجنبية ولا نملك ارصدة وما نتحصل عليه من مداخيل أجنبية يذهب نصفه للبنزين والدقيق والنصف الآخر يصرف على مخصصات وسلام وحاجات تانية تتسم بالفضيحة إذا أعلن عنها ... بالتالي وفي ما يخص الطاقة الأولوية الحصول على أجهزة توليد كهرباء لإنتاج أكبر كمية من الكهرباء بأقل تكلفة ... لذلك التركيز على التوليد الحراري (بترول وغاز وفحم وحتى إن شاء الله حطب) هو الذي يمكن أن يخرجنا من هذه الأزمة ... حتى الدول الغنية تجد التوليد الحراري هو الغالب وبفايض ارصدتها ذهبت إلى تنفيذ مشاريع توليد الكهرباء من الطاقات المتجددة والنظيفة ...إلخ وكيل وزارة الطاقة وفي تصريح تلفزيوني قال للحصول على تيار مستقر داخل الشبكة يلزمنا إضافة ١٠٠٠ ميجاوات ليصبح مجمل التوليد حوالي ٣٠٠٠ ميجاوات ... وكيل وزارة الطاقة وكل من سبقه منذ الإستقلال لا يفكرون ابعد من أرنبة أنوفهم ... الأزمة الحالية من المفترض أن توظف إعلاميا لتوجيه الميزانيات والجهود لحل جذري لمشكلة الكهرباء ... البلد يمكن أن تستوعب عدة آلاف من الميجاوت لدعم الصناعة والزراعة وبالتالي دعم الاقتصاد ونشله من الدرك السحيق الذي وصل إليه ...
Post: #39 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-15-2021, 12:02 PM Parent: #38
Quote: الإهتمام بالطاقة عموما وتوليد الكهرباء خصوصا هو الطريق الأمن لنهضة البلد كما ذكر المستنير رد الله غربته ...
مافي زول يفهمني غلت ... المستنير ليس مؤلفها ولكنه أول من قالها في المنبر نواحي ٢٠١٦ او ١٧ ...
Post: #40 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-15-2021, 05:21 PM Parent: #39
بالمناسبه الجماعه ديل يخدرو فينا بكهربا من الحبشه او مصر فى الوقت اللى فيهو الاتحاد الافريقى شرع فى مشروع سوق الطاقه الواحد مدى استعداد الجماعه ديل شنو للاستفاده من السوق الموحد ؟ سواء كمنتجين او الى وقت ما مستهلكين (دى ممكن يكون فيها فايده تانيه مقايضه بمنتجات سودانيه تحتاجها الدول البناخد منها طاقه لكن فى الاخر الخيارات متاحه والظروف الاقليميه والدوليه مواتيه (الاهتمام بمشاريع الطاقهوالمشروع الامريكى باور افريقيا اقرب مثال) ماذا اعددنا للتناغم مع محيطنا فى برامج الطاقه خارجيا قدمنا شنو لموضوع تنوع مصادر الطاقه ضمن الشبكه القوميه هل فى خطه مسبقه تستوعب النمو السكانى والتنموى لربع قرن قادم ؟ اسئله بنطرحها لناس شكرا حمدوك ومنها يحولوها لى حمدوك وطاقمو الوزارى
Post: #41 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-15-2021, 06:02 PM Parent: #40
Quote: انت ساكن شرق النيل حي النصر مثلا؟
هههههه ... علي الطل ا يا داب شفتها ... مثلا يا شارع واحد ... ود الشيخ ... بما إنك خبير فعلي في مجال الكهرباء ... لو خصص ليك حمدوك مليار دولار اليوم لزيادة كمية التوليد الكهربائي حا تشتري لينا شنو للتقليل أو تخفيف الأزمة الحالية؟ توليد ماءي ، حراري ، شمسي ، رياحي ....إلخ
Post: #42 Title: Re: حصيلة قطع الكهرباء اليومي ... تسقط حكومة ال Author: MOHAMMED ELSHEIKH Date: 07-15-2021, 07:41 PM Parent: #41
ود الزبير انا في السودان دا مع التوليد التقليدي وبلاش نتطلع لكهرباء نظيفة وكلام زي دا لغاية ما ناخد كوتتنا من تلويث الاجواء بعدين نشوف الباقي، الا اذا كانت الكهرباء النظيفة ارخص ويمكن الحصول عليها في زمن اقل.
المليار دولار بتجيب لك الف ميجاوات بعد اربع سنين وحينها بتكون محتاج لالفين تاني. الحل هو تدخل القطاع الخاص الدولي والمحلي ان وجد
Post: #43 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-15-2021, 08:35 PM Parent: #42
Quote: انا في السودان دا مع التوليد التقليدي وبلاش نتطلع لكهرباء نظيفة وكلام زي دا لغاية ما ناخد كوتتنا من تلويث الاجواء بعدين نشوف الباقي، الا اذا كانت الكهرباء النظيفة ارخص ويمكن الحصول عليها في زمن اقل.
اكيد المشاكل العميقه دايره زمن للمعالجه لكن فى حلول ضمن الطاقه النظيفه ممكن تكون سريعه يعنى لو بقينا ضمن المشروع الامريكى حكومة السودان تطلب ضمها للمشروع الامريكى (PowerAfrica) الخاص بالطاقه حكومة السودان تطلب ضمها للمشروع الامريكى (PowerAfrica) الخاص بالطاقه وحتى مفهوم ديمقراطيه الطاقه البيعزز قيام تعاونيات لانتاج الطاقه المتجدده لمعالجه مشاكل المجتمعات النائيه الصغيره والمفروض تدعمها الدوله كصناعات صغيره ديمقراطية الطاقهديمقراطية الطاقه محتاجين يكون عندنا كوادر -على جميع المستويات الفنيه- مفروض نجهز ليهم من الان بابتدار التدريب والتعليم معاهدد تدريب مهنى ومدراس صناعيه يكون فيها مسار طاقه متجدده رياح وشمسيه وختى الغاز الحيوى ...الخ وومهندسين و فنيين طاقه متجدده واعتقد يمكن تتفق معاى انو تخصص الكهربا فى الجامعات بقى (لوبد فيشن) وماممكن قسم يلم اتصالات وقدره والكترونيات وديل كلو واحد بقى براهو تخصص يحتاج قسم او اسكول هندسة الطاقه - تخصص السودان فى امس الحوجه له هندسة الطاقه - تخصص السودان فى امس الحوجه له . من الحاجات المستغرب ليها انو المتخصصين فى الطاقه بشكل عام من الناشطين ليه ماعملو مؤتمر او ملتقى يكون بحضور رئيس الوزراء والوزراء اصحاب الصله المحتمله حتى لو عبر مؤتمر مرئى لمناقشه الموضوع وبحث عن حلول قصيره المدى وطويله ومتوسطه المدى تقصير الدوله حتى عن الاسعاف واضح ولازم يكون الناس عندهم دور ازمه الكهربا تعنى حفاظ على حياة ناس ممكن يفقدوها بسبب انقطاع الكهربا اثناء عمليه او فرص تعليم او وسيله عمل ..الخ
Post: #44 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-15-2021, 08:45 PM Parent: #42
Quote: المليار دولار بتجيب لك الف ميجاوات بعد اربع سنين
يا باش ... ليه ٤ سنين وقروشنا كاش؟ ممكن تسرح لينا شوي في عملية التوليد ... غلاية تفور الموية يطلع منها بخار يشغل التوربينه تولد لينا الكهربا ... مي ياهو كدي ... طيب ليه ٤ سنة ..
Post: #45 Title: Re: حصيلة قطع الكهرباء اليومي ... تسقط حكومة ال Author: كمال عباس Date: 07-17-2021, 06:33 AM Parent: #44
المجاري والتصريف وعلل الخريف ! ساعة ونصف من مطر تشل الحركة وتحيل المنطقة لمستنقع ! تكدس النفايات والقمامة ـبشكل مقزز ـ ردم المجاري والمصارف المائية بالقمامة والمخلفات المائية !
Post: #46 Title: Re: حصيلة قطع الكهرباء اليومي ... تسقط حكومة ال Author: كمال عباس Date: 07-17-2021, 06:33 AM Parent: #44
المجاري والتصريف وعلل الخريف ! ساعة ونصف من مطر تشل الحركة وتحيل المنطقة لمستنقع ! تكدس النفايات والقمامة ـبشكل مقزز ـ ردم المجاري والمصارف المائية بالقمامة والمخلفات المائية !
Post: #47 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-17-2021, 06:47 AM Parent: #44
Quote: طبعا ناس الكهربا شالوامانتم الساعة ١١ ونص ودرجة الحرارة٤٤ درجة في الظل ... وحا نشيف بترجعمتين ...
وقفنا هنا يوم ١٤/٧ ... رجعت الكهربا الساعة ٦ ونص مساءا ... يوم ١٥/٧ حسب البرمجة المفروض تقطع ٥ مساءا ولم تقطع ... يوم الجمعة ١٦/٧ حسب البرمجة المفروض تقطع صباحا ولم تقطع ... يوم الجمعة قطعت الساعة ٤ و٤٥ دقيقة عصرا ... رجعت يوم الجمعة الساعة ٩ و٥ دقائق ... يوم الجمعة قطعت تاااااني الساعة ٩ و٤٠ دقيقة ... خرجت الكهربا من عندنا الجمعة ٩ و٤٥ دقيقة ولم تعد حتى الآن الساعة ٧ و٤٥ دقيقة صباح السبت ... وليست هناك إرهاصات بعودتها قريبا ... لا أظن أن من يمسك بزمام برمجة الكهرباء عندو فكرة عن النظام والعدالة في توزيع القطع ... يخيل لي الزول بتاع البرمجة دا تارك الموضوع لي مزاجو ومدى تأثير سفة التمباك عليه ... لأنو برنامج القطع مجوبك وممكن تأثير المناطق الحساسة يجبرهم على مثل هذا السلوك ...
Post: #48 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-17-2021, 12:18 PM Parent: #47
رجعت الكهرباء الساعة ١٢ ونص ظهرا ... يعني من أمس الساعة ٥ مساءا قطعت الكهرباء ... رجعت لمدة ٣٥ دقيقة وقطعت نسبة لي الهوا والمطر كالعادة كما فهم المستهلك ... المفروض ترجع الكهربا بعد توقف المطر بعد ٢٠ دقيقة ... لم ترجع إلا ١٢ ونص ظهرا ... لأول مرة تقطع الكهربا لمدة ٢٠ ساعة متواصلة ... يبقى الأمور ماشى للأسوأ إذا افترضنا إنو البلد داخلا في اجازة منذ أول أمس ولمدة ١٠ أيام ... أو الاحتمال الثاني إنو ناس البرمجة استحلو عذاب هذا الشعب الصابر وهذا ديدن الكثيرين في هذا البلد في عدة مجالات .... just to show how much importance they r
Post: #49 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-17-2021, 12:37 PM Parent: #48
Quote: المجاري والتصريف وعلل الخريف ! ساعة ونصف من مطر تشل الحركة وتحيل المنطقة لمستنقع ! تكدس النفايات والقمامة ـبشكل مقزز ـ ردم المجاري والمصارف المائية بالقمامة والمخلفات المائية !
والله يا كمال حاجه فعلا تحير ... في المنطقة بتاعتنا تم حفر المجاري بواسطة حفار ميكانيكي تمت النضافة والتعميق والتوسيع ووضع كل التراب والوسخ كيمان كيمان بجانب المجرى وإلى الآن تلك الكيمان موجودة ومؤكد أمس بعد الهوا والمطر بكون نص كمية التراب والوسخ رجعت إلى مكانها الأصلي ... تعرف يا كمال بعيدا عن الواجب والمهنية والوطنية اي عامل بأجر بكون loyal للراتب الذي يستلمه آخر الشهر ... ما أظن في عامل في دولة السودان بكون Loyal لي راتبو ... لأنو ما بستحق .. إلا أصحاب الراتب المسنود بالمخصصات ...
Post: #50 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-17-2021, 03:31 PM Parent: #49
Quote: قدمنا شنو لموضوع تنوع مصادر الطاقه ضمن الشبكه القوميه هل فى خطه مسبقه تستوعب النمو السكانى والتنموى لربع قرن قادم ؟ اسئله بنطرحها لناس شكرا حمدوك
عاصم يا حبيب ... أترك الأحلام يا جميل وأصحى ...
Post: #51 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-17-2021, 10:33 PM Parent: #50
العالم حولنا توصل لانتاج الكهرباء المتولدة من الغاز المنتج من النفايات والروث ومن البراز البشري والحيواني ونحن مكانك سر! https: //youtu.be/D22m3W1uaeo
Post: #52 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-17-2021, 10:40 PM Parent: #50
Quote: عاصم يا حبيب ... أترك الأحلام يا جميل وأصحى ...
الاحلام الخطوه الاولى فى خطوه كبيره فى اى مجتمع او انسان اضعف الايمان نؤدى واجب زطنى وانسانى ونبرىء انفسنا امام مجتمعاتنا وامام الله يوم يسالنا وعلمك ومعرفتك فيما وجهتها ونتوسد نهايه على وساده راحه الضمير والحمدلله
Post: #53 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-17-2021, 11:22 PM Parent: #52
https: //youtu.be/IvA6dgIIEN8 وهذا الفيديو في انتاج الغاز والكهرباء من المراحيض وموصل المرحاض بشبكة توليد للغاز والكهرباء من الغاز ومربوطة بالكميوتر وكل زائر للمرحاض عندو بطاقة بدخل بيها الحمام موش عشان تخصم من الرصيد بل عشان تضيف للرصيد بحسب ما تفضل به المستخدم للحمام من فضلات ليأخد ثمنها عملة الكترونية
Post: #54 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-17-2021, 11:30 PM Parent: #53
انتاج الغاز من الروث مشروع بسيط وقديم أذكر هناك متخرج من كلية الفنون تصميم صناعي معارض سنة1989م سنة دخولنا الكلية كان مشروع تخرجه توليد الغاز من الروث أو الحشائش واوراق الأشجار الجافة ونفذ المشروع بعمل وحدة إنتاج النموذج عملي
Post: #55 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-18-2021, 00:07 AM Parent: #54
دا يامنتصر البايوغاز (العاز الحيوى /العضوى) ودا فعلا بيستفيدو من فضلات الحيوانات وبقايا الحصاد من عيدان وقصب و حشائش وحتى النفايات برضو بعد الفرز فيها مايمكن ضمو لتحضير غاز حيوى
Post: #56 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-18-2021, 00:27 AM Parent: #55
دا يامنتصر لمحه عن انتاج البايوغاز بشكل اقتصادى ومنزليا
------------
Post: #57 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-18-2021, 07:53 AM Parent: #56
تحياتي عاصم ومنتصر ... زي الما شايفين (زاوية) شوفي ... ١ :- قبل اكتر من ١٠ سنوات صرفت UAE اكتر من ٦٠٠ مليون دولار عشان تولد ١٠٠ ميجاوات طاقة شمسية ... التوليد الحراري ٦٠٠ مليون دولار دي تكلفة ٦٠٠ ميجاوات ... ٢ :- البلد في حوجة ماسة لي كمية كبيرة وليس نوعية من الميجاوت ... يعني النقص الراهن في الكهرباء وطموح التنمية والنهضة لا يمكن الإيفاء به إلا بالحصول على آلاف الميجاوت بسعر مناسب لحالة البلد الإقتصادية وبأسرع ما يمكن ... ٣ :- يعني البلد اليوم ممكن تستوعب ١٠ ألف ميجاوات بي تكلفة ١٠ مليار $ ٤ :- الطاقة الشمسية والبيوغاز وطاقة الرياح يمكن استعمالها للأماكن النائية او البعيدة عن الشبكة القومية وحوجتها للكهرباء لا تتعدى الكيلو واتات لي واحد ميجاوات ... يعني الطاقة المتجددة في وضعنا الراهن لن تفيد في طموح التنمية وبداية النهضة ...
Post: #58 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-18-2021, 08:45 AM Parent: #57
سلامات صلاح زبير فاهمك لكن صعب الناس كافراد مع استمرار الازمه تكتف يدينها فى انتظار وصول حكومه ناضجه ومسئوله عن الشعب قبل اهتمامها بمكاسبها الحزبيه والشخصيه على الاقل موقفى محاوله نعتبرها معالجات اسعافيه محدوده عشان الناس تدرج حياتها بدل حاله انعدام الوزن وانعدام احتى الاستمرار بالقصور الذاتى البلد بقت فى حاله تخبط ولا دوله حتى الحل فى المدى القريب والعاجل باستيراد كهربا من مصر او اثيوبيا (رغم الخلافات) على الاقل تبادل كهربا مقابل تسهيلات فى الاستفاده من المنتجات السودانيه (زى الماشيه اللى هى اصلا منسابه لمصر وماقادرين نستخدمها كمصلحه نقايض بيها الاخر) مصر الان هى والجزائر بيثدروا كهربا لليبيا ونحنا حكومتنا ماقادره تدير الازمه فى الجزئيه دى وتتعامل مع مصر او حتى الحبشه لجلب مصلحه عاجله للبلد والمواطن ويبقى شغل توسيع البنيه الاساسيه للكهربا-راسيا وافقيا- شغل مدى متوسط وبعيد وماتنسى انو الطاقات المتجدده وانتاجها بشكل اقتصادى (مشروعات كبيره) محتاج كوادر مهندسين وفنيين وكوادر عماله ماهره (تدريب مهنى ومدراس صناعيه) تدير الشغل دا على تاهيل عالى يتفادى الاخطاء اللى ممكن تحصل من كوادر تدرس الكهربا/الطاقه بمقررات وخطط تعليم قديمه اكل الدهر عليها وشرب تحياتى
Post: #59 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-18-2021, 12:04 PM Parent: #58
Quote: محتاج كوادر مهندسين وفنيين وكوادر عماله ماهره (تدريب مهنى ومدراس صناعيه) تدير الشغل دا على تاهيل عالى يتفادى الاخطاء اللى ممكن تحصل من كوادر تدرس الكهربا/الطاقه بمقررات وخطط تعليم قديمه اكل الدهر عليها وشرب
تعرف يا عاصم واحدة من مصائب البلد دي الزرعوها الكيزان في عقلية الشعب السوداني هو التوسع في التعليم الجامعي النظري والإهمال التام للتعليم التقني العملي ... عشان كدا تلقى (معظم) خريجين الجامعات في البلد دي تركو تخصصم واشتغلو شغلات هامشية ... في الوقت الفيهو دول مثل الهند والفلبين تجدها مسيطرة على سوق العمل في كل أنحاء العالم بفضل خريجيها من حملة البكالوريوس والدبلوم التقني والعملي ... أتفق معاك على أهمية التعليم النوعي وضرورة الإهتمام به ... التعليم البيخرج ليك حوجتك لسوق العمل مش يطلعم سواقين رقشات وخضرجية وسماسرة يقرضون الشعر ويلتهون بي سعر الدولار ووقية الذهب ... كذلك واحدة من مصائب حكام البلد منذ الإستقلال هو استراتيجية الكسب السياسي الأني لمصلحة جهته السياسية وإهمال العمل على تمتين مقومات الدولة الناجحة ... عشان كدا البلد بعد ٦٦ عام من الإستقلال تعاني وبشدة من ضعف الأسس الرئيسية لقيام دولة ناجحة ...
Post: #60 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-19-2021, 07:30 AM Parent: #59
فوقنا النبي ... منذ صباح السبت التيار steady ... الولد الحتاله أمو تونس فيهو بالكهربا الما قطعت من يومين هاج فيها وخاتي السبابة في خشمو المقفول وقال ليها أسسسسسس ... وقال ليها هسع يسمعوك وبيقطعوها ... 😃😃😃 شفتو عدم الثقة في كهربجيتنا وصلت وين ...
Post: #61 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-20-2021, 05:22 PM Parent: #60
قطعت ما قطعت قاطعنها ... الساعة السادسة بالظبط مساء يوم العيد ... هو فعلا السحب (السوداء) في سماء الخرطوم مرعبة ... أنا لو كنت المسؤول بعمل بلاك اوت عديييل ... الغريبة المطرة لم تبدأ بعد ... لو بدت يا ناس بره افقلو ناسكم الفي الخرتوم ...
Post: #62 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-20-2021, 09:57 PM Parent: #61
Quote: وتعتبر الرياح والشمس أكبر مصدرين للكهرباء تمت إضافتهما إلى شبكات الكهرباء الأميركية منذ عام 2014 مع إغلاق أكبر عدد من مولدات الكهرباء المتقادمة العاملة بالفحم. والأمر لا يتعلق بالتكلفة فحسب فيما يتعلق باستخدامات الطاقة البديلة، ذلك أن محطة الطاقة العاملة بالطاقة الشمسية يمكن توسعتها وزيادة إنتاجها بحسب الطلب
Post: #63 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-21-2021, 03:13 AM Parent: #61
Quote: قطعت ما قطعت قاطعنها ... الساعة السادسة بالظبط مساء يوم العيد ... هو فعلا السحب (السوداء) في سماء الخرطوم مرعبة ... أنا لو كنت المسؤول بعمل بلاك اوت عديييل ... الغريبة المطرة لم تبدأ بعد ... لو بدت يا ناس بره افقلو ناسكم الفي الخرتوم ...
سلام عليكم براك طريتم قبل يومين . نحنا عندنا قطعت 6 وتلت مع بدايه الطره -كالعاده قطعت فى خط واحد وباقى الاحياء حوالينا فيها كهربا جابوها 9 وشويه 3 دقائق ماتمت قطعت جات تلاته الا تلت صباحا المشكله الاكبر الاتصالات اصبحت رديئه
Post: #64 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-21-2021, 06:07 AM Parent: #63
Quote: يا صلاح الزبير شايفك استهنت بمسألة انتاج الكهرباء بالألواح والمولدات التي تعمل بالطاقة الشمسية وبالغاز
مافي إستهوان يا شيخ منتصر وكأنك لم تقرأ ما أكتبه في مداخلتي عاليه ... لكن في أسباب وجيهة جدا تمنع الإعتماد على الطاقة الشمسية منها :- ١ :- التكلفة لي بلد يعاني وما عندو اللضا ... ٢ :- حوجة البلد لي كميات كبيرة من الكهرباء لتغذية الشبكة الفقيرة جدا (١٨٠٠ ميقاوات) ولازم تكون(١) بتكلفة أقل (٢) وبأسرع ما يمكن ... وهذا ليس متاح في التوليد بالطاقة الشمسية او الرياح أو البيوغاز ...
Quote: إذا كانت أمريكا صارت تلجأ لهذا الطاقة البديلة باعتبارها أفضل اقتصاديا وبيئيا
أمريكا البلد نعم أفضل اقتصاديا وبيئيا لكن الحكومة الأمريكية لا تنتج كيلوات واحد وتقوم بذلك الشركات الخاصة وميزانية الشركة الواحدة أكبر من ميزانية حكومة السودان عشرات المرات .. أنا كتبت في مداخلة أعلاه :-
Quote: نحنا يا كمال ماليا نعتبر من الدول الفقيرة جدا من حيث لا نملك دخل ثابت بالعملة الأجنبية ولا نملك ارصدة وما نتحصل عليه من مداخيل أجنبية يذهب نصفه للبنزين والدقيق والنصف الآخر يصرف على مخصصات وسلام وحاجات تانية تتسم بالفضيحة إذا أعلن عنها ... بالتالي وفي ما يخص الطاقة الأولوية الحصول على أجهزة توليد كهرباء لإنتاج أكبر كمية من الكهرباء بأقل تكلفة ... لذلك التركيز على التوليد الحراري (بترول وغاز وفحم وحتى إن شاء الله حطب) هو الذي يمكن أن يخرجنا من هذه الأزمة ... حتى الدول الغنية تجد التوليد الحراري هو الغالب وبفايض ارصدتها ذهبت إلى تنفيذ مشاريع توليد الكهرباء من الطاقات المتجددة والنظيفة ...إلخ
وكتبت :-
Quote: تحياتي عاصم ومنتصر ... زي الما شايفين (زاوية) شوفي ... ١ :- قبل اكتر من ١٠ سنوات صرفت UAE اكتر من ٦٠٠ مليون دولار عشان تولد ١٠٠ ميجاوات طاقة شمسية ... التوليد الحراري ٦٠٠ مليون دولار دي تكلفة ٦٠٠ ميجاوات ... ٢ :- البلد في حوجة ماسة لي كمية كبيرة وليس نوعية من الميجاوت ... يعني النقص الراهن في الكهرباء وطموح التنمية والنهضة لا يمكن الإيفاء به إلا بالحصول على آلاف الميجاوت بسعر مناسب لحالة البلد الإقتصادية وبأسرع ما يمكن ... ٣ :- يعني البلد اليوم ممكن تستوعب ١٠ ألف ميجاوات بي تكلفة ١٠ مليار $ ٤ :- الطاقة الشمسية والبيوغاز وطاقة الرياح يمكن استعمالها للأماكن النائية او البعيدة عن الشبكة القومية وحوجتها للكهرباء لا تتعدى الكيلو واتات لي واحد ميجاوات ... يعني الطاقة المتجددة في وضعنا الراهن لن تفيد في طموح التنمية وبداية النهضة ...
ثم إن التوليد بالغاز يعتبر توليد حراري زيو وزي الجازولين والفيرنس وخام االبترول بس على أنضف ...
Post: #65 Title: Re: حصيلة قطع الكهرباء اليومي ... تسقط حكومة ال Author: muntasir Date: 07-21-2021, 08:30 AM Parent: #64
يا صلاح فعلاً شفت برنامج في أمريكا كمية من الالواح زي بتاعت الطاقة الشمسية في صحراء عبارة عن مرايات بتعكس في مراية في برج تسخن الماء ومن البخار تحرك التوربينات لانتاج الكهرباء احنا عندنا شمس تفور الدماغ مش الموية
Post: #66 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-21-2021, 10:33 AM Parent: #65
يعني هسع أنا أعمل شنو مع هؤلاء المنتصران ... البتقولو فوقو دا معلومات عفا عليها الدهر وشرب ... يعني ساعة بركبو في الواح المرايا الفي الصورة دي سنة ٢٠١٢ انا كنتا متواجد في هذه المنطقة ... يعني كل ٤ يوم انا بشوفا وإنا في الطريق بين بوحصا وعصب وياما وقفنا عندها وشفنا طريقة التركيب ولم نحضر الافتتاح في ٢٠١٣ لكن زرنا الكنترول رووم وشفنا ال Plant الذي يحوي البويلرس والكمبرسر والتوربينات وكل الأجهزة المصاحبة ... أي نعم كهرباء نظيفة لكن تكاليف الحصول عليها عالية جدا وكمية الأجهزة المشتركة في عملية التوليد كتيرة جدا مما يتطلب توفير اسبيرات كتيرة برضك ... وان كان ميزانية تشغيلها أقل تكلفة من التوليد الحراري في ذلك الوقت وكل الست أب جديد لنج ... لا أعلم تكاليف تشغيلها الآن بعد ٨ سنوات من دخولها الخدمة ...
Post: #67 Title: Re: حصيلة قطع الكهرباء اليومي ... تسقط حكومة ال Author: muntasir Date: 07-21-2021, 11:09 AM Parent: #66
خلاس سكتنا شحدت المولى الليلة ختكم ٨ ساعات 😂
Post: #68 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-22-2021, 05:41 PM Parent: #67
Quote: الحكومة الأمريكية لا تنتج كيلوات واحد وتقوم بذلك الشركات الخاصة وميزانية الشركة الواحدة أكبر من ميزانية حكومة السودان عشرات المرات ..
موش الكهرباء براها في واحد قال لي حتى طباعة العملة تتوالها بنوك خاصة وهذا سر قوة الدولار لأنه لم تتحكم فيه السلطة السياسة
Post: #69 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 07-22-2021, 10:40 PM Parent: #68
Quote: ومدراس صناعيه يكون فيها مسار طاقه متجدده رياح وشمسيه وختى الغاز الحيوى ...الخ
المغتس أم أهل البلد هو جعل المدارس الصناعية اختيارية في مسار مستقل ومختلف وهذا خطأ لا يتناسب مع السودان ولا مع الحاجة للتقدم والتطور الواحد أمو أو حبوبتو عاوزاهو بس يصبح طبيب ولازم يدخل منهج اكاديمي المفروض جعل المناهج الصناعية والمساق الصناعي والزراعي اجباري لكل طلاب المدارس يمضيان معا الفني مع الاكاديمي ويكون هناك فنيون يعينون في المدارس لتدريب الطلاب ولايشترط أهل الشهادات لإشعال مهمة الفنيين مساعدي التدريب هناك عمر ومرحلة عمرية وابداع يقتله التعليم الأكاديمي العقيم والمفروض التعليم العملي والنظري الأكاديمي يمضيات معا في طريق واحد حتى النهاية وفي الآخير يتفرع الطلاب كل في ما يختاره من مادة صناعية أو زراعية حتى يتخرج من المرحلة الثانوية وتأخير هذه المناهج الصناعية للمرحلة الجامعية يقلل من جدواها بعد البلوغ و بعد أن ييبس الرأس ويسقف على كدا يكون بعدها مفيش فايدة
Post: #70 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-22-2021, 11:42 PM Parent: #69
تعرف يامنتصر فى ليبيا فى عهد الراحل معمر القذافى -رغم الاختلاف والماخذ على عهده - كانت كليه الزراعه وتخصص الجيلوجيا من تخصصات القمه فى بلد نفطى ومهتم بالنهر الصناعى العظيم والزراعه
Post: #71 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-23-2021, 07:47 AM Parent: #70
واحدة من جرائم الإنقاذ الكبرى هو تحويل الدولة من دولة لكل السودانيين لي دولة الحزب الواحد التى تعمل وتهتم بي فئة واحدة من السودانيين ... تم تدمير النظام التعليمي والصحي لمصلحة كوادر الإسلاميين الذين امتلكو المدارس والمستشفيات الخاصة ورفعت الدولة يدها عن المدارس والمستشفيات الحكومية وإهمال المؤسسات المساندة لي قطاع الصحة والتعليم من كليات تعليمية متخصصة ترفد القطاعين بالكفاءات وإهمال وتدمير البنية التحتية لمؤسسات القطاعين من مباني ووسائل تشغيلية ... التعليم والصحة والأمن والخدمات الأساسية التي تخص المواطن العادي من اتصالات وكهرباء وماء ..إلخ هي أساس أي دولة في العالم ... الإهتمام بها هو أولى أولويات أي حكومة والطريق الوحيد للنهضة واهمالها ينتج الدولة الفاشلة كما نحن عليه اليوم ... التنافس والكيد السياسي يجب إبعاده عن أسس قيام الدولة ... يجب على من يحكم التفريق بين السياسي والخدمي ... يجب عدم تسيس الخدمات الأساسية التي يقاس بها نجاح أو فشل الدولة ...
Post: #72 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-24-2021, 10:55 AM Parent: #71
Quote: محمد بن راشد: علمتني الحياة أن معركة البناء والتنمية هي المعركة الحقيقية المصدر: دبي- الإمارات اليوم التاريخ: 24 يوليو 2021 أكد صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي، أن معركة البناء والتنمية هي المعركة الحقيقية، وأن بناء الوطن والإنسان هو أكبر وأعظم هدف في الحياة. وقال سموه في تغريدة عبر حسابه في «تويتر» ضمن وسم #علمتني_الحياة: علمتني الحياة.. أن لا تشغلني الحياة بمعاركها الجانبية عن معركتنا الكبرى الحقيقية… معركة البناء والتنمية.. بناء الوطن معركة.. بناء الإنسان ملحمة.. بناء حياة لأجيال جديدة هو أكبر وأعظم وأنبل هدف لحياتنا.. وما سوى ذلك تفاهات تشغلنا عن معركتنا الحقيقية".
الفهم الزي دا بعيد بي سنين ضوئية عن كل السياسيين والعسكريين الحكمو السودان إلى الآن والطامحين في حكم السودان ...
Post: #73 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-26-2021, 02:29 PM Parent: #72
لليوم العاشر على التوالي يشهد التيار الكهربائي إستقرارا" لم يخلو من القطوعات القصيرة كتأمين من المطر والرعد والبرق الذي اتسمت به الأيام السابقة ...
Post: #74 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-26-2021, 09:12 PM Parent: #73
Quote: لليوم العاشر على التوالي يشهد التيار الكهربائي إستقرارا" لم يخلو من القطوعات القصيرة كتأمين من المطر والرعد والبرق الذي اتسمت به الأيام السابقة ...
عليك الله قول ماشاءالله وعينى بارده الواحد من امس خاتى ايدو فى فلبو ماتقطع فجاءه
Post: #75 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-28-2021, 07:26 PM Parent: #74
وزير الطاقة شخصيا (من الأحباب) طلع في مؤتمر صحفي معلن ومشهود ومنعقد في منصة سونا وموجود في اليوتيوب بداية مارس ٢٠٢١ وحا انزلو بعد المداخلة دي ... المؤتمر انعقد بعد معاناة المواطنين من انقطاع الكهربا المتواصل الغير مسبوق ولفترات طويلة طوال أشهر الشتاء ... وبعد تبريرات ساذجة جدا لأسباب الانقطاع بدءا بي كرونا وانتهاءا بي شماعة الصيانة الدورية وفصل الشتاء الذي ينقصه البرد ... نجد محصلة المؤتمر وأهم ما أفاد به السيد الوزير وأركانه من مسؤوليي الكهرباء (١) سوف تضاف ٧٥٠ ميجاوات للشبكة التي تولد ١٨٠٠ ميجاوات في ذلك الوقت (٢) سوف يستقر التيار الكهربائي يوم ١ أبريل (كلام الوزير) والاسبوع الأول من أبريل (كلام مدير التوليد برفقته) ... وظل الحال في حالو مارس وابريل ومايو ويونيو ويوليو حتى يوم ١٨ يوليو ... ومنذ ١٨/٧ حتى الآن ننعم بتيار مستقر دون الإعلان من الوزير او أركانه بالجديد الذي مكنهم من الاحتفاظ بتيار مستقر طوال ١٢ يوم مما يبشر بأن الجديد الذي حصل غير موثوق فيه ... ولننتظر ونرى ...
Post: #76 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-28-2021, 07:43 PM Parent: #75
غايتو لو ما عادت القطوعات فى الاسبوع القادم مع عوده النشاط لطبيعتو بعد العيد يبقى موقف التوليد المائى عمل اضافه جيده مع الخريف على الاقل حصل قطوعات مفروض تطون اخف واقل ساعات ربنا يلطف
Post: #77 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-28-2021, 07:52 PM Parent: #76
Post: #78 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-28-2021, 11:07 PM Parent: #77
نقطتين ... ١ :- آليات توليد الكهرباء قديمة ومتهالكة ومتقادمة ... دا كلام سياسة ... الآليات دي صنعت وركبت لتبقى سنين طويلة جدا (تموت تخلي) تحت شرط أساسي وهو تطبيق جدول الصيانات المقرر بواسطة المصنع ... بما فيها صيانة دورية يقوم بها المصنع نفسه وهذا النوع من الصيانة بالتأكيد تم التخلي عنه في وجود المهندس السوداني المقددا ومخليها شرقرق ... ٢ :- أين يذهب دخل الكهرباء ... بالتأكيد لم يصرف على إحتياجات الكهرباء ... طيب لو افترضنا توليد الكهرباء ٢٥٠٠ ميجاوات/ساعة ... يعني ٢٥٠٠×١٠٠٠ = ٢٥٠٠٠٠٠ كيلوات/ساعة إذا وضعنا متوسط سعر الكيلوات ٥ جنيه يبقى في الساعة الواحدة دخل الكهرباء =١٢٥٠٠٠٠٠ جنيه بالجديد يبقى في اليوم دخل الكهرباء = ١٢٥٠٠٠٠٠×٢٤= ٣٠٠ مليون جنيه بالجديد في الشهر = ٣٠٠مليون ×٣٠= ٩٠٠٠مليون جنيه بالجديد بالدولار = ٩٠٠٠ مليون÷٤٥٠= ٢٠ مليون دولار ... أين تذهب هذه الأموال شهريا ؟؟؟ القطاع الوحيد في السودان المفروض لا يعاني من الإمكانيات والضائقة المالية ...
Post: #79 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-29-2021, 09:07 AM Parent: #78
تووووووووف شاتوها الساعة ٨ صباحا .... هسي ١٠ صباحا ولم ترجع بعد ... نطفش بس ... في الطريق لي قبة جدي الشيخ باسبار نواحي نهر النيل ...
Post: #80 Title: Re: حصيلة قطع الكهرباء اليومي ... تسقط حكومة ال Author: نعمات عماد Date: 07-29-2021, 09:15 AM Parent: #79
صبراً آل باسبار 😁 أمس قطعت عندنا من 11 ص ألى 3 عصراً فقط. إحتمال لسه بيقولو يا هادي.
Post: #81 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-29-2021, 10:14 AM Parent: #80
Quote: صبراً آل باسبار
مرحب د. نعمات ... وآلله يا دكتورة ما شايف سبب واحد (مقنع) للمعاناة دي ... ضعف شخصية المسؤولين الكبار سبب رئيسي في البيحصل دا ... والضعف دا نتيجة طبيعية للضعف المهني والإداري ... عشان كدا قنا وزراء المحاصصات ديل ما بنفعو ... الكهرباء بالزات لازالت متخمة بالكوادر الكيزانية ... ومافي طريقة إستبدال فوري ... عشان كدا وزير تكنوقراطي يفهم في الكهربا جدير بي استخراج أقصى جهد من المهندسين والفنيين الماسكين الشغلة دي ... الكهربا هي آخر معارك الكيزان المفتوحة ضد الشعب السوداني ...
Post: #82 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-29-2021, 11:39 AM Parent: #81
Quote: أمس قطعت عندنا من 11 ص ألى 3 عصراً فقط.
بلغني رجوع الكهرباء الساعة ١٢ و١٥ دقيقة ... يعني من ٨ لي ١٢ ... حوالي ٤ ساعات زيكم ... ربك يستر وما تقطع عندكم اليوم بالليل ...
Post: #83 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-29-2021, 03:40 PM Parent: #82
Quote: عزا وزير الطاقة والنفط جادين علي عبيد، استقرار التيّار الكهربائي هذه الأيام لـ”4″ أسباب، أهمّها توفير الفيرنس للمحطات الحرارية في موعده، واكتمال عمليات الصيانة الدورية للمحطات، مما أدّى إلى تشغيلها بكفاءات عالية، بجانب ارتّفاع التوليد المائي بالخزانات بنسبة 20%، فضلاً عن اعتدال الأجواء هذه الأيام.
وأشار جادين ، إلى أنّ ذلك أدّى إلى انخفاض حجم الاستهلاك الكهربائي إلى 20%.
وأعرب جادين عن أمله أنّ تستمر الأجواء الخريفية بهذه الصورة حتى لا تعود القطوعات الكهربائية كما كانت في السابق.
ولكن فيما يشبه الكوميديا بدأت قطوعات الكهرباء اليوم وعادت أصوات المولدات الخاصة تدوي في ارجاء السوق العربي حسب إفادات محرر الموقع
https://showtimenews.net/شوتايم نيوز
Post: #84 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-29-2021, 07:17 PM Parent: #83
هههههههه الكيزان مدقسين الشعب السوداني ٣٠ سنة ... معقولة ما يدقسو الحبيب جادين ... هههههه
Post: #85 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-31-2021, 12:42 PM Parent: #84
الجمعة قطعت من ٧ مساءا ورجعت ٩ مساءا ... اليوم السبت ٣١/٧ قطعت ١٢ ونشوف حا ترجع متين ...
بالمناسبة انا زول عنقالي ساي في الكهربا وحتى الميكانيكا ... علا داير أسعال هل خريجين الميكانيكا عندهم وظائف في قطاع الكهرباء ولا الصيانات الفشنك دي قاعدين يقومو بيها مهندسين الكهربا؟ ... هل في الجامعات السودانية يا اخوانا في تخصصات ميكانيكية زي REE و SEE ... REE stand for Rotating Equipment Engineer SEE stand for statistic Equipment Engineer
Post: #86 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-31-2021, 09:02 PM Parent: #85
للتوثيق اليوم الكهربا رجعت الساعة ٣ و١٥ دقيقة ... خبر المليون ...
Quote: وزير الطاقة : انتهاء برمجة قطوعات الكهرباء اعتبارًا من غد الأحد 31 يوليو، 20210178
الخرطوم: الطابية أكد وزير الطاقة والنفط، جادين عبيد جادين استمرار استقرار الإمداد الكهربائي عقب انتهاء عطلة عيد الأضحى، وجدد تعهداته بانتهاء برمجة القطوعات ابتداء من غد، وقال جادين في تصريح لـصحيفة الجريدة الصادرة اليوم السبت إن هذه الفترة ستشهد استقرارا للتيار الكهربائي، خاصة في فصلي الخريف والشتاء لقلة الاستهلاك في هذين الفصلين في الوقت الذي يزيد فيه الاستهلاك في فترة الصيف بجانب ضعف الماكينات ،واردف التوليد المائي مستقر، ونتفاءل خيرا والأحوال في السليم إلى ان نغادر هذا الفصل في أحسن حال ونستقبل الصيف القادم بوضع أفضل مماكان من الفترة السابقة.
Post: #87 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-31-2021, 09:13 PM Parent: #86
سلامات صلاح زبير الظاهر انو حتى قطوعات الايام الماضيه بسبب اعطال او مشاكل بسبب الخريف قبلشويه فى سوق بحرى شايف الكهربا قاطعه فى جزء مجدود (منطقه دلاله العربات ودكاكين الصياغ ومساحن البهارات وبعض الورش. فى العاده السوق بيقطع كلو مع بعض ومعاهو اجزء من الختميه غرب والديوم غايتو بشرى جميله بكره شغال معمل 9 ساعات وخايف اليوم يضيع فى قطوعات الكهربا -كنت متوقع نو القطوعات عودتها بعد العيد حتكون مع بدايه الاسبوع دا وانتظام الاعمال الرسميه والحره- لو عادت لكن كدا الواحد يتطمن
Post: #88 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 07-31-2021, 10:31 PM Parent: #87
Quote: بجانب ضعف الماكينات
دي عملت لي كرضمه ... خروف هي ... في حاجة إسمها Inspection Engineer دا مسؤوليتو ال integrity بتاع الحديد المدور عندك في المحطات ... وشغلو integrity certification وعندو شهادتين بس ... Operated ولا write off ... طبعا الشهادتين معاهم enough justifications ... لسع بدري علينا ... درب الإحترافية شاق وطويل ...
Post: #89 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 07-31-2021, 11:01 PM Parent: #88
Quote: Inspection Engineer
المجال دا صادفتو فى الخطوط السودانيه ايام مشروع التخرج معقول مايكون عندهم مهندسين مؤهلين فى المجال دا ويكونو ضمن تاس الانذار المبكر من خلال المراجعه الدوريه !!
Post: #90 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-01-2021, 08:49 PM Parent: #89
دا كلام يوم ٢٩/٧
Quote: عزا وزير الطاقة والنفط جادين علي عبيد، استقرار التيّار الكهربائي هذه الأيام لـ”4″ أسباب :- ١ :- أهمّها توفير الفيرنس للمحطات الحرارية في موعده. ٢ :- واكتمال عمليات الصيانة الدورية للمحطات، مما أدّى إلى تشغيلها بكفاءات عالية. ٣ :- بجانب ارتّفاع التوليد المائي بالخزانات بنسبة 20%. ٤ :- فضلاً عن اعتدال الأجواء هذه الأيام.
ودا كلام يوم ٣١/٧ :-
Quote: وزير الطاقة : انتهاء برمجة قطوعات الكهرباء اعتبارًا من غد الأحد 31 يوليو، 20210178
الخرطوم: الطابية أكد وزير الطاقة والنفط، جادين عبيد جادين استمرار استقرار الإمداد الكهربائي عقب انتهاء عطلة عيد الأضحى، وجدد تعهداته بانتهاء برمجة القطوعات ابتداء من غد، وقال جادين في تصريح لـصحيفة الجريدة الصادرة اليوم السبت إن هذه الفترة ستشهد استقرارا للتيار الكهربائي، خاصة في فصلي الخريف والشتاء لقلة الاستهلاك في هذين الفصلين في الوقت الذي يزيد فيه الاستهلاك في فترة الصيف بجانب ضعف الماكينات ،
ودا كلام يوم ١/٨ :-
Quote: ظلت القطوعات مستمرة صباح اليوم الأحد ١/٨ في العديد من المناطق داخل ولاية الخرطوم وفي العديد من الولايات التي تغطيها الشبكة القومية للكهرباء.
اليوم في منطقة شرق النيل قطعت الكهرباء الساعة ٦ وربع مساءا وإلى الآن الساعة ٩ و٥٠ دقيقة لم ترجع ... الوزير الأنا شوفتو بيتحدث عن مشكلة الكهرباء زول ما ناقش وما عندو فكرة خالص لا هندسة كهرباء لا إدارة مرفق زي قطاع الكهرباء ... دا احسن يرجعوهو لي حزب الأمة ويشوفو ليهو بوخة مرقا ... المحاصصة عنوان كبير لفشل حكومة حمدوك ...
Post: #91 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-01-2021, 10:17 PM Parent: #90
Quote: وجدد تعهداته بانتهاء برمجة القطوعات ابتداء من غد
Post: #92 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-02-2021, 03:49 PM Parent: #91
Quote: وجدد تعهداته بانتهاء برمجة القطوعات ابتداء من غد
لليوم الثاني على التوالي ... قطعت الساعة واحدة ونص ظهرا ... الآن قبل الخامسة بي ١٠ دقايق ولم ترجع ... الوزير طلع كضاب ... كيزان الكهربا مدقسنو ...
Post: #93 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 08-02-2021, 04:09 PM Parent: #92
عندنا الليله قطعت اول مره من قبل العيد لمدة 5 ساعات من 10 الا 10 ص لغايه 3 الا 10 عصر
Post: #94 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-03-2021, 06:03 AM Parent: #93
مبااااااالغه .... طبعا من الساعة ٢ صباحا ولغاية ٤ و٤٥ دقيقة صباحا دخل خط الكهرباء في قطوعات جنونية ... نظام في واحد بيلعب بي مفتاح ال السويتش ... يولع لمدة دقيقة ويطفي لمدة دقيقتين ... استمر هذا الوضع لمدة ٣ ساعات ... بقينا زي الجداد المتربص بيهو الثعلب ... (سهر الجداد ولا نومو) طبعا تفسير هذا هو ضعف التيار المرسل في الخط مقارنة بالأحمال المفروض يشغلها ... طبعا بالتأكيد لم تزيد الأحمال في هذه الليلة ولكن ضعف التيار من المصدر ... مع الشنو كدا القومية للكهرباء لن تغمض عينيك ...
Post: #95 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-04-2021, 11:44 AM Parent: #94
ما عندك حلل يا سعادة الوزير ... لازم لازم تنكر ... الجدير بالذكر نفس الصحيفة الصرح فيها بتوقف القطوعات هي نفسها ألتي تحمل خبر الإنكا ... امس قطعت لمدة ساعتين ليلا .. اليوم قطعت ٧ ونص والآن ١٢ و٣٥ دقيقة ولا يوجد بوادر لارجاعها ...
Quote: الخرطوم – رشا التوم أكّد وزير الطاقة والنفط جادين علي عبيد، استمرار قطوعات الكهرباء خلال الفترة المقبلة نتيجة لارتفاع الطلب على الكهرباء. وقال جادين لـ(الصيحة)، إن الحديث عن وقف برمجة القطوعات لا يتناسب مع المُعطيات في القطاع، ونفى الحديث المتداول عنه في وسائل التواصل عن وقف البرمجة. وأضاف “قد يحدث بعض التحسُّن نتيجة لأسباب متعددة”، وقطع باستمرار القطوعات، لكنه قال إنها ستكون بصورة مُخفّضة وفي حدود.
Post: #96 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-16-2021, 06:20 PM Parent: #95
حوالي الاسبوعين من بداية الشهر وتمنى كل من له صلة بي كهربة جادين أن ترجع القطوعات المنتظمة والتي رزحنا تحتها لأكثر من ٩ أشهر ... في خلال ١١ او ١٢ يوم الأولى من بداية الشهر الكهربا تقطع في أي وقت خلال ال ٢٤ ساعة وترجع في أي وقت ممكن بعد ساعة صباحا وتقطع لمدة نصف ساعة منتصف النهار وبعد الظهر من ٤ لي ٥ ونص وبالليل من ١١ لي واحدة صباحا ومرات من ٣ صباحا لي ٦ ونص صباحا ... كل القطوعات دي في يوم واحد ... منذ بداية هذا الأسبوع رجعت البرمجة التي عانينا منها لمدة ٩ أشهر ... قطعت يوم الجمعة مساءا لمدة ٥ ساعات والسبت بدأ القطع ٨ صباحا ورجعت ٣ وربع ظهرا والأحد قطعت ٥ مساءا ورجعت ١٠ ليلا واليوم قطعت ٧ ونص صباحا ورجعت الساعة ٣ ظهرا .. وقطعت عصرا ٥ وربع مساءا لترجع ٦ و٤٥ دقيقة مساءا ... لم يتحدث كبار المسؤلين عن هذه المصيبة التي تحدث في الكهرباء منذ أكثر من ٦ شهور والتي يعاني منها قطاع عريض من الشعب السوداني ... وحده وزير الطاقة هو الذي يصرح بي الأكاذيب ويرجع تاني يوم ينفي بأنه ذكر ذلك التصريح ... نفهم بأن كبار المسؤلين في البلد ليس لهم هم إنقطاع الكهرباء عن معظم مشتركي الكهرباء في بقاع السودان المختلفة والسبب الواضح والما فاضح بأنهم لا يعانون من إنقطاع الكهرباء نسبة للتوجيهات الصارمة من أعلى المستويات (الوزير) لغرفة البرمجة كما ذكرنا سابقا :-
Quote: الفضيحة أم جلاجل ... بعض الأماكن الحساسة لم تنقطع منها الكهرباء طوال ال ٩ أشهر السابقة إلا ما ندر وبي توجيهات صارمة لغرفة البرمجة المركزية ... بعض الأماكن الحساسة :- مكاتب أعضاء مجلس السيادة مكاتب أعضاء مجلس الوزراء بيوت أعضاء مجلس السيادة بيوت أعضاء مجلس الوزراء مكاتب وبيوت الجيوش الجرارة من مساعدي الطبقة الحاكمة مضافا إليها كل المصنفين (VIP) من وكلاء وزارات وضباط القوات النظامية والمدراء والتنفيذيين
إلى متى يعاني الشعب السوداني من هذا الظلم ... لا خير في هذه الحكومة التي عجزت تماما في توفير خدمة الكهرباء المستقرة لشعبها ... لا خير فيها وهي تنتاشها الفضايح كل يوم جديد من كبار مسؤوليها ... الكيزان طوال ٣٠ عام لم يضعون هذا الشعب على المحك في أوجب واجباتهم كما يفعل هؤلاء الزلنطحية ... لم تعاني البلد في ظل حكم الكيزان من أزمات ممتدة لشهور في خدمات الماء والكهرباء والمحروقات والدقيق ...إلخ هل ما يحصل في قطاع الكهرباء مقصود؟
Post: #97 Title: Re: حصيلة قطع الكهرباء اليومي ... تسقط حكومة ال Author: نصر الدين عشر Date: 08-16-2021, 08:51 PM Parent: #96
سلام Salah Zubeir وضيوفه الكرام
مسألة قطوعات الكهرباء دي مشكلة كبيرة خالص والحكومة لا تعيرها ادني اهتمام الحكومة بعدم فعلها لاي شيء بتقول للشعب تعال سقطني والشعب حيلو اتهد وما اظن يعمل ثورة تانية المهم منتظرين سيدنا عيسي يظهر عشان يخلص الشعب من المهانة دي والشيء المؤلم اكتر من الكهرباء المعاش اتخيل المعاش ليوم الليلة تلاتة مليون بالقديم يعني تلاتة الف بالجديد ودا اقل من فطور اتفه مسؤول في حكومة حمدوك
Post: #98 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-17-2021, 06:15 AM Parent: #97
Quote: والحكومة لا تعيرها ادني اهتمام
حبابك نصرالدين ... الحكومة غير فاعلة ومشلولة تماما وتنقصها المهنية والتفكك الإداري ... يعني أزمة تمس قطاعات كبيرة من المواطنين وتمس الإنتاج الصناعي والزراعي ...إلخ والحكومة برئيس وزرائها لم يتحدث بالمطلق عن هذه الأزمة منذ بداية التدهور في نوفمبر الماضي ... غايتو الوزير أب سفه عقد ليهو اجتماعين علاقات عامة واحد في فبراير والتاني في يوليو بخصوص الكهرباء ... عدا ذلك تحمل الوزير (المهندس) جادين منذ مارس الماضي مسؤولية الكذب والرياء على الشعب بي قوة عين تفوق فيها على شنق السفه أمام الكميرات ... الفيديو المرفق في هذا البوست وتصريحات جادين تثبت كذب جادين ... سؤال بريء :- جادين دا هندستو في ياتو مجال ...
Post: #99 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-17-2021, 07:17 AM Parent: #98
Post: #100 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-17-2021, 11:36 AM Parent: #99
من الصعب كرئيس للوزراء متابعة السوشيال ميديا ... ولكن أظن وبعض الظن إثم هنالك جوكيه من ضمن طاقمه يقومون بلغت نظره للمهم أو الأهم ... يعني احتمالات الرد بتكون 50/50 لو ما جا حاج العوض وعملا زيرو عديييل ... ننتظر ونشوف ...
Post: #101 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 08-17-2021, 01:02 PM Parent: #100
سلام عليكم صلاح زبير شايف كمان صفوف الوقود كترت وطالت كملو الطضب فى موضوع الكهربا- فيرنس . صيانه ,قطع غيار , ضعف التوليد المائى قبل الخريف ....الخ - وبقى مافى شى جديد يقولو الناس ديل كان غلبتهمالشغله يغادرو الكراسى دى قبل مايقلعهم الناس منها لانو الصبر عندو حدود
Post: #102 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-18-2021, 08:57 AM Parent: #101
Quote: سلام عليكم صلاح زبير شايف كمان صفوف الوقود كترت وطالت كملو الكضب فى موضوع الكهربا- فيرنس . صيانه ,قطع غيار , ضعف التوليد المائى قبل الخريف ....الخ - وبقى مافى شى جديد يقولو الناس ديل كان غلبتهم الشغله يغادرو الكراسى دى قبل مايقلعهم الناس منها لانو الصبر عندو حدود
حباب عاصم ... عارف يا عاصم أمس هجست في البيت وحلفتا ما اطلع نسبة لي دردرة أيام كتيرة لي ورا ... عارف الكهربا موجودة من الصباح لأنو المفروض تقطع مساءا حسب برمجة الأيام السابقة كما علمت ... من الصباح لغاية ٩ ونص ليلا الكهرباء قطعت ٥ مرات لي فترات قصيرة وترجع ... قطعت ٩ ونص ليلا ورجعت قبل منتصف الليل بي شوي ... دا حسب البرمجه ... من منتصف الليل لغاية الصباح قطعت ٣ مرات لفترات قصيرة ... يعني مجموع القطوعات في الخط الناقل للكهرباء لي بيتنا يبلغ ٩ مرات في اليوم ... يعني الفهم شنو ... اقولو ليك ... الأولوية لتوفير الكهرباء لي خطوط المناطق الحساسة ( يعني الأولوية لي مكاتب وغرف نوم حكامنا) يعني عادي يقلعو الكهربا من خطنا عشان يوصلوها لي خط بيت برهان ولا حمدوك ولا جادين ... عيب تقطع الكهربا من ديل ... البريستيج يا عمك ...
Post: #103 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-19-2021, 06:58 PM Parent: #102
إستقرار الكهرباء من أمس صباحا حتى مساء اليوم وقطعت ٥ مساءا ... لم تقطع ولو لمرة واحدة منذ الأمس صباحا ... المسألة والهدف واحد ... حتى لو توفرت الكهربا لكل مستخدمي الشبكة ما المفروض الشعب التعيس دا يصدق إنو مشكلة الكهربا إتحلت ... دايما ذكرهم وقول ليهم تشموها قدحه في كهربا مستقرة زي أيام الكيزان ... تذكرو دايما أن أحد أهداف ثورة ديسمبر هي زعزعة المواطن السوداني في مأكله ومشربه وكهربته ومويته...إلى آخر القائمة ... وليستمتع أعضاء الحكومة وكبار المسؤولين ومن تبعهم من مساعدين بخيرات ثورة ديسمبر من مخصصات وكافة الإمتيازات ...
Post: #104 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-22-2021, 07:31 AM Parent: #103
اقسمبلاي أمس قطعت ٥ و٢٤ دقيقة عصرا ورجعت ١٢ و٣٢ دقيقة بعد منتصف الليل ... غايتو أي نقطة دم مصاها البعوض أمس من غلابا الشعب السوداني ... ربنا يمصها من جادين وجبريل في الدنيا دي عاجلا غير آجل ... إن شاء الله بي حادث حركة ... يا ربي وزراء المحاصصات ديل مودننا وين؟!!! التخبط وغياب الرؤيا وفقدان روح الفريق الواحد داخل مجلس الوزراء ... لدرجة شكوى الوزراء بعضهم البعض للرأي العام في صفحات الجرايد بدل حل خبوبن داخل المجلس أو بواسطة الرئيس الدلدول القاعد وسطم ...
Quote: بسبب البارجة التركية زيادة ساعات برمجة قطوعات الكهرباء بالخرطوم ..!! كشف مهندسين بقطاع الكهرباء عن اسباب زيادة ساعات قطوعات الكهرباء بالخرطوم بسبب خروج البارجة التركية التي تنتج الكهرباء لمدينة بورتسودان عن الخدمة وقالوا ان بورتسودان يتم تزويدها من البارجه التركيه والفائض يحول للشبكه للقوميه وفي حاله خروج البارجه يتم امداد بورتسودان بالكهرباء من الشبكه القوميه مما يتسبب في عجز كبير للشبكة القومية التي تلجا لزيادة ساعات القطوعات في الخرطوم لسد العجز وتوقفت البارجة التركية عن امداد بورتسودان بالكهرباء بسبب المديونية الكبيرة على الحكومة
Quote: الخرطوم : السودان نيوز وجهت وزارة المالية والتخطيط الإقتصادي هيئة الموانئ البحرية بدفع مبلغ 5 مليون دولار أمريكي فوراً لصالح البارجة التركية و ذلك خصماً على الربط المقرر على هيئة الموانئ البحرية علماً بأن البارجة هي التي تزود بورتسودان بالكهرباء. #سونا #السودان
Post: #105 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-22-2021, 09:18 AM Parent: #104
جادين دا مهندس مدني ... كلنا بتعرف يعني شنو مهندس مدني ... سيرتو الذاتية صممت عشان يبقى وزير بترول ... ركزو لي علي كلمة بترول ... بحكم خبرتي أنا ٣٨ سنة في قطاع البترول في شركة بترول عالمية ... المهندس المدني بيشتغل طرق ومباني وممكن في الصيانة السنوية يشتغل تغيير عوازل ونضافة المعدات من الصدأ ودهانها ولا نضافة ال Vessels ودهنها ... يعني المهندس المدني ما عندو اي علاقة بالعمليات البترولية او الجيولوجية وكذلك ليس له علاقة لا من بعيد أو قريب بالكهرباء ... علاقة المهندس المدني بالبترول والكهرباء زي علاقة الخدرجي بالهندسة المدنية ... والصحيح هو أن تكون النظرة والتقييم كذلك ...
مافي اللخبطة بتاعت السودانيين دي ... مهندس مدني تقرأ ال CV بتاعتو تقول مهندس بترول ولا مهندس عمليات وبالميت كدا مهندس كيمياوي ... الزلنطحية والهباب والغش والخداع ... حتى على مستوى قيادات كبار كبار زي سعادة وزير الطاقة ... بس يا سعادتك نسيت تضيف ليك سطرين تلاتة عن الكهربا الحا تجيب اجلك قريب جدا ... الدرداقة عمرها ما بتبقى كارو ... والرقشة برضو ما بتبقى عربية بوكو حرام ... عشان كدا كان الأجدر يا سعادتك تتمسك بي البنى التحتية ... طرق ومباني ... ما دام مفروض تبقى علينا وزير ... شوفو تصميم السيرة الذاتية للمهندس المدني جادين :-
Post: #106 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-22-2021, 09:50 AM Parent: #105
Post: #107 Title: Re: حصيلة قطع الكهرباء اليومي ... تسقط حكومة ال Author: منتصر عبد الباسط Date: 08-22-2021, 11:08 AM
بالله وزير الطاقة مهندس مدني؟! دي حكومة المكفاءات؟! الله يخزيكم يا قحاتة القحاطة ومعاكم الأرعن الاصم وخالد سلك وباقي من استخدم اجساد النساء والشباب والاطفال وارواحهم من أجل الجاه والمنصب و معاكم حمدوك السجم وباقي المجارمة وكل كوز دعمكم تكتيكيا وكل من دعمكم بكلمة وهو يعلم أنكم لا تبتغون مرضاة الشعب وتحقيق أهدافه خسئتم ونصر الله الشعب على كل باغي
Post: #108 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-22-2021, 02:50 PM Parent: #107
تصريح غير مسؤول إذا صح ... هل الألف ميجاوات التي تحتاجها الشبكة لإستقرار التيار (حسب تصريح المدير في الفيديو عاليه) تكلفتا ٣ مليار دولار؟؟؟!!! تقديراتك دي بتشغلك في الكرين وحا تكسب كتير ...
Post: #109 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-22-2021, 08:04 PM Parent: #108
اليوم بعد رجوع الكهرباء ١٢ ونص صباحا قطعت مرة أخرى الساعة ١٢ ونص ظهرا لترجع ٥ ونص عصرا ... مرة أخرى قطعت ٦ و٤٠ دقيقة مساءا وإلى الآن التاسعة لم ترجع ...
Post: #110 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 08-23-2021, 06:27 AM Parent: #109
سلام عليكم صلاح زبير الحكايه جابت قطوعات مويه كمان امس من الفجر مويه قاطعه بعد ساعات من رجوع الكهربا 12ونص صباحا مشيت اللشغل وجيت راجع قريب المغرب شويه والمويه قطعت تانى لغايه مانمت مارجعت الويه لما رجعت حاجه ماتتقابل المويه دخلت فى خط الازمات وتزيدالمعاناه
Post: #111 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-23-2021, 07:47 AM Parent: #110
حباب عاصم ... يا عاصم الناس ديل أمبارح حيرونا عدييييل .... قطعت ١٢ ونص ظهرا ورجعت ٥ ونص عصرا ... وبعد ساعة واحدة فقط أي ٦ ونص قطعت تاني ورجعت ١١ ونص قبل منتصف الليل ... هل دي اسمها برمجة (برنامج متفق عليه)؟ دي مش برمجة ... دي هنجكة كهربجية لا يدرون ما يفعلون ... خبر المليون (قالو) البارجة التركية فكوها ومشت عرض البحر ... ونحنا صرنا ضحاياها ... بدل يقطعو كهربة المناطق الحساسة (برهان وحمدوك وجبريل وجادين)
Post: #112 Title: Re: حصيلة قطع الكهرباء اليومي ... تسقط حكومة ال Author: علي عبدالوهاب عثمان Date: 08-23-2021, 09:37 AM Parent: #111
الحبيب صلاح الزبير تحياتي قمة المعاناة .. الله يكون العون خبر في القروبات (( حمدوك اعطى مهلة 6 شهور للوزير لاصلاح الكهرباء ووقف القطوعات))
حسب ما ورد في القروبات من صحيفة التيار :
((( صحيفة (التيار) الصادرة أمس، جاء في خبر الصحيفة أنها تحصلت على معلومات دقيقة حول اجتماع عاصف ترأسه رئيس الوزراء عبد الله حمدوك، مع وزير الطاقة والتعدين جادين علي، في حضور الشركات التابعة للوزارة. وقالت الصحيفة إن رئيس الوزراء عاب على وزارة الطاقة عدم وجود رؤية وسقف زمني لحل أزمة الكهرباء، التي عاودت مجددا ببرمجة جديدة للقطوعات. وأشار حمدوك الى أن الخطط غير واضحة للاستفادة من الدعم المقدم من وكالة التنمية المقدر بنحو 700 مليون دولار من جملة 3 مليار دولار مقدمة للسودان للاستفادة منها في مجالات الطاقة..)))
المشكلة ادارية .. وهذه مشكلة السودان .. ما عارف نحن لا نمتلك مهارة الادارة حتى في حياتنا الخاصة
شكرا الحبيب صلاح الزبير على البوست
Post: #113 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-24-2021, 08:55 AM Parent: #112
حبابك أخونا علي عبدالوهاب ...
Quote: خبر في القروبات (( حمدوك اعطى مهلة 6 شهور للوزير لاصلاح الكهرباء ووقف القطوعات))
يا علي ... السيد رئيس الوزراء لم يتحدث عن مشكلة الكهرباء منذ (بداية تفاقمها)* في نوفمبر ٢٠٢٠ في أي وسيلة تواصل إعلامي ... ولا حتى تغريدة مواساة لهذا الشعب الصابر في تويتر ... بي بساطة لأنه لا يعلم ولا يعرف معنى معاناة قطع الكهرباء يوميا ولفترات تصل لي ١٢ ساعة من مكتبك او منزلك ... وزير الكهرباء حبرتجي (شوف ال CV) ... حريص جدا بعدم قطع الكهربا من الأماكن التي يتواجد فيها الناس البيجيبو ليهو الكج ...
Quote: ( صحيفة التيار) الصادرة أمس، جاء في خبر الصحيفة أنها تحصلت على معلومات دقيقة حول اجتماع عاصف ترأسه رئيس الوزراء عبد الله حمدوك، مع وزير الطاقة والتعدين جادين علي، في حضور الشركات التابعة للوزارة. وقالت الصحيفة إن رئيس الوزراء عاب على وزارة الطاقة عدم وجود رؤية وسقف زمني لحل أزمة الكهرباء، التي عاودت مجددا ببرمجة جديدة للقطوعات.
يعني سعادة رئيس الوزراء صحى امبارح وقام غسل وشو وقشا ريالتو وقال نادو لي ناس الكهربا عشان (نعيب) عليهم قطع الكهربا عن الشعب السوداني؟؟؟!!! عيب يا حمدوك ... وعيب كبير جدا ... بعد ١٠ أشهر من استفحال أزمة قطع الكهرباء يوميا منذ نوفمبر الماضي عايز تعيب على ناس الكهربا هذا السلوك المشين ... لو اجتماعك دا كان في يناير الماضي كان أزمة الكهرباء صارت نسيا منسيا ... العيب برضو على الوزير الموصل ليك الكهربا 24/7 وما محسسك بوجود مشكلة تجاه شعبك ...
Post: #114 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-24-2021, 06:42 PM Parent: #113
اليوم قطعت الساعة ٦ و٢٥ دقيقة صباحا ... ورجعت الساعة ٥ و٤٠ دقيقة مساءا" ... قطعت أكتر من ١١ ساعة في الشهر العاشر لتفاقم الأزمة ... ولسع وزير الطاقة على رأس عمله ... بالنسبة لي ما يحصل ينم عن مشكلة عويصة جدا في قطاع الكهرباء يتحتم على الحكومة الإعلان عنها ... التكتم وعدم الوضوح في الإعلان عن سبب القطوعات المتواصلة ينم عن ظلم بيين للمناطق التي يتم فيها القطع ... بالتأكيد البرمجة التي تنفذها شركة الكهرباء من العدالة أن تكون معلنة ... دا إذا كانت برمجة (عادلة) ... على الأقل نعرف متين بكون عندنا كهربا ومتين بتنقطع ...
Post: #115 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-28-2021, 08:53 AM Parent: #114
كتب زيزو أبو الزهراء :-
Quote: يفترض أن السيد رئيس الوزراء لديه صلاحية حسم الفاشلين وإنهاء وجودهم في الحكومة فوراً، ولكنه لا يستطيع لأن أغلبهم من القوى السياسية .. جاءوا بمحاصصات ترضية، وهو يحاول باستمرار أن يتعامل معها باللين ويتجنب الشدة والحسم فيعاقبهم باللوم والتوجيه والتحذير ومنحهم فرصة أخرى مثلما حدث مع جادين وغيره، فبدلاً من إقالته منحه ستة أشهر للقيام بما لم يقم به في السبعة أشهر الماضية فهل ينجح، أنا لا أتوقع ذلك. مشكلتنا أيها السادة في الأحزاب السياسية التي تدعي أنها شريفة ونزيهة وتجيد السياسة وحريصة على مصلحة البلد ولا يوجد أنجح منها، في حين أن عمايلها تثبت العكس، ودائماً ما تبلينا بكوادر لا يختلفون كثيراً عن كوادر المخلوع، فرغم ما نالوه من علم ومعرفة إلا أن تعيينهم في المناصب سرعان ما يكشف أنهم يعانون من نفس المتلازمة ... كلهم جادين .
Post: #116 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-28-2021, 09:18 AM Parent: #115
غايتو يا أبو الزهراء إذا دا فهم حمدوك حقو من بكرة يخت القلم ويقول لي الناس العينو شكرن (قحت) وزيو ممكن يلقى وظيفة أحسن منها بي مليون مره ... لأنو صعب جدا تشيل ليك طفلين في صفحتك يبولو ويخرو فيك ... سيبك من ٢٥ طفل كل واحد فيهم داخل عندك في مجلس الوزراء وعارفك ما حا تقدر تعمل ليهو حاجة ولو بال وخرا في صفحتك عشرين مرة ...
Post: #117 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-28-2021, 09:34 AM Parent: #116
أمبارح الجمعه دخلت البيت قبل العاشرة ليلا والكهربا قالو لي قاطعا من ٥ وربع عصرا ... دا غير ساعة ونص صباحا .. من ١٠ لي ١١ ونص صباحا ... غايتو بارك الله فيهم رجعوها ١٠ ونص وخمسة ... نمت قبل ال ١١ وصحيت بسبب السخانة ستة وربع ... ولدي قال لي قطعوها ٥ و٤٠ دقيقة صباحا ... الآن الساعة ١٠ ونص ولسع قاطعين ... غايتو قال لي ما تأمل يرجعوها قبل الرابعة عصرا ... عندي فروقات نوم كتيرة ...
Post: #118 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 08-28-2021, 03:15 PM Parent: #117
Quote: عندي فروقات نوم كتيرة ...
سلامات صلاح زبير موضوع النوم دا غايتو عودت نفسى انى انوم فى السخانه دى عشان اقدر استفيد من الوقت لما الكهربا ترجع طبعا غريبه لكن شهور من القطوعات فى السخانه لازم الواحد يخلق حاله هدنه معاها وينسجم معاها ماف طريقه غير كدا وربنا يجازى اللى كان السبب
Post: #119 Title: Re: حصيلة قطع الكهرباء اليومي ... تسقط حكومة ال Author: اخلاص عبدالرحمن المشرف Date: 08-29-2021, 05:16 AM Parent: #118
وزير قطوعات الكهرباء استعدوا للزيادات في اسعار الكهرباء وبرضو ح تقطع .
Post: #120 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-29-2021, 10:52 AM Parent: #119
هلا عاصم ... ياخي أنا زول سفر وسواقة عربية مسافات طويله ... بالإضافة للعضمه الكبيرة والجته القديمه ... وضيف ليهم ٣٨ سنة غربه النوم تحت التكييف المركزي الذي لم تقطع كهربته لمدة ٣٨ سنة ولو لثواني ...
Post: #121 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-29-2021, 10:57 AM Parent: #120
Quote: وزير قطوعات الكهرباء
حباب دكتورة إخلاص ... دا ممكن يكون وزير أي حاجة إلا الطاقة وخصوصا الكهربا ...
Post: #122 Title: Re: حصيلة قطع الكهرباء اليومي ... تسقط حكومة ال Author: محمد البشرى الخضر Date: 08-29-2021, 11:08 AM Parent: #121
يا ود الزبير, تعليقا على عنوانك العدلته الراجل مهندس مدني نعم لكنه حسب كلامه في كباية شاي قال قبل ما يتخرج زاتو اشتغل في شفرون! وظل في مجال النفط حتى قبل اسبوع من تعيينه وزير يعني لغاية 2021! فا الرجل نفطجي لا يقل عنك بالنسبة للكهربا أوكي معاك فيها
Post: #123 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-29-2021, 11:55 AM Parent: #122
يا باش ... دقيقة ... دقيقة ... يعني سمكري السيارات وخبرتو ٥٠ سنة سمكرة سيارات ممكن يشتغل ميكانيكي سيارات؟ وكهربجي السيارات بي خبرة ٤٠ سنة ممكن برضو يفك مكنة السيارات ويعمل ليها اوفرولينق ...؟ نجي لي قطاع البترول ... ومن وجهة نظر ناس الأمن والسلامة بس ... يمنع دخول منطقة عمليات البترول لكل العاملين في مجال البترول من مهندسين وفنيين الصيانة (ميكانك وكهرباء وآلات دقيقة وcivil ...إلخ) إلا بإذن عمل (work permit) مصدق من مدير العمليات البترولية او من ينوب عنه ... يعني كل من يعمل خارج نطاق العمليات البترولية هم ضيوف تحت الطلب متى ما تم الحوجة لهم ... يعني طوال وجودي كمهندس شبكات واتصالات (٣٨ سنة) لم أهتم في يوم من الأيام بي ما يعمله تيم العمليات وأكون كضاب لو قتا ليك ممكن أشتغل مهندس عمليات مع إنو في السنيين الأخيرة اعتمدو على ال networking وال IT في كل مراحل العمليات البترولية ... ياخي في مجال البترول نفسو الكيميائي ما ممكن يشتغل جيولوجي واللتنين ما عندهم فكرة عما يفعله مهندس العمليات ... يجي ال civil دا كل علاقتو بي قطاع البترول ال corrosion والمباني وال سبتك تانكس ويعمل فيها بترولونجي ... يا باش ... جادين كدااااااابة .... وكضبو دا ممكن يكون very risky على مجمل قطاع الطاقة كهربا وبترول ... وإذا بفتكر إنو هو فاهم في العمليات البترولية والجيولوجية والكيماوية ... تبقى دي مصيبة كبيرة جدا ....
Post: #124 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-29-2021, 07:59 PM Parent: #123
تعرف يا باش ... البلد دي إتعودت علي شغل الهبتلي ... ما نحنا النقطنا حرف النون زاتو ... واحد من شغل الهبتلي هو دمح وزارة (شركة) الكهرباء مع وزارة (مؤسسة) البترول ... المجالين لا رابط بينهما و compulsory لازم يكون على رأس الوزارتين متخصصين من أعلى مستوى ... مش مهندس مدني ... هسع شوف سعادة المهندس المدني عايز يشتغل شغل خريج الكيمياء وخريج الجيلوجيا وخريج الكهرباء ... وعيييك .. سبب رئيسي للبيحصل في الكهربا دا هو إدعاء المعرفة في مجال غير مجالك زي سعادة الوزير ... يعني عادي جدا شغل الصيانات الفشنك المدخلا البلد في (حلقوم) وزة دا يقوم بيهو مهندس كهرباء ... بدل يقوم بيهو ٢ مهندسين ميكانيك واحد تخصص Rotating والتاني statistic ... والمضحك والمبكي زي دا راقد بالكوم ... الفهم لن تستقيم أمور البلد دي وفي قيادتها ناس مدعين معرفة بي صورة مزمنة في جميع المجالات ... قمة المعرفة هي أن تعرف حدود معرفتك ...
Post: #125 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-30-2021, 07:06 AM Parent: #124
السيد وزير الطاقة والإعلام في خلال شهر :- دا كلام يوم ٢٩/٧ عزا وزير الطاقة والنفط جادين علي عبيد، استقرار التيّار الكهربائي هذه الأيام لـ”4″ أسباب :- ١ :- أهمّها توفير الفيرنس للمحطات الحرارية في موعده. ٢ :- واكتمال عمليات الصيانة الدورية للمحطات، مما أدّى إلى تشغيلها بكفاءات عالية. ٣ :- بجانب ارتّفاع التوليد المائي بالخزانات بنسبة 20%. ٤ :- فضلاً عن اعتدال الأجواء هذه الأيام. اليوم ٣٠/٨ لازالو يتحدثون عن إنقطاع الفيرنس عن محطات التوليد الحراري ولازالت الصيانات لم تكتمل (في الواقع الصيانات اتعملت ومعظم مكنات التوليد الحراري خرجت من الخدمة لأعطال سببها عدم حرفية الصيانة التي تمت ... ولو لا تحسن التوليد المائي كان البلد ضلمت إلا المناطق الحساسة ... وطبعا لازالت الأجواء معتدلة ومايله البرودة ليلا عديييل كدا مما نتج عنه استمرار القطوعات ليلا اكتر من ٥ ساعات ونهارا من ٨ إلى ١٢ ساعة ... يحلنا الحلا بله ...
ودا كلام الوزير يوم ٣١/٧ :- وزير الطاقة : انتهاء برمجة قطوعات الكهرباء اعتبارًا من غد الأحد 31 يوليو، 20210178 الخرطوم: الطابية أكد وزير الطاقة والنفط، جادين عبيد جادين استمرار استقرار الإمداد الكهربائي عقب انتهاء عطلة عيد الأضحى، وجدد تعهداته بانتهاء برمجة القطوعات ابتداء من غد، وقال جادين في تصريح لـصحيفة الجريدة الصادرة اليوم السبت إن هذه الفترة ستشهد استقرارا للتيار الكهربائي، خاصة في فصلي الخريف والشتاء لقلة الاستهلاك في هذين الفصلين في الوقت الذي يزيد فيه الاستهلاك في فترة الصيف بجانب ضعف الماكينات ،
Post: #126 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-30-2021, 12:14 PM Parent: #125
قطاع البترول والغاز من القطاعات التي (يجب) (ويفترض) أن تحدد فيها المسؤوليات بدقة صريحة لا تقبل النكوص في كل الأحوال ... عملت في مصفاة بترول وفي عدة حقول برية وبحرية وفي آخر ٢٠ سنة عملت في plant لتجزئة الغاز المصاحب للبترول Gas fractionation إنتاج ال plant لي ناس الكيمياء CI, C2, C3, C4, C5 حاجه كدا زي بروبان وبيوتان وبنتان ...إلخ ... يحتوي ال plant على تقريبا ١٢ تنك لحفظ أنواع الغاز المختلفة تمهيدا لشحنها ... خطورة هذه التنوك تكمن حين انفجارها زي القنبلة الذرية .. سوف تفجر محتويات دايرة قطرها ٥٠٠ كيلو ... أبوظبي جوا الجك ... بحكم عملي كنت مطلع على التحقيق في عدة حوادث صغيرة وكبيرة وأهمها حادث تم فيه توقف البلانت لمدة ٦ ساعات unplanned .. طبعا حين التوقف لابد من إرسال الغاز الي ال flare ويتم حرقه... تكلفة الساعة الواحدة ٣٠٠ ألف دولار .. وهنا يكمن كبر الحادث ... غرفة التحكم والمراقبة مسؤولة تماما من كل العمليات ... منذ دخول ال feed (خام الغاز) وتكسيرو وإرساله إلى التنوكه ... ومن ثم عملية الشحن ... رجال العمليات او المشغلين تصدر لهم التعليمات من غرفة التحكم وعليهم التنفيذ ... الحادث الذي نحن بصدده حصل نتيجة لتعطل واحدة من طلمبات (pump) ال feed اللتنين (AandB) ... الطلمبة A كانت تعمل وB كانت stand by ... تم التبليغ لقسم الصيانة (ميكانك rotating) صباحا وقرر مهندس الصيانة بعد الفحص النظري بضرورة توقفها وفحصها من الداخل ... الطلمبة A (الفيها المشكلة) شغاله ولابد من توقفها تحت إشراف وتنفيذ قسم العمليات ... بحكم عملي في الإشراف على الإتصالات ومن ضمن مسؤولياتي جهاز تسجيل كل الإتصالات التي تتم عن طريق الراديو في كل القنوات ... نحكي ليكم ماذا حصل حين بدأ مشرف غرفة العمليات (مصري) مع المشغل داخل البلانت (سوداني) عملية توقف A وتشغيل B ... يتبع ....
Post: #127 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-30-2021, 02:27 PM Parent: #126
إنعقدت لجنة التحقيق داخل غرفة أجهزة الإتصالات حيث جهاز تسجيل محادثات الراديو قناة العمليات ... اللجنة من ٣ أشخاص بخلفية عملياتية بما فيهم مدير البلانت وبوجودي كمشغل لجهاز التسجيل ... كيف حدثت المشكلة ... مشرف العمليات (رضا) والمشغل (كمال) ... ليس بالضرورة صحة الأسماء كما الواقع ... العملية بدأت الساعة ٢ و٣٧ دقيقة بمحادثة من رضا لكمال ... رضا :- كمال كمال come on line كمال :- go ahead رضا :- please operate and prepare feed pump B to take over الساعة ٢ و٤٠ دقيقة كمال :- pump B ready to take over الساعة ٢ و٤١ دقيقة رضا :- stop pump A and B will take over الساعة ٢ و٤٢ دقيقة كمال :- pump A out الساعة ٢ و٤٤ دقيقة كمال :- control room control room ... heavy gas leaks from feed pump B الساعة ٢ و٤٤ دقيقة رضا من غرفة التحكم :- Stop it stop it stop it الساعة ٢ و٤٥ دقيقة كمال :- pump B out ... 😃😃😃😃😃😃😃 و pump A برضك متوقفة ... No feed ... Shutdown sequences started ال shutdown سيكونس بياخد ٣ ساعات ال startup بياخد من ٥ الي ٦ ساعات تم إصلاح ال ٢ بمب قبل ال startup ال feed بيدخل بعد ساعتين من بداية التشغيل .... تعال نشوف لجنة التحقيق وسير النقاش داخلها ... دار النقاش حول الأمر الواضح و الصريح من غرفة التحكم حين صرخ رضا :- stop it ثلاث مرات ... هل يقوم المشغل كمال بتنفيذ ما أومر به من غرفة العمليات blindly ولا يفكر شوية ويشغل بمب A قبل ما يوقف B ؟ اجمع أعضاء اللجنة بأن تنفيذ أوامر غرفة التحكم من المقدسات في كل أقسام العمليات حول العالم ... طبعا اجمع الثلاثة بخطأ مشرف العمليات في إصدار مثل ذلك الأمر ... فمن المفترض سحب المشغل كمال من منطقة تسريب الغاز وإرسال مشغل آخر بكامل ال PPE ليشغل بمب A ومن ثم يوقف بمب B ...
لييييه حكينا الحكاية دي ؟ ... بكرة نقول ليكم ...
Post: #128 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-31-2021, 08:58 AM Parent: #127
Quote: بكرة نقول ليكم
وأنا مالي ومال كدا ... في سودان السجم دا أصلو ما تخطط لي بكرة ... المهم ... النقطة المركزية العايز أوضحا هي ... مجال البترول مجال تخصصي بإمتياز ... ما ينفع تدخلو صبي ميكانك عشان تبقى معلم ... وما ينغع تدخلو مهندس مدني عشان بعد شوية تقول أنا بقيت مهندس بترول ... كل العاملين في مجال البترول يجتهدون لأداء ما هو مطلوب منهم في مجال تخصصهم دون التنمر على التخصصات الأخرى ... لأنو بي بساطة المجال لا يحتمل (الأخطاء) ... ممكن خطأ بسيط ينقلب لي كارثة ... لذا تلقى في مجال البترول تحديد التوصيف الوظيفي وتحديد طريقة أداء أي وظيفة (Job description) (Procedures) and (Manuuals) من أهم المستندات التي يتم التعامل فيها بصورة يومية ... ثقافة الهبتلي ونحنا مقددنها وبنفهم في كل حاجة دي شوفو ودت البلد ووين ... في كل المجالات ... السياسة والزراعة والصناعة والاقتصاد والأمن حتى الرياضة لم تسلم من هذه النفخة الكضابة ...
Post: #129 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 08-31-2021, 12:13 PM Parent: #128
Quote: طبعا اجمع الثلاثة بخطأ مشرف العمليات في إصدار مثل ذلك الأمر ... فمن المفترض سحب المشغل كمال من منطقة تسريب الغاز وإرسال مشغل آخر بكامل ال PPE ليشغل بمب A ومن ثم يوقف بمب B ...
هذا ما تم في جلسة الإستماع للتسجيل ... في نفس يوم الحادث وبعد منتصف الليل تم إنعقاد جلسة التحقيق بحضور كل الأطراف ... رضا، كمال، إدارة العمليات الأمن والسلامة، سلطة التأمين، مندوبي الصيانة ... إلخ ... تصدقوا وتأمنو بالله ... تمت براءة رضا والإشادة به للأسباب القوية جدا الآتية:- ١ :- لوجود تيم من الآلات الدقيقة (٥ اشخاص) يعملون على مرمى حجر من ال feed pumps ... ال procedure بتقول Safety first في حالة تعرض (ضحية) للخطر مهما كان صغر هذا الخطر يصرح لقسم العمليات بالذهاب فورا لي shutdown the plant فما بالك بي ه سادسهم كمال ... ٢ :- رضا أوضح برضك إنو gas leak بالنسبة ليهو معناها CO أو أول اكسيد الكربون أو القاتل الصامت لا لون ولا رايحه له ... وفي تلك اللحظة قرر إنقاذ كمال وال ٥ إياهم ولو لم يرد كمال على نداءه في أقل من دقيقة لاتخذ قرار forcing shutdown من غرفة التحكم ... هنا خبرة (عمو) رضا (٤٠ سنة عمليات) كانت الفيصل ...
Post: #130 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-02-2021, 08:13 AM Parent: #129
Post: #131 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-02-2021, 08:24 AM Parent: #130
كدا تفكير سليم ١٠٠% ... التوليد من الطاقة الشمسية يترك للقطاع الخاص وتفعل تسهيلات الضرائب والجمارك بي صورة جادة ... الطريقة الوحيدة لزيادة رصيد التوليد الكهربائي الحكومي ليدعم التنمية والنهضة هو التوليد الحراري ... نحتاج لآلاف الميجاوتس يا سعادتك ... وهذا متاح عن طريق التوليد الحراري الأقل تكلفة أو التوليد النووي الأعلى تكلفة ...
Post: #132 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-02-2021, 08:31 AM Parent: #131
Post: #133 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-02-2021, 05:29 PM Parent: #131
Quote: كدا تفكير سليم ١٠٠% ... التوليد من الطاقة الشمسية يترك للقطاع الخاص وتفعل تسهيلات الضرائب والجمارك بي صورة جادة ... الطريقة الوحيدة لزيادة رصيد التوليد الكهربائي الحكومي ليدعم التنمية والنهضة هو التوليد الحراري ... نحتاج لآلاف الميجاوتس يا سعادتك ... وهذا متاح عن طريق التوليد الحراري الأقل تكلفة أو التوليد النووي الأعلى تكلفة ...
سلام عليكم صلاح زبير ديمقراطيه الطاقه دعوه عشان تكون صناعه الطاقه تصبح متاحه عبر تعاونيات انتاج الطاقه على المستوى الشعبى الطاقات المتجدده من تاهيل كوادر مهنيه وجامعيه ولازم تنسيق وزيره التعليم العالى طرحنا ليها فكره هندسة الطاقه وقالت حولتها لوكيل الوزاره(بصفتو الاكاديميه) ولو فى جديه مفروض يتكامل كلام حمدوك مع خطه من وزاره التعليم العالى اضافه للجهه المسئوله عن التليم المهنى (معادالتدريب المهنى والحرفى ) غير كدا يصبح كلام حمدوك مجرد كلام اعلام ساكت
Post: #134 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-03-2021, 09:04 AM Parent: #133
Quote: غير كدا يصبح كلام حمدوك مجرد كلام اعلام ساكت
هو فعلا كلام إعلام ساي ... لأنو مهنيي الكهرباء من حوله ما عارفين يضعو ليهو الصورة الكبيرة أمامه ليعرف ماهو المطلوب منو !!!! يا عاصم حكاية إنارة القطاع السكني ما المفروض تشغل بال أعلى سلطة تنفيذية ... تصور إذا كان منزلي محتاج لي ٥ - ٧ كيلووات/ ساعة ... ولوحين تلاتة طاقة شمسية ممكن ينتجو ٢٢٠ كيلووات/ساعة يبقى الهم موجود وين؟ انا أقول ليك ... الهم موجود في القطاع الصناعي والزراعي وقبلهم القطاع البترولي ... يا عاصم في طلمبات بتسحب الموية من مصادرها تحتاج لي ما بين ٨٠٠ - ١٠٠٠ كيلووات/ ساعة في بعض الصناعات محتاج لي ١٠٠٠ - ١٣٠٠ كيلووات/ساعة عشان تشغل الضواغط (compressors) وال Heat Exchangers ... إتصور عندك مئات المشاريع الزراعية التي فشلت بسبب الري تكون محتاجة لي ٥ برميل جازولين لتشغيل طلمبة سحب المياه لمدة ساعتين او ثلاث في الوقت الفيهو تكون محتاجة لي خط كهرباء ٢٢٠ كيلووات/ساعة ... كم من المصانع الكبيرة اشتغلت وتعطلت بسبب عدم توفر الكهرباء ... حتى على مستوى الصناعات الصغيرة التي يعيش في كنفها آلاف البيوت توقفت بسبب إنقطاع الكهرباء ... عشان كدا نقول اليوم وبكرة إنتاج آلاف الميجاوتس يجب أن يكون التفكير الإستراتيجي لأي حكومة او رئيس وزراء ...
Post: #135 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-03-2021, 12:04 PM Parent: #134
المشكله فى مشكله اداره ازمه فى قطاع تالت مهم وهو مثلا فى الخرطوم المؤسسات بشكل عام حكوميه وخصه -هنا بقصد الماتب الادارات وممكن تضيف ليهم الاحياء درجه اولى- تصور حجم الاستهلاك الكهربائى لما تلقى مكتب سكرتير خليك من مدير يكون شغال فيهو مكيف فريون بيستهلك طاقه قدر شنو بلناسمن الحر فى بيوتهم وزحمه الطريقبيقعدو لغايه قريب المغربحتى يطلعو دا استهلاك محسوب على القطاع السكنى وممكن يكون جزء كبير يوجه لقطاع الصناعه مشكله تانيه المصانع والورش العشوائيه اللى خارج معرفه الدوله بالتالى دفع التزاماتها تجاه الدوله ماعندنا مباحث كهربا ماعندنا مباحثنسميها مباحث ضرائب...دا طبعا بافتراض انو الشرطه شايفه شغلها صاح طبعا الاهم انو الحكومه بجميع مستوياتها تشتعل صاح والتصريحات تكون بعد ظور بوادر حلحله المشكله بدرجه 50% على الاقل بعدها يكون التصريح بعين قويه ومبلوع للمواطن غايتو اكتر قطاع شغال فى البلد دى وامورو تمام قطاع الاعلام عايش على التصريحات والاشاعات ...............وعرس عشه الجبل الوضع فى الكهربا كما الوضع فى قطاعات تانيه فى البلد سوء الاداره والتخطيط خلا الوضع زى شمله بت كنيش تحياتى
Post: #136 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-04-2021, 08:35 AM Parent: #135
Quote: المشكله فى مشكله اداره ازمه
نعم يا عاصم ... المشكلة إدارية والدليل ما حصل خلال الأسبوع المنصرم إلى الآن ... تقلصت القطوعات إلى ساعتين أو ثلاث ليلا و٥ إلى ٦ ساعات نهارا ... واستمرار التيار مستقرا يوم الجمعة ... الشاهد (من جوا) بقول التوليد لازال يعاني من نفس المشاكل ولكن ربما طرأ تحسن في توزيع كمية الكهربا المنتجة ... الله يستر ما يرجعوا لي ١٠ - ١٢ ساعة نهارا و٦ الي ٨ ساعات ليلا ...
Quote: الراجل مهندس مدني نعم لكنه حسب كلامه في كباية شاي قال قبل ما يتخرج زاتو اشتغل في شفرون! وظل في مجال النفط حتى قبل اسبوع من تعيينه وزير يعني لغاية 2021! فا الرجل نفطجي لا يقل عنك
يا باش دا إسمو فقدان الهوية المهنية ... الزول دا لولا إنتماؤه الحزبي سوف لن يطول هذه الوظيفة ... ولو كان تقدم لي وظيفة مهندس مدني او مهندس بترول في تنافس حر ... سوف يستبعد من الوظيفتين طبقا لسيرته الذاتية ... الزلمي فخور بي إنو إشتغل في البترول اكتر من اعتداده بتخرجه كمهندس مدني ...
Post: #137 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-05-2021, 08:11 AM Parent: #136
برنامج حوار البناء الوطني ... تقديم لقمان أحمد ... استضاف بالأمس وزير الطاقة ومساعديه ... البرنامج كشف المزيد من الضعف وعدم مهنية الوزير ومساعده مدير الكهرباء ... الوزير والمدير ما متأكدين من أي حاجة تخص (متى تقف القطوعات) ... مسؤولين زي ديل المفروض ما يظهروا في برنامج تلفزيوني زي دا عشان ما يفضحو رقبتم ... حتي وكيل الوزارة للنفط تنقصه معلومات مهمة تخص مربعات إنتاج الغاز في البلد ... المزيد من التفاصيل يتبع ... كدي نحضر البرنامج :-
Post: #138 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-05-2021, 08:27 AM Parent: #137
Post: #139 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-05-2021, 10:32 AM Parent: #138
محاولات الأستاذ لقمان بالخروج من هذا اللقاء بي بشارة للشعب السوداني بموعد محدد لتوقف القطوعات جوبهت من الوزير ومدير الكهرباء بي تملص وعنعنا وفشل واضح لدرجة الإحباط والاستنكار الكانت واضحة جدا في كلمات مقدم البرنامج امام ضيوفو ... ردود الوزير جادين ومدير الكهرباء (ضو البيت) يديك إحساس إنو الناس ديل متلبطين في ما لا يعرفونه ... إذا مدير الكهرباء بقول ما حصل قطعت الكهرباء لمدة تجاوزت ال ٨ ساعات ما لم يكن هناك أعطال ... طبعا المدير يكذب وبي عين قوية كمان ... أمشي راجع الريكورد بتاع القطوعات منذ نوفمبر الماضي وسوف تجد غالبية القطوعات اكتر من ٨ ساعات طوال ال ١٠ أشهر الماضية ... بعدين وزير في أعلى قمة الهرم التنفيذي للكهرباء وطوال ظهوره في الإعلام لم يستطيع تقديم وعد (concrete) بي توقف القطوعات في وقت محدد والأنكأ وافق على إستمرار القطوعات الى مالا نهاية ... غايتو محصلة لقاء لقمان مع جادين وضو البيت يبشر باستمرار أزمة الكهرباء طويلا جدا ...
Post: #140 Title: Re: حصيلة قطع الكهرباء اليومي ... تسقط حكومة ال Author: علي عبدالوهاب عثمان Date: 09-05-2021, 10:42 AM Parent: #139
Quote: عملت في مصفاة بترول وفي عدة حقول برية وبحرية وفي آخر ٢٠ سنة عملت في plant لتجزئة الغاز المصاحب للبترول Gas fractionation إنتاج ال plant لي ناس الكيمياء CI, C2, C3, C4, C5 حاجه كدا زي بروبان وبيوتان وبنتان ...إلخ ... يحتوي ال plant على تقريبا ١٢ تنك لحفظ أنواع الغاز المختلفة تمهيدا لشحنها ... خطورة هذه التنوك تكمن حين انفجارها زي القنبلة الذرية .. سوف تفجر محتويات دايرة قطرها ٥٠٠ كيلو ... أبوظبي جوا الجك ... بحكم عملي كنت مطلع على التحقيق في عدة حوادث صغيرة وكبيرة وأهمها حادث تم فيه توقف البلانت لمدة ٦ ساعات unplanned .. طبعا حين التوقف لابد من إرسال الغاز الي ال flare ويتم حرقه... تكلفة الساعة الواحدة ٣٠٠ ألف دولار .. وهنا يكمن كبر الحادث ... غرفة التحكم والمراقبة مسؤولة تماما من كل العمليات ... منذ دخول ال feed (خام الغاز) وتكسيرو وإرساله إلى التنوكه ... ومن ثم عملية الشحن ... رجال العمليات او المشغلين تصدر لهم التعليمات من غرفة التحكم وعليهم التنفيذ ... الحادث الذي نحن بصدده حصل نتيجة لتعطل واحدة من طلمبات (pump) ال feed اللتنين (AandB) ... الطلمبة A كانت تعمل وB كانت stand by ... تم التبليغ لقسم الصيانة (ميكانك rotating) صباحا وقرر مهندس الصيانة بعد الفحص النظري بضرورة توقفها وفحصها من الداخل ... الطلمبة A (الفيها المشكلة) شغاله ولابد من توقفها تحت إشراف وتنفيذ قسم العمليات ... بحكم عملي في الإشراف على الإتصالات ومن ضمن مسؤولياتي جهاز تسجيل كل الإتصالات التي تتم عن طريق الراديو في كل القنوات ... نحكي ليكم ماذا حصل حين بدأ مشرف غرفة العمليات (مصري) مع المشغل داخل البلانت (سوداني) عملية توقف A وتشغيل B ...
الحبيب الجميل ودالزبير .. يا سلام .. يا أخي انت قمة التواضع .. المفروض تكون في قلب الحدث من أجل الوطن سي في .. زول خبير ..
ما شاء الله
تحياتي الحبيب
Post: #141 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-05-2021, 11:40 AM Parent: #140
Quote: ثم إن التوليد بالغاز يعتبر توليد حراري زيو وزي الجازولين والفيرنس وخام االبترول بس على أنضف ...
يناير ١٩٩٧ تلقيت إتصال من الوالد رحمة الله عليه يخبرني فيه بتوعك شقيقي (مهندس البترول) كمال وإدخاله مستشفى في بورتسودان ... شقيقي يعمل في شركة أمريكية (هاليبيرتون) وقاعدتها أبوظبي ... وجاء مع تيم من الشركة ومعاهم حفار (Rig) تحت مسمى شركة إيرانية ... لحفر ٣ ابار إستكشافية في مربع بحري قرب بورتسودان ... ذهبت من أبوظبي إلى الخرطوم ثم بورتسودان وظليت لمدة أسبوع هناك إلى أن تعافى أخي ورجع إلى عمله ... من المعلومات التي أسرها لي اخي ... بأن هذا المربع غني جدا بالغاز الطبيعي وشواهد البترول فيه ضعيفة جدا ... واذكر في ذلك الوقت قال لي الكميات التي تم استكشافها تكفي (جاسكو)* ٣٠ سنة لي قدام هذا (1) ... نمرة اتنين وفي هذا المنبر فقد جلب أحد مواطني (البردانه) منطقة الدندر صور لهب حرق الغاز في اكتر من موقع ... لا فكرة لدي عن الكمية المستكشفة لكن بالتأكيد هناك حقل غاز في الدندر ... الآن قري ١ و٢ و٣ تعمل بالغاز على ما أظن وصممت في قري لقربها من خط البترول الناقل للنفط والغاز من حقول الجنوب وغرب السودان ... السيد وكيل الطاقة للنفط كان مقنع في تحدثه عن توفير الفيرنس والجازولين وخام البترول لمحطات توليد الكهرباء وتحدث عن التوليد الحراري عن طريق حرق الغاز (كهربة نضيفة) وواضح تنقصه بعض المعلومات عن الحقول التي ذكرتها عاليه ... يعني الدندر وبورتسودان والفولة دي أماكن لي محطات توليد الكهرباء من الغاز وتمتاز جميعها بوجودها داخل الشبكة القومية للكهرباء ...
* جاسكو هي شركة أبوظبي لصناعات الغاز المحدودة والتي تتبع شركة بترول أبوظبي الوطنية (أدنوك) ... عملتا بها ردحا من الزمان ...
Post: #142 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-05-2021, 01:13 PM Parent: #141
Quote: المفروض تكون في قلب الحدث من أجل الوطن سي في .. زول خبير ..
حبيبنا علي ... من جرب حرية العمل تاني من الصعب جدا يرجع يستوظف ... am a free man in a free country والحمد لله من قبل ومن بعد ... أبيناها مملحه في الخليج نجي نكوسا ناشفه عند قحت وما أدراكا ...
Post: #143 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-06-2021, 05:45 AM Parent: #142
من أكتر المصايب الدخلت البلد دي في أضان وزة هو فكرة التصرف في المال العام ... الكيزان إستباحو المال العام بفضل الفكرة الشيطانية المسماة التجنيب ... التصرف في المال العام (ولو ١٠ جنيه) بدون علم وتصديق وزارة المالية يعتبر جريمة يعاقب عليها القانون في كل بلاد الدنيا ... إلا في في البلد دي ... السيد وزير الطاقة وبي بجاحة وقوة عين وبي إبتزاز رخيص جدا طالب بي ٣ مليار دولار قبل أسبوعين لوقف قطوعات الكهرباء ... وأول امس طالب بي مبالغ تكون تحت يده للتصرف فيها بي مزاجو لوقف القطوعات ... كابتن جادين شايف المال السايب بوزعو فيهو يمنة ويسرة وداير ليهو شلية زي ٧٠٠ مليار يختهن في حسابو ... ولسان حالو يقول مين احسن من مين !!!!! .... يا سعادة وزير الطاقة كل ما عليك فعله وقبل ما تقعد مع معاونيك المفروض تكون رسلتا لكل الشركات التابعة للوزارة وكل الأقسام منذ يونيو المنصرم لتجهيز ميزانياتهم للسنة الجديدة ٢٠٢٢ ... وقبل نهاية أغسطس المفروض تقعد مع معاونيك وتجمعو ميزانيات كل الشركات والأقسام وتناقشوها وتطلعو بي ميزانية واحدة بإسم وزارة الطاقة وبحلول الأول من سبتمبر تقدم ميزانيتك لي مجلس الوزراء لمناقشتها والتصديق عليها ومن ثم إحالتها لوزارة المالية لضمها للميزانية العامة للدولة ... بحلول بداية السنة الجديدة يبدأ الصرف من هذه الميزانية بنظام وزارة المالية وعلى حسب البنود التي قدمتها وزارة الطاقة في الأول من سبتمبر وتم اعتمادها ... مطالبتك في برنامج تلفزيوني بي مال يكون تحت يدك للتصرف فيه لوقف القطوعات ينم عن إبتزاز رخيص وينم عن جهل بالتصرف في المال العام ...
Post: #144 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-06-2021, 06:04 AM Parent: #143
رسالتك يا سعادة وزير الطاقة لي شركاتك وأقسامك ومعاونيك المفروض تتضمن أهداف وزارة الطاقة المعروفة لدى كل سوداني ... ١ :- توقف القطوعات بإضافة ١٠٠٠ ميجاوات للشبكة بواسطة الصيانة أو إضافة مكنات توليد جديدة ٢ :- صيانة مكنات التوليد ٣ :- صيانة الشبكة ... ٤ :- الاسبيرات للصيانة الدورية ٢٠٢٣ ٥ :- .... إلخ اذا اتبعت الطريق الصحيح للمطالبة بي ميزانيات لوقف القطوعات ولم تفي وزارة المالية او رئيس الوزراء بي التزاماتهم تجاه وزارتك حق لك في برنامج تلفزيوني زي برنامج أول أمس أن تفضح وزير المالية ورئيس الوزراء زاتو ...
Post: #145 Title: Re: حصيلة قطع الكهرباء اليومي ... تسقط حكومة ال Author: هشام الدرديري Date: 09-06-2021, 08:47 AM Parent: #142
{حبيبنا علي ... من جرب حرية العمل تاني من الصعب جدا يرجع يستوظف ... am a free man in a free country والحمد لله من قبل ومن بعد ... أبيناها مملحه في الخليج نجي نكوسا ناشفه عند قحت وما أدراكا ...}
تاباهة مزعوطة تجي تأكلها بي صوفة مالك ومال الخط المعلق ترفع ضغطك وتمرض
Post: #146 Title: Re: حصيلة قطع الكهرباء اليومي ... تسقط حكومة ال Author: MOHAMMED ELSHEIKH Date: 09-06-2021, 11:23 AM Parent: #141
سلام ود الزبير وظيفة وزير ليست وظيفة مهنية بل وظيفة سياسية يمكن ان يتقلدها صاحب أي مهنة يعني ممكن طبيب يكون وزير خارجية ومحاسب يكون وزير دفاع
Post: #147 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-06-2021, 01:04 PM Parent: #146
Quote: وظيفة وزير ليست وظيفة مهنية بل وظيفة سياسية يمكن ان يتقلدها صاحب أي مهنة يعني ممكن طبيب يكون وزير خارجية ومحاسب يكون وزير دفاع
فى وزارات خاصه فى ظروف الازمات والاوقات الحرجه لايصلح ليها سوى المهنى من نفس عائله تخصص الوزارهزى الطاقه والصحه ...الخ.حتى احمد شفيق كان وزير طيران وهو غسكرى لكن كان من القوات الجويه. مصر الجاره اعتادوا على وزراء تكنوقراط فى زمن مبارك وحتى السيسى على هذا النوع مثلا الوزاره المختصه بالطاقه كان منتصدى للازمه بعد الثوره متخصص لمواجهه تحدى بنفس التحدى العندنا قطوعات ربما بعضها سوء اداره لكن كان اصلها محدوديه بنيه توليد الطاقه فى مواجهه زياده عدد السكان بالتالى الاستهلاك على المستوى السكنى والصناعى. حتى فى وقت الازمه كانت حمله الترشيد فاعله (بعتبرها نوع من الشفافيه) انو الناس عشان تحافظ على استقرار الامداد يكونو مقتصدين فى الاستهلاك وشركاء فى الحل طالما فى مجهود لحل الازمه على المستوى القريب والمستوى البعيد. اتجاوز مصر السد العالى اللى تراجع اسهامو فى ظل الزياده فى الاستهلاك لحوالى 20% من الانتاج القومى فى سنوات معدوده على اصابع اليد الواحده اصبح عندها توليد متنوع وتصدير كمان (مصر تصدر هى والجزائر كهربا لليبيا)واعتقد عندها خطوط للاردن ولاننسى الغاز لاسرائيل والاردن والان للبنان. دى نتيجه تكنوقراط غير ماسورين بالسياسه نحنا عننا حتى التكنوقراط لو جا وحاول يتم تدميرو لانو غير ملتزم باجنده السياسه او مخالف ولاتترك ليهو فرصه يجر قلم ناهيك عن انجاز واحد حقيقى
Post: #148 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-06-2021, 02:11 PM Parent: #147
Quote: وظيفة سياسية
حباب ود الشيخ ... الوظيفة السياسية هي الوظيفة التي يتقلدها السياسي ... وإذا عرفنا السياسي حا نلقى الحكومة الحالية دي ما فيها سياسي واحد ... دا تعريف علم السياسة ... ومن يقوم بهذه الوظيفة يطلق عليه سياسي ... عليك النبي طلع لي واحد بس في المجلسين ممكن نقول عليهو سياسي ...
Quote: علم السياسة: مجموعة المبادئ و القواعد التي أثبت التجريب صحتها و التي تتعلق بالسياسة. ... اشتقت كلمة سياسة من كلمة ” ساس“ الأمر أي قام بالأمر و بالتالي تعني كلمة سياسة القيام بأمر من أمور الناس بما يصلحه و الأمر هو الحكم أو الرئاسة. و باللاتينية تعني تدبير شئون الدولة
بعدين واحدة من مصائب أحزابنا كلها إلا من رحم ربي (فقط الحزب الشيوعي) لا عندها سياسيين محترفين سياسة ولا عندها تكنوقراط يعتد فيهم ... وحتى الحزب الشيوعي سياسيوهو المحترفين والمتفرغين تشبسو (بالنضال) ولم يصلحو أو يقومو بأمر نافع من أمور الناس ... بعدين هل تم اختيار وزير الطاقة جادين داخل حزبه ليغطي وزارة الطاقة وهي من ضمن كوتة حزب الأمه لأنو سياسي لامع داخل حزبه ... ولا لأنو تقدم بسيرته الذاتيه المضروبه والمنشورة داخل هذا البوست ونال ترشيح الحزب على ضوئها ...؟؟؟!!! بعدين من الاخر كدا ودا رأي شخصي حكاية يعينو واحد وزير لأنو سياسي فقط داخل حزبه ولأنو الوظيفة سياسية ... دا كلام غير مقنع ... لو حضرتا الفلفلة العملوها ناس مجلس الشيوخ الأمريكي لي مجلس وزراء الحكومة الأمريكية بتاعت بايدن كنتا تقول الله واحد ... كان زولنا بتاع الطاقة منعوهو حتى من دخول الكبيتال بعد ما يقرو سيرتو الذاتية ...
Post: #149 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-09-2021, 10:04 AM Parent: #148
مسألة برمجة القطوعات وإعلانها للمستهلكين مقدما واسبوعيا رجس من عمل الشيطان يا جادين وضو البيت ولا المستهلكين البدفعو ليكم مقدما حق استهلاكم للكهرباء لا يستحقون إعلامهم؟ ياريت يكون الموضوع عدم إحترام للمستهلكين وما يكون عدم معرفتكم بماذا سوف يحصل غدا إذا لم تستطيعو الإيفاء بي التزاماتكم إذا أصدرتم جدول القطوعات ... التهرب من المسؤولية صارت سياسة متفق عليها بين الوزير ومدير الكهرباء ... جهلكم اللتنين وعدم مهنيتكم تمنعكم من الجلوس مع مهندسين التوليد والبرمجة وتنظيم فترة القطوعات ... أضف لذلك العار الذي سوف يلحق بكم إذا أفصحتم عن المناطق الحساسة في القطاع السكني فقط ...
يعني نساهر في المقابر وندفن بعد صلاة الصبح ونجي نرتاح ... جادين يقطع الكهربا ٧ ونص صباحا ... هسع الساعة ١١ صباحا ولا حياة لمن تنادي ...
Post: #150 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-09-2021, 10:40 AM Parent: #149
Quote: تاباهة مزعوطة تجي تأكلها بي صوفة مالك ومال الخط المعلق ترفع ضغطك وتمرض
تعرف يا هشام ربنا ساترا معانا والحمد لله ... انا من الناس المحظوظين الاشتغالو في الخليج في تخصصم وزد على ذلك الشركة الاشتغلتا فيها منذ وصولي للخليج في مطلع الثمانينات هي نفس الشركة التي ختمت فيها عملي ٢٠١٨ بعد ٣ سنوات من وصولي سن المعاش لدرجة أشبه بي عشرة العمر ... وإلى الأمس القريب علي تواصل عملي واجتماعي مع المسؤولين فيها ... يعني ما إشلهتا في حياتي العملية والحمد لله ... أجي أخر العمر اكوسا عند جادين ولا حمدوك ... الله الغني ...
Post: #151 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-09-2021, 11:31 AM Parent: #150
نشوف الكذب والإحتيال الذي مارسه الوزير جادين علي حزبه ومن بعده قحت وحمدوك ... تعرف المقطع دا لولا إنو مكتوب تحت (الخبرة العملية) والكثير المثير جاي تحت نفس العنوان كنا مشيناها ... فبالتأكيد شغلك كمضيف في طيارة لن يسمح ليك تبقى طيار وتسوق الطيارة ... الزول دا قال عندو خبرة في صناعة النفط ... وقال شغلو بتاع الهندسة المدنية كان داعم أساسي في (حقول البترول) للآتي :- ١ :- التنقيب عن النفط ... ٢ :- تطوير حقول النفط ... ٣ :- إنتاج حقول النفط ... طبعا :- ١ :- مافي مهندس مدني سيحدد لشركة النفط وين يوجد نفط ولا وين تحفرو بير عشان يطلع النفط ... دا شغل جيولوجيين قرو معاك في نفس الجامعة والفرق بينك وبينم هم قرو جيولوجيا وانتا قريت هندسة مدنية ... ٢ :- تطوير حقل نفط يعني حقل ما .. فيهو عدة ابار نفط تنتج ٥ ألف برميل في اليوم عايزين نخليهو ينتج ٧ ألف برميل في اليوم ... طبعا دا شغل ناس التطوير والجيولوجيا ويتم ذلك بحقن الماء او الغاز داخل هذه الحقول لرفع مستوى الزيت داخل الأبار والسماح له بالاندفاع للخارج ... مهندس مدني ما عندو أي شغله هنا ... هسع ابار النفط السودانية التي حفرها الصينيين والماليزيين ونتيجة لاستهلاكها بي صورة (تدميرية) تحت عين وبصر كل السودانيين في الفترة من ١٩٩٩ إلى ٢٠١١ ... لم تعد هذه الابار تنتج ربع ما كانت تنتجه في تلك الفترة ... ومحتاجة اليوم قبل بكرة لعمليات تطوير سريعة وممكنة لرفع إنتاجها .. يلا ورينا شطأرتك ... ٣ :- الإنتاج ... هنا دا شغل ناس العمليات الإنتا أصلا ممنوع تدخل عندهم إلا بإذن عمل عشان تنضف سبتك تانك ولا في فيسيل عايز يشيلو منو الصدأ ... يتبع ...
Post: #152 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-09-2021, 01:44 PM Parent: #151
خلاصة المقطع ... أنا مهندس مدني تخصص صناعة بترول ... 😃😃😃😃😃 في الوقت الفيهو البلد تشهد ضعف المهنية والفشل الزريع والخيبة الكبيرة للمهندسين المدنيين السودانيين من ناحية البنية التحتية والطرق والمباني (تخصصهم الأصلي) الموجودة في البلد والتي لا تمت بصلة للهندسة المدنية ... فضيحة بي شهادة ... هذا يحصل في السودان فقط ...
Post: #153 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-12-2021, 08:43 AM Parent: #152
الساقية لسا مدورة ... أمس قطعت الكهربا ٨ صباحا ورجعت ٢ ظهرا ... أول أمس حوالي ساعتين بعد ٦ مساءا ... الوزير الهمام اتفق مع وزارة الري لفرض رسوم جديدة على مشتركين الكهرباء لإستهلاك الماء في التوليد الكهربائي ... هههه .. والله صحي ... بكرة الوزير حا يخت رسوم جديدة على الفيرنس (بحري والبارجة التركية) والجازولين (بحري القديمة) وخام بترول الجنوب (أم دباكر) والغاز (قري١ و٢) ... الزول دا موصر إصرارا غريبا لوضع بعض المال تحت تصرفه ... وبمناسبة المال وما أدراكا ... الوزير وفي برنامج لقمان قال تحصيل استهلاك الكهرباء من المشتركين لا يغطي ١٠% من تكلفة تشغيل قطاع الكهرباء ... كضااااااب يا جادين ...
Post: #154 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-13-2021, 11:31 AM Parent: #153
إذلال الشعب السوداني الذي تمارسه الحكومة الحالية ممثلة في وزير الطاقة ومدير الكهرباء بفشلهم الزريع في ضمان تيار كهربائي مستقر نتيجة للضعف الإداري والمهني الواضح والمعلوم لدى رئيس الوزراء ... الوزير ومساعديه يكذبون ويتحايلون لتغطية هذا الفشل ... الوزير جادين في برنامج لقمان قال :-
Quote: تحصيل استهلاك الكهرباء من المشتركين لا يغطي ١٠% من تكلفة تشغيل قطاع الكهرباء ...
في نفس البرنامج أقر مدير الكهرباء ضو البيت بأن المنتج من الكهرباء هو ما بين ٢٧٠٠ إلى ٢٨٠٠ ميجاوات ... خلينا نقول المنتج من الكهرباء هو ٢٧٠٠ ميجاوات ... أي محاسب مبتديء يمكنه حساب دخل الكهرباء والذي لن يكون ١٠% من تكلفة التشغيل ... إذا افترضنا استهلاك منزل صلاح ١٥٠٠ كيلوواط في الشهر تكلفتها حوالي ٩٥٠٠ جنيه ... يبقى متوسط سعر الكيلووات يساوي ٩٥٠٠ ÷ ١٥٠٠ = ٦.٣ جنيه ... خليها ٦ جنيه فقط ... انتاج الكهرباء = ٢٧٠٠ ميجاوات في الساعة ... في اليوم = ٢٧٠٠ × ٢٤ ساعة = ٦٤٨٠٠ ميجاوات في الشهر = ٦٤٨٠٠ × ٣٠ يوم = ١٩٤٤٠٠٠ ميجاوات ١٩٤٤٠٠٠ ميجاوات = ١٩٤٤٠٠٠٠٠٠ كيلووات ١٩٤٤ مليون كيلووات سعرها × ٦ جنيه = ١١ مليار و٦٤٤ مليون جنيه سوداني بالجديد ... يعني في الشهر دخل شركة الكهرباء بالدولار = ١١٦٤٤٠٠٠٠٠٠ ÷ ٤٥٠ جنيه = ٢٥ مليون و٨٧٥ ألف دولار ... إذا افترضنا ال ٢٥ مليون دولار هي فعلا ١٠% من تكلفة تشغيل قطاع الكهرباء ... يبقى السؤوال هل تكلفة تشغيل قطاع الكهرباء تعادل ٢٥٠ مليون دولار (شهريا") ... تاني ٢٥٠ مليون دولار شهريا" ... جادين دا ما نصيح؟؟؟!!!
Post: #155 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-13-2021, 05:26 PM Parent: #153
Quote: الوزير الهمام اتفق مع وزارة الري لفرض رسوم جديدة على مشتركين الكهرباء لإستهلاك الماء في التوليد الكهربائي
موضوع البترول والفيرنس خلاص اصبح مستهلك قامو على فيلم التوليد المائى (ارخص وسيله توليد كهربا) عشان يبرروا رفع الدعم القادم ماهو مافضل الاالكهربا والمويه الما رفعوا الدعم عنها
Post: #158 Title: Re: حصيلة قطع الكهرباء اليومي ... تسقط حكومة ال Author: محمد عبدالله محمود Date: 09-13-2021, 09:57 PM Parent: #153
Quote: الوزير الهمام اتفق مع وزارة الري لفرض رسوم جديدة على مشتركين الكهرباء لإستهلاك الماء في التوليد الكهربائي
الاتفاق الذي تم بين وزارة الطاقة و وزارة الري، تم بتوجيه من مجلس الوزراء، حيث اوضحت وزارة الري ارتفاع تكاليف ادارة الخزانات و عدم قدرة الوزارة علي الايفاء بهذه التكاليف، و بما ان توليد الكهرباء من المصادر المائية يتم من السدود التابعة كلها لوزارة الري، صدر توجيه بان تدفع الكهرباء قيمة مالية مقابل هذا التوليد لوزارة الري لمقابلة تكاليف التشغيل و الصيانة الدورية و النظافة و غيرها. و في تقديري هذا طلب معقول و منطقي، خصوصا مع شح الموارد المتاحة للدولة في الوقت الراهن.
Post: #159 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-13-2021, 10:23 PM Parent: #158
Quote: و في تقديري هذا طلب معقول و منطقي، خصوصا مع شح الموارد المتاحة للدولة في الوقت الراهن.
فى النهايه جيب المواطن هو من يتحمل التكلفه وناس سواقه الخلا برلين وباريس وقروشدعم واعفاءات ديون ومشروع الكاقه الامريكى وتطبيع مع اسرائيل .....و.الخ كلو وين؟؟ على الاقل الناس البيزرعو السراب للناس يخلو الناس تعرف الحقيقه وتواجهها بدل تخدير الناس
Post: #161 Title: Re: حصيلة قطع الكهرباء اليومي ... تسقط حكومة ال Author: محمد عبدالله محمود Date: 09-13-2021, 10:46 PM Parent: #159
Quote: فى النهايه جيب المواطن هو من يتحمل التكلفه
في العالم ده كلو دول قليلة جدا هي التي توفر كهرباء للمواطن باقل من قيمتها المنتجة . الحكومة السودانية اذا كان عندها القدرة لذلك، مافي مشكلة. لكن بصراحة ليست لديها المقدرة لتوفير الكهرباء بالمجان و عدم هبش جيب المواطن. ليس ذلك فحسب، منذ الاستقلال و الي الان استطاعت الحكومة ان تزود فقط ٤٠٪ من شعبها بالكهرباء و تركت الاخرين (٦٠٪) ليس فقط في مجاهل الظلام، و انما استقطعت من جيوبهم قيمة دعم كهرباء ال٤٠٪. فتخيل يا مان.
Post: #156 Title: Re: حصيلة قطع الكهرباء اليومي ... تسقط حكومة ال Author: صديق مهدى على Date: 09-13-2021, 05:43 PM Parent: #12
حبيبنا صلاح سلام منصب الوزير ليس مطلوب منك ان تكون متخصص بل سياسى وادارى ههههها
Post: #157 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-13-2021, 08:23 PM Parent: #156
حباب صديق ... فراج الضيق ... حباب ود المهدي ... الهدي ورضي ... صديق من هو الذي قال :-
Quote: منصب الوزير ليس مطلوب منك ان تكون متخصص بل سياسى وادارى
دا كلام صناعة محلية ... البلد مدمرة يا صديق بسبب مثل هذا الكلام الغير صحيح ... جهل الوزير بما يدور في وزارته عيب وعيب كبير ... هسي السياسة يعملوا بيها شنو في البترول والكهرباء والزراعة والثروة الحيوانية والصناعة ... الإدارة زاتا في المجالات دي سلسلة مترابطة جدا مع الجانب الفني والإقتصادي ... والجهل بجانب من هذه الجوانب بالتأكيد يضعف الجوانب الأخرى ... تحياتي ليك ولي حوارك أبو حسين بالإنجليزي ...
Post: #160 Title: Re: حصيلة قطع الكهرباء اليومي ... تسقط حكومة ال Author: محمد عبدالله محمود Date: 09-13-2021, 10:33 PM Parent: #157
Quote: في نفس البرنامج أقر مدير الكهرباء ضو البيت بأن المنتج من الكهرباء هو ما بين ٢٧٠٠ إلى ٢٨٠٠ ميجاوات ... خلينا نقول المنتج من الكهرباء هو ٢٧٠٠ ميجاوات ... أي محاسب مبتديء يمكنه حساب دخل الكهرباء والذي لن يكون ١٠% من تكلفة التشغيل ... إذا افترضنا استهلاك منزل صلاح ١٥٠٠ كيلوواط في الشهر تكلفتها حوالي ٩٥٠٠ جنيه ... يبقى متوسط سعر الكيلووات يساوي ٩٥٠٠ ÷ ١٥٠٠ = ٦.٣ جنيه ... خليها ٦ جنيه فقط ... انتاج الكهرباء = ٢٧٠٠ ميجاوات في الساعة ... في اليوم = ٢٧٠٠ × ٢٤ ساعة = ٦٤٨٠٠ ميجاوات في الشهر = ٦٤٨٠٠ × ٣٠ يوم = ١٩٤٤٠٠٠ ميجاوات ١٩٤٤٠٠٠ ميجاوات = ١٩٤٤٠٠٠٠٠٠ كيلووات ١٩٤٤ مليون كيلووات سعرها × ٦ جنيه = ١١ مليار و٦٤٤ مليون جنيه سوداني بالجديد ... يعني في الشهر دخل شركة الكهرباء بالدولار = ١١٦٤٤٠٠٠٠٠٠ ÷ ٤٥٠ جنيه = ٢٥ مليون و٨٧٥ ألف دولار ... إذا افترضنا ال ٢٥ مليون دولار هي فعلا ١٠% من تكلفة تشغيل قطاع الكهرباء ... يبقى السؤوال هل تكلفة تشغيل قطاع الكهرباء تعادل ٢٥٠ مليون دولار (شهريا") ... تاني ٢٥٠ مليون دولار شهريا" ... جادين دا ما نصيح؟؟؟!!!
معلومات اساسية: حسب اخر دراسة للبنك الدولي بعنوان (من الدعم الي الاستدامة: استعراض تشخيصي لقطاع الكهرباء في السودان - التقرير النهائي - بتاريخ ٣٠ يونيو ٢٠١٩م): التكلفة الكلية لتشغيل قطاع الكهرباء في السودان تصل الي حوالي ٢،٤ مليار دولار في السنة (بتكلفة شهرية حوالي ٢٠٠ مليون دولار) للعام ٢٠١٧م. بلغت الايرادات النقدية حوالي ١٩٤ مليون دولار. من هنا اتت العشرة ٪ (دراسة البنك الدولي تمت بناء علي معلومات مستقاة من الكهرباء و شارك فيها خبراء سودانيون). هذه الفجوة (٩٠٪) يجب ان تدفعها الحكومة من مواردها (اكثر من مليار و نصف دولار - او اكثر من مائة مليون دولار شهريا) هذه الفجوة بين تكاليف التشغيل و الايرادات و عجز الحكومة عن توفير مبالغها هي التي ادت الي التدهور في توفير امداد استقرار تيار كهربائي مستقر، و تسبب ذلك في عدم توفر الكميات المطلوبة من الوقود لتشغيل المحطات (تبلغ تكلفته ٧٠٪ من نفقات التشغيل) كما تسبب ذلك ايضا في عدم توفر قطع الغيار و اجراء الصيانات المطلوبة في وقتها (تبلغ تكلفتها حوالي ٢٠٪ من نفقات التشغيل)، ما ادي الي ان تعمل محطات التوليد الحراري باقل من طاقتها القصوي لتلبية الطلب و بالتالي زيادة ساعات القطوعات. (باختصار: اي قطوعات لساعات طويلة، يعني ببساطة عدم توفر الوقود بالمحطات او ان المحطة الحرارية المعنية تكون قد خرجت من الخدمة بسبب عطل و في الحالتين يكون السبب عدم توفر الموارد المالية لشراء الوقود و قطع الغيار و الصيانة لشح موارد الدولة). هذا هو باختصار واقع الكهرباء في السودان (الذي يشمل فقط ٤٠٪ من جماهير شعبنا، و ان ٦٠٪ من الشعب السوداني لا تصلهم الكهرباء و في نفس الوقت يدعمون ٤٠٪ تتوفر لهم الكهرباء بمبلغ يفوق المليار دولار سنويا).
Post: #162 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-13-2021, 11:19 PM Parent: #160
Quote: هذا هو باختصار واقع الكهرباء في السودان (الذي يشمل فقط ٤٠٪ من جماهير شعبنا، و ان ٦٠٪ من الشعب السوداني لا تصلهم الكهرباء و في نفس الوقت يدعمون ٤٠٪ تتوفر لهم الكهرباء بمبلغ يفوق المليار دولار سنويا).
دامامنطق يشبه رد وزيره التعليم العليم عن مشكله هجره الاستاذه وسمعت الوزير كررو كم مره بنفس المنطق ااجزاء كتيره فى السودان تحملت فاتوره حروب اهليه وصراع افيال دمر بينات منتطق الحروب بايدى ديكتاتوريات ومحاربين من ابنائها وفى النهايه يتحمل القسم الاكبر من الشعب هذه الفاتوره ودمار الاقتصاد بسبب الحرب من 56 . بغض النظر عن سوء التوزيع فى التنميه او الصناعه ال40 %هى مراكز نشاط الدوله بمافيها الصناعه (على قدر الموجود) كمثال والخللفى استقرار امدادها يلقى بظلاله على ال60% على الدوله ان تتحمل مسئوليتها تجاه المتاح (المتاح لل40%) وتخطط وتستفيد من الاستثمار والعون الدولى بتخطيط جيد مستدام (مش ننتظر سنين لغايه مامشاكل الكهربا تتحل برفع الدعم البيترفع كل مره بحجه من الحجج ) خص اقطعو الكهربا ضلام عديل من البلد بحكومتها لغايه ماتوفر شبكه لل100%-دى فى العالم الاول مابتحصل-بعدين نجى نشغلها لل100% 40 - 60 دى واحده من الحجج ولسه الازمه حتستمر وكل مره بفيلم جديد اذا الوقود مكلف (70%) الدوله ماقادره توفر تمويل صيانه التوليد المائى الرخيص مقارنه بالحرارى !!! الدوله شغاله عشان المواطن ولا المواطن شغال عشان الدوله والحكومه ورفاهيتها حتى بوتهم كهربتها فل
Post: #163 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-14-2021, 07:19 AM Parent: #162
مرحب بيك محمد عبدالله محمود ... ياريت تأكد لينا إنك من ناس جوا عشان مصلحة النقاش بديهيا بتتطلب وجود جهتين مختلفتين ... واضح دفاعك عن الجزء البتعلق بالكهرباء وياريت تأكد لينا عدم ممانعتك في التحدث عن البترول أيضا ...
Quote: الاتفاق الذي تم بين وزارة الطاقة و وزارة الري، تم بتوجيه من مجلس الوزراء، حيث اوضحت وزارة الري ارتفاع تكاليف ادارة الخزانات و عدم قدرة الوزارة علي الايفاء بهذه التكاليف، وبما ان توليد الكهرباء من المصادر المائية يتم من السدود التابعة كلها لوزارة الري، صدر توجيه بان تدفع الكهرباء قيمة مالية مقابل هذا التوليد لوزارة الري لمقابلة تكاليف التشغيل و الصيانة الدورية و النظافة و غيرها. و في تقديري هذا طلب معقول و منطقي، خصوصا مع شح الموارد المتاحة للدولة في الوقت الراهن.
هل تغير نظام توليد الكهرباء في السدود المائية ... الماء أثناء جريانها تندفع لتحرك ريش التوربينه الموصلة مع (الدينمو) أو مولد الكهرباء المتصل مع شبكة الكهرباء ... وووووين مجهود وزارة الري هنا في توليد الكهرباء؟ ... الدينمو الموصل مع مكنة العربية بي سير بلاستيك هو المسؤول عن توليد كل كهربة السيارة ... إذا مجهود وزارة الري وسدودها يشبه أو يفوق مجهود مكنة العربية فلها من الطيب نصيب ... غير ذلك وهو فعلا كذلك ... يبقى الموضوع justifications لمزيد من النهب من جيب المواطن الغلبان ... دا مجرى مائي طبيعي اندفاع الماء (الفعل المولد للكهرباء) شي إلاهي ... ووزارة الري ما قاعد تساعد فيهو ولو بي دفرة ... الموية مما تندفع داخل التوربينه بتبقى مسؤولية ناس الكهربا ... داير اعرف وزارة الري هنا دورا شنو ... تحياتي ...
Post: #164 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-14-2021, 07:55 AM Parent: #163
Quote: ليس ذلك فحسب، منذ الاستقلال و الي الان استطاعت الحكومة ان تزود فقط ٤٠٪ من شعبها بالكهرباء و تركت الاخرين (٦٠٪) ليس فقط في مجاهل الظلام، و انما استقطعت من جيوبهم قيمة دعم كهرباء ال٤٠٪. فتخيل يا مان.
الكلام دا كررو سعادة الوزير جادين في اكتر من لقاء ... الكلام دا غير صحيح بالمطلق وطلس ساي ... ١ :- من ضمن فوائد الطفرة البترولية (١٩٩٩ - ٢٠١١) هي امتداد الشبكة القومية للكهرباء في (جميع ولايات السودان) ماعدا ولايات دارفور نسبة لظروف الحرب التي دارت هناك منذ ٢٠٠٣ إلى الآن ... ما تقول لي دارفور بتمثل ٦٠% من السودان شعبا وأرض ... ٢ :- طبعا استقطاع دعم الكهرباء من ٦٠% من الشعب ليستمتع بها ٤٠% من الشعب دا كلام كذب ونفاق .. الصحيح هو ٧٥% من ميزانية الدولة كانت تذهب لوقف الحروب التي أشعلت في دارفور وجبال النوبة والنيل الأزرق ... النكد والفقر والمسغبة التي يعيشها الشعب السوداني سببها هذه الحروب ... وياريت بعد كل هذه المعاناة نرى ضوء في آخر النفق ... حيث لازال المشوار طويل وطويل جدا ...
Post: #165 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-14-2021, 08:52 AM Parent: #160
Quote: هذه الفجوة بين تكاليف التشغيل و الايرادات و عجز الحكومة عن توفير مبالغها هي التي ادت الي التدهور في توفير امداد استقرار تيار كهربائي مستقر، و تسبب ذلك في عدم توفر الكميات المطلوبة من الوقود لتشغيل المحطات (تبلغ تكلفته ٧٠٪ من نفقات التشغيل)
Quote: التكلفة الكلية لتشغيل قطاع الكهرباء في السودان تصل الي حوالي ٢،٤ مليار دولار في السنة
الخرااااااااااااااابه .... تكلفة تشغيل قطاع الكهرباء في السنة ٢ مليار و٤٠٠ مليون دولار ... تكلفة الوقود تعادل ٧٠% من تكلفة التشغيل ... يعني تعادل ٧٠% من ٢.٤ مليار دولار = مليار و٦٨٠ مليون دولار إذا افترضنا سعر برميل البترول ٧٠ دولار + ٥ دولار مصاريف ... يبقى كمية الوقود التي يحتاجها قطاع الكهرباء لتوليد ٢٨٠٠ ميجاوات = مليار و٦٨٠ مليون دولار ÷ ٧٥ = ٢٢ مليون و٤٠٠ ألف برميل في السنة كمية الوقود التي يحتاجها قطاع الكهرباء يوميا = ٢٢٤٠٠٠٠٠ ÷ ٣٦٥ = ٦١٣٧٠ برميل يوميا طوال السنة ما يحتاجه إنتاج (واحد) ميجاوات من الوقود = ٦١٣٧٠ ÷ ٢٨٠٠ = ٢٢ برميل من خام البترول قبل تصفيته ... يا محمد عبدالله ... هل الواحد ميجاوات يحتاج لي ٢٢ برميل ... هل الكلام دا صحيح ...
Post: #166 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-15-2021, 11:00 AM Parent: #165
أمس مساءا قطعت من ٥ نص لي 10 ونص ... نمنا وصحينا اليوم قطعوها سبعة ونص ... الساعة الآن تقترب من ١٢ منتصف النهار .. ولسع .. فضل ندعو عليكم يا جادين وضو البيت ... نسأل الله العظيم الكريم اللطيف الخبير أن ينزع منكم الملك والسلطة والأمانة التي خنتوها وخنتوا من أمنكم إياها ويتسلمها القوى الأمين الرشيد العادل الذي يحيل أحوال هذا الشعب من المذلة والفقر والمهانة والظلم بفضل من الله عظيم يغلب فيه الخائن اللئيم وينتصر فيه العادل القوى الأمين الكريم يا علي يا عظيم ... بحق الجوعي والمظلومين يا كريم عجل بالفرج يا بر يا تواب بألف ألف صلاة وتسليم على النبي الأمين وآله وصحبه أجمعين .. شكرا منتصر الشيخ وليس الذنديق ...
Post: #167 Title: Re: حصيلة قطع الكهرباء اليومي ... تسقط حكومة ال Author: علي عبدالوهاب عثمان Date: 09-15-2021, 11:15 AM Parent: #166
تحياتي حبيبنا ود زبير .. البوست مهم بالنسبة لمعرفتنا ما يجري في الداخل وجودكم مهم ومعك الاحباب عاصم وأبوسن بعيداً عن ساس يوسوس .. المهم عندي المعايش .. يا رب تيسر لينا الموسم الشتوي
تحياتي الحبيب ود زبير الله يهون على الوطن
Post: #168 Title: Re: حصيلة قطع الكهرباء اليومي ... تسقط حكومة ال Author: محمد عبدالله محمود Date: 09-15-2021, 04:33 PM Parent: #167
سلام الاخ Asim
Quote: دامامنطق يشبه رد وزيره التعليم العليم عن مشكله هجره الاستاذه وسمعت الوزير كررو كم مره بنفس المنطق ااجزاء كتيره فى السودان تحملت فاتوره حروب اهليه وصراع افيال دمر بينات منتطق الحروب بايدى ديكتاتوريات ومحاربين من ابنائها وفى النهايه يتحمل القسم الاكبر من الشعب هذه الفاتوره ودمار الاقتصاد بسبب الحرب من 56 . بغض النظر عن سوء التوزيع فى التنميه او الصناعه ال40 %هى مراكز نشاط الدوله بمافيها الصناعه (على قدر الموجود) كمثال والخللفى استقرار امدادها يلقى بظلاله على ال60% على الدوله ان تتحمل مسئوليتها تجاه المتاح (المتاح لل40%) وتخطط وتستفيد من الاستثمار والعون الدولى بتخطيط جيد مستدام (مش ننتظر سنين لغايه مامشاكل الكهربا تتحل برفع الدعم البيترفع كل مره بحجه من الحجج ) خص اقطعو الكهربا ضلام عديل من البلد بحكومتها لغايه ماتوفر شبكه لل100%-دى فى العالم الاول مابتحصل-بعدين نجى نشغلها لل100% 40 - 60 دى واحده من الحجج ولسه الازمه حتستمر وكل مره بفيلم جديد اذا الوقود مكلف (70%) الدوله ماقادره توفر تمويل صيانه التوليد المائى الرخيص مقارنه بالحرارى !!! الدوله شغاله عشان المواطن ولا المواطن شغال عشان الدوله والحكومه ورفاهيتها حتى بوتهم كهربتها فل
ال ٦٠٪ الذين لا يستمتعون بالكهرباء، هذا يشمل كل الاقاليم و لا تقتصر فقط علي اقاليم بعينها، حتي ضواحي قريبة من الخرطوم نفسها توجد بها مناطق لم يصلها التيار الكهربائي، اما دارفور و كردفان هم خارج حدود الشبكة القومية و لكن توجد بها شبكات محلية في المدن الرئيسية. و معظم المناطق هذه هي مناطق انتاج، وجود التيار الكهربائي بها يمكن ان يساهم في تطوير اقتصادياتها و تحويل موادها الخام الي صناعات تحويلية تساعد في اضافة قيمة لهذه المنتجات.
Post: #169 Title: Re: حصيلة قطع الكهرباء اليومي ... تسقط حكومة ال Author: محمد عبدالله محمود Date: 09-15-2021, 04:35 PM Parent: #168
سلام الاخ صلاح
Quote: هل تغير نظام توليد الكهرباء في السدود المائية ... الماء أثناء جريانها تندفع لتحرك ريش التوربينه الموصلة مع (الدينمو) أو مولد الكهرباء المتصل مع شبكة الكهرباء ... وووووين مجهود وزارة الري هنا في توليد الكهرباء؟ ..
ببساطة السدود تحتاج لصيانة سنوية و نظافة من الطمي و غيرها من العمليات، السدود لا تعمل مجانا، بل لها تكاليف تشغيل.
Quote: الكلام دا كررو سعادة الوزير جادين في اكتر من لقاء ... الكلام دا غير صحيح بالمطلق وطلس ساي ... ١ :- من ضمن فوائد الطفرة البترولية (١٩٩٩ - ٢٠١١) هي امتداد الشبكة القومية للكهرباء في (جميع ولايات السودان) ماعدا ولايات دارفور نسبة لظروف الحرب التي دارت هناك منذ ٢٠٠٣ إلى الآن ... ما تقول لي دارفور بتمثل ٦٠% من السودان شعبا وأرض ... ٢ :- طبعا استقطاع دعم الكهرباء من ٦٠% من الشعب ليستمتع بها ٤٠% من الشعب دا كلام كذب ونفاق .. الصحيح هو ٧٥% من ميزانية الدولة كانت تذهب لوقف الحروب التي أشعلت في دارفور وجبال النوبة والنيل الأزرق ... النكد والفقر والمسغبة التي يعيشها الشعب السوداني سببها هذه الحروب ... وياريت بعد كل هذه المعاناة نرى ضوء في آخر النفق ... حيث لازال المشوار طويل وطويل جدا ...
الارقام دي من دراسة شاملة قام بها البنك الدولي وهي دراسة منشورة و متوفرة في النت لمن اراد الاطلاع عليها و اشرت اليها في احدي مداخلاتي بهذا البوست. (للدقة فان البنك الدولي يتحدث عن نسبة ٣٨٪ فقط) لكن جبرنا الارقام.
Quote: الخرااااااااااااااابه .... تكلفة تشغيل قطاع الكهرباء في السنة ٢ مليار و٤٠٠ مليون دولار ... تكلفة الوقود تعادل ٧٠% من تكلفة التشغيل ... يعني تعادل ٧٠% من ٢.٤ مليار دولار = مليار و٦٨٠ مليون دولار إذا افترضنا سعر برميل البترول ٧٠ دولار + ٥ دولار مصاريف ... يبقى كمية الوقود التي يحتاجها قطاع الكهرباء لتوليد ٢٨٠٠ ميجاوات = مليار و٦٨٠ مليون دولار ÷ ٧٥ = ٢٢ مليون و٤٠٠ ألف برميل في السنة كمية الوقود التي يحتاجها قطاع الكهرباء يوميا = ٢٢٤٠٠٠٠٠ ÷ ٣٦٥ = ٦١٣٧٠ برميل يوميا طوال السنة ما يحتاجه إنتاج (واحد) ميجاوات من الوقود = ٦١٣٧٠ ÷ ٢٨٠٠ = ٢٢ برميل من خام البترول قبل تصفيته ... يا محمد عبدالله ... هل الواحد ميجاوات يحتاج لي ٢٢ برميل ... هل الكلام دا صحيح ...
بالنسبة لتكلفة الوقود من التكلفة الكلية فهي للدقة اكثر تبلغ حوالي ٦٠٪ و اما ال١٠٪ هي عبارة عن تكاليف التوليد الخاص (البارجة التركية بورتسودان + المحطات التركية في الفاشر و نيالا و كادوقلي تقريبا) ، وقد قمت بدمج البندين بغرض توضيح الصورة العامة للمصروفات التشغيلية (اعتبرت ان تكاليف التوليد الخاص كانها استهلاك للوقود فقط لتسهيل بيان المنصرفات التشغيلية) . استهلاك المحطات الحرارية للوقود تصل تكلفته السنوية قرابة المليار دولار. التكاليف التي حسبها البنك الدولي للتشغيل شملت الاهلاك و استرداد قيمة الاصول ل ٣٠ سنة، لكن التكلفة الخاصة بالتشغيل دون حساب استرداد قيمة الاصول تبلغ حوالي ٢ مليار دولار سنويا وفقا للنسب التالية: الوقود ٦٠٪ الاسبيرات و الصيانة ٢٠٪ التوليد الخاص ١٠٪ تعويضات العاملين ٤٪ التسيير ٦٪
Post: #170 Title: Re: حصيلة قطع الكهرباء اليومي ... تسقط حكومة ال Author: محمد عبدالله محمود Date: 09-15-2021, 04:37 PM Parent: #169
المداخلات في البوست هدفت منها الي مناقشة واقع كهرباء اليوم وفقا للارقام المتاحة و الاقرب الي الحقيقة للتفكير في مخرج مناسب و الوصول الي حلول مستدامة و ذلك من واقع معاناة الناس من الازمة المستمرة في الطاقة الكهربائية، حيث يعتبر السودان من الدول المتاخرة من ناحية مؤشر الكيلووات ساعة/الفرد، و نجد ان مناطق شاسعة من البلاد و مجاميع مقدرة من النشاط الاقتصادي و الخدمي و الافراد لا يستخدمون الطاقة الكهربائية اطلاقا او لا يستخدمونها بانتظام، هذا وضع يلقي بظلاله علي مستوي النمو و الازدهار و التقدم لما للطاقة الكهربائية من علاقة بالانتاج و الاتصالات و المواصلات، كما ان الذين تتوفر لهم الطاقة الكهربائية لا يحظون بامداد كهربائي مستقر حيث ظلت القطوعات المبرمجة و غير المبرمجة تؤثر تاثيرا بالغا علي حياة الناس و علي انشطتهم الاقتصادية فضلا عن تاثيرها علي اجهزة توليد و نقل الكهرباء نفسها. من خلال اطلاعي علي دراسة البنك الدولي و بعض المعلومات ذات الصلة بقطاع الكهرباء تبين لي حجم الخلل الكبير من حيث انتشار الكهرباء و خلل نسب الاستهلاك حيث يستاثر القطاع السكني بنسبة عالية من الاستهلاك تصل الي ٦٣٪ بينما نجد ان القطاع الزراعي يستهلك فقط ٩٪ و الصناعي ١١٪ وهي ارقام متواضعة جدا تلقي بظلالها المباشرة علي اقتصاد بلادنا. الوضع الراهن و المتاح من الطاقة الكهربائية يجابه بتحدي ان الدولة يجب عليها ان توفر حوالي ٨٠٪ من تكلفة التشغيل و ان موارد الكهرباء تكفي حوالي ٢٠٪ فقط من تكاليف التشغيل، و ذلك بدون حساب استرداد قيمة الاصول. شح موارد الدولة و عدم قدرتها علي الايفاء بالتزاماتها المالية تجاه الكهرباء يصعب من معالجة الوضع الحالي. لقد اتضح ان ٩٧٪ من المواطنين يستهلكون اقل من ٦٠٠ كيلو واط ساعة شهريا، ما يعادل ٦٨٪ من استهلاك القطاع الكلي، و ان ٣٪ من السكان يستهلكون اكثر من ٦٠٠ كيلو وات ساعة شهريا ما جملته ٣٢٪ من استهلاك القطاع الكلي وهي نسبة تساوي ٢٢١٨،٤ قيقاوات ساعة من الاستهلاك الكلي (هذه الفئة غالبا يكون لها مولدات خاصة للتشغيل في ساعات القطوعات). عليه لا بد من ان تساهم هذه الفئة ذات الاستهلاك العالي في دفع التكلفة الحقيقية لانتاج الكهرباء حتي يقل الاعتماد علي الدعم الحكومي و للمساعدة في خلق تيار كهربائي مستقر. متوسط التعرفة الحالية تبلغ حوالي ٣ جنيه سوداني للكيلووات ساعة مع العلم ان متوسط السعر العالمي حوالي ٦٠ جنيها سودانيا للكيلوواط ساعة. من 0 الى 100 = 0.80 جنيهاً للكيلو واط. من 101 إلى 200 = 1.00 جنيه للكيلو واط. من 201 إلى 300 = 1.20 جنيهاً للكيلو واط. من 301 إلى 400 = 1.40 جنيهاً للكيلو واط. من 401 إلى 500= 1.60 جنيهاً للكيلو واط. من 501 إلى 600 = 1.80 جنيهاً للكيلو واط. من 601 ومافوق = 6.35 جنيهاً للكيلو واط.
Post: #171 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-15-2021, 07:23 PM Parent: #170
Quote: انارة 114 مدرسة بالطاقة الشمسية في 8 ولايات
أكملت شركة قرين باج تنفيذ مشروع إنارة (114) مدرسة بالطاقة الشمسية في ثمانية ولايات. و نفذت الشركة المشروع الممول من منظمة الأمم المتحدة للطفولة (يونسيف) ( وفق باج نيوز ) عن طريق 8 فرق عمل حيث إمتد العمل من الفشقة والقلابات شرقاً حتى اللعيت جار النبي غرباً في شمال دارفور. بجانب عدد من المحليات بالولايات الجنوبية مثل الروصيرص و الكرمك و قيسان بالنيل الأزرق بالإضافة إلى محليتي السلام و الجبلين في ولاية النيل الأبيض. و أكد المدير العام لشركة قرين باج أهمية المشروع في تطوير بيئة التعليم الأساسي و تحسين جودته، مشيراً إلى ضرورة تبني الدولة لمثل هذه المبادرات و الترتيب لتمويلها عبر شراكات مع القطاع الخاص و المجتمع الدولي. من جانبه أكد عبد الرحمن الدود ؛ رئيس وحدة التعليم باليونسيف في السودان أهمية الأثر الذي تركه المشروع بتهيئة الفصول للدراسة و التجمع و النشاط الصفي و اللا صفي مبيناً أن الطلاب سيحظون في العام الدراسي المقبل بتجربة دراسية أفضل بعد توفر الكهرباء داخل الفصول.
Post: #172 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-15-2021, 09:35 PM Parent: #171
Quote: بالنسبة لتكلفة الوقود من التكلفة الكلية فهي للدقة اكثر تبلغ حوالي ٦٠٪ و اما ال١٠٪ هي عبارة عن تكاليف التوليد الخاص (البارجة التركية بورتسودان + المحطات التركية في الفاشر و نيالا و كادوقلي تقريبا) ، وقد قمت بدمج البندين بغرض توضيح الصورة العامة للمصروفات التشغيلية (اعتبرت ان تكاليف التوليد الخاص كانها استهلاك للوقود فقط لتسهيل بيان المنصرفات التشغيلية) . استهلاك المحطات الحرارية للوقود تصل تكلفته السنوية قرابة المليار دولار. التكاليف التي حسبها البنك الدولي للتشغيل شملت الاهلاك و استرداد قيمة الاصول ل ٣٠ سنة، لكن التكلفة الخاصة بالتشغيل دون حساب استرداد قيمة الاصول تبلغ حوالي ٢ مليار دولار سنويا وفقا للنسب التالية: الوقود ٦٠٪ الاسبيرات و الصيانة ٢٠٪ التوليد الخاص ١٠٪ تعويضات العاملين ٤٪ التسيير ٦٪
تحياتي محمد ... استهلاك المحطات الحرارية ... يا محمد المحطات الحرارية لا تعمل بنفس الوقود ... الوقود المستورد هو الديزل والفيرنس ... لو مسكنا التوليد بالديزل .... لتوليد واحد ميجاوات لمدة ساعة واحدة يلزمك ٢٥٠ ليتر ديزل ... يعني توليد ١٠٠٠ كيلووات لمدة ساعة واحدة تحتاج لي ٢٥٠ ليتر ديزل ... لتوليد واحد ميجاوات لمدة يوم كامل = ٢٥٠×٢٤ = ٦٠٠٠ ليتر ديزل ٦٠٠٠ ÷ ١٥٨.٩ = ٣٨ برميل ديزل ... سعر ليتر الديزل في الطلمبات يعادل ٣١٠ جنيه .... المهم أن نعرف بماذا يساهم التوليد الحراري في المنتج اليومي من الكهرباء (٢٨٠٠ ميجاوات) ثم مدى مساهمة التوليد عن طريق الديزل والفيرنس وخام البترول والغاز كل على حدا في مجمل التوليد الحراري لاختلاف حساب التكلفة ... يا محمد نعم سعر الكيلووات ساعة اليوم هو الأرخص علي مستوى البلدان المجاورة والاقليم ... المشكلة هي غياب الشفافية في إدارة أمر يخص أغلب الشعب السوداني ... التكتم على الأزمة المزمنة التي تواجه قطاع الكهرباء وطريقة علاجها بالقطوعات الغير عادلة والغير معلنة والتي تتم بطريقة غير مهنية سوف تجلب المزيد من المشاكل حاليا ومستقبلا لقطاع الكهرباء في تنفيذ خططه لإصلاح القطاع ...
Post: #173 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-20-2021, 04:56 PM Parent: #172
Post: #174 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 09-20-2021, 09:02 PM Parent: #173
الليله بدت (خرمجه)قطوعات مسائيه -4 ساعات -عندنا بعد فتره كانت نهاريه يوم بعديوم
Post: #175 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-23-2021, 09:26 AM Parent: #174
Quote: الليله بدت (خرمجه)قطوعات مسائيه -4 ساعات -عندنا قبل فتره كانت نهاريه يوم بعد يوم
والله يا عاصم... وضع عجيب وغريب ... إنتظمت القطوعات يوم بالنهار ويوم المغرب ... بالصباح تبدأ من ٧ - ٨ لييييين ما بين ٢ نص وتلاوة ونص عصرا ... بالمغرب تبدأ ما بين ٥ ونص و٦ ليبيين ١٠ نص و١١ بالليل ... واليومين دي الشمس عاملا شغل مرتب وهي في طريقها إلى مدار الجدي ... سخانة نار ضلع مولعة عديييل ...
Post: #176 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-25-2021, 07:42 PM Parent: #175
Quote: دعا وزير الطاقة والنفط السوداني جادين على عبيد أنصار المجلس الأعلى لنظارات البجا بشرق البلاد للوصول إلى حلول عاجلة تجنب البلاد الخسائر المالية والفنية الكبيرة والأزمات البترولية. وقال الوزير في تصريحات صحفية اليوم السبت إن خط أنابيب وارد المنتجات البترولية توقف عن العمل بصورة كاملة بسبب الإغلاق كما توقفت محطات الضخ، مضيفا أنه "يوجد مخزون يكفي حاجة البلاد لمدة لا تتجاوز العشرة أيام فقط بالإضافة إلى استمرار الإنتاج في مصفاة الخرطوم بصورة طبيعية". وأكد الوزير استمرار تشغيل خط أنابيب خام البترول الذي يعمل على تصدير بترول جنوب السودان كما يعمل على مد محطة أم دباكر للكهرباء بالخام ويمد مصفاة الخرطوم بالخام بصورة جزئية، مضيفا أنه لا يزال مستمرا في الإمداد ويعمل بصورة طبيعية "إلا أن توقف الصادر بسبب منع إحدى البواخر من نقل الخام أدى إلى تخزينه في المستودعات الرئيسية بميناء بشائر". وقال: "هذا لن يستمر أكثر من عشرة أيام بعدها ستمتلي المستودعات بالخام وبالتالي الخط الناقل مما يجعله عرضه للتجمد والتلف". وأضاف: "يعد هذا الخط الأطول في إفريقيا حيث بلغت كلفته المالية حوالي 1.8 مليار دولار، إضافة إلى إيقاف الإنتاج في حقول دولة جنوب السودان، وفقدان عائدات النقل السنوي من الخط وقدرها 300 مليون دولار سنويا، وكذلك غرامات تأخير بواخر الشحن تفوق الـ 25 الف دولار في اليوم". وتابع "نأمل أن يتم الوصول لرفع حالة الإغلاق الراهن خلال مدة أقصاها أسبوع من اليوم لتفادي كل هذه الخسائر والأضرار".
التصريح دا مليان كضب ... مخزون لمدة عشرة أيام (فقط) ويقول ليك مصفاة الخرطوم شغاله بي صورة طبيعية ... طيب مصفاة الخرطوم تنتج ٧٠% من حاجة البلاد وممكن ترفع النسبة دي إذا توفر الخام ... بالنسبة لخط الأنابيب كلم سلفاكير يقفل البلوفة قبل ما يتملي آخر تنك واستغلها فرصة لصيانة الخط ... إتا بتقول في الكلام الفاضي دا عايز تحمل (ترك) جميلة إنو يسمح ليك تشتغل ؟ رتب أمورك الفنية وبطل تتدخل في الأمور السياسية ... دا شغل دولة مش جمعية تعاونية ...
Post: #177 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 09-29-2021, 11:35 AM Parent: #176
Quote: *إتفاق لتشغيل محطة سيمنس الألمانية بكنانييب* ::::::::::::::::::::::::::::::::::::: *الشركة: ملتزمين بتوفير محطات تحلية ببورتسودان خلال (٥)شهور* ::::::::::::::::::::::::::::::::::::: والي البحر الأحمر يلتقي بشركة(A. B. D)القابضة ::::::::::::::::::::::::::::::::::::: *والي الولاية يوجه بتذليل المعوقات لمشروع الكهرباء*
*المكتب الإعلامي*
*التقى والي ولاية البحر الأحمر المهندس عبدالله شنقراي بمكتبه بوفد شركة (A. B. D)القابضة برئاسة المدير التنفيذي للشركة مهندس مايكل لوكس؛ والمهندس بدرالدين على.*
*وتأتي زيارة شركة (A. B. D)للولاية لتنوير والي البحر الأحمر المهندس عبدالله شنقراي واطلاعه على الاتفاق الإطاري لتكلمة مشروع كهرباء محطة سيمنس الألمانية بمنطقة كنانييب بواسطة شركة (A. B. D) القابضة بنظام (البوت)*
*وأوضح المهندس بدرالدين على بأن الشركة القابضة قامت بطرح تشغيل محطة كهرباء سيمنس الألمانية ببورتسودان بالخرطوم بموافقة ورعاية كريمة من رئيس مجلس الوزراء دكتور عبدالله حمدوك؛ ووزير المالية دكتور جبريل إبراهيم ووزير الطاقة جادين وممثل لشركة سيمنس؛ مبيناً بأن تشغيل محطة كهرباء سيمنس الألمانية يستغرق (١١)شهراً لتشغيل المحطة.*
*وقال المهندس بدرالدين على بأن الشركة القابضة ملتزمة بإدخال عدد (٢)توربينه بطاقة حوالي (٣٠٠)ميغاواط؛ وتوفير مصدر مياه أمن لمدينة بورتسودان عبر محطة تحلية بجانب القيام بإنشاء وحدتين للمياه بطاقة (١٢ ألف متر مكعب) خلال خمسة شهور وذلك بتوجيه مباشر ومتابعة من رئيس مجلس الوزراء دكتور عبدالله حمدوك ووزير المالية ووزير الطاقة وبرعاية ومباركة والي البحر الأحمر.*
*وشكر المدير التنفيذي للشركة القابضة والي ولاية البحر الأحمر المهندس عبدالله شنقراي لتذليل المعوقات التي تواجه سير العمل بمحطة سيمنس الألمانية بكناييب وتوجيه الوالي المباشر للجهات المختصة.*
Post: #178 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 11-28-2021, 08:58 AM Parent: #177
درجة الحرارة في الخرطوم صباح اليوم ١٩ درجة ... توقف إستعمال المكيفات بجميع أنواعها لبرودة الطقس ليلا ... إنتظمت قطوعات الكهرباء بعد أن قل استهلاك الكهرباء بنسبة أكتر من النصف ... يعني لو كان الاستهلاك ٢٥٠٠ ميجاوات من المفروض أكتر من ١٠٠٠ ميجاوات فقط تجعل المستهلكين في بحبوحة كهربائية ... تصدقو وتأمنو بالله شكلها ال ١٠٠٠ ميجاوات غير متوفرة ... لي مهندسي الكهرباء نقول :- حارسين إيه ما تقومو تروحو ... أمس قطعت الكهرباء الساعة ٥ ونص عصرا ورجعت ٩ وثلث مساءا ... اليوم قطعت الساعة ٦ صباحا بالظبط ولم ترجع بعد ... الساعة ١٠ الان ... يتبع ...
Post: #179 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 11-28-2021, 09:32 AM Parent: #178
قصة الكهرباء في السودان تلخص قيمة هذا الفرد السوداني ... منذ الإستقلال (٦٥ عاما) وكسبنا من إنتاج الكهرباء ٢٥٠٠ ميجاوات ... الكويت (مساحتها زي محلية شرق النيل وأقل) تنتج ٤٠ الف ميجاوات ... الأمارات تنتج ٤٥ الف ميجاوات داخل الشبكة وقدرها خارج الشبكة لتسيير صناعاتها البترولية والثقيلة ... إنتاج الكهرباء في بلدان الخليج والتي إستقلت بعد السودان نتيجة لي مجهود تراكمي منذ سبعينيات القرن الماضي ونتيجة لي رؤيا صحيحة من حكام هذه الدول في أهمية الكهرباء لبناء ونهضة (الدولة) ... وشتان ما بين حكام هذه الدول (الاميين) وحكام السودان منذ الإستقلال ( مجموعة فاشلين في السياسة والاقتصاد وبناء الدولة)
Post: #180 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 11-28-2021, 01:30 PM Parent: #179
الساعة ٢ إلا ٥ دقايق ... رجعت الكهرباء ... ٨ ساعات وأمس ٤ ساعات في فصل الشتاء ... لا فرق بين شتاء وصيف وخريف ... لا يوجد رادع للفساد الذي يعم قطاع الكهرباء ... صرفت أموال طائلة خلال ال ٦ أشهر الأخيرة لتحسين توليد ونقل وتوزيع الكهرباء ومع ذلك يزداد الوضع سوء لغياب المحاسبة وتحديد المسؤوليات الفنية والإدارية وعدم الشفافية ...
Post: #181 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 11-30-2021, 06:02 AM Parent: #180
أمس قطعت الساعة ٥ مساء ورجعت ٩ ... اليوم قطعت ٥ و٢٠ دقيقة صباحا ... ونشوف متى بترجع ... منذ يناير الماضي تم صرف أموال طائلة للصيانة والاسبيرات ... في يوليو أيضا تم صرف المزيد من الأموال للصيانة والاسبيرات ... يبقى حكاية صيانة واسبيرات بقت زي ساقية جحا ... يصرف عليها وأحوال الكهرباء ماشى للأسوأ ... فضوها سيرة وقفلو محطات التوليد ورجعنا للعصر الحجري ... المافي شنو ...
Post: #182 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 11-30-2021, 01:29 PM Parent: #181
٨ ساعات و٤٠ دقيقة ... رجعت الكهرباء الساعة ٢ بعد الظهر ... إعتاد مسؤولو الكهرباء عن عدم الإعلان عن تفاصيل برنامج القطع منذ أن بدأت أزمة القطوعات منذ أكثر من عام كامل ... وإن لم يفتهم الإعلان عن قطوعات بصفة عامة لأسباب متشابهة (وقود وصيانة واسبيرات) ... الجديد هنا هو إلتزام الصمت المطبق عن ما يجري منذ أكثر من إسبوع عن إنتظام القطوعات التي تنم عن أزمة حقيقية ... في الغالب السبب معلوم لعدم وجود وزير يتحمل المسؤولية ...
Post: #183 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 12-14-2021, 08:09 PM Parent: #182
دي مصيبة شنو دي الواقعين فيها مع العواليق ناس الكهربا ديل ....- السبت 4 ساعات ليلا الأحد 7 ساعات ونص نهارا الإثنين 4 ساعات ونص ليلا اليوم قطعت قبل التاسعة صباحا ورجعت قبل أذان المغرب بي 5 دقائق ..... اليوم قطع الكهرباء كان مؤلم بي درجة عالية جدا ..... السبب عنجهية ناس الكهربا وعدم إحترامهم لمشتركيهم كافة ...
Post: #185 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 12-23-2021, 07:22 PM Parent: #183
سلام عليكم صلاح
Post: #186 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 01-13-2022, 11:09 AM Parent: #185
هلا عاصم ... فكي جبرين عامل فيها waw ضكر ... من السبت بدأت برمجة القطوعات يوميا ... ٥ ساعات نهارا و٣ إلى ٤ ساعات ليلا ... السبب عدم وجود دولارات لشراء الفيرنس ... طبعا إيلام وقهر الشعب السوداني من متطلبات المرحلة الراهنة ... صرف الدولار لحركات النهب المصلح وحتى بيع الدولارات في مزادات معلنة عن طريق بنك السودان لم يتوقف إلى يومنا هذا ... الإستراتيجية واضحة جدآ ...
Post: #187 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 03-02-2022, 05:49 PM Parent: #186
اليوم الكهربا قاطعة من ١٢ ونص منتصف النهار ورجعت ٥ دقائق بعد السادسة مساءا ... مزبطين القطوعات مع درجة حرارة البلد ... اليوم لأول مرة تلامس الحرارة درجة 40C ... عذاااااب مقنن ...
Post: #188 Title: Re: حصيلة قطع الكهرباء اليومي ... تسقط حكومة ال Author: علي عبدالوهاب عثمان Date: 03-02-2022, 05:57 PM Parent: #187
حبيبنا ودالزبير تحياتي الله يكون في العون ورمضان على الابواب
الحل يتفقوا مع اثيوبيا لتحويل المنتج الجديد من كهرباء سد النهضة يتحول للسودان ونحن نكون معاهم او حميدتي يتفرغ للكهرباء
الله يكون في العون الصيام حيكون صعب جداً
تحياتي ودالزبير شكرا لتنويرنا بما يجري في الوطن
Post: #189 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 03-02-2022, 05:59 PM Parent: #187
Quote: اليوم الكهربا قاطعة من ١٢ ونص منتصف النهار ورجعت ٥ دقائق بعد السادسة مساءا ... مزبطين القطوعات مع درجة حرارة البلد ... اليوم لأول مرة تلامس الحرارة درجة 40C ... عذاااااب مقنن ...
سلام عليكم صلاح قطعت عندنا فى الشغل بدرى شويه (سقم الخدمات عندنا طلع من علبو وحسن علينا بتشغيل المولد لظروف الامتحانات ومر الدوام بسلام) رجعت البيت-العصر- لقيتها قاطعه طبعا المويه السخف انقطاعها الدائم خلفيهومقدمه لمعاناه قطوعات الكهرباء وكالعاده لااحترام للمواطن حتى لو باعلان او تصريح صحفى عابر خجول (بعد زيادات الكهرباء)
Post: #190 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 03-02-2022, 06:26 PM Parent: #189
مرحب حبابك حبيبنا علي ... اخونا نصر عندو بوست عن سد النهضة كتبتا فيهو المداخلة أدناه عشان تعرف وتتنور عن عظم مصيبتنا العملوها لينا حكامنا منذ الاستقلال وجو الكيزان فاقمو المصيبة ...
Quote: تحياتي نصر ... الكهرباء عماد النهضة ... كهرباء إنارة المدن والقرى ليست هي المقصودة بي عماد النهضة ... لو في زيارتك للسودان دخلت محلات أولاد أمدرمان للحوم بتلقى في نوعين من اللمبات ... ١٨ وات و٤٠ وات ... عارف واحد ميجاوات فيهو مليون وات ... يعني ٤٠ ميجاوات ممكن تنور ليك مليون لمبه ابو ٤٠ وات ... وكذلك ١٨ ميجاوات لي مليون لمبه ابو ١٨ وات ... يعني ٥٨ ميجاوات/ساعة ممكن تولع ليك ٢ مليون لمبه ... في المزرعة ممكن طلمبة ماء واحدة تاخد من ٧٠٠ لي ألف كيلوات ... يعني الميجاوات الواحد فيهو ١٠٠٠ كيلوات ... يعني في مشروع زادنا نواحي بربر في ١٢ طلمبة ماء محتاجة ما بين ١٠ لي ١٢ ميجاوات في الساعة عشان ترفع الماء من النهر لي ترعة المشروع ... تعال شوف كم مشروع زراعي توقف بسبب عدم توفر الكهرباء وعدم جدوى استعمال الجازولين اقتصاديا ... صناعيا تستهلك الضواغط Compressors وال Heat Exchangers والكثير جدا من المعدات للكهرباء من ٥ ميجاوات وإنتا طالع ... يعني يحتاج السودان لي آلاف الميجاوات للزراعة والصناعة إذا أردنا أن ننهض بهذا البلد ... ما يجود به الحبش والمصريين اليوم ... ١٠٠ ميجاوات من المصريين و٧٠ ميجاوات من الحبش ... الإنقاذ قالت في يونيو ١٩٨٩ كان إنتاج الكهرباء ٥٠٠ ميجاوات مائي وحراري ... اليوم أقصى ما ننتجه هو ٢٨٠٠ ميجاوات بعد رزالة فكي جبرين وضعف من يقوم بي عملية الصيانة ... يعني الإنقاذ أضافت ٢٣٠٠ ميجاوات في ٣٠ عام في نفس الوقت الذي وسعت فيه شبكة توزيع الكهرباء لتضم معظم ولايات السودان ماعدا دارفور ... المعروف بديهيا إنتاج الكهرباء وتوسعة الشبكة للمزيد من المستهلكين تتناسب طرديا ... يعني عايز توسع الشبكة لتشمل مدينة أو مدينتين لابد من إنتاج كهرباء تفي بمتطلبات هاتين المدينتين ... كان امتداد الشبكة الكهربائية مع محدودية إنتاج الكهرباء نوع من أنواع الكسب السياسي الرخيص ... يعني شبكة ضخمة زي دي وكل النشاط الذي تقوم به هو إنارة المدن والقرى ... لم يتجرأو بإدخال بعض المشاريع الزراعية الصغيرة الا في آخر عهدهم ... المطلوب من اي حكومة تستلم مقاليد البلد هو التركيز في توليد الكهرباء للزراعة والصناعة على قدر ما تقدر عن طريق القروض وعن طريق القطاع الخاص وعن طريق نظام ال BOT* مع الشركات العالمية المصنعة ... يجب أن نمتلك عماد نهضتنا بأنفسنا بانتاج آلاف الميجاوات من الكهرباء وبعد ذلك لا مانع من إستقبال فائض كهرباء الحبش أو المصريين ك Backup. BOT = Build, Operate, and Transfer * يعني الشركات العالمية تجيب مكنات التوليد وتركبها وتنتج الكهرباء وتبيعها لي شركة التوزيع الحكومية لمدة زمنية متفق عليها (قول ٢٠ سنة) وبعد إنقضاء المدة تنتقل ملكيتها للحكومة ...
Post: #191 Title: Re: حصيلة قطع الكهرباء اليومي ... تسقط حكومة ال Author: علي عبدالوهاب عثمان Date: 03-02-2022, 06:36 PM Parent: #190
الحبيب ودالزبير يا سلام على الخبرة خطير خطير ودالزبير اسمح لي أنقل المداخلة لقروبات دنقلا الاصالة والتاريخ في جدال شديد في الكهرباء أنا ملاحظ أن المصريين دائما الأولوية للكهرباء السيسي زاد توليد الكهرباء بصورة ضخمة بكل انواع توليد الطاقة تقريبا عندهم فائض
تحياتي الحبيب ودالزبير
Post: #192 Title: Re: حصيلة قطع الكهرباء اليومي ... تسقط حكومة ال Author: علي عبدالوهاب عثمان Date: 03-02-2022, 06:47 PM Parent: #191
حبيبنا ودالزبير تحياتي الآن خبر في موقع النيلين الاخباري الوزير ربما رأى مصر هي الحل
Quote: أكد وزير الطاقة والنفط المهندس محمد عبد الله محمود، أهمية زيادة الربط الكهربائي مع مصر، لاسيما في مثل هذه الظروف التي يمر بها السودان وذلك للوصول إلى (300) ميغاواط على المدى القريب و(1000) ميغاواط على المدى البعيد. وبحث الوزير لدى لقائه بمكتبه اليوم السفير المصري لدى السودان حسام عيسى، بحضور مدير عام شركة نقل الكهرباء السودانية ومدير المشروع، استعجال الخطوات الفنية المتعلقه بالمشروع وعلى رأسها وصول المعدات والأجهزة لمحطتي (دنقلا ومروي) والتصميم الخاص بالأعمال المدنية من شركة سيمنس الألمانية التي يتعاقد معها الجانب المصري، وتناول اللقاء بناء القدرات والتدريب على مستوى الكهرباء والطاقات المتجددة والنووية. وأمّن الوزير على التعاون مع مصر في المجالات المطروحة، مؤكداً استعداد السودان للتوقيع النهائي على مشروع الربط الكهربائي بين البلدين، مثمناً عمق العلاقات بين البلدين الشقيقين. ومن جانبه، أعرب السفير المصري، عن استعداد مصر للتعاون مع السودان في كافة المجالات وعلى رأسها الطاقة والكهرباء، مشيراً إلى توجيهات الرئيس عبد الفتاح السيسي بالتعاون مع السودان وزيادة الربط الكهربائي إلى ألف ميغاواط، مؤكداً أن أول أسبوع من إبريل القادم سوف توصل الأجهزة والمعدات الخاصة بمحطتي دنقلا ومروي لاستيعاب زيادة الربط الكهربائي من (70- 300) ميغاواط
شايف كمان محطة دنقلا ( خبر جميل ) ضاع الموسم الشتوي بسبب الكهرباء
الحبيب ودالزبير ما هو تقييمك حسب خبرتك أو الوزير يريد تبرير لكارثة الكهرباء وكأن الحل في القنصلية المصرية ومخرج له بأنه يعمل لحل المشكلة
تحياتي الحبيب
Post: #193 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 03-02-2022, 07:23 PM Parent: #192
يا علي ... الحبش عملو سد توليد الكهرباء وسموهو سد النهضة لأنو الكهرباء هي فعلا عماد النهضة والسد فعلا شايل اسمو لأنو حا ينتج ليهم ٦ ألف ميجاوات تستغل في الصناعة والزراعة ... بعدين لازم نفهم إنو لا المصريين ولا الحبش ولا أوربا أو امريكا زاتا عندهم مصلحة في نهضتنا ... يعني مستحيل المصريين والحبش يدوك كهربا تساعدك في النهضة ... يعني ممكن يدوك كهربا عشان تنور مدنك وقراك الإنتا أصلان فشلت في انارتهم بحد أقصى من ١٠٠ لي ٣٠٠ ميجاوات .. يجب توجيه مواردنا ومساعدة الأصدقاء لي توليد الكهرباء من عدة مصادر وبكل الطرق الممكنة ... يجب امتلاك عماد نهضتنا بما ننتجه بايدينا وليس بما يجود به علينا المصريين أو الحبش ...
Post: #194 Title: Re: حصيلة قطع الكهرباء اليومي ... تسقط حكومة ال Author: علي عبدالوهاب عثمان Date: 03-02-2022, 07:35 PM Parent: #193
Quote: يجب امتلاك عماد نهضتنا بما ننتجه بايدينا وليس بما يجود به علينا المصريين أو الحبش
يا ريت حبيبنا الزبير نحن ناس نحب الجاهز بدون بذل أي مجهود الدولة مهتمة اليوم برسم الحدود بين القبائل والمحليات كأولوية أولى ربما الكهرباء ليست في اجندتها سد النهضة لاحظت الحماس والجدية لدى الاثيوبيين في بناء السد عمال ومهندسين ... الخ
مشكلتنا كبيرة حبيبنا الزبير
جزاك الله خير تابع لينا اخبار الكهرباء بوست مميز
Post: #195 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 03-03-2022, 08:30 AM Parent: #194
تحياتي عاصم ... البلد دي ما فيها فصل الربيع ... مطلع مارس والساعة ٨ صباحا وأشعة الشمس تلحم الحديد ... غضب الله .. لا حولا ولا قوة إلا بالله ... تعرف يا عاصم من رحمة ربنا إنو معظم أحياء شرق النيل مويتها من مجموعة بيارات منتشرة وسط الأحياء ومرتبطة مع بعض عن طريق شبكة واحدة وما عندها علاقة بي موية الحكومة إلا إذا احتاج تغيير طلمبة أو اعطال كبيرة وعادة بنتصل في قسم البيارات وبندفع ليهم عديييل ... عشان كدا ما عندنا مشاكل مياه ... البشرى إنو هذا الصيف سوف يكون الأسوء حسب ما بشرنا بيها مسؤول في إدارة الكهرباء ... طبعا قري3 ومحطة سيمنس في بورتسودان والمفترض تشغيلهما في مارس ٢٠٢٢ حسب كلام رئيس الوزراء حمدوك في أغسطس الماضي راح شمار في مرقة ... المحطتين ديل المفروض يضيفو ٨٠٠ ميقاوات للشبكة ... كلام حمدوك وزيارته لقري موجود في هذا البوست ...
Post: #196 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 03-04-2022, 09:46 AM Parent: #195
قال تصحيح مسار وليس بانقلاب ... طيب صحح كويس :-
Quote: 📛 عاجل وزير المالية جبريل كل ما اوضحته وزارة المالية للموقف المالي الآن هو بدواعي تمليك شعبنا الكريم واقع أمرنا الآن و اقولها بكل صراحه اذا لم تتوقف مليونيات الشباب المهلك جدا لموارد البلاد الأصلا اصبحت معدومة سوف نعلن للاسف عما قريب إفلاس الدولة تماما عاااااااجل وزير المالية جبريل الكهرباء و الماء تحتاج ما قيمته 120 مليون دولار ولا نمتك مقابل هذا إلا فقط 5 مليون دولار لذلك نناشد أولادنا المغتربين بأن يحولو عبر المصارف من اجل الوطن و نوضح لشعبنا الكريم اذا لم تتوفر مصادر التمويل سنعيش صيف خانق بالنسبة للمياة و الكهرباء ...
Post: #197 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 03-04-2022, 11:17 AM Parent: #196
وزير المالية عندو دكتوراة في الاقتصاد (من جامعة ام دقرسي) ... أكرم ليك تقدم استقالتك وتقعد مع عيالك في البيت ... دا المزاد التاني لبيع الدولار ... ويقول ليك عندنا ٥ مليون بس ...
Quote: يعلن بنك السودان المركزي عن قيام مزاد النقد الأجنبي رقم 02/2022
إنفاذاً لسياسات بنك السودان المركزي للعام 2021م لتطبيق سياسة سعر الصرف المدار وفي إطار الجهود المبذولة لاستقرار سعر صرف الجنيه السوداني، يعلن بنك السودان المركزي عن قيام مزاد النقد الأجنبي رقم 02/2022 فى يوم الأحد الموافق 16 يناير 2022م وذلك وفق الآتي:
رقم المزاد: 02/2022 مبلغ المزاد الكلي: 60 مليون دولار امريكي الحد الأعلي لقيمة الطلب المسموح بتقديمه من كل مصرف كنسبة من حجم المزاد الكلي 20%. موقع المزاد : بنك السودان المركزي ، الطابق الرابع ، الإدارة العامة للأسواق المالية - خلال الفترة من الساعة 7:00 صباحاً الي 10.00 صباحاً.
Post: #198 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 03-05-2022, 10:16 PM Parent: #197
قال البلد فيها ٥ مليون دولار فقط لا غير ... أظن تحولها لي جماعتك في الكفاح المصلح ... هم أحق من كهربة وموية البلد ...
Post: #199 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 05-16-2022, 10:51 PM Parent: #198
كب أحححح .... باكر ....
Post: #200 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 05-17-2022, 06:53 AM Parent: #199
Post: #201 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 05-17-2022, 07:14 AM Parent: #200
صيف ٢٠٢٢ يعتبر صيف تاريخي ... اقسمبلاي درجة الحرارة اول أمس قريتا في تلفوني دا وقاعد في الضل كانت ٥١ c ... أول أمس كان يوم تاريخي ... يوم السبت قطعو الكهربا ٥ مساء ورجعوها ١١ ونص ليلا ... الكهربا الرجعوها مضروبا بتشغل ليك مكيفين بس لكن لو ولعت لمبه ١٨ وات بس بتفصل الكهربا لمدة ٥ دقايق وترجع .... المهم صبحنا الأحد قطعو الكهربا ٧ صباحا رجعوها ٤ عصرا ... أمس قطعوها ٦ عصرا ورجعوها ١٠ مساءا ... اليوم والله العظيم قطعت ١٥ دقيقة قبل الساعة ٥ صباحا ... ونشوف حا ترجع متين ... البلد تنقصها تماما أساسيات الحياة ... لا لا مش الحياة الكريمة ... ياخي أكسجين الله والرسول دا في تلتله اذا كانت الحرارة في الظل ٥١ درجة ... ولسع غربان السياسة يتعاركون في مزعة عضم خالي لحم ... سبحان الله ...
Post: #202 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 05-18-2022, 08:48 AM Parent: #201
مشكلتان لا حل لهما للمواطن السوداني ... ١ :- مشكلة توفر الكهرباء وأظن البوست غطى هذه المشكلة ... ٢ :- مشكلة أسعار الكهرباء أو غلوتية اسعار الكهرباء ...
ياخي أعتى الديكتاتوريات لم تفرض ما فرضه فكي جبرين على عامة الشعب السوداني ... ما ممكن ترفع سعر الكيلوات من 6.34 لي 44.34 جنيه وبدون اعلان وبدون خيارات ... تدفع مقدما تنال كهربتك ما دفعت ترجى الله في الكريبه وما عليك إلا ترفع يديك لي الله بأخذ فكي جبرين ومن والاهو أخذ عزيز مقتدر ...
Post: #203 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 05-18-2022, 09:11 AM Parent: #202
عندي مكيفين الواحد فيهم بيستهلك 1.2 كيلوات في الساعة ... وفي ظل الجو الجهنمي الذي يجتاح البلاد لا مفر من تشغيل هذه المكيفات خلال ال ٢٤ ساعة ... يعني محتاج ٥٨ كيلوات للتكيف فقط ... إنارة وادوات كهربائية اديهم 0.5 كيلوات في الساعة ... يبقى في اليوم ١٢ كيلوات + ٥٨ = ٧٠ كيلوات ... ٧٠ كيلوات سعرها ٣١٠٠ جنيه يوميا ... يعني شهريا محتاج لي ٩٣ الف جنيه كهرباء فقط ... فتأمل ...
Post: #204 Title: Re: حصيلة قطع الكهرباء اليومي ... تسقط حكومة ال Author: Asim Ali Date: 05-18-2022, 03:23 PM Parent: #202
Quote: وبدون اعلان وبدون خيارات ... تدفع مقدما تنال كهربتك ما دفعت ترجى الله في الكريبه وما عليك إلا ترفع يديك لي الله بأخذ فكي جبرين ومن والاهو أخذ عزيز مقتدر ..
تدفع مقدما لبضاعه تتوفر ساعه وتغيب ساعات حمايه مستهلك مجرد شعار طالما دفها مقدما لخدمه يجب تتوفر ويكون فى اعتذار فى حال هدم توفرها زى اى دوله تحترم شعبها احيانا بسال نفسى هل فعلا نحنا حكومتنا حاسبانا بشر؟؟
Post: #205 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 06-09-2022, 11:11 AM Parent: #204
واقترح أيضا بتغيير كل هؤلاء السياسيين الموجودين في السلطة وفي الأحزاب ... تغييرهم بي مشاريع تصب في مصلحة المواطن السوداني ... واقترح السيدة عوضية سمك السيدة المنتجة والتي صارت رقما بفضل نجاحها العملي كرئيس للبلد يساعدها شخصيات منتجة زيها كدا ... سياسيينا ديل ما يستحقو غير الدق في جعباتم بي سوط العنج ...
Post: #206 Title: Re: حصيلة قطع الكهرباء اليومي ... تسقط حكومة ال Author: Salah Zubeir Date: 06-09-2022, 03:33 PM Parent: #205
Quote: واقترح أيضا بتغيير كل هؤلاء السياسيين الموجودين في السلطة وفي الأحزاب ... تغييرهم بي مشاريع تصب في مصلحة المواطن السوداني ... واقترح السيدة عوضية سمك السيدة المنتجة والتي صارت رقما بفضل نجاحها العملي كرئيس للبلد يساعدها شخصيات منتجة زيها كدا ... سياسيينا ديل ما يستحقو غير الدق في جعباتم بي سوط العنج ...
الكلام دا طبعا ما هجايص وأعنيه تماما ... المنطق بقول بلدنا في حوجة لمن يعمل على استغلال هذه الموارد الضخمة لمصلحة الوطن والمواطن ... منذ أكثر من ثلاث سنوات سمعنا من معظم السياسيين الموجودين في الساحة .. هل ذكر أحدهم برنامج عملي ينتشل هذه البلاد من الهاوية التي تشد الخطى نحوها ... هل ذكر أحدهم هدنة لمدة شهرين أو ثلاث ليتفرق أصحاب الشأن لتخفيف المعاناة المعيشة عن هذا المواطن السوداني ... هؤلاء السياسيين ومن كل الأنواع لا فائدة ترجى منهم ... والله العظيم السيدة عوضية سمك سوف يكون أداءها افضل منهم بمراحل ... هو السياسيين ديل ما مواطنين سودانيين ...
